Nord-Fron kommune Sak STYRINGSDOKUMENT FOR FRAMTIDAS OMSORGSTENESTER ÅR 2010-2025 Utval Saksnr Møtedato Saksbehandlar Utval for helse-, oppvekst- og 045/09 21.10.2009 KED kultursaker Kommunestyret 052/09 27.10.2009 KED Saksansv.: Kaija Eide Drønen Arkiv: 031 Arkivsaknr.: 08/250 Journalpost: 09/6769 Vedlegg: 1. Styringsdokument for framtidas omsorgstenester med vedlegg, datert 16.10.2009. Utrykte vedlegg: 1. Førebels rapport framtidas omsorgsutfordringar, datert 10.10.2008. 2. Demens Rapport frå arbeidsgruppe 4, datert 23.01.2009. 3. Rapport frå Ottar Arkitekter AS, datert 15.10.2009. Bakgrunn for saka: I samband med kommunestyret sitt budsjettvedtak 13.12.2007 for 2008 vart det avsett kr. 600.000 for å starte arbeidet med å planlegge framtidas omsorgsutfordringar. I dette arbeidet vart det oppretta fleire grupper som skulle belyse ulike sider ved framtidas omsorgsutfordringar. Dette arbeidet munna ut i ein førebels rapport som vart behandla av kommunestyret i møte 04.11.2008 i sak 066/2008. Kommunestyret fatta følgjande vedtak: 1.1 1.2 1.3 Kommunestyret signaliserar at fram mot år 2025 skal Nord-Fron kommune ha heildøgns plassar med bemanning som tilsvarar 27% av befolkninga over 80 år. Det betyr at Nord-Fron kommune skal ha 104 plassar i 2025 mot 81 i dag. Dette kan løysast gjennom ei ombygging og nybygg ved Sundheim. Første prioritet skal vere bygging av ny korttids og rehabiliteringsavdeling inkl. dagtilbod, lokalar for ergo- og fysioterapi ved Sundheim. Kommunestyret ber om at det blir sett av midlar til eit slikt forprosjekt i 2009. Kommunestyret tek endeleg stilling til utbyggingsomfang og driftsnivå når forprosjekt og endeleg plan er sluttført i løpet av 2009, slik at det kan innarbeidast i årsbudsjett for 2010 og økonomiplanen 2010 2013. Kommunestyret vedtok i møte 16.12.2008 budsjett for 2009 og økonomiplan 2009-12. I samband med dette vart det sett av kr. 1 mill til å utarbeide eit forprosjekt. I tillegg vart det
gitt ei tilleggsløyving på kr. 400.000 i FS sak nr 30/09 då konsulentkostnadane for tekniske vurderingar vart høgare enn først antatt. Totalt kr. 1,4 mill. Kort om arbeidet og planlagde byggetrinn: Å planlegge for framtidas omsorg krev langsiktig planlegging av bygningsmessige investeringar, personellinnsats, kompetanseutvikling, m.m. Arbeidsgruppa som har utforma dei konkrete planane har tatt utgangspunkt i kommunestyrevedtaket og i førebels rapport av oktober 2008 der behova for framtida er belyst. Arkitektfirma Ottar Arkitekter AS vart etter anbodsrunde valt til å utarbeide forprosjektet. Det har vore eit tett og godt samarbeid mellom arbeidsgruppa og arkitektfirmaet i planleggingsarbeidet. HOK har vore referansegruppe for arbeidet og har blitt orientert om planar og framdrift undervegs. I tillegg har kommunestyret, eldreråd, Demensforeningen, tilsette og fagfolk vore orientert om arbeidet. I styringsdokumentet er det lagt fram ei trinnvis utbygging i 5 etappar fram til år 2025. Første planlagde byggetrinn (I og II) er å bygge 22 omsorgsbustader og ny korttids - og rehabiliteringsavdeling med 36 plassar inkl. dagavdeling, lokalar for heimetenesta, fysioterapi og ergoterapi. I samband med planarbeidet vart det fort klart at det var nødvendig å bruke arealet rundt Sundheim på ein annan måte enn det som tidlegare har vore vurdert. For å kunne nytte arealet på ein mest hensiktsmessige måte er det vurdert som riktig at dagens tre betjeningsbustader totalt 6 leilegheiter blir rivi for å gjere plass til nye omsorgsboliger, totalt 22 stk. Dette blir gjort for at ein i neste fase kan rive 12 trygdebustader for å frigjere areal til å bygge ny korttid- og rehabiliteringsavdeling inkl. lokalar til fysioterapi, ergoterapi, heimehjelp, heimesjukepleie, legekontor, dagtilbod m.m. Når dei nye omsorgsbustadene er ferdig kan dei 12 som bur i trygdebustadene flytte inn i dei nye bustadene, og ein vil samtidig få 10 nye bustader for å imøtekome ytterlegare behov. Desse 2 byggetrinna heng nøye saman dersom ein skal kunne nå målsettinga om å få fleire plassar og ei ny korttids og rehabiliteringsavdeling inkl. dagtilbod m.m. Kommunestyret har i sitt vedtak gitt signaler om at fram til år 2025 skal kommunen ha heildøgnsbemanna plassar som tilsvarar 27% av befolkninga over 80 år, dvs. 104 mot 81 i dag. I løpet av arbeidet har det kome statlege styringssignal knytt til Samhandlingsreformen. Hovudmålsettingane i reforma (frå 2012?) er at helsetenestene skal bli gitt nærare der pasienten bor. Ei rekke oppgåver er tenkt overført frå spesialisthelsetenesta til primærhelsetenesta, men vi veit ikkje meir om detaljane knytt til dette enno. På bakgrunn av desse signala er det vurdert som viktig at kommunen, i planlegginga for framtida, mellom anna tek initiativ til å invitere til mogleg interkommunalt samarbeid for å kunne løyse evt. nye oppgåver. Det kan evt. samarbeidast om rehabilitering, avlastning, smitte m.m. I tillegg vil reforma kunne gje kommunane nye oppgåver som må løysast i eigen regi. På bakgrunn av dette er det planarbeidet teke høgde for at 2 etg. på ny korttids og rehabiliteringsavdeling rommar 18 plassar som delvis kan nyttast til samhandlingplassar. Dette vil gje 109 og ikkje 104 plassar slik signala er frå kommunestyret. I rapporten er desse plassane så langt ført opp som kommunale kostnader finansiert av NFK. Byggetrinna er tenkt slik frå styringsgruppa: Byggetrinn I Bygge 22 omsorgsbustader. Ønska oppstart og ferdigstilling 2010 2011. Byggetrinn II - Ny korttid- og rehabiliteringsavdeling i 2 etg. med 36 plassar. Samt dagavdeling, lokalar til heimesjukepleie, fysio og ergoterapi m.m. Ønska oppstart 2011 og ferdigstilling 2013.
Byggetrinn III - Tilbygg til Sundtunet med dagsenter og 8 nye plassar. Ønska oppstart og ferdigstilling i 2014 2015. Byggetrinn IV - Ny avdeling vest bygd i 2 etasjar, med 18 institusjonsplassar og 13 omsorgsbustader og renovering av tidlegare korttid og rehabiliteringsavdeling. Ønska oppstart og ferdigstilling i økonomiplanperioda 2015 2017. Byggetrinn V Ombygging avd. øst frå 24 til 18 plassar. Ønska oppstart og ferdigstilling i økonomiplanperioda 2020 2025. Summerte tal frå rapporten: Dersom kommunen prioriterer ut i frå planane frå styringsgruppa og finn økonomi for satsinga viser planane slike investerings- og driftstal: Brutto byggekostnader: 310 mill. kr. Netto byggekostnader (inkl. momskomp. + statstilskot): 176,4 mill. kr. Byggeperiode: 2010 til 2025. Anslag årlege auka nettodriftsutgifter: 28,9 mill. kr. Anslag auka bemanning: 33,9 årsverk. Rådmannsleiinga si vurdering: Administrasjonssjefen vil innleiingsvis vise til at styringsgruppa med ulike undergrupper har utført eit viktig og omfattande planarbeid, som for fleire tilsette har vore krevjande, da dei samtidig skal utføre vanlege oppgåver på ulike stader i organisasjonen. Ei slik arbeidsform har den klare fordelen at den gjev høg involvering. Samtidig bidrar planprosessar til at det skapast store forventningar som det kan vere svært vanskeleg å realisere enten på kort eller noko lengre sikt. Det er ei ambisiøs utbygging det er planlagt for med svært store kostnader til bygging og drift. Kommunen har i dag store utfordringar innafor omsorgstenestene og leiing og tilsette opplever eit stort press fordi vi ikkje har nok plassar og bemanning til å fylle alle dei behova innbyggjarane har. Dette er ein krevjande situasjon både for dei som har omsorgbehov og tilsette som strekker seg langt for yte eit godt tenestetilbod. Administrasjonssjefen viser til at formannskapet i møte 24.09.09 har bedt om at kommunestyret i møte 27.10.09, i eige sak, tar stilling til ressurssituasjonen innafor heimebasert omsorg. I planarbeidet er det vidare teke høgde statlege styringssignal, nye krav og ønskjer for korleis framtidas eldre og andre med omsorgsbehov vil ha det. Dette gjeld boform, avlastning, opptrening, dagtilbod, heimebasert omsorg osv. Det er viktig å vere klar over at utbygginga det er lagt opptil i styringsdokumentet har eit tidsperspektiv på 15 år. Dersom ein skal lukkast i å vidareutvikle omsorgstilboda framover vil det leggje store band på den økonomiske handlefridom for mange økonomiplanperiodar framover og det vil oppstå svært vanskelege prioriteringar mellom mange viktige formål. Om dei ulike byggetrinna let seg realisere økonomisk er ikkje mogleg å vurdere per dags dato. I forslag til statsbudsjett 2010 er det ingen øyremerka midlar til særskilt satsing på drift av eldreomsorg. Det er lagt opp til auke i dei frie inntektene og desse skal i hovudsak gå til fleire barn og eldre (demografi), samt dekke auka kostnader til renter og pensjon. Vi veit samtidig at det ligg klare statlege forventningar til at kommunane framleis skal satse på skole, barnehage, barnevern, m.m. Styringsdokumentet legg opp til at vi skal gjere stor nytte av statlege investeringstilskott.
I økonomiplanen for 2009-12 er det ikkje avsett midlar til mogleg framtidig utbygging av omsorgstenestene ved Sundheim. Bestillinga og den prinsipielle avklaringa som vart gjort av kommunestyret i nov. 2008 gjev klare signal om at dette er ei oppgåve kommunestyret ønskjer å prioritere framover. Men samlearket som følgjer rapporten viser at dersom kommunestyret i løpet av x år klarer å realisere bare trinn 1 og 2 vil det resultere i om lag 20 mill.kr. i nye årlege driftskostnader. Administrasjonssjefen er klar over at det er lagt inn kommunal drift til ei ny eining med 18 plassar i trinn 2. Nord-Fron har, samanlikna med t.d. Sør-Fron kommune, få plassar med betening, sjå sum institusjonsplassar og omsorgsbustader med betening. Dette er ei viktig årsak til det kraftige presset vi opplever på våre omsorgstenester f.t. Vi kan kome i ein situasjon at vi finn handlingsrom for å bygge trinn 1 og 2 men samtidig er det viktig å vere klar på at midlar til drift av ei ny eining kan ligge fram i tid dersom ikkje det økonomiske grunnlaget endrar seg vesentleg. Omstilling av kommunal ressursbruk viser seg å vere vanskeleg å få til i praktisk handling. Det må skje i vesentleg grad dersom vi skal lukkast å gje den aktuelle brukargruppa betre tenester enn vi klarar i dag! Kommunestyret vil på møte 27.10.09 få presentert resultat av planarbeid både for barnehage i Vinstraområdet og svar på bestillinga / forprosjektet knytt til mogleg utbygging av omsorgstenestene ved Sundheim. Ingen av tiltaka har med investeringsmidlar i gjeldande økonomiplan. Administrasjonssjefen konkluderer i dag at det vil vere enorme utfordringar knytt til mogleg realisering av dette prosjektet enten vi ser på komande 4 års periode eller fleire periodar framover dersom det ikkje kjem vesentlege bidrag i form av auka inntekter, eller radikal omstilling av eksisterande kommunale tenester. Vekst i inntekter kan enten skje gjennom auka avgifter / gebyr frå innbyggarane / brukarane eller i form av statlege overføringar. Dette er utfordringane som administrasjon og folkevalt nivå vil møte komande mndr. i samband med arbeid med budsjett 2010 og økonomiplan 2010-13! Administrasjonssjefen legg saka fram for utval for helse-, oppvekst og kultursaker med slik: Innstilling: Utval for helse-, oppvekst og kultursaker rår kommunestyret til å gjere slikt vedtak: 1. Kommunestyret viser til at vedlagte styringsrapport datert 16.10.2009 gjev svar på bestillinga som kommunestyret ga i sak 66/09, sjølv om nokre av føresetnadene for bruk av arealet ved Sundheim er endra frå tidlegare forprosjekt. 2. Kommunestyret gjev si prinsipielle tilslutning til at omsorgstenestene i Nord-Fron fram mot år 2025 skal utviklast i samsvar med innhaldet i dei skisserte 5 trinn. 3. Kommunestyret vil ved behandling av økonomiplan 2010-13 og seinare økonomiplan periodar ta stilling til mogleg realisering av styringsdokumentet. HOK-045/09 21.10.2009 Behandling: Samrøystes som innstillinga. KOM-052/09 27.10.2009 Behandling: Administrasjonssjefen la fram redaksjonelle rettingar i vedlegg 1 til saka. Innstillinga vart samrøystes vedtatt.
Administrasjonssjefen i Nord-Fron, 17.03.2011 Arne Sandbu