Skal skal ikkje Har du ein draum om å driva Inn på tunet verksemd? Gjennom dette kapittelet i netthandboka får du tankehjelp og praktisk hjelp i dei første fasane mot etablering; frå draum til forretningsplan. Det startar gjerne med ein vag idé eller ein draum om å bruka interessene dine og kompetansen din på nye måtar på garden din. Drivkreftene kan vera mange. Definisjon av Inn på Tunet Inn på Tunet er tilrettelagte og kvalitetssikrede velferdstjenester på gårdsbruk. Tilbudet skal gi mestring, utvikling og trivsel for deltakerne. Gårdsbruk er en eiendom som benyttes til jord-, skog- eller hagebruk. Aktiviteten i tjenestetilbudet er knyttet opp til gården, livet og arbeidet der. www.innpaatunet.no Kva type tiltak passar for meg? Me er alle ulike. Dette viser seg i både handtering av oppgåver og i samhandling med andre menneske på. Det er viktig å bruka tid på å vurdera ulike målgrupper for ei etablering i tidleg fase. Målgruppe(r) kan veljast frå kjøpar sine behov, men målgrupper må også passa med dine interesser for dei ulike gruppene. Samhandlingskompetanse er svært viktig i Inn på tunet verksemd. Du møter sårbare menneske i mange ulike fasar og situasjonar. Ditt møte med brukaren er avgjerande for denne si oppleving av kvalitet. Din måte og kommunisera på saman med ulike aldrar og type menneske bør vera med i tanken når du vurderer å starta eit tilbod. Familiesituasjonen har mykje og seia for drifta av tilbodet. Det er viktig at familien er involvert i planleggingsarbeidet og at drifta passar din familiesituasjon. Inn på tunet tilbod involverer ofte heile familien. Fagkompetanse kan vera ønskeleg eller nødvendig i arbeidet. Fleire og fleire tilbydarar startar opp tilbodet ut frå at dei sjølve har ein fagleg bakgrunn innanfor området. Ein del kjøpargrupper stiller krav om kompetanse innanfor eit fagfelt, men mange tilbod har ikkje dette i kravspesifikasjonen.
Interesser innanfor mange felt kan vera med å skapa det unike Inn på tunet tilbodet. Dette kan vera song og musikk, handverk, dans. Bruk interessene dine i utforming av tilbodet. Du er best når du gjer ting du likar! Andre eigenskaper og preferansar bør også telja med når du vurderer etablering av Inn på tunet tilbod. Eksempel: Kor uthaldande er du? Kva type menneske trivst du saman med? Kor mykje arbeid passar det for deg å leggja ned i tiltaket? Kva passar for min gard? Garden si fysiske utforming og grunnlag for aktivitet er også viktig når du skal finna eigna målgruppe(r) for etableringa di. Er garden flat eller bratt? Kva driftsform og innhald er det på garden i dag? Kva potensiale ser du? Det unike tilbodet Kvar gard må tilby sitt særlege tilbod ut frå eigenskaper, garden sitt potensiale og behov for tenestene. Bygg opp ditt tilbod, og kopier ikkje andre sine vellukka tiltak. På deg sjølv kjenner du ingen andre. Ein god Inn på tunet bonde er ein sosial entreprenør, men fokus på å handtera ei samfunnsutfordring på garden sin. Les meir om sosialt entreprenørskap i denne handlingsplanen. Det er eit kapittel om inn på tunet i denne planen. http://sosialtentreprenorskap.com/2012/04/handlingsplan-for-sosialtentreprenorskap/ Forretningsplanen Når du startar arbeidet med forretningsplan har du truleg tatt ei avgjerd om at du ynskjer å starta Inn på tunet verksemd. No er du på terskelen til oppstarts- og driftsfasen. Både store og små verksemder treng forretningsplan! Gjennom arbeid med forretningsplan får du tenkt gjennom sentrale spørsmål omkring det du ynskjer og etablera og utvikla. Du vil også i vidare arbeid ha nytte av ein god plan; eit aktivt planleggingsdokument som kan justerast og endrast etter behov.
Du finn mykje informasjon og mange malar til forretningsplan på Internett. Den du får presentert her gjev deg viktige spørsmål du må ta stilling til i etablering og utvikling av verksemda di og er i noko grad tilpassa Inn på tunet verksemder. Forretningsplanen må tilpassast den einskilde verksemda! (vedlegg 1) Kurs, hjelp og støtte i «skal skal ikkje» - fasen. Ta kontakt med Fylkesmannen i fylket ditt eller næringsrådgjevingstenesta i kommunen din for å koma i kontakt med tilbydarnettverk og institusjonar som kan gje deg kurs, hjelp og støtte. Det finst opplæringstilbod innanfor ulike satsingsområde; frå korte kurs til studiar.
Vedlegg 1 Forretningsplan Både store og små verksemder treng forretningsplan. Gjennom arbeid med forretningsplan får du tenkt gjennom sentrale spørsmål omkring det du ynskjer og etablera og utvikla. Du vil også i vidare arbeid ha nytte av ein god plan; eit aktivt planleggingsdokument som kan justerast og endrast etter behov. Du finn mykje informasjon og mange malar til forretningsplan på Internett. Den du får presentert her gjev deg viktige spørsmål du må ta stilling til i etablering og utvikling av verksemda di. Forretningsplanen må tilpassast den einskile verksemda! Forretningsplanen bør ikkje vera eit tjukt hefte. Hovudmålet med planen er å verta bevisst på ideen din og korleis du kan realisera han. Arbeidet med planen er ein utviklingsprosess. Forretningsplan vert også nytta ved søknad om finansiering av tiltak. Dei vanlegaste punkta i forretningsplanen: (denne lista er retta inn mot mindre etableringar) Innleiing Innleiing Forretningsidé Produkt/teneste og produksjon Marknaden Marknadsstrategi / marknadsplan Økonomi og budsjett Kapitalbehov og finansiering Organisering og administrasjon av verksemda Handlingsplan Her skriv du kort om bakgrunnen for at du ynskjer å etablera tiltaket, kva du skal gjera og kva behov tenestene dine dekkar i marknaden. Kort informasjon om deg sjølv og garden Kontaktinformasjon Forretningsidé Forretningsideen skal formulerast kort og konkret og fortelja kva overordna behov tenestene dine skal dekka, kven som er hovudmålgruppa og kva som set deg i stand til å dekka behovet. Forretningsideen bør vera såpass ambisiøs at du har noko å strekka deg etter. Ein god forretningsidé er visjonær og vert formidla enkelt og konkret. (Visjon: Mentale bilete av ei ynskt framtid frå «Sammen om visjoner» av Marjorie Parker)
Produkt/teneste og produksjon Her skriv du kort kva teneste(r) verksemda di skal levera. Du kan også skriva kort om tenesteproduksjonen (innhald og organisering). Dette er særleg viktig der du leverer tenester som er knytt opp mot lovverk, læreplanar eller andre offentlege retningsliner. Marknaden Det er viktig og vita noko om marknaden for tenestene dine. Kunnskap om dette kan du få ved å gjennomføra ei marknadsundersøking. Det kan gjerast gjennom telefon, besøk eller skriftleg. Innanfor dette punktet skal du også seia noko om kva geografisk område du ynskjer å arbeida innafor, kor stor marknaden er og korleis du tenkjer at marknaden vil utvikla seg. Kven er kundane dine? (Her skal du tenkja kjøpar og ikkje brukar.)kva er viktig for dei ved kjøp av tenester? Kven er konkurrentane dine og kva er deira fortrinn.? (Alle har konkurrentar.) Marknadsstrategi/marknadsplan Strategien din handlar om kva retning du skal velja for å få kundar. For og laga gode strategiar er det viktig at du er klar på kva som er dei sterke sidene dine og kva du må vidareutvikla. Korleis skal eg nå fram til kundane mine? Lag ein enkel marknadsplan, der du skisserer ulike måtar å nå fram til kundar på (Internett, møte, telefonar, trykksaker..) Økonomi og budsjett Resultatbudsjett. Her kan du planlegga inntekter og utgifter i etableringsfasen. Tenk gjerne i ein treårsperiode. Du kan også laga eigne salsbudsjett og likviditetsbudsjett etter behov. Kapitalbehov og finansiering Kva investeringar treng du for å koma i gang? Korleis vil du finansiera dette? Organisering og administrasjon av verksemda Her skriv du kort om korleis du vil organisera og administrera verksemda. Handlingsplan Handlingsplanen fortel konkret og detaljert om sentrale arbeidsoppgåver i etableringsfasen. Handlingsplanen bør førast i eit skjema med overskriftene kva (oppgåver), kvifor (mål), kven (ansvar) og kva tid (frister) Kjelde: https://www.altinn.no/no/starte-og-drive-bedrift/forberede/planlegge/forretningsplan/