KONKURRANSEGRUNNLAG Konkurranse med forhandling Rammeavtale for bekjemping av plantesjukdomen pærebrann Oslo, 14.05.2012 1
INNHALD 1. Innleiing... 3 2. Om Mattilsynet... 3 3. Føremål... 3 4. Om oppdraget... 3 4.1. Bakgrunn for oppdraget 3 4.2. Behov: Bekjemping av pærebrann... 4 4.2.A. Oppdraget si art.4 4.2.B. Ryddeområde..4 4.3. Tidspunkt og omfang for arbeidet....5 4.4. Kravspesifikasjon...5 5. Avtalen si lengde... 5 6. Kvalifisering og tilbodsevaluering... 5 6.1. Estimert framdriftsplan 5 6.2. Kvalifisering av tilbydarane..6 6.3. Tilbodsevaluering...6 7. Omfang av rammeavtalane... 7 8. Signering av kontrakt... 7 9. Krav til struktur på tilboda... 7 10. Spørsmål og tilleggsinformasjon... 8 11. Språk... 8 12. Bruk av underleverandørar... 8 13. Atterhald... 8 14. Teiepliktige opplysningar... 8 15. Vedståingsfrist... 8 16. Tilbodsfrist og innlevering av tilbod... 9 Vedlegg: 1. Kvalifikasjonskrav inkludert skjema for tidlegare leveransar og HMS-sjølvmelding 2. Kravspesifikasjon 3. Prisskjema 4. Referansekundar 5. Leverandøropplysningar 6. Mattilsynets standard rammeavtale for kjøp av tjenester, inkl. bilag 7 Pris og betalingsbetingelser og bilag 12 Avrop 2
Konkurransegrunnlag 1. Innleiing I samsvar med kunngjering i Doffin inviterer Mattilsynet til konkurranse med forhandling om inngåing av rammeavtaler for bistand til rydding for å hindre vidare smittespreiing av plantesjukdomen pærebrann (Erwinia amylovora). Anskaffinga blir gjennomført i samsvar med Lov av 16. juli 1999 nr 69 om offentlege anskaffingar og Forskrift om offentlege anskaffingar, sist endra 3. september 2010 nr. 1236. For denne anskaffinga gjeld del II i føreskrifta. Konkurransedokumenta består av dette konkurransegrunnlaget med følgjande vedlegg: 1. Kvalifikasjonskrav inkludert skjema for tidlegare leveransar og HMS-sjølvmelding 2. Kravspesifikasjon 3. Prisskjema 4. Referansekundar 5. Leverandøropplysningar 6. Mattilsynets standard rammeavtale for kjøp av tjenester, inkl. bilag 7 Pris og betalingsbetingelser og bilag 12 Avrop. 2. Om Mattilsynet Mattilsynet er eit statleg, landsdekkande forvaltningsorgan og har som hovudoppgåve å: sikre helse messig trygg mat fremme god helse hos planter, dyr og fisk fremme etisk forsvarlig hold av fisk og dyr fremme god kvalitet og reieleg produksjon og omsetning ivareta miljøvennlig produksjon Mattilsynet har omlag 1300 årsverk og er organisert i tre forvaltningsledd: Eitt hovudkontor, åtte regionkontor og 54 distriktskontor spreidd over heile landet. For meir informasjon, sjå vår nettstad www.mattilsynet.no 3. Føremål Mattilsynet ønskjer bistand til rydding for å hindre vidare smittespreiing av plantesjukdomen pærebrann (Erwinia amylovora). 4. Om oppdraget 4.1. Bakgrunn for oppdraget Plantesjukdomen pærebrann (Erwinia amylovora) har blitt påvist i 41 kommunar i fylka Møre og Romsdal, Sogn og Fjordane, Hordaland, Rogaland og Vest-Agder sidan den blei funne for første gong i Noreg i Rogaland i 1986. Bekjemping av pærebrann er eit arbeid som går ut på å fjerne smitte av pærebrann ved å rydde vekk smitta vertsplanter og fjerne utsette vertsplanter i definerte område. Ryddinga føregår i hovudsak på privat grunn i mange av kystkommunane på Vestlandet. Kommunal forvaltning har ein viktig funksjon i dette arbeidet. Kommunane så vel som Mattilsynet deltar 3
i bekjempinga. Store areal i området er rydda i løpet av åra etter 1986. Det var ein pause i rydding i åra 1993-2000, da pærebrann ikkje blei funne i Noreg. I samsvar med forskrift om planter og tiltak mot planteskadegjerarar, (FOR-2000-12-01-1333) er pærebrann ein karanteneskadegjerar, som skal bekjempast. Tiltaka som gjerast er heimla i matlova (Lov om matproduksjon og mattrygghet mv. LOV-2003-12-19-124) og den nemnde forskrifta. Ein bekjempingsplan er utarbeidd våren 2012 og vil vere bindande for arbeidet. Forskrift om tiltak mot pærebrann blei fastsett 11. april 2012 og definerer bekjempingssone og observasjonssone. I bekjempingssonen føregår aktiv rydding av vertsplanter, medan det i observasjonssonar føregår intensivert overvaking. Observasjonssone: Vestnes, Sula, Skodje, Bremanger, Gloppen, Naustdal, Fjaler, Gaular, Solund, Høyanger Søndre, Masfjorden, Lindås, Meland, Osterøy, Samnanger, Fusa, Jondal, Suldal, Hjelmeland, Forsand, Lund, Flekkefjord, Kvinesdal, Farsund, Lindesnes, Lyngdal, Mandal, Søgne, Vennesla, Kristiansand, Birkenes og Lillesand. Bekjempingssone: Giske, Haram, Ålesund, Flora, Askvoll, Gulen, Austrheim, Radøy, Øygarden, Fjell, Sund, Bergen, Askøy, Os, Austevoll, Tysnes, Kvinnherad, Fitjar, Stord, Bømlo, Sveio, Etne, Vindafjord, Haugesund, Tysvær, Karmøy, Bokn, Rennesøy, Finnøy, Strand, Randaberg, Stavanger, Sola, Sandnes, Klepp, Time, Gjesdal, Hå, Bjerkreim, Eigersund og Sokndal. 4.2. Behov: Bekjemping av pærebrann Anskaffinga gjeld inngåing av rammeavtale om rydding, jamfør beskriving i dette punktet. Arbeidet går ut på å fjerne dei mest mottakelege vertsplantene (bulke- og pilemispel) for pærebrann på privat grunn i hovudsak i kystkommunar i frå Haram i nord til Kristiansand i sør. 4.2.A. Oppdraget si art Informere publikum om rydding i eit område (standardinformasjon utarbeidd av Mattilsynet) Finne/påvise bulke- og pilemispel Varsle eigar av eigedom som får fjerna vertsplanter Merke vertsplanter Fjerne vertsplanter, som er merka, ved basis med motorsag/handsaks Fjerne greiner og avfall frå hagane, på ein skånsam måte for eigar og publikum Knuse/male opp greinmassane Påføre Glyfosat på snittflater Deponere opp knuste greinmassar Verksemder som fjernar vertsplanter for pærebrann, jf. vedlegg 2 om bakteriar, punkt 3 i forskrift 1. desember 2000 nr. 1333 om planter og tiltak mot planteskadegjerarar, eller utfører kantklipp langs veier i bekjempingssonen, skal sjå til at maskiner og utstyr blir vaska og desinfisert før disse tas ut av bekjempingssonen 4.2.B. Ryddeområde Mattilsynet ønskjer tilbod for rydding i følgjande ryddeområde: 1. Sør-Rogaland: Bjerkreim, Eigersund, Sokndal og Lund 2. Haugalandet: Karmøy, Bokn, Tysvær, Haugesund og Vindafjord 4
3. Hordaland 4. Sogn og Fjordane 5. Møre og Romsdal Mattilsynet har rett til å inngå kontrakt om alle eller deler av de tilbodne områda. Ryddemannskapa må kunne ta på seg rydding i dei nemnde kommunane/fylka. Leverandørar kan levere tilbod på alle områda 1-5 (pkt. 4.2.B) eller på eitt eller fleire av områda i punktet. Det kan og tenkast at det kan bli aktuelt med rydding andre stader enn dei som er nemnde. Det kan bli aktuelt med rydding i bekjempingssonen (sjå punkt 4.1) utover det som er nemnt i punkt 1-5 over, medan rydding i observasjonssonen (sjå punkt 4.1) berre blir aktuelt ved smittespreiing. Rammeavtalene kan og nyttast ved eventuelle utbrot andre stader i landet. Smittesituasjonen vil avgjere det totale omfanget, og det er Mattilsynet som til ein kvar tid avgjer ryddeomfanget. 4.3. Tidspunkt og omfang for arbeidet Ryddearbeidet føregår normalt frå mai til desember kvart år. Tidsforbruket er avhengig av kor mange som blir satt på oppgåva og vêrtilhøve. Det er viktig for Mattilsynet at leverandørane kan stille så raskt som mogleg når smitte er påvist og det er behov for bistand. 4.4. Kravspesifikasjon Mattilsynet har utarbeidet ein kravspesifikasjon for denne rammeavtalen. Krava går fram av kravtabellen i Vedlegg 2. Tilbyder må beskrive sin kompetanseprofil og svare på alle krav i kravtabellen i Vedlegg 2. Alle punkter skal kommenterast, utdjupast og dokumenterast i tilbodet. Ved behov for tilleggsdokumentasjon må det vises til bilag i kravtabellens kommentarfelt (Vedlegg 2). Basert på tilbydar sitt tilbod vil det bli gitt poeng i forhold til kor godt tenesta tilfredsstiller våre krav. 5. Avtalen si lengde Rammeavtalen vil ha ein lengde på to år frå inngåing av kontrakt, med opsjon for Mattilsynet på forlenging for inntil to år, eitt år om gongen. 6. Kvalifisering og tilbodsevaluering 6.1. Estimert framdriftsplan Aktivitet Dato Kunngjering i Doffin 15.05.12 Tilgang av konkurransegrunnlag i Doffin 15.05.12 Frist for spørsmål til konkurransegrunnlaget 11.06.12 kl. 12.00 Tilbodsfrist 18.06.12 kl. 12.00 Evaluering av kvalifikasjonar og tilbod Uke 25-26 Forhandlingar Uke 27 Kontraktstildeling Uke 27 Signering av kontrakt Uke 29 5
6.2. Kvalifisering av tilbydarane Leverandører som ønskjer å delta i konkurransen, må levere dokumentasjon på kvalifikasjonskrava oppgitt i Vedlegg 1. Vær nøye med at all etterspurt dokumentasjon blir levert. Vesentlege manglar fører til at tilbodet kan bli avvist under kvalifiseringa. Dokumentasjon på kvalifikasjonskrava og tilbodet skal leverast i same innsending og innan oppgitt tilbodsfrist. Etter tilbodsfristen vil Mattilsynet først gjennomføre ei kvalifisering av leverandørane som har levert tilbod. Kvalifiseringa vil skje i samsvar med kvalifikasjonskrava i vedlegg 1. Dei leverandørar som ikkje blir godkjende, og dei som eventuelt avvisast i samsvar med forskrift om offentlige anskaffingar 11-10, vil få melding så raskt som mogleg. 6.3. Tilbodsevaluering Etter kvalifiseringa vil Mattilsynet starte evalueringa av tilboda frå dei kvalifiserte leverandørane. Mattilsynet vil evaluere tilboda i dei einskilde områda (sjå pkt. 4.2.B) for seg, men vil og vurdere alle områda som ein heilskap og stå fritt til å velje ein leverandør dersom vi vurderer det som det økonomisk mest tenleg. Leverandør vil bli vald etter ein vurdering av det økonomisk mest gagnlege tilbodet på basis av følgjande tildelingskriteria: Tildelingskriteria Vekt 1. Pris 40 % 2. Kompetanse, kvalitet og samarbeidsform 30 % 3. Leveransegjennomføring 30 % Pris: Mattilsynet er opptatt av pris kombinert med kvalitet på leveransar. Prisane skal setjast inn i skjemaet i Vedlegg 3. Alle prisar skal vere inkludert mva. Prisane skal vere faste i avtaleperioden (to år) og kan eventuelt forhandlast ved opsjonsutløysing. Timeprisane er å betrakte som maksimumsprisar, og ved bestilling (avrop) i forbindelse med større oppdrag kan leverandør tilby lågare timesatsar eller annan form for pakkepris med lågare timepris. Kompetanse, kvalitet og samarbeidsform: Det vil bli lagt vekt på at tilbyder syner evne til å forstå våre behov. Vi vil også vurdere tilbydars kompetanse og erfaring på området rydding av uønskt vegetasjon og tilboden kompetanse i forhold til dei ulike punkta i vedlegg 2. Vi ber om at kompetanse beskrivast til kvart einskild krav. Som ein del av vår vurdering kan det mellom anna bli spurt om oppdragsforståing, opplevd kvalitet og relevant kompetanse ved innhenting av referansar. I kvalitet inngår også evne til planlegging, samarbeidsform og arbeidsleiing. Leveransegjennomføring: Mattilsynet krev kostnadseffektive løysingar ved ryddearbeidet, samt fleksibilitet ved prioriterte oppgåver. Mattilsynet krev kortast mogleg responstid ved førespurnad. Leverandør må gjere greie for rutinar for respons og kva for prioritet ein vil gi Mattilsynet. Responstid bør vere mindre enn 4 dagar. Dei omtala krava over er ikkje uttømmande. Også andre moment som naturleg vil kunne tolkast inn under dei einskilde kriteria, kan bli gjenstand for evaluering. 6
7. Omfang av rammeavtalane Mattilsynet tar sikte på å inngå rammeavtale med ein eller fleire leverandørar, og står fritt i dette valet. Bestilling (avrop) på avtalen vil skje i form av konkrete oppdrag når Mattilsynet har vedteke å sette i gong ryddearbeid i konkret område. Det er vanskeleg å seekor stor mengda av oppdrag kan bli, jf. omtale under pkt. 4.2.B. Det tas i tillegg atterhald om Mattilsynet sine løyvingar og interne prioriteringar. Det er ikkje mogleg å anslå omfang av oppdraga, men erfaringstall frå sesongane 2008-2011 viser at det er brukt om lag 5 mill. kr årleg til ryddearbeid. 8. Signering av kontrakt Kontrakten vil basere seg på Mattilsynets standardkontrakt for tenestekjøp (vedlegg 6). Eventuelle atterhald til kontrakten skal takast med i tilbodsbrevet. Det kan ikkje takast atterhald som medfører vesentlege endringar i kontrakten sine vilkår. 9. Krav til struktur på tilboda Tilbodet skal strukturerast på denne måten og alle punkter og underpunkter må svarast på: Tilbydar må: a) Utforme eit kort tilbodsbrev med forpliktande signatur. Blant anna må følgjande omtalast i eigne punktar i tilbodsbrevet: - Kva for område tilbodet gjelder. - Angi kven som vil bli tilbudd som fast kontaktperson for Mattilsynet i avtaleperioden. Det er ønskeleg med faste ressursar i viktige prosjekt/periodar som sikrar kontinuitet i arbeidet. - Eventuelle atterhald til konkurransegrunnlaget og/eller kontrakten, jf. punkt 13. - Eventuell informasjon som tilbydar meiner å vere underlagt teieplikt, jf. punkt 14 - Bekrefte angitt vedståingsfrist, jf. punkt 15. b) Legge ved dokumentasjon på kvalifikasjonskrava angitt i Vedlegg 1 inkludert utfylte lister over tidlegare leveransar og HMS-sjølvmelding, jf. punkt 6.2. c) Gjere greie for korleis ein vil oppfylle Mattilsynet sine krav. Dette gjerast ved å dokumentere/beskrive oppfølginga av kravspesifikasjonane i Vedlegg 2. Alle elementa i kravtabellen må svarast på og dokumenterast på ein strukturert og god måte. d) Utfylt prisskjema i Vedlegg 3. e) Utfylt referanseliste i Vedlegg 4. f) Utfylt skjema for leverandøropplysningar i Vedlegg 5. g) Legge ved oversikt over eventuelle underleverandørar, jf. punkt 12, inkl. namn og kompetanse. Det stilles same krav til underleverandør som til leverandør. Alternative tilbod som klart avviker frå dei beskrivne krava vil bli avvist. Oppdragsgjevar kan avlyse konkurransen dersom det ligg føre sakleg grunn. 7
10. Spørsmål og tilleggsinformasjon Eventuelle spørsmål og tilleggsopplysningar rettast skriftleg til Mattilsynet på e-post: Aud-Helen.Vaerdal@mattilsynet.no. Siste frist for spørsmåla og tilleggsopplysningar er 11.06.2012 kl 12.00. Spørsmåla vil anonymiserast og svara vil vere tilgjengeleg på Doffin seinast 14.06.2012. Spørsmål om tilleggsopplysningar på andre måtar enn e-post vil ikkje bli svart på. 11. Språk All kommunikasjon og dokumentasjon som gjeld konkurransegrunnlaget og tilbodet skal vere på norsk. Arbeidsspråk for ryddearbeidarane vil være norsk. 12. Bruk av underleverandørar Leverandørane kan nytte underleverandørar i konkrete oppdrag. Leverandøren må i tilbodet opplyse om eventuell bruk av underleverandørar. Det skal opplysast om namn på underleverandørar og kva arbeidsoppgåver disse vil bli nytta til. Informasjon om kompetanse hjå mannskap og forhold rundt teknisk utstyr hjå underleverandør må vedleggas. Hovudleverandøren, som Mattilsynet inngår kontrakt med, vil vere ansvarleg for gjennomføringa av oppdraget. Hovudleverandør er ansvarleg for at mannskap som brukast har kompetanse til å bruke sprøytemiddel og utstyr (til dømes motorsag). Mattilsynet skal godkjenne underleverandør og også eventuelt bytte av underleverandør. 13. Atterhald Eventuelle atterhald til konkurransegrunnlaget og/eller kontrakten sine vilkår skal klart gå fram i tilbodsbrevet for å være gyldige. Atterhald skal være presise og eintydige slik at Mattilsynet kan vurdere disse utan kontakt med tilbydar. Atterhald som kan medføre tvil om korleis tilbodet skal vurderast i forhold til de øvrige tilboda kan medføre avvising, jf. 11-11 i Forskrift om offentlige anskaffingar. Det kan ikkje tas vesentlege atterhald mot kontrakten sine vilkår. 14. Teiepliktige opplysningar Oppdragsgjevar har teieplikt etter forvaltningslovens 13. Dette gjelder bl.a. opplysningar om tekniske innretningar og framgangsmåtar, samt drifts- og forretningsforhald som det vil vere av konkurransemessig betyding å hemmeleghalde av omsyn til den opplysningane angår. Oppdragsgjevar har eit sjølvstendig ansvar for å vurdere om opplysningar er omfatta av teieplikta. Oppdragsgjevar ber tilbyder om å presisere om det er delar av tilbodet som vurderast å vere teiepliktige opplysningar. 15. Vedståingsfrist Leverandøren er bunden av tilbodet til 31.08.2012 kl 12.00. 8
16. Tilbodsfrist og innlevering av tilbod Tilbodet skal vere Mattilsynet i hende seinast: Måndag 18.06.2012 kl 12.00 Tilbodet sendast/leverast i nøytral lukka sending, og skal vere merka med Tilbod pærebrann. Tilbodet leverast i eitt papireksemplar samt ein komplett elektronisk lagra versjon (USB-penn eller liknande) til: Postadresse: Mattilsynet Hovudkontoret v/aud-helén Værdal Postboks 5333 Majorstuen 0304 Oslo Leveringsadresse: Mattilsynet (resepsjon) Ullevålsveien 76, Adamstuen, Oslo Ved frammøte leverast tilbodet i Mattilsynet sin resepsjon, og det vil bli gitt kvittering for mottatt tilbod. For seint innkomne tilbod vil bli avvist. Oslo, 14.05.2012 9