Plan for den kulturelle skule- og barnehagesekken for Vinje kommune Handlingsplan 2012 2016 Tiltaksplan for 2013 Vinje, 16.11.12
Kommuneplan 2007 2019 Visjon Vinje utfordrar framtida Verdigrunnlag Vinje eit livskraftig og moderne samfunn tufta på kultur, tradisjonar og utvikling av eigne ressursar. Ta vare på natur og miljø for seinare generasjonar. Vidareføre dei rike kulturverdiane og tradisjonane i Vinje og ynskje nye kulturar velkomne. Ha gode sosiale miljø i kommunen, og omsorg for kvarandre. Aktive innbyggjarar med engasjement for kommunen sin. Innsatsområde Identitet Levekår Levevegar Andre utviklingsområde Kommune- og regionsenter, Samferdsel, Kommunale tenester i framtida 2
Innleiing Den kulturelle skulesekken er ei nasjonal satsing på kultur til barn og unge. Intensjonen er å sikre elvanes møte med profesjonelle kunst- og kulturformidling, og at alle barn skal oppleva kultur av høg kvalitet. Telemark fylke har om lag 21 500 grunnskuleelevar som alle mottek fem profesjonelle kunstnarbesøk kvart år. Alle dei 18 kommunane utarbeider lokale handlingsplanar, og har inngått samarbeidsavtaler med fylkeskommunen om deltaking i ordninga. Utviklingsplanen som er utarbeidd her i fylket beskriv mål og satsingar for Den kulturelle skulesekken i Telemark med bakgrunn i nasjonale føringar og regionale og lokale behov. Utviklingsplanen for Den kulturelle skulesekken i Telemark gjeld for perioden 2011-14. Nasjonale mål og prinsipp Dei overordna måla for Den kulturelle skulesekken i Telemark byggjer på dei nasjonale måla og prinsippa for ordninga. Stortingsmelding nr. 8 (2007-2008) Kulturell skolesekk for framtida har følgjande mål for Den kulturelle skulesekken: Å medverke til at elevar i skulen får eit profesjonelt kunst- og kulturtilbod. Å leggje til rette for at elevar i skulen lettare skal få tilgang til, bli gjort kjent med og utvikle forståing for kunst- og kulturuttrykk av alle slag. Å medverke til å utvikle ei heilskapleg inkludering av kunstnariske og kulturelle uttrykk i realisering av læringsmåla på skulen. Den kulturelle skulesekken (DKS), skal utformast og vurderast ut frå følgjande verdiar: DKS skal vera ei varig ordning for elevar i skulen. DKS skal famne om alle elevar i grunnskulen og den vidaregåande opplæringa. Innhaldet i kunst- og kulturtilboda i DKS skal medverke til å realisere skulens mål slik dei kjem til uttrykk i den generelle delen av læreplanverket og i dei ulike læreplanane. Elevane skal møte profesjonelle kunst- og kulturtilbod med høg kunstnarisk kvalitet. DKS skal omfatte ulike kunst- og kulturuttrykk med røter i eit mangfald av kulturar og frå ulike tidsperiodar. Både musikk, scenekunst, visuell kunst, film, litteratur og kulturarv skal vera representert i DKS. Elevane skal sikrast eit regelmessig tilbod på alle klassesteg. DKS er knytt til skulens kjerneverksemd og skal medverke til å styrke skulens basiskompetanse, allmenndanning, kreativitet, entreprenørskap og sosial kompetanse gjennom auka læringslyst og skapande og vitskaplege arbeidsmåtar. 3
DKS skal ikkje vera erstatting for estetiske fag i skulen, men eit tillegg. DKS skal innehalde mangfaldsperspektivet og gje elevane innsikt i uttrykk med ulik kulturbakgrunn Arbeidet med Den kulturelle skulesekken skal vera i godt samarbeid mellom kultur- og opplæringssektoren på alle nivå. Opplæringskontoret har ansvar for å leggje for - og etterarbeidet pedagogisk til rette for elevane, medan kulturskulesektoren har ansvar for kulturinnhaldet. Den kulturelle skulesekken må forankrast lokalt på den enkelte skule, i kommunen og i fylket. Målsetjingane i Telemark følgjer dei nasjonale målsetjingane og verdiane. Organisering på fylkesnivå Den kulturelle skulesekken som nasjonal ordning blei etablert i 2001, og har eksistert i Telemark like lenge. Gjennom desse åra er det bygd opp eit velfungerande system for å formidle kulturopplevingar til elevar ved alle skulane i fylket. Administrasjon Den kulturelle skulesekken baserar seg på ei ansvarsdeling mellom tre forvaltningsnivå: Lokalt i den enkelte kommune Regionalt i fylket og hjå Fylkesmannen Nasjonalt i Kunnskapsdepartementet og Kulturdepartementet Fylkeskommunen, ved Team kultur, har ansvar for den kulturelle skulesekken i Telemark. Fylkeskultursjefen er øvste fagleg ansvarlege, medan arbeidet er delt mellom ein koordinator som leier det forvaltningsmessige arbeidet, og Kulturskatten som har ansvar for turneverksemda. 4
Koordinator for DKS i Telemark har ansvaret for å følgje opp statlege føringar gjennom samordning, planarbeid og rapportering til DKS - sekretariatet. Koordinator har også ansvar for å følgje opp dei lokale DKS - planane i kommunane. Kulturskatten har ansvar for programmering og turnelegging, og leverar produksjonar til alle grunnskulane i fylket. Ansvaret deira omfattar og oppfølging av kunstnarar, kulturkontaktar i kommunane og produksjonsmiljøa. Kulturskatten deltek på ei rekkje nasjonale arenaer på feltet, og har solid fagleg kompetanse når det gjeld utveljing og kvalitetssikring av produksjonar. Dette sikrar at produksjonane som blir sendt ut til elevane i Telemark, har høg kunstnarisk kvalitet. Turneorganisasjonen Kulturskatten Kulturskatten skal gje alle elevar i Telemark minimum tre årlege møte med profesjonell kunst og kunstnarar, fordelt på uttrykka scenekunst, litteratur, visuell kunst, kulturarv, film og musikk. Programarbeidet tek høgde for utviklingstrekk i kulturfeltet, og ynskjer å tilby elevane nye kulturopplevingar. Tradisjonelt har Kulturskatten gjeve elevane opplevingar, medan eigenaktivitet i stor grad har blitt dekt av den kommunale planen. Nyare forsking viser at elevar ynskjer meir eigenaktivitet i DKS. Kulturskatten tek omsyn til dette, og ynskjer å auke talet på produksjonar der elevane kan delta. Det er eit nasjonalt mål å samordne DKS, UMK og kulturskulane meir med tanke på å utnytte ressursar og kompetanse. Kulturskatten ynskjer å bidra til kompetanseheving i dei kommunale kulturskulane ved å la kulturskulelærarane delta i meir langvarige skulesekkprosjekt. På den måten oppnår ein å leggje att ressursar i kommunane ved hjelp av DKS. For dei neste fire åra er måla: Å tilby fleire prøveprosjekt som involverer elevane Å bidra til kompetanseheving i kulturskulene Å tilby fleire prosjekt som fokuserer på formidling av mangfald Å tilby fleire prosjekt innanfor film Å tilpasse turnélegginga til kommunanes ynskje og behov i større grad Kulturtorget Kvart å presenterar Kulturskatten programmet sitt på Kulturtorget. Her deltek kulturkoordinatorane frå kommunane og kulturkontaktane frå alle skulane. Det er svært viktig at kulturkontaktane får høve til å delta slik at dei får kjennskap til produksjonane som blir sendt ut på turné. Det gjer førebuingsarbeidet på skulen enklare. Kulturtorget er også tenkt som ein viktig møtestad og ein arena for faglig påfyll og inspirasjon. 5
Samarbeid med kommunane Det er laga avtaler med alle dei 18 kommunane i fylket om abonnement på produksjonar som blir formidla via Kulturskatten. Kvar elev får minimum tre tilbod pr skuleår. Dei andre tilboda er ein del av den lokale DKS planen. Som skoleeigar er det kommunens oppgåve å arbeide for å forankre DKS i den enkelte skule, og kvar kommune skal ha ein lokal koordinator. Denne har ansvaret for det lokale tilbodet i DKS, og for oppfylginga av det lokale nettverket av kulturkontaktar på skulane. Kvar skule skal ha ein kulturkontakt som har ansvar for førebuingar og tilrettelegging for besøk frå DKS. Den enkelte skule har ansvar for å integrere besøket i skulekvardagen, og ta i bruk for - og etterarbeid. Kommunane mottek 1/3 av spelemidlane som blir overført til fylkeskommunen frå Staten. Fordeling av midlane blir rekna ut frå ein nøkkel basert på elevtal. Det er avgjerande for DKS -ordninga at det er etablert eit forpliktande samarbeid mellom kultur- og skulesektoren i kommunen, og det forventast at forumet står ansvarlige for å utarbeide ein lokal plan for arbeidet med DKS i kommunen. Følgjande retningsliner skal liggje til grunn for utarbeiding av dei lokale planane: Planen skal i størst mogleg grad formidle kommunens lokale kulturressursar I tråd med dei statlige krava til DKS skal ein i størst mogleg grad bruke profesjonelle kunstnara og kulturaktørar. Dette for å sikre kvaliteten i tilboda. Eigenaktivitetar for elevane bør inngå i den lokale planen Midlane skal brukast til nye tiltak, altså ikkje aktivitetar som frå før er skulens ansvarsområde Midlane kan brukast til transport i samband med formidling av kulturressursane i fylket der det er ynskjeleg, men skal ikkje brukast til skuleturar utanfor fylkets grenser Ressurspersonar frå kulturskulen kan gjerne trekkjast inn i programmet Ei utfordring i utviklinga av planane er å tenkje dristig, kreativt og nyskapande 6
Koordinator for DKS i fylket fungerer som rådgjevande instans i utarbeiding av de lokale planane. Ein godkjent plan er ein føresetnad for å få utløyst den lokale delen av spelemidlane, og skal vise korleis kommunen formidlar den lokale kulturen til barn og unge. Hovudlinene i planen ligger fast, men det kan koma årlege justeringar i programmet. Kommunen skal kvart år rapportere på bruken av midlar for førre skuleår og sende inn program for neste skoleår. Fristen for dette er 15. september. For å få til dette må det vera samarbeid mellom skule, barnehage, kulturskule, bibliotek, museum og lokale lag og organisasjonar. 7
Vinje kommune- kommunefakta pr 01.10.2012 Oversyn over barnehagane, oppvekstsentra, skulane og kulturskule i kommunen: Barnehagar: Kulturkontakt Edland barnehage: tre avdelingar Katrine Grindalen Hakkespetta barnehage: fire avdelingar Gerd L. Kroken Rauland barnehage: fire avdelingar Heidi Rønningen Oppvekstsenter: Vinje oppvekstsenter: ei avdeling Kari Fetveit 1.-7.skuleår Silje Vilhodd Øyfjell oppvekstsenter: to avdelingar Unni Kristensen 1.-7.skuleår Britt Marie Ståland Skular: Edland skule: 1.-10.skuleår Dina Tverrås Rauland skule: 1.-10.skuleår Andrè Johannessen Åmot skule: 1.-10.skuleår Andrè Johannessen og Stine Beate Mondal Ljostad Kulturskulen: Undervisning i ulike instrument, korps, kor, musikkleik, dans og drama. Viser til andre interne planar og prosjekt: Bibliotekplan for skulane i Vinje Handlingsplan for tiltak for ungdom Rusmiddelpolitisk handlingsplan Psykiatriplanen SLT rus- og kriminalførebyggjande tiltak Prosjekt frå Vest-Telemark museum Kulturplanen 8
Tenesteområde Tenesteområde Barnehage, skule, SFO og kulturskule Situasjonen i dag Dei siste åra har me teke opp att ordninga med årets kunstnar. Dette gjeld både for barnehagar og skular. I tillegg har barnehagar og skuler hatt lokale opplegg, t.d. jubileum og samarbeid med kulturskulen og lokale lag. Positive sider- moglegheiter Positive sider Byggje opp elevanes kulturelle kompetanse Alle får det same tilbodet og får møte kunstuttrykk av høg kvalitet. Moglegheiter Systematisk satsing på eigenaktivitet, samarbeid med kulturskulen, biblioteka, lokale kunstnarar og musea. Rikskonsertane og Kulturskatten 9
Mål for Den kulturelle skule- og barnehagesekken Visjon INNSYN OG VIDSYN Hovudmål Barn og unge skal få kunnskap om ulike kulturuttrykk. Dei skal kjenne til den lokale kulturen og vera open for idear utanfrå. Delmål Barn og unge som har tru på seg sjølve og andre Barn og unge som er opne for nye inntrykk og uttrykk Barn og unge som tør, vil og kan Barn og unge som får oppleve glede ved at andre opptrer for dei og ved at dei sjølve gjer noko for andre menneske Mangfald 10
Årleg aktivitet i skule og barnehage. Aktivitet og ansvar Tiltak/strategi (korleis) Ansvar Barne hagen 1.-4.kl 5.-7.kl 8.- 10.kl Kulturskatten m/rikskonsertar Koordinator/ kulturkontakt X X X X Kulturskuleprosjekt dans, drama, Kulturskule - kor. Kulturskulen har kvart år eit rektor / X X X prosjekt med grupper på skulen einingsleiar innom tema. Opplæring i dans i samarbeid med folkemusikkmiljøet. Barnehagen Småskulen - Mellomtrinnet - Ungdomsskulen - swing og gådans. Kulturskule - rektor / Einingsleiar på skulane og barnehagane X X X X Årets kunstnar /jubileum. Språkåret 2013 Fokus på litteratur i forkant av Litteraturdagane i Vinje. Målet vårt er at alle ungar i kommunen skal vita at det er Litteraturdagar ved å gje dei positiv oppleving av litteratur i forkant av festivalen. Tema kan vera knytt til det me tek opp på Litteraturdagane om det passar. I samband med Litteraturdagane. Alle ungdomsskuleelevane møter ein av forfattarane. Einingsleiar skular, barnehagar og kulturskule - rektor X X X X Kultur X X X Kultur X 11
Aktivitet - oppstart av prosjekt Tiltak/strategi (korleis) Ansvar 2013 2014 2015 2016 Årets kunstnar/jubileum Innføring kvart år Einingsleiar / kulturskulerektor X X X X Skrivekurs Rektor kulturskulen X X X X Kjennskap til målføre. Språkåret 2013 Einingsleiar / kulturskulerektor X Mangfald i samarbeid med vaksenopplæringa Einingsleiar / kulturskulerektor X X X 12
Tilbod til skule og barnehage frå Kulturskatten og lokale tiltak i 2013: Barne Tiltak/strategi (korleis) Ansvar - hagen 1.- 4.kl 5.- 7.kl 8.- 10.kl Kulturskatten: Kulturkoordinator X X X Lokale tiltak: Opplæring i swing med Kate Skaug- Haust 13. Skulane set opp ynskje om dagar. Kultursjef/ kulturkontakt X Dansens dag 2013 i slutten av april. Eit landsomfattande tiltak med eigen koreografi. Kultursjef X X X X Opplæring i songdans, bygdedans, gammaldans og swing. I samarbeid med folkemusikkmiljøet hausten 2013 Kulturskulerektor/ kulturkontakt X X X Årets kunstnar våren 2013 Språkåret Jobbar med eit opplegg som vil passe dei ulike trinna Kultursjef/ kulturskulerektor X X X X Skrivekurs for 5.og 8.klasse Januar 2013 med Stein Versto Han tek og litt om språkåret kulturskulerektor/ kulturkontakt/ norsklærarar X X Eg fant eg fant ei forteljing om Askeladden og dei tinga han fant X X Møte med ein forfattar knytt til Litteraturdagane i Vinje Kultursjefen / kulturkontaktane X Klovneforestilling: Se På Meg Kultursjef X I tillegg til dette, set ein i gang Rockeskule og Korps i skulen. Dette er eit samarbeid mellom skulane og kulturskulen og blir ein del av den ordinære musikkundervisninga. 13
Økonomi Kommunestyret må syte for økonomi til å gjennomfør den kommunale handlingsplanen i samband med budsjetta framover. I den kommunale handlingsplanen ligg det og å betale for Kulturskatten og Rikskonsertane i tillegg til kommunale planar og transport. Kostnad skuleåret 2011/12: Kulturskatten og Rikskonsertane skule / barnehage: kr 32.704,- Møte med kulturkontaktane + administrasjon: kr 45.000,- Aktivitetar: kr 106.000,- I alt: kr 183.704,- Koordinering av planen går av ressursar innan noverande stillingar i Kulturskule og OAI. Den enkelte barnehage og skule brukar ressursar frå eiga eining saman med kultur for å finansiere dei andre tiltaka som ligg i planen. I tillegg kjem det eksterne midlar frå Den kulturelle skulesekken sentralt. For skuleåret 2011/12 er kommunen sin del av spelemidlar som skal gå til Den kulturelle skulesekken kr 54.564,-. 14