TILSYNSRAPPORT Kommunen som barnehagemyndigheit Høyanger kommune
Innhald Samandrag... 3 1. Innleiing... 4 2. Om tilsynet med Høyanger kommune... 4 2.1 Fylkesmannen fører tilsyn med kommunen som barnehagemyndigheit... 4 2.2 Tema for tilsyn... 4 2.3 Om gjennomføringa av tilsynet... 4 3. Kommunen sitt ansvar... 6 3.1 Rettsleg krav 8 kommunen som barnehagemyndigheit og 16 tilsyn... 6 3.2 Fylkesmannen si undersøking... 7 3.3 Fylkesmannen si vurdering... 7 3.4 Fylkesmannen sin konklusjon... 9 3.5 Pålegg om retting etter barnehagelova 8, kommunen sitt ansvar:... 10 3.6 Korreksjonspunkt barnehagelova 8, kommunen sitt ansvar:... 10 4. Barnehagens øvrige bemanning 18... 10 4.1 Rettsleg krav, barnehagelova 18... 10 4.2 Fylkesmannen si undersøking... 10 4.3 Fylkesmannen si vurdering... 11 4.4 Fylkesmannen sin konklusjon... 11 5. Frist for retting av lovbrot... 11 5.1 Pålegg om retting etter barnehagelova 8, kommunen sitt ansvar:... 12 5.2 Korreksjonspunkt barnehagelova 8, kommunen sitt ansvar:... 12 6. Kommunen sin frist til å rette... 12 2
Samandrag Tema Det er gjennomført tilsyn med tema kommunen som barnehagemyndigheit, jf. barnehagelova 8. Hovudtema for tilsynet er kommunen som tilsynsmyndigheit, jf. barnehagelova 16, styrar, og øvrige personale, jf. barnehagelova 18. Formål med tilsynet Det overordna målet med tilsynet er å styrke kommunen si rolle som barnehagemyndigheit. Gjennom tilsynet ønskjer Fylkesmannen å setje søkelys på barnehagemyndigheita sitt ansvar for å sikre etterleving av krava i barnehagelova, både for kommunen som barnehagemyndigheit og for den enkelte barnehage. Gjennom kontroll med at kommunen følgjer opp ansvaret sitt på dette området, skal eventuell lovstridig praksis avdekkjast og rettast opp. Fylkesmannen legg barnekonvensjonen til grunn ved tilsyn med kommunen som barnehagemyndigheit. Barnekonvensjonen er overordna og skal sikre at barnehagetilbodet er til beste for barnet og skal ha grunnleggande prioritet. Artikkel 3 i konvensjonen er tydeleg på at til beste for barn skal kome først og skal vere grunnleggande i alle tiltak og vedtak som gjeld barn. Alle barn skal få eit barnehagetilbod som er til beste for barnet. Enkelte av kommunen sine oppgåver er særskilt regulerte i barnehagelova kap. IV Barnehagemyndigheita sine generelle oppgåver. Ansvaret inneber mellom anna kommunen si rettleiing og kontroll med at barnehagane vert drivne etter gjeldande regelverk jf. barnehagelova 8, tilsyn med barnehagane, jf. barnehagelova 16, kommunen si praktisering av tilstrekkeleg og forsvarleg bemanning, jf. barnehagelova 18 og kommunen praktisering av forsvarleg pedagogisk og administrativ leiing, jf. barnehagelova 19. Gjennomføring Høyanger kommune har til saman seks barnehagar, alle kommunale. Tilsynet er utført ved gjennomgang av innhenta dokumentasjon og intervju. Det er gjennomført intervju med ansvarleg på kommunenivå, styrar og pedagogiske leiararar i tre kommunale barnehagar i Høyanger kommune. Avdekka lovbrot Høyanger kommune praktiserer ikkje oppfølging og aktiv rettleiing av barnehagane for å sikre at barnehagetilbodet er i samsvar med Barnehagelova 8 første ledd. Status på rapporten og vegen vidare 3
Etter forvaltningslova 16 fekk Høyanger kommune tilsendt førebels tilsynsrapport 18.06. 2015 med varsel om pålegg. Høyanger kommunen fekk høve til å uttale seg før endeleg vedtak vert fatta. Fylkesmannen fekk e-post med dokumentasjon frå Høyanger kommune 19.06.2015 som viser plan for dialogmøte og årshjul for rettleiing av barnehagane. 1. Innleiing Fylkesmannen har i perioden frå 09.02.2015 til 18.06.2015 gjennomført tilsyn med Høyanger kommune som barnehagemyndigheit. I tilsynsrapporten er det fastsett frist for retting av lovbrot som er avdekka under tilsynet. Fristen er 15.10.2015. Dersom lovbrotet ikkje er retta innan denne fristen, vil Fylkesmannen i Sogn og Fjordane vedta pålegg om retting med heimel i kommunelova 60 d. 2. Om tilsynet med Høyanger kommune 2.1 Fylkesmannen fører tilsyn med kommunen som barnehagemyndigheit Fylkesmannen fører tilsyn med kommunen som barnehagemyndigheit, jf. barnehagelova 9 andre ledd. Fylkesmannen sitt tilsyn med kommunen som barnehagemyndigheit er tilsyn med dei lovpålagde oppgåvene til kommunen, jf. kommunelova 60 b. Fylkesmannen sitt tilsyn med kommunen som barnehagemyndigheit er utøving av myndigheit og skjer i samsvar med reglane i forvaltningsretten. Tilsynet skal vere prega av openheit, likebehandling, skal kunne etterprøvast og gjennomførast på ein effektiv måte. I dei tilfella der Fylkesmannen konkluderer med at eit rettsleg krav ikkje er oppfylt, vert dette sett på som lovbrot, uavhengig av om det er barnehagelova eller forskrift til barnehagelova som er broten. 2.2 Tema for tilsyn Det er gjennomført tilsyn med tema kommunen som barnehagemyndigheit, jf. barnehagelova 8. Hovudtema for tilsynet er kommunen som tilsynsmyndigheit, jf. barnehagelova 16 og øvrige personale, jf. barnehagelova 18. 2.3 Om gjennomføringa av tilsynet Tilsyn med Høyanger kommune vart opna gjennom brev 09.02.2015. Kommunen er pålagd å leggje fram dokumentasjon for Fylkesmannen med heimel i kommunelova 60 c. Fylkesmannen sine vurderingar og konklusjonar er basert på skriftleg dokumentasjon og opplysningar frå intervju. 4
Følgjande dokument inngår i dokumentasjonsgrunnlaget for tilsynet: organisasjonskart for kommunen delegasjonsreglement for kommunen kommunen si årsmelding eller tilsvarande årsrapport for barnehageområdet kommunale planar som skildrar barnehageområdet kommunal barnehageplan kommunal årsplan/utviklingsplan vedtak etter gjennomført dialogmøte kommunale planar/vedtak som omhandlar innhald og bemanning i barnehagane kommunen sitt årshjul/rutine som skildrar oppfølging og rettleiing av barnehagane verksemdsplan og/eller årsplan for barnehagane vedtekter for barnehagane kommunen sin plan for tilsyn oversikt over gjennomførte tilsyn tilsynsrapportar frå 2012 til dd rutine/prosedyre for gjennomførte tilsyn rutine/prosedyre for lukking av avvik/pålegg etter kommunen sitt tilsyn med barnehagane kopi av søknad og kommunen si handsaming av søknad om dispensasjon frå utdanningskravet til styrar/pedagogisk leiar (dei 3 siste) handlingsplan mot mobbing plan for overgangane sakliste og referat etter administrasjonsmøte med barnehage styrarane Det vart gjennomført tilsyn på staden 20. og 21.05.2015. Følgjande personar vart intervjua: styrar i Vadheim barnehage, Maria Lorena Sandoval pedagogisk leiar i Vadheim barnehage, Hanne Kristin Meek Ljotebø møtte ikkje grunna sjukdom styrar i Lavik barnehage, Sylvi Norevik pedagogisk leiarar i gruppe i Lavik barnehage, Marit Gjersvoll og Anngunn Espedal styrar Hjetland barnehage, Anne-Britt Skjerven pedagogisk leiar i Hjetland barnehage, Vibeke Meel Skår, Marianne Sæbø Tveit og Vibeke Svedal spesialrådgjevar, Solveig Berstad Sande oppvekstsjef, Stig Engen 5
3. Kommunen sitt ansvar 3.1 Rettsleg krav 8 kommunen som barnehagemyndigheit og 16 tilsyn 8, første ledd: «Kommunen er lokal barnehagemyndighet. Kommunen skal gi veiledning og påse at barnehagene drives i samsvar med gjeldende regelverk.» Kommunen er lokal barnehagemyndigheit. Kommunen skal sikre eit heilskapleg barnehagetilbod med god kvalitet tilpassa lokale forhold og behov. Kommunen skal gje rettleiing og sjå til at barnehagane vert drivne i samsvar med gjeldande regelverk. Barnehagemyndigheita har eit overordna ansvar for å sikre at barna får eit godt og forsvarleg barnehagetilbod, jf. barnehagelova 8 første ledd. Barnehagetilbodet må samsvare med lokale forhold og prioriteringar, samtidig som nasjonale føringar skal takast omsyn til, jf. barnehagelova 8 andre ledd. 16 Tilsyn: «Kommunen fører tilsyn med virksomheter etter denne lov. Kommunen kan gi pålegg om retting av uforsvarlige eller ulovlige forhold ved godkjente eller godkjenningspliktige virksomheter. Hvis fristen for å etterkomme pålegget ikke overholdes, eller hvis forholdet ikke lar seg rette, kan kommunen vedta tidsbegrenset eller varig stenging av virksomheten». Kommunen som barnehagemyndigheit fører tilsyn med kommunal og ikkje kommunal barnehage for å sikre at dei vert drivne etter gjeldande regelverk og har ei forsvarleg drift. Tilsyn etter barnehagelova omfattar alle krav stilte i lov og forskrifter. Tilsyn er ei sentral oppgåve som kommunen utfører kontinuerleg. Tilsynet omhandlar revisjonskontroll og rettleiing av barnehagesektoren. Kommunen som barnehagemyndigheit vurderer om barnehagen vert driven etter barnehagelova og om barnehagetilbodet er forsvarleg. Kommunen kan gje pålegg om retting av uforsvarlege eller ulovlege forhold ved godkjende eller godkjenningspliktige verksemder, jf. barnehagelova 16, generelle merknader. Dersom det vert gitt pålegg om retting av ulovlege eller uforsvarlege tilhøve, må kommunen følgje opp. Vedtak om lukking av lovbrot må innehalde tidsfrist. Dersom fristen for å rette pålegg ikkje vert halden, kan tilsynsmyndigheita vedta avgrensa stenging med ny frist for retting. Viser det seg at pålegget ikkje kan rettast kan tilsynsmyndigheita vedta varig stenging av verksemda. Kommunen som tilsynsverksemd er utøving av offentleg mynde. Utøving må skje i samsvar med forvaltningsrettslege prinsipp om likebehandling og forsvarleg drift. Med tilsynsansvar skal kommunen gjennom rettleiing og pålegg skal sjå til at barnehagane vert drivne etter barnehagelova. Eit pålegg om retting og stenging er enkelt vedtak etter forvaltningslova 2 b, med klagerett til Fylkesmannen. 6
3.2 Fylkesmannen si undersøking Fylkesmannen har undersøkt om kommunen som barnehagemyndigheit gir aktiv rettleiing og ser til at barnehagane vert drivne i samsvar med gjeldande regelverk. Fylkesmannen undersøker i tilsynet om kommunen har god nok kunnskap om barnehagedrifta for å vurdere forsvarleg drift. Fylkesmannen har undersøkt om det er samsvar mellom innlevert dokumentasjon og praksis i kommunen. Fylkesmannen har gjennomført intervju for å kontrollere om praksis er i tråd med kommunale planar og innsendt dokumentasjon. 3.3 Fylkesmannen si vurdering Fylkesmannen har vurdert om Høyanger kommune sikrar eit heilskapleg barnehagetilbod med god kvalitet tilpassa lokale forhold og behov. Fylkesmannen har vurdert om kommunen gjennomfører aktiv rettleiing for å sjå til at barnehagane vert drivne i samsvar med gjeldande regelverk. Høyanger kommune har seks kommunale barnehagar. Fem barnehagar har barnehagelærar i styrarfunksjon. Bjordal barnehage har tilsett på mellombels dispensasjon i styrarstilling. Høyanger kommune er organisert som tre-nivå kommune der oppvekstsjef er tenesteleiarar for barnehagane og har delegert barnehagemyndigheit. Oppvekstsjef utøver barnehagemyndigheitsrolla saman med spesialrådgjevar. Oppvekstsjef og spesialrådgjevar er nye i stillingane, og har etter at Fylkesmannen varsla tilsyn, gjort ein stor jobb med å få på plass mange planar og rutinar knytt til barnehagemyndigheitsrolla. Vi ser at kommunen i det vidare arbeidet må bruke tid på å få implementert planane og rutinane i barnehagane. Kommunen har utarbeidd ein barnehageplan som skal vere førande for innhaldet i barnehagane. Planen er overordna barnehagane sine årsplanar og viser lovpålagde føringar i barnehagelova. Fylkesmannen har i ettertid motteke vedtak om godkjenning av planen i utval for oppvekst 28.05.2015. Det kjem fram av intervjua at Høyanger kommune skal implementere barnehageplanen når den er endeleg vedteken. Det kom fram av intervjua med dei tilsette i barnehagane at barehageplanen på gitt tidspunkt er lite kjend. Styrarane hadde vore delaktige i arbeid med planen, og det kom fram av intervjua at planen vil bli implementert og vil vere førande for framtidig årsplanarbeid. Kommunen har årshjul for administrative oppgåver knytt til barnehageområdet i kommunen. Årshjulet viser at Høyanger kommune gjennomfører brukarundersøking annakvart år. Styrargruppa i lag med administrasjon har laga utviklingsplan som inneheld seks tema som alle barnehagane skal jobbe med. Dette er blant anna tema som: tidleg innsats, likestilling, demokrati og medverknad. Utviklingsplanen syner i tillegg eitt fellestema, vennskap og deltaking, som alle barnehagane skal jobbe med i barnehageåret 2014/2015. Kommunen som barnehagemyndigheit gjennomførte dialogmøte i 2014. Dialogmøte har merksemd på barnehagen sitt arbeid i høve brukarane og barnehagen som ei pedagogisk verksemd. Barnehagelova 1 2, formål og innhald. Tema for møte har vore: årsplan, overgang barnehage- skule, foreldresamarbeid, kompetanseutvikling og pedagogisk 7
utviklingsarbeid. Deltakarar i dialogmøte er barnehagemyndigheit, barnehageeigar, politisk nivå, foreldrerepresentant og representantar frå dei tilsette i barnehagane. Rådmannen lagar ei skriftleg konklusjon etter kvart dialogmøte som vert lagt fram for utval for oppvekst og kommunestyret. Rapporten konkluderer med at dialogmøte må gjennomførast årleg og at møte skal ha merksemd på barna sitt læringsmiljø og barnehagen sitt pedagogiske arbeid. Spesialrådgjevar gjennomfører faste månadlege møte med styrargruppa. Sakliste med referat frå styrarmøta viser at tema delvis samsvarer med administrativt årshjul. I dokumentasjonen finn ikkje Fylkesmannen at tema frå dialogmøta vert følgt opp i styrarmøta. Det kjem fram i intervjua at spesialrådgjevar har tett samarbeid med styrarane, og styrarane får oppfølging og jamleg rettleiing ut frå eigne behov. Spesialrådgjevar er ansvarleg for sakliste og møteleiing og styrarane kan melde inn saker etter behov. Døme på tema som har vore drøfta jf. regelverksetterleving er: teieplikt, årsplan og bemanning. I samarbeid med barnehage- og skuleregion HAFS gjennomfører Høyanger kommune ekstern vurdering av barnehagane med jamne mellomrom. Barnehagane vel sjølv fokusområde for ekstern vurdering. To av barnehagane har våren 2015 gjennomført eksternvurdering med tema «barns medverknad» og «korleis utnytte ressursane betre i høve til uteaktivitetar i og utanfor barnehagen». Den eksterne vurderinga er ein del av kvalitetssystemet for barnehagane og skulane i regionen. Det vert utarbeida rapport i etterkant som er eit viktig grunnlag for vurdering av mål og tiltak. Det kom fram i intervju med oppvekstsjefen at resultatet etter ekstern vurdering skal følgjast opp og samtidig og framover vere eit av grunnlaga for val av rettleiing og tilsynstema. Høyanger kommune har ikkje gjennomført tilsyn med barnehagane sidan 2009. Kommunen har nyleg utarbeida plan for tilsyn med godkjenning i utval for oppvekst 28.05.2015. Etter planen skal det gjennomførast tilsyn med barnehagar kvart tredje år. Gjennom tilsyn vil kommunen innhente informasjon om barnehagane og sjå til at eventuelle regelbrot blir retta. I forhold til kommunens plikt om å «gi veiledning og påse at barnehagene drives i samsvar med gjeldende regelverk», Barnehagelova 8 meiner vi kommunen oftare enn kvart tredje år må sikre seg relevant informasjon om barnehagane og rettleie dei. Difor vurderer vi at kommunen i tillegg til å gjennomføre denne tilsynsplanen også må innhente informasjon om barnehagane og drive aktiv rettleiing for å sikre at barnehagane vert drivne i tråd med regelverket. I intervju med oppvekstsjef og spesialrådgjevar vert det sagt at kommunen skal gjennomføre hendingsbaserte tilsyn ved behov. Høyanger kommune har laga ein plan for tilsyn med alle barnehagane for 2015. Det første tilsynet, med Bjordal barnehage, vart gjennomført 27.05.2015. Vi har fått ettersendt dokumentasjon på tilsynet med rapport datert 28.05.2015. I tilsynet nyttar kommunen eige spørjeskjema knytt til barnehagelova. Gjennom dette kontrollerer dei rammefaktorar som fysiske forhold, rutinar og krava til det pedagogiske innhaldet i barnehagen. Kommunen lagar rapport etter gjennomført tilsyn som skildrar tema, gjennomføring og resultat i form av avvik og merknad. Kommunen sin rapport etter tilsyn gir ei samla vurdering av barnehagen opp mot krava i barnehagelova. Kommunen gir i tilsynet med Bjordal barnehage pålegg som skal rettast opp med skriftleg dokumentasjon. Det går fram av rapporten at dokumentasjonen på retta avvik skal sendast oppvekstkontoret snarast. 8
Oppvekstsjef er klar på at tilsyn med barnehagen skal vere ein del av det overordna systemet for arbeid med kvalitet i skule og barnehage i Høyanger kommune. Oppvekstsjef og spesialrådgjevar ser utfordringa i å både vere barnehagemyndigheit og barnehageeigar i ein kommune med berre kommunale barnehagar. Dokumentasjon som Fylkesmannen fekk i e-post av 19.06.15 viser at kommunen har laga rutine for gjennomføring av dialogmøte og for rettleiing av barnehagane. 3.4 Fylkesmannen sin konklusjon Høyanger kommune har eit delegasjonsreglement som viser at barnehagemyndigheit, godkjenningsmyndigheit og tilsynsmyndigheit er delegert til oppvekstsjef. Høyanger kommune har ei klar forståing av krav om forsvarleg barnehagedrift fastsett i barnehagelova. Spesialrådgjevar har tett kontakt med barnehagane og oppvekstsjef har jamleg kontakt med barnehagestyrarane. Det vert gjennomført faste møte og kommunen har god oversikt med bruk av ulike rapporteringssystem. Informantane i intervjua omtalar dei faste møteplassane som ein arena for oppfølging av administrativt og pedagogisk arbeid i barnehagen. Gjennom intervju kjem det fram at kommunen som barnehagemyndigheit ikkje rettleier barnehagane ut frå kva kommunen som barnehagemyndigheit meiner barnehagane treng rettleiing i. I staden får barnehagane rettleiing ut frå det dei sjølve vurderer å ha behov for rettleiing i. Det går fram av intervjua at kommunen heller ikkje innhentar informasjon om barnehagane for å vurdere kva dei treng rettleiing i. På bakgrunn av plikta kommunen har til å rettleie barnehagane og sjå til at dei følgjer barnehagelova, må kommunen syte for å innhente nødvendig informasjon om drifta i barnehagane slik at dei kan vurdere kva barnehagane treng rettleiing i, og gi dei denne rettleiinga. Kommunen skal gjennomføre dialogmøte frå september og vil i etterkant få kunnskap om kva den enkelte barnehage vil trenge rettleiing på. Høyanger kommune har utarbeidd rutine for aktiv rettleiing av barnehagane ut frå kunnskap dei innhentar i dialogmøte. I rutineskildringane viser kommunen til barnehageeigar og skuleeigar, og ikkje kommunen som barnehagemyndigheit. Kommunen må i skildringane vere tydeleg på at det er barnehagemyndigheita som er ansvarleg for tilsyn og rettleiing. På tilsynstidspunktet driv ikkje Høyanger kommune aktiv rettleiing som bygger på kunnskap om barnehagane og risikovurdering av barnehagetilbodet. Kommunen må implementere planane i praksis slik at vi ser at kommunale planar er i tråd med det som vert gjennomført i praksis. Fylkesmannen gi Høyanger kommune eit varsel om pålegg på dette punktet. 9
3.5 Pålegg om retting etter barnehagelova 8, kommunen sitt ansvar: Høyanger kommune praktiserer ikkje oppfølging og aktiv rettleiing av barnehagane for å sikre at barnehagetilbodet er i samsvar med Barnehagelova 8 første ledd. 3.6 Korreksjonspunkt barnehagelova 8, kommunen sitt ansvar: Høyanger kommune har jamleg innhente informasjon om barnehagedrifta for å kunne vurdere om barnehagane driv i tråd med regelverket og gi nødvendig rettleiing for å sikre dette 4. Barnehagens øvrige bemanning 18 4.1 Rettsleg krav, barnehagelova 18 «Pedagogisk leder må ha utdanning som førskolelærer». «Kommunen kan gi dispensasjon fra utdanningskravet i første ledd. Kommunens vedtak kan påklages til fylkesmannen». «Bemanningen må være tilstrekkelig til at personalet kan drive en tilfredsstillende pedagogisk virksomhet». Pedagogisk leiar må ha utdanning som barnehagelærar. Utdanningskravet er gitt for å sikre at personalet har nødvendig kompetanse til å drive barnehagen til beste for barn og foreldre, ut frå lovkrav og rammeplan. Kommunen som barnehagemyndigheit har ansvar for å gi dispensasjon frå utdanningskravet. Krav om utdanning er heimla i barnehagelova for å sikre at barnehagen har nødvendig kompetanse slik at barna får eit likeverdig pedagogisk tilbod med god kvalitet. Midlertidig dispensasjon frå utdanningskravet er berre aktuelt innafor ein kort periode på inntil eit år. Kommunen kan i vedtaket stille vilkår for å sikre at barnehagen rettleier den tilsette på dispensasjon. Det er barnehageeigar som har ansvar for at den totale bemanninga i barnehagen er tilstrekkeleg. Kommunen har som barnehagemyndigheit ansvar for å sjå til at barn får gode utviklings og aktivitetsmoglegheiter i barnehagen. Kva som er tilstrekkeleg, må vurderast ut frå storleik på barnegruppa og barna sine behov. 4.2 Fylkesmannen si undersøking Fylkesmannen har undersøkt om kommunen som barnehagemyndigheit kontrollerer at norm for pedagogisk bemanning er følgd og om den totale bemanninga er tilstrekkeleg. Vi har undersøkt om barnehagemyndigheita lagar vedtak om dispensasjon som er i samsvar med gjeldande regelverk. Fylkesmannen har gjennom intervju undersøkt om det er samsvar mellom innlevert dokumentasjon og praksis i kommunen. 10
4.3 Fylkesmannen si vurdering Fylkesmannen har vurdert om Høyanger kommune har kontrolleret norm for pedagogisk bemanning. Vi har vurdert om kommunen skriv vedtak om dispensasjon som samsvarer med krav fastsett i barnehagelova. Høyanger kommune kontrollerer bemanningsplanane i samband med barnehageopptak. Det er tett dialog mellom styrar og oppvekstsjef slik at kommunen til ei kvar tid er kjend med bemanningssituasjonen i barnehagen og omfang av vikarbruk ved sjukefråvær. Høyanger kommune vurderer om norm for pedagogisk bemanning er følgd og at totalbemanninga til ei kvar tid er tilstrekkeleg. Oppvekstsjef vurderer saman med styrar bemanninga ut frå barnegruppa si samansetjing og behov. Den enkelte styrar skal vurdere om bemanning er tilstrekkeleg til ei kvar tid. Ansvaret gjeld grunnbemanning og vikarbruk knytt til kortare og lengre sjukefråvær. Gjennom dokumentasjon og intervju ser vi at kommunen gjer vedtak om dispensasjon frå utdanningskrav og bemanningsnorm i tråd med krav i lova. 4.4 Fylkesmannen sin konklusjon Fylkesmannen vurderer ut frå dokumentasjon og intervju at Høyanger kommune si handtering av norm for pedagogisk bemanning og dispensasjon er i samsvar med krav fastsette i barnehagelova. 5. Frist for retting av lovbrot Fylkesmannen har i kap. VI «Barnehagemyndighetens generelle oppgaver m.v» konstatert lovbrot i barnehagelova 8. I denne rapporten får Høyanger kommune frist til å rette det ulovlege forholdet, jf. kommunelova 60 d. Frist for retting er 15.10.2015. Kommunen må innan denne datoen sende Fylkesmannen ei erklæring om at det ulovlege forholdet er retta, og ei utgreiing om korleis lovbrotet er retta. Dersom forholdet ikkje er retta innan den fastsette rettefristen, vil Fylkesmannen vedta pålegg om retting. Eit eventuelt pålegg om retting vil ha status som enkeltvedtak og kan klagast på etter reglane for dette i forvaltningslova, jf. forvaltningslova kapittel VI. Høyanger kommune får følgjande pålegg om retting og er ikkje lovbrotet retta innan fristen vert det gjort slik vedtak: 11
5.1 Pålegg om retting etter barnehagelova 8, kommunen sitt ansvar: Høyanger kommune praktiserer ikkje oppfølging og aktiv rettleiing av barnehagane for å sikre at barnehagetilbodet er i samsvar med Barnehagelova 8 første ledd. 5.2 Korreksjonspunkt barnehagelova 8, kommunen sitt ansvar: Høyanger kommune har jamleg innhente informasjon om barnehagedrifta for å kunne vurdere om barnehagane driv i tråd med regelverket og gi nødvendig rettleiing for å sikre dette 6. Kommunen sin frist til å rette Som nemnt i kapittel 5 ovanfor har kommunen frist til å rette dei ulovlege forholda som er konstantert i denne rapporten. Frist for retting er 15.10.2015. Kommunen har rett til innsyn i saksdokumenta, jf. forvaltningslova 18 Bodhild Therese Cirotzki Rådgjevar Fylkesmannen i Sogn og Fjordane 12