saksframlegg Dato: Referanse: Vår saksbehandlar: 12.03.2015 16254/2015 Robert Løvik Saksnr Utval Møtedato Fylkesutvalet 23.03.2015 Oppnemning av eksterne styremedlemer til Høgskolen i Volda Bakgrunn Gjennom forvaltningsreforma i 2010 fekk fylkeskommunane ansvar for å oppnemne to av dei fire eksterne styremedlemene ved dei statlege høgskolane. Tidlegare oppnemnte Kunnskapsdepartementet (KD) som hovudregel dei fire eksterne styremedlemene ved dei statlige høgskolane. Endringa vart grunngjeve med at høgskolane har oppgåver som regionale utviklingsaktørar, og det er ønskjeleg å knytte kunnskaps- og forskingsmiljø regionalt nærare opp til det regionale politiske nivået. Universitets- og høyskoleloven blei på denne bakgrunn endra i tråd med forslag i Ot.prp. nr. 10 (2008-2009) om endringar i forvaltningslovgivinga, jf. universitetsog høyskoleloven 9-4, sjette ledd: Forslag til eksterne styremedlemmer og varamedlemmerfor disse, fremmes av institusjonens styre. Det samme gjelder forslag til styreleder når rektor er ansatt. For kunsthøyskolene fremmes forslag av høyskolens styre og av Norsk kulturråd. Sametinget oppnevner på fritt grunnlag to av de eksterne styremedlemmene og personlige varamedlemmerfor disse ved Samisk høyskole. Fylkeskommunene oppnevner på fritt grunnlag to av de eksterne styremedlemmene og personlige varamedlemmer for disse ved de øvrige statlige høyskolene. Departementet oppnevner på fritt grunnlag øvrige eksterne medlemmer og personlige varamedlemmerfor disse for fire år. For institusjoner som har ansatt rektor, utpeker departementet styreleder blant de eksterne medlemmene, jf. 9-3. Høgskolelova sin 9-4, niande ledd, slår fast at krava i likestillingslova 21 om representasjon av begge kjønn skal vere oppfylt. Medlemer til institusjonane sine styre blir normalt valt for fire år, og inneverande styreperiode ved dei statlege høgskolane går fram til 31. juli 2015. KD har i brev datert 21. januar 2015 sendt ei oversikt over kva institusjonar den enkelte fylkeskommune skal oppnemne styremedlemer til. For Møre og Romsdal
fylkeskommune gjeld dette i utgangspunktet Høgskolen i Volda og Høgskolen i Ålesund. Høgskolen i Molde er ikkje på lista, det skuldast at vitskaplege høgskolar er unntatt frå denne oppnemningsordninga. KD ber i same brev om at dei blir informert om fylkeskommunane sine oppnemningar innan 15. april 2015. Departementet gir i brevet også følgjande presisering: At dei eksterne styremedlemene oppnevnes på fritt grunnlag betyr at også andre aktuelle kandidater enn de nominerte fra institusjonene kan vurderes for vervene. I brev frå KD 13. februar 2015 blir det meldt at på grunn av arbeidet med strukturen i universitets- og høyskolesektoren ønskjer Høgskolen i Ålesund at styreperioden blir forlenga, og departementet forlenger denne til 31. desember 2015. Dermed skal Møre og Romsdal fylkeskommune no berre oppnemne til styret for Høgskolen i Volda. Fylkestinget vedtok i sak T-73/09 at fylkesutvalet får delegert fylkestinget sitt mynde til å oppnemne eksterne styremedlemer ved høgskolane. Forslag til styremedlemer frå styret ved Høgskolen i Volda Høgskolane er i brev frå KD datert 19. januar 2015 bedne om å legge fram forslag på 12 personar, 6 kvinner og 6 menn, til departementet, med kopi til fylkeskommunen. Fristen vart sett til 1. mars 2015. Styret for Høgskolen i Volda har vedteke å nominere følgjande kandidatar til eksterne styremedlemmar for perioden 2015-2019: Kristin Barstad Åslaug Krogsæter Ingrid Opedal Sølvi Lillebø Remøy Wenche Solheim Kristin Marie Sørheim Petter Bjørdal Endre Brunstad Martin Andreas Foldal Terje Heggem Rune Johan Krumsvik Håvard Teigen For meir informasjon om kandidatane, sjå vedlegg. Ansvar og oppgåver for styremedlemer KD understrekar i sitt brev av 19. januar 2015 om oppnemning av eksterne styremedlemer, styret si overordna og strategiske rolle for utviklinga av institusjonen, og styret sitt sjølvstendige ansvar for strategiutvikling og planlegging.
KD presiserer vidare at målet med å oppnemne eksterne styremedlemer, er å tilføre styra eit breiare spekter av kompetanse og erfaring, med impulsar frå næringsliv og kultur- og samfunnsliv. Den eksterne representasjonen skal på bredt grunnlag ivareta samfunnet sine interesser, og bidra til å styrke samspelet mellom institusjonane og sentrale brukar- og interessegrupper. Kapittel 9-1 i høgskolelova omhandlar styret sitt ansvar for institusjonen si verksemd: Styret er det øverste organet ved institusjonen. Det har ansvar for at den faglige virksomheten holder høy kvalitet og for at institusjonene drives effektivt og i overensstemmelse med de lover, forskrifter og regler som gjelder, og de rammer og mål som gis av overordnet myndighet. Høgskolelova sin 9-2 tek opp styret sine oppgåver: (1) Styret skal trekke opp strategien for institusjonens utdannings- og forskningsvirksomhet og annen faglig virksomhet og legge planer for den faglige utvikling i samsvar med de mål som er gitt av overordnet myndighet for sektoren og institusjonen. (2) Styret skal fastsette mål og resultatkrav og har ansvaret for at institusjonens økonomiske ressurser og eiendom disponeres i overensstemmelse med bestemmelser om dette gitt av overordnet myndighet, og etter forutsetninger for tildelte bevilgninger eller andre bindende vedtak. (3) Styret skal føre tilsyn med den daglige ledelse av virksomheten. Styret skal fastsette instruks for institusjonens daglige ledelse. (4) Styret selv fastsetter virksomhetens interne organisering på alle nivåer. Organiseringen må sikre at studentene og de ansatte blir hørt. (5) Styret skal hvert år, etter nærmere retningslinjer gitt av departementet, avgi årsregnskap med redegjørelse for resultatene av virksomheten og legge frem forslag til budsjett for kommende år. (6) Det skal i størst mulig grad være åpenhet om styrets arbeid. Vurdering Høgskolane er i ein situasjon med aukande konkurranse om studentar, vitskapleg personale, studieplassfinansiering og forskingsfinansiering. Det pågår ei strukturendring med endra posisjonering i høgare utdanning. Å utvikle praksisnære utdanningar og forsking på høgskolens fokusområde, og å utvikle forpliktande samarbeid mellom høgskolane er viktige strategiske grep. Etter fylkesrådmannen si vurdering må viktige kriteria for fylkeskommunen si oppnemning av styremedlemer vere at dei er sterke på faglege kjerneområde i høgskolen, dette for å styrke praksisnær utvikling. Dei må ha gode strategiske evner, og evne til å sjå på tvers og sjå nye utviklingsmuligheiter for institusjonen. Høgskolane si utdanningsoppgåve og samfunnsansvar gjeld ikkje berre eige nærområde. Dette må etter fylkesrådmannen si vurdering og gjenspeglast i
styrerommet, slik at det i representasjonen frå fylket må leggast vekt på geografisk breidde. Styret er det øvste organet ved høgskolen. Styret har ansvaret for at den faglege verksemda held høg kvalitet, at institusjonen blir drive effektivt og i samsvar med dei lover, forskrifter og reglar som gjeld, og overordna statlege rammer og mål. Det er derfor viktig at styremedlemene har innsikt og erfaring til å ivareta styret sitt sjølvstendige ansvar for strategiutvikling og planlegging, og økonomisk effektiv drift i samsvar med lover og forskrifter. Fylkesrådmannen oppfattar at fylkeskommunen gjennom styreoppnemninga har fått høve til å kople regionalt samfunns- og arbeidsliv tettare på høgskolane, og auke dei regionale interessene sin innverknad i styra. Fylkesrådmannen vil derfor foreslå styremedlemer som både kan ivareta dei regionale interessene, og samstundes sikre høgskolane eit kompetent styre. Fylkesrådmannen legg fram slik forslag på medlemer og varamedlemer til styret ved Høgskolen i Volda: Medlem: Kristine Marie Sørheim Direktør Bioforsk Økologisk sidan 2010. Cand.med.vet. 1981 Norges veterinærhøgskole. Privatpraktiserande veterinær, distriktsveterinær, veterinærspesialist Fylkesveterinæren, spesialrådgjevar Norsk bonde- og småbrukarlag, distriktssjef Mattilsynet, gardbrukar. Ordførar Tingvoll 1999 2007, fylkestingsmedlem i Møre og Romsdal sidan 2007, nestleiar Norsk Bonde- og småbrukarlag (1992 95), leiar av regjeringsoppnemnt utval (tverrpolitisk inntekts-systemutval) og medlem i tre offentlege utval (Sandmannutvalet, Lokaldemokrati-kommisjonen, Økosystemtenesteutvalet), styremedlem Statens naturskadefond 2006 d.d. Varamedlem: Katrin Blomvik Direktør Stiftinga Geirangerfjorden Verdsarv, Norsk Fjordsenter, Geiranger. Siviløkonom 1998-2002, Norges Handelshøgskule i Bergen og hotelladministrasjon 1995 1997 Norges Hotellhøgskule i Stavanger. Prosjektleiar for verdsarvområdet Geirangerfjorden med omland, 2005 2009, Styremedlem ÅRIM (Ålesundsregionen Interkommunale Miljøselskap IKS), fagråd Innovasjon Norge. Medeigar/styremedlem/grynder Geiranger Sjokolade AS (avslutta 2014), medeigar/styremedlem/grynder emobility Geiranger AS 2014-. Medlem: Terje Heggem Adm. direktør i TIBE Reklame Holding og er utdanna Cand.mag frå UiO med faga statsvitenskap, offentleg rett og kommunikasjonssosiologi. Omfattande mediaerfaring (Aftenposten, Adresseavisen og Romsdals Budstikke). Styremedlem Istad Kraft 2005 11. Styremedlem i Møre og Romsdal Såkornfond frå 2007 og styreleiar for fondet frå 2014, styremedlem Høgskulen i Volda frå 2011 og har elles styreerfaring frå børsnoterte selskap, større industriselskap og mediebedrifter. Varamedlem: Trond Hjelseth Rektor ved Volda vidaregåande skule og er utdanna cand.polit i offentleg politikk og administrasjon. Han har erfaring som lærar, han har vore økonomi- og personalsjef i Studentskipnaden på Sunnmøre, han har vore avdelingssjef/ administrasjonssjef/ assisterande banksjef i Sparebank 1 Ørsta Volda, og har erfaring frå styrearbeid i ulike lokale selskap.
Forslag til vedtak: Fylkesutvalet vel følgjande to representantar med personlege vararepresentantar til styret ved Høgskolen i Volda, for perioden 01.08.2015-31.07.2019: - medlem: Kristine Marie Sørheim - varamedlem: Katrin Blomvik - medlem: Terje Heggem - varamedlem: Trond Hjelseth Ottar Brage Guttelvik fylkesrådmann Vedlegg 1 Statlige høyskoler nye styrer og oppnevning av eksterne styremedlemmer 2 Nye høyskolestyrer fra 1. august 2015 - nominering av eksterne styremedlemmer 3 Høgskolen i Volda - Nominering av eksterne styremedlemer