SAKSFRAMLEGG. Sakshandsamar: Kari Rønnestad Arkivsaksnr.: 15/207. Mellombels flytting av elevar frå Nesse og Fjordtun oppvekstsenter

SAKSFRAMLEGG Sakshandsamar: Kari Rønnestad Arkivsaksnr.: 15/207 Arkiv: B12 Mellombels flytting av elevar frå Nesse og Fjordtun oppvekstsenter Vedlegg: Informasjonsbrev til kommunestyret om korrigert tal i saksutgreiing Medlemer av Balestrand kommunestyre Protokoll: mellombels flytting av elevar frå Nesse og Fjordtun oppvekstsenter Saksnr 10/15 fra møte 16.04.2015 i Kommunestyret Kommentar til møtepapira til kommunestyremøtet 16.04.15 - Frå Utdanningsforbundet Balestrand Mellombels flytting av elevar frå Nesse og Fjordtun oppvekstsenter Høyringsuttale til budsjettframlegg 2015 - Frå Fjordane grendalag Svar - Endring av skulestruktur, høyring - Frå Sogn og Fjordane fylkeskommune Svar - Skulestrukturen i Balestrand kommune - høyring Landslaget for nærmiljøskulen Uttale til budsjett 2015 - Frå FAU ved Sagatun skule Høyringsuttale på skule nedlegging - Frå Sværefjorden bygdekvinnelag Endring av skulestruktur høyring Skulestrukturen i Balestrand kommune høyring Skulestrukturen i Balestrand kommune - Høyringsbrev frå LUFS Høyring "Endring av skulestruktur" - Frå Utdanningsforbundet Balestrand Høyringsuttale, endring av krinsgrenser - Frå Balestrand folkeakademi Høyring om endring av skulestruktur - Frå Balestrand pensjonistlag Lovlegkontroll av budsjettvedtak sak 70/40 - manglande budsjettering av Uttale til endring av skulestruktur høyring - Frå Vetlefjorden Bygdekvinnelag 1

Annonse Møte om å flytte elevar til sentrum Bakgrunn: Vedtak i kommunestyret den 16.04.2015, sak 15/207 Lovheimel: Opplæringslova, kommunelova, forvaltingslova SAKSOPPLYSNINGAR I Rådmann sitt arbeidsgrunnlag av 05.09. 2014 for 2015 budsjettet, står det m.a. side 11: «Den økonomiske situasjonen til kommunen har forverra seg dramatisk. Difor er det naudsynleg å vurdere at ein for ei treårsperiode overfører elevane frå Fjordtun - og Nesse skular til Sagatun skule. Etter ei slik periode kan ein på nytt vurdere kvar elevane frå Fjordtun og Nesse krins skal gå på skule.» I Balestrand kommunestyre den 04.12.2014 vart rådmann sitt arbeidsgrunnlag av 05.09. 2014 lagt til grunn for budsjettvedtaket. I etterkant kom det krav frå eit mindretal i kommunestyret om lovlegkontroll av budsjettvedtaket. Den var knytt til den delen som gjekk på midlertidig overføring av elevane frå Fjordtun og Nesse skular i ei treårsperiode til Sagatun skule. I svarbrevet på lovlegkontrollen frå Fylkesmannen vart det konkludert med at når det galt manglande budsjettering av midlar til Fjordtun og Nesse skule, var det lovleg. Som følgje av budsjettvedtaket om å overføre elevane midlertidig vart det lagt opp til ei eiga høyring før kommunestyret skulle ta endeleg avgjerd i saka den 16.04.2015. Sjølv om midlertidig flytting av elevane berre gjeld for tre år, føl ein prosedyrane slik dei kjem fram i Udir 2 2012 for permanent endring av skulekrinsgrense. Overføring av elevar og endring av skulekrinsgrenser I Opplæringslova 8 1, første ledd står det følgjande: «Grunnskoleelevane har rett til å gå på den skolen som ligg nærast eller ved den skolen i nærmiljøet som dei soknar til. Kommunen kan gi forskrifter om kva for skole dei ulike områda i kommunen soknar til. Kravet i 38 første leddet bokstav c i forvaltningslova.» Første punktum fastslår det såkalla nærskuleprinsippet. Det betyr at grunnskuleelevar har rett til å gå på den skulen som ligg nærast eller den skulen i nærmiljøet som dei soknar til. Andre punktum gjeld sakshandsaming og opnar for at den einskilde kommunen kan gi kommunale forskrifter om kva skular dei ulike områda i ei kommune skal sokne til. Slike forskrifter gjev såkalla kommunale skulekrinsgrenser. Også disse må ivareta nærskuleprinsippet. Det er opp til kommunen å avgjere om dei vil fastsette skulekrinsgrense etter eiga forskrift. Balestrand kommune har ikkje tidlegare vedteke skulekrinsgrenser som eiga forskrift. Det går vidare fram av rundskriv Udir 2012 at verken opplæringslova eller anna regelverk har reglar for innhaldet i endring av skulestruktur, d.v.s. reglar for når det er lovleg eller ulovleg å legge ned eller opprette skular. Avgjerd om skulestruktur ligg i kjerneområdet for den kommunale 2

handlefridomen. Ei avgjerd må bygge på kommunestyret si økonomiske, politiske og samfunnsmessige prioritering. Det er eit ulovfesta forvaltingsrettsleg prinsipp at forvaltinga skal treffe vedtak etter at saka har vore handsama på ein forsvarleg måte. Forsvarleg saksbehandling krev at ei sak er tilstrekkeleg opplyst før det vert gjort. Ettersom det å legge ned ein skule ikkje er eit enkeltvedtak, kjem ikkje reglane i forvaltingslova: kap. 4 ( om saksførebuing ved enkeltvedtak ), 5(om vedtaket ) og 6( om klage og omgjering) direkte til bruk. Det er likevel eit generelt forvaltingsrettsleg prinsipp at ei sak skal vere forsvarleg klarlagt før avgjerd vert teke. I sak om skulenedlegging og her om mellombels flytting av elevane betyr dette at kommunestyret skal ha rimeleg kjennskap til synspunkt til dei som vert omfatta av nedlegginga før vedtak vert fatta. Vidare står det i rundskriv 2-2012 m.a. at spørsmål om skulestruktur og eventuelle kretsgrenser for skuler i stor grad vil ha innverknad på foreldre og nærmiljø. Skulen sitt samarbeidsutval, alternativt foreldreråd, bør difor få høve til å uttale seg når det gjeld vedtak om skulestruktur. Andre som bør få høve til å uttale seg i slike saker kan være: fagforeiningane for dei tilsette ved skulen, grendelag og andre grupper og organisasjonar som kan ha interesse i saka andre brukarar av skulen som vil bli påverka av ei nedlegging andre brukarorgan ved skulane, for eksempel skulemiljøutval og elevråd samarbeidsutvala eller foreldreråda ved andre skular som vert råka Saksgang Saka om mellombels flytting av elevane. Vedtaket om mellombels flytting av elevane vart sendt ut på høyring (jf. Vedlagde høyringsbrev) med høyringsfrist 22.03.15, jfr. elles retningslinene i Udir 2 2012 Av retningslinene går det fram at brevet skal innehalde: 1. ein høyringsfrist 2. bakgrunnen for vedtaket som er å levere eit budsjett i balanse 3. heimel for vedtaket, heimla i kommunelova 44 4. behovet for nytt vedtak etter retningslinene i Udir 2 2012 5. omtale av innhaldet i vedtaket som gjekk på å flytte midlertidig for ei treårsperiode elevane frå Nesse og Fjordtun skular til Sagatun skule. Lokal prosess Folkemøte Administrasjonen ved rådmann og kommunalsjef for oppvekst og kultur var rundt på dei tre skulane, Nessane oppvekstsenter den 20.01.15, Fjordtun oppvekstsenter onsdag den 21.01.15 og på Sagatun skule torsdag den 22.01.15 og invitert til opne møte for å informere om budsjettvedtaket, legge til rette for spørsmål frå innbyggjarane. Ein informerte òg om saksgangen vidare knytt til endeleg vedtak om evt. endring av skulekrinsgrenser i kommunestyret den 16.04.2015. Møta vart annonserte i Sogn Avis og på heimesidene til kommunen. Ein hadde og ein eigen artikkel i Sogn Avis der ein orienterte om saksgangen vidare i saka. 3

Det møtte fram ca. 30 personar på Fjordtun oppvekstsenter og nokon færre til møtet på Sagatun skule. Ved Nesse oppvekstsenter leverte leiar i FAU v / Nesse oppvekstsenter og leiar for Grendalaget på Nessane eit brev til rådmann der det stod at foreldra sitt arbeidsutval v. Nesse oppvekstsenter og Nesse Grendalag avviste å møte på det dei såg på som ei legalisering av ein ulovleg prosess. I brevet grunnga dei det med at vedtaket i sak 70/40 om midlertidig overflytting av elevane frå Nesse - og Fjordtun skular framleis ikkje var gyldig, så lenge det føregjekk ein lovlegkontroll av vedtaket. Det var berre rektor v / Nesse oppvekstsenter som møtte, saman med ein journalist. Møtet vart halde. Rådmann innleia på alle tre møta og sa m.a. at Balestrand kommune hadde vore på tilbodssida i ei årrekkje for å legge til rette for utvikling og tilflytting både i sentrum og i grendene. Ein har hatt små skular med små klassar og barnehagar med fleksible tider og tilretteleggingar for småbarnsforeldre. Dette med eitt mål for auge - å få folk til å flytte til kommunen - også grendene. Satsingane har ikkje ført til positiv folketalsauke eller barnetalsutvikling. Det er nedgang i folketal i heile kommunen og ein har ein driftsstruktur som ikkje er tilpassa økonomien og statlege tilskot. Med nedgang i elevtal og små årskull er det nødvendig å samle elevane i større grupper. Driftsnivået er for høgt, og i 2015 vart budsjettet redusert med ca. 6.5 millionar for å få det i balanse. Prognosane for åra framover tilseier trongare rammer og nye nedskjeringar. I økonomiperioden fram til 2018 vert administrasjonen beden om å redusere budsjettet ytterlegare med 4 millionar og vi må innstille oss på å gjere ytterlegare strukturendringar. Kommunen må drivast innanfor trygge rammer med føreseielege tilbod og sikre god kompetanse. Alle einingar må bidra til endring og fornying dersom vi skal få til ei forsvarleg drift. Høyringssvar Balestrand kommune sende ut høyringsbrev til aktuelle instansar - slik Udir 2 2012 gjer greie for og stilte spørsmålet: Kva synest høyringsinstansane om budsjettvedtaket 2015 der det vart gjort vedtak om å overføre elevane frå Fjordtun - og Nesse skular til Sagatun skule for ei treårsperiode frå 01.08.2015 og at ein etter ei slik periode på nytt kan vurdere kvar elevane frå Fjordtun og Nesse krins skal gå på skule. Frist for å levere høyringsuttalar vart sett til 22.3.2015. Det har kome inn uttalar i saka. Ein merkar seg at Landslaget for nærmiljøskolen (LUFS) har fullmakt til å gje høyring på vegne av leiar av FAU ved Fjordtun oppvekstsenter og leiar av FAU ved Nesse oppvekstsenter skule. Vetlefjorden bygdekvinnelag v / leiar Her vert det gjeve uttrykk for at ein i Budsjettvedtak av 04.12.2014 ikkje finn tal som viser dei reelle innsparingane og at ein ikkje forstår kva ein legg i mellombels flytting. Ein har vidare tiltru til det faglege opplegget på Sagatun skule, men at bussturen vert for lang for elevane i 1. og 4. klasse og det er ikkje gjort nok greie for SFO tilbodet for borna. Bygdekvinnelaga i Fjordane ser det elles som eit stort tap både for bygda og kommunen om skulen ved Fjordtun oppvekstsenter vert lagd ned. Balestrand pensjonistlag v / styret Det vert lagt vekt på at endring av skulekringsgrenser bør gjerast i ein prosess og spegle den semja ein tidlegare har kome fram til gjennom samarbeid. Ein ser elles at kommuneøkonomien vert svakare 4

for kvart år og at ein vurderer grunnen for det delvis til å vere knytt til mindre statlege overføringar og / eller uheldige økonomiske disponeringar. Balestrand Folkeakademi v / leiar Høyringa gjer greie for korleis ein opp gjennom åra har lagt til rette for tilskipingar på Sambrukshuset / Nessane og ved Fjordtun oppvekstsenter eller Grendehuset i Fjordane. Ein er vidare usikre på kva som kjem til å skje med bruken av skulebygningane dersom grendaskulane vert nedlagde og at det er tvilsamt om dei vil fungere som samlingsstader i grendene. Utdanningsforbundet ved styret i lokallaget for Utdanningsforbundet i Balestrand Høyringa gjer merksam på at høyringsuttalen til Budsjett 2015 frå styret vart gitt til den saka. I denne samanhengen kjem styret i Utdanningsforbundet med uttalar til skulestruktur som skal opp i kommunestyret. Her vert det peika på at høyringsdokumentet er mangelfullt i høve konsekvensutgreiing, dokumentet sitt økonomiske argument manglar talmateriale. Pedagogiske og økonomiske konsekvensar knytt til mottakarskulen, er heller ikkje vurderte. I høyringa kjem det vidare fram at ein er positive til skulebruksplan, men at arbeidet med den kjem på eit heilt feil tidspunkt, då det endå er uavklara kva skular elevane skal gå på. Ein vurderer òg høyringsdokumentet til å vere språkleg uklart og at det dermed er vanskeleg å forstå. Sværefjorden bygdekvinnelag v/ leiar Her kjem det fram at bygdekvinnelaget i alle år har samarbeidd med Fjordtun oppvekstsenter og ein meiner vidare at konsekvensane av nedlegging på ingen måte er vurdert og at kostnadane med ein skulebruksplan burde vere fullført før flytting av elevane vert gjort. Vidare er det stor uro over sentraliseringa som skjer i landet og som no vert gjennomført i høve grendene i Balestrand kommune. Det er forkasteleg å plassere ungane på skulebussen frå dei er 5 6 år gamle og skule i nærmiljøet er vere eller ikkje vere for bygda. Her ser ein ikkje anna enn taparar og Sværefjorden bygdekvinnelag ber på det sterkaste om at politikarane tenkjer seg om og snur i denne saka. FAU v / Sagatun skule Her kjem det fram at ein går inn for vedtaket om midlertidig nedlegging av grendaskulane og at ein samstundes tilbakefører kr. 600 000 til Sagatun skule. Fjordane grendelag v/ styret Grendelaget ser det som svært uheldig at skulen vert lagt ned. Han er eit kultursentrum i bygda og det vil vere meiningslaust å drive eit arbeid for å få småbarnsfamiliar til å flytte til Fjordane viss skulen vert borte. Styret ber om at kommunen gjer naudsynlege nedskjeringar på andre budsjettpostar Landslaget for nærmiljøskulen (LUFS) på vegne av FAU ved Fjordtun og Nesse oppvekstsenter I høyringa legg LUFS til grunn at kommunen i denne saka går fram på ein måte som er i strid med gjeldande lov og regelverk. Dette vert grunngjeve med at fastsetjing av skulestruktur må vere knytt til Kommuneplan for Balestrad og kommunedelplan skule. Ein meiner i uttalen at ein ikkje har utgreidd saka godt nok og at det er ulovleg å legge ned skular midlertidig. Ein peikar vidare på at arbeid med skulebruksplan kom på eit heilt feil tidspunkt i høve sak om skulestruktur. 5

Skriftleg røystegjeving i saka 15/207 den 16.04.15 «Mellombels flytting av elevar frå Nesse og Fjordtun oppvekstsenter» I kommunestyret den 16.04.15 vart det stemt over om ein skulle ha skriftleg røystegjeving. Dette vart det fleirtal for. I etterkant av møtet vart det klart at 35 i kommunelova opnar opp for å ha skriftleg val berre ved val og ved tilsetjingar. Fordi ein hadde gjort feil i høve 35 i kommunelova og skriftleg avrøysting, tek ein saka opp att til ny avrøysting. Kommunelova 35. Avstemninger 1. Vedtak treffes med alminnelig flertall av de stemmer som avgis, hvis ikke annet følger av denne lov eller av valgloven 9-2 annet ledd eller 9-3 annet ledd. Ved stemmelikhet i andre saker enn valg er møteleders stemme avgjørende 2. Ved behandlingen av økonomiplan eller årsbudsjett i kommunestyret eller fylkestinget stemmes det ved den endelige avstemning over forslag til økonomiplan eller årsbudsjett som helhet. Er det framsatt alternative forslag, og ingen av disse får flertall ved første gangs avstemning, stemmes det deretter alternativt mellom de to forslag som fikk flest stemmer ved denne. 3. Valg av leder og nestleder for folkevalgte organer holdes som flertallsvalg. 4. Valg av medlemmer av nemnder holdes som forholdsvalg når minst ett medlem krever det, og ellers som avtalevalg. 5. Ved valg og ansettelse kan hvert enkelt medlem kreve skriftlig avstemning.16 Korreksjon av tal i saka. I kommunestyret den 16.04.15 vart det stilt spørsmål til eit tal i saksutgreiinga. Det var knytt til talet som viste innsparinga ein ville få ved å flytte elevane ved Nesse oppvekstsenter til Sagatun skule frå 01.08.2015. Rådmann sa i kommunestyret den 16.04.15 at administrasjonen ville sjå nærare på dette talet og kome med ein korreksjon. I eit dokument som ligg ved i denne saka, «Informasjonsbrev til kommunestyret om korrigert tal i saksutgreiing. Medlemer av Balestrand kommunestyre» vert det frå administrasjonen gjort greie for at dette talet i saksutgreiinga var feil og er retta i denne saka under overskrifta «Økonomiske konsekvensar». Talet er korrigert frå kr. 306 000 til kr. 596 000. VURDERING Når flytting av elevar er føreslege, så er det sett inn i eit langsiktig perspektiv der me veit at elevtalet er fallande. I drøftingar om skulestruktur er det lett å fokusere på dei som opplever at dei misser noko. Isolert sett har dei eit godt tilbod i dag, men i ei stode med knappe ressursar så har dette konsekvensar for alle. Utan endringar vert reelt sett deira behov prioriterte framføre mange andre. Tilbodet til den samla elevmassen i kommunen må vega tungt og fordelinga av ressursane må opplevast rettvise for brukarar og tilsette. Kommunen si primæroppgåve er å yte best muleg undervisningstenester til alle born i kommunen. Ut frå omsynet til den samla elevmassen i Balestrand kommune er flytting naudsynt. Dei endringar som er føreslegne må og sjåast i samanheng med endra administrativ organisering. Siktemålet med dette er å styrke rektorrolla slik at dei kan få ei betre oppfølging av det pedagogiske personalet. Ut frå høyringane ser ein at det er særleg tre område som bekymrar dei som har kome med uttalar: Ein er usamd i og meiner at saksgangen om korleis saka om endring av skulestruktur har kome til er ulovleg, at ein ikkje har halde seg til det overordna planverket i kommunen 6

Ein er bekymra for skulevegen og den praktiske ordninga rundt det å skal gå på ein annan skule. Det vert peika på at bygdene misser ein viktig samlingsstad og kulturinstitusjon når skulen si rolle i nærmiljøet vert borte Saksgang Med utgangspunkt i Udir 2 2012 har ein lagt vekt på å informert om saksgangen slik det kjem fram i saksopplysinga ovanfor. Fylkesmannen har gjennom vedtaket i Lovlegkontrollen gjeve Balestrand kommune medhald i at den måten ein har arbeidd med saka om skulestruktur knytt til Budsjett 2015 er godkjend. Det sentral punktet er at kommunen kan gjere endringar i skulestrukturen utan å rullere kommuneplanen først. I svarbrevet frå Fylkesmannen står det m.a.: Overordna planar skal vere styrande for verksemda til kommunen, jf. plan- og bygningslova 11-3, men det er likevel ikkje slik at kommunen ikkje kan gjere endringar i skulestrukturen utan å rullere kommuneplanen først. Samfunnsdelen er ikkje rettsleg bindande på same måten som arealdelen er det, jf. plan og bygningslova 11-6 om rettsverknadane av arealdelen. Tilsvarande gjeld for delplanen knytt til skulestruktur som kommunen no har sett i gang arbeidet med. Ein minner om at ein no har sett i gang arbeidet med skulebruksplan og der vil framtidige skulekrinsgrenser vere eit sentralt tema. Skuleskyss Mange av uttalane som kom inn til Budsjett 2015 saka var opptekne av ulike sider viss skulekrinsgrensene vart endra. Skuleskyssen var og sentral i høyringsuttalar som kom inn til denne saka. I Udir, rundskriv 2 2012 står det m.a. at Barnekonvensjonen er teken inn i norsk rett ved menneskelova av 2003. Det forpliktar kommunane til å vektlegge barnets beste, m.a. i saker som omhandlar skulekrinsgrenser. Artikkel 3 nr. 1 peikar på at barnets beste er eit viktig omsyn i saker som gjeld barn. Dette betyr at kommunen i saker om skulestruktur også må vurdere barns beste. Udir, rundskriv 3-2009 omtalar særlege problemstillingar i samband med retten til skyss Vurderinga av kva som er forsvarleg reisetid for elevane er relevant i høve til korleis skyssen skal organiserast og om elevane må innlosjerast. Sjølv om det ikkje er direkte lovregulert, vil også vurderinga av kva som er forsvarleg reisetid vere med på å avgjere skulestrukturen. Det er opplæringslova med forskrifter og forarbeid som må leggjast til grunn for tolkinga av regelverket. Opplæringslova 7-1 regulerer skyss og innlosjering for elevar i grunnskolen. Det går ikkje fram av lova korleis skoleskyssen skal organiserast. Heller ikkje lova sine forarbeid inneheld konkrete vurderingar om forsvarleg reisetid. I Ot. prp. nr. 46 (1997 1998) s. 85 heiter det likevel : Departementet understrekar at skoleskyss må organiserast slik at elevar får ei akseptabel reisetid. Særleg er det viktig å organisere skyssen for 6-åringane slik at reisetida blir så kort som mogleg. I vurderinga av akseptabel reisetid må gangtid og tid med transportmiddel sjåast i samanheng. 7

For skuleåret 2015 / 2016 sluttar elevane i 1. og 2. klasse undervisninga på Sagatun skule kl.12 15 måndag, onsdag og fredag. Tysdag og torsdag varer undervisninga til kl.14 00. For elevane i 3. og 4.klasse sluttar undervisninga kl.1300 måndag og fredag. Ved ei eventuell overflytting av elevar frå grendene til Sagatun skule vil ein tilpasse SFO tilbod på Sagatun skule med skuleskyssen. Elevar som går i 1. klasse og elles andre elevar som har trong for det, vil bli følgt til bussen etter SFO tid og henta av vaksne på busstoppen v / Sagatun skule om morgonen. Ein vil òg ha følgje på bussen for dei minste elevane i starten. Elevane får tilbod om SFO i Fjordtun og Nesse barnehage viss dei har trong for det på slutten av dagen. I høyringsuttalen frå Fylkeskommunen som er vedlagt i denne saka vurderer ein å setje opp tilbringarskyss når det kjem elevar frå Menes for å gjere reisetida så kort som råd er. I pkt. 9.4 i Skyssregement står det at Fylkeskommunen tilbyr ei ordning med følgjeteneste på skuleskyssen for 1.klassingar. Målsetjinga med følgjeteneste er at følgjepersonen skal hjelpe sjåføren / mannskapet med å halde orden og lære borna gode reisevanar heilt frå starten av. I tillegg kan det nyttast ein dag til planlegging. Dvs. at involverte partar som t.d. følgjepersonar, representantar frå operatør og skuleverket får høve til å gjennomføre eit samordnande møte på førehand. For skuleåret 2015 2016 vil det vere ein førsteklassing frå Nessane som reiser med buss. Kommunen vil legge til rette for ein så skånsom skuleskyss som råd er, og då særleg for 1.klassingane. Skulebuss frå Meel til Sagatun skule brukar mellom 40 og 45 min på strekninga, medan skulebussen frå Lånefjorden til Sagatun skule brukar mellom 35 og 40 min. Fylkeskommunen gjer merksam på at Balestrand sin eigenandel til skuleskyss vil bli høgare om elevane frå Nesse og Fjordtun vert overført til Sagatun skule. Dette fordi fleire elevar vil få ein lengre skuleveg. Når det gjeld opplysningar om skuleveg har ein òg vore i kontakt med Statens vegvesen for å få oversikt og statistikk over ras som har gått dei siste åra. Det finns ikkje gode statistikkar på dette. Informasjonen ein fekk omhandlar Kjenesskrea som statistisk fører til at vegen vert stengd tre gonger for året. Statens vegvesen har elles planar om å utføre tiltak på punkt Kolven, ved Esefjorden Sæterhytte hausten 2015. Tiltak her vil vere fjellreinsk, sikring med bolting og reins av vegetasjon. Tunge raspunkt ved Vetlefjorden er sikra med overbygg. Det psykososiale miljøet til elevane I høyringane som kom inn til saka om Budsjett 2015 kom det fram at ein var oppteken av det psykososiale miljøet til elevane og av tilrettelegging av undervisninga ved ein overgang. Dette innspelet går att frå fleire og me finn det difor rett å kommentere dette særskilt. I opplæringslova 9a-1 står det: «Alle elevar i grunnskolar og vidaregåande skolar har rett til eit godt fysisk og psykososialt miljø som fremjar helse, trivsel og læring.» Pedagogisk personale på Sagatun skule har erfaring med å ta imot nye elevar, både i skuleåret og ved oppstart av nytt skuleår. I høve dei krav som vert stilt i opplæringslova har ein tillit til at pedagogisk personale på skulane gjennomfører endringa innafor dei rammer som opplæringslova set. Skulen som kulturinstitusjon i nærmiljøet Elevane ved Nesse - og Fjordtun har gjennom skulen vore aktive bidragsytarar i nærmiljøet og delteke i lokale kulturarrangement. Ein ser at ved å midlertidig flytte elevane til Sagatun skule vil lærarkrefter og elevar ikkje vere til stades slik som i dag. 8

Kulturbygg finns både på Nessane og Fjordtun og borna vil framleis vere ein del av det lokale miljøet begge stadar. Såleis kan dei framleis vere aktive deltakarar i det lokale kulturlivet. Økonomiske konsekvensar I sak Budsjett 2015 og budsjettplanen for 2015 2018 ligg talmaterialet som viser innsparingane ein får ved ei endring av skulestrukturen. I budsjettmøtet den 04.12.2014 vart det vedteke at overføring av elevar frå Fjordtun og Nesse skular til Sagatun skule først skulle skje frå den 01.08.2015. Innsparinga for skuledelen ved Fjordtun oppvekstsenter ville bli kr. 386 000 i 2015 og for skuledelen ved Nesse oppvekstsenter ville innsparinga bli kr. 596 000. Til saman for perioden ville innsparinga bli kr. 982 000 for perioden 01.08.2015 og ut 2015. Innsparing for budsjettåret 2016 vil bli ca. kr. 1. 7 mill og for ei 3 - årsperioden ca. kr. 5. 1 mill. Den reelle innsparinga vil likevel bli noko mindre, då ein får auka utlegg til skuleskyss. Eigenandelen til skuleskyss for kommunen vil vere 25% av ein vaksenbillett pr. barn. Det vil seie at for dei 10 elevane ved Nesse oppvekstsenter vil skuleskyssen for hausten 2015 bli ca. 80 000 og for Fjordtun ca. kr. 25 500. I Budsjett 2015 ligg det alt inne noko midlar til skuleskyss som kan dekke deler av dei ekstra kostnadane. På årsbasis vert skuleskyssen til Sagatun skule auka med ca. kr. 190 000 for elevane frå Nessane og kr. 57 000 for elevane frå Fjordtun. Økonomi må settast inn i ein heilskap og sjåast i samanheng med den faktiske stoda. Tala er av overordna karakter og budsjettet er bindande for den kommunale verksemda, men kan endrast av kommunestyret ved behov, jf. kommunelova 47. Det er ikkje er noko rekkefølgjekrav i lova om at endringar i skulekrinsgrensene må vere vedteke før det kan vedtakast budsjettmessige endringar knytt til dette. For ei treårsperiode, frå og med skuleåret 2015 / 2016 vert elevane frå Fjordtun - og Nesse skular overført til Sagatun skule. Etter ei slik periode kan ein på nytt vurdere kvar elevane frå Fjordtun og Nesse krins skal gå på skule. 9