SAKSDOKUMENT. Utvalsaksnr Utval Møtedato Driftsstyret Kommunestyret DRIFT AV HELSESTASJONANE I AUSTEFJORDEN OG DALSFJORDEN

Transkript

1 VOLDA KOMMUNE SAKSDOKUMENT Sakshandsamar: Torill Høydal Arkivsak nr.: 2008/158 Arkivkode: G11 Utvalsaksnr Utval Møtedato Driftsstyret Kommunestyret DRIFT AV HELSESTASJONANE I AUSTEFJORDEN OG DALSFJORDEN Administrasjonen si tilråding: Helsestasjonane i Austefjord og Dalsfjord vert nedlagt frå Samandrag av saka: Helsestasjonane i Austefjorden og Dalsfjorden treng nødvendig datautstyr for å drive fagleg forsvarleg. Kommunestyret ville i forbindelse med budsjetthandsaminga for 2008 ikkje inkludere investeringar i IKT utstyr ved helsestasjonane i Austefjord og Dalsfjord i budsjettet eller i økonomiplanen, men ba administrasjonen vurdere behovet for drift av desse helsestasjonane på nytt. Vurdering av vidare drift av utehelsestasjonane gjeld helsestasjonstilbodet for barn frå 0 5 år i Austefjorden og Dalsfjorden. Skulehelsetenesta vil verte oppretthalden som tidlegare, men kravet til dokumentasjon er det same for skulehelsetenesta og helsestasjonstilbodet, og utstyret helsesøstrene søkjer om skal nyttast både i helsestasjonsdrifta og skulehelsetenesta. Utehelsestasjonane i Austefjorden og Dalsfjorden har vore i kontinuerleg drift sidan -70 talet, og vore positiv i høve til kontakta med nærmiljøet. Enkelte brukarar på bygdene har hatt ynskje om å delta på gruppe i sentrum. Ulike ynskje og behov har ført til at enkelte brukarar har nytta helsestasjonen i sentrum. Helseavdelinga har ikkje hatt noko ønske om å legge ned helsestasjonstilbodet i krinsane, men har i aukande grad sett at det då var behov for ei opprusting. Konkret gjeld det no høveleg IKT utstyr for å ivareta journalplikt og arkiveringsfunksjonar Volda kommune skal tilby ei fagleg forsvarleg helsestasjons- og skulehelseteneste til alle innbyggarane mellom 0-20 år. Dokumentasjonsplikt og behandling av personopplysningar er

2 omfattande og regulert i ulike lover og forskrifter. Helsesøstrene har behov for oppkobling frå utehelsestasjonane til helsestasjonsprogrammet i sentrum og med dette unngå biltransport av sensitive opplysningar. I tillegg skal alle vaksiner i dag registrerast direkte på data for vidare registrering i SYSVAC, det nasjonale vaksineregisteret i Norge. Fleire grendautval i Dalsfjorden har kome med innspel i denne saka og argumentert sterkt for framleis drift av utehelsestasjonane. Dei ser på helsestasjonen som eit viktig tilbod for busettinga i bygda generelt og for småbarnsfamilier spesielt. Reisetid er også ein viktig faktor. Fleire lag er positive til å yte eit økonomisk bidrag for å kunne behalde helsestasjonen i Dalsfjorden. Høydal velferdslag i Austefjorden ynskjer at drifta skal oppretthaldast. Saksopplysningar: Vedtak i Kommunestyre des.07, sak 22: Investeringa til IKT ved helsestasjonane i Austefjord og Dalsfjord vert ikkje inkludert i budsjett eller økonomiplan. Vi ber administrasjonen vurdere behovet for drift av desse helsestasjonane på nytt. Utehelsestasjonane i Austefjorden og Dalsfjorden har vore i kontinuerleg drift sidan -70 talet. Brukarane har hatt eit fullgodt tilbod med helsesøster 2dg pr. mnd, og med lege 1 dg. pr. mnd. På utehelsestasjonane er der samla stillingsressursar for assistent tilsvarande 10 % stilling. Helsestasjonskontrollane og skulehelsetenesta opp til og med 2klasse har sidan brannen ved Austefjord skule vore gjennomført på helsestasjonen i sentrum. Helsestasjonen skil mellom helsestasjonsarbeid for barn frå 0 5 år, og skulehelseteneste for barn frå 5 20 år. Vurdering av drift av utehelsestasjonane gjeld helsestasjonsarbeidet for barn frå 0 5 år. Heimebesøk til nyfødde og skulehelseteneste med helsesøster vil verte oppretthalden uavhengig av vedtaket. Datautstyr og kobling på nett til server på Rådhuset i kommunen er arbeidsredskap både i helsestasjonsarbeidet og i skulehelsetenesta. OVERSIKT OVER TILBODET I HELSESTASJON OG SKULEHELSETENESTA: SHdir har utarbeidd faglege retningslinjer for helsestasjon og skulehelsetenesta. Utifrå denne får alle barn mellom 0-6 år i Volda tilbod om: Heimebesøk til nyfødde barn 6veker- helsesøster + lege 3mnd gruppe med helsesøster, vaksiner 4mnd gruppe med helsesøster 5mnd gruppe med helsesøster, vaksiner 6mnd- helsesøster + lege 8mnd gruppe med helsesøster 10mnd gruppe med helsesøster 12mnd helsesøster + lege, vaksiner 15mnd, helsesøster +vaksine 17/18mnd, helsesøster 1 års kontroll, helsesøster + lege

3 2 års kontroll, helsesøster + lege 4 års kontroll, helsesøster 5 års kontroll, helsesøster + lege Barn og familiar med spesielle behov, vil alltid få individuell oppfølging i tillegg. I skulen får elevane i dag fast kontakt med helsesøster gjennom: 2kl samtale + vaksine tema egenomsorg, kost, søvn, tv/video, nettverk, trivsel o.a 6kl vaksine + evt gruppe - tema kost, pubertet, personleg hygiene, skulemiljø o.a. 7kl vaksine + evt gruppe tema i samarbeid med skulen og elevane 8kl individuelt + evt gruppe røyk/rus, skulemiljø, egenomsorg, samliv, seksualitet, grenser 9kl vaksine tema kost, røyk, rus 10kl vaksine + evt gruppe samliv, seksualitet, seksuelt overførbare sjukdomar, prevensjon LOKALITETANE VED UTEHELSESTASJONANE: Utehelsestasjonane er eit kommunalt tilbod og ei innarbeidd helseteneste på bygdene gjennom fleire tiår. Både i Austefjorden og i Dalsfjorden er det tilgjengelege lokaler på undomskulane til å drive helsestasjon. Ved Austefjord skule er der no nye lokaler tilrettelagt for både helsesøster og lege. Ved Dalsfjord skule er der lokaler som me håpar på er planlagt renovert ilag med resten av skulen. I Dalsfjorden må brukarane gå igjennom helsesøsterkontoret for å kome til legekontoret. Dette er tungvint og lite diskret. Ved Dalsfjord skule er det dårleg mobildekning, og fasttelefonen har ein del støy. Telefon er nødvendig i arbeidet ved t.d varsling ved eventuelle vaksinereaksjonar. Lokala er i dag også brukt til skulehelseteneste, og helsesøster vil uavhengig av denne saka ha behov for lokale og utstyr til denne tenesta i framtida. NÆRMILJØ Utehelsestasjonane medfører nærheit til brukarane, noko som gjer tilgangen for foreldra lettare, og terskelen for å ta kontakt om ulike problemstillingar lavare. Helsesøster og lege vil frå si side få eit nærare og betre kjennskap til nærmiljøet og dei utfordringar småbarnsforeldre møter der. I Dalsfjord og Ulvestad skulekrets har det vorte fødde mellom 2 og 8 barn frå 2002 til I Austefjorden har der i same periode vorte fødde mellom 0 og 3 barn. Brukarar som av og til ynskjer å bruke helsestasjonen i sentrum, får tilrettelagt for det. Brukarar frå Dalsfjorden er avhengig av ferge, i tillegg til reisetid til ferje. Brukarar med lengst veg frå Austefjorden brukar ca min til sentrum i dag. FAGLEG FORSVARLEG HELSESTASJONSTENESTE I Helsepersonellova 16 står det at Virksomhet som yter helsehjelp, skal organiseres slik at helsepersonellet blir i stand til å overhalde sine lovpålagte plikter I Kommunehelsetenestelova 1 3a Kommunen skal planlegge, organisere og legge til rette for at helsetenesten og helsepersonell kan oppfylle krav fastsatt i eller i medhold av lov eller forskrift. For å utføre ei fagleg forsvarleg kommunal helseteneste, er helsesøster og lege pålagt lovfesta dokumentasjonsplikt gjennom m.a. pasientrettigheitslova, journalforskrifta og kommunehelsetenestelova. Denne dokumentasjonen skal registrere all kontakt med brukarane, t.d. behov for tolk, problemstillingar, tema i samtalen, observasjonar ein gjer, råd som vert gitt/prøvd, vaksiner, og vidare legge grunnlag for vidare oppfølging av den enkelte.

4 Volda helsestasjon tok i bruk data som arbeidsverktøy i sentrum i Utehelsestasjonane har fortsett med skriftlege notatar i journalen til barna/elevane, og ei dobbelføring der helsesøster etterregistrerer vaksiner og fører notatane inn på data når dei kjem til sentrum. Slik dobbelføring av dokumentasjon er ressurskrevjande, lite presist og lite tilfredsstillande. Tidspress kan føre til at føring på data ikkje vert utført før fleire dagar etterpå. Brukarane har rett til innsyn i journalen og det rette er å dokumentere medan brukaren er tilstades. Behovet for dokumentasjon viser seg spesielt tydeleg når brukarar på bygdene av ulike grunnar vekslar mellom å bruke utehelsestasjonen og helsestasjonen i sentrum. Når helsesøster reiser til utehelsestasjonane/skulane, tek ein i dag med papirjournalar og evt. utskrift av dei siste notatane, til dei barna/elevane ein har avtale med. Slik praksis er både tungvint og unødvendig tidkrevjande, og strid imot krav frå Datatilsynet. Gjennom eiga forskrift skal alle vaksiner registrerast i SYSVAC- Det nasjonale vaksineregisteret i Oslo. Denne registreringa går i dag berre på data. Dersom ein får avbestilling av timar eller nokon ikkje møter opp ved utehelsestasjonen, er det vanskeleg for både helsesøster og lege å utnytte denne ventetida. Fagstoff frå internett vert nytta både av helsesøster og lege i møtet med brukarane i dag. I Dalsfjorden er det ikkje tilgang til internett i dag. Brukarar med behov for samansette tenester har ein lovfesta rett til å få utarbeidd ein individuell plan. Alle brukarar med slike behov får i dag tilbod frå Volda kommune om Sampro sin nettbaserte individuelle plan. I dette samarbeidet med brukaren trengst også datamaskin og internett-tilgang. Helsesøstrene i Volda ynskjer å tilby og utføre ei fagleg forsvarleg teneste til alle brukarane mellom 0-20 år. For å få dette til på bygdene er ein avhengig av brukbart datautstyr og høve til oppkobling til eige nettverk i sentrum. Sjå oversikt og utgifter i vedlegg frå IT avdelinga. GRUPPER PÅ HELSESTASJONEN Gruppekonsultasjonane første leveåret har pga lave fødselstal kun vore muleg å gjennomføre ved helsestasjonen i sentrum. Familier på bygdene er knytta til eigen helsestasjon, men ulike behov og ynskje om å kunne delta i gruppe, har ført til at nokre brukarar har brukt helsestasjonen i sentrum. Vurdering og konklusjon: Både i Austefjorden og i Dalsfjorden er der lokalar tilgjengeleg for drift av utehelsestasjonar. Grendalaga rundt Dalsfjorden argumenterer sterkt for tilbodet i nærmiljøet og ringvirkningane dette har for busetting og småbarnsfamilier. Fødselstala og tilkomst til sentrum er ulikt for Austefjorden og Dalsfjorden. Løyvingar til nødvendig data/nettoppkoblingsutstyr må på plass for at utehelsestasjonane skal oppretthaldast som tidlegare. IKT - utstyret kan nyttast og er nødvendig også for skulehelsetenesta på bygdene. Helseavdelinga kan ikkje innanfor tildelt økonomisk ramme finne dekning for dette tiltaket og kjem fram til følgjande konklusjon: Utehelsestasjonane i Austefjorden og Dalsfjorden vert nedlagt frå

5 Helse og miljøkonsekvensar: Utehelsestasjonane har vore eit kommunalt desentralisert tilbod til Austefjorden og Dalsfjorden i mange år, og eit viktig bidrag for busetjing og styrking av lokalsamfunnet. Vegane i både Austefjorden og Dalsfjorden er framleis utsette for ras. Framleis drift av utehelsestasjonane vil: - hindre unødig transport av barna - foreldra unngå unødig køyring og bruk av arbeidstid til kontrollane - gje familiane på bygdene eit desentralisert tilbod, styrking av nærmiljø og busetting Ved nedlegging av utehelsestasjonane vil: - helsesøster/lege kunne sleppe unødig køyring i arbeidstida, samt kunne utnytte arbeidstida i Volda betre - alle får tilbod om å vere med på grupper i sentrum Økonomiske konsekvensar: Ved framleis drift av utehelsestasjonane: - Sjå eige vedlegg vedr. utstyr til data og nettoppkobling. - Innkjøp av data og nettverksutstyr til utehelsestasjonane vil medføre at Helsestasjonen i Volda kan gje brukarane eit fagleg forsvarleg helsestasjonstilbod. Utstyret er flyttbart og kan også nyttast i skulehelsetenesten ved dei ulike skulane. Kravet til dokumentasjon er det same for helsestasjonstenesta som for skulehelsetenesta. Ved nedlegging av utehelsestasjonane: - Helsesøster og lege sparar mykje reisetid til/frå. - Foreldre vil få ekstra utgifter på reise og tapt arbeidstid ved konsultasjonar i Volda sentrum. - Helsesøster, lege og assistentressursen vert overført til sentrum saman med brukarane, og kan nyttast meir effektivt. - Det er lettare å nytte ventetid ved fråfall av avtalar - Brukarar under 12 år som skal til helsestasjonslege/skulelege har rett på dekte reiseutgifter. Dette vil belaste trygdesystemet. - Heimebesøk til nyfødde og skulehelsetenesta vert oppretthalde som tidlegare. - Skulehelsetenesta held fram og nyttar eksisterande lokaler i skulen, men gjerne i sambruk med skulen. - Skulehelsetenesta vil ha behov for IKT utstyr på dei store skulane. Beredskapsmessige konsekvensar: Helsestasjonen har ikkje beredskapsansvar. Jarle B Krumsvik adm. sjef Arne Gotteberg kommuneoverlege/helsesjef

6 Vedleggsliste: - Uttale frå grendautvala i Dalsfjorden og Austefjorden - Kostnadsoverslag frå IT avdelinga Uprenta saksvedlegg: Lover og forskrifter ( )som omhandlar og har betydning for helsepersonell og helsetenesten sin dokumentasjonsplikt, kan nemnast: Lov om helseteneste i kommunane (Kommunehelsetenestelova) Lov om vern mot smittsomme sjukdomar (Smittevernlova) Lov om pasientrettigheter (Pasientrettighetslova) Lov om helsepersonell (Helsepersonellova) Lov om statleg tilsyn med helsetenesten (Tilsynslova) Lov om behandling av personopplysningar Lov om helseregistre og behandling av helseopplysninger Forskrift om pasientjournal (Pasientjournalforskriften) Utskrift av endeleg vedtak: Grendautvala i Dalsfjord og Austefjord