Reguleringsføresegner for Kvartalet Gravensteinsgata-Hovevegen-Leitevegen Alt. 2 Føresegnene gjeld for det området som er merka av på plankart av 20.02.07 med plangrense. Føresegnene er vedtekne i k-sak 22/07, møte 14.06.07. 1 Generelt Området er disponert til fylgjande føremål: Byggjeområder - bustad m/tilhøyrande anlegg - forretningar - kontor - kulturhus - garasjeanlegg Offentleg trafikkområder - vegar med fortau - gang- og sykkelveg Fellesområder - felles plass/gangveg - felles områder for parkering 2 Byggjeområde bustader 2-1 Felles føresegner (bustadområde B2, B3, BT1) Parkeringskravet er 2 plassar pr bustad over 80 m2 BRA, 1,5 plassar pr bustad mellom 40 m2 og 80 m2 BRA og 1 plass pr bustad under 40 m2 BRA. Bustaden skal ha uteplass på balkong/terrasse minimum 1,5 x 2m eller bakkeplan 3 x 3 m. Uteplass på bakkeplan kan eventuelt utformast som fellesareal med tilsvarande storleik pr bustad og minimum 100 m2, eventuelt oppdelt i areal minimum 50 m2. Arealet skal vere egna for føremålet, topografisk og klimatisk. Det skal dokumenterast at støy (vegtrafikkstøy og annan støy) ligg innanfor krava i byggeforskriftene. Dette gjeld både inne og uteareal. Det skal takast omsyn til mogleg sjenerande veg- og plasslys ved bustadprosjekteringa. Før utbygging av bustader i område BT1 skal det utarbeidast utbyggingsplan for desse områda saman med takflata for området F2. Planen skal tilfredsstille universell utforming. 2-2 Bustadområde B2 og B3
Utbygginga skal sjåast i samanheng med utbygginga i reguleringsplan for Leitevegen nord. Utnyttingsgraden og utforming skal vere den same som for tilliggjande areal i denne reguleringsplanen. 2-3 Bustadområde BT1 I bustadområde BT1 kan det førast opp konsentrert småhusbebyggelse, kjedehus eller rekkehus i vekselvis 1 og 2 etasjar. Maks. BYA skal vere 45% Terrenget kan fyllast opp til kote 23. Oppfyllinga kan vere terreng eller garasjeanlegg. Max gesimshøgde for bustadene er kote 30. Takformene skal vurderast nærmare i utbyggingsplanen. Området skal ha vegtilkomst frå Leitevegen. Minst 1 parkeringsplass pr bustad skal leggjast under terreng. Det skal utarbeidast utbyggingsplan for bustadområdet, konf. punkt 2-1. 3 Byggjeområde forretning (kjøpesenter) 3-1 Felles føresegner (Forretning/kjøpesenter FT1, F2, og F3) Parkeringskravet er 1 plass pr 25 m2 netto forretningsareal. Det skal minimum vere 2 hc-merka plassar ved kvar heisinngang i parkeringsetasjane. Det skal opparbeidast 15-20 sykkelparkeringsplassar i samband med inngangar på gateplanet. Varelevering skal vere frå Hovevegen og det skal vere sett av areal til dette og søppelhandtering innafor føremålsgrensa. 3-2 Byggjeområde forretning/kjøpesenter FT1 Areal i 2.etasje som i dag er forretning/kjøpesenter skal framleis vere kjøpesenter. Eksiseranda garasjeanlegg kan utvidast innanfor området i plan 1 og byggjast nytt i plan 2. Bygningsmassen skal ikkje utvidast vesentleg nordover. Tilkomst til garasjeanlegget skal vere frå Leihgota. Maks gesimshøgde er kote 24. Mot Hovevegen og mot BT1 er byggelina i føremålsgrensa. Fasaden på garasjeanlegget skal bearbeidast for å dempe innsyn og dempe sjenerande støy ut frå garasjeanlegget. Det skal sikrast rett til gangveg til Brødrene-huset på baksida av Sogningen. 3-3 Byggjeområde for forretning (kjøpesenter, kulturhus, kontor) F2
I området er det i dag forretning (kjøpesenter), postkontor, kontor, kulturhus og undervisningslokaler. I kjellaren er det garasjeanlegg. Føremålet skal framleis vere det same. Bygningane kan utvidast innafor føremålsgrensa. Maks gesimshøgde er kote 24, maks mønehøgde er kote 27. Byggjemeldinga skal billedgjere heile kvartalet sjølv om berre deler av det blir utbygd. Val av utformimg og materialbruk skal grunngjevast i byggjemeldinga. Det skal spesielt takast omsyn til at Kulturhuset er eit signalbygg i bygda. Det skal vere nedkøyring til underjordisk garasjeanlegg frå Hovevegen i dette området. Det skal vere døgnope køyreveg frå Hovevegen til fellesareal T1 og T2 mot Gravensteinsgata. Det skal vere døgnope gangveg frå Hovevegen til Gravensteinsgata på gateplanet gjennom området. Bygningane skal utformast og innreiast slik at det blir eit klårt og enkelt gangsamband med universell utforming frå inngangen i 2.etasje mot Leitevegen (område BT1) over Hovevegen, gjennom F2 og til plassen på gateplanet ( T2) mot Gravensteinsgata. Ved ombygging av postbygget skal det tilstrebast å få eit best mogleg innandørs gangsamband mellom postbygget og Kulturhuset. Konf. krav om utbyggingsplan, punkt 2-1. 3-4 Byggjeområde forretning/kjøpesenter F3 I område F3 er det og skal framleis vere forretning/kjøpesenter i plan 0, 1 og 2. Bygningane kan utvidast innanfor føremålsgrensa. Byggjelina mot Hovevegen, F2 og T1 er i føremålsgrensa. Fortauet langs Leighgota kan leggjast inn i utbyggingsområdet. Fortauet kan overbyggjast, men det skal gå på gateplanet, ha universell utforming og vere open heile døgnet. Oppkøyringa frå parkeringskjellaren må dimensjonerast for den auke i trafikk som kjem av stenging av oppkøyringa frå Kulturhuskjellaren. 3-5 Byggjeområde for parkeringsanlegg til forretning/kjøpesenter og bustad BT1 I området kan det førast opp garasjeanlegg til kjøpesenteret/bustader i plan 0, 1 og 2. Gesimshøgda skal ikkje overstige kote 24. Garasjeanlegget kan plasserast inn til fortau langs Hovevegen. Det skal minimum vere 2 hc-merka plassar ved kvar heisinngang i parkeringsetasjane. Fasade som ikkje er overbygd skal bearbeidast for å dempe innsyn.
Det skal vere gangtilkomst (tilfredsstille universell utforming) til 2. etasje i senteret inntil 2.etasje i garasjeanlegget. Det skal opparbeidast 15-20 sykkelparkeringsplassar i samband med denne inngangen. 4 Trafikkområde Det skal vere universell utforming på alle offentlege gangvegar og fortau. Gravensteinsgata Gravensteinsgata er riksveg. Buss-stopp skal plasserast i samarbeid med Statens vegvesen. Det er ikkje tillete med nokon inn- eller utkøyring på nordsida av Gravensteinsgata mellom Leighgota og Hovevegen så lenge gata er riksvegtrasé. Det skal opparbeidast gjennomgåande gang- og sykkelveg på nordsida av gata med grønnrabatt mellom denne og riksvegen. På sørsida skal det vere fortau. Fotgjengarkryssing av Gravensteinsgata skal skje i opphøgde gangfelt. Plassering av gangfelta kan flyttast dersom situasjonen tilseier det. Gravensteinsgata kan senkjast ned og overbyggjast. Hovevegen Krysset mellom Hovevegen og Leitevegen skal endrast. Det vert ikkje tillete med utkøyring frå Kulturhuset på austsida. Oppkøyring frå parkeringskjellaren og varelevering til Kulturhuset skal stengjast i denne retningen. Køyring og parkering relatert til sceneinngangen er tillete. Langs Navarsetevegen skal gangvegen leggjast heilt inn til vegen i krysset med Hovevegen. Det skal opparbeidast eige fortau langs Kulturhuset opp til Leitevegen og på andre sida mellom Navarsetevegen og Hovsmarki. Det skal markerast fotgjengarovergang ved krysset til Hovsmarki. Mellom Leitevegen og Leighgota kan det byggjast over Hovevegen. Hovevegen skal ha fortau på nordsida på denne strekninga. For innkøyring til garasjeanlegga skal gangvegen vere gjennomgåande i sitt plan. Det skal vere døgnope gangveg frå Hovevegen til Gravensteinsgata på gateplanet gjennom område F2. Leitevegen Innafor planområdet skal Leitevegen ha fortau på sørvest-sida. Leighgota Det skal vere fortau på austsida av Leighgota. Fortauet kan leggjast inn i utbyggingsoprådet. Det kan overbyggjast, men det skal gå på gateplanet, ha universell utforming og vere ope heile døgnet.
5 Fellesområde T1 og T2 Trafikkområde T1 og T2 er fellesområde for eigedomane: 16/55/0/0, 16/56/0/0, 17/1/2/1, 17/1/2/2, 17/1/2/3, 17/113/1/0, 17/78/2/0, 17/148/0/0, 17/147/0/0, 17/1/6/0. Under bakken er det og skal framleis vere garasjeanlegg. Garasjeanlegget kan utvidast. Det skal vere vertikale samband mellom garasjeanlegget og plassen over. Plassen skal i hovudsak utformast for fotgjengarar med grøntanlegg og utomhus opphaldsareal for ulike aldersgrupper. Området skal ha universell utforming. Det skal vere drosjestoppeplass ved inngangane til senteret. Sykkelparkeringsplassar kan leggjast i område T1 og T2. Parkeringsplassar for motorsykkel kan og leggjast i områda. Det kan max vere 50 bilparkeringsplassar på bakkeplanet. Det kan førast opp mindre bygningar som naturleg høyrer saman med bruken av plassen. Utforming og endring av utforming av plassen skal byggjemeldast.