NÆRING I MÅLØY SENTRUM TEMAPLAN Planutkast 12.juni 2014, vedteken i sak F 067/14 den 11.09.2014
FOR OR D Denne temaplanen for næring i Måløy er utarbeidd av Norconsult AS på oppdrag for Vågsøy kommune i samband med områdereguleringa for Måløy sentrum i 2014. Det er også utarbeidd ein temaplan for Måløy hamn. Dei to temaplanane for hamn og næring har felles faktagrunnlag som vedlegg til dei to separate plandokumenta. Dei innleiande kapitla i plandokumenta er identiske, medan det er utarbeidd eigne mål og strategiar for hamn og næring. Til slutt er det gjort ei oppsummering av innspel til arbeidet med områdereguleringa med omsyn til næringslivet og hamna i Måløy. Takk til alle som har bidrege med informasjon og delteke i planprosessen. Bergen, juni 14 Norconsult AS Forsidefoto : Norconsult AS Foto s 4,6,8: Eriksen Skajaa Arkitekter AS Foto s 13: Reisemål Stryn & Nordfjord Foto s 14: Nordfjord vekst Foto s 15: Stad skipstunnel 2
INNHALD BAKGRUNN OG FØREMÅL... 4 MÅLØY SINE FORTRINN... 6 SAMANDRAG AV FAKTAGRUNNLAG... 7 STRATEGIAR... 9 INNSPEL TIL OMRÅDEREGULERING... 16 3
BAKGRUNN OG FØREMÅL Vågsøy kommune manglar ein overordna plan for sentrumsområda i Måløy, og kommunen har sett i gang eit arbeid med ei områderegulering som omfattar heile Måløy sentrum. Det er behov for å få ein heilskapleg plan, som ser arealbruken i sentrum i samanheng. Føremålet med områdeplanen er å legge til rette for å utvikle Måløy sentrum, som ein attraktiv, framtidsretta og levande by. Måløy har tradisjonelt vore eit samfunn prega av fiskeri og fiskeindustri. Som ei følgje av strukturendringar i fiskerinæringa har det også skjedd store endringar i Måløy. Fleire store verksemder har lagt ned eller flytta ut. Det har vore nedgang i fiskekvotene, og fiskefartøya vert større og færre. Ein stor del av dei sysselsette er framleis knytt til fiskeindustrien, og næringslivet i Måløy er i stor grad bygd opp rundt fiskeriaktiviteten. Dette gjer Måløy sårbar, og det er nødvendig å sette gode mål og strategiar for vidare utvikling i Måløy. Måløy er ein kompakt by med mange fortrinn som tettstad. Samstundes er det mange utfordringar som treng å løysast gjennom områdereguleringa, slik som trafikkavvikling, møteplassar, ny bruk i gamle bygg med meir. Problemstillingane i områdereguleringa er nært knytt opp til næringsinteressene og hamneaktiviteten i Måløy sentrum. Føremålet med å lage eigne temaplanar for hamn og næring er å skape eit godt grunnlag for avgjerdene i områdereguleringa. Gjennom temaplanane har ein fått høve til å gå djupare inn i problemstillingane i sentrum sett frå næringslivet og hamneinteressene sine ståstader. Temaplanane kan såleis stå på eigne bein som strategiske planar der kommunen i samarbeid med andre aktørar møter utfordringane for Måløy som by. 4
Næringslivet og hamneaktiviteten i Måløy er nært knytt saman og er gjensidig avhengige av kvarandre. Det er difor laga eit felles faktagrunnlag for dei to temaplanane. På grunnlag av dette er det utarbeidd korte strategiske plandokument, eit for Måløy Hamn og eit for Næring i Måløy. Problemstillingane grip inn i kvarandre og strategiane kan vere relevante for begge tema. Det er difor nødvendig å lese begge plandokumenta for å få eit heilskapleg bilde. FIGUR 1. SAMANHENGEN MELLO M OMRÅDEREGULERINGS PLAN, FAKTAGRUNNLA G OG TEMAPLANAR FO R HAMN OG NÆRING. Hamneplanen tek før seg tema knytt til den sjøretta aktiviteten i sentrum, medan næringsplanen har eit breiare fokus mot kvalitetane i sentrum som grunnlag for varehandel, reiseliv, sysselsetting og trivsel. 5
MÅLØY SINE FORTRINN Måløy har eit avgrensa og definert sentrum, strategisk plassert i skipsleia. Det er korte avstandar til ulike servicetilbod. Måløy sin identitet er sterkt knytt til fiskeri. Sjølv om fiskeriaktiviteten har gått ned er det framleis behov for tenester frå næringslivet knytt til hamneaktiviteten. Måløy har i tillegg eit oppegåande og fleksibelt næringsliv som har kapasitet til å yte service til ei kvar tid. Gjennom dei siste åra har det skjedd ei utvikling der ein del av industrien har flytta ut av sentrum, men framleis ligg nær, slik at Måløy har synergieffekt av industrien i nærliggande delar av kommunen som Trollebø og Raudeberg. Samstundes har utflytta industri skapt rom for nye aktivitetar i sentrum. Det held på å skje ein transformasjon av bygningar og areal som har vore nytta i industrien. Det er trong for å velje retning på transformasjonen, og samstundes er det eit sterkt ønskje å ta vare på Måløy som fiskeriby. Varehandelen i Vågsøy kommune har auka dei siste åra, på tross av at omsetninga er trua av netthandel og konkurranse frå andre byar og tettstader. Dette er eit fortrinn som Måløy sentrum må bygge vidare på. Måløy har fleire nasjonalt kjende reisemål i sitt omland, og ei rik fiskeri- og krigshistorie. Fritidsbåtar kan legge til midt i sentrum og har eit godt servicetilbod i gangavstand. Fisketurisme og vandring er satsingsområde for reiselivsnæringa i regionen, dette ligg godt til rette i Måløy. 6
SAMANDRAG AV FAKTAGRUNNLAG Folketalet i Vågsøy hadde ein dramatisk nedgang i perioden 1999-2008, årsaka til dette var høg utflytting og låge fødselstal. På same tid vart talet på arbeidsplassar kraftig redusert mellom anna som følgje av nedleggingar i fiskerinæringa. Etter dette begynte folketalet å vekse igjen, og det er forventa at i 2040 vil det vere om lag 6700 innbyggjarar i Vågsøy, det er 100 fleire personar enn det høge nivået i 1990- åra. Den viktigaste årsaka til dette er høg innflytting. Talet på arbeidsplassar begynte også å stige igjen i 2006, og det har vore ei positiv utvikling dei siste åra. Nabokommunane i Nordfjord har hatt mykje av dei same utfordringane i høve folketal og sysselsetting, men det kan no sjå ut som Nordfjord er inne i ei meir positiv utvikling. Vågsøy hadde ein periode netto utpendling, men ettersom talet på arbeidsplassar igjen har auka, er det no om lag like mykje inn- og utpendling i kommunen. Fiskeri og industri er framleis dei største næringane i Vågsøy, men det er mest vekst i handelsnæringa og teknologiske tenester, veksten er mindre enn i landet elles. Vågsøy skil seg ut med høgt utdanningsnivå i næringslivet, denne utviklinga har skjedd i løpet av få år, og vitnar om omstillingsevne og potensial for fleire kompetansearbeidsplassar. Måløy sentrum har fleire reiselivsbedrifter, men dei manglar gode og fungerande nettverk. Fisketurisme og lokal mat basert på fiskeressursar er fortrinn som Måløy har. I tillegg er det fleire nasjonalt kjende reisemål i nærleiken, slik som Refviksanden, Kråkenes fyr, Kannesteinen og Selje kloster. Måløy er ei av dei viktigaste fiskerihamnene i Sør-Noreg, og har status som stamnetthamn. Hamna dekker eit breitt spekter av funksjonar, som fiskemottak, liggeplass for større båtar, bunkringsstasjonar, gjestehamn og anløp av hurtigbåt, Hurtigrute og ferje. Nordfjord Havn IKS er eigar av fleire hamner i sentrum og har utvikla hamneområde utanfor sentrum på Trollebø og i Barstadvika. Hamnene rundt Måløy er ein viktig del av grunnlaget for næringslivet og framtidig hamnekapasitet i Måløy. Dei siste 15 åra har aktiviteten i fiskeria gått ned, men ulike prosjekt i regionen har generert ny aktivitet på hamnene slik som utbygging av vindmøller, tømmerhogst og subsea-prosjekt. Ei større fiskeribedrift har valt å etablere seg i Måløy frå 2015. Talet på anløp vore stabilt dei siste 10 åra, medan godsmengdene har gått ned. På grunn av mange nedleggingar i fiskerinæringa er det i den sørlege delen av sentrum fleire ledige fiskebuder. Det er elles nokre ledige næringsbygg i Gate 1, og det er to nye fyllingar i sentrum som det ikkje er bygd på. Det er planar for nokre av bygga, mellom anna skal Domsteinbuda transformerast til bustader. 7
MÅL: LEVANDE SENTRUM LETT Å ETABLERE SEG ATTRAKTIVT Å HANDLE GODE MØTEPLASSAR VARIERT SERVICETILBOD Måløy har eit sterkt og fleksibelt næringsliv. Måløy sentrum er ein kompakt by med ei spennande fiskeri- og krigshistorie. I framtida skal ein kunne bu, arbeide, handle, møtast og finne opplevingar i Måløy. Det er ein stad folk har lyst til å besøke og der ein har lyst til å slå seg ned. Nye idear vert tekne godt i mot og finn grobotn til å verte ein del av næringslivet i Måløy. 8
STRATEGIAR For å komme til målet om eit imøtekommande og attraktivt sentrum, er det peika ut strategiar. Strategiane viser til sentrale element i eit levande sentrum, desse må det arbeidast med parallelt. Gjennom målretta jobbing på fleire område vil kvalitetane Måløy sentrum har å by på verte meir synlege og gje grunnlag for vekst og utvikling. 1. Torget som hjarte i byen Torget ligg sentralt og er offentleg eigd med funksjonar som hurtigbåtterminal, Torghopen og gjestehamn i nærleiken. Utviklingspotensialet er å bli ein møteplass som legg til rette for meir handel, og for meir aktivitet i byrommet. Som møteplass og knutepunkt for mange menneske, er det naturleg at både tilreisande og fastbuande opplever Torget som ein link til informasjon om tilboda i sentrum. Gjere uterommet på Torget til ein lunare stad Informasjon om kva som skjer, skilting til turstiar, kafear, attraksjonar og opplevingar i gangavstand frå Torget. Finne betre løysingar for buss, taxi og av- og påstigning til hurtigbåten utanfor torget Utvikle Torget til ein god møteplass mellom barn, unge og vaksne AKTUELLE TILTAK ANSVAR KOSTNAD TIDSPERIODE Etablere klimatisert møteplass for barn, unge og vaksne, med t.d. overbygg Skilting og informasjon Etablere sjøbad Vågsøy kommune, Sogn og Fjordande fylkeskommune og næringsliv Vågsøy kommune i samarbeid med Reisemål Stryn & Nordfjord Vågsøy kommune, næringslivet KR 3-10 mill. 2015-2019 KR 100 000 300 000 2014-15 KR 100 000-300 000 2015-2018 Regulere inn busslomme og plass for av- og påstigning utanfor torget Vågsøy kommune - 2014 9
2. Kvalitet i sentrum Gatebildet i Måløy sentrum har både velhaldne innbydande fasadar og bygningar som står til nedfalls. Sjølve gatene har stort forbetringspotensial. Gjennom etablering av til dømes miljøgate/gågate, vil kvaliteten i sentrum auke og gjere det meir attraktivt å handle og å etablere seg i sentrum. Biltrafikk og parkering kan i periodar på døgnet vere dominerande, medan på ettermiddag og kveld er det stille. God og effektiv trafikkavvikling både for bilar og mjuke trafikantar er ei av dei sentrale problemstillingane i områdereguleringa for sentrum. Det er til dels smale fortau og nokre stadar manglar det fortau. For næringslivet er det avgjerande med god tilgjenge både for kundane og dei som arbeider i sentrum. Attraktive funksjonar i sentrum i form av møteplassar, både ute og inne er naudsynt, gjerne der fleire typar folk treffast. Gode døme på slike møteplassar kan vere klatreparken som er finansiert med vilkår om ei sentral plassering. Slike anlegg vil tiltrekke seg fleire aldersgrupper, men med borna i fokus. Finne gode løysingar for trafikk gjennom sentrumsgatene Oppgradering av uterom i dei mest sentrale handlegatene Skape positiv haldning til vedlikehald av bygningar og uterom AKTUELLE TILTAK ANSVAR KOSTNAD TIDSPERIODE Ferdigstilling av fyllingar i sentrum Private grunneigarar 2014-2015 Oppgradering av Sjøgata frå Torget til Måløy Brygge Vågsøy kommune KR 10-15 mill. 2014-2018 Finne sentralt areal til Klatreparken Vågsøy kommune - 2014 Oppgradere fortau i gate 1 med fokus på universell utforming Vågsøy kommune og grunneigarane 100.000-20 mill. 2014-2018 10
3. Ledige bygg og areal som ressurs Ledige areal og bygg er og ein ressurs for Måløy sentrum. Fleire større fiskeriverksemder har flytta ut og gir rom for ny aktivitet. Det er naturleg at det til ei kvar tid står nokre ledige bygg i sentrum, dette er potensiale for nye etableringar. Måløy sentrum treng ei drivkraft for å få oversikt og formidle ledige lokale til potensielle leigetakarar eller kjøparar. Nokre bygg kan lett takast i bruk, andre treng mykje tilrettelegging. Nye fyllingar i sentrum står dels tomme i påvente av etablering. Fylling er planlagt i bukta ved brua til Moldøen, i tilstøytande område vil det verte ledige bygningar som følgje av at fiskeriverksemd flyttar i 2015. Dette området kan ha potensiale for sentrumsnære bustader. Bustader aukar aktiviteten i sentrum og det er naturleg at nokre av bygga i sentrumsgatene vert gjort om til bustader. Det er samstundes naudsynt å ta omsyn til hamne- og næringsaktiviteten, og difor avklare på førehand kva område som eignar seg best til bustad, og kva område som har konfliktpotensial med hamna. I dei mest sentrale delane av Måløy sentrum er det ein fordel om det vert etablert varehandel eller publikumsretta kontorverksemd på gateplan. Dette skaper liv i gatene og aukar trivsel og aktivitet. Samstundes er det nødvendig med ein fleksibilitet i kva ein bygning kan nyttast til, det primære er at bygningane vert tatt i bruk. Kartlegge og formidle ledige lokale gjennom etablering av prosjekt og samarbeid mellom gårdeigarar og butikkeigarar. Områdereguleringa må vere fleksibel nok til at ulike typar verksemder kan ta i bruk ledige areal og bygningar. AKTUELLE TILTAK ANSVAR KOSTNAD TIDSPERIODE Starte opp sentrumsforeining Nordfjord vekst, næringslivet - 2014-2015 Etablere prosjekt for kartlegging og formidling av ledige bygg Nordfjord vekst 2014-2018 Fleksibel områderegulering Vågsøy kommune - 2014 11
4. Gründerar finn moglegheiter i Måløy Måløy har lokale investorar med kapital og eit villig næringsliv som viser samfunnsansvar. Næringslivet har tradisjonelt vore knytt til fiskeri, men og nye næringar veks fram. Potensialet for utvikling av eksisterande bedrifter, samt etablering av nye, er i høgste grad aktuelt. Vågsøy har i tillegg eit aukande utdanningsnivå i næringslivet, noko som kan trekke til seg fleire kompetansearbeidsplassar vidare framover. Etablere kontorarbeidsplassar i sentrum Legge til rette for gründerar, og ønskje dei velkomne til å utvikle idear i Måløy Nettverk og marknadsføring av næringslivet i Måløy Rekruttere ungdom under utdanning til næringslivet AKTUELLE TILTAK ANSVAR KOSTNAD TIDSPERIODE Gründerverksemd som hovudsatsingsområde Marknadsføring av næringslivet i Måløy Rekruttering av ungdom Nordfjord vekst Nordfjord vekst Nordfjord vekst Regulere areal til kontor Vågsøy kommune - 2014 12
5. Måløy si historie som identitetsskapar Måløy har ei unik historie som fiskerihamn, men også som åstad for viktige hendingar under 2.verdskrig. Denne historia må formidlast både til eigne innbyggjarar og til dei som kjem på besøk anten som næringsdrivande eller turistar. I dette bildet er det relevant også å få fram utviklinga som har skjedd fram til i dag. Lokale initiativ som «Fiskerimuseum» og Måløyraid- senter er døme på større prosjekt som kan komme til å bety mykje for sentrum. Fortelje Måløy si historie som ein del av satsinga på sentrumsutviklinga Utvikle nye kulturtilbod i sentrum basert på Måløy si historie Satse på prosjekt som formidlar Måløy sin identitet og historie AKTUELLE TILTAK ANSVAR KOSTNAD TIDSPERIODE Etablere «Fiskerimuseum» Stiftinga 2014-2018 Etablere Måløyraidsenter Stiftinga 2014-2018 13
6. Kysten som reisemål med Måløy som portal Reiselivet i Måløy er ungt, men har eit godt utgangspunkt for å vekse. Gjennom organisering av reiselivsbedriftene og felles satsing mot marknaden vil ein få tydelegare fram alt ein kan oppleve på kysten av Nordfjord med Måløy som utganspunkt. Måløy sentrum sin nære kontakt med hamna og levande fiskeindustri er eit fortrinn som må utviklast vidare mellom anna gjennom gangpromenade langs hamna og tilbod til fisketuristar. Utvikle og framheve Måløy sin identitet, autentiske kultur og tradisjonar Reiselivet og andre brukar destinasjonsselskapet sine forum og som sparringpartner. Jobbe saman for å auke verdiskapinga gjennom utvikling av bedriftene og bedriftene sine aktivitetar. Leggje til rette for kystturisme, i samarbeid med nabokommunane AKTUELLE TILTAK ANSVAR KOSTNAD TIDSPERIODE Samle reiselivsbedriftene Samarbeid om utvikling av pakketilbod Levere kvalitet i alle ledd, frå skilting og informasjon, til overnatting, mat og opplevingar. Turistinformasjon i sentrum Reisemål Stryn & Nordfjord, Nordfjord Vekst, reiselivsbedriftene Reiselivsbedriftene i samarbeid med Reisemål Stryn & Nordfjord og Nordfjord Vekst Reiselivsbedriftene i samarbeid med Reisemål Stryn & Nordfjord og Nordfjord Vekst Vågsøy kommune 2014-2018 2014-2018 2014-2018 Skilting av attraksjonar i kommunen Vågsøy kommune 2014-2016 14
7. Regional infrastruktur styrkar Måløy Gjennomføringa av Stad Skipstunnel er eit viktig prosjekt som bidrar til tryggleik og betre samband, og det er ei stor satsing på kysten. Dette vil vere den første skipstunnelen i verda, og den er lokalisert på Stadhalvøya i Selje kommune heilt vest i havet. Realisering av Stad skipstunnel vil har stor betyding for næringslivet i Måløy, med mindre ventetid, kortare transporttid og sikrare leveransar. Kystvegn Ålesund-Bergen har som mål å etablere ein samanhengande veg frå Ålesund til Bergen. 45-minuttarsregionen med ny og raskare veg mellom næringslivsbyane Måløy og Florø er ein del av dette prosjektet. Etablering av Kystvegen Måløy-Florø vil binde saman bu- og arbeidsmarknadsregionen i Nordfjord og Sunnfjord med om lag 50 000 innbyggjarar. Nordfjord Vekst har ansvar for prosjektleiinga både for Stad skipstunnel og 45- minuttarsregionen. Prosjektet vert drive i samarbeid med kommunane og næringslivet i regionen. Måløy har mindre enn 1,5-timars reise til Florø lufthamn og Sandane lufthamn. Det er 3,5 timar til Ålesund lufthamn. Flyplasstilbodet er difor relativt godt, men med realisering av infrastrukturprosjekta i regionen vil reisetida verte kortare. Nærleik til flyplass er premiss for ein del av næringslivet i Måløy, til dømes når det gjeld mannskapsbyte på båtar, der mannskap er avhengig av å reise vidare med fly. Betre kommunikasjon langs kysten Kortare reisetid til flyplass AKTUELLE TILTAK ANSVAR KOSTNAD TIDSPERIODE Realisering av Stad skipstunnel Realisering av Kystvegen Måløy-Florø Vågsøy kommune v/nordfjord vekst i samarbeid med nabokommunane Vågsøy kommune v/nordfjord vekst i samarbeid med nabokommunane 2014-2018 2014-2018 Profilering av flyplasstilbodet for næringslivet Nordfjord Vekst 2014-2018 15
INNSPEL TIL OMRÅDEREGULERING Fleksibilitet i kva bygningar og tomtar kan nyttast til, samstundes som ein strekker seg etter ein ideell situasjon Setje av areal som kan nyttast til Fiskerimuseum og Måløyraidsenter Etablere møteplass for barn, unge og vaksne, dels med overbygg på Torget. Regulere for sjøbad ved Torget Rekkjefølgjeregulering av nye fyllingar med mellombels bruk og istandsetting Parkering andre stader enn Torget Buss- og taxi oppstilling utanfor Torget Utarbeiding av skiltplan Areal til klatrepark i sentrum Plass til etablering av kontorarbeidsplassar Bustader sentralt, helst med varehandel eller publikumsretta kontor på gateplan Bustadområde sør for brua mot Moldøen. Sikre god tilkomst og parkering til ny bruk i gamle fiskebuder. 16
FIGUR 2. ILLUSTRASJONEN VISER INNSPELA TIL OMRÅDEREGULERINGS PLANEN FOR MÅLØY SENTRUM FRÅ TEMAPLANA NE FOR HAMN OG NÆRING (NORCONSULT AS). 17