ØRSTA KOMMUNE Tekniske tenester Ørsta kommune - tekniske tenester Dalevegen 6 6155 ØRSTA Saksnr Løpenr. Saksansvarleg Arkiv Dato 2012/1803 13492/2012 OEYE L20 06.12.2012 MELDING OM VEDTAK I SAMFUNNSUTVALET 05.12.12, SAK PS 92/12: GEODATA-PLAN 2013-2016 Saksprotokoll tilråding / vedtak i samfunnsutvalet - 05.12.2012 Samfunnsutvalet vedtek at framlegg til ny Geodataplan 2013-2016 for Ørsta kommune skal leggast ut til høyring frå 15. desember 2012 til 15. februar 2013. Handsaminga (9 røysteføre) Orientering om saka vart gjeve i møtet av fagleiar kart- og oppmåling. Vedtak samrøystes i samsvar med tilrådinga. Rett utskrift av møteprotokollen 06.12.12 Toril Langlo konsulent Postadresse: Dalevegen 6 postmottak@orsta.kommune.no www.orsta.kommune.no 6153 ØRSTA 700 49 700 700 49 711 939461450 MVA 3992.07.30144
ØRSTA KOMMUNE SAKSFRAMLEGG Sakshandsamar: Guttorm Øye Arkivsak: 2012/1803 Løpenr.: 13078/2012 Utvalsaksnr. Utval Møtedato 92/12 Samfunnsutvalet 05.12.2012 GEODATA-PLAN 2013-2016 TILRÅDING TIL VEDTAK: Samfunnsutvalet vedtek at framlegg til ny Geodataplan 2013-2016 for Ørsta kommune skal leggast ut til høyring frå 15. desember 2012 til 15. februar 2013. Utskrift til: Ørsta kommune, tekniske tenester, kommunalteknikk for utsending til høyring
Saksvedlegg: S 23.11.2012 23.11.2012 Geodata-plan 2013-2016 Samandrag: Det er utarbeidd ein Geodataplan for perioden 2013-2016. Planen inneheld målsetting, plan og gjennomføring av vegadresser til alle i Ørsta kommune, nødv. oppdatering av grunnkart, nytt høgdegrunnlag, historiske ortofoto og landmålingsutstyr. Alle tiltaka er kostnadsrekna og summert i eige kapittel. Geodataplanen føreset at finansiering av planlagde tiltak for skilting av vegnamn skal fordelast på ansvarshavande for dei einskilde vegane. Geodataplanen føreset at finansiering av planlagd flyfotografering og konstruksjon av nye kartdata skal fordelast i det etablerte GEOVEKST-samarbeidet, der Ørsta kommune dekker om lag 35 %. Geodataplanen føreset at summerte kostnadar er Ørsta kommune sitt ansvar. Ein føreset at Samfunnsutvalet vedtek at framlegg til ny Geodataplan 2013-2016 for Ørsta kommune skal leggast ut til høyring frå 15. desember 2012 til 15. februar 2013. Saksopplysningar: Det er utarbeidd ein Geodataplan 2013-2016. Planen inneheld målsetting og ein plan over gjennomføring av: Vegadresser for heile Ørsta kommune Nye kartdata Nytt høgdegrunnlag Historiske ortofoto Landmålingsutstyr Til slutt i planen er det lagt fram kostnadsoverslag for gjennomføring av ovanfor nemnde arbeid. Ørsta kommune har som mål å yte betre service til innbyggarane. Vegadresser. Ein del av denne servicen er å gjennomføre vegadresser til heile Ørsta kommune. Når sekunda tel er vegadresser ikkje berre ein service, men også eit heilt nøyaktig hjelpemiddel for at lege, heimesjukepleie, ambulanse, politi, brannvern med fleire skal nå fram i tide. Moderne og trygg transport er avhengig av vegadresser for å finne fram. Med vegadresser og god skilting køyrer ein fram til målet på kortast mogeleg tid med og utan GPS. Arbeid med vegadresser er eit omfattande arbeid, og dette er gjort nærare greie for i Geodataplanen. Kartlegging, nye kartdata. All planlegging, prosjektering og utbygging er avhengig av gode og ferske kartdata. Med oppdaterte kartdata i prosjekteringsarbeidet sparer ein svært mykje markarbeid og dermed kostnadar og tid. Likeeins får ein enno større innsparingar i utbygginga. For tida har vi hatt og har framover, truleg tidenes største utbyggingar i Ørsta kommune.
Det er berre å ramse opp: Eiksundsambandet Utbygging/ombygging Ørsta/Volda lufthamn Vegar i Hovdebygda i samband med Eiksundsambandet og flyplassområdet Byggfelt Øvre Mo og Osmarka 2 Industriområder på Mo og Melsgjerda Ny kraftlinje frå Volda grense gjennom ein stor del av Ørsta til Sykkylven grense,(ørskog Fardal) som går gjennom Vatnedalen, Hovdenakken, Bondalseidet, fjellområda mot Standalseidet, Standalseidet, Standal, Ytre-Standal Ørsta trafo i Hovdenakken, som er den største Trafo innretning som nokon tid er bygt i Ørsta kommune Massetak og utbygging på Standal og hytteutbygging på Standalseidet og meir kunne ha vore nemnt. Dette viser at vi til ei kvar tid må ha oppdaterte kartdata, elles vil ikkje metodar for moderne utbygging kunne nyttast. Det er berre å nemne digital planlegging, prosjektering og utbygging med GPS i gravmaskiner. Geodataplanen inneheld plan for oppstarting og gjennomføring av flyfotografering og nye kartdata i perioden 2015-2016. Å kostnadsrekne slike stor kartleggingsoppgåver så langt fram i tid inneber sjølvsagt at summane kan vere usikre. Men for at alle kostnadar skal vere så låge som mogeleg, skjer all nykartlegging gjennom kartleggingssamarbeidet GEOVEKST, det vil seie eit samarbeid mellom Statens vegvesen, Tussa, Ørsta kommune, Statens vegvesen, Statens kartverk og Telenor. Nytt høgdegrunnlag NN2000. Alle høgder som er målt sidan 50-talet er til no basert på NN54, det vil seie eit høgdegrunnlag som er snart 60 år. GPS-måling med dette høgdegrunnlaget er ikkje så rett som det bør vere. Dette skaper usikkerheit i planlegging, prosjektering og utbygging. Difor er det no starta eit nasjonalt prosjekt som heiter NN2000. Dette er også eit GEOVEKST prosjekt der Ørsta sin del er kostnadsrekna til 50 000 kr og skal gjennomførast innan 2014. Historiske ortofoto. Første flyfotografering i vårt område vart gjort i 1960-1961. Desse bilda kan settast i system og gjerast lett tilgjengeleg i www.sunnmorskart.no og i kommunen sitt kartsystem. Finansiering skal gjerast gjennom GEOVEKST og det reduserer kostnadar, pr. i dag er det berre Ørsta kommune som ikkje har bestilt dette oppdraget. Ei redusert bildebehandling for bebygd området for heile kommunen vil koste 50 000.- kr. For alt areal inkl. fjella kr. 90 000.- Landmålingsutstyr. Landmålingsutstyret er i bruk nesten dagleg og må vere tilgjengeleg kvar dag. Det vert nytta til oppmåling av eigedomar, ajourføring av kartdata, innmåling av alt som vert lagt i jorda av vatn- og avløps installasjonar, stikking og profilering. Vi må prøve å halde ei fornyingstakt på 7-år og då står investering for tur i 2014 og 2016. Kostnadar.
I Geodataplanen er det sett opp detaljert kostnadsoppsett. I kostnadsoppsettet er det ikkje teke med kostnadar med vegnamnskilting som er Statens vegvesen sitt ansvar. I kostnadsoppsettet for nye kartdata er det sett opp Ørsta kommune sin del av kostnadane med nye kartdata gjennom GEOVEKST prosjekt. Ørsta kommune sin del, er om lag 35% av total kostnad. For perioden 2013-2016 er det gjort framlegg om slike investeringar 2014 kr. 640 000.- 2016 kr. 1 150 000.- 2016 kr. 1 450 000.- Vurdering og konklusjon: Vegadresser i heile Ørsta kommune er både eit godt servicetiltak for alle og eit hjelpemiddel når sekunda tel for at lege, heimesjukepleie, ambulanse, politi, brannvern med fleire skal nå fram i tide. Innan 2016 bør vegadresser vere kome på plass i heile Ørsta kommune. Kostnad med ei slik gjennomføring må innarbeidast i investeringsbudsjettet for 2014-2016. Nye kartdata er nødvendig sidan vi har hatt og er inne i ei svært stor utbygging i Ørsta kommune, kanskje tidenes mest omfattande. I perioder med så store utbyggingar må vi til ei kvar tid ha oppdaterte kartdata, elles vil ikkje metodar for moderne utbygging kunne nyttast. Det er berre å nemne digital planlegging, prosjektering og utbygging med GPS i gravmaskiner. Geodataplanen inneheld plan for oppstarting og gjennomføring av flyfotografering og nye kartdata i perioden 2015-2016. Å kostnadsrekne slike stor kartleggingsoppgåver så langt fram i tid inneber sjølvsagt at summane kan vere usikre. For at alle kostnadar skal vere så låge som mogeleg, skjer all nykartlegging gjennom kartleggingssamarbeidet GEOVEKST, det vil seie eit samarbeid mellom Statens vegvesen, Tussa, Ørsta kommune, Statens vegvesen, Statens kartverk og Telenor. Ørsta kommune betalar om lag 35 % av total kostnad. Nytt høgdegrunnlag og nytt landmålingsutstyr er begge deler nødvendig for at Ørsta kommune skal halde lovpålagde oppgåver etter Matrikkelova og gode nok kartdata til å bruke i både privat og offentleg, planlegging, prosjektering og utbygging. For perioden 2013-2016 er det gjort framlegg om slike investeringar 2014 kr. 640 000.- 2016 kr. 1 150 000.- 2016 kr. 1 450 000.- Samfunnsutvalet føreset at investeringane vert innarbeidd i investeringsbudsjettet for 2014-2016. Samfunnsutvalet vil legge framlegg til ny Geodataplan 2013-2016 for Ørsta kommune ut til høyring fram til 15. februar 2013. Ørsta, 27.11.2012 Svein Silseth
seksjonsleiar tekniske tenester Ulf Kristian Rognstad einingsleiar kommunalteknikk