Kvam herad Sakspapir SAKSGANG Styre, utval, komite m.m. Møtedato Saksnr Sakshands. Kvam formannskap 15.02.2005 037/05 RUVI Avgjerd av: Saksh.: Rune Vik Arkiv: N-511, GBNR-J114/0092 Objekt: Arkivsaknr 2004002002 Søknad om løyve til tiltak på gnr. 114 bnr. 92, Fosse i Strandebarm. Tilbygg fritidsbustad. Søknad om disp. frå LNF-føremålet og frå pbl. 70.2 Samandrag: Kfr. saksopplysningar og vurdering. Rådmannen sitt framlegg til vedtak: Det faste utvalet for plansaker, Kvam formannskap, gjev med heimel i pbl. 7 dispensasjon frå LNF-føremålet i kommuneplan samt frå avstandskravet i pbl. 70.2, for tilbygg til hytte på gnr.114 bnr.92, Fosse i Strandebarm. Følgjande vilkår er knytt til dispensasjonen frå pbl.70.2: 1. Avstand frå omsøkt tilbygg til grenseline mot nabo på 114/19, skal vera minimum 1,0 meter. Del av tilbygg som kjem nærare nabogrensa enn 4,0 meter må førast opp i konstruksjonar med brannmotstand EI30. Søknad om løyve til tiltak, oppføring av tilbygg på hytte på gnr.114 bnr.92, Fosse i Strandebarm, vert godkjend med heimel i 93 og 95 på følgjande vilkår: 1. Tiltaket skal plasserast som vist på målebrevkart. Toleransekravet for plassering i horisontalplanet er +/-50 cm., forutsett at minsteavstandar i 70 i plan- og bygningslova samt avstand mot nabogrense 114/19 det er dispensert for, ikkje vert krenka. Vertikal toleranse er sett til +/- 20 cm. Tømrar Bjørn Måøy vert godkjend som ansvarleg for heile tiltaket (SØK, PRO/KPR, UTF/KUT). 15.02.2005 Kvam formannskap Framlegg frå Vigdis Håland, Ap: Rådmannen sitt framlegg til vedtak.
Røysting: Framlegget frå Vigdis Håland, Ap, fekk 9 røyster og vart samrøystes vedteke. FSK-037/05 Vedtak: Det faste utvalet for plansaker, Kvam formannskap, gjev med heimel i pbl. 7 dispensasjon frå LNF-føremålet i kommuneplan samt frå avstandskravet i pbl. 70.2, for tilbygg til hytte på gnr.114 bnr.92, Fosse i Strandebarm. Følgjande vilkår er knytt til dispensasjonen frå pbl.70.2: 1. Avstand frå omsøkt tilbygg til grenseline mot nabo på 114/19, skal vera minimum 1,0 meter. Del av tilbygg som kjem nærare nabogrensa enn 4,0 meter må førast opp i konstruksjonar med brannmotstand EI30. Søknad om løyve til tiltak, oppføring av tilbygg på hytte på gnr.114 bnr.92, Fosse i Strandebarm, vert godkjend med heimel i 93 og 95 på følgjande vilkår: 2. Tiltaket skal plasserast som vist på målebrevkart. Toleransekravet for plassering i horisontalplanet er +/-50 cm., forutsett at minsteavstandar i 70 i plan- og bygningslova samt avstand mot nabogrense 114/19 det er dispensert for, ikkje vert krenka. Vertikal toleranse er sett til +/- 20 cm. Tømrar Bjørn Måøy vert godkjend som ansvarleg for heile tiltaket (SØK, PRO/KPR, UTF/KUT). Lista inneheld sentrale dokument som det er referert til eller sitert frå i saksframstillinga: JournalID Journaldato Tittel Avsendar 05/385 10.01.2005 Søknad om tiltak på gnr.114 bnr.92 søknad Ansvarleg søkjar om dispensasjon frå LNF 04/16382 20.10.2004 Søknad om tiltak på gnr.114 bnr.92 søknad Ansvarleg søkjar om dispensasjon frå pbl. 70.2 (vedlegg B1) 05/385 10.01.2005 Målebrevskart m/ tilbygg og avstandar til Ansvarleg søkjar nabogrense 05/749 14.01.2005 Oversiktskart i målestokk 1:2000 Kvam herad 04/16383 20.10.2004 Kart i målestokk 1:500, som viser Ansvarleg søkjar eksisterande hytte m/ avstand til nabo. 04/16383 20.10.2004 Teikningar Ansvarleg søkjar x
Saksopplysningar: Det vert søkt om løyve til tiltak, oppføring av tilbygg til fritidsbustad på gnr. 114 bnr. 92, Fosse i Strandebarm. Søknaden inneheld søknad om dispensasjon etter pbl. 7, opplysningar om tiltaket sine ytre rammer og bygningsspesifikasjon, kvittering for nabovarsel, målebrevskart med innteikna tiltak og avstand til nabogrenser, kart som viser nosituasjon m/ avstand til nabogrense, teikningar samt søknad om ansvarsrett. Hytta er i ein etasje. Eksisterande hytte er oppgjeve med utbygd areal (BYA) 59 m 2 og bruksareal (BRA) 47 m 2. Tilbygg er oppgjeve med utbygd areal (BYA) 54 m 2 overbygd terrasse medrekna og bruksareal (BRA) 34 m 2. Tufta er i målebrev oppgjeve til 1160,5 m 2. Gjeldande plan for området er Kommuneplanen sin arealdel vedteken av Kvam heradsstyre den 28.09.1999 i sak 61/99. Området er i plan vist som landbruk-, natur- og friluftsområde (LNF-område). I arealdel til kommuneplan under pkt. 3.5 Føresegner og retningslinjer til landbruk- natur og friluftsområde etter PBL 20-4, første ledd nr. 2, står følgjande: Innanfor LNF-område er det forbod mot spreidd bustadbygging, spreidd bygging av fritidsbustader og spreidd bygging av ervervsbygningar, jmf. PBL 20-4, første ledd nr. 2. Føresegnene er ikkje til hinder for mindre vesentlege utvidingar av eksisterande bustad, fritids (gjeld ikkje mellom fjorden og riksvegen) og ervervsbygningar, jmf. PBL 20-4, første ledd nr. 2. Ei dobling av utbygd areal kan ikkje sjåast på som ei mindre vesentleg utviding. Det er søkt om dispensasjon frå LNF-føremålet i kommuneplan (jfr. journalid. 05/382) og frå kravet om avstand til nabogrense i 70 pkt.2 i plan- og bygningslova. Følgjande argumentasjon ligg til grunn (sitat): For å få en egnet planløsning med tilbygg er en i høy grad avhengig av eksisterende planløsning. Den planløsningen en er kommet fram til, forutsetter at en også må bygge på bygget mot nabo nord, gnr.114 bnr.19. Siden naboeiendom er utmark mener en at det har liten ulempe for naboen om bygningen kommer så nær grensen. Rådmannen kan ikkje sjå at regionale eller nasjonale verdiar kan verta råka i samband med saka. Det er derfor ikkje innhenta uttale hjå fylkeskommune eller fylkesmann. Tømrar Bjørn Måøy søkjer om ansvarsrett som ansvarleg for heile tiltaket (SØK, PRO/KPR, UTF/KUT). Føretaket søkjer om lokal godkjenning. Vurdering: Hytta på eigedomen er tydelegvis av eldre dato. Eigedomen 114/92 vart delt frå 114/13 i 1997 med føremålet hyttetomt. Endringa som er omsøkt må truleg karakteriserast som ei vesentleg utviding. Ei hytte må kunne vedlikehaldast/ oppgraderast sjølv om det ligg utanfor byggjeområde i kommuneplan, så sant ikkje spesielle forhold tilseier at hytta skal bort. At det skal vera hytte på denne tomta har heradet stadfesta i frådelingssaka i 1997. Tilbygg er planlagt plassert 1,0 meter frå nabogrense til gnr.114 bnr.19. Det er søkt om dispensasjon frå pbl. 70 nr.2 vedk. avstandskravet til nabogrense.
Pbl. 70 nr.2 fire meter regelen 70. Bygningens plassering, høyde og avstand fra nabogrense 1.Bygningens plassering, herunder høydeplassering, og bygningens høyde skal godkjennes av kommunen. Bygning med gesimshøyde over 8 meter og mønehøyde over 9 meter kan bare føres opp hvor det er hjemmel i plan etter kap. VI eller VII. Kommunen skal påse at veglovens bestemmelser om byggegrenser og frisikt blir fulgt. 2.Hvis ikke annet er bestemt i plan etter kap. VI eller VII, skal bygning ha avstand fra nabogrense som minst svarer til bygningens halve høyde og ikke under 4 meter. Kommunen kan godkjenne at bygning plasseres nærmere nabogrense enn nevnt i første ledd eller i nabogrense a) når eier (fester) av naboeiendommen har gitt skriftlig samtykke eller b) ved oppføring av garasje, uthus og lignende med grunnflate inntil 50 m 2. 3.Nærmere bestemmelser, herunder om brannteknisk sikring samt regler om beregningsmåter for høyde og for avstand fra nabogrense, gis ved forskrift. Kvam herad har på synfaring 26.01.05 vurdert argumentasjonen i dispensasjonssøknaden i forhold til eksisterande hytte og terrenget på tufta. Etablerer ein tilbygg mot sør vil ein fort koma i konflikt med nabogrense mot 114/13. Det flatare solrike utearealet mot sør vil i så tilfelle verta dekka av tilbygget. Mot øst er det ein bratt skrent som vil gje høge og lite terrengtilpassa murar. På revidert planteikning motteke 10.01.05 (jfr. journalid. 05/385) er det vist at tilbygg som kjem nærare enn 4 meter frå nabogrense vil få konstruksjonar med brannmotstand EI30. Naboeigedomen 114/19 vil dermed ikkje få eit hefte i forhold til kor nærme grenselina denne kan byggje. Naboeigedomen utgjer i dag utmark og beiteland. Rådmannen meiner at det i denne saka, kan liggje føre særlege grunnar for å gje dispensasjon etter pbl. 7.