Fylkestinget skal handsama forslaget til NTP på møte juni på Stord.

Transkript

1 Pressemelding Organisasjonsavdelinga Informasjonsseksjonen 5020 Bergen Telefon E-post Bergen 24. mai 2012 Vedtak og tilrådingar frå fylkesutvalet sitt møte i Bergen 24. mai 2012 Krev kraftig auke til samferdsel i Hordaland Fylkesutvalet i Hordaland rår til at fylkestinget i fråsegna til Nasjonal transportplan (NTP) skal kreva ein kraftig auke i statlege midlar til samferdsel i Hordaland. Kravet omfattar meir midlar til riksvegane, statleg medfinansiering av bybaneutbygginga i Bergen og auke i overføringane til fylkeskommunen for å makta nødvendig auke av vedlikehaldet på fylkesvegane. Fråsegna som er tilrådd er eit felles forslag frå Høgre, Fremskrittspartiet, Venstre, Kristeleg folkeparti, Senterpartiet og Arbeidarpartiet som har 14 representantar i fylkesutvalet. Sosialistisk Venstreparti fremja alternative forslag og tillegg til ei rekkje punkt i innstillinga. Dei fleste av desse fekk berre SV si røyst. Fylkestinget skal handsama forslaget til NTP på møte juni på Stord. I fråsegna seier fylkesutvalet: «For å sikra meir klima- og miljøvenleg transport i byområda, naudsynte riksveg- og jernbaneinvesteringar, auka satsing på skredsikring og drift og vedlikehald, må dei økonomiske rammene i Nasjonal transportplan aukast med 65 % i høve til planramma. Fylkesutvalet sluttar seg til forslaget om å etablera bypakkar/regionpakke Bergen med føresetnad om forpliktande statleg medfinansiering. For å sikra kontinuerleg utbygging av bybanen etter at byggetrinn 3 er ferdigstilt i 2016, og naudsynte veg, gang, kollektiv (m.a. park&ride ved riksvegårene) og sykkelinvesteringar vil statleg medfinansiering på 7-10 mrd. kr i ein regionpakke/bypakke for Bergensområdet vere avgjerande. Det er avgjerande for kommunikasjonane og konkurranseevna på Vestlandet/Hordaland at det vert realisert ferjefri E39 med gode tverrsamband så raskt som råd. Til rassikring vil utvalet doble dei nasjonale løyvingane frå ein milliard til to milliardar kroner årleg. Utvalet vil og prioritere drift, vedlikehald og tiltak for å ta att forfallet på riksvegane. Tilrådinga frå fylkesutvalet: GENERELT OM PLANFORSLAGET TIL NTP Fylkestinget er positiv til målformuleringane i planforslaget og legg særleg vekt på strategiane om å satsa på tiltak som gjev meir miljøvenleg transport i byområda, regionforstørring, auka gjennomføringsevne og auka satsing på drift- og vedlikehald. BEHOV FOR AUKA ØKONOMISKE RAMMER 2. For å sikra meir klima- og miljøvenleg transport i byområda, naudsynte riksveg- og

2 jernbaneinvesteringar, auka satsing på skredsikring og drift og vedlikehald, må dei økonomiske rammene i Nasjonal transportplan aukast med 65 % i høve til planramma. BERGENSOMRÅDET BEHOV FOR STATLEG MEDFINANSIERING 3. Fylkestinget sluttar seg til forslaget om å etablere bypakkar/regionpakke Bergen med føresetnad om forpliktande statleg medfinansiering. 4. For å sikre kontinuerleg utbygging av bybanen etter at byggetrinn 3 er ferdigstilt i 2016, og naudsynte veg, gang, kollektiv (m.a. park&ride ved riksvegårene) og sykkelinvesteringar vil statleg medfinansiering på 7-10 mrd.kr i ein regionpakke/bypakke for Bergensområdet vere avgjerande. 5. Planforslaget peikar på at fylkeskommunane, med dagens inntektsramme, ikkje er i stand til å finansiere auken i driftstilskot til kollektivtrafikken for å utvikle eit kapasitetssterkt og konkurransedyktig kollektivtransportsystem. Fylkestinget krev at fylkeskommunen sine frie inntektsrammer vert auka i samsvar med behovet for auka driftstilskot. 6. Allereide planlagte, høgt prioriterte prosjekt i regionen som då vil inngå i region/bypakkar, må framleis halde sin høge prioritet om ikkje bypakkane skulle bli ein realitet. E39 - OPPRUSTA OG FERJEFRI 7. Det er avgjerande for kommunikasjonane og konkurranseevna på Vestlandet/Hordaland at det vert realisert ferjefri E39 med gode tverrsamband så raskt som råd. Fylkestinget vil prioritera prosjekt som gjev rask realisering. Opprusting og ferjefri E-39 gjennom Hordaland frå nord til sør får særskilt prioritet i NTP E-39 er den viktigaste transportåra på Vestlandet. Ein ferjefri E-39 mellom Bergen og Stord, vil saman med realisering av Nyborg-Klauvanesetog ny strekning Os-Bergen bidra til ein meir robust og integrert bu- og arbeidsmarknad i dette området. Det er i samsvar med strategien i NTP forslaget om å redusera avstandskostnader, bidra til regionforstørring og styrka regional utvikling. E16 TRYGG OG FRAMTIDSRETTA 8. E 16 har hatt en sterkt auke i trafikk og er blitt ein av dei mest ulykkesutsette vegane i fylket. Fylkestinget ber om at det snarast i gangsettes en samla KVU for transportkorridoren mellom Arna og Voss som omfattar E 16 og Vossebanen. E Fylkestinget legg til grunn at Stordalstunellen på E 134 vert ferdigstilt etter gjeldande plan og at Haukelitunnelane (miljøtunnelar) vert planlagd med oppstart i 2015 og ferdigstillast i løpet av planperioden. ØVRIGE RIKSVEGINVESTERINGAR 10. Fylkestinget forventar at riksvegane i Hordaland vert opprusta til å vere dei hovudpulsårene dei skal vere for å binde regionane og landsdelane saman. Fylkestinget krev fortgang i planlegging og utbetring av: Rv 555 Bergen Sotra Rv 13 Jøsendal - Voss Vangsnes (der mellom anna vedteken fylkesdelplan for Voss-Vik frå 2006 må oppfyllast ved at tunnelprosjektet vert prioritert i siste del av planperioden) Rv 7 Eidfjord Haugastøl (KVU) Jfr fylkesrådmannen sine merknader vedkomande riksveginvesteringar i saksutgreiinga. Fylkestinget forventar at satsinga på Turistvegar held fram. Det er eit verdifullt tiltak som byggjar opp under fjorlandskapet som reiselivsatsing. Ikonpunkt bør utviklast og finansierast med statlege midlar. 2

3 FRAMDRIFT OG FINANSIERING 11. Staten må ta grep for å effektivisere planprosessar for å trygge raskare gjennomføring frå framlegg til ferdig prosjekt. Staten må m.a. innføre prosjektfinansiering og ta i bruk alternative ordningar (t.d. fleirårig budsjettering, aksjeselskap, OPS m.m) for å sikre meir effektiv prosjektgjennomføring. RASSIKRING 12. Fylkestinget ser at i lys av den vesentlege kostnadsauken vi ser på prosjekta, må den nasjonale ramma opp frå 1 til 2 mrd/år. STYRKA DRIFT OG VEDLIKEHALD AV VEGNETTET 13. Fylkestinget stør framlegget om eit eige statleg program for å redusere vedlikehaldsetterlsepet på fylkesvegar, t.d. gjennom auka rammeoverføring til fylkeskommunane. Fylkeskommunane må få kompensert for prisveksten på driftskontraktane, tilsvarande den statlege priskompensasjonen for riksvegnettet. JERNBANE 14. Fylkestinget er positiv til at arbeidet med dobbeltspor mellom Bergen og Arna vert starta opp i 2013, og forventar ei vidare satsing på Vossebanen snarast råd. Bana må opprustast slik at den ivaretek Inter - city funksjonen og styrkar indre Hordaland med Voss som regionsenter, og som ein del av pendlarregionen rundt Bergen. Timefrekvens vil auke konkurransekraften til banen. Utbetringa er og viktig for godstransport på Bergensbanen, då dobbeltspor Bergen - Arna og fleire kryssingsspor vil sikre betre regularitet. Dette vil og føra meir gods frå veg til bane. Fylkestinget vil ha fortgang i lokalisering av ny godsterminal i Bergen, slik at dei 600 millionane som er satt av frå 2018 til å ruste opp dagens terminal kan gå til etablering av ny terminal. 15. Fylkestinget rår til at alternativ B i høgfartsutgeiinga, med forsert utbygging på eksisterande trase vert lagt til grunn for vidare utvikling av Bergensbanen. For å få redusert reisetida mellom Oslo og Bergen ned mot 4 timar, må investeringane i utbetringar og lange kryssingsspor på eksisterande Bergensbane aukast monarleg, og Ringeriksbanen byggast. 16. Fylkestinget forventar at plamleggingsarbeidet for ringeriksbanen vert gjenopptatt snarast mogleg, og at planprosesser for denne vert gjort uavhengig av planane for E16. Ny organisasjonsmodell og finansieringsordning må utprøvast i dette prosjektet, i tråd med omtale i framlegget til NTP. NTP må gje prioritet til nye togsett på strekninga Bergen-Voss-Myrdal. LUFTFART 17. Fylkestinget vil setje fokus på at Bergen Lufthamn, som nest størst i Noreg og ein av kun to flyplassar i Hordaland, må bli prioritert slik at ny terminal på Flesland kan realiserast parallelt med at bybana når Flesland for å få størst mogleg effekt av bybaneinvesteringa, og avhjelpe kapasitetsproblema ved lufthamna sin terminal. SJØTRANSPORT 18. Fylkestinget etterlyser ein konkret strategi for å overføre gods frå veg til sjø, og ein gjennomgang av ansvarsfordeling og avgiftssystem. I nokre by- og senterområde er sjøbasert persontransport allereie i dag ein del av kollektivnettet. Sjøbasert passasjertransport må utviklast og vektleggjast meir enn til no i det vidare arbeidet med kollektivsatsinga. FISKERIHAMNER 19. Austevoll fiskerihamn var omtalt i førre NTP, og det er planlagt oppstart av prosjektet i Fylkestinget finn det likevel naturleg å understreka prosjektet si regionale betydning og at prosjektet må realiserast som planlagt. 20. Fylkestinget viser elles til fylkesrådmannen sitt saksframlegg, som ein del av høyringsuttalen til planforslaget om Nasjonal transportplan

4 Satsar på infrastruktur for elbilar Fylkesutvalet har vedteke auka utbygging av infrastruktur for elbilar i Hordaland. Målet er at 20 prosent av lette køyretøy i fylket er elbilar innan Utvalet løyvde kroner til utbygging av hurtigladestasjonar i Odda, Norheimsund, Straume, Eidfjord, Etne og Matre. I samarbeid med kraftselskap, Transnova og andre vil fylkeskommunen fullføra den grunnleggjande infrastrukturen for elbilar i Hordaland. Det medfører hurtiglading i dei resterande regionsentra og i passe avstand langs vegane E39, E16, E134, Rv7, Rv555, Rv13 og Fv551. Behovet for pengar i 2013 vil utvalet kome attende til i budsjetthandsaminga for neste år. Utvalet ber Avinor om å etablera hurtigladestasjon på Bergen lufthamn, dessutan at Jernbaneverket, Statens vegvesen og Bergen og Omland havnevesen etablerer hurtigladepunkt på større stasjonar, ferjekaiar og hamnar i fylket. Fylkesutvalet oppmodar kommunane i Hordaland om å leggje til rette for hurtiglading for å bidra til å oppfylle transportmåla i klimaplanen. Gjennom dei kommunale parkeringsnormane bør ein mellom anna stille krav til kjøpesenter om etablering av hurtigladepunkt og minst 20% av parkeringsplassane bør ha vanlege ladepunkt. Ein andel må reserverast for ladbare motorvogner (t.d el- og hybrid). Utvalet meiner vidare at fylkeskommunen må skifta ut eigen bilpark med ladbare bilar så langt det er praktisk mogeleg. Minst 20% av plassane skal ha ladepunkt, der ein andel må reserverast for ladbare motorvogner. Vedtak: 1. Satsing på hurtigladestasjonar for elbilar er eit viktig tiltak for å nå målet i Klimaplan for Hordaland om 20 % elbilar innan Hordaland fylkeskommune sin bilpark skal så langt det er praktisk mogleg skiftast ut til ladbare bilar. 3. Ved utforming av kollektivterminalar og innfartsparkeringsanlegg skal det i samarbeid med aktuelle kraftselskap leggjast til rette for hurtiglading. 4. Alle regionsentra i fylket og det overordna vegnettet må ha allment tilgjengelege hurtigladepunkt. Hordaland fylkeskommune vil i samarbeid med kraftselskap, Transnova og andre fullføre den grunnleggjande infrastrukturen for elbilar i Hordaland. Det vil seie hurtiglading i resterande regionsentra og i passe avstand langs vegane E39, E16, E134, Rv7, Rv555, Rv13 og Fv Fylkesutvalet løyver i 2012 kr til utbygging av hurtigladestasjonar i Odda, Norheimsund, Straume, Eidfjord, Etne og Matre. 6. Trong for midlar til å fullføre satsinga i 2013 vil ein kome attende til i budsjetthandsaminga for Fylkesutvalet ber Avinor om å etablere hurtigladestasjon på Bergen Lufthavn Flesland. 8. Fylkesutvalet ber Jernbaneverket, Statens Vegvesen og Bergen og Omland Havnevesen om å etablere hurtigladepunkt på større stasjonar, ferjekaiar og hamner i fylket. 4

5 9. Fylkesutvalet oppmodar om at fylkeskommunen tilrettelegg for lading på eigne anlegg og oppmodar kommunane og staten til å gjera det same. Minst 20% av plassane skal ha ladepunkt, kor ein andel må reserverast for ladbare motorvogner. 10. Fylkesutvalet oppmodar kommunane i Hordaland om å leggje til rette for hurtiglading for å bidra til å oppfylle transportmåla i klimaplanen. Gjennom dei kommunale parkeringsnormane bør ein mellom anna stille krav til kjøpesenter om etablering av hurtigladepunkt og minst 20% av parkeringsplassane bør ha vanlege ladepunkt. Ein andel må reserverast for ladbare motorvogner (t.d el- og hybrid). 11. Det er behov for ein offensiv, langsiktig og føreseieleg statleg politikk som kan gje trygge rammer for andre aktørar si satsing på elbilar og tilhøyrande infrastruktur. Transnova må sikrast tilstrekkelege midlar, og statlege tilskott til hurtiglading må aukast monaleg. 12. Fylkesutvalet ber Transnova om å satse på ein radusstrategi for hurtiglading rundt dei største byane i Noreg, for å gjera byane og sine omland gjensidig meir tilgjengeleg med el-bil 13. Fylkesutvalet ber omm at det vert gjort ei løpande vurdering av ulike teknologiske løysingar for lading/hurtiglading og kompatiblitet. 14. Fylkesutvalet ynskjer ei årleg evaluering av infrastrukturen for el-bilar i Hordaland. Bompengar til E134 Stordalstunnelen Fylkesutvalet rår til at Stordalstunnelen, som skal byggjast langs E134 gjennom Etne, blir finansiert delvis av bompengar og delvis av statlege løyvingar. Utvalet rår fylkestinget til å slutta seg til bompengesøknaden for prosjektet. Tilrådinga er gjort med 12 mot 3 røyster (Frp). Fylkestinget skal handsama saka på møte juni på Stord. Stordalstunnelen skal gå mellom Bakka og Lauareid i Etne og blir 1,16 kilometer lang. I tillegg skal det byggjast ein liten tunnel på 160 meter og eit vegkryss ved Bakka og ein del tilførslevegar. Total lengde blir 3,85 kilometer. Vegprosjektet er kostnadsrekna til 272 millionar kroner. Av dette skal bompengar utgjere 152 millionar og statlege løyvingar 120 millionar kroner. Prosjektet er prioritert i gjeldande nasjonal transportplan ( ). Innkrevjinga av bompengar skal starte så snart bompengelånet for Rullestadjuvet er nedbetalt, sannsynleg ein gong i Fylkesutvalet rår til at fylkeskommunen skal vere bompengeselskap. Av saksutgreiinga går det fram at det har vore diskusjon om plassering av bomstasjonen. Men konklusjonen er å nytte bomstasjonen i dag i Eljarvik. Takstar og rabattar er det i søknaden lagt opp til skal bli som for Rullestadjuvprosjektet, 40 kroner for lette og 80 kroner for tunge køyretøy. Nedbetalingstida for bompengelånet er rekna ut til år. 5

6 Når den nye E134 gjennom Etne blir opna, tilrår fylkesutvalet at ny tilkoplingsveg frå fylkesveg 48 til det nye krysset på nye E134 på Håland blir fylkesveg. Utvalet går og inn for at den gamle delen av E134 etter at nye E134 blir opna, framleis skal vere riksveg. Årsaka er av omsyn til at vegen skal nyttast som gang- og sykkelveg og turistveg på lik linje med gamlevegen langs Åkrafjorden som framleis er riksveg av desse årsaker. Denne saka vart endeleg vedteken av fylkesutvalet 24. mai. Vil ha miljøvennlege snøggbåtar og ferjer Hordaland fylkesutval har vedteke å starta eit hovudprosjekt for miljøvenlege ferjer og snøggbåtar i fylket. Snøggbåtsambandet Kleppestø-Nøstet skal ha prioritet i framdrifta av prosjektet. Miljøteknologi på hurtigbåtar må óg testast ut, seier fylkesutvalet som ber fylkesrådmannen gå i dialog med MCTW om korleis eit demonstrasjonsprosjekt kan gjennomførast som eit utvikling- og demonstrasjonsprosjekt delfinansiert gjennom det offentlege verkemiddelapparatet. Erfaringane frå prosjektet bør nyttast i utarbeiding av framtidige anbod. Av saksutgreiinga går det fram at snøggbåten mellom Bergen og Askøy er interessant på grunn av luftkvaliteten i Bergen. Planen er å lysa ut sambandet med miljøvennleg framdriftsteknologi på anbod seinast 1. mars neste år. Noverande anbod går ut 31. desember Deretter er planen å lyse ut tilsvarande anbod på eitt eller fleire ferjesamband i fylket. Desse må vere klar for utlysing seinast 31. desember I klimaplanen for Hordaland , som er vedteken av fylkestinget, er miljøvennleg framdriftsteknologi eit sentral element. Ved framtidige anbod i kollektivtrafikken skal det stillast krav til fornybar energi. Eit forprosjekt konkluderer med at gassen LNG (Liquified Natural Gas) eller elektrisitet peikar seg ut som dei mest attraktive. LNG blir i dag brukt til gassferjene på Halhjem-Sandvikvåg og som drivstoff i bilar. Forprosjektet konkluderer og med at det er dei kortare sambanda med minst installert effekt, som høver for uttesting av batteridrift, mens hybrid- og gassløysingar vil høve for dei fleste sambanda. Hovudprosjektet må avklåra kva ferjesamband som er aktuelle for slik drift i neste anbodsrunde. I fleire andre fylke i landet blir det og planlagd miljøvenlege ferjer og snøggbåtruter. Satsar på enøk og inneklima Hordaland fylkesutval har fordelt vel 4,3 mill. kr til energiøkonomitiltak (enøk) og inneklimatiltak ved dei vidaregåande skulane. Til enøk-tiltak er det løyvd midlar til prosjekt ved desse skulane: Sandsli vidergående skole 1,5 mill. kr, Knarvik vidaregåande skule kr, Fyllingsdalen videregående skole kr, Bergen 6

7 maritime vidergående skole kr, Øystese gymnas kr, Stend videregående skole kr. Til inneklimatiltak er det løyvd midlar til kontroll av elektroanlegg ved desse skulane: Øystese gymnas kr, Askøy videregående skole kr, Slåtthaug videregående skole kr. Planprogram for regional kulturplan Hordaland fylkeskommune startar arbeidet med ein regional kulturplan for Hordaland. Fylkesutvalet har vedteke å senda planprogrammet på høyring med frist 20. september. Føremålet med den regionale kulturplanen er å formulera ein tydeleg regional kulturpolitikk med målsettingar, politiske ambisjonar og prioriteringar, som skal vera gjeldande for arbeidet med kulturog idrettsfeltet i Hordaland. Planen skal danne grunnlaget for ein felles plattform og gje ein tydeleg og samlande visjon for heile kultur- og idrettsfeltet i fylket. Planprosessen er planlagt som ein open prosess med brei deltaking frå relevante partar, og det vert lagt til rette for både formelle og uformelle møtestader i tillegg til den formelle høyringa av planen. Det vert lagt opp til endeleg vedtak i fylkestinget i desember Hordaland deltek i Celtic Food and Drink Festival i Wales Hordaland fylkeskommune skal delta på Celtic Food & Drink Festival i Cardiff juli Fylkesutvalet har løyvd kr i tilskot til deltakinga. Fitjar vidaregåande skule står for gjennomføringa av fylkeskommunen si deltaking. Festivalen samlar ei rekkje av Cardiff sine samarbeidsregionar og samarbeidsbyar i Europa kring matkulturopplevingar og reiselivspromotering på utandørsplassen Roald Dahls plass i det nye «bysenteret» i Cardiff Bay, der og The Norwegian Church Culture and Art Centre ligg plassert nær ved messeområdet. Festivalen samlar meir enn menneske kvart år og er ein fin profileringsarena for matprodusentar og dei byar og regionar som deltek. Hordaland har tidlegare år profilert utvalde regionale matprodukt, produsentar og reiselivsopplevingar. Det totale budsjettet for deltaking er rekna til kr Cardiff County Council dekkjer kr Reiselisnæringa og Fitjar vidaregåande skule står for eigeninnsats/finansiering på kr Samla fylkeskommunal løyving er på kr inkludert dei kr fylkesutvalet løyvde 24. mai. 7

8 Fordelte 2,5 mill. kr til regionale planar Hordaland fylkesutval har fordelt vel 2,5 mill. kr til arbeidet med ei rekkje regionale planar. Største løyving er kr til regional plan for utbyggingsmønster, areal og transport for bergensområdet. Fordelinga: Regional planstrategi kr Regional plan Nordfjella villreinområde kr Forvaltingsplan for vassregion Hordaland kr Regional plan for Sunnhordland kr Regional plan for utbyggingsmønster, areal og transport for Bergensområdet kr Regional plan for senterstruktur, service og handel kr Regional plan for Haugalandet kr Regional plan for folkehelsearbeid kr Regional transportplan kr Regional kulturplan kr Regional næringsplan kr Sum budsjett kr Fylkesveg blir kommunal veg i Bømlo Fylkesutvalet har vedteke at den gamle delen av fylkesveg 542 mellom Rubbestad og Stokkabekken i Bømlo blir kommunal veg. Årsaka er at det er bygt ny fylkesveg langs traseen, og den gamle delen fungerer no som lokalveg. Den gamle vegen er 250 meter lang. I vedtaket heiter det at vegen ikkje blir overført til Bømlo kommune før det har vore synfaring med kommunen og Statens vegvesen og overføringsprotokoll er skriven. 8