PROTOKOLL FRÅ STYREMØTET I HELSE BERGEN HF STAD: Finstuen, Bikuben konferansesenter MØTETIDSPUNKT: 20. april 2016, kl. 10.00 14.00 styremøte Styremøtet var ope for publikum og presse DELTAKARAR FRÅ STYRET Svein Gjedrem Signy Midtbø Riisnes Ivar Eriksen Bjørn Østbø Mona Hellenes Anne-Margrete Bollmann Arvid Langeland Irene Hopsdal Karen-Anne Stordalen Geir Arne Sunde Leiar Nestleiar DELTAKARAR FRÅ ADMINISTRASJONEN Eivind Hansen Anne Sissel Faugstad Kristin Pundsnes Mona Høgli Gunn Synnøve Dahl Administrerande direktør Viseadministrerande direktør Økonomi- og finansdirektør Kommunikasjonsdirektør Referent
SAKSLISTE Sak 30/16 A Godkjenning av innkalling og dagsorden Sak 31/16 A Godkjenning av protokollar frå styremøta 24. februar og 18. mars 2016 Sak 32/16 O Administrerande direktør si orientering Sak 33/16 O Rapport frå verksemda Sak 34/16 O Forvaltningsplanar verneverdige bygg Sak 35/16 O Straumforsyning til Helse Bergen Sak 36/16 O Plan for strategiarbeid i Helse Bergen Sak 37/16 A Samarbeidsavtale med Gulen kommune om verksemdsoverdraging av ambulansetenesta ved Gulen ambulansestasjon Sak 38/16 O Styret sitt kvarter Sak 39/16 O Eventuelt Skriv og meldingar
Sak 30/16 A Godkjenning av innkalling og dagsorden Det var ingen merknader til innkalling eller dagsorden. Sak 31/16 A Godkjenning av protokollar frå styremøta 24. februar og 8. mars 2016 Med bakgrunn i protokollen frå 24. februar vart det spurt etter høyringssvar til «NOU 2016:1 Arbeidstidsutvalget». Til dette informerte administrerande direktør om at Helse Bergen ikkje har planlagt å gje eige høyringssvar i denne saka. Han vil kome tilbake til innhaldet i høyringa under administrerande direktør si orientering. Styret sin medverknad til høyringssvar vart kort drøfta. Det var semje om at høyringssvar normalt går frå administrasjonen, men at saker av særleg prinsipiell interesse eller av stor økonomisk og praktisk verknad for føretaket vert lagt fram for styret. Styret bad om å få sendt til seg oppdatert årsmelding og årsrekneskap frå styremøtet 8. mars. Protokollen vart godkjend og underskriven. Sak 32/16 O Administrerande direktør si orientering 1. Rapportering tilsynssaker Det vart stilt spørsmål om kva tilsynssaker som ligg i orienteringa til styret. Til dette vart det vist til at det er saker på føretaksnivå og avdelingsnivå, ikkje saker knytt til enkeltpersonar. 2. Orientering om relevante lover, forskrifter og styremaktskrav Ingen kommentarar. 3. Oversikt over aktuelle høyringar Ingen kommentarar.
4. Status oppfølging av Kvinneklinikken Fylkesmannen oppretta tilsyn etter at tillitsvalde sende brev til Fylkesmannen fordi dei var uroa for situasjonen på fødeavdelinga. Leiinga har dialog med fylkeslegen, men har ikkje fått endelig tilbakemelding i saka. Det er utarbeidd ein handlingsplan knytt til samarbeid mellom leiinga, tillitsvalde og verneombod på Kvinneklinikken. Oppfølging Det vil kome ei breiare framstilling av saka i styremøtet i mai. 5. Status Nevrokirurgi-avdeling Det er konfliktar på Nevrokirurgisk avdeling spesielt knytt til overlegegruppa. Pålegg frå Arbeidstilsynet om mellom anna kartlegging, risikovurdering og handlingsplan er følgde opp og lukka. Det vert arbeidd med tiltak knytt til avvika som står att. Leiarkapasiteten på avdelinga er styrkt første halvåret i 2016. 6. Status revisjon avtale med Bergen Kommune om Bergen legevakt Prosess for revidering av avtale om drift av Bergen legevakt starta i april 2014. Vidare prosess vil ha fokus på ny modell for samarbeid. I møte med Helfo vart det tilrådd at psykiatrisk legevakt bør organiserast som ein poliklinikk i Divisjon psykisk helse, Helse Bergen frå 01.09.16. 7. Status leiarstillingar i Helse Bergen Prosessen for rekruttering av ny klinikkdirektør i Kirurgisk klinikk og viseadministrerande direktør i Helse Bergen vert avslutta i april. Leiarstillinga ved Rehabiliteringsklinikken vert lyst ut i april, og stillinga som Personal- og organisasjonsdirektør vil bli lyst ut i juni. Føretaket rekrutterer godt. 8. Orientering om hending med trussel mot ambulansearbeidarar Det vart gjort greie for hendinga. Ingen vart fysisk skadd og dei tilsette syntest dei hadde fått god oppfylgjing etter hendinga. Føretaket arbeider kontinuerleg med vern av tilsette mot vald og trugsmål. Det er etablert nasjonal prosedyre for «nødetatenes samvirke ved pågående livstruende vold- PLIVO». Alle ambulansearbeidarar har gjennomgått opplæring i PLIVO, i samarbeid med brann og politi. Oppfølging: Styret bad om at temaet vert sendt til Helse Vest slik at det, på eit meir generelt grunnlag, kan løftast for eventuell nasjonal oppfølging. 9. Mottaksklinikken status og framdrift. Mottaksklinikken opnar 3. mai 2016. Det er viktig at klinikken vert sett i samanheng med aktiviteten i heile føretaket. Det er gjort risikovurderingar knytt til oppstartsfasen, og tiltak vert følgde opp.
Oppfølging: Styret vil få meir informasjon om status etter oppstart i neste styremøte. 10. Oppdragsdokument til nivå 2 i 2016. Helse Bergen fekk styringsdokumentet for 2016 med mål og oppgåver frå Helse Vest i mars. Oppgåvene er fordelt til dei aktuelle nivå 2-einingane, i einingsvise styringsdokument saman med hovudfokusområda til administrerande direktør. Helse Bergen skal rapportere på styringsdokumentet til Helse Vest både halvårleg (nokre av punkta) og i årleg melding (alle punkta). 11. Tiltak for å sikre ein open og god dialog i sjukehusa Helseministeren har sendt brev til føretaka der han set fokus på ytringsfridom og open dialog i sjukehusa, og knyter dette til pasienttryggleik. Brevet er distribuert til leiarane i føretaket, og administrerande direktør vil ha stort fokus på å byggje kultur for open og god dialog saman med leiarane. 12. Arbeidstidsutvalet Det vart gitt ein kort presentasjon i møtet om noko av innhaldet i «NOU 2016:1 Arbeidstidsutvalget» som er ute til høyring. Helse Bergen kjem ikkje til å senda eige svar på høyringa. Styret i Helse Bergen tek meldingane til orientering. Sak 33/16 O Rapport frå verksemda pr. januar 2016 I somatisk sektor er aktiviteten høgare enn planlagt i mars, og om lag som planlagt etter første kvartal. Ein ser også ei vriding frå dagopphald til polikliniske konsultasjonar, i tråd med justeringa i regelverket. I psykisk helsevern for vaksne er talet på opphaldsdøgn som planlagt medan dagbehandling og talet på polikliniske konsultasjonar er lågare enn planlagt. I psykisk helsevern for barn og unge er talet på døgnbehandling og utskrivingar høgare enn planlagt, medan talet på polikliniske konsultasjonar er lågare enn planlagt. På rusområdet er både talet på opphaldsdøgn og talet på polikliniske konsultasjonar lågare enn planlagt. Ventetidene har synt ei positiv utvikling siste året, og ventetidene ligg under dei nasjonale krava for alle område bortsett frå psykisk helsevern for barn og unge. Det vert arbeidd med å nå kravet også på dette området.
Den økonomiske utviklinga i mars synte eit negativt budsjettavvik på om lag 4 millionar kroner. Dette er i hovudsak knytt til noko høgare kostnad enn budsjettert spreidd på fleire kostnadskonti. Ein ser ikkje noko urovekkande i resultatet denne månaden. Etter 1.kvartal syner rekneskapen om lag budsjettbalanse jamført med budsjett. Det vert vurdert som realistisk å nå det budsjetterte resultatet for året totalt sett. Årsprognosen er difor som budsjettert. Det er framleis korridorsenger i somatikk. Det er grunn å tru at etableringa av Mottaksklinikken i Helse Bergen og kommunale øyeblikkelighjelp-senger i Bergen kommune kan bidra til å avhjelpe dette. Styret bad om informasjon om reinnleggingar, talet på kommunale øyeblikkeleg hjelpsenger (ØHD) og belegget til desse sengene. Styret bad vidare om å bli halde orientert om planane for flytting av Barneklinikken i september. Styret stilte spørsmål om ventetida for kronikarar som skal ha oppfølging i sjukehuset er for lang, og i så fall kva som vert gjort med dette. Det vert ikkje teke ut tal for kor mange pasientar som ventar på kontroll på føretaksnivå. Avdelingane sjølve har oversikt over dette. Revmatologisk avdeling, som har mange kronikarar som skal følgjast opp, orienterte om at dei følgjer dette opp lokalt, og har pålitelege tal på dette. Styret etterspurde tal for kor mange kronikarar som ventar på oppfølging/kontroll. Administrerande direktør vil følgje opp saka. Styret i Helse Bergen bad om meir informasjon om: samhandlinga med kommunane flytting av Barneklinikken oppfølging av kronikarar Styret tek saka til orientering. Sak 34/16 A Forvaltningsplanar verneverdige bygg Som ein del av Landsverneplanen for Helsesektoren har Helse Bergen totalt 19 verneobjekt. Det er krav til utarbeiding av forvaltningsplanar for alle verneobjekt. Føremålet med slike planar er å sikre dei kulturminnefaglege verdiane for kvart einskilt objekt. Etter dei fastlagde rutinane for oppfølging av vernesaker i Helse Vest skal forvaltningsplanane etter styrehandsaming i Helse Bergen, godkjennast av styret i Helse Vest.
Styret godkjenner forvaltningsplanane for dei verna objekta som Helse Bergen eig, og som inngår i Landsverneplanen for helsesektoren. Sak 35/16 O Straumforsyning til Helse Bergen Det vart gjort kort greie for straumforsyninga til Helse Bergen/Haukeland universitetssjukehus (HUS) og oppfølging etter straumbrotet på Haukelandsområdet 30. desember 2015. BKK og sjukehuset samarbeider om oppgradering og fornying av infrastruktur knytt til straumforsyninga. Kommunikasjonsprosedyrar, øvingsrutinar og meldingsrutinar er gjennomgått og vert følgde opp. Administrerande direktør kjem tilbake med framdriftsplan for arbeidet med infrastruktur knytt til strømforsyning og ROS-analyse. Styret i Helse Bergen ventar på framdriftsplanen for arbeidet med kartlegging av infrastruktur for straumforsyning og ROS-analyse, og tek elles saka til orientering. Sak 36/16 O Plan for strategiarbeid i Helse Bergen Styret i Helse Bergen vedtok i desember 2011 gjeldande strategiplan for perioden 2012-2016. Gjeldande arealplan går også ut i 2016, sjølv om fleire av tiltaka i planen har lenger tidshorisont. Arbeidet med ny strategiplan, ny arealplan og eventuelle andre delplanar må koordinerast med Nasjonal helse- og sjukehusplan og Helse2030, som er Helse Vest sitt arbeid med ny strategi for føretaka i Helse Vest. Helse Bergen, Haukeland universitetssjukehus skal delta aktivt i det regionale strategiarbeidet, og føretaket tenkjer å leggje hovuddelen av arbeidet med sin eigen strategi når Helse2030 nærmar seg ferdigstilling. Styret bed om at AD kjem tilbake til styret undervegs i prosessen med arbeidet med Helse 2030, ved vegskilje i prosessen, for orientering eller drøfting i styret. Aktuelle dokument må sendast ut til styret.
Styret bed om at detaljert tidsplan og informasjon om organisering av strategiarbeidet i Helse Bergen vert lagt fram for styret etter sommaren 2016. Styret tek saka til orientering. Sak 37/16 A Samarbeidsavtale med Gulen kommune og verksemdsoverdraging av ambulansetenesta ved Gulen ambulansestasjon Styret i Helse Vest har vedteke at Gulen kommune kan få behovet sitt for spesialisthelsetenester dekt frå Helse Bergen. Gulen kommune har i brev til Helse Vest stadfesta at dei ønskjer ei slik overføring til Helse Bergen. Gulen kommune har fram til no hatt gjeldande lovpålagde samarbeidsavtalar med Helse Førde. Helse Førde har godkjent at samarbeidsavtalane som nemnt i helse- og omsorgstenestelova 6-1, jf. 6-2 med Gulen kommune, vert transporterte til Helse Bergen. 1. Styret i Helse Bergen sluttar seg til at Helse Bergen inngår samarbeidsavtale med Gulen kommune om at kommunen trer inn som part i overordna samarbeidsavtale med tilhøyrande tenesteavtalar som Helse Bergen tidlegare har inngått med kommunane i føretaket sitt opptaksområde. 2. Styret gjev administrerande direktør fullmakt til å signere avtalen. 3. Styret i Helse Bergen gjev administrerande direktør fullmakt til å inngå avtale om og gjennomføre verksemdsoverdraging av ambulansetenesta ved Gulen ambulansestasjon frå Helse Førde HF til Helse Bergen HF, gjeldande frå 01.09.16. Sak 38/16 A Styret sitt kvarter Møtet vart lukka.
Sak 39/16 O Eventuelt 1. Seminar og styremøte i mai: Framlegg til program for styreseminaret 26. mai 2016 vart presentert. 2. Årshjul: Framlegg til årshjul vart presentert. Det er ynskjeleg å flytte styreseminaret frå oktober- til septembermøtet. Skriv og meldingar Fylgjande skriv og meldingar er sende ut til styret: - Årshjul for styret i Helse Bergen 2016 - Protokoll frå føretaksmøtet i Helse Bergen 10.02.2016 - Protokoll frå føretaksmøtet i Helse Bergen 01.03.2016 - Protokoll frå styremøtet i Helse Vest 29.02.2016 - Gjensidig fagfellebesøk på landets traumesentre. av besøk på Haukeland 12.2.2016
Dato 20. april 2016 Svein Gjedrem Styreleiar Signy Midtbø Riisnes Nestleiar Ivar Eriksen Bjørn Østbø Mona Haukland Hellesnes Ann-Margrete Bollmann Arvid Langeland Karen-Anne Stordalen Irene Hopsdal Geir Arne Sunde