Innkalling Utval: Planutvalet Møtestad: Kommunehuset, 2. etg. Dato: 24.11.2016 Tid: Kl. 10:30 Den som har lovleg forfall, eller er ugild i nokon av sakene, må melde frå snarast råd til tlf. 57858500 eller til post@selje.kommune.no, slik at varamedlem kan bli kalla inn. Varamedlem møter etter nærare innkalling. Orientering: Nordplan AS v/heidi Hansen vil orientere om arbeidet med Arealplanen. Sakliste Sak nr. Sakstittel 002/16 Godkjenning av møteprotokoll 003/16 Referatsaker 004/16 Reguleringsplan Grønveita bustadfelt - 2.offentleg ettersyn 005/16 Mindre vesentleg endring av reg.plan Krakereid bustadfelt Eventuelt Selje, 18.11.16 Stein Robert Osdal ordfører
Arkiv: FE - 033 JournalpostID: 16/21309 Saksbehandlar: Unni Eltvik Hovden Saksframlegg Saksnr. Utval Møtedato 002/16 Planutvalet 24.11.2016 Godkjenning av møteprotokoll Tilråding frå administrasjonen: Møteprotokollen frå møte 22.06.16 vert godkjent slik den ligg føre.
Arkiv: FE - 033 JournalpostID: 16/21310 Saksbehandlar: Unni Eltvik Hovden Saksframlegg Saksnr. Utval Møtedato 003/16 Planutvalet 24.11.2016 Referatsaker Tilråding frå administrasjonen: Referatsaker vert teke til etterretning slik dei ligg føre. 1. Kommuneplan Arealdelen - Referat Planutvalet 24.11.16 2. Kommuneplan Arealdelen - Merknader - Referat Planutvalet 24.11.16
Arkiv: FA - L12, HIST - 12/625 JournalpostID: 16/21259 Saksbehandlar: Gry Otneim Leikanger Saksframlegg Saksnr. Utval Møtedato 004/16 Planutvalet 24.11.2016 Reguleringsplan Grønveita bustadfelt - 2.offentleg ettersyn Bakgrunn for saka: Det ligg føre revidert framlegg til reguleringsplan for Grønveita bustadfelt, gbnr. 24/14 og del av gbnr. 24/2 på Leikanger i Selje kommune. Lover/regelverk Plan- og bygningslova med tilhøyrande føreskrifter (TEK 10 og SAK 10). Rådmannen sitt framlegg til vedtak: Revidert planforslag for reguleringsplan Grønveita bustadfelt vert lagt ut til 2.gangs offentleg ettersyn i perioden 25.11.2016-08.01.2017, jf. Plan- og bygningslova 12-10, 11. Vedlegg i saka: 16.11.2016 Plankart_14.11.16-A2-L 1327542 16.11.2016 Planomtale 14.11.16 1327543 16.11.2016 ROS-analyse_Grøneveita 1327544 16.11.2016 Føresegner_Grøneveita_14.11.16 1327545 Saksopplysningar: Heimelshavar er Raymond Myren og Ove Lekanger. Utbygging av bustadfeltet er tenkt som eit fellestiltak mellom desse to. Varsel om oppstart av reguleringsplanarbeidet vart gjort 20.04.2010 og reguleringsplanen vart lagt ut til offentleg ettersyn i sak 057/10 for Formannskapet med vedtaksdato 02.09.2010. Høyringsperiode: 11.02.2011 25.03.2011. Det kom inn fleire merknadar til planforslaget og det var særleg utfordringane kring valt overvassløysing som stogga vidare handsaming av reguleringsplanen. Raymond Myren har sidan teke opp att arbeidet med reguleringsplanen og freista å finne ei løysing på overvassproblema som dei omkringliggande grunneigarane kan godta. Raymond Myren har i tilegg freista å få med kommunen på dette arbeidet, fordi han meiner at det er urimeleg at det er prosjektet Grønveita bustadfelt som må dekke kostnadane med eit årelangt problem. I sak 016/16 for Formannskapet med vedtaksdato 17.03.2016 vart det gjort fylgjande vedtak; 1. Kommunen tek initiativ til at det vert utgreidd aktuell løysing og at dette vert innarbeida i avløpsplanen. Kostnader ved dette vert lagt inn i sjølvskostområdet 2. Når prosjektet er prosjektert og kostnadsrekna og ein ser konsekvensar for gebyrauke
ved å leggje dette inn i sjølvkost, vert saka fremja på nytt for formannskapet. I denne saka vil også evt kostnadsdeling med utbyggjar verte utgreidd. Med bakgrunn i dette vedtaket, vart Asplan Viak engasjert for å utarbeide rapport med alternative løysingar for overvassproblema i det aktuelle området. Framlegg til løysing vart fremja i sak 044/16 for Formannskapet med vedtaksdato 09.06.2016, med endeleg vedtak i kommunestyret i sak 035/16 med vedtaksdato 23.06.2016. Kommunestyret valde å utsette saka til dei hadde fått informasjon om historikk, tekniske løysingar og konsekvensar av både positive og negative vedtak. Saka vert å legge fram til ny handsaming i Formannspet og Kommunestyret. I oktober var det møte/synfaring med grunneigarane, tiltakshavar og Selje kommune, der førebels rapport frå Asplan Viak og løysingar for overvassproblematikken vart presentert. Sak om løysing på overvassproblematikken nedstraums Grønveita bustadfelt skal på nytt handsamast av Formannskapet 24.11.2016. Revidert framlegg til reguleringsplan for Grønveita bustadfelt kom kommunen i hende 14.11.2016. Planframlegget er utarbeidd av Nordplan og omfattar revidert planomtale, ROS-analyse, kart og føresegner. Tiltaket er i samsvar med kommuneplanen sin arealdel frå 1995 og planforslaget er ein del av forslag til ny arealdel ved 1.gangs offentleg ettersyn hausten 2016. Rådmannen sine vurderingar: Overvassproblematikken: Som nemnt ovanfor, kom det inn fleire merknadar til planforslaget ved 1.gangs offentleg ettersyn. Det var særleg utfordringane kring valt overvassløysing som stogga vidare handsaming av reguleringsplanen. Asplan Viak har utarbeidd ein rapport som stadfestar at eksisterande røyrgate har god nok kapasitet, men at det bør gjerast nokre utbetringar av den plastra/forbygde vannvegen og innlaupet til røyrgata. Dette er eining for Kommunalteknikk sitt ansvarsområde og vert handsama i eiga sak. At det ikkje er konkludert i sak om overvassproblematikken vil ikkje vere til hinder for utslegging til 2.gangs offentleg ettersyn. Planforslaget: Planforslaget omfattar revidert planomtale, ROS-analyse, kart og føresegner. Reguleringsplanen har hatt fleire nemningar og kommunen ber om namnet vert endra til Grønveita bustadfelt, slik at ein held fram med nemninga som planen har hatt frå oppstart. Planomtale: Det er ein føresetnad for kommunal overtaking av bustadfeltet, at det tekniske anlegget er opparbeidd i samsvar med kommunaltekniske normer. Det er ikkje nemnt noko om veglys i planomtalen. Selje kommune ber om at dette vert nemnt planomtalen, innarbeidd i føresegnene og spesifisert i tekniske planar. ROS-analyse: ROS-analysen skildrar ekstremver, overflatevatn og nærleik til bekkeløp som faktorar for uønska hendingar. Selje kommune har ikkje merknadar til vurderingane om ekstremver. I avsnittet om overflatevatn, er det skrive fylgjande; Selje kommune vil ta ansvar for etablering av vingemur, drift og vedlikehald av bekkeløpet og eksisterande rørtrasse. Viser til sak 044/16 for Formannskapet med vedtaksdato 09.06.2016, med endeleg vedtak i kommunestyret i sak 035/16 med vedtaksdato 23.06.2016. Kommunestyret valde å utsette saka til dei hadde fått informasjon om historikk, tekniske løysingar og konsekvensar av både positive og negative vedtak. Saka vert å legge fram til ny handsaming i Formannspet og Kommunestyret. Sak om løysing på overvassproblematikken nedstraums Grønveita bustadfelt skal handsamast av Formannskapet 24.11.2016 og det vert feil å skrive noko om kva kommunen tek ansvar for, før saka er handsama. Ber om setninga vert teken ut av teksten. Føresegner: Det er ein føresetnad for kommunal overtaking av bustadfeltet at teknisk infrastruktur omfattar gatelys. Ber om at pkt.3.14 vert endra til Offentlege trafikkområde, VA-anlegg og veglysanlegg innafor planområdet skal opparbeidast i samsvar med kommunale normer og retningsliner. Gatelys må i tillegg vere ein del av rekkefølgjekrava i kap. 4 pkt. 4.1. Det står i andre avsnitt i pkt. 4.1 at Før utbygginga av nye bustadar kan starte opp... Det vert meir rett å skrive Før
utbygging av byggefeltet kan starte opp.ber om at dette også vert endra. Plankart: ok. Konklusjon: På vilkår av at planomtale, føresegner og Ros-analyse vert endra i samsvar med våre vurderingar, vert det tilrådd at revidert planforslag for reguleringsplan Grønveita bustadfelt vert lagt ut til 2.gangs offentleg ettersyn jf. Plan- og bygningslova 12-10, 11.
Arkiv: FA - L13, TI - &21 JournalpostID: 16/21229 Saksbehandlar: Gry Otneim Leikanger Saksframlegg Saksnr. Utval Møtedato 005/16 Planutvalet 24.11.2016 Mindre vesentleg endring av reg.plan Krakereid bustadfelt Bakgrunn for saka: Det ligg føre søknad om mindre vesentleg endring av reguleringsplan for Krakereid bustadfelt, jf. Plan- og bygningslova 12-14, andre ledd, samt reguleringsføresegnene for Krakereid bustadfelt 1.2; Der særlege grunnar talar for det, kan planutvalet innanfor ramma av Plan- og bygningslova, tillate mindre vesentlege unnatak frå reguleringsplanen. Søkjar: Prosjekteringsleiar Per Ivar Myklevoll. Rådmannen sitt framlegg til vedtak: Det vert etter ei samla vurdering gjeve løyve til mindre vesentleg reguleringsendring av reguleringsplan for Krakereid bustadfelt som omsøkt, jf. Pbl. 12-14 og reguleringsføresegnene for Krakereid bustadfelt 1.2.. Delar av tomt nr. 12 vert avsett til tilkomstveg for omsorgsbustadar på tomt nr. 9, 10 og 11. Kostnadane med utarbeiding av nytt plankart må dekkast av tiltakshavar. Planutvalet tek endeleg avgjerd i saka. Lov- og regelverk Plan- og bygningsloav med tilhøyrande føreskrifter (SAK 10). Reguleringsplan for Krakereid bustadfelt Vedlegg i saka: 07.11.2016 Kart - Tomtearrondering 3 1327259 07.11.2016 Kart - Tomtearrondering 1327258 Saksopplysningar: I regulert område for Krakereid bustadfelt skal tomt nr. 9,10 og 11 slåast saman og arealet skal nyttast til omsorgsbustadar. Ei slik tomtesamanslåing er i samsvar med reguleringsføresegn 3.1.1, andre ledd: Planutvalet kan gje løyve til at fleire tomter kan samanslåast med tanke på utbygging med noko høgare utnyttingsgrad (rekkehus). Den totale utnyttingsgraden skal ikkje overstige BYA=30 %.
Saka om samanslåing av tomt 9,10 og 11 vart handsama i KS 003/16 med vedtaksdato 11.02.2016. Etter kvart som bustadprosjektet har teke form, har ein funne ut at den opprinnelege tilkomstvegen til omsorgsbustadane ikkje er gunstig, både fordi vegen vert til dels bratt, tek mykje av tomtearealet og vert kostbar. Ein har funne at å etablere tilkomst frå tomt nr. 12, langs grenselinja til tomt nr. 13, er ei langt meir teneleg vegløysing. Dette er bakgrunnen for søknad om mindre vesentleg reguleringsendring: Søknad og informasjon om saka frå prosjekteringsleiar Per Ivar Myklevoll: I samband med omsorgsbustadprosjektet må ein sjå på følgjande mindre vesentlege endringar av gjeldande reguleringsplan. 1) Tomtene 9, 10 og 11 i Krakereid bustadfelt skal nyttast som ein felles byggjeplass og må frådelast med eit gards nr. og bruks nr. 2) Prosjektet har tidlegare rekna med adkomstveg direkte frå bustadvegen og dette let seg gjennomføre, men. er ein unødig omfattande og kostbar løysing. Dersom ein vedtek endring av tomtegrensene for nabotomta (tomt 12) kan adkomstvegen til omsorgsbustadene leggast over tomt 12 langs grensa til tomt 13. Etter makebytte med areal frå tomt 11 vil tomt 12 ha same areal som tidlegare. Ny vegløysing kan gjennomførast i tråd med universell utforming med veghelling på 1:20. 3) Konsekvensane av denne justeringa vert små for tomt 12 kva gjeld framtidig utbygging. Utsikten frå tomta vert ikkje endra og eit bygg som er tilpassa tomtetilhøva i dag vil truleg også kunne nytte vegen til omsorgsbustadene. Trafikken inn til omsorgsbustadene vert bagatellmessig og bør ikkje vere argument mot denne løysinga. Det kan bli hevda at vegen gjer tomt 11 mindre interessant for ein kjøpar, men det er truleg dei topografiske tilhøva som gjer det vanskeleg å få seld tomta. Tomta kan bli bra, men treng ein tilpassa utbyggingsløysing. 4) Det nye vegframlegget vil gje betre plass framom bustadene på sørsida når bustadene kan leggast inn mot byggjegrensa til bustadvegen Framlegget til ny veg inn til omsorgsbustadene skulle med dette vere betre enn tidlegare veg. Eg har ikkje rekna på kostnadene til dei to vegløysingane, men dersom vi skal fortsette med den første vegløysing kan dette bli ein mykje dyrare løysing enn det nye framlegget. Eg legg ved kartskisse som syner vegløysinga og makeskiftet. Merknad til søknad om mindre vesentleg reguleringsendring frå Eigedomsavdelinga: -Tomt nr. 12 vil få vegareal på 3 sider av tomta. Dette vil gjere denne tomta mindre attraktiv å byggje på. - Tomt 13 vil få vegareal på 2 sider av tomta. Dette vil gjere tomta mindre attraktiv å byggje på. Dette må vurderast opp mot eit evt. framtidig behov for utviding av prosjektet med fleire bustadar. Rådmannen si vurdering: Omsøkt reguleringsendring vert vurdert som mindre vesentleg jf. Pbl. 12-14. Viser til søknad frå Per Ivar Myklevoll. Ein har i denne saka berre teke omsyn til dei momenta i søknaden som har med mindre vesentleg reguleringsendring å gjere. Det ligg føre merknad til søknaden om reguleringsendring frå Eigedomsavdelinga i Selje kommune. Etablering av tilkomstveg på tomt nr. 12, slik vedlagt kart viser, vil vere positivt for bustadprosjektet. Tilkomstvegen vil stette krava til universell utforming, noko som er spesielt viktig for omsorgsbustadar. I tillegg er det positivt at bustadområdet får betre plass framom bustadane på
sørsida (solvendt), slik Myklevoll skriv i pkt. 4 i søknaden. På den andre sida vil vegomlegginga, slik Eigedomsavdelinga påpeikar, føre til negative konsekvensar for tomt 12 og 13. Tomt nr. 12 vil få vegareal på tre sider av tomta, medan tomt nr. 13 vil få vegareal på to sider av tomta. Ein trur difor det vil vere vanskeleg å få selt desse tomtene. Tomtene bør i staden avsettast til framtidige kommunale bustadar og såleis vert dei negative konsekvensane redusert. Etter ei samla vurdering vil ein difor gje løyve til mindre vesentleg reguleringsendring av reguleringsplan for Krakereid bustadfelt. Delar av tomt nr. 12 vert avsett til tilkomstveg for omsorgsbustadar på tomt nr. 9, 10 og 11 i Krakereid bustadfelt. Det må utarbeiast nytt plankart som viser reguleringsendringa. Kostnadane med dette må leggast på tiltakshavar.