Møteinnkalling for Fondstyret

3692 Sauland Møteinnkalling for Fondstyret Møtedato: 11.11.2013 Møtestad: Kommunehuset Møtetid: Kl. 09:00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Stad Sauland, 04.11.2013 Sven Tore Løkslid ordførar Sakliste Sak nr. Saktittel 032/13 GODKJENNING AV MØTEBOK 033/13 REFERATSAKER 034/13 SØKNAD OM STØTTE TIL UTVIKLING AV HØVLEMASKIN FOR LAFT 035/13 SØKNAD OM STØTTE TIL LØYPEKJØRING HEKSFJELL/SLÅKA

Styre, råd, utval Møtedato Saknummer Sakshandsamar Fondstyret 11.11.2013 032/13 IL Saksansvarleg: Ingebjørg Landsverk Arkiv: K1-033 Arkivnr.: 13/2216 GODKJENNING AV MØTEBOK RÅDMANNEN TILRÅR Møteboka frå Fondstyret 07.10.12 blir godkjent slik ho ligg føre.

Styre, råd, utval Møtedato Saknummer Sakshandsamar Fondstyret 11.11.2013 033/13 IL Saksansvarleg: Ingebjørg Landsverk Arkiv: K1-033 Arkivnr.: 13/2217 REFERATSAKER Nr Dok.ID T Dok.dato Avs./Mott. Tittel 1 13/6524 I 28.10.2013 Stefan Langfors FONDSBRUK PER 28/10-13 2 13/6524 I 28.10.2013 Stefan Langfors FONDSBRUK PER 28/10-13 RÅDMANNEN TILRÅR Referatsakene blir teke til orientering slik dei ligg føre.

Styre, råd, utval Møtedato Saknummer Sakshandsamar Fondstyret 11.11.2013 034/13 SLA Saksansvarleg: Stefan Langfors Arkiv: K1-, K2-, K1- Arkivnr.: 13/1983 SØKNAD OM STØTTE TIL UTVIKLING AV HØVLEMASKIN FOR LAFT Dokument i saka: Nr T Dok.dato Avsendar/Mottakar Tittel 1 I 24.09.2013 Tuddal Laftebygg v/ O.Bekkhus SØKNAD OM STØTTE TIL DESIGNSTUDIE Vedlagde dokument: Dokument nr. 1 Aktuelle lover, forskrifter, avtaler m.m.: Vedtekter, 251 001 12 Næringsutviklingsfondet Handlingsplan for næringsutviklingsfondet 2013 Saksgang: Fondsstyret vedtek. Bakgrunn for saka: Motteken søknad frå Tuddal Laftebygg om stønad til designstudie med mål om å utvikle ein ny type høvelmaskin. Utfordringa er at det i dag ikkje finnast maskiner som tillet automatisering av prosessen på tømmer som spetar, altså som har varierande diameter frå ende til ende. Utvikling av ein slik maskin vil kunne gje betydelege fordelar i ein marknad som er prega av tøff konkurranse frå utanlandske aktørar. Det er ei arbeidsintensiv prosess, og det er difor vanskeleg å konkurrere med land som har billigare arbeidskraft. Tiltaket har utgangspunkt i ein idé søkjaren har om korleis det kan handterast. Målet er å få på plass teikningar for ein spesialtilpassa høvel som trinnlaust kan behandle tømmer med diameter 6-10, for deretter å søkje Innovasjon Norge om stønad til å utvikle ein prototype. Sluttproduktet har fleire moglegheiter i marknaden, til dømes for å betre søkarens eigen konkurranseevne, men moglegvis òg for sal eller lisensiering.

Total kostnad for designstudien er berekna til 66 000, kor av det søkast om 45 000 frå næringsfondet. Søknaden er retta direkte til næringsfondet, og såleis ikkje vurdera opp mot dei andre fonda. Det vurderast heller ikkje som aktuelt då dette er rein bedriftsretta støtte. Vurdering: Rådmannen har ikkje føresetnadar for å vurdere realismen i prosjektet på eit teknisk plan. Ein har følgjande berre vurdert det ut frå føringane for næringsfondet, og den potensielle verknaden av ei vellykka utvikling av produktet. Eigaren av verksemda som søkjer er godt kjend i kommunen som mangeårig næringsdrivande med gode resultat. Bedrifta som søkjer er utskild som eiga verksemd i 2011, og er såleis av nyare dato. Selskapet hadde i 2012 ei omsetning på 1,8M, med eit driftsresultat på 169 000. Resultat etter finanskostnadar blei 45 000. Tala er ei kraftig forbetring frå året før, men verksemda er framleis i ei oppbyggingsfase med relativt avgrensa likviditet. Den relativt høge finanskostnaden er av søkjaren grunna med ferdigstilling av ei leveringsklar hytte som framleis ikkje er seld. Sysselsettinga er ikkje stabilisert, men varierar frå 1-3 sysselsette med dagens drift. Tala bør ikkje vektleggast for tungt i ein så tidleg fase av verksemda. Det peikar likevel på at det opererer i ein bransje med relativt knappe marginar. Eigekapitalen i tiltaket er på rundt rekna 32%, som er godt innafor dei krava som stillast i vedtektene. Søknadens formål er vidare vurdert opp mot prioriteringane i handlingsplanen for fondsbruken i inneverande år. Der er vurderinga at prosjektet har interesse innafor minst to av dei prioritera områda, som er: Tiltak for å halde oppe nivået på avverkinga i skogbruket Tiltak som styrkar og/eller vidareutviklar eksisterande næringar/bedrifter Tiltak for å styrke avverkinga i skogbruket er primært tenkt inn mot primærnæringa, men ein kan likevel ikkje underslå at auka volum i ei bransje som baserer seg på tømmerprodukt vil ha positive ringverknader inn mot skogbruket. Det er heller ikkje særleg tvil om at ei vellykka utvikling av ein slik høvel vil styrke grunnlaget for ein slik bedrift, og kanskje auke sysselsettinga på sikt gjennom auka volum. Det er vidare vektlagd positivt at søkjaren gjennom tiltaket visar ei offensiv handling og vilje til både risiko og nytenking. Moglege negative effektar knytt til ei løyving er i all hovudsak moglegskapen for at ein ikkje lykkast i utviklinga. Vidare at ein ikkje klarer å sikre finansiering på utvikling av prototype, eller at det visar seg å ikkje vere bedriftsøkonomisk lønsamt. Frå kommunens sida er det allereie etablera kontakt mellom søkjaren og Innovasjon Norge, som så langt har vist interesse for prosjektet og signalisert at dei gjerne vil haldast informert vidare framover. Etter ei totalvurdering av dei overståande faktorane, har Rådmannen kome fram til at søknaden bør behandlast positivt. Søkaren har vore i kontakt med administrasjonen kring sjølve

handteringa av utbetalinga, og sidan prisanslaget er dokumentera med eit bindande tilbod frå ein ekstern aktør har ein vald å tilrå at inntil 50% av stønaden kan utbetalast som forskot for å sikre likviditet i prosjektet. RÅDMANNEN TILRÅR: 1. Stønad til designstudie med mål om å utvikle ein ny type høvelmaskin blir innvilga med kroner 45 000,-. 2. Løyvinga finansierast over 251 001 12 Næringsutviklingsfondet. 3. Stønad utbetalast ved framlagt dokumentasjon på kostnader. Om naudsamt av likviditetsgrunnar kan inntil 50% av beløpet utbetalast som forskot. 4. Søkaren pliktar å halde kommunens næringsapparat orientert om framdrifta i prosjektet, og skal seinast innan et år etter løyving gje ein rapport om tiltakets status. Vedtaket kan påklagast. Klagefrist er tre veker frå søkaren er gjort kjend med vedtaket.

Styre, råd, utval Møtedato Saknummer Sakshandsamar Fondstyret 11.11.2013 035/13 SLA Saksansvarleg: Stefan Langfors Arkiv: K1-223 Arkivnr.: 13/2074 SØKNAD OM STØTTE TIL LØYPEKJØRING HEKSFJELL/SLÅKA Dokument i saka: Nr T Dok.dato Avsendar/Mottakar Tittel 1 I 11.10.2013 Einar E. Låker SØKNAD OM STØTTE TIL LØYPEKJØRING HEKSFJELL/SLÅKA Vedlagde dokument: Dokument nr. 1 Aktuelle lover, forskrifter, avtaler m.m.: Vedtekter 251 000 58 Konsesjonsavgiftsfondet Saksgang: Fondsstyret vedtek. Bakgrunn for saka: Motteken søknad frå Slåka og Heksfjell Hyttelag om tilskot til løypekøyring. Søknaden og forventingane om stønad til løypekøyring er basera på ei uformell avtale der ansvaret for løypenettet er fordela mellom grunneigarar, kommunen og brukarane. For førre sesong (2011/2012) ble det løyva 183 520,- til formålet. Vurdering: Det har vanlegvis vore fire løypelag som har forvalta denne oppgåva. Søknad til behandling er den tredje mottatt for sesongen 2012/2013, men så vidt Rådmannen veit har samlege av laga køyrd som normalt. Det kan difor forventast at det kjem ytterlegare ein søknad for sesongen. For inneverande sesong har laga rapportert inn fylgjande løypelengder (for lag som ikkje har levert er tala i parentes basert på førre års opplysningar). Hjartdal I.L. Turløyper Tuddal Løypelag Bondal/Reisjå Løypelag Kjørte km 55 km (79 km) 91 km

Slåka og Heksfjell Hyttelag Samla tilskot til løypekøyring 24 km 249 km Opphavleg sats for 2012 var på 740,- per km, og løypenettet var 248 km. Det har normalt vore ei indeksregulering av tilskotet, og det er lagt ei auke på 1,4% til grunn for årets tilskot. Årets kilometersats blir då 750,-. Det forventes same eller litt lågare kilometertal i år. Dersom det resterande laget søker om tilskot på basis av tala over, vil samla tilskotsbeløp utgjere 186 750,- Total stønad for løypenettet søkaren no har søkt tilskot om vil med dette utgjere 18 000,-. Rådmannen ynskjer å påpeike at søknaden synleggjer ei betydeleg svakheit ved dagens praksis. Søkaren har no meldt inn ein løypelengd på 24 km, mot 18 km førre sesong. I løypelengd utgjer det ein relativt beskjeden del av totalen, men for det spesifikke løypelaget er det ei auke på 33%. I eit budsjettmessig perspektiv er dette problematisk og lite føreseieleg. Rådmannen ynskjer difor å innleie ein dialog med løypelaga for å styre dei mot ein praksis der total løypelengd blir rapportert inn før sesongen. Ei slik endring vil skape ein heilt anna grad av føreseielegheit for Hjartdal kommune, og sikre at forventingane i løypelaga ikkje kjem i utakt med dei økonomiske rammene. Vidare er det ei svakheit ved dagens ordning at ein ikkje har nokon frist for å søke stønad. Det er difor naudsamt å gjere ei regnskapsmessig avsetning for Tuddal Løypelag slik at ein eventuell søknad frå dei blir belasta i riktig rekneskapsperiode. Det er vanskeleg så lenge ein ikkje veit kva løypelengde dei har køyrd, og Rådmannens anbefaling er difor at ein legg fjorårets innrapporterte løypelengd frå laget til grunn. Det vil på den eine sida medøre ein risiko for at laget ikkje får betalt for løypelengd dei har køyrd ut over fjorårets løypenett. På motsatt side kan ein tolke ein manglande søknad som eit teikn på at laget allereie har relativt god økonomi. Det kan òg vere behov for å rydde opp i andre delar av dagens praksis, men her ser Rådmannen det som naturleg å avvente avgjersla om ein ny stig- og løypeplan for heile kommunen. RÅDMANNEN TILRÅR: 1. Slåka og Heksfjell Hyttelag mottek eit tilskot til løypekjøring for sesongen 2012/2013 med totalt 18 000,- 2. Tilskotet skal dekkast frå konsesjonsavgiftsfondet (251 000 58), post 1.4700.433.3250 3. Rådmannen gjevast løyve til å endre praksis slik at laga no må melde inn lengda på løypenetta i forkant av kommande sesong. 4. Det gjerast ei rekneskapsmessig avsetning på 59 250,- til å dekke eventuelle seint innkomne søknadar for sesongen 2012/2013. Vedtaket kan påklagast. Klagefrist er tre veker etter at søkaren er gjort kjent med vedtaket.