Arkiv: K11 Arkivsaksnr: 2014/1974-42 Saksbehandlar: Bodil Gjeldnes Saksframlegg Utval Utvalssak Møtedato Hovedutval for teknikk, miljø og næring 2/17 08.02.2017 Vedlegg 1 Tabell over viktige friluftsområde 2 Kart over friluftsområde Saksopplysningar Surnadal kommune starta hausten 2014 opp eit arbeid med kartlegging og verdsetting av friluftsområde. Formålet med ei slik temakartlegging er først og framst å tydeleggjere areala og traseane som er viktigast for innbyggarar og tilreisande. Tilgang på friluftslivsområde av høg kvalitet er avgjerande for livskvalitet og folkehelse. Friluftslivet har og stor identitets- og trivselsskapande verdi i kommunen. Den eigentlege årsaka til at arbeidet kom i gang er planane om å etablere snøskuterløyper for fornøyelseskjøring, då det i dette arbeidet blir stilt krav om god oversikt over verdifulle friluftsområde for å kunne unngå konflikt. Oversikt over verdifulle friluftsområde er uansett noko kommunen vil få nytte av som del av kunnskapsgrunnlaget i saksbehandling og politiske interesseavvegningar. Statleg mynde anbefaler at Miljødirektoratets rettleiar M98-2013 Kartlegging og verdsetting av friluftsområde blir nytta. Av sammendraget i veilederen framgår at kartlegging og verdsetting av friluftslivsområder er eit viktig kommunalt virkemiddel for å identifisere, utvikle og ivareta areal for friluftslivet. Rådmannen oppretta hausten 2014 ei arbeidsgruppe beståande av personar med kunnskap om og interesse for friluftsliv. Dette var John Moen frå Bøfjorden frå den nordlege delen av kommunen, Olav Rønning frå Nedre Surnadal frå den midtre delen av kommunen og Ola Nordvik frå Nordvik frå den sørlige delen av kommunen. Frå administrasjonen var Inge Skogheim og Bodil Gjeldnes med i arbeidsgruppa. Norunn Holten frå Bæverfjord og John Bruset frå Todalen supplerte arbeidsgruppa. Våren 2015 vedtok HTMN å sende arbeidsgruppas forslag til kartlegging og verdsetting av friluftsområde ut på ei avgrensa høyring. I dette forslaget var Naturatlas for Surnadal kommune med tema friluftsliv lagt inn. Denne kartlegginga frå 1991 (oppdatert i 1995) var eit samarbeid mellom kommunen og fylkesmannen, og viser friluftsområde av nasjonal, regional og lokal verdi. Det må seiast at områda sett av i Naturatlaset var store, lite detaljerte og slik sett lite egna til konkret bruk i t.d. utbyggingssaker. Formålet med den avgrensa høyringa var å kvalitetssikre arbeidsgruppas forslag, dvs. å motta innspel frå organisasjonar og instansar innafor friluftslivsområdet som kunne supplere arbeidet. Kartlegginga vakte stor interesse, og etter 1
oppmoding frå bondelaga vart alle grunneigarlag, bondelag og skoglag i Surnadal også involvert i høyringa. Det vart og arrangert eit ope møte kor arbeidet vart presentert etterfulgt av dialog. Etter møtet vedtok rådmannen å forlenge høyringsperioden til 1. september 2015. Det kom ei rekkje innspel til saka. Dei fleste kom frå bondelag, grunneigarlag og enkeltgrunneigarar, men også fylkesmannen i Møre og Romsdal, fylkeskommunen og Forum for natur og friliftsliv kom med skriftleg merknad. Hovudtrekka i merknadane var: - Uklart korleis kartlegginga skal nyttast og kva for konsekvensar ved planer om fysiske inngrep. - Det er sett av for store og unyanserte område. Gjeld særleg for areala langs elvene og på Nordmarka. - Kommunikasjonen med grunneigarar, landbruksorganisasjonane og grunneigarlag har vore for dårleg. - Viktig å også kartlegge viktig friluftsområde i folk sine nærmiljø. - Stiar og ferdselsårer har høgare verdi enn områda rundt. - Viktig å halde fast ved at dette er ei rein fagkartlegging. Etter høyringa har arbeidet med kartlegging og verdsetting av friluftsområde av ulike årsakar blitt liggande. Normal saksgang ville vore at arbeidsgruppa la fram eit forslag til politisk behandling etter høyringsperioden. Innspela som kom inn under høyringa i 2015 var mange, sterke og tydelege. Administrasjonen har derfor funne det mest rasjonelt å sjølv vurdere desse opp mot arbeidsgruppas forslag. Eit nytt forslag til kartlegging og verdsetting av friluftsområde bør leggast ut til offentleg igjen før TMN stadfestar temakartlegginga. Forslaget som no blir lagt ut tar likevel fortsatt utgangspunkt i arbeidsgruppas forslag frå 2014 og Naturatlaset frå 1991. Metodikken i rettleiar M98-2013 og innspela frå første høyring er lagt til grunn. Om Miljødirektoratet sin rettleiar M98-2013 Kartlegging og verdsetting av friluftsområder:
Områdetyper: Verdsettingskriterier:
Basert på vurdering etter verdsettingskriteria vil områda bli plassert i ein av desse kategoriane: Det er særleg bruksfrekvens og grad av tilrettelegging som er utslagsgivande for om område og trasear er med, og om dei er plassert som A Svært viktig friluftsområde eller B Viktig friluftsområde. Med tilrettelegging meiner ein her t.d. merka stigar, oppkjørte skispor, gode parkeringstilhøve, og toalett. Det har nok etterkvart til dels blitt slik at det er friluftslivsområda med tilrettelegging som blir bruka. For område utanom tilrettelagte trasear og område gjeld allemannsretten som gir alle rett til fri ferdsel i utmark heile året. Vurdering Rådmannen kan seie seg einig i at forslaget som var ute på høyring våren 2015 hadde for store og unyanserte område. Likevel har arbeidsgruppas forslag frå 2014 og Naturatlaset frå 1991 vore gode utgangspunkt for denne nye versjonen. Formålet med denne temakartlegginga er å skille dei mest verdifulle områda frå dei mindre verdifulle. Det meiner ein å ha oppnådd med forslaget som no ligg føre. Denne versjonen har først og framst fokus på merka stigar og oppkjørte skiløyper. I tillegg er område som ligg sentralt i høve til boligkonsetrasjonar og skuleområde av stor betydning. Dei lakseførande elvene har lenge vore, og er fortsatt, attraktive for fiske generelt, opphald og turgåing. Nordmarka er kanskje særleg populær pga mange lett tilgjengelege fiskevatn. Dei tre områda i Surnadal som er sikra med statlege midlar til nettopp friluftsformål høyrer naturleg med i denne samanhengen. Desse er Glærumstranda, Svissholmen og Vaulen. Turistforeningane sitt løypenett og Trollheimen høyrer også med til viktige friluftsområde i kommunen. Kommunikasjonen med berørte grunneigarar, organisasjonar og almennheten vil bli ivaretatt ved at dette forslaget til kartlegging og verdsetting blir lagt ut til ordinært offentleg, og ikkje på ei avgrensa høyring slik som sist. Samtidig er metodikken i Miljødirektoratets rettleiar M98-2013 nytta for å:
1) velge ut område 2) definere kva som gjer områda verdifulle 3) fastsette verdien til områda Dette forslag til kartlegging og verdsetting av friluftsområde i Surnadal kommune kan no leggast ut til nytt offentleg. Rådmannen si tilråding Forslag til kartlegging og verdsetting av friluftsområde i Surnadal kommune leggast ut til offentleg i seks veker. Behandling i Hovedutval for teknikk, miljø og næring - 08.02.2017 Innleiing v/miljøvernkonsulent Bodil Gjeldnes. Votering: Tilrådinga frå rådmannen vart samrøystes vedteken. Hovudutval for teknikk, miljø og næring sitt vedtak: Forslag til kartlegging og verdsetting av friluftsområde i Surnadal kommune leggast ut til offentleg i seks veker.