Hjartdal kommune 3692 Sauland Møteinnkalling for Råd for eldre og menneskje med nedsett funksjonsevne Møtedato: 18.05.2015 Møtestad: Avdeling for Heimesjukepleie Møtetid: Kl. 09.00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Stad Sauland, 11. mai 2015 Halldis Farstad Nilsen leiar Sakliste Sak nr. Saktittel 007/15 GODKJENNING AV MØTEBOK 008/15 GODKJENNING AV PARTNERSKAPSAVTALE MELLOM FRIVILLIGSENTRALEN OG HJARTDAL KOMMUNE
Hjartdal kommune Styre, råd, utval Møtedato Saknummer Sakshandsamar Råd for eldre og menneskje med nedsett 18.05.2015 007/15 IL funksjonsevne Saksansvarleg: Ingebjørg Landsverk Arkiv: K1-, K2- Arkivnr.: 15/676 GODKJENNING AV MØTEBOK RÅDMANNEN TILRÅR Frå møte i RENF 07.04.15 bllir godkjent slik ho ligg føre.
Hjartdal kommune Styre, råd, utval Møtedato Saknummer Sakshandsamar Råd for eldre og menneskje med nedsett 18.05.2015 008/15 BR funksjonsevne Utval for levekår og kultur 19.05.2015 013/15 BR Saksansvarleg: Bjørn Rugaas Arkiv: K2-F08 Arkivnr.: 15/614 GODKJENNING AV PARTNERSKAPSAVTALE MELLOM FRIVILLIGSENTRALEN OG HJARTDAL KOMMUNE Dokument i saka: Nr T Dok.dato Avsendar/Mottakar Tittel 1 I 27.04.2015 Frivilligsentralen og Hjartdal kommune PARTNERSKAPSAVTALE MELLOM FRIVILLIGSENTRALEN OG HJARTDAL 3 I 04.05.2015 Hjartdal kommune v/bjørn Rugaas KOMMUNE REFERAT FRÅ MØTE 24.04.2015 Vedlagde dokument: Dokument nr. 1 Aktuelle lover, forskrifter, avtaler m.m.: Ingen Saksgang: Råd for eldre og menneske med nedsett funksjonsevne kjem med uttale Utval for Levekår og kultur vedtek Bakgrunn for saka: Frivilligsentralen søkte 08.09.14 om tilskot til drift av Frivilligsentralen for 2015. Søknaden vart handsama i Utval for Levekår og kultur i møte 25.11.14, sak 34/14, med negativt utfall. Bakgrunnen for dette var at innsendt handlingsplan for 2015 ikkje imøtekom dei krava utvalet hadde sett til drift av Frivilligsentralen. Utvalet sine krav vart utforma i møte 04.03.14, sak 06/14: 1. Søknad frå Hjartdal turist og bygdesentral om kr. 100.000 i tilskot til drift av Frivillighetssentral vert imøtekomen på flg. vilkår:
Dagleg leiar sine oppgåver skal rettast mot gjennomføring av aktivitetar i Sauland, Tuddal og Hjartdal. Dagleg leiar sine oppgåver skal rettast mot rekruttering og koordinering av frivillige i Sauland, Tuddal og Hjartdal. Det må utarbeidast ein handlingsplan for 2015 med mål som inkluderar heile kommunen, og denne sendast inn saman med søknad om tilskott for 2015. Frist 15.09.2014. Parnerskapsavtale med Hjartdal kommune skal vere på plass for tildeling av midlar for 2015. Frist 15.09.2015. Dagleg leiar må sørge for at alle lag og organisasjonar i kommunen får informasjon om at Frivillighetssentralen er ein sentral for alle bygdene i kommunen. Frivilligsentralen påklaga utvalet sitt vedtak om avslag på søknad om driftstilskot for 2015. Klagen vart handsama i Utval for Levekår og kultur 20.01.15, sak 03/15. Da utvalet sto ved sitt tidlegare vedtak gjekk klagesaka vidare til formannskapet, der den vart handsama 02.03.15, sak 013/15. Formannskapet vedtok å utsetje saka, og bad samstundes politisk og administrativ leiing i kommunen å ta kontakt med Frivilligsentralen. Møte mellom Frivilligsentralen og kommunen vart halde 24.04.15. Frå Frivilligsentralen møtte dagleg leiar, styreleiar og styremedlem, frå kommunen møtte ordførar og rådgjevar. Føremål med møtet var å avklare Frivilligsentralen sin klage på vedtak om avslag på søknad om driftstilskot, og å drøfte om det var grunnlag for å finne ei løysing på korleis Frivillligsentralen kunne innfri dei krava Utval for Levekår og kultur hadde sett til sentralen si drift. Det gjekk etter kort tid fram av avstanden til ein praksis som imøtekom krava ikkje er stor, og at ein ved å endre omtalen av gjeldande praksis var i mål på fleire område. I tillegg vart ein samde om konkrete tiltak som, når dei er igangsette, etter kommunen si vurdering vil vere i tråd med krava frå utvalet. I etterkant av møtet såg kommunen sine representantar nærare på om det var mogleg å utforme eit framlegg til partnerskapsavtale som: imøtekom driftskrav frå Utval for Levekår og kultur konkretiserte punkt ein var blitt samde om i møtet gav konkrete styringssignal for Frivilligsentralen over tid Med utgangspunkt i dette vart Framlegg til partnerskapsavtale mellom Frivilligsentralen og Hjartdal kommune oversendt saman med referatet etter møtet. Avtaleframlegget vart godkjent i styremøte same dag, og fekk tilslutning i årsmøtet for Frivilligsentralen 27.04.15. Vurdering: Frivilligheit er svært viktig for samfunnet, og representerar ein vediskaping som knapt er målbar. For kommunen er det å ha ein Frivilligsentral ein god måte å organisere delar av den frivillige innsatsen på, ordninga utløyser statlege midlar og tilfører slik sett meirverdi. Ein Frivilligsentral kan utfylle kommunen si rolle på fleire område, men kan ikkje erstatte det arbeidet som leggjast ned i lag og organisasjonar. Det er difor viktig at Frivilligsentralen si rolle, ansvar og oppgåver blir grundig vurdert, og at dette sjåast i lys av lokale behov og føresetnader. Framlegg til partnerskapsavtale har som oppgåve å klargjere spørsmål knytt til Frivilligsentralen si rolle og ansvar, og konkretiserar nokre oppgåver som er i samsvar med lokale behov og ønskje. Samstundes avklarar avtaleframlegget drifta av Frivilligsentralen over eit lengre tidsspenn enn eitt år om gongen. Avtaleframlegget understrekar at dette er ei gjensidig avtale mellom to partar i eit forpliktande samarbeid. Fram til no har kommunen hatt ei utydeleg rolle iht. Frivilligsentralen. Dette har
kanskje også bidrege til sviktande kommunikasjon. For å lukkast med å vere eit organ for heile kommunen kan det vere viktig og eit rett grep at Frivilligsentralen har eit styre der heile kommunen er representert, og at det også er kommunal representasjon i styret. Avtaleframlegget foreslår ein avtaleperiode frå 01.06.15-01.06.17. Dette vil gje Frivilligsentralen meir økonomisk førutsigbarheit enn noverande ordning som er frå år til år. Samstundes bør ordninga ha ein prøveperiode for å sikre at innhaldet er i tråd med politiske ønskje og lokale behov, og byggjer på erfaringar innhenta i prøveperioden. Rådmannen tilrår difor at gjeldande avtaleperiode vert ut kalenderåret 2016, og vurderast som ein prøveperiode med evaluering hausten 2016. For påfølgjande avtaleperiode bør det takast sikte på ein fireårsperiode, dersom evalueringa ikkje avdekker andre behov. Siste del av avtaleframlegget nemner nokre konkrete utviklingsoppgåver. Dette er konkrete tiltak som vart drøfta i møtet 24.04., og som vurderast som realistiske oppgåver å løyse. Rådmannen vil tilrå at Utval for Levekår og kultur godkjenner framlegg til partnerskapsavtale mellom Frivilligsentralen og Hjartdal kommune. Dersom utvalet sluttar seg til denne tilrådinga vil klagesaka bli lagt fram for formannskapet som klagenemnd - med tilråding om at klage blir imøtekome på grunn av nye opplysningar i saka. RÅDMANNEN TILRÅR: Framlegg til Partnerskapsavtale mellom Frivilligsentralen og Hjartdal kommune godkjennast slik den ligg føre med følgjande endring, pkt. IV: Denne avtala er gjeldande i perioden 01.06.2015-31.12.2016.