fredag 15. februar d.å. kl på Stord Rådhus.

Jnr. 1038.13 GJG/rr Ordførar og rådmenn i Sunnhordland Ordførar og rådmann i Fusa kommune Ordførar og rådmann i Haugesund kommune Ordførar og rådmann i Vindafjord kommune INNKALLING TIL MØTE I SAMARBEIDSRÅDET FOR SUNNHORDLAND Det vert med dette kalla inn til møte i Samarbeidsrådet for Sunnhordland Då vert føre: fredag 15. februar d.å. kl. 09.30 på Stord Rådhus. Sak 01/13 Godkjenning av referat frå møte i Samarbeidsrådet 30. november 2012 Sak 02/13 Skriv og meldingar a) Bokprosjekt ein dag i Sunnhordland b) Økonomiplan c) Fellesmøte med ORK d) Sunnhordlandsfilm val av produsent e) E39 ferjefri kyststamveg f) Markering av nedbetalt Trekantsamband 30.april g) Craft International Economuseea h) Interkommunalt samarbeid innan helse Helse Fonna regionen i) Skulebruksplan for Hordaland Sak 03/13 Nasjonal fiskerihamn på Bømlo Sak 04/13 Flytting av alarmsentral Sak 05/13 Strategisk plan - revidering Sak 06/13 Regionalt næringsfond rapport 2012 Sak 07/13 Regionalt næringsfond plan 2013 Sak 08/13 Val av to næringslivsrepresentantar til regionalt næringsfond Sak 09/13 Bocuse d`or vegen vidare Sak 10/13 Ymse Det vert styringsgruppemøte for oppstart av Interkommunal strandsoneplan frå ca. kl.10.00. Eiga sakliste vert sendt ut. Regionrådet for kommunane Austevoll, Bømlo, Etne, Fitjar, Kvinnherad, Stord, Sveio og Tysnes A Postboks 444, 5403 Stord T 53 45 67 90 Orgnr. 971 492 910 E firmapost@samarbeidsraadet-sunnhordland.no W samarbeidsraadet-sunnhordland.no

Eventuelle forfall vert å melda til administrasjonen snarast. Sunnhordland, 7. februar 2013 Gro Jensen Gjerde Dagleg leiar

MØTEBOK Samarbeidsrådet for Sunnhordland Fredag 15. februar 2013 kl. 09.30 Stord Rådhus Sak 02/13 GJG/rr SKRIV OG MELDINGAR a) Bokprosjekt ein dag i Sunnhordland Då Samarbeidsrådet var i Lyon i januar vart det gjeve informasjon om eit bokprosjekt som Kapabel Forlag v/ Otto Ersland planlegg. Boka skal fortelja historia om Sunnhordland gjennom 24 timar 31. mai 2013, med reportasjar frå kvardagslivet i alle kommunane i regionen. Boka skal gjevast ut på norsk, men det er ynskje om ein tekstdel på engelsk. Dette vil gje meirkostnader. Difor spør Ersland om det er mogleg at kommunane førehandstingar boka til ein redusert pris. Representantane som var i Lyon konkluderte med at dette må kvar kommune ta stilling til, men at det vert koordinert gjennom Samarbeidsrådet. b) Økonomiplan Administrasjonen la fram framlegg til økonomiplan 2013-2016 i sak 49/12. Samarbeidsrådet utsette saka med bakgrunn i at økonomiplanen bør sjåast i samanheng med Strategisk plan for Samarbeidsrådet. Dette inneber at Samarbeidsrådet ikkje har økonomiplan på plass før hausten 2013. c) Fellesmøte med ORK Det er lagt opp til fellesmøte mellom Ordførar og rådmannskollegiet på Haugalandet og Samarbeidsrådet for Sunnhordland 13.-14.juni. ORK er vertskap. d) Sunnhordlandsfilm Styringsgruppa til Omdømmeprosjektet har sendt ut ein kravspesifikasjon til fem ulike filmprodusentar og bede om forslag til ein film om Sunnhordland. Produsentane presenterte idèskisser og pris til styringsgruppa i byrjinga av januar. Styringsgruppa har gjeve Zpirit i oppdrag å utarbeida filmen. Prosjektet er finansiert med midlar frå skjønsmidlar/omdømmeprosjektet og bedrifter. Filmen skal ferdigstillast tidleg i haust. e) E39 ferjefri kyststamveg Styreleiar Liv Kari Eskeland vil gje ein status i møte. f) Markering av nedbetalt Trekantsamband 30.april Styreleiar Liv Kari Eskeland, nestleiar Kjetil Hestad og administrasjonen skal drøfta gjennomføring og organisering av markeringa 13. februar. Innspel vert lagt fram til drøfting i møte i Samarbeidsrådet 15. februar.

g) Craft International Economuseea Terje Inderhaug, Hordaland fylkeskommune vil orientere om prosjektet i møte. h) Interkommunalt samarbeid innan helse Helse Fonna regionen Ordførar Synnøve Solbakken og rådmann Sverre Olav Svarstad hadde fredag 1. februar møte med repr. frå Helse Fonna med utgangspunkt i Helse og omsorgsdepartementet sitt Oppdragsdokument 2013, Helse Vest. Det vert ei orientering i møte. i) Skulebruksplan for Hordaland Forslag til Skulebruksplan for Hordaland er no lagt ut og i framlegget er Bømlo vg skule og Fitjar vg skule føreslått lagt ned. Samarbeidsrådet må i møte drøfta korleis regionen skal ta saka vidare. Framlegget går til handsaming i opplærings- og helseutvalet 12. februar, til fylkesutvalet 20.-21. februar og endeleg vedtak i fylkestinget 12. og 13. mars.

MØTEBOK Samarbeidsrådet for Sunnhordland Fredag 15. februar 2013 kl. 09.30 Stord Rådhus Sak 03/13 GJG/rr NASJONAL FISKERIHAMN PÅ BØMLO INNSPEL TIL NTP Bømlo kommune har i brev datert 22 januar d.å bedt Samarbeidsrådet om å gje sin tilslutnad til at Bømlo kommune sitt arbeid med revisjon av noverande fiskerihamn skal få status som Nasjonal fiskerihamn. I 1994 utarbeidde Bømlo kommune, som den første kommunen i Hordaland, ein fiskerihamneplan. Planen er gjennomført, og i åra som har gått har Hovlandshagen på Langevåg blitt utvikla til å verta noko langt meir enn ei fiskerihamn. I det aktuelle område finn me i dag Bømlo Skipsservice, oppdrettsverksemd, fiskemottak og mindre mekaniske verksemder. Bømlo kommune er ein stor fiskerikommune og har i dag 110 fiskefartøy, derav 9 havgåande. I dag er det den yngre generasjon fiskarar som satsar stort, og desse gjev utrykk for at Bømlo kommune må etablera ein tidsmessig fiskerihamn, som gjer at fiskeflåten kan gå til hamn i eigen kommune. Med stadig større båtar og større fangstkvotar, har den aktuelle havfiskeflåten landligge i 4-5 mnd i året. Det er difor viktig for flåten å kunne gå til hamn i nærområdet, ikkje minst med tanke på vedlikehald og utvikling av eit felles fiskerimiljø. Vurdering: I oktober 2012 gjorde Bømlo formannskap vedtak om å revidera fiskerihamneplanen av 1994, og har i etterkant knytt til seg ekstern kompetanse for å utarbeida eit nytt plangrunnlag. Formannskapet i Bømlo vurderer det som viktig at ny fiskerihamn i Bømlo må få status som nasjonal fiskerihamn. Hordaland fylkeskommune gjorde følgjande vedtak i fylkestinget under handsaming av Regional transportplan: Etablera ny fiskerihamn på Bømlo. Saman med kommunen og fiskerinæringa starta arbeidet med lokalisering av ny moderne fiskerihamn på Bømlo. Bømlo kommune ynskjer å arbeida for at ein skal få arbeidd inn tilsvarande formulering i nasjonal transportplan (NTP). Bømlo kommune har hatt dialog med Kystverket, og er klar over at Kystverket har sendt over sine prioriteringar i relasjon til komande handsaming av NTP for perioden 2014-2023. Bømlo kommune vil likevel arbeida for at ein gjennom Stortinget si hamdsaming av NTP, kan få den første omtalen. NTP vert som kjent lagd for ein 10 års periode, med hovudvekt på dei første 4 åra. Planen skal

reviderast kvart fjerde år, slik at det er først i 2018/19 Bømlo kommune i beste fall kan koma inn i prioritert omtale. På Samarbeidsrådet sitt møte i Lyon vart saka lagt fram og det var ei kort drøfting på om dette tiltaket kan koma i konflikt eller i konkurranse med Karmsund eller Fiskerihamna i Austevoll. Det vart avklart at det ikkje vil verta konkurranse, og at dei andre aktørane ynskjer tiltaket velkomen. Framlegg til vedtak: Samarbeidsrådet for Sunnhordland gjev si tilslutnad til at Bømlo kommune sitt arbeid med revisjon av noverande fiskerihamn skal få status som Nasjonal fiskerihamn.

MØTEBOK Samarbeidsrådet for Sunnhordland Fredag 15. februar 2013 kl. 09.30 Stord Rådhus Sak 04/13 GJG/rr FLYTTING AV ALARMSENTRAL Bakgrunn Direktoratet for samfunnssikkerhet og beredskap (DSB) sendte 09.01.13 ut på høyring varsel om vedtak om endring av regionane for 110-sentralene på Vestlandet. DSB varslar om at følgjande vedtak vil bli gjort dersom ikkje avgjerande innvendingar mot endringa kjem fram: 1. kommunane tilknytt 110-sentralen i Haugaland og Sunnhordland politidistrikt (Haugesund) vert flytta til 110-sentralen i Rogaland politidistrikt (Stavanger) 2. kommunane tilknytt 110-sentralen i Sogn og Fjordane politidistrikt (Førde) vert flytta til 110- sentralen i Hordaland politidistrikt (Bergen). DSB legg opp til større og meir robuste einingar i brannvesenet og ved 110-sentralane. 110- sentralane vart sist omorganisert i 2003 kor tal sentralar vart redusert frå 47 til 24. Med endringa som no er planlagt, vert tal sentralar redusert til 11 kor 7 er i det sentrale austlandsområdet. Vidare vert det vurdert ytterlegare reduksjon i tal sentralar i det sentrale austlandsområdet etter at nytt naudnett er innført i hele landet. 110-sentralen i Haugesund dekker i dag om lag 145.000 innbyggarar i kommunane Haugesund, Karmøy, Utsira, Bokn, Tysvær, Vindafjord, Sauda, Suldal, Etne, Sveio, Stord, Fitjar og Bømlo som samsvarer med kommunane i Haugaland og Sunnhordland politidistrikt. I høyringa legg DSB ein del kriterium til grunn for varselet om vedtak som dei ønskjer å gjennomføre, bla.: faglege omsyn som beredskapsgrenser, befolkningsgrunnlag, ROS-analyse og bemanning, reserveløysingar naudnett med teknisk og operativ overgang, kostnader, rask prosess om samanslåing telesikkerhet eit felles naudnummer lokal medverknad kor bla. handtering av automatiske brannalarmar på det private alarm marknaden vert nemnd. Høyringsfrist er sett til 20.02.13 som i følgje DSB har bakgrunn i framdrifta av innføring av naudnettet. Omorganiseringa er heimla i brann- og eksplosjonsvernloven 16.

Konsekvensar Vert 110-sentralen flytta frå Haugesund til Stavanger kan det blant anna bli følgjande konsekvensar: regionen Haugaland og Sunnhordland vil mista ein viktig brikke i naudalarmeringssystemet brannvesenet vil mista ein eining som har vore knytt til brannvesenet sidan sentralane vart oppretta 110-sentralen vil kunne vera viktig å ha med og inngå i et evt. framtidig interkommunalt brannvesen regionen vil mista nærleik og tap av lokalkjennskap/-kunnskap ved mottak og vidareformidling av hendingar 112- og 113-sentralane skal framleis bestå i Haugesund og samvirket som ein i dag har med politi og helse sine sentralar vil forsvinna nedlegging av brannvesenet sin 110-sentral vil kunne få betyding for fortsett oppretthalding av 112- og 113-sentralane i Haugesund oppretthalding av 110-sentralen er viktig ved evt. framtidig helikopterbase i Haugesund 25.01.13 var det eit møte mellom Haugaland og Sunnhordland politidistrikt, Helse Fonna og Haugesund kommune. Tema var innføring av det nye naudnettet. Det vart frå politi og helse konkludert med viktigheita av å ha ein felles alarmregion for alle naudetatane for på den måten bl.a. å levera innbyggjarane i regionen best mogleg teneste. Dette meiner dei vert best gjort ved at 110-sentralen i Haugesund vert oppretthalden. Vurdering Stord kommune har sett i gong eit arbeid med risiko- og sårbarhetsanalyse for brann og redningsvesenet i Stord. Det vil i denne samanheng verta vurdert eit interkommunalt brannsamarbeid i Sunnhordland. Ein forstudie skal vera klar innan juni månad 2012. DSB har skissert at omorganisering for 110 sentralen i Haugesund skal vera ferdig medio april 2013. Med omsyn til beredskapsgrenser skriv DSB at det vil forenkla, forbetra og effektivisera samarbeidet mellom naudetatane dersom det er samanfall mellom naudetatane sine geografiske grenser for operativt ansvar. Praksis har vore at politidistrikta har vore brukt som utgangspunkt for brann sine naudalarmeringsregionar. I 2002 vart det gjort ei endring i Sunnhordland, ved at 110- sentralen i Haugesund skulle dekka kommunane i Haugaland og Sunnhordland politidistrikt, som mellom anna omfattar kommunane Stord, Fitjar, Bømlo, Etne og Sveio. Fram til 2002 var brannvesenet i kommunane knytt opp mot sentralen i Bergen, ei ordning som fungerte tilfredstillande. Tre av kommunane i Sunnhordland, Austevoll, Kvinnherad og Tysnes er i dag knytt opp mot 110 sentralen i Bergen. Slik DSB har varsla, skal kommunane i Sunnhordland som er med i Haugaland og Sunnhordland politidistrikt knytast opp mot sentralen i Stavanger. Det er Fylkesmannen i Hordaland som har det overordna ansvaret for beredskapen i Hordaland. I ein gitt krisesituasjon har fylkesmannen i Hordaland det overordna beredskapsansvaret for heile fylket, inkludert kommunane i Sunnhordland. Av den grunn er eit alternativ at beredskapsgrensa føl fylkesgrensa og at kommunane vert knytt opp mot 110 sentralen i Bergen.

Administrasjonen meiner det er viktig for Haugaland og Sunnhordland at 110-sentralen i Haugesund vert oppretthalden. Dette er spesielt viktig så lenge politi og helse sine sentralar vert i Haugesund. Alternativet er at kommunane vert knytt til Bergen. Framlegg til vedtak: 1. Samarbeidsrådet for Sunnhordland meiner det er viktig for Haugaland og Sunnhordland at 110 sentralen i Haugesund vert oppretthalden. 2. Det er ikkje eit alternativ for kommunane i Sunnhordland å verta knytt til sentralen i Stavanger. 3. Dersom Stavanger vert alternativet, krev kommunane i Sunnhordland å verta knytt til 110 sentralen i Bergen.

MØTEBOK Samarbeidsrådet for Sunnhordland Fredag 15. februar 2013 kl. 09.30 Stord Rådhus Sak 05/13 GJG/rr STRATEGISK PLAN FOR SAMARBEIDSRÅDET 2014-2017 Strategisk plan for Samarbeidsrådet 2010-2013 er gjeldande ut året og arbeidet med ny strategisk plan for 2014-2017 bør startast før sommarferien. Den strategiske planen for Samarbeidsrådet skal godkjennast i alle kommunane før endeleg vedtak i Representantskapet 29 november 2013. Administrasjonen føreslår at rådmann Trond Sætereng, Kvinnherad kommune vert prosessleiar. Framdriftsplan: 13.-14. juni Strategisamling 30. august Gjennomgang og godkjenning av strategiane Medio sept. Utsending av Strategiplan 2014-2017 til kommunane for godkjenning 11. okt. Gjennomgang av innspel frå kommunane og oversending til representantskap 29. nov Endeleg godkjenning i Representantskapet Framlegg til vedtak: 1. Samarbeidsrådet for Sunnhordland startar arbeidet med ny strategisk plan i møte 13. og 14. juni. 2. Rådmann Trond Sætereng, Kvinnherad kommune vert prosessleiar.

MØTEBOK Samarbeidsrådet for Sunnhordland Fredag 15. februar 2013 kl. 09.30 Stord Rådhus Sak 06/13 GJG/rr REGIONALT NÆRINGSFOND RAPPORT 2013 Fylkesutvalet vedtok i møte 29. august 2012 følgjande fordeling til dei regionale næringsfonda i Hordaland: Region Basistildeling Sonetildeling Skjønnstildeling Sum tildelt 2012 Sunnhordland 393 2237 500 3130 Hardanger 393 2441 500 3334 Voss 195 938 125 1258 Bjørnefjorden 393 249 0 642 Gode sirklar - - 500 500 Osterfjorden 393 302 185 880 Nordhordland 393 313 350 1056 SUM 2160 6480 2159 10820 Samarbeidsrådet for Sunnhordland vedtok i møte 2. mars 2012 at skjønsmidlane for 2012 skal nyttast til omdømmeprosjektet. Fylkeskommunen vedtok å løyve kr. 500 000 til dette føremålet. Kr. 2 630 000 vart fordelt slik mellom dei ulike postane. Hovudsatsingsområde Fordeling i % Fordeling i kr. Overført frå 2011 Totalt til fordeling 2012 Nyskaping/entreprenørskap 35% 920500 123299 1043799 Marin sektor/havbruk 5 % 131500 131500 Kulturbasert næringsutvikling 10 % 263000 263000 Rekruttering/omdømmebygging 10 % 263000 263000 Reiseliv 30 % 789000 789000 Energi/miljø 5 % 131500 131500 Rettleiing/administrasjon 5 % 131500 131500

Sunnhordland Det er Samarbeidsrådet for Sunnhordland ved ordførarar og rådmenn som har det overordna ansvaret for bruken av midlane i Sunnhordland. I møte i Samarbeidsrådet 27 januar 2012 vedtok rådet satsingsområda og prosentvis fordeling for 2012. Eit eiga styre beståande av ordførarane i regionen, Ove Rosvold, Windsor AS og Sylvi R. Sørfonn, Atheno AS utgjer styret for fondet. I 2012 har det vore 2 styremøte/tildelingsmøte og det vart handsama 38 løyvingssaker. Det er midlane som er sett av til nyskaping/entreprenørskap, marin sektor/havbruk, kulturbasert næringsutvikling og energi/miljø det kan søkjast midlar frå. Styret i regionalt næringsfond har i 2012 vedteke å løyve midlar til følgjande bedrifter/prosjekt: Søkjar Kommune Tilsegn Aarland bygg og Eiendomsutvikling Austevoll Kr. 135000 Fugl Fønix AS Etne Kr. 25000 BKS Industri AS Kvinnherad Kr. 125000 Hgrafisk foto Etne Kr. 25000 Åshild Hjelmeland Kvinnherad Kr. 35000 Halsnøy Historiske Senter Kvinnherad Kr. 50000 HM Produktutvikling Bømlo Kr. 40000 Moster Grendautval Bømlo Kr. 30000 LUMIC AS Tysnes Kr. 200000 Espevær Røykeri Bømlo Kr. 50000 Kjell Olsen Sveio Kr. 54000 Tysnes Friluft Tysnes kr. 44000 Rosendal Turisthotell/Cosy Consept Kvinnherad Kr. 35000 Andreas Wennberg Kvinnherad kr. 20000 Signe Schineller Kvinnherad Kr. 20000 Ørjan Johannessen Austevoll kr. 60000 Jorun Larsen Kvinnherad kr. 30000 Sunnhordland Havbruk Sveio kr. 100000 Erslandsgården Kvinnherad kr. 30000 Tysnesingen.no Tysnes kr. 25000 Tysnes Helsesenter Tysnes kr. 80000 Saltnes Bakeri og konditori Etne kr. 41000 Helge Ingvaldsen Bømlo kr. 40000 Kine Møklebust Teigland Tysnes kr. 20000 Big Power Protection Tysnes kr. 80000 OVERSIKT ANTALL SØKJARAR OG FORDELING Det er utarbeidd ein oversikt over antall søkjarar i 2011 og 2012 og kommunevis fordeling for desse åra. Det er til ei kvar tid dei beste søkjarane ut i frå kriteria for fondet som får midlar, uavhengig kva kommune dei kjem frå.

Det varierer kvart år kor mange søkjarar som kjem frå kva kommune, og kor gode søknadane er. Det er likevel tydeleg at einskilde kommunar er flinkare med å gjera det regionale næringsfondet kjent for innbyggjarane. 14 12 10 8 6 4 2 0 Søkjarar 2011 Søkjarar 2012 Oversikt over antall søkjarar 2011 og 2012 450000 400000 350000 300000 250000 200000 150000 100000 50000 0 Fordeling kommunevis 2011 Fordeling kommunevis 2012 Oversikt fordeling 2011 og 2012 Omfordeling mellom postane: Det er vanskeleg å vita kva satsingsområde som treng mest midlar i løpet av året. I 2012 har det vore fleire og betre søknadar innan kulturbasert næringsutvikling enn på dei andre satsingsområda, noko som har ført til at denne posten vart overskriden. Styret i regionalt næringsfond vedtok i møte 21 november at administrasjonen i Samarbeidsrådet kunne gjera naudsynt omfordeling mellom postane for 2012.

Styret i regionalt næringsfond meiner at fordelinga som vert gjort av Samarbeidsrådet for Sunnhordland mellom dei ulike prioriteringane ikkje må stoppa gode prosjekt å få midlar, men at ein kan gjera dei naudsynte justeringane etter kvart som ein ser kva satsingsområde dei ulike prosjekta høyrer til under. Dette vil vera ulikt frå år til år, men det kan likevel vera ein indikator på kor regionen bør sette inn større satsing. REISELIV Samarbeidsrådet for Sunnhordland har vedteke å bruke 30 % (789 000) av midlane frå regionalt næringsfond til reiselivssatsinga i regionen. Dette er ei satsing som gjeld alle kommunane i regionen og midlane vert nytta til marknadsføring av regionen gjennom utvikling av nettsider, brosjyremateriell og produktutvikling. SKJØNSMIDLAR Samarbeidsrådet for Sunnhordland fekk i 2012 kr. 500 000,- i skjønsmidlar. Fylkeskommunen har godkjent at Samarbeidsrådet kan nytte midlane til blant anna kampanjeavis for Sunnhordland, ambassadørtreff, kom heim treff og Sunnhordlandsfilm. INFORMASJON OG SYNLEGGJERING AV REGIONALT NÆRINGSFOND Det vart annonsert om søknadsfristar for regionalt næringsfond i 7 lokalaviser våren 2012. Informasjon vart lagt ut på nettsidene til Samarbeidsrådet og det vart oppmoda om å legge same informasjon ut på nettsidene til kommunane. Næringssjef/organisasjon i kommunane vart orientert om fondet i møter og pr. epost. Etter kvart tildelingsmøte er det blitt offentleggjort på nettsidene til Samarbeidsrådet kven som har motteke midlar. RESTMIDLAR FRÅ 2012 TIL OVERFØRING i 2013 Det står att kr. 158 128,- frå Regionalt næringsfond for 2012 som vert overført til 2013. TILBAKETREKT TILSEGN Tilbaketrekt tilsegn på kr. 202 990,- er midlar som ikkje er kravd utbetalt eller er ubrukt og som difor er trekt attende. Desse midlane vert overført til bruk i 2013. Framlegg til vedtak: 1. Samarbeidsrådet for Sunnhordland godkjenner rapport for regionalt næringsfond 2012. 2. Samarbeidsrådet for Sunnhordland vedtek at restmidlar frå 2012 på kr. 158 128,- vert overført til regionalt næringsfond for 2013. 3. Tilbaketrekt tilsegn på kr. 202 990,- vert overført til regionalt næringsfond for 2013. 4. Styret i regionalt næringsfond gjer endeleg vedtak på korleis restmidlane skal fordelast mellom dei ulike postane i 2013.

MØTEBOK Samarbeidsrådet for Sunnhordland Fredag 15. februar 2013 kl. 09.30 Stord Rådhus Sak 07/13 GJG/rr REGIONALT NÆRINGSFOND PLAN 2013 Målsettingar og strategiar for regionale næringsfond Midlane skal medverka til å realisere fylkeskommunale mål for næringsutvikling, særleg innan næringsretta kompetanseutvikling, innovasjon og internasjonalisering, entreprenørskap, utvikling av livskraftige lokalsamfunn og utvikling av næringar med særlege føremoner i Hordaland. Fylkesutvalet har ikkje fordelt ramma mellom regionane enno. Dato for dette er enno ikkje sett i fylkeskommunen. Administrasjonen føreslår difor at Samarbeidsrådet gjer ei fordeling mellom dei ulike satsingsområda, med prosentvis fordeling slik som tidlegare år. Hovudsatsingsområde Hovudsatsingsområda for bruken av midlane skal gjenspegla satsingsområda i RUP Hordaland. Sunnhordland sine satsingsområdet var i 2012: nyskaping /entreprenørskap (35%) reiseliv (30 %) marin sektor/havbruk (5 %) kulturbasert næringsutvikling (10 %) rekruttering/omdømmebygging (10 %) energi/miljø (5 %) rettleiing/administrasjon (5 %) Administrasjonen føreslår at ein aukar kulturbasert næringsutvikling til 15 % og endrar namn på satsingsområde til Kulturbasert næringsutvikling/matkultur. Framlegg til fordeling 2013: Hovudsatsingsområde Fordeling i % Tiltak Nyskaping/entreprenørskap 35 % Direkte støtte/etablerar/bedrifter Marin sektor/havbruk 5 % Havbruksprosjekt Kulturbasert næringsutvikling/matkultur 15 % Kulturetablering og støtte til næringsretta kultur herunder satsing på matopplevingar Rekruttering/omdømmebygging 10 % Kampanjar Reiseliv 30 % Produktutvikling Marknadsføring Rettleiing/administrasjon 5 % Rettleiing/sakshandsaming/rekneskap, revisjon

Erfaringane gjennom dei åra regionalt næringsfond har eksistert, syner at det er eit behov for å ha midlar som kan gå direkte til bedriftsetablering og at satsingsområda som Sunnhordland har valt har vore tidsriktig. Regionalt næringsfond er etter kvart vorte godt kjent både i kommunar og næringsliv. Nyskaping/entreprenørskap Det syner seg at dei fleste søknadane kjem inn under satsingsområdet nyskaping/entreprenørskap og det er difor naturleg at denne posten er høgast. Marin sektor/havbruk Marin sektor/ havbruk er eit prioritert satsingsområde på Vestlandet og i RUP Hordaland. Dette er òg ei viktig næring for Sunnhordland og det er difor naturleg at regionen set av noko midlar til denne satsinga. Kulturbasert næringsutvikling / matkultur Sunnhordland er ein region med mykje aktivitetar og kompetanse knytt opp mot kultur, kulturaktivitetar og matopplevingar. Ei utfordring er å profesjonalisera ein del av aktivitetane/ tiltaka til å verta levedyktige bedrifter. Støtte til nye etableringar og satsingar innan det som vert definert som kulturbasert næringsutvikling vil få auka prioritet i 2013. Reiseliv Reiseliv er eit satsingsområde i Sunnhordland og det er behov for midlar til produktutviking og gjennomføring av dei ulike satsingsområda som er nedfelt i Strategisk plan for reiselivet 2010-2015. Omdømmebygging/ rekruttering Omdømmebygging / rekruttering er ei prioritert hovudsatsing i Strategisk plan for Samarbeidsrådet 2010-2013. Omdømmebygging er eit langsiktig arbeid som må forankrast i heile regionen for å lukkast. I 2013 vil ein vidareføre aktivitetar som går på forankring, rekruttering og gjennomføring av ulike tiltak i kommunikasjonsstrategien i regionen og mot andre målgrupper. Skjønsmidlar 2013 Av den totale løyvinga på 10 800 000 kroner skal 2 160 000 kroner (20 %) brukast som skjønnsmidlar fordelt på dei ulike regionane. Desse midlane kan regionråda koma med innspel til bruken av. Frist for innspel er 1. mars 2013. Administrasjonen føreslår å søkje Hordaland fylkeskommune om skjønsmidlar til prosjektet Matkultur i Sunnhordland og omdømme/rektrutteringsprosjektet. Framlegg til vedtak: 1. Samarbeidsrådet for Sunnhordland godkjenner framlegg til fordeling av regionalt næringsfond for 2013. 2. Samarbeidsrådet for Sunnhordland prioriterer og søkje fylkeskommunen om skjønsmidlar til prosjektet Matkultur i Sunnhordland og omdømme/rekrutteringsprosjektet.

MØTEBOK Samarbeidsrådet for Sunnhordland Fredag 15. februar 2013 kl. 09.30 Stord Rådhus Sak 08/13 GJG/rr VAL AV TO NYE NÆRINGSLIVSREPRESENTANTAR TIL REGIONALT NÆRINGSFOND Styret for regionalt næringsfond skal bestå av ordførarane i regionen med varaordførar som vararepresentant i tillegg til to næringslivsrepresentantar. Ove Rosvold, Windsor AS og Sylvi R. Sørfonn, Atheno AS har vore næringslivsrepresentantane dei siste åra. På førre styremøte 21 november 2012 vart ein samde om å ha nytt val på representantane frå næringslivet. Det har ikkje vore vararepresentantar for desse, noko ein bør få på plass ved dette valet. Administrasjonen føreslår at det vert lagt opp til val av nye næringslivsrepresentantar kvart 2 år. Vidare at ein i møte kjem med framlegg til kandidatar som administrasjonen kontaktar i etterkant. Forslag til kandidatar: vara vara

MØTEBOK Samarbeidsrådet for Sunnhordland Fredag 15. februar 2013 kl. 09.30 Stord Rådhus Sak 09/13 GJG/rr BOCUSE D`OR VEGEN VIDARE Etter VM i kokkekunst i Lyon og Ørjan Johannesen gjennomføra meisterskapet og vunne pris for beste fiskerett er det tid å vurdera korleis regionen tek tema mat vidare. Sunnhordland er ein av dei største produsentane av sjømat, med laks som spydspiss internasjonalt. Regionen har ein stor fiskeflåte og fleire kystfiskarar som leverer eit utval av ulike råvarer. I tillegg har regionen eit landbruk som produserer kjøt, frukt, grønsaker og bær og i utmarka er det mykje vilt av ulike kategoriar. Dei beste råvarene er på plass, det same er meisterkokkar og andre dugande kokkar. Mange av serveringsstadane serverer kortreist mat, og fleire av desse er i historiske omgjevnader Dette gjev eit godt grunnlag for å utvikla Sunnhordland som ein spennande matdestinasjon. Skal ein lukkast i denne satsinga er det ein stor jobb å gjera for å få sett satsinga på mat i system. Serveringsstadane må vera sikra leveransar av dei råvarene dei set opp på menyen, og alt må vera etter ein gjeven kvalitetsstandard. Deretter må tilbodet pakkast og marknadsførast mot ulike målgrupper. 2012 var Matåret i Hordaland, og Fylkesmannen og Hordland fylkeskommune arrangerte regionale samlingar med fokus på mat. I Sunnhordland var denne samling a på Haaheim gard På Tysnes, med ca. 30 deltakarar. Både fylkeskommunen og Fylkesmannen har god kompetanse innan matkultur og må vera viktig ressursar inn i eit matprosjekt i Sunnhordland, Dette er eit langsiktig arbeid, og administrasjonen føreslår at det vert sett av midlar til eit forprosjekt der ein får kartlagt produsentar og leverandørar. Mål for forprosjektet Mobilisera bedriftene i Sunnhordland til å sjå moglegheiter for produktutvikling ved å nytta /anvenda lokale råvarer Formidla kunnskap om lokale råvarer og dei økonomiske og konkurransefortrinn dette kan utgjera for bedriftene

Formidle kompetanse. Fremja bruk av lokale råvarer til å styrke konkurranseevne, nyskaping og utvikling. Rekruttera ei kritisk masse på 20 bedrifter og andre i målgruppa som ynskjer å gå vidare i eit hovudprosjekt. Administrasjonen meiner at det må leggjast ned så mykje arbeid i prosjektet at det må tilsetjast ein prosjektleiar som gjennomføre forprosjektet og på bakgrunn av dette skisserer mål og tiltak i eit hovudprosjekt. Det må lagast ein prosjektplan for forprosjekt, der ein får fram mål, omfang, innhald,organisering, kostnader og finansiering. Administrasjonen rår til at Samarbeidsrådet set av sin del av finansieringa av forprosjektet no, slik at det kan søkast om ekstern finansiering. Framlegg til vedtak 1. Samarbeidsrådet for Sunnhordland går inn for oppstart av eit forprosjekt innan matkultur i regionen. 2. Samarbeidsrådet set av kr. 80 000 til delfinansiering av prosjektet. 3. Midlane skal takast frå tiltakspotten.