Sakshandsamar: Helle Holte Bruland Arkivsaksnr: 16/1368 Journalpostnr: 16/14462 Styre, råd, utval Sak nr Møtedato Utval for plan og miljø 075/2016 29.09.2016 Ungdomsrådet 043/2016 26.09.2016 Råd for seniorar og menneske med nedsett funksjonsevne 046/2016 26.09.2016 Detaljregulering for Naustdalen strand og bustad - Høyring og offentleg ettersyn Rådmannen sitt framlegg til vedtak: Fusa kommune vedtek å leggja detaljregulering for Naustdalen strand og bustad datert 12.09.2016 ut på høyring og til offentleg ettersyn. Høyringsfristen er seks veker. Vedtaket er gjort i medhald av plan- og bygningslova 12-10, 11 og 12. Utval for plan og miljø 29.09.2016: Uttaler frå senior- og funksjonsrådet og ungdomsrådet vart kunngjort i møtet. Rådmannen sitt framlegg vart samrøystes vedteke. UPM- 075/2016 Vedtak: Fusa kommune vedtek å leggja detaljregulering for Naustdalen strand og bustad datert 12.09.2016 ut på høyring og til offentleg ettersyn. Høyringsfristen er seks veker. Vedtaket er gjort i medhald av plan- og bygningslova 12-10, 11 og 12. Råd for seniorar og menneske med nedsett funksjonsevne 26.09.2016: Ulf Lie sitt forslag vart samrøystes vedteke:
Senior- og funksjonsrådet vil overfor planutvalget i kommunen poengtere behovet for trafikksikkerhet, tilførselsveier med god oversikt og plass for rullestoler. eldre og sikkerher for barn i veier og ved vann. RAAD- 046/2016 Vedtak: Senior- og funksjonsrådet vil overfor planutvalget i kommunen poengtere behovet for trafikksikkerhet, tilførselsveier med god oversikt og plass for rullestoler. eldre og sikkerher for barn i veier og ved vann. Ungdomsrådet 26.09.2016: Fusa ungdomsråd teke saka samrøystes til etterretning. UNG- 043/2016 Vedtak: Fusa ungdomsråd tek saka til etterretning. Saksframstilling: Vedtaksmynde: Utval for plan og miljø Saksdokument: Planomtale og ROS-analyse, detaljregulering for Naustdalen strand og bustad, 12.09.2016 Føresegner og retningsliner, detaljregulering for Naustdalen strand og bustad, 12.09.2016 Plankart, detaljregulering av Naustdalen strand og bustad, 12.09.2016 Vedlegg: Sjå nedst i saka Samordna uttale og referat frå meklingsmøte med Fylkesmannen Ikkje vedlegg: Oversendingsmailar, andre møtereferat og korrespondanse
Faktiske opplysningar: Planframlegget består av plankart, føresegner og retningsliner, og planomtale med ROSanalyse. Planen erstattar deler av reguleringsplan for Grimeneset datert 27.06.2008. Detaljregulering for Naustdalen strand og bustad har vore til politisk handsaming tidlegare, og har vore på høyring og til offentleg ettersyn. Fylkesmannen fremja motsegn i saka. Det framlegget som no ligg føre er eit resultat av meklingsmøtet med Fylkesmannen, og av samarbeid mellom kommune og plankonsulent. Framlegget inneheld fleire mindre endringar, og kommunen vel derfor å leggja planen ut til høyring og til offentleg ettersyn på ny. Historikk: Det vart meldt oppstart planarbeid 27.02.2014. Fylkesmannen, Norges vassdrags- og energidirektorat og Hordaland fylkeskommune gav uttalar til oppstart. Samandrag: Fylkesmannen la vekt på at strandområdet måtte sikrast for ålmenta, og legg vekt på at dei er kritiske til at området skal verta privatisert. Dei ber om at dette vert grundig vurdert. Dei ber òg om at gjeldande plan leggjast fram som del av historikken. Noregs vassdrags- og energidirektorat legg vekt på at faresonar for det skredutsatte området i nord vert innarbeid i plankartet, med tilhøyrande føresegner som sikrar akseptabel tryggleik. Dei ber om at utarbeidd skredrapport vert lagt ved saka, då området er omfatta av aktsemdsområde for steinsprang og skred. Hordaland fylkeskommune ber kommunen ta særleg omsyn til strandsona som område for ålmenta, vidare at kommunen tek omsyn til; landskap, folkehelse, born og unges interesser, estetikk, arkitektur og kulturminne. Dei viser til tidlegare registrering av kulturminne i området, og peikar på verdien det SEFRAK-registrerte naustet i planområdet har som berar av lokalhistorisk byggjeskikk og kultur. Dette må takast vare på i planlegginga. På bakgrunn av dette vart det utarbeidd eit planframlegg. Planframlegget vart meldt opp til politisk handsaming i UPM. Det låg inne to tomter i framlegget (tomt 1 og tomt 2). Tomt 1 låg tett til stranda og er utan eksisterande tiltak, medan tomt 2 har eksisterande tiltak med næringsbygg/utleige(nytta som bustad) og ligg litt bortanfor. Dei tidlegare framlegga til plankart ligg som vedlegg i planomtalen. 25.11.2014 - Ungdomsrådet påpeika at barn og unges interesser bør utgreiast meir. Dei stiller spørsmål til om badeområdet er mykje brukt, eller har potensiale for auka bruk, og om det er rett å byggja nye bustader så nær ein badeplass. 27.11.2014 - UPM påpeikar sikring av ålmen tilkomst forbi tomt 2. Planen vert ikkje lagt ut til høyring, men sendt i retur til konsulent med krav om å utgreie meir rundt tomt 1, to naust nord i planområdet, og om ålmentas interesser forbi tomt 2 er sikra godt nok, jfr.
Fylkesmannen sine merknadar. Planframlegget vert bearbeidd og sendt inn til kommunen på nytt. Kommunen tek igjen saka opp til politisk handsaming. 02.06.2015 Råd for seniorar og menneske med nedsett funksjonsevne handsamer saka. Dei presiserer i vedtaket at saka må sendast attende til tilkashavar, og at tilgjenge for ålmenta må presiserast. Dei påpeikar at krav til universell utforming ikkje vil kunne tilfredstillast pga. bratt terreng. 02.06.2015 Ungdomsrådet tek saka til orientering og er nøgde med at born og unges interesser er godt ivaretekne i planframlegget. 08.06.2015 UPM handsamer saka på ny. Vedtaket frå UPM vert å leggja planen på høyring og til offentleg ettersyn, med tillegg i vedtaket som som lyder: «Bygging av privat bustad på tomt 1, snuplass f_kv2, kai, flytebryggje og veg vest for badestranda skal trekkjast ut av planen.» 07.09.2015 - Fusa kommune sendte ut melding om vedtak. Planen vart lagt på høyring og til offentleg ettersyn. 28.10.2015 - Det vart invitert til dialogmøte hos Fylkesmannen, og fylkesmannen sjølv deltok på møtet. I møtet vart det klart at fylkesmannen kan godta regulering til bustadføremål dersom dei andre interessene vart godt ivaretekne. I oversendt referat frå møtet fremja Fylkesmannen motsegn til høyringsframlegget frå 07.09.2015, på følgjande grunnlag: Manglande vurderingar jf. pbl 1-8, 4-1 og 4-2. Manglande planomtale og manglande drøfting i høve til nasjonale mål og retningslinjer Mangelfull sikring av ålmentas interesser i strandsona Fylkesmannen meinte vidare at føresegnene må avgrense utbyggingsomfanget betre og sikra at ålmenta sin rett til tillkomst og bruk av ubygd areal vert vidareført. Planen må dokumentera akseptabel tryggleik før evt. utbygging, og ROS-analysen må forbetrast. Etter dette har det vore mykje dialog mellom kommunen og konsulent. Ein har kome fram til at planframlegget som no ligg føre kan meldast opp til ny politisk handsaming. Endringane i planen er av eit slikt omfang at rådmannen meiner at planframlegget skal på ny høyring og til offentleg ettersyn før ein vil endeleg godkjenne planen. Planens føremål: Føremålet med planen er å sikra ålmentas interesser i strandsona og samstundes leggja til rette for at eksisterande bygg ved sjøen i Naustdalen kan nyttast til bustad. Planen regulerer ein større del av stranda til friluftsføremål, der det kan tilretteleggjast for ålmenta i strandområdet. Det er òg lagt vekt på sikring av tilkomst for ålmenta frå vegen bak bustaden og fram til strandområdet. Dette er synleggjort i plankartet. Vidare er det opna for å byggje oppatt ein steinkai, og å gjere sikringstiltak i stranda og ved ei elv som vaskar igjennom området nært eit SEFRAK-registrert naust. Vurdering:
Planen regulerer noverande næringsføremål (utleigehytter) til bustad. Bustad er eit meir privat føremål enn det hytter, næring og utleige er, og ein kunne slik se for seg at endring av planføremål vil verke svært privatiserande på området. Kommunen vurderer at endring av planføremålet slik det no ligg føre ikkje vil føre til ytterlegare privatisering eller vera til hinder for ålmenta. Fusa kommune har i samfunnsdelen og i arealplanen til kommuneplanen lagt vekt på at strandsona er ein viktig felles ressurs, og at det skal setjast av friluftsområde ved sjø i alle bygder. Kommunen ønskjer at folk skal kunna bu nært sjø, og ha tilgang til slike område. Strandområdet i Naustdalen er eit godt eigna sør-vestvendt badeområde med kort avstand til bakomforliggjande bustadområde. Bustadføremålet er avgrensa til å gjelde ei tomt på 1100 daa. Utnyttingssgraden er sett til 35%, i tråd med føresegnene i kommuneplanen sin arealdel. Byggjegrensa på tomta er sett tett til eksisterande tiltak, og det er ikkje opna for å sette opp tiltak utanfor byggjegrensa. Dette sikrer området mot privatiserande tiltak, og det sikrer tilkomst for ålmenta forbi eigedommen. Rådmannen meiner at planen tek tilstrekkeleg omsyn til ålmenta med tanke på tilrettelegging i strandområdet og sikring av tikomst igjennom planområdet. Vidare meiner rådmannen at planen løyser dei aktuelle utfordringane på ein god god måte, og at planomtalen med ROSanalyse gjev ei god beskriving av tiltaka i planen. Vedlegg: Planomtale og ROS-analyse, Detaljregulering Naustdalen Gnr 19 bnr 95 og del av bnr 1, PlanID 1241201204 Føresegner, Detaljregulering Naustdalen gnr 19 bnr 95 og del av bnr 1, PlanID 1241201609 Plankart, Detaljregulering Naustdalen, gnr 19 bnr 95 og del av bnr 1, PlanID 1241201609, 12.09.2016 Samordna uttale og referat frå meklingsmøte med Fylkesmannen 1334892 14.09.2016 1334893 14.09.2016 1334894 14.09.2016 1334904 14.09.2016