EV 039 HP 09: JEKTEVIK NORD FITJAR GRENSE REGULERINGSFØRESEGNER STORD KOMMUNE 1. GENERELT 1.1 Desse reguleringsføresegnene gjeld for det området som på plankartet er markert med plangrense (Sjå teikning nr 01-03 i M 1:1000, datert 01.11.01). 1.2 I samsvar med 25 i Plan- og bygningslova er areala regulert til følgjande formål: Landbruksområde Jord- og skogbruk. Offentleg trafikkområde Vegar/gater. Gang-/sykkelveg. Anna trafikkområde. Fareområde Høgspenningsanlegg Spesialområde Frisiktsone. Private avkøyrsler/vegar. Fellesområde Felles avkøyrsle/parkeringsplass. 1
2. FELLESFØRESEGNER 2.1 Desse fellesføresegnene gjeld innafor ramma av Plan- og bygningslova med tilhøyrande vedtekter for Stord kommune. 2.2 Kommunen kan, når særlege grunnar talar for det, tillate mindre vesentlege endringar i reguleringsplanen og/eller desse reguleringsføresegnene. 2.3 Etter at reguleringsplanen, med tilhøyrande reguleringsføresegner er stadfesta, er det ikkje høve til å inngå privatrettslege avtaler som er i strid med reguleringsplanen og reguleringsføresegnene. 2.4 Omsynet til landskapet skal sikrast gjennom utarbeiding av byggeplanar og gjennom vidare arbeid i anleggsfasen. Ulike prinsipp for utforming av det nye terrenget på ulike deponi, fyllingar m.v., krav til utforming av tekniske anlegg og revegetering, skal gå fram av planane. Alle inngrep som vert gjort i samband med veganlegget skal utførast mest mogeleg forsiktig og med omtanke for terreng og utsjånad. Noverande vegetasjon skal takast vare på i størst mogeleg utstrekning. Terrenghandsaming skal gjerast ferdig samtidig som resten av veganlegget. 2.5 Riggareal for veganlegget kan opparbeidast i anleggstida innafor regulert areal. Etter bruk skal området som blir nytta til riggområde opparbeidast og setjast i stand i samsvar med føresegnene i reguleringsplanen. 2.6 Miljøverndepartementet sine retningsliner om vegtrafikkstøy ved planlegging etter plan- og bygningslova, jfr. rundskriv T-8/79 og T-1786, skal leggast til grunn for gjennomføring av reguleringplanen. Det inneber at planleggingsmålet (ambisjonsnivået) for utomhus støytilhøve ved opphaldsområde nær bustader er 55dBA. For innomhus støytilhøve er planleggingsmålet 30dBA. Alle planleggingsmål er gjevne som ekvivalent nivå i gjennomsnitt døgeret. Støyskjermar som skal byggast er synt på planteikning og planskildring. For eigedomar som etter dei fastlagte tiltaka likevel får utomhus støynivå over 55 dba, skal tilbod om lokal skjerm og/eller fasadetiltak vurderast i samband med gjennomføring av reguleringsplanen. Kva for eigedomar dette gjeld går fram av eigen støyrapport. Det endelege omfanget av lokal skjerming og/eller fasadetiltak vert fastlagt av utbyggjar, i samsvar med ovannemnde retningsliner. Alle støyskjermingstiltak skal vera gjennomførte før veganlegget vert opna. Eventuelle avvik frå planleggingsmålet skal sendast Fylkesmann til orientering. Gjeldane føresegner rettar seg berre mot noverande utbygde tomter. 3. LANDBRUKSOMRÅDE, JORD-/SKOGBRUK 2
3.1 I regulert landbruksområde langs hovudvegen kan det anleggast riggareal i anleggsperioden. Desse områda skal og kunne nyttast til deponering av overskotmassar. Før anleggsarbeidet er avslutta skal areala dekkast til med jord og settast i stand slik at dei kan nyttast til jord-/skogbruksareal. 4. OFFENTLEG TRAFIKKOMRÅDE 4.1 Trafikkområdet kan nyttast til: Køyreveg. Gang-/sykkelveg, fortau. Anna trafikkareal. 4.2 Køyrevegane og gang-/sykkelvegane skal opparbeidast med den linjeføring og inndeling av dei respektive formål som er vist i planen. 4.3 Det er ikkje høve til å opparbeide andre avkøyrsler til E39 enn dei som er viste på planteikningane. Avkøyrslene skal utformast og vedlikehaldast i samsvar med Statens vegvesen sine normalar og føresegner til Veglova 43. Frisiktsoner er regulert til spesialområde (sjå 6). 5. FAREOMRÅDAR 5.1 I fareområder kan det etablerast høgspenningsanlegg (høgspenningslinje, transformatorstasjon eller koplingsstasjon) 6. SPESIALOMRÅDE, FRISIKTSONE 6.1 I spesialområdet kan følgjande etablerast: Private vegar. Frisiktsone. 6.2 I området mellom frisiktslina og vegføremål (frisiktsoner) skal det vere fri sikt over ei høgd på 0,5 meter over vegen sitt planum. Områda skal elles kunne nyttast som i dag. 3
7. FELLESOMRÅDER 7.1 Regulerte felles avkøyrsler skal vera felles for følgjande eigedomar: F1: Avkøyrsle og tilkomstveg ved Børtveit sør (profil 410-560) for eigedomane: 5/2, 5/9, 5,13, 5/25, 5,15, 5/14, 5/20, 5/21 og 5/26 F2: Avkøyrsle og tilkomstveg ved Børtveit nord (profil 560-740) for eigedomane: 5/1, 5/2, 5/7 og 5/27. F3: Avkøyrsle og tilkomstveg ved Børtveit (profil 560-620) for eigedomane: 5/1 og 5/2. 8. KOMBINERTE FØREMÅL 8.1 Areal avsett til kombinert føremål kan nyttast til deponering av massar/rigg i anleggsperioden. Før anlegget er avslutta skal areala dekkast med jord og settast i stand slik at dei kan nyttast til jord/skogbruksareal. Etter avslutta anlegg går areala over til reguleringføremålet landbruksområde. Stord 01.11.2001, rev. 02.09.2002 4
Stord, 01. november 2001 Stord kommune Rådmannen 5