STRANDA KOMMUNE SAKSPAPIR SAKSGANG Styre, råd, utval Møtedato Saknr FAST UTVAL FOR PLANSAKER 06.08.2009 069/09 KOMMUNESTYRET 19.08.2009 078/09 FAST UTVAL FOR PLANSAKER 12.11.2009 100/09 FAST UTVAL FOR PLANSAKER 21.01.2010 003/10 KOMMUNESTYRET 17.02.2010 007/10 Saksansvarleg: Rådmann Ann Kristin Langeland Saksbehandlar: Astrid Eide Stavseng Arkiv: K2-L12 Arkivsaknr 09/1130 STRANDA EL. SERVICE - REGULERINGSENDRING RÅDMANNEN SI TILRÅDING TIL PLA 06.08.09: 1. Stranda kommune startar reguleringsendring på eigedom gnr. 53, bnr.218, Stranda El.service, med ytre avgrensing som vist på kart datert 08.07.2009. 2. Vedtaket er gjort i medhald av PBL 27-1.1. 06.08.2009 FAST UTVAL FOR PLANSAKER PLA-069/09 Tilråding til kommunestyret samrøystes: 1. Stranda kommune startar reguleringsendring på eigedom gnr. 53, bnr.218, Stranda El.service, med ytre avgrensing som vist på kart datert 08.07.2009. 2. Vedtaket er gjort i medhald av PBL 27-1.1. 19.08.2009 KOMMUNESTYRET KOM-078/09 Vedtak samrøystes : 1. Stranda kommune startar reguleringsendring på eigedom gnr. 53, bnr.218, Stranda El.service, med ytre avgrensing som vist på kart datert 08.07.2009. 2. Vedtaket er gjort i medhald av PBL 27-1.1. SAKSUTGREIING
Bakgrunn for saka Storfjord Snikkarservice AS har på vegne av Stranda El.service i søknad av 24.03.09 søkt om bruksendring og etablering av to bustader i 2. etasje på gbnr. 53/218. I tillegg var det søkt om etablering av tilbygg for garasjer og parkering på eigedomen. I vedtak om rammeløyve til tiltaket, sak MK 048/09, inngår ikkje tilbygg for garasjar og parkering mellom bygg og Storgata. Dette er begrunna med at tiltaket vil vere i strid med gjeldande reguleringsplan, og vil krevje ei eiga avklaring. Saksopplysningar I gjeldande reguleringsplan for Stranda sentrum (2002) viser det planlagde arealet for garasje/privat parkering offentleg p-areal. Bygging av garasje/privat parkering vil dermed vere i strid med gjeldande plan. Kommunen har også motteke tilbakemelding frå plansakshandsamar ved Møre og Romsdal fylke at tiltaket vil vere av ein slik art at det må gjerast ei reguleringsendring på det aktuelle arealet. Offentleg p-areal vist i planen ligg i tillegg inn på gbnr. 53/201 i aust, og det kan ein no rette opp slik at føremål byggeområde vil gå inntil nabogrensa i aust. Det kan også vere aktuelt å gjere mindre justeringar inn mot riksvegen, i tråd med sentrumsplanen. Vidare vil det vere aktuelt å korrigere gjeldande reguleringsføresegner noko, med omsyn til utforming av sjølve bygget. Vedlagt saka ligg utsnitt frå dagens reguleringsplan, samt eit omriss som syner planavgrensing ved oppstart av reguleringsendring. Vurdering Då reguleringsplanen vart godkjend i 2002 var det større forretningsverksemd og generelt høgare aktivitet i dette området langs Storgata enn det er i dag. Fleire av handelsverksemdene har flytta lengre ned i sentrum eller det har skjedd andre endringar, og behovet for offentleg p-areal er ikkje lenger til stades i så stor grad som tidlegare. Ein har no også høve til å korrigere både plankart og føresegner i høve til dagens situasjon. Tiltakshavar vil måtte pårekne å bidra til å dekkje kostnadane ved utarbeiding av reguleringsplanen. Administrasjonen rår med dette til at reguleringsendring på området for Stranda El.service vert starta opp. Vedlegg i saka: Dok.dato Tittel Dok.ID 08.07.2009 GJELDANDE REGULERINGSPLAN 88023 08.07.2009 PLANOMRISS VED OPPSTART 88024 10.07.2009 SØKNAD STORFJORD SNIKKARSERVICE 88088 Aktuelle lover, forskrifter, avtaler m.m. Plan- og bygningslova NYE OPPLYSNINGAR I SAKA RÅDMANNEN SI TILRÅDING TIL PLA 12.11.09:
1. Reguleringsendring Stranda El.service med plankart og planomtale/føresegner datert 30.10.09, vert lagt ut til offentleg ettersyn i tida 16.11. 28.12.09. 2. Vedtaket er gjort i medhald av PBL 12-10. 12.11.2009 FAST UTVAL FOR PLANSAKER PLA-100/09 Vedtak samrøystes: 1. Reguleringsendring Stranda El.service med plankart og planomtale/føresegner datert 30.10.09, vert lagt ut til offentleg ettersyn i tida 16.11. 28.12.09. 2. Vedtaket er gjort i medhald av PBL 12-10. Saksutgreiing: Reguleringsendring for Stranda El.service vart oppstarta med vedtak i KOM 19.08.09, med påfølgjande kunngjering. Frist for å kome med innspel/merknader til oppstartmeldinga var innan utgangen av september (30 dg.). Kommunen mottok følgjande to merknader: Merknad nr. 1, dok. 4 Statens vegvesen Region Midt SVV viser til varsel om oppstart av reguleringsendring datert 28.08.09, der føremålet med reguleringsendringa i hovudsak er omregulering frå offentleg p-areal til privat parkering/garasje i samband med bruksendring. Det er i dag vinkelrett parkering framfor bygget på eigedommen. I gjeldande reguleringsplan er det teikna inn fortau langs vegen og plassar for langsgåande parkering, medan det på austsida av bygget er ein offentleg parkeringsplass. Det er ein føresetnad frå SVV si side at hovudtrekka i løysinga mot rv.60 blir oppretthalde. SVV vil vurdere å fremje motsegn dersom planen legg opp til vinkelrett parkering mot riksvegen og som ikkje legg opp til ei heilskapleg fortausløysing langs nordsida av vegen. Når det gjeld arealet for parkering og garasjar aust for bygget, må det regulerast inn tilstrekkjeleg snuplass for å unngå rygging ut på riksvegen. Ved bruksendring til bustader i 2. etasje, ber SVV elles om at det vurderast å nytte privat veg på nordsida som tilkomst til desse. Merknad nr. 2, dok. 5 Møre og Romsdal fylke MR fylke minner om utgreiingskrava i ny plan og bygningslov kap. 4. Dersom planen medfører vesentlege verknader for miljø eller samfunn, eller utgjere vesentleg avvik frå overordna plan, vil det føreligge krav om planprogram og konsekvensutgreiing. Kommunen bør ta ei vurdering om behov for eventuelle utgreiingar i forkant av kunngjering av oppstart. Planomtale og ROS-analyse skal føreligge ved offentleg ettersyn. MR fylke har elles ingen merknad til melding om oppstart av planarbeidet. Vurdering: Dei innkomne merknadane til oppstartmeldinga vert vurdert under: Merknad nr. 1, dok. 4 Statens vegvesen Region Midt
Statens vegvesen viser til dagens situasjon der det er vinkelrett parkering framfor bygget på eigedommen. SVV ser det som ein føresetnad at dei trafikk- og parkeringsløysingane som reguleringsplanen syner langs riksvegen, blir ivaretekne. Vidare seier SVV at prinsippa i gjeldande reguleringsplan med langsgåande parkering og fortau langs riksvegen må ivaretakast, og at ein må unngå ei løysing der bilar må rygge ut i riksvegen frå eigedommen. SVV ber også om at ein vurderer ein tilkomst til garasjeanlegget frå nordsida. I framlegg til reguleringsendring vert prinsippa i reguleringsplan for Stranda sentrum tekne i vare når det gjeld samanhengande fortausløysing langs riksvegen. Det vert her lagt opp til eit nedsenka, overkøyrbart fortau i avkøyrsla til eigedommen. Areal for langsgåande parkering er teke ut av planen, sidan ein ønskjer å vidareføre planløysinga i reguleringsplan for Stranda sentrum (1999). Inne på det private parkeringsarealet, PP1, er det planlagt tilstrekkjeleleg areal til at bilane vil kunne snu før dei køyrer ut i riksvegen. Vegvesenet ber kommunen vurdere ei tilkomstløysing til garasjeanlegget frå den private vegen nord for planområdet. Men med ei parkeringsløysing med tilstrekkjeleg snuareal inne på parkeringsarealet, vurderer ein dette som den beste løysinga samla sett, då det vil vere forholdsvis stor nivåforskjell med ein tilkomst frå nord. Merknad nr. 2, dok. 5 Møre og Romsdal fylke Møre og Romsdal fylke viser hovudsakleg til regelverk og krav ved utarbeiding av reguleringsplan. Planen er ikkje av ein slik karakter at den medfører vesentlege verknader for miljø eller samfunn eller utgjer vesentleg avvik frå overordna plan. Planomtale med ROS analyse og vurdering knytt til brann og ulykkesberedskap frå brannmesteren i kommunen ligg ved reguleringsplanen og føresegnene. Merknad teken til etterretning. Oppsummering framlegg til reguleringsendring: Føremålet med reguleringsendringa på område gard nr.53, bruk nr.218 er hovudsakleg omregulering frå offentleg p-areal til privat parkering og bygging av lager og garasje i tilknyting til eksisterande bygg i samband med bruksendring til bustader i 2. etasje. Reguleringsendringa vidarefører prinsippet med kombinert formål forretning/bustader. Ved gjennomføring av planen vil 1. etg. kunne innehalde forretning/kontor, samt lager i tilbygg nærmast dagens bygning, medan 2. etg. vil innehalde bustader, som i gjeldande reguleringsplan. Det vil ikkje vere høve til påbygg av loft. Taket skal vere flatt, mot tidlegare gjeldande føresegn der det var høve til å bygge på ei halvetasje, og der bygninga skulle utformast med mønetak med takvinkel min. 30 grader. Utnyttingsgraden er sett til % BYA = maks 80%. Garasjeanlegget er planlagt bygd nordaust i planområdet, og vil ha ein utnyttingsgrad %BYA = maks 60%. Dette gir parkering for 2 bilar. Ei bruksendring av 2. etasje til bustadformål, utløyser normalt krav om tilstrekkjeleg leikeareal (min. 15m 2 for kvar bustad). Tiltakshavar har søkt om dispensasjon på dette punktet, og viser til at Ringstad skule og Fløten park ligg i nærleiken av det omsøkte tiltaket.
Oppstillingsplassar på parkeringsplass og i garasje vil ikkje stette behovet for p-plassar som er sett i parkeringsvedtektene til kommunen. P-plassar må eventuelt frikjøpast frå det kommunale arealet langs riksvegen, eller løysast på anna vis, då ein no legg opp til tilsaman 6 p-plassar, medan det etter gjeldande vedtekter skal vere 8 p-plassar i tilknyting til eigedommen. Administrasjonen rår med dette til at reguleringsplanen med planomtale/føresegner blir lagt ut til offentleg ettersyn slik den no ligg føre. Vedlegg: Dok.dato Tittel Dok.ID 29.09.2009 MELDING OM OPPSTART AV PLANARBEID 90454 05.10.2009 MERKNADER: REGULERINGSENDRING GBN 53/218 I 90688 STORGATA - STRANDA EL SERVICE - FRÅSEGN OM MELDING OM OPPSTART 04.11.2009 PLANOMTALE STRANDA EL.SERVICE - HØYRING 91773 04.11.2009 STRANDA ELSERVICE REGULERING 041109 91772 03.11.2009 SJEKKLISTE ROS 91690 03.11.2009 VURDERING AV RISIKO OG SÅRBARHEIT OMRÅDE STORGATA 91689 NYE OPPLYSNINGAR I SAKA RÅDMANNEN SI TILRÅDING TIL PLA 21.01.2010: 1. Reguleringsplan for Stranda El.service, med plankart datert 30.10.09, sist revidert 07.01.2010 og føresegner datert 30.10.09, sist revidert 07.01.2010, vert eigengodkjend. 2. Vedtaket er gjort i medhald av PBL 12-12. 21.01.2010 FAST UTVAL FOR PLANSAKER PLA-003/10 tilråding til kommunestyret samrøystes: 1. Reguleringsplan for Stranda El.service, med plankart datert 30.10.09, sist revidert 07.01.2010 og føresegner datert 30.10.09, sist revidert 07.01.2010, vert eigengodkjend. 2. Vedtaket er gjort i medhald av PBL 12-12. 17.02.2010 KOMMUNESTYRET KOM-007/10 Vedtak samrøystes:
1. Reguleringsplan for Stranda El.service, med plankart datert 30.10.09, sist revidert 07.01.2010 og føresegner datert 30.10.09, sist revidert 07.01.2010, vert eigengodkjend. 2. Vedtaket er gjort i medhald av PBL 12-12. Saksutgreiing: Reguleringsendring for omr. Stranda El.service i reguleringsplan for Stranda sentrum låg ute til offentleg ettersyn i tida 16.11. 28.12.09. Det kom inn to merknader til høyringa som er scanna inn i dokumentet og vist under: Merknad nr. 1, dok. nr. 9 Statens Vegvesen: Merknad nr. 2, dok. nr. 10 Møre og Romsdal fylke: Vurdering: Merknad nr. 1, dok. nr. 9 Statens Vegvesen: Statens vegvesen har nokre merknader til planframlegget. For det første ber dei om at det blir teke inn eit punkt i reguleringsføresegna om at det skal etablerast kantstein mellom fortau og bakanforliggande areal for å unngå at fortauet vert nytta til parkering. Merknader er teken til følgje ved at dette er teke inn i føresegnene sitt punkt 4.2. For det andre viser SVV til at frisikta frå avkøyrsla er noko for kort. Dei ber om at dette vert retta opp ved å flytte avkøyrsla 2m lenger vest. Merknaden vert teken til følgje også på dette punktet. Konsekvensen av endringa er at ein av p- plassane langs rv. 60 fell bort. På ei anna side så vil det vere meir omfattande å skulle setje i verk tiltak i retning aust inn mot eigedom 53/201, der det er etablert mur på vest- og sørsida av eigedommen, samt at det står ein lyktestolpe på hjørnet. Eigar av Stranda El.service er orientert om
endringa i reguleringsplanen. Sjølv om ein av dei kommunale p plassane fell bort, vil krava til p- plassar for området samla sett kunne stettast. Merknad nr. 2, dok. nr. 10 Møre og Romsdal fylke: Merknaden vert teken til vitande. Oppsummering/konklusjon: I reguleringskartet er avkøyrsla justert 2m mot vest med omsyn til tilstrekkjeleg frisikt. Likeins er det gjort ei mindre korrigering i føresegnene knytt til overgangen mellom fortau og anna areal. Administrasjonen rår med dette til at reguleringsendring for området Stranda El.service vert godkjend, jf. PBL 12-12. Vedlegg: Dok.dato Tittel Dok.ID 23.12.2009 STRANDA EL. SERVICE - REGULERINGSENDRING - 93693 FRÅSEGN VED OFFENTLEG ETTERSYN 23.12.2009 REGULERINGSENDRING GBN 53/218 I STORGATA - 93700 FRÅSEGN VED OFFENTLEG ETTERSYN 08.01.2010 REGULERINGSPLAN 070110.PDF 93911 07.01.2010 REGULERINGSFØRESEGNER 070110.PDF 93881