Radøy kommune Sæbø skule Robert Lorang Hansen Sæbø skule, Radøyvegen 1690 5936 MANGER Referanser: Saksbehandlar: Dato: Dykkar: 29.03.2016 Vår: 15/1996-16/4332 rolf.sandstad@radoy.kommune.no Referat frå SU/SMU-møte Sæbø skule 10.03.2016 Tid: Stad: 10.03.2016 kl.18:30 Møterommet Sæbø skule Forfall: Agnes Hoshovde Bernes meldte forfall. Vara Jon Askeland møtte som vara. Sakliste: 1. Godkjenning av innkalling. 2. Godkjenning av referat frå møte 28.01.2016. Sjå vedlagt epost frå leiar med merknader. 3. SMU-sak. Godkjenning av årsplan for arbeidet i SU/SMU. Sjå vedlagt framlegg til årsplan frå leiar. 4. SMU-sak Arbeidet med psykososialt miljø ved Sæbø skule. 5. SMU-sak Nye ordensreglar, framlegg frå arbeidsgruppa. 6. Eventuelt andre saker. Sak 1: Godkjenning av innkalling Innkallinga vart godkjent med ordensreglane som ekstrasak. Samrøystes vedtak Sak 2: Godkjenning av referat frå sist møte Leiaren sine merknader som var lagt ved innkallinga vert å innarbeida i referatet frå sist møte. Det nye referatet frå 28.01. får overskrifta: Oppdatert Referat frå SU/SMU-møte Sæbø skule 28.01.2016. Post Kontakt www.radoy.kommune.no postmottak@radoy.kommune.no Telefon +47 56 34 90 00 Konto 3636 07 00776 Radøyvegen 1690, 5936 Manger Telefaks +47 56 34 90 01 Org.nr. 954 748 634
Dette kom fram under gjennomgangen av referatet frå sist møte: Sak 4: Investeringsmidlar til uteområdet. Første møte i gruppa er gjennomført. Neste møte vert i april. Investeringsmidlane må nyttast i løpet av 2016. Sak 6: Skulen si heimeside. Utvalet ønskjer at nettsida skal nyttast aktivt. Skulen må leggja ut små og store gladnyheter frå dagleglivet på skulen. Det vil bidra til auka bruk av heimesida. Dei som ynskjer kan spreia dei via Facebook eller andre sosiale medier. Eksempel kan vera påskeaktivitet, aktivitetar organisert av trivselsleiarane eller anna. Eit bilete og litt tekst er alt som skal til. Målet er å skapa positiv merksemd om det vi faktisk gjer. Møtereferatet vart samrøystes godkjent med innarbeiding av merknader frå leiaren. Sak 3, SMU-sak: Godkjenning av årsplan for arbeidet i SU/SMU. Sjå vedlagt framlegg til årsplan frå leiar. SU/SMU ser det som viktig at det vert samanheng mellom SU/SMU sin årsplan og dei styringsdokument som gjeld for kommunen. Det må og vera god samanheng mellom årsplanen og rettleiaren Utdanningsdirektoratet har utarbeidd for medlemmar av skulemiljøutval. Utvalet vedtek framlagt årsplan slik den ligg føre. Samrøystes vedtak Sak 4, SMU-sak: Arbeidet med psykososialt miljø ved Sæbø skule Rektor orienterte: Omgrepet «Psykososielt miljø» er henta frå 9a i opplæringslova. I skulen snakkar vi om arbeidet med å utvikla elevane sin sosiale kompetanse. Dette er grunnleggjande for klassemiljø og læringsmiljø. Alle klassar arbeider med klassemiljøet med ulike program. Dette er mitt val (Lions Quest) 1234 Dette er mitt val (567) Steg for steg, mest i småskulen. ART, Førebels i 4. og 5. Småskulen har samling kvar mondag i amfiet. Tema innanfor sosial kompetanse vert presentert og jobba med klassevis. Storskulen har i år ikkje hatt amfisamling fast på planen, og jobbinga med sosial kompetanse vert kontaktlærar og teamet sitt ansvar. Det vert jobba systematisk med temaet i alle klassar, men vi ser at vi ikkje har ein god nok plan over kva vi gjer. Arbeidet med ny plan starta på nyåret, samtidig med oppdatering av handlingsplan mot mobbing, og justering av ordensreglane. Så langt er det berre ordensreglane som er ferdige. Side 2 15/1996-5
Vidare ønskte SU/SMU konkret orientering om det som har stått i avisene. Rektor orienterte generelt om saka. Punkt frå den vidare diskusjonen: Utvalet ønskte meir informasjon med fokus på korleis situasjonen er no, og vegen framover. Foreldrerepresentantane har fått tilbakemelding frå foreldere som ikkje var nøgde med det kommunalsjefen uttalte til avisene. Feil fokus å snakka om tal og ungdomsskulen i denne samanhengen. Saka handlar om Sæbø skule. Rektor sa at kommunalsjefen fekk spørsmåla skriftleg frå avisa, og svara skriftleg på dei spørsmåla han fekk. Vinklinga i avisa er eit val redaksjonen har gjort. Elevrådsrepresentantane seier at dette ikkje er noko dei ikkje ser i dei eldre klassestega, sjølv om det kan vera tilfelle av mobbing der og. Dei meiner det som har stått i avisene sikkert er mellom dei minste elevane. Ho seier og at dei vaksne som er ute har godt oversyn over kva som skjer. Foreldrerepresentantane reagerer og på at observasjon på skulen vert kunngjort i lokalavisene utan at det var kjent for foreldra. Rektor sa då at straks han såg at Strilen skreiv om observasjon på skulen, la han ut orientering til heimane på skulen si heimeside. o Konsulenten skal i utgangspunktet nyttast i nokre av klassane, og med fokus på læringsmiljø/klassemijø. Skulen ønskjer å avdekka om dette er innanfor kravet i 9a. o Ein av grunnane til denne kartlegginga er at nokre foreldre i nokre av klassane har vendt seg til skulen med spørsmål om læringsmiljøet er innafor lovkravet i 9a. o Han skal i utgangspunktet ikkje snakka med einskildelevar eller heimar. Dersom dette skulle verta aktuelt, vil aktuelle heimar få førespurnad om dette. Rektor ber foreldra ta kontakt med skulen om det er noko dei ikkje er nøgde med. Rektor orienterte om søknad til Statped Vest om «Systembaserte tenester». o Skulen har hatt drøftingsmøte saman med PPT og StatPed Vest, og søknad er sendt. o Skulen sine prioriteringar i søknaden er: Betre læringsmiljø/klassemiljø og betre læringsutbytte. o Dersom svaret vert positivt, vil vi truleg koma i gang med dette samarbeidet no i vårhalvåret. o «Det er i etterkant av møtet stadfesta at skulen har fått positivt svar på søknaden, og at samarbeidet med Statped vil vara i minst to år.» (Tilføying frå rektor til orientering) Foreldrerepresentantane presiserte kor viktig var at skulen var kjapt ute med enkel, presis og relevant informasjon til heimane, helst før dei les det i lokalavisene. Utvalet støtta dette, og gav utvalsleiar og rektor ansvar for utarbeiding av infoskriv til alle heimane, både i papirutgåve og på heimesida. Utvalsleiar oppfordra alle til å vera klare, tydelege og profesjonelle både i språkbruk og handtering av denne saka i alle fora. Dette gjeld både elevar tilsette og foreldre. Rektor orienterte vidare om at Fylkesmannen skal ha tilsyn med Radøy kommune i april. Tema er: «kommunen sitt ansvar for at skulane oppfyller krav i opplæringslova kap 9a om elevane sitt psykososiale miljø». Tilsynet er i tillegg knytt til sak ved Sæbø skule. Skrivet frå Fykesmannen er unnateke offentleg innsyn. Rektor vurderer det slik at det er delar av innhaldet i skrivet som ikkje er offentleg. At kommunen skal ha tilsyn er ikkje unnateke innsyn. Difor får SU/SMU denne munnlege orienteringa. Orienteringa vart teke til etterretning. Side 3 15/1996-5
Sak 5, SMU-sak: Nye ordensreglar, framlegg frå arbeidsgruppa. Utvalet gjekk gjennom framlegget frå arbeidsgruppa: Reglane er forenkla i språkbruken. Ein har og omformulert til å peika på korleis vi ønskjer å ha det i staden for kva vi ikkje ønskjer. Det er og utarbeidd ei enkel visualisering med lett forståeleg tekst ut frå 8 gylne og lett forståelege reglar for god åtferd. Utvalet meiner dette vil fungera godt også mellom dei yngste elevane. Lag illustrasjonane som oppslag, og spreie dei rundt i skulebygget slik at det er godt synleg for alle. Utvalet gav honør til arbeidsgruppa for godt og kreativt arbeid. Diskusjon rundt punktet om mobilbruk i skulen: Alle var samde om at elevane ikkje skal ha mobil i skuletida. Dei som har mobil med, leverer dei inn når dei kjem på skulen. Elevane meinte skulen måtte ha erstatningsansvar for innleverte mobilar, om dei vart borte, eller var øydelagte når dei fekk dei att. Rektor meinte at skulen pålegg ingen å ta med mobil på skulen. Skulen har ikkje ansvar for utstyr elevane tek med seg på eige initiativ. Regel 7 i ordensreglane seier at elevane tek med slikt utstyr på eige ansvar. Skulen vil likevel leggja opp til å ta vare på mobilane på ein god og trygg måte, men utan erstatningsansvar. Vedtak: Ordensreglane vert godkjent slik dei ligg føre. Erstatningsansvar for mobilane vert å avklare før saka vert sendt til formannskapet. Dersom mobiloppbevaring skal det vera sikker oppbevaring, innelåst. Siste ark: «Føresette og eleven sitt ansvar». Ikkje del av ordensreglane, blir flytta til rutinar, «Slik gjer vi det på Sæbø skule». Samrøystes vedtak. Sak 6: Eventuelt andre saker. Bjørg Lilletvedt la fram liste over manglande vakter frå januar til mars. Rektor ba om å få lista for å setja inn tiltak for å betra dette. Møtet slutt kl.20:00 Neste møte. 12.mai kl.17:00 Arve Hagesæter Leiar sekretær Med helsing Rektor Sæbø skule Dette dokumentet er elektronisk godkjent og har difor ingen signatur. Side 4 15/1996-5
Vedlegg: Ordensreglar vedtekne i SU_SMU_2016_03_10 Årsplan for arbeid i SU_SMU Mottakarar: Agnes Hoshovde Bernes Vetåsvegen 161 5938 SÆBØVÅGEN Arve Hagesæter Radøyvegen 364 5938 SÆBØVÅGEN Bjørg Lilletvedt Sæbø skule, Radøyvegen 1690 5936 MANGER Elin Sørlid Hjønnevåg Sæbø skule, Radøyvegen 1690 5936 MANGER Elise H. Skråmestø Sæbø skule, Radøyvegen 1690 5936 MANGER Grethe Jørgensen Austesundvegen 7 5938 SÆBØVÅGEN Gunn-Marit Røssland Sæbø skule, Radøyvegen 1690 5936 MANGER Ingvill Taule Sjoleitet 9 5938 SÆBØVÅGEN Ivan S. Valdersnes Sæbø skule, Radøyvegen 1690 5936 MANGER Jon Askeland Radøyvegen 1690 5936 MANGER Liv Berit Rath Nordre Austmarka 5938 SÆBØVÅGEN Randi Herstad Børtveit Sæbø skule, Radøyvegen 1690 5936 MANGER Robert Lorang Hansen Sæbø skule, Radøyvegen 1690 5936 MANGER Solveig Elvik Slettevegen 100 5936 MANGER Side 5 15/1996-5