MØTEBOK. Fylkesutvalet. Dato: 24. mai 2012 Kl.: Stad: Fylkeshuset, fylkesutvalsalen, rom 367 Hordaland Saknr.

HORDALAND FYLKESKOMMUNE MØTEBOK Fylkesutvalet Dato: 24. mai 2012 Kl.: 11.00-16.10 Stad: Fylkeshuset, fylkesutvalsalen, rom 367 Hordaland Saknr.: 113/12-143/12 MØTELEIAR Fylkesordførar Tom-Christer Nilsen Fylkesvaraordførar Mona H. Hellesnes i sak 138/12 DESSE MØTTE Grung, Ruth (A) Valle, Sveinung (A) Selsvold, Astrid F. (A) Søviknes, Terje (Frp) Ulvund, Inger Signe (Frp) Nilsen, Tom-Christer (H) Strømme, Mona Røsvik (H) frå kl. 12.30 Kallevåg, Inge Reidar (H) Eriksen, Birthe (H) Hellesnes, Mona Haugland Nyborg, Torill Selsvold (KrF) Bondhus, Benthe (Sp) Oen, Aud Karin (SV) Malones, Marte (A) Kjellby, Hans (H) til kl. 12.30 Hjemdal, Silje (Frp) FORFALL Nøss, Nils-Olav (A) Njåstad, Helge Andre (Frp) DESSUTAN MØTTE Fylkesrådmann Paul M. Nilsen Økonomidirektør Johnny Stiansen Regionaldirektør Jan Per Styve Seksjonsleiar Birthe A. Haugen, opplæringsavdelinga Samferdselssjef Anne Iren Fagerbakke Fylkeskonservator Per Morten Ekerhovd Informasjonssjef Stanley Hauge Seniorrådgjevar Gro Stien Thorvaldsen som sekretær 1

MERKNADER TIL INNKALLINGA Ruth Grung kommenterte at varamedlemer hadde motteke skriftleg innkalling to dagar før møtet, og bad om at dei til seinare møte vert varsla per telefon. Ut over dette vart innkallinga godkjend. GODKJENNING AV SAKLISTA Tom-Christer Nilsen varsla at sak 135/12 ville verte foreslått utsett. Mona Haugland Hellesnes sette fram slikt forslag: «Sak 141/12 vert utsett.» Hellesnes sitt forslag vart samrøystes vedteke. Terje Søviknes sette fram slikt forslag: «Melding 114/12 vert teke opp som ny sak 143/12.» Søviknes sitt forslag vart samrøystes vedteke. Med desse endringane vart saklista godkjend. YMSE Konserndirektør Wenche Teigland frå BKK orienterte om NOU 2012: 9 Energiutredningen verdiskaping, forsyningssikkerhet og miljø. Regionaldirektør Jan Per Styve orienterte: Marin sektor status og utfordringar. Fylkeskommunens rolle og oppgåver. Plansjef Marit Rødseth orienterte om fylkeskommunens rolle og oppgåver i kommunal og regional planlegging. I samband med sak 113/12 etterspurde Ruth Grung svar på spørsmål m.a. om Grieghallen og finansiering av fagskular som var stilt i fylkesutvalet sitt møte 25. og 26. april, og påpeikte at svar på spørsmål knytt til opplæring skulle kome raskt. Fylkesrådmannen svarte at det vil kome svar så snart som råd. I samband med sak 113/12 etterspurde Torill Selsvold Nyborg svar på spørsmåla sine om Jondalstunellen og bompengeselskapa. Samferdselssjefen svarte at det vil verte lagt fram svar i neste møte. I samband med sak 129/12 kommenterte Ruth Grung at det er ønskje om meir heilskapleg praktisering av Forskrift om miljørettet helsevern i barnehage og skole og spurde om det er kome svar på brevet som er sendt til Fylkesmannen. Fylkesrådmannen vil undersøkje dette. Fylkesrådmannen opplyste at høyringsutkast for skolebruksplanen var publisert på fylkeskommunen sine nettsider kl. 12.00 den 24.05.2012. Samandrag av utkastet vart delt ut til fylkesutvalet. 2

Open time Benthe Bondhus stilte slikt spørsmål: «Korleis kan Hordaland verte føregangsfylke når det gjeld skilting og informasjon for dei vegfarande?» Fylkesordføraren svarte at det vil kome skriftleg svar i neste møte. Mona Røsvik Strømme påpeikte at miljøet på Danmarks plass vert forureina ved at det vert nytta gamle bussar på Danmarks plass som gjev frå seg store mengder svart røyk. Sveinung Valle stilte følgjande spørsmål til fylkesrådmannen: 1. «Hordaland fylkeskommune påklaga NVE-vedtaket om rivingspålegg til Statkraft, og klagen vart ikkje teken til fylje i departementet, men stadfesta i mars 2006. Kva er status i saka no i 2012? 2. Åra går og forfallet er særs synleg. Kva plan har rådmannen for framdrift. 3. Er det kome plan for bruk av heile eller deler av Gamle Bjølvo kraftanlegg? Private/heradet/Hordaland fylkeskommune eller Staten? 4. Finst det privat eller offentleg investeringsvilje for opprustingsbehovet på mange titals millionar for å berga og få anlegget restaurert og håp om drift etter dagens krav? 5. Fylkesutvalet ber om tilbakemelding i neste møte.» Birthe Eriksen spurde om status med omsyn til streiken. Fylkesrådmannen og seksjonsleiar Birthe Haugen orienterte. Fylkesrådmannen gjorde merksam på at den pågåande streiken kan påverke saksbehandlingskapasiteten i fylkesadministrasjonen. Delegerte saker 16/12-20/12 vart refererte. 3

MELDINGAR Periode: 25.04.2012 25.05.2012 Nr. Arkivsak Referatsakstittel 107/12 201202641-1 Rammeplan for avkjørsler og byggegrense for fylkes- og riksvegar i Hordaland 2012-2015 108/12 200907758-48 Driftskontraktar på fylkesvegnettet - fornying av HaugaStordkontrakten frå 2013 109/12 201203402-1 Kollektivstrategi for Hordaland 110/12 201200295-7 Referat frå årsmøtet i Stiftinga Kystsogevekene 111/12 200910797-34 Kva utfordringar det har vore og korleis ein har forsøkt å løyse utfordringane med køyretider på ein del ruter i 2011. I samband med melding 111/12 sette Ruth Grung fram slikt oversendingsforslag: «Med utgangspunkt i notat datert 26. april 2012 frå fylkesrådmannen ber fylkesutvalet om å få ei sak som gjer greie for heilt konkrete tiltak på hovudtransportårane som vil betre framkomst for kollektiv i rushtrafikken. Det kan vere forslag til gater/trasear som kan reserverast for kollektiv i bestemte tidsrom, lysprioritet osb. Ber om at ein samtidig får ei oversikt over kva mynde som må involverast for å få gjennomført dei ulike tiltaka.» Forslaget vart samrøystes vedteke oversendt til fylkesrådmannen. 112/12 200501161-29 Statkraft Energi AS - Søknad om overføring av Blådalsvatnet til Juklavatnet med inntak av bekker i Kvitnadalen og Botnane i Kvinnherad kommune i Hordaland 113/12 201200468-3 Søknad om tilskot til Fleirbrukshall i Ullensvang herad 114/12 200905365-29 Slagord for Hordaland fylkeskommune Etter forslag frå Terje Søviknes vart melding 114/12 omgjort til sak 143/12. 115/12 200801071-23 Samarbeidande kraftfylke. Komitehøyring St. meld. nr 14 (2011-2012) Vi bygger Norge - om utbyggingen av strømnettet. 116/12 200800752-38 Protokoll fra generalforsamlingen i BKK AS 26. april 2012. 117/12 201201465-3 Status for spørsmål/oversendingsforslag i fylkesutvalet februar - april 2012 118/12 201203991-1 Orientering om Meld. St. 21 (2011-2012) Norsk klimapolitikk 119/12 201203351-3 North Connect KS - likestrømsforbindelse mellom Norge og Storbritannia - Merknad til høyringsfrist I samband med melding 119/12 spurde Ruth Grung om fylkeskommunen har fått utsett høyringsfrist. Regionaldirektøren opplyste at høyringsfristen var ute 8. mai. 120/12 201203947-1 Dato for plankonferansen 2012-22. og 23. oktober i Bergen 4

121/12 201203010-4 Orientering om korleis fylkeskommunen følgjer opp ansvaret innanfor heilskapleg vassforvalting, friluftsliv og forvalting av haustbare artar av vilt og innlandsfisk I samband med melding 121/12 spurde Ruth Grung om korleis stoda er for vassforvaltning vs. næring. Fylkesvaraordføraren opplyste at problemstillinga vert drøfta i ein eigen planprosess i vassregionutvalet. Det vil kome høyring frå utvalet. 122/12 200810721-14 Dagskonferanse om verdensarvpolitikk den 6. juni 2012 I samband med melding 122/12 spurde Benthe Bondhus om fylkeskommunen vert representert på konferansen. Fylkesordføraren stadfesta at fylkeskommunen vil vere representert, og bad om melding dersom medlemer i fylkesutvalet er interesserte i å delta. 123/12 200801439-119 Strategiar og prinsipp for korleis fylkeskommunen skal utøve eigarskap i arbeidsmarknadsbedriftene i fylket I samband med melding 123/12 oppmoda Ruth Grung om representasjon i arbeidsgruppa også frå opplæringsavdelinga. 124/12 201203404-2 Oversyn over tema-/sektorplanar i Hordaland fylkeskommune 125/12 201201793-6 Melding til fylkesutvalet - første møte i programkomité for regional plan for senterstruktur og lokalisering av service og handel 126/12 201203404-1 Oversyn over regionale planar til politisk handsaming og høyring i 2012-2013 5

SAKNR. 113/12 GODKJENNING AV MØTEBOK - FYLKESUTVALET 25. og 26.04.2012 Alf Helge Greaker har meldt at forslaget hans i sak 99/12 skal ha slik ordlyd: «Morgonavgangen Turistrute Hardanger startar på Lofthus i staden for Norheimsund, via Utne. Fylkesutvalet ønskjer og opsjon på å starte ruta i Norheimsund.» Ut over dette vart fylkesrådmannen sitt forslag samrøystes vedteke. Møtebok frå fylkesutvalet 25. og 26. 04.2012 godkjent, inkl. endring i sak 99/12. 114/12 ÅRSMELDING 2011 HORDALAND Fylkesrådmannen sitt forslag vart samrøystes vedteke som innstilling til fylkestinget. INNSTILLING TIL FYLKESTINGET Fylkestinget tek Årsmelding 2011 Hordaland fylkeskommune til orientering. 115/12 HØYRINGSUTTALE - PLANFORSLAGET TIL NASJONAL TRANSPORTPLAN 2014-2023 Mona Hellesnes sette på vegner av V, H, Frp, KrF, Sp og A fram slikt forslag: «GENERELT OM PLANFORSLAGET TIL NTP 2014-2023 1. Fylkestinget er positiv til målformuleringane i planforslaget og legg særleg vekt på strategiane om å satsa på tiltak som gjev meir miljøvenleg transport i byområda, regionforstørring, auka gjennomføringsevne og auka satsing på drift- og vedlikehald. BEHOV FOR AUKA ØKONOMISKE RAMMER 2. For å sikra meir klima- og miljøvenleg transport i byområda, naudsynte riksveg- og jernbaneinvesteringar, auka satsing på skredsikring og drift og vedlikehald, må dei økonomiske rammene i Nasjonal transportplan 2014-2023 aukast med 65 % i høve til planramma. BERGENSOMRÅDET BEHOV FOR STATLEG MEDFINANSIERING 3. Fylkestinget sluttar seg til forslaget om å etablera bypakkar/regionpakke Bergen med føresetnad om forpliktande statleg medfinansiering. 4. For å sikra kontinuerleg utbygging av bybanen etter at byggetrinn 3 er ferdigstilt i 2016, og naudsynte veg, gang, kollektiv (m.a. park&ride ved riksvegårene) og sykkelinvesteringar, vil statleg medfinansiering på 7-10 mrd. kr i ein regionpakke/ bypakke for Bergensområdet vera avgjerande. 5. Planforslaget peikar på at fylkeskommunane, med dagens inntektsramme, ikkje er i stand til å finansiera auken i driftstilskot til kollektivtrafikken for å utvikla eit kapasitetssterkt og konkurransedyktig kollektivtransportsystem. Fylkestinget krev at fylkeskommunen sine frie inntektsrammer vert auka i samsvar med behovet for auka driftstilskot. 6. Allereie planlagde, høgt prioriterte prosjekt i regionen som då vil inngå i region/ bypakkar, må framleis halda sin høge prioritet om ikkje bypakkane skulle verta ein 6

realitet. E39 - OPPRUSTA OG FERJEFRI 7. Det er avgjerande for kommunikasjonane og konkurranseevna på Vestlandet/ Hordaland at det vert realisert ferjefri E39 med gode tverrsamband så raskt som råd. Fylkestinget vil prioritera prosjekt som gjev rask realisering. Opprusting og ferjefri E39 gjennom Hordaland frå nord til sør får særskilt prioritet i NTP 2014-2023. E39 er den viktigaste transportåra på Vestlandet. Ein ferjefri E39 mellom Bergen og Stord, vil saman med realisering av Nyborg-Klauvaneset og ny strekning Os-Bergen bidra til ein meir robust og integrert bu- og arbeidsmarknad i dette området. Det er i samsvar med strategien i NTP-forslaget om å redusera avstandskostnader, bidra til regionforstørring og styrkt regional utvikling. E16 TRYGG OG FRAMTIDSRETTA 8. E16 har hatt en sterk auke i trafikk og er vorte ein av dei mest ulykkesutsette vegane i fylket. Fylkestinget ber om at det snarast vert sett i gang ein samla KVU for transportkorridoren mellom Arna og Voss som omfattar E16 og Vossebanen. E134 9. Fylkestinget legg til grunn at Stordalstunellen på E134 vert ferdigstilt etter gjeldande plan og at Haukelitunnelane (miljøtunnelar) vert planlagde med oppstart i 2015 og ferdigstilte i løpet av planperioden. ØVRIGE RIKSVEGINVESTERINGAR 10. Fylkestinget forventar at riksvegane i Hordaland vert opprusta til å vere dei hovudpulsårene dei skal vere for å binde regionane og landsdelane saman. Fylkestinget krev fortgang i planlegging og utbetring av: Rv 555 Bergen - Sotra Rv 13 Jøsendal - Voss - Vangsnes Rv 7 Eidfjord - Haugastøl (KVU) Jfr. fylkesrådmannen sine merknader vedkomande riksveginvesteringar i saksutgreiinga. Fylkestinget forventar at satsinga på Turistvegar held fram. Det er eit verdifullt tiltak som byggjer opp under fjorlandskapet som reiselivsatsing. Ikonpunkt bør utviklast og finansierast med statlege midlar. FRAMDRIFT OG FINANSIERING 11. Staten må ta grep for å effektivisera planprosessar for å tryggja raskare gjennomføring frå framlegg til ferdig prosjekt. Staten må m.a. innføra prosjektfinansiering og ta i bruk alternative ordningar (t.d. fleirårig budsjettering, aksjeselskap, OPS m.m.) for å sikra meir effektiv prosjektgjennomføring. RASSIKRING 12. Fylkestinget ser at i lys av den vesentlege kostnadsauken vi ser på prosjekta, må den nasjonale ramma opp frå 1 til 2 mrd/år. STYRKT DRIFT OG VEDLIKEHALD AV VEGNETTET 13. Fylkestinget stør framlegget om eit eige statleg program for å redusera vedlikehaldsetterlsepet på fylkesvegar, t.d. gjennom auka rammeoverføring til fylkeskommunane. Fylkeskommunane må få kompensert for prisveksten på driftskontraktane, tilsvarande den statlege priskompensasjonen for riksvegnettet. 7

JERNBANE 14. Fylkestinget er positiv til at arbeidet med dobbeltspor mellom Bergen og Arna vert starta opp i 2013, og forventar ei vidare satsing på Vossebanen snarast råd. Bana må rustast opp slik at den ivaretek Intercity funksjonen og styrkar indre Hordaland med Voss som regionsenter, og som ein del av pendlarregionen rundt Bergen. Timefrekvens vil auka konkurransekrafta til banen. Utbetringa er og viktig for godstransport på Bergensbanen, då dobbeltspor Bergen - Arna og fleire kryssingsspor vil sikra betre regularitet. Dette vil og føra meir gods frå veg til bane. Fylkestinget vil ha fortgang i lokalisering av ny godsterminal i Bergen, slik at dei 600 millionane som er sett av frå 2018 til å rusta opp dagens terminal kan gå til etablering av ny terminal. 15. Fylkestinget rår til at alternativ B i høgfartsutgreiinga, med forsert utbygging på eksisterande trase, vert lagt til grunn for vidare utvikling av Bergensbanen. For å få redusert reisetida mellom Oslo og Bergen ned mot 4 timar, må investeringane i utbetringar og lange kryssingsspor på eksisterande Bergensbane aukast monaleg, og Ringeriksbanen byggjast. 16. Fylkestinget forventar at planleggingsarbeidet for Ringeriksbanen vert teke opp igjen snarast mogleg, og at planprosessar for denne vert gjort uavhengig av planane for E16. Ny organisasjonsmodell og finansieringsordning må utprøvast i dette prosjektet, i tråd med omtale i framlegget til NTP. LUFTFART 17. Fylkestinget vil setja fokus på at Bergen Lufthamn, som nest størst i Noreg og ein av berre to flyplassar i Hordaland, må verte prioritert slik at ny terminal på Flesland kan realiserast parallelt med at bybana når Flesland for å få størst mogleg effekt av bybaneinvesteringa, og avhjelpe kapasitetsproblema ved lufthamna sin terminal. SJØTRANSPORT 18. Fylkestinget etterlyser ein konkret strategi for å overføra gods frå veg til sjø og ein gjennomgang av ansvarsfordeling og avgiftssystem. I nokre by- og senterområde er sjøbasert persontransport allereie i dag ein del av kollektivnettet. Sjøbasert transport som dette må vurderast og takast omsyn til i det vidare arbeidet med kollektivsatsing. FISKERIHAMNER 19. Austevoll fiskerihamn var omtalt i førre NTP, og det er planlagt oppstart av prosjektet i 2013. Fylkestinget finn det likevel naturleg å understreka prosjektet si regionale betydning og at prosjektet må realiserast som planlagt. 20. Fylkestinget viser elles til fylkesrådmannen sitt saksframlegg, som ein del av høyringsuttalen til planforslaget om Nasjonal transportplan 2014 2023.» Torill Selsvold Nyborg sette fram slikt forslag: «Punkt 18 sjøtransport. Endring siste setning: Sjøbasert passasjertransport må utviklast og vektleggjast meir enn til no i det vidare arbeidet med kollektivsatsinga.» 8

Aud Karin Oen sette fram slikt forslag: «Bergensområdet behov for statleg medfinansiering Tillegg under punkt 3: a) Hordaland fylke skal vere ein aktiv pådrivar for miljøvenlege transportløysningar i Bergensregionen, m.a. rask utbygging av bybane til alle bydelar, kollektivfelt på alle innfartsårer, plan for parkering med skyss, og meir miljøvenleg motorteknologi for buss. Tillegg under punkt 4: b) For å sikre ei nasjonal satsing på bybane i dei store byane ber fylkestinget om at det vert etablert ein ny post på samferdselsbudsjettet med øyremerkte midlar til bybane og buss med elektrisk framdrift eller anna motorkraft som ikkje forureinar. Fylkestinget ber om at NTP får ein ny post som kan bidra til å finansiere omgjering av 2-felt på dei firefelts innfartsårene til Bergen til kollektivfelt, eventuelt med sambruksfelt som overgangsordning i 2 år. Midlane skal gå til betre busstilbod på strekninga. Nytt punkt: c) NTP må føreslå eit nasjonalt kunnskapssenter for planlegging, utbygging og drift av bybane. Lokalisert i Bergen. Alternativt forslag under E39 opprusta og ferjefri: d) Fylkestinget ber om at planlegging av høgfartstog Bergen Stavanger vert starta opp. Utgreiinga må vurdere om lina kan nyttast til godstransport på natt. Tillegg under Øvrige riksveginvesteringar: e) Med kollektivfelt og dimensjonering for Bybane. Tillegg/ny første setning under Jernbane: f) Fylkestinget ber om at det vert oppretta ei ordning med eit statleg jarnbanefond, gjerne etter modell av luftfartens Avinor. Tillegg under Jernbane: g) NTP må gje prioritet til nye togsett på strekninga Bergen-Voss-Myrdal. Nytt punkt: h) TRAFIKKSIKRING NTP må føreslå ein nasjonal plan for betre skilting, nedsett fart ved skular og barnehagar og andre tiltak for vise at samfunnet verdset sikre skulevegar. NTP må føreslå ein nasjonal plan for å trafikksikre gang og sykkelvegar som gjev prioritet til dei kommunane som legg til rette areal. Planen må opne for at kommunane kan søkje midlar til juridisk assistanse for å sikre historiske barnetråkk som vert lukka av private grunneigarar. Nytt punkt: i) ELEKTRIFISERING NTP må foreslå ein plan for teknologisk innovasjon for buss, ferje og passasjerbåt som kan gje utsleppsfrie motorar. j) Tillegg under Sjøtransport og arbeid for å utvikle motorar som er fri for skadelege utslepp.» Aud Karin Oen sette fram slik protokollmerknad: «SV kan ikkje støtte kravet om den kraftige auken i planramma på 65 % før miljøprofilen i fylkestinget sin uttale er blitt betre.» 9

Silje Hjemdal sette fram slikt forslag: «Fylkestinget peikar på NSB sin mogelegheitsstudie knytt til tog (gods/personar) mellom Åsane og Flesland og ber om at Jernbaneverket vurderer og eventuelt kvalitetssikrar mogelegheitsstudiet. Prosjektet må sjåast i samanheng med folkeveksten i regionen og Bergen.» Astrid F. Selsvold sette fram slikt forslag: «Under punkt 10, kulepunkt om Rv 13: - der mellom anna vedteken fylkesdelplan for Voss-Vik frå 2006 må oppfyllast ved at tunellprosjektet vert prioritert i siste del av planperioden.» Røysting Fylkesordføraren la Hellesnes sitt forslag til grunn for røystinga. Hellesnes sitt forslag punkt 1, 2 og 3 vart samrøystes vedteke som innstilling til fylkestinget. Oen sitt forslag a) fekk 1 røyst (SV) og fall. Hellesnes sitt forslag punkt 4 vart samrøystes vedteke som innstilling til fylkestinget. Oen sitt forslag b), avsnitt 1 fekk 1 røyst (SV) og fall. Oen sitt forslag b), avsnitt 2 fekk 1 røyst (SV) og fall. Hellesnes sitt forslag punkt 5 og 6 vart samrøystes vedteke som innstilling til fylkestinget.. Oen sitt forslag c) fekk 1 røyst (SV) og fall. Hellesnes sitt forslag punkt 7 vart vedteke som innstilling til fylkestinget med 14 røyster mot 1 røyst (SV) for Oen sitt forslag d). Hellesnes sitt forslag punkt 8 og 9 vart samrøystes vedteke som innstilling til fylkestinget. Hellesnes sitt forslag punkt 10, første setning vart samrøystes vedteke som innstilling til fylkestinget. Oen sitt forslag e) fekk 2 røyster (SV, KrF) og fall. Selsvold sitt forslag vart vedteke mot 1 røyst (H) som innstilling til fylkestinget. Hellesnes sitt forslag punkt 10, siste setning vart samrøystes vedteke som innstilling til fylkestinget. Hellesnes sitt forslag punkt 11, unnateke det som står i parentes, vart samrøystes vedteke som innstilling til fylkestinget. Hellesnes sitt forslag punkt 11, det som står i parentes, vart vedteke som innstilling til fylkestinget mot 1 røyst (SV). Hellesnes sitt forslag punkt 12, 13, 14, 15 og 16 vart samrøystes vedteke som innstilling til fylkestinget. Oen sitt forslag f) fekk 1 røyst (SV) og fall. Oen sitt forslag g) vart samrøystes vedteke som innstilling til fylkestinget. Oen sitt forslag h) fekk 1 røyst (SV) og fall. Oen sitt forslag i) fekk 2 røyster (SV, KrF) og fall. Hjemdal sitt forslag fekk 5 røyster Frp, V, SV) og fall. Hellesnes sitt forslag punkt 17 vart vedteke som innstilling til fylkestinget mot 1 røyst (SV). Hellesnes sitt forslag punkt 18, 1. setning vart samrøystes vedteke som innstilling til fylkestinget. Nyborg sitt forslag vart samrøystes vedteke som innstilling til fylkestinget. Oen sitt forslag j) fekk 1 røyst (SV) og fall. Hellesnes sitt forslag punkt 19 og 20 vart samrøystes vedteke som innstilling til fylkestinget. INNSTILLING TIL FYLKESTINGET GENERELT OM PLANFORSLAGET TIL NTP 2014-2023 1. Fylkestinget er positiv til målformuleringane i planforslaget og legg særleg vekt på strategiane om å satsa på tiltak som gjev meir miljøvenleg transport i byområda, regionforstørring, auka gjennomføringsevne og auka satsing på drift- og vedlikehald. BEHOV FOR AUKA ØKONOMISKE RAMMER 2. For å sikra meir klima- og miljøvenleg transport i byområda, naudsynte riksveg- og 10

jernbaneinvesteringar, auka satsing på skredsikring og drift og vedlikehald, må dei økonomiske rammene i Nasjonal transportplan 2014-2023 aukast med 65 % i høve til planramma. BERGENSOMRÅDET BEHOV FOR STATLEG MEDFINANSIERING 3. Fylkestinget sluttar seg til forslaget om å etablera bypakkar/regionpakke Bergen med føresetnad om forpliktande statleg medfinansiering. 4. For å sikra kontinuerleg utbygging av bybanen etter at byggetrinn 3 er ferdigstilt i 2016, og naudsynte veg, gang, kollektiv (m.a. park&ride ved riksvegårene) og sykkelinvesteringar, vil statleg medfinansiering på 7-10 mrd. kr i ein regionpakke/ bypakke for Bergensområdet vera avgjerande. 5. Planforslaget peikar på at fylkeskommunane, med dagens inntektsramme, ikkje er i stand til å finansiera auken i driftstilskot til kollektivtrafikken for å utvikla eit kapasitetssterkt og konkurransedyktig kollektivtransportsystem. Fylkestinget krev at fylkeskommunen sine frie inntektsrammer vert auka i samsvar med behovet for auka driftstilskot. 6. Allereie planlagde, høgt prioriterte prosjekt i regionen som då vil inngå i region/ bypakkar, må framleis halda sin høge prioritet om ikkje bypakkane skulle verta ein realitet. E39 - OPPRUSTA OG FERJEFRI 7. Det er avgjerande for kommunikasjonane og konkurranseevna på Vestlandet/ Hordaland at det vert realisert ferjefri E39 med gode tverrsamband så raskt som råd. Fylkestinget vil prioritera prosjekt som gjev rask realisering. Opprusting og ferjefri E39 gjennom Hordaland frå nord til sør får særskilt prioritet i NTP 2014-2023. E39 er den viktigaste transportåra på Vestlandet. Ein ferjefri E39 mellom Bergen og Stord, vil saman med realisering av Nyborg-Klauvaneset og ny strekning Os-Bergen bidra til ein meir robust og integrert bu- og arbeidsmarknad i dette området. Det er i samsvar med strategien i NTP-forslaget om å redusera avstandskostnader, bidra til regionforstørring og styrkt regional utvikling. E16 TRYGG OG FRAMTIDSRETTA 8. E16 har hatt en sterk auke i trafikk og er vorte ein av dei mest ulykkesutsette vegane i fylket. Fylkestinget ber om at det snarast vert sett i gang i gangsettes ein samla KVU for transportkorridoren mellom Arna og Voss som omfattar E16 og Vossebanen. E134 9. Fylkestinget legg til grunn at Stordalstunellen på E134 vert ferdigstilt etter gjeldande plan og at Haukelitunnelane (miljøtunnelar) vert planlagde med oppstart i 2015 og ferdigstilte ferdigstillast i løpet av planperioden. ØVRIGE RIKSVEGINVESTERINGAR 10. Fylkestinget forventar at riksvegane i Hordaland vert opprusta til å vere dei hovudpulsårene dei skal vere for å binde regionane og landsdelane saman. Fylkestinget krev fortgang i planlegging og utbetring av: Rv 555 Bergen-Sotra Rv 13 Jøsendal-Voss-Vangsnes der mellom anna vedteken fylkesdelplan for Voss-Vik frå 2006 må oppfyllast ved at tunellprosjektet vert prioritert i siste del av planperioden. Rv 7 Eidfjord-Haugastøl (KVU) Jfr. fylkesrådmannen sine merknader vedkomande riksveginvesteringar i saksutgreiinga. Fylkestinget forventar at satsinga på Turistvegar held fram. Det er eit verdifullt tiltak som byggjer opp under fjorlandskapet som reiselivsatsing. Ikonpunkt bør utviklast og finansierast med statlege midlar. 11

FRAMDRIFT OG FINANSIERING 11. Staten må ta grep for å effektivisera planprosessar for å tryggja raskare gjennomføring frå framlegg til ferdig prosjekt. Staten må m.a. innføra prosjektfinansiering og ta i bruk alternative ordningar (t.d. fleirårig budsjettering, aksjeselskap, OPS m.m.) for å sikra meir effektiv prosjektgjennomføring. RASSIKRING 12. Fylkestinget ser at i lys av den vesentlege kostnadsauken vi ser på prosjekta, må den nasjonale ramma opp frå 1 til 2 mrd/år. STYRKT STYRKA DRIFT OG VEDLIKEHALD AV VEGNETTET 13. Fylkestinget stør framlegget om eit eige statleg program for å redusera vedlikehaldsetterlsepet på fylkesvegar, t.d. gjennom auka rammeoverføring til fylkeskommunane. Fylkeskommunane må få kompensert for prisveksten på driftskontraktane, tilsvarande den statlege priskompensasjonen for riksvegnettet. JERNBANE 14. Fylkestinget er positiv til at arbeidet med dobbeltspor mellom Bergen og Arna vert starta opp i 2013, og forventar ei vidare satsing på Vossebanen snarast råd. Bana må rustast opp opprustast slik at den ivaretek Intercity funksjonen og styrkar indre Hordaland med Voss som regionsenter, og som ein del av pendlarregionen rundt Bergen. Timefrekvens vil auka konkurransekrafta til banen. Utbetringa er og viktig for godstransport på Bergensbanen, då dobbeltspor Bergen - Arna og fleire kryssingsspor vil sikra betre regularitet. Dette vil og føra meir gods frå veg til bane. Fylkestinget vil ha fortgang i lokalisering av ny godsterminal i Bergen, slik at dei 600 millionane som er sett av frå 2018 til å rusta opp dagens terminal kan gå til etablering av ny terminal. 15. Fylkestinget rår til at alternativ B i høgfartsutgreiinga, med forsert utbygging på eksisterande trase, vert lagt til grunn for vidare utvikling av Bergensbanen. For å få redusert reisetida mellom Oslo og Bergen ned mot 4 timar, må investeringane i utbetringar og lange kryssingsspor på eksisterande Bergensbane aukast monaleg, og Ringeriksbanen byggjast. 16. Fylkestinget forventar at planleggingsarbeidet for Ringeriksbanen vert teke opp igjen gjenopptatt snarast mogleg, og at planprosessar for denne vert gjort uavhengig av planane for E16. Ny organisasjonsmodell og finansieringsordning må utprøvast i dette prosjektet, i tråd med omtale i framlegget til NTP. 17. NTP må gje prioritet til nye togsett på strekninga Bergen-Voss-Myrdal. LUFTFART 18. Fylkestinget vil setja fokus på at Bergen Lufthamn, som nest størst i Noreg og ein av berre kun to flyplassar i Hordaland, må verte prioritert slik at ny terminal på Flesland kan realiserast parallelt med at bybana når Flesland for å få størst mogleg effekt av bybaneinvesteringa, og avhjelpe kapasitetsproblema ved lufthamna sin terminal. SJØTRANSPORT 19. Fylkestinget etterlyser ein konkret strategi for å overføra gods frå veg til sjø og ein gjennomgang av ansvarsfordeling og avgiftssystem. Sjøbasert passasjertransport må utviklast og vektleggjast meir enn til no i det vidare arbeidet med kollektivsatsinga. 12

FISKERIHAMNER 20. Austevoll fiskerihamn var omtalt i førre NTP, og det er planlagt oppstart av prosjektet i 2013. Fylkestinget finn det likevel naturleg å understreka prosjektet si regionale betydning og at prosjektet må realiserast som planlagt. 21. Fylkestinget viser elles til fylkesrådmannen sitt saksframlegg, som ein del av høyringsuttalen til planforslaget om Nasjonal transportplan 2014 2023. Protokollmerknad frå SV SV kan ikkje støtte kravet om den kraftige auken i planramma på 65 % før miljøprofilen i fylkestinget er blitt betre. 116/12 OMKLASSIFISERING AV VEGAR I SAMBAND MED STORDALSPROSJEKTET PÅ E 134 I ETNE KOMMUNE - HØYRING Innstillinga vart samrøystes vedteken. 1. Fylkesutvalet tilrår at ny tilkoplingsveg frå Fv 48 til nytt kryss på ny E 134 på Håland vert klassifisert som fylkesveg. 2. Fylkesutvalet tilrår at dei føreslåtte kommunal veg 1 og kommunal veg 2 på den noverande E 134 får oppretthalden statusen som riksveg. 117/12 OMKLASSIFISERING AV PARSELL AV FV 542 VED RUBBESTAD TIL KOMMUNAL VEG Innstillinga vart samrøystes vedteken. 1. Fylkesutvalet vedtek at gamal del av Fv 542 mellom Rubbestad og Stokkabekken, lengde ca. 250 meter, vert omklassifisert til kommunal veg. 2. Fylkesutvalet vedtek at den gamle delen av Fv 542 først vert overteken av Bømlo kommune etter synfaring med kommunen og Statens vegvesen og overtakingsprotokoll er skriven. 118/12 E 134 STORDALSTUNNELEN BOMPENGESØKNAD Innstillinga vart vedteken som innstilling til fylkestinget mot 3 røyster (Frp). INNSTILLING TIL FYLKESTINGET 1. Fylkestinget gir si tilslutning til bompengesøknaden for E 134 Stordalstunnelen slik han ligg føre. 2. Fylkestinget godkjenner at Hordaland fylkeskommune vert bompengeselskap for prosjektet. 119/12 ALTERNATIV FRAMDRIFTSTEKNOLOGI FOR MILJØVENLEGE FERJER - OPPLEGG TIL HOVUDPROSJEKT Ruth Grung sette fram slikt forslag: 13

1. «Fylkesutvalet vedtek å starta opp hovudprosjekt for implementering av miljøvenleg framdriftsteknologi i ferje- og snøggbåtdrifta i fylket. Det er avgjerande at ny miljøvenleg teknologi vert testa ut så snart som råd, slik at teknologien kan verte lagt til grunn for framtidige anbod. 2. Ferjetransport har størst påverknad på miljøet og fylkesutvalet vel difor å prioritera eit pilotprosjekt med bygging av ei ny kost- og miljøoptimal ferje. Fylkesutvalet ber om å få attende sak om korleis dette kan utviklast i samarbeid med offentlege og private aktørar. Det er ønskjeleg at ein slik utviklingskontrakt byggjer på dei resultata som MCTW-klynga har utvikla. 3. Miljøteknologi på hurtigbåtar må óg testast ut. Fylkesutvalet ber fylkesrådmannen gå i dialog med MCTW på korleis eit slikt demonstrasjonsprosjekt kan gjennomførast som eit utviklings- og demonstrasjonsprosjekt delfinansiert gjennom det offentlege verkemiddelapparatet. Erfaringane frå prosjektet bør nyttast i utarbeiding av framtidige anbod.» Røysting Grung sitt forslag punkt 1 og 2 fekk 4 røyster (A) og fall. Innstillinga vart samrøystes vedteken. Grung sitt forslag punkt 3 vart vedteke mot 7 røyster (3 H, Frp, V). 1. Fylkesutvalet vedtek å starta opp hovudprosjekt for implementering av miljøvenleg framdriftsteknologi i ferje- og snøggbåtdrifta i fylket. 2. Snøggbåtsambandet Kleppestø-Nøstet skal ha prioritet i framdrifta av prosjektet. For snøggbåtruta Kleppestø-Nøstet legg fylkesutvalet til grunn at det skal nyttast forhandla prosedyre som konkurranseform. 3. Miljøteknologi på hurtigbåtar må óg testast ut. Fylkesutvalet ber fylkesrådmannen gå i dialog med MCTW på korleis eit slikt demonstrasjonsprosjekt kan gjennomførast som eit utviklings- og demonstrasjonsprosjekt delfinansiert gjennom det offentlege verkemiddelapparatet. Erfaringane frå prosjektet bør nyttast i utarbeiding av framtidige anbod. 4. Fylkesutvalet ber om å få attende sak om konkurranseform for aktuelle ferjesamband saman med budsjett og finansieringsopplegg for arbeidet med konkurransegrunnlaget. 120/12 INFRASTRUKTUR FOR ELBILAR Mona Hellesnes sette på vegner av V, H og FrP fram slikt forslag: «Endring: 9. Fylkesutvalet oppmodar om at fylkeskommunen tilrettelegg for både hurtig- og vanleg lading på eigne anlegg. Minst 20 % av plassane skal ha ladepunkt, kor ein del må reserverast for ladbare motorvogner. 10. Fylkesutvalet oppmodar kommunane i Hordaland om å leggje til rette for hurtiglading for å bidra til å oppfylle transportmåla i klimaplanen. Gjennom dei kommunale parkeringsnormene bør ein mellom anna stille krav til kjøpesenter om etablering av hurtigladepunkt og minst 20 % av parkeringsplassane bør ha vanlege ladepunkt. Ein del må reserverast for ladbare motorvogner (t.d. el- og hybrid).» 14

Torill Selsvold Nyborg sette på vegner av KrF og SV fram slikt forslag: «Punkt 9: Punktum etter ladepunkt i siste setning. Stryk: «Utan å vera reservert for el-bilar.» Røysting Fylkesordføraren la innstillinga frå samferdselsutvalet til grunn for røystinga. Innstillinga punkt 1-8 vart samrøystes vedteken. Innstillinga punkt 9 første setning vart samrøystes vedteken. Hellesnes sitt forslag til punkt 9 siste setning vart vedteke med 8 røyster mot 7 røyster (KrF, SV,SP, A) for Nyborg sitt forslag. Hellesnes sitt forslag til punkt 10 vart samrøystes vedteke mot ingen røyster for innstillinga. Innstillinga punkt 11-14 vart samrøystes vedteken. 1. Satsing på hurtigladestasjonar for elbilar er eit viktig tiltak for å nå målet i Klimaplan for Hordaland om 20 % elbilar innan 2020. 2. Hordaland fylkeskommune sin bilpark skal så langt det er praktisk mogleg skiftast ut til ladbare bilar. 3. Ved utforming av kollektivterminalar og innfartsparkeringsanlegg skal det i samarbeid med aktuelle kraftselskap leggjast til rette for hurtiglading. 4. Alle regionsentra i fylket og det overordna vegnettet må ha allment tilgjengelege hurtigladepunkt. Hordaland fylkeskommune vil i samarbeid med kraftselskap, Transnova og andre fullføre den grunnleggjande infrastrukturen for elbilar i Hordaland. Det vil seie hurtiglading i resterande regionsentra og i passe avstand langs vegane E39, E16, E134, Rv 7, Rv 555, Rv 13 og Fv 551. 5. Fylkesutvalet løyver i 2012 kr 370.000 til utbygging av hurtigladestasjonar i Odda, Norheimsund, Straume, Eidfjord, Etne og Matre. 6. Trong for midlar til å fullføre satsinga i 2013 vil ein kome attende til i budsjetthandsaminga for 2013. 7. Fylkesutvalet ber Avinor om å etablere hurtigladestasjon på Bergen Lufthavn Flesland. 8. Fylkesutvalet ber Jernbaneverket, Statens Vegvesen og Bergen og Omland Havnevesen om å etablere hurtigladepunkt på større stasjonar, ferjekaiar og hamner i fylket. 9. Fylkesutvalet oppmodar om at fylkeskommunen legg til rette for lading på eigne anlegg og oppmodar kommunane og staten om å gjere det same. Minst 20 % av plassane skal ha ladepunkt, kor ein del må reserverast for ladbare motorvogner. 10. Fylkesutvalet oppmodar kommunane i Hordaland om å leggje til rette for hurtiglading for å bidra til å oppfylle transportmåla i klimaplanen. Gjennom dei kommunale parkeringsnormene bør ein mellom anna stille krav til kjøpesenter om etablering av hurtigladepunkt og minst 20 % av parkeringsplassane bør ha vanlege ladepunkt. Ein del må reserverast for ladbare motorvogner (t.d. el- og hybrid). 11. Det er behov for ein offensiv, langsiktig og føreseieleg statleg politikk som kan gje trygge rammer for andre aktørar si satsing på elbilar og tilhøyrande infrastruktur. Transnova må sikrast tilstrekkelege midlar, og statlege tilskott til hurtiglading må aukast monaleg. 15

12. Fylkesutvalet ber Transnova om å satse på ein radiusstrategi for hurtiglading rundt dei største byane i Noreg, for å gjere byane og deira omland gjensidig meir tilgjengelege med elbil. 13. Fylkesutvalet ber om at det vert gjort ei løpande vurdering av ulike teknologiske løysingar for lading/hurtiglading og kompatibilitet. 14. Fylkesutvalet ynskjer ei årleg evaluering av infrastrukturen for elbilar i Hordaland. 121/12 CARDIFF INTERNATIONAL FOOD AND DRINK FESTIVAL 2012 Fylkesrådmannen sitt forslag vart samrøystes vedteke. Hordaland fylkeskommune ynskjer å vere representert på Cardiff International Food and Drink Festival i samarbeidsregionen Cardiff, Wales i 2012. Fylkesutvalet løyver inntil kr 50 000,- til tiltaket. Budsjettet vert endra slik: Konto 10.720.200.00.14900 til rådvelde for fylkesutvalet går ned med 50 000,- kr. Konto 5201 06 74239 til rådvelde for Fitjar vidaregåande skule aukar med 50 000,- kr. 122/12 OPPFØLGING AV REGIONAL PLANSTRATEGI OG MIDLAR TIL REGIONAL PLANLEGGING - 2012 Fylkesrådmannen sitt forslag vart samrøystes vedteke. 1. Fylkesutvalet vedtek budsjett for regionale planmidlar 2012 med følgjande fordeling: Regional planstrategi kr 100 000 Regional plan Nordfjella villreinområde kr 160 000 Forvaltingsplan for vassregion Hordaland kr 150 000 Regional plan for Sunnhordland kr 400 000 Regional plan for utbyggingsmønster, areal og transport for Bergensområdet kr 500 000 Regional plan for senterstruktur, service og handel kr 200 000 Regional plan for Haugalandet kr 200 000 Regional plan for folkehelsearbeid kr 254 000 Regional transportplan kr 100 000 Regional kulturplan kr 300 000 Regional næringsplan kr 200 000 Sum budsjett kr 2 564 000 2. Fylkesrådmannen får fullmakt til mindre justeringar av budsjettet etter behov. 123/12 RETNINGSLINE FOR RESERVERTE KONTRAKTAR Fylkesrådmannen sitt forslag vart samrøystes vedteke. 16

Hordaland fylkeskommune (HFK) vedtek å ta i bruk forskrifta om offentlege anskaffingar 3-12 ved å reservere planlagde konkurransar til verksemder der fleirtalet av dei berørte tilsette er funksjonshemma, og arten eller omfanget av handikapet deira inneber at dei tilsette ikkje kan arbeide på ordinære vilkår. Alle einingane i HFK skal vurdere reservert kontrakt for følgjande seks område: budtenester, pakking og utsending, mindre vedlikehald og ryddearbeid, levering av frukt, drift av kantiner og mindre reinhaldsoppdrag. Dette gjeld for anskaffingar både over og under nasjonal terskelverdi på kr 500 000,-. HFK vil også nytte 3-12 ved kjøp av andre produkt/tenester der ein finn det hensiktsmessig. 124/12 OPPREISINGSORDNING FOR PERSONAR SOM HAR VORE UTSETTE FOR OVERGREP - FORSLAG I FYLKESTINGET 13.12.2011 Aud Karin Oen sette fram slikt forslag: «- Ber om at saka vert utgreidd med omsyn til fylkeskommunen sitt sjølvstendige ansvar i høve til den perioden dei hadde ansvar for barnevernet, jmf. Akershus fylkeskommune. - Ber om at ein hentar inn røynsler frå andre fylkeskommunar og Bergen.» Røysting Fylkesrådmannen sitt forslag vart vedteke som innstilling til fylkestinget med 14 røyster mot 1 røyst (SV) for Oen sitt forslag. INNSTILLING TIL FYLKESTINGET Fylkestinget tek saka til orientering. 125/12 STYREANSVARSFORSSIKRING FOR HORDALAND FYLKESKOMMUNE (HFK) Fylkesrådmannen sitt forslag vart samrøystes vedteke. Hordaland fylkeskommune teiknar styreansvarsforsikring. 126/12 GODKJENNING AV TRE PROSJEKTREKNESKAP Fylkesrådmannen sitt forslag vart samrøystes vedteke. Fylkesutvalet godkjenner dei tre prosjektrekneskapane ved Stord vidaregåande skule, Fyllingsdalen videregående skole og Stend hovedgård. 127/12 ENØKTILTAK 2012 - BUDSJETTENDRING 1 Fylkesrådmannen sitt forslag vart samrøystes vedteke. 17

Fylkesutvalet godkjenner slik fordeling av midlar til ENØK-tiltak 2012 og at det vert gjort fylgjande budsjettendring: 10.626.020.00 04089 02320 Sandsli videregående skole ENØK-tiltak Nyanlegg + kr 1.500.000,- 10.634.020.00 04090 02320 10.647.020.00 04091 02320 10.655.020.00 04092 02320 10.615.020.00 04093 02320 10.658.020.00 04094 02320 10.777.022.00 05000 02301 Knarvik vidaregåande skule ENØK-tiltak Nyanlegg + kr 800.000,- Fyllingsdalen videregående skole ENØK-tiltak Nyanlegg + kr 300.000,- Bergen maritime videregående skole ENØK-tiltak Nyanlegg + kr 600.000,- Øystese gymnas ENØK-tiltak Nyanlegg + kr 230.000,- Stend vidaregåande skule ENØK-tiltak Nyanlegg + kr 300.000,- Energiøkonomiseringstiltak Enøk-tiltak Nyanlegg kr 3.730.000,- 128/12 INNEKLIMATILTAK 2012 - BUDSJETTENDRING 3 Fylkesrådmannen sitt forslag vart samrøystes vedteke. Fylkesutvalet godkjenner slik fordeling av midlar til inneklimatiltak 2012 og at det vert gjort fylgjande budsjettendring: 10.615.020.00 03222 02320 10.643.020.00 03223 02320 10.633.020.00 03224 02320 Øystese gymnas Internkontroll elektro Nyanlegg kr 150.000,- Askøy videregående skole Internkontroll elektro Nyanlegg kr 200.000,- Slåtthaug videregående skole Internkontroll elektro Nyanlegg kr 250.000,- 10.777.023.00 Inneklima/brannsikring 18

04000 02320 Inneklima-/ internkontroll elektro Nyanlegg - kr 600.000,- 129/12 VEDLIKEHALD AV SKULEBYGG - OPPFØLGING AV FORVALTNINGSREVISJON Ruth Grung sette fram slikt forslag: «Tillegg: Fylkestinget er svært bekymra over at bere 25 av 49 vidaregåande skular tilfredsstiller krava i miljøretta helsevern.» Røysting Innstillinga vart samrøystes vedteken som innstilling til fylkestinget. Grung sitt forslag fekk 5 røyster (A, Sp) og fall. INNSTILLING TIL FYLKESTINGET Fylkestinget tek saka til etterretning. 130/12 HØYRING FORSKRIFTSENDRINGAR - FAG FRÅ VGS FOR ELEVAR PÅ UNGDOMSTRINNET, VURDERING I INNFØRINGSTILBOD, RETNINGSLINER FOR LOKALT GITT EKSAMEN Ruth Grung sette på vegner av A, Sp, SV, KrF, Frp, V og H fram slikt oversendingsforslag: «Fylkesutvalet ber om at alle skolane tek kontakt med lokale ungdomsskolar for å drøfte samarbeid om opplæring av ungdomsskoleelevar.» Røysting Innstillinga vart samrøystes vedteken. Grung sitt forslag vart samrøystes vedteke oversendt til fylkesrådmannen. Fylkesutvalet støttar Utdanningsdirektoratet sitt forslag til endringar i opplæringslova, med følgjande kommentarar: Elevar på ungdomstrinnet får utvida tilgang til å ta alle fellesfaga og programfag som blir avslutta etter eitt år, frå vidaregåande opplæring. Elevar i innføringstilbod bør få fritak frå vurdering med karakter, men elevar i innføringstilbod bør òg få mulegheit til å få registrert Delteke eller liknande som sluttvurdering på sine kompetansebevis. Plikta til skoleeigar til å lage retningsliner for lokalt gitt eksamen vert forskriftsfesta. 131/12 REGIONALT FORSKINGSFOND VESTLANDET - ÅRSMELDING 2011 Fylkesrådmannen sitt forslag vart samrøystes vedteke som innstilling til fylkestinget. INNSTILLING TIL FYLKESTINGET Fylkestinget godkjenner årsmeldinga frå styret i Regionalt forskingsfond Vestlandet for 2011. 19

132/12 PLANPROGRAM - REGIONAL KULTURPLAN 2014 2024 Innstillinga vart samrøystes vedteken. 1. Fylkesutvalet vedtek å sende planprogrammet for ny regional kulturplan ut på høyring. 2. Fylkesutvalet ber om at høyringsfristen vert utsett til 20. september 2012. 133/12 AV REGIONAL PLAN FOR SETESDAL VESTHEI, RYFYLKEHEIANE OG SETESDAL AUSTHEI. HEIPLANEN Innstillinga vart samrøystes vedteken som innstilling til fylkestinget. INNSTILLING TIL FYLKESTINGET 1. Fylkestinget i Hordaland vedtek Regional plan for Setesdal Vesthei, Ryfylkeheiene og Setesdal Austhei i samsvar med plan- og bygningslova 8-4, med dei endringane som går fram av fylkesrådmannen si saksframstilling. 2. Vedtaket vert gjort under føresetnad av at dei andre fylka Aust-Agder, Vest-Agder, Telemark og Rogaland gjer likelydande vedtak. 134/12 GRUNNLOVSJUBILEET 2014 OG STEMMERETTSJUBILEET 2013 I HORDALAND Mona Røsvik Strømme gjorde framlegg om Mona Hellesnes som leiar av komitèen. Røysting Innstillinga vart samrøystes vedteken. Strømme sitt forslag vart samrøystes vedteke. 1. Fylkesutvalet set ned ein komité for Stemmerettsjubileet 2013 og Grunnlovsjubileet 2014 som skal koordinere begge jubilea og halde kontakt med nasjonale og lokale aktørar. Leiar for komitéen vert nemnd opp av fylkesutvalet. Kultur- og ressursutvalet nemner opp eitt medlem i komitéen. 2. Fylkesutvalet oppnemner Mona Hellesnes som leiar av komitéen. 3. Kultur- og ressursutvalet har oppnemnd Christopher Beckham som medlem av komitéen. 4. Fylkesutvalet ber om at det vert sett ned to arbeidsgrupper i administrasjonen, ei arbeidsgruppe for Grunnlovsjubileet 2014 og ei arbeidsgruppe for Stemmerettsjubileet i 2013, som skal fungere som sekretariat for kvart av jubilea. 5. Fylkesutvalet set av midlar som kan vere med å finansiere dei to jubilea. Ein vil kome attende til dette i samanheng med budsjett for 2013 og 2014. 135/12 HORDALAND FYLKESKOMMUNE OG ANSVARET FOR TEKNISKE OG INDUSTRIELLE KULTURMINNE I ODDA OG TYSSEDAL NOMINERT TIL UNESCO SI VERDSARVLISTE Tom-Christer Nilsen sette fram slikt forslag: 20

«Saka vert utsett.» Ruth Grung sette fram slikt forslag: 1. «Hordaland Fylkeskommune går inn for at Kraftanlegga i Tyssedal vert Hordaland og Odda sitt bidrag i serienominasjonen til UNESCO, saman med Notodden og Rjukan. Odda Smelteverk vert ikkje ein del av Unescosøknaden. Fylkesutvalet ønskjer at avgrensinga bidrar til nødvendig lokal forankring og entusiasme for verdsarvprosjektet. 2. UNESCO-prosessen må ikkje vera til hinder for anna næringsutvikling, bustadbygging eller andre tiltak som kan bidra til ny aktivitet i Odda. Det må snarast koma skriftlege avklaring frå Riksantikvaren om kva som skal fredast og kva føringar som vert gitt for framtidsretta utvikling av det som vert freda. Den lange prosessen og mangel på forutsigbarhet har vore ei sterk påkjenning for Odda. 3. Fylkesutvalet respekterer dei lovleg fatta vedtaka om rivingsløyve for kalkomnar. Hordaland fylkeskommune skal bidra til en positiv utvikling av Odda. 4. Området og anlegga som Riksantikvaren har foreslått å freda er så omfattande at det er vanskeleg å finansiera og drifta. Riksantikvaren må difor klargjere dei økonomiske rammene som staten vil bidra med før endeleg vedtak om freding. Riksantikvaren må ta ansvar for at det er ein realistisk samanheng mellom freding, økonomi og moglegheit for berekraftig aktivitet i det som blir freda. Det er ikkje aktuelt for Hordaland fylkeskommune å gå inn i eit offentleg medeigarskap i dei freda områdane av Odda smelteverk. Den økonomiske risikoen er alt for stor.» Røysting Nilsen sitt forslag vart vedteke mot 5 røyster (A, SP). Grung sitt forslag vart då ikkje røysta over. Saka vert utsett. 136/12 HØYRING - ENDRINGAR I LOV OM FOLKEBIBLIOTEK Innstillinga vart samrøystes vedteken. 1. Fylkeskommune sluttar seg til forslag til endringar i biblioteklova. 2. Endringa i føremålsparagrafen styrkjer folkebiblioteka sitt samfunnsoppdrag. Det reflekterer biblioteka sitt ansvar for formidling, i tillegg til funksjonen som fysisk og digital møteplass, og som arena for offentleg samtale og debatt. 3. Bibliotekfagleg kompetanse i folkebiblioteka er grunnleggjande for å sikre gode bibliotektenester, og kommunane treng difor fagutdanna biblioteksjef. Fylkeskommunen støttar alternativ 1 i framlegget til endring i 5. 137/12 UNIVERSELL UTFORMING - FORDELINGSSAK NR. 1-2012 Fylkesrådmannen sitt forslag vart samrøystes vedteke. 21

Budsjettet for 2012 på 15 mill. kr til universell utforming vert fordelt slik: Meirutg./ Mindreutg. Stad Prosjekt Art Tekst Mindreinnt /meirinnt. 10 777.025.00 00202 02320 HC - Toalett - Etablering / opprusting 2 000 000 10 777.025.00 00201 02320 Utskifting av dører 2 000 000 10 777.025.00 00204 02320 Universell utforming, - Heis 4 000 000 10 777.025.00 00205 02320 Universell utforming - Kommunikasjonsveier 6 000 000 10 777.025.00 00200 02301 Universell utforming, Samleløyving 2012 14 000 000 14 000 000 14 000 000 138/12 STILLING SOM RÅDGJEVAR - FYLKESORDFØRAREN. INNSTILLING - SAKA ER UNNATEKE FRÅ OFFENTLEGGJERING - 25 Saksdokumenta er unnateke frå offentleggjering etter offentleglova 13, jf. forvaltningslova 13. Tom-Christer Nilsen bad om å gå frå som ugild fordi han er ven med ein av søkjarane. Fylkesutvalet vedtok samrøystes at Nilsen var ugild. jf. forvaltningslova 6 andre ledd. Det var 14 representantar til stades. Fylkesvaraordførar Mona Hellesnes leidde møtet. Torill Selsvold Nyborg sette på vegner av KrF og SV fram slikt forslag: «Tillegg: Stillinga som rådgjevar vert ei åremålsstilling for inneverande valperiode.» Røysting Innstillinga vart samrøystes vedteken. Nyborg sitt forslag fekk 7 røyster (KrF, A, Sp, SV) og fall (med fylkesvaraordføraren si røyst). I stilling som rådgjevar fylkesordføraren vert tilsett Beate Bergsholm Lindgård, søkjar nr. 16. Lønsplassering vert å fastsetje av fylkesordføraren i samråd med fylkesrådmannen. 139/12 GODKJENNING AV ÅRSREKNESKAP 2011 Fylkesrådmannen sitt forslag vart samrøystes vedteke som innstilling til fylkestinget. INNSTILLING TIL FYLKESTINGET 1. Rekneskapen for Hordaland fylkeskommune for 2011 vert godkjend. 2. Overskotet vert avsett til disposisjonsfond. Budsjettendring: 10.790 100 00.15400 Avsetjing til disposisjonsfond + 7 347 000 10.790 100 00.19300 Disponering av tidlegare års overskot - 7 347 000 22

140/12 FINANSRAPPORT FOR 1. TERTIAL 2012 Fylkesrådmannen sitt forslag vart samrøystes vedteke som innstilling til fylkestinget. INNSTILLING TIL FYLKESTINGET Fylkestinget tek finansrapporten for 1. tertial til orientering. 141/12 NORHEIMSUND INDUSTRIER AS - SØKNAD OM LÅN Saka vart utsett. 142/12 UTPEIKING AV ARBEIDSGRUPPE FOR REKRUTTERING AV FYLKESRÅDMANN Ruth Grung sette fram slikt forslag a): «Dei tre største partia, H, A og Frp, deltek i gruppa for rekruttering av ny fylkesrådmann.» Mona Røsvik Strømme gjorde framlegg om Tom-Christer Nilsen som medlem. Mona Hellesnes gjorde framlegg om Terje Søviknes som medlem. Ruth Grung gjorde framlegg b) om Ruth Grung som medlem. Røysting Grung sitt forslag a) vart samrøystes vedteke. Strømme sitt forslag vart samrøystes vedteke. Hellesnes sitt forslag vart samrøystes vedteke. Grung sitt forslag b) vart samrøystes vedteke. Fylkesutvalet peikar ut desse til politisk gruppe for rekruttering av ny fylkesrådmann: Tom-Christer Nilsen Terje Søviknes Ruth Grung 143/12 SLAGORD FOR HORDALAND FYLKESKOMMUNE Saka vart lagt fram utan saksframlegg. Terje Søviknes sette på vegner av Frp, H og V fram slikt forslag: Røysting «Melding 114/12 vert gjort om til sak, og det vert lagt fram slikt forslag til vedtak: Fylkesutvalet ber om at det arbeidet som hittil er gjort i høve til slagord for Hordaland fylkeskommune vert lagt fram for eit nytt fagmiljø/kommunikasjonshus, og at dette miljøet vert utfordra til å fremja konkrete framlegg til slagord som kan gå saman med det andre grunnlaget frå omdøme- og identitetsprosessen.» 23

Forslaget frå Søviknes vart vedteke mot 4 røyster (A). Fylkesutvalet ber om at det arbeidet som hittil er gjort i høve til slagord for Hordaland fylkeskommune vert lagt fram for eit nytt fagmiljø/kommunikasjonshus, og at dette miljøet vert utfordra til å fremja konkrete framlegg til slagord som kan gå saman med det andre grunnlaget frå omdøme- og identitetsprosessen. Gro Stien Thorvaldsen sekretær 24