SAKSDOKUMENT. Utvalsaksnr Utval Møtedato Formannskapet Kommunestyret

Transkript

1 VOLDA KOMMUNE SAKSDOKUMENT Sakshandsamar: Per Ernst Lundberg Arkivsak nr.: 2012/2485 Arkivkode: 023 Utvalsaksnr Utval Møtedato Formannskapet Kommunestyret SØRE SUNNMØRE TINGRETT - TINGRETTSGRENSENE Administrasjonen si tilråding: Volda kommunestyre viser til St.meld. nr. 23 ( ) og dei nye kommunikasjonslinene i regionen, og ber om at tingrettsgrensene for Søre Sunnmøre Tingrett vert endra slik at kommunane Hornindal, Stryn, Selje, Vågsøy, Eid, Ulstein og Hareid vert overført til domstolen i Volda. Volda kommunestyret føreset då også at tingretten vert styrka fagleg tilsvarande. Vedleggsliste: 1. Brev av frå advokatar i Nordfjord til Justisdepartementet og Domstoladministrasjonen 2. NTB-melding publisert i NRK Nordland Fråsegn frå Søre Sunnmøre Regionråd av om St.meld 23 Uprenta saksvedlegg: St.meld. nr. 23 ( ): Førsteinstansdomstolene i fremtiden Samandrag av saka: Det har i pressa kome fram at Domstoladministrasjonen arbeider med forslag om å redusere tal tingrettar, frå dagens 66 til i overkant av 30. DA meiner store domstolar (minst 8 dommarar) gir betre høve til ressursfordeling, stordriftsfordelar og høve for spisskompetanse og vurderer desse omsyna til å vere meir tungtvegande enn ulempene ved lange avstandar og reisetid. Eg rår til at kommunestyret kjem med fråsegn om at Søre Sunnmøre Tingrett vert oppretthalde og styrka. m.a. ved at tingrettsgrensene vert endra slik at kommunane i Nordfjord og Ulstein og Hareid vert lagt til Søre Sunnmøre Tingrett.

2 Saksopplysningar: Søre Sunnmøre Tingrett har kontor i Volda, og omfattar i dag kommunane Volda, Ørsta. Vanylven, Sande og Herøy. Befolkningsgrunnlaget er om lag Samferdselsprosjekta Eiksundsambandet (2008) og Kvivsvegen (2012) har gjort Volda/Ørsta til det naturlege senteret i ein storregion med om lag innbyggarar. "Eiksundsambandet" har ført til at Ulstein og Hareid har fått ferjefritt samband til Volda/Ørsta. Det tek no ca 25 minutt med bil mellom Ulstein og Volda. og ca 35 minutt mellom Hareid og Volda. Frå Ulstein og tingretten i Ålesund tek det til samanlikning ca 1 time og 15 minutt (dersom ein slepp å vente på ferja) og frå Hareid ca 1 time (dersom ein køyrer rett inn på ferja og slepp å vente.) "Kvivsvegen gjer at det no er ca 25 minutt med bil mellom Hornindal og Volda, og ca 45 minutt mellom Stryn og Volda. Til samanlikning tek det ca 2,5 timar å køyre med privatbil frå Stryn/Hornindal til Fjordane tingrett i Førde. Offentleg kommunikasjon tek vesentleg meir tid. Innbyggjarane i Stryn og Hornindal vil spare svært mykje tid på å verte underlagt Søre Sunnmøre Tingrett. Slik det er i dag går heile dagen med for klient og advokat sjølv berre med eit kort rettsmøte i Førde. Dette fører til unødig tidspille og kostnad for privatpersonar, og det offentlege. Når staten har gått inn med store investeringar i nye samferdsleprosjekt, så er det naturleg at staten også vurderer strukturen i lokalsamfunna, som m.a. endring av grensene for rettskrinsane. Sidan fordelane her er så openberre for innbyggjarane og brukarane i Stryn og Hornindal, ligg det til rette for ei framtidsretta endring av domstolsstolsgrensene for Søre Sunnmøre Tingrett. Det vert her vist til St.meld. nr. 23 ( ), der følgjande går fram: Justisdepartementet mener det bør tilstrebes en best mulig sammenheng mellom den fremtidige domstolstrukturen og den funksjonelle regionsdannelsen. Domstolene bør fortrinnsvis lokaliseres til regionssentra som spiller en rolle utover det å være funksjonelt senter for egen kommune. Videre er det et mål å avgrense domssognene, slik at den enkelte kommune om mulig får tilhørighet til en domstol som er lokalisert i en kommune som også tjener som funksjonelt senter i forhold til andre offentlige og private tjenester. Det må her nemnast at det i Volda/Ørsta er følgjande sentrale institusjonar: Volda sjukehus (underlagt Helse Midt, men no samband med Kvivsvegen i samarbeid med Helse Vest, i først omgang fødande frå Nordfjord.) Høgskulen i Volda Jordskifteretten Statsbygg er etablert med eiga avdeling i Volda Lånekassa (regionkontor) Helfo Midt-Norge Ivar Aasen-tunet: nasjonalt opplevings- og dokumentasjonssenter for nynorsk skriftkultur Ørsta/Volda Lufthamn, Hovden, med direkteruter Oslo og Bergen Regionen Søre Sunnmøre og Nordfjord er ein næringsrik region med ei stor breidde av verksemder frå mange små bedrifter til større internasjonale konsern. For desse betyr det mykje at regionen har ein tingrett som gjev grunnlag for juridisk miljø i regionen, samt at dei unngår unødvendig tap av dyrebar tid i reise i samband med rettslege prosessar.

3 Regionutvidinga som har skjedd etter Eiksundsambandet og Kvivsvegen kan illustrerast slik: Det går klart fram her at Volda/Ørsta utgjer..regionssentra som spiller en rolle utover det å være funksjonelt senter for egen kommune. I nemnde Stortingsmeldinga går elles følgjande fram: Departementet legger også vekt på at Volda, sammen med nabokommunen Ørsta, er et så vidt betydningsfullt regionssenter at det i et regionsperspektiv er et naturlig lokaliseringsvalg for en domstol. Vurderingen av de økonomiske konsekvenser av Strukturutvalgets ulike forslag viser for øvrig at differansene her ikke er så betydelige at de bør tillegges avgjørende vekt. Departementet er derfor kommet til at domstolen i Volda bør opprettholdes. Departementet går inn for Strukturutvalgets alternativ 3, hvor størrelsen på denne domstolen kan økes noe ved at kommunene Selje, Vågsøy og Eid, som i dag sogner til Nordfjord sorenskriverembete, overføres til domstolen i Volda. Strukturutvalget har foreslått at også Hornindal kommune overføres til Volda. Dette vil imidlertid være en uheldig løsning, fordi Hornindal utgjør et lensmannsdistrikt sammen med Stryn. Det vises for øvrig til kapittel 14.7 om domstolstrukturen i Sogn og Fjordane. Ved den endelege handsaming av meldinga vart diverre ikkje Selje, Vågsøy og Eid lagt til Søre Sunnmøre tingrett, ei heller Hornindal og Stryn. Men dei nye kommunikasjonane tilseier no at grensene bør handsamast på nytt, då slik at i første omgang Hornindal og Stryn vert tillagt Søre Sunnmøre, men gjerne også Selje, Vågsøy og Eid. Enn vidare bør Ulstein og Hareid verte underlagt Søre Sunnmøre tingrett. Ringverknader i regionen ved å ha Tingretten etablert i Volda/Ørsta: Kompetansearbeidsplassar I dag er det tilsett ein sorenskrivar, to dommarfullmektigar og fire sakshandsamarar ved Søre Sunnmøre tingrett. Forutan dei som er direkte tilsette ved tingretten, er tingretten også ein generator av kompetansearbeidsplassar utanfor tingretten. Kvar domstol har faste forsvararar og bistandsadvokatar knytta til domstolen som domstolen oppnemner. Det er Domstolsadministrasjonen som vedtek kor mange faste forsvararar og bistandsadvokatar kvar domstol til ei kvar tid skal ha. Søre Sunnmøre tingrett har i dag ein fast forsvarar og to faste støtteadvokatar (bistandsadvokat). Kombinasjonen av auke i saksmengde og ei eventuell utviding av rettskretsen vil gi eit behov for auke i antall forsvararar og bistandsadvokatar.

4 Vidare oppnemner tingretten bustyrar (som regel ein advokat) i samband med konkursbu og offentlege ektefelle- og dødsbuskifte. I somme bu/offentlege skifter er det også behov for å engasjere revisor. I skjønnsaker oppnemner tingretten skjønssmedlemmar frå rettskretsen. På denne måten er Tingretten med på å sikre arbeidsgrunnlag og å sikre kompetansearbeidsplassar i rettskrinsen. Søre Sunnmøre tingrett har dessverre vore trua av samanslåing både i førre runde og det vart også vurdert i samband med at den førre sorenskrivaren gikk av pensjon. Dette kan ha vore medverkande til at vi ser få nyetableringar av advokatar i rettskrinsen. Lokalt næringsliv Statsbygg er som nemnt etablert med eiga avdeling i Volda. Statsbygg eig lokala tingretten leiger i dag og har ansvaret for vedlikehaldet. Hotella i rettskrinsen blir nytta av tilreisande advokatar, partar, sakkyndige og andre vitner. Restaurantar og kafear blir nytta av alle aktørane i tingretten idet tingretten ikkje har eiga kantine. Flyplassen i Hovdebygda er viktig for tilreisande aktørar. Drosjene får også kundar gjennom tilreisande til tingretten. Lokal tilknytning og kort reiseveg er viktig: Særleg i saker som gjeld dødsfall eller moglege konkursar er det naturleg at personleg kontakt og kort reiseveg er viktig for brukarane. Det same gjeld ved vigslar som tingretten også utfører. Vidare kjem det nesten dagleg innom personar i samband med dødsfall eller moglege konkursar og for å få råd om korleis ein går fram ved privat skifte. Desse set tydeleg pris på å få snakke med ein person direkte og ikkje per telefon. I så måte er kort reiseveg viktig. Tingretten har mykje direkte kontakt med brukarane. Somme tider oppstår det situasjonar som gjer at tingretten har raskt trong til ein forsvarar, bistandsadvokat, bustyrar, meddommar eller skjønnsmedlem, for eksempel når ein meddommar er sjuk eller eit skjønnsmedlem er inhabilt. Då er det viktig at aktørane har kort reiseveg og for skjønnsmedlemmar er det også naudsynt med lokal tilknyting. Det er også viktig for partar og vitner at ein slepp lang reiseveg til retten. Å vere i retten er ei stor belastning for dei involverte og å sleppe fleire timar med reise kvar veg vil truleg opplevast som positivt for desse. Særleg i saker etter barnelova kan det vere viktig med kort reiseavstand og lokalkunnskap idet desse sakene gjerne involverer barn som også har ein lovbestemt rett til å uttale seg, ofte gjennom ein samtale med dommaren på saka. Vurdering og konklusjon: I ei NTB-melding viser justisdepartementet sin kommunikasjonssjef Gunnar A. Johansen til at talet førsteinstansdomstoler vart redusert fra 92 til dagens 66 i 2001 på bakgrunn av vedtak i Stortinget. Vi er kjent med Domstoladministrasjonens ønske om å redusere antallet førsteinstansdomstoler ytterligere. Dette er spørsmål departementet foreløpig ikke har tatt stilling til, sier Johansen til NTB i meldinga. Tingretten er ein viktig infrastruktur for ein felles arbeidsmarknadsregion med opp mot innbyggjarar. Regionen er takksam for statleg samferdselssatsing med

5 Eiksundsambandet og Kvivsvegen på om lag 2 mrd kroner. Det er viktig at staten ikkje byggjer ned potensialet for å ta ut effekt av desse satsingane og beheld tingretten i Volda. Det vil også vere eit signal om optimisme for denne regionen, noko som vil vere avgjerande viktig for å få synergiar av samferdselssatsinga og rettferdiggjere desse investeringane som regional verdiskaping. Økonomiske konsekvensar: Ingen for kommunen, men lettare tilgang til tingretten for folk i den nye regionen vil redusere kostnader for den enkelte. Beredskapsmessige konsekvensar: Betra beredskap ved nærleik til tingretten. Rune Sjurgard rådmann Utskrift av endeleg vedtak: Justis- og beredskapsdepartementet Boks 8005 Dep., 0030 Oslo Domstoladministrasjonen Boks 5678 Sluppen, 7485 Trondheim Søre Sunnmøre Tingrett Postboks 85, 6101 Volda Ulstein kommune Hareid kommune Hornindal kommune Stryn kommune Eid kommune Vågsøy kommune Selje kommune Sunnmøre Regionråd Postboks 1521, 6025 Ålesund Nordfjordrådet v/leiar Anne-Britt Øen Nygård c/o Hornindal kommune Medlem justiskomitèen Jenny Klinge, Stortinget, 0026 Oslo Medlem justiskomitèn Tove Lise Torve, Stortinget Oslo