Inntak på særskilt grunnlag

Transkript

1 Inntak på særskilt grunnlag Del 9?! Kven kan søkje om inntak til vidaregåande opplæring på særskilt grunnlag? Ikkje alle har dei same føresetnadene for å bli tekne inn i den vidaregåande skolen, eller å gjennomføre det ordinære opplæringstilbodet. I Opplæringslova står det at ein del av elevplassane i den vidaregåande skolen skal reserverast for søkjarar som etter sakkunnig vurdering har behov for inntak på særskilt grunnlag. Elevar som treng omfattande tilrettelegging blir tatt inn til vidaregåande opplæring på desse vilkåra. Det vil seie at dei ikkje tevlar om plass ut frå oppnådd poengsum i ungdomsskolen. Kriteria for inntak på særskilt grunnlag: Søknad om inntak til eit særskilt utdanningsprogram på vidaregåande trinn 1. Søkjar som har rett til spesialundervisning (jfr. Opplæringslova 5-1, 1. ledd), og som på grunnlag av sakkunnig vurdering har særleg behov for eit særskilt utdanningsprogram på vidaregåande trinn 1, har rett til inntak på dette utdanningsprogrammet etter forskrift fastsett av departementet. (jfr. Opplæringslova 3-1, 6. ledd). Vilkår for inntak til eit særskilt utdanningsprogram på vidaregåande trinn 1 er at søkjaren har rett til vidaregåande opplæring etter Opplæringslova 3-1, 1. ledd og rett til spesialundervisning etter Opplæringslova 5-1. Søkjaren må dessutan ha behov for spesialundervisning på grunn av sansedefektar og motoriske defektar Elevar med sansedefektar og motoriske defektar som er alvorleg yrkesvalhemma på grunn av funksjonshemminga, og som har rett til spesialundervisning etter Opplæringslova 5-1. store lærevanskar Store generelle lærevanskar: Søkjaren må ha hatt spesialundervisning etter Opplæringslova 5-1 gjennom det meste av grunnskolen. Store spesifikke lærevanskar: Søkjaren må ha hatt rett til spesialundervisning etter Opplæringslova 5-1 heile perioden etter at vanskane vart diagnostiserte av sakkunnig instans. emosjonelle eller sosiale problem Elevar med alvorlege, dokumenterte sosiale og/eller emosjonelle vanskar der problema er så store, og gir slike konsekvensar for skolegangen at eleven har rett til spesialundervisning etter Opplæringslova 5-1. store samansette funksjonshemmingar Desse vanskane må vere dokumenterte av sakkunnig instans, og eleven må ha rett til spesialundervisning etter Opplæringslova 5-1. andre funksjonshemmingar Elevar med andre vanskar (til dømes medisinske vanskar eller erverva hjerneskade) som er alvorleg yrkeshemmande. Vanskane må vere dokumenterte og eleven må ha rett til spesialundervisning etter Opplæringslova 5-1. Søkjar har rett til inntak til det særskilte utdanningsprogrammet på vidaregåande trinn 1 dersom søkjar har valt på grunnlag av, og i samsvar med den sakkunnige vurderinga. Søkjar si funksjonshemming/problem må vere vesentleg, og av ein slik karakter at han/ho har små føresetnader for å meistre andre kurs enn det som er ført opp som det særskilte prioriterte utdanningsprogrammet på vidaregåande trinn 1. Det trengst ei sakkunnig vurdering både med omsyn til søkjaren si funksjonshemming, og behov for tilrettelegging i den vidaregåande skolen. Det er situasjonen til søkjar når søknaden blir vurdert som skal leggjast til grunn. Opplæringsavdelinga tek inn søkjarane til særskilt utdanningsprogram på vidaregåande trinn 1, på grunnlag av den sakkunnige vurderinga. Ved innbyrdes konkurranse mellom søkjarar innanfor ein fastsett kvote til eit kurs, må Opplæringsavdelinga prioritere dei søkjarane som har størst behov. Ved søknad må det leggjast ved ny sakkunnig vurdering frå PPT for grunnskolen eller OT/PPT for vidaregåande skole. 67

2 Søknad om inntak til opplæring ut over tre år. Elev som har rett til spesialundervisning (jfr. Opplæringslova 5-1, 1. ledd), har rett til vidaregåande opplæring i inntil to år ekstra når eleven treng det i forhold til opplæringsmåla for den enkelte. Før fylkeskommunen gjer vedtak, skal det liggje føre sakkunnig vurdering av dei særlege behova eleven har. Retten gjeld også elevar som har rett til opplæring i og på teiknspråk etter Opplæringslova 3-9 eller rett til opplæring i punktskrift etter Opplæringslova 3-10 (jfr. Opplæringslova 3-1, 5. ledd). Ved søknad må det leggjast ved ny sakkunnig vurdering frå OT/PPT for vidaregåande skole. Søknad om inntak til vidaregåande trinn 2/vidaregåande kurs II, på grunnlag av individuell vurdering, for elevar med behov for spesialundervisning og som ikkje har vurdering med karakter frå vidaregåande trinn 1/vidaregåande kurs I. Søkjar med behov for spesialundervisning og som ikkje har vurdering med karakter frå vidaregåande trinn 1/ vidaregåande kurs I, skal takast inn på grunnlag av individuell vurdering. Det skal gjerast ei heilskapsvurdering som også legg vekt på sakkunnig vurdering, og søkjaren si prioritering. Søkjar skal takast inn på vidaregåande trinn 2/vidaregåande kurs II som byggjer på det vidaregåande trinn 1/vidaregåande kurs I søkjaren har gjennomgått. Ved søknad må det leggjast ved ny sakkunnig vurdering. Søknad om inntak på grunnlag av behov for døvetolk. (jfr. Opplæringslova 3-9) Døve elevar har rett til å bruke tolk i ordinær skole. Det er viktig at skolane tidleg får melding om elevar som treng døvetolk. Desse elevane må derfor søkje inntak på særskilt grunnlag. Ved søknad må det leggjast ved ny dokumentasjon av eleven sine behov. Søknad om inntak for sterkt svaksynte og blinde elevar. (jfr. Opplæringslova 3-10) Sterkt svaksynte og blinde elevar har rett til nødvendig opplæring i punktskrift, og opplæring i bruk av nødvendige tekniske hjelpemiddel. Elevane har også rett til nødvendig opplæring i å ta seg fram på skolen, til og frå skolen og i heimemiljøet. Omfanget av opplæringa i tid og innhaldet i opplæringa blir fastsett i forskrift etter 3-2 og 3-4 i Opplæringslova. Før det blir gjort vedtak om slik opplæring, skal det liggje føre sakkunnig vurdering. Det er viktig at skolane tidleg får melding om sterkt svaksynte og blinde elevar. Desse elevane må derfor søkje inntak på særskilt grunnlag. Ved søknad må det leggjast ved ny dokumentasjon av eleven sine behov. Søknad om inntak på grunnlag av behov for fysisk tilrettelegging. Det er viktig at skolane tidleg får melding om elevar som har behov for fysisk tilrettelegging. Dette kan vere bygningsmessig tilrettelegging eller innkjøp av utstyr. Desse elevane må derfor søkje inntak på grunn av særskilt tilrettelegging. Ved søknad må det leggjast ved ny dokumentasjon av eleven sine behov. Søknad om inntak til Innleiande Vg1 for dei som ikkje er kvalifisert for inntak til eit særskilt prioritert utdanningsprogram på vidaregåande trinn 1. Dette gjeld elevar som treng tilrettelegging i grupper med redusert elevtal, men som ikkje har store nok tilretteleggingsbehov til at dei kvalifiserer for inntak til eit særskilt utdanningsprogram på vidaregåande trinn 1. Søknad om inntak til statlege spesialpedagogiske kompetansesentra Dette gjeld elevar som skal søkje inntak til statlege spesialpedagogiske kompetansesentra (t.d. Andebu kompetansesenter) Søknad skal sendast til Inntakskontoret med kopi til den aktuelle skolen. Søknad om inntak til kjøp av undervisningstenester frå andre instansar I heilt spesielle høve kan OT/PPT for vidaregåande skolar tilrå ei anna type opplæring enn på vidaregåande skole. Det kan komme tilråding om at fylkeskommunen gir slik opplæring gjennom kjøp av undervisningstenester frå andre instansar. Fylkeskommunen har ansvar for denne opplæringa. Vi gjer merksame på at elevane bruker av opplæringsretten når dei får slik opplæring betalt av fylkeskommunen. Søknadsskjemaet som skal nyttast er det same som for dei som søkjer inntak på særskilt grunnlag til vidaregåande opplæring. Søknadsfrist: 1. februar. Ved søknad om inntak må det leggjast ved sakkunnig vurdering frå OT/PPT for vidaregåande skolar. Programnamn Skolekode Kjøp av undervisningstenester

3 ?! Korleis skal eg gå fram når eg skal søkje? Du må fylle ut søknad på internett (eller på papir) og hake av for særskilt søknad. I tillegg må det sendast inn et spesielt skjema «Søknad om inntak på særskilt grunnlag til vidaregåande opplæring». Vi rår til at du tar kontakt med rådgjevar på skolen din, PPT for grunnskolen eller OT/PPT for vidaregåande skole for nærare informasjon. Skjema for inntak på særskilt grunnlag skal fyllast ut i tre eksemplar og skal sendast til: Inntakskontoret i Hordaland, Postboks 7900, 5020 Bergen Søknadsfrist: 1. februar 2007 Den sakkunnige vurderinga som skal leggjast ved søknaden (jfr. inntak til eit særskilt utdanningsprogram på vidaregåande trinn 1) Ved søknad om inntak til eit særskilt utdanningsprogram på vidaregåande trinn 1 skal det leggjast ved vurdering frå sakkunnig instans, som dokumenterer at eleven har behov for inntak etter Opplæringslova 3-1, 6. ledd. Sakkunnig instans er den pedagogisk-psykologiske tenesta. Den pedagogisk-psykologiske tenesta (PPT) må sjå til at det ligg føre tilstrekkeleg sakkunnig vurdering. Den sakkunnige vurderinga skal gjere greie for: det behovet søkjaren har for spesialundervisning dei problema som utgjer grunnlaget for søknaden dei føresetnader og moglegheiter søkjaren har for å meistre dei programområde han/ho har søkt, og grunngjeving for at det særskilt prioriterte utdanningsprogrammet på vidaregåande trinn 1 er tilrådd av den sakkunnige vurdering av om søkjaren eventuelt har føresetnader for å meistre andre utdanningsprogramm på vidaregåande trinn 1 enn det han/ho har ført opp som sitt primære val opplysningar om tidlegare tiltak og behov for tiltak i vidaregåande opplæring utviklingsmoglegheitene for søkjaren i det særskilt prioriterte utdanningsprogrammet på vidaregåande trinn 1 som han/ho har valt om ein reknar med at det kan bli behov for opplæring utover 3 år etter Opplæringslova 3-1, 5. ledd. Anna dokumentasjon som kan leggjast ved søknaden Ved søknad om inntak på særskilt grunnlag er det også viktig å leggje ved uttale som dokumenterer kva opplæringsbehov eleven har, og grunngjeving for inntak på særskilt grunnlag. I tillegg kan det leggjast ved uttale (attest/fråsegn) frå fagpersonell. Med fagpersonell meiner ein: pedagogisk personell medisinsk personell attføringspersonell miljøpersonell andre med relevant kunnskap og kompetanse om eleven Foreldre/føresette er ikkje sakkunnig, men dei har rett til å uttale seg, og då helst før innsøkjande instans sender inn søknaden. Inntakskontoret har i avgrensa grad tid til å kontakte søkjar/innsøkjande instans for å hente inn tilleggsopplysningar. Det er difor søkjar/innsøkjande instans som må syte for, og har ansvaret for at nødvendige og tilstrekkelege opplysningar følgjer søknaden ved innsending. Alle opplysningar om utdanning, praksis og tilhøve som gjer at søkjar ber om elevplass utanom poengreglane, må vere dokumenterte i søknaden. Opplysningar som ikkje er dokumenterte eller er ufullstendige, vil til vanleg ikkje bli tatt omsyn til under saksbehandlinga. Dette gjeld også vedlegg som eventuelt blir sendt inn etter at søknaden er levert. Dokumentasjonen må vere grundig og av nyare dato. Utdanning skal dokumenterast ved kopi av vitnemål frå grunnskolen, og kopi av kompetansebevis og/eller terminkarakter for inneverande skoleår. Søknadsfrist Søknadsfristen for inntak på særskilt grunnlag er 1. februar Av omsyn til saksbehandlinga er det viktig at fristen blir halden. For eventuelle søknader som blir sendt inn etter fristen må det leggjast ved særleg grunngjeving for den seine innsendinga. Spørsmål i samband med inntak på særskilt grunnlag kan rettast til Inntakskontoret (tlf ), eller OT/PPT (tlf ) 69

4 ?! Korleis kan opplæringa for elevar med særlege opplæringsbehov organiserast? Innhaldet i undervisninga vil variere i høve til eleven sine behov og interessefelt. Den vidaregåande opplæringa skal føre fram til studiekompetanse, yrkeskompetanse eller kompetanse på lågare nivå (jfr. Opplæringslova 3-3). Studiekompetanse eller yrkeskompetanse Ved fullført og bestått tre års vidaregåande opplæring eller fag-/sveinebrev etter godkjende læreplanar vil ein få studie- eller yrkeskompetanse. Kompetanse på lågare nivå. Ein del ungdomar vil, av ulike årsaker, vanskeleg kunne nå målet om full kompetanse. Med kompetanse på lågare nivå meiner vi at eleven, etter avtale, får opplæring i einskilde delar av fag etter gjeldande læreplan. For ein elev som skal ha tilbod om kompetanse på lågare nivå skal det utarbeidast individuell opplæringsplan. På den måten skal eleven sikrast eit kvalitativt dokumentert tilrettelagt opplæringstilbod. Eleven sitt behov for tid, og dei til ei kvar tid gjeldande reglar, vil vere styrande for kor lang tid opplæringa kan strekkje seg over. I kompetansebeviset vil ein sjå kva mål i læreplanen som er gjennomført og bestått. Dette dokumentet er gyldig med omsyn til vidare påbygging seinare. Kompetanse på lågare nivå skal kunne tilretteleggjast i alle fag og ved alle skolar. Undervisninga kan bli gitt på ulike måtar: Undervisning i eigne tilrettelagde tilbod. Kombinert opplegg med undervisning i eigne tilrettelagde tilbod nokre vekedagar, og opplæring i samband med utplassering på arbeidsplass andre vekedagar. Kombinert opplegg med undervisning i eigne tilrettelagde tilbod og ordinære utdanningsprogram innan vidaregåande trinn 1. Eiga opplæring (utanom ordinær fagplan) i ordinære utdanningsprogram innan vidaregåande trinn 1. Undervisning i og på teiknspråk. Undervisning i punktskrift. Eventuelle andre opplæringstilbod Vi rår til at grunnskolen og PPT for grunnskolen tar kontakt med den aktuelle vidaregåande skole, og eventuelt OT/PPT for vidaregåande skole, for å drøfte opplæringstilbod for søkjaren. Tilrettelagde tilbod (for dei som søkjer på særskilt grunnlag) Desse tilboda er spesielt tilrettelagt for dei som søkjer inntak på særskilt grunnlag. Dei er meint for elevar som har fått særskilt tilrettelagt opplæring i grunnskolen, og som treng så omfattande tilrettelegging at dei vanskeleg kan dra nytte av tilbod i eit ordinært utdanningsprogram innan vidaregåande trinn 1. Det låge elevtalet i gruppene, gjer det mogleg å gjennomføre individuelle undervisningsopplegg. Enkelte grupper med redusert elevtal vil gå over fleire år. Opplæringa skal knytast til eitt eller fleire utdaningsprogram. Elevar som får undervisning etter ein tilpassa plan får eige kompetansebevis der det går fram kva fag/emne det er gitt opplæring i. Slikt kompetansebevis gir ikkje grunnlag for inntak til vidaregåande trinn 2. Eleven kan eventuelt søkje inntak i eit ordinært utdanningsprogram på vidaregåande trinn 1 etter å ha gått i gruppe med redusert elevtal, eller halde fram i gruppe med redusert elevtal over fleire år. Opplæring i mindre grupper Kvardagslivstrening/Arbeidstrening (4-6 elevar i kvar basisgruppe) Opplæringa er tilrettelagt for elevar med store hjelpebehov. Målet er å trene elevane til å meistre ein framtidig tilrettelagt arbeids-, bu- og fritidssituasjon, og opplæringa skal kvalifisere for eit sjølvstendig liv med minst mogleg hjelp. Opplæringa er tilpassa den einskilde elev og det vil bli utarbeidd individuelle opplæringsplanar for kvar elev. Vurderinga av elevane blir gjort opp mot måla i den individuelle opplæringsplanen og den sakkunnige vurderinga. Elevane skal få høve til å delta i aktivitetar utanfor gruppa, saman med andre elevar. Elevane har ulike føresetnader og ulike mål for utdanninga. For nokre elevar vil det difor vere aktuelt å bli utplassert i tilrettelagt arbeid på ein ordinær arbeidsplass eller ei vekstbedrift. For andre, som til dømes skal ha ein plass på eit dagsenter etter avslutta vidaregåande opplæring, kan det vere aktuelt å trene på daglege gjeremål på skolen. 70

5 På nokre av dei større skolane finst det både kvardagslivs- og arbeidstreningsgrupper. I arbeidstreningsgruppene får elevane grunnleggjande praktisk opplæring som førebur dei til framtidig arbeid. I tillegg får dei tilrettelagt opplæring i sentrale allmennfag. Fylkeskommunen gjer avtaler med vekstbedriftene om kartlegging av arbeidsevne og hospitering/utprøving for elevar i desse gruppene. Skolane og OT/PPT har eit forpliktande samarbeid med NAV-kontorene om overgangen frå skole til arbeidsliv/dagsenter. Kvardagslivstrening Askøy videregående skole Austreim vidaregåande skule Bergen Tekniske fagskole Bømlo vidaregåande skule Fusa vidaregåande skule Kvinnherad vidaregåande skule Laksevåg videregående skole Odda vidaregåande skule Olsvikåsen videregående skole Os vidaregåande skule Rogne vidaregåande skule Stend vidaregåande skule Sotra vidaregåande skule, avd. Sund Stord vidaregåande skule U. PIihl videregående skole Øystese gymnas Åsane videregående skole Arbeidstrening Askøy videregående skole Austrheim vidaregåande skule Bergen Tekniske fagskole Fyllingsdalen videregående skole Kvinnherad vidaregåande skule Laksevåg videregående skole Osterøy vidaregåande skule Stend vidaregåande skule Stord vidaregåande skule Øystese gymnas Innleiande Vg1 (8-10 elevar i kvar basisgruppe) Desse gruppene vil passe for elevar som ikkje er klar til å følgje opplæringstilbodet på ordinære vidaregåande trinn 1, eller elevar som ønskjer ei meir praktisk retta opplæring. Læring gjennom praksis er ein sentral metode og det vert lagt stor vekt på sosial læring og anna trening for framtidig arbeid. Elevane kan bli utplassert i arbeidslivet. Målet for opplæringa kan vere yrkeskompetanse eller kompetanse på lågare nivå. For nokre elevar kan Innleiande Vg1 vere ein førebuing for seinare inntak til ordinært vidaregåande trinn 1. For andre kan det vere aktuelt å følgje gruppa i fleire år. Elevane som tek eitt eller fleire år i Innleiande Vg 1 kan få utvida opplæringsrett. Ved dei fleste skolane vil elevane få prøve seg innan eitt eller fleire av dei utdanningsprogramma skolen har tilbod om. På nokre av skolane kan opplæringa vere lagt opp slik at elevane berre får prøve seg innan eitt av utdanningsprogramma. Det vil bli utarbeidd individuelle opplæringsplanar for kvar enkelt elev. Elevane kan få vurdering med eller utan karakterar. Elevane får dokumenter kva modular frå fagplanen som er gjennomgått. Innleiande Vg1 BA-EL-TP Os vidaregåande skule Slåtthaug videregående skole Sotra vidaregåande skule,avd.bildøy

6 Innleiande Vg1 BA-TP Arna yrkesskule Laksevåg videregående skole Stord vidaregåande skule Innleiande Vg1 TP Fyllingsdalen videregående skole Norheimsund vidaregåande skule Rubbestadnes yrkesskule Innleiande Vg1, NA Hjeltnes gartnarskule Stend vidaregåande skule Voss jordbruksskule Innleiande NA, 3. år Voss jordbruksskule Innleiande Vg1 RM Sandsli videregående skole Innleiande Vg1 HS-RM Bømlo vidaregåande skule Fitjar vidaregåande skule Olsvikåsen videregående skole Rogne vidaregåande skule Sotra vidaregåande skule, avd. Bildøy Åsane videregående skole Innleiande Vg1 HS-NA-RM Fusa vidaregåande skule Innleiande Vg1 HS-NA-RM-TP Fiskarfagskulen i Austevoll Innleiande Vg1 HS-RM-SS Innleiande Vg1, HS-SS-BA-TP Askøy videregående skole Innleiande Vg1, SS Bjørgvin videregående skole Korleis skal eg søkje når eg har mindre tilretteleggingsbehov? Behov for nokre støttetimar i ordinær klasse kvalifiserar ikkje automatisk til rett til inntak på særskilt grunnlag. Dette gjeld også dersom det med enkle tekniske hjelpemidlar kan tilretteleggjast i klasserommet. Du vil som oftast ha fullstendig vitnemål frå ungdomsskolen, vidaregåande trinn 1 (1. året) eller vidaregåande kurs I (2. året - Reform '94), men har hatt differensieringstiltak og særskilde ressursar i tidlegare skolegang. Målet for den vidaregåande opplæringa er å følgje ordinær fagplan, men eleven har behov for tilrettelegging og støttetiltak for å nå målet (jfr. Opplæringslova 1-2). Er du ikkje kvalifisert for inntak på særskilt grunnlag, men har behov for mindre tilretteleggingstiltak bør du sende inn skjema «Melding om behov for tilrettelegging av undervisninga» i tillegg til å søkje ordinært inntak. Ta kontakt med rådgjevar på skolen din for nærare informasjon. Skjema «Melding om behov for tilrettelegging av undervisninga» er berre eit overføringsskjema til den skolen du skal gå på neste skoleår. Det gir ikkje prioritering ved ordinært inntak. Elevgruppa tevlar på ordinær måte ved inntak til det aktuelle programmområdet. Skjema for melding om behov for tilrettelegging skal fyllast ut i to eksemplar og sendast til: Inntakskontoret i Hordaland, Postboks 7900, 5020 Bergen Søknadsfrist: 1. mars