Interkommunalt samarbeid Kommunegeolog Deltakarkommunar: Kvam (HST-106/11), Fusa kommune (KOM-036/11), Ullensvang herad (HST-047/12), Masfjorden kommune (FS-051/12), Modalen kommune, Ulvik herad, Jondal kommune (KOM- 052/12), Kvinnherad kommune, Eidfjord kommune (FSK-084/12) Støtta av Fylkesmannen i Hordaland Vår ref.: 12/50-58/N-860//TORDOL Arkiv: N-860 Dato: 31.01.2013
INTERKOMMUNAL KOMMUNEGEOLOG Side 1 av 15 Vår ref.: 12/50-58/N-860//TORDOL Arkiv: N-860 Dato: 31.01.2013 Kommunegeolog - årsrapport 2012 Innhaldsliste 1. Bakgrunn... 2 2. Mål for prosjektet... 3 3. Organisering... 4 4. Oppnådde resultat/arbeidsoppgåver... 5 4.1. Interkommunalt samarbeid... 5 4.2. Nettverk og kompetanse... 5 4.2.1. Kompetanse... 5 4.2.2. Internettside... 6 4.2.3. Informasjons-epostar... 6 4.3. Kartlegging og registrering... 6 4.3.1 Kommunedekkande hellingskart og dreneringskart... 6 4.3.2. ROS og skredvurdering på kommuneplannivå... 6 4.3.3. Skredvurdering i reguleringsplan- og byggesaksnivå... 7 4.3.4. Systematisering av skred- og flaumdata for kommunen... 7 4.4. Rådgjeving... 7 4.5. Fellesoppgåve for samarbeidande kommunar... 8 4.6. Arbeidsoppgåver i Kvam herad... 8 4.7. Arbeidsoppgåver i Fusa kommune... 9 4.8. Arbeidsoppgåver i Ullensvang herad... 9 4.9. Arbeidsoppgåver i Masfjorden kommune... 9 4.10. Arbeidsoppgåver i Modalen kommune... 9 4.11. Arbeidsoppgåver i Ulvik herad... 10 4.12. Arbeidsoppgåver i Jondal kommune... 10 4.13. Arbeidsoppgåver i Eidfjord kommune... 10 4.14. Arbeidsoppgåver i Kvinnherad kommune... 10 5. Økonomi... 11 5.1. Rekneskap... 11 5.2. Finansiering... 12 6. Sterke/svake sider ved samarbeidet og skredvurdering... 13 7. Oppsummering... 14 Versjon 1 fullført 31. januar 2013 Versjon 0 starta opp 9 januar 2013. Tore Dolvik, Kvam herad Bilde på framsida: Foto av steinsprang på Klyvevegen, Fykse, Kvam, 27. okt. 2008. Foto: Tore Dolvik Foto av ein ustabil blokk som vart tatt ned i Klyvevegen, Kvam, 1-3. nov. 2010. Foto: Tore Dolvik, 3. nov. 2010 Foto av vinterflaum på Kvamskogen 22. mars 2011. Foto: Tore Dolvik Foto av flaumskred i Håvik, Fusa (24. juli 2011; foto 31. aug. 2011). Foto: Tore Dolvik Foto av eit flytande hyttetak i Fresvik, Ullensvang (26. des. 2011; foto 5. jan. 2012). Foto. Tore Dolvik Foto av sikringsvollen i Aga, Ullensvang (foto 6. jan. 2012). Foto: Tore Dolvik Foto av eit flaumskred i Skjelvik, Odda (26. des. 2011; foto 5. jan. 2012). Foto: Tore Dolvik
INTERKOMMUNAL KOMMUNEGEOLOG Side 2 av 15 Vår ref.: 12/50-58/N-860//TORDOL Arkiv: N-860 Dato: 31.01.2013 NAMN: INTERKOMMUNAL KOMMUNEGEOLOG I HORDALAND Ansvarleg: Kvam herad ved Bjørn Vik, Grovagjelet 16, 5600 Norheimsund, bjvi@kvam.kommune.no, 56 55 31 Kommunegeolog: Tore Dolvik, Kvam herad, Grovagjelet 16, 5600 Norheimsund, tordol@kvam.kommune.no; 56 55 30 76 Start: 4.9.2012 1. BAKGRUNN Naturskadar som følgje av skred er og har vore eit dagsaktuelt tema. Kommunane har ansvar for at det ikkje vert planlagt eller bygd i flaum- og skredfarlege område. Mangel på kunnskap kan føre til at det vert bygd i flaum- og skredfarlege område. NIVI Rapport 2009:4 1, laga på oppdrag av KS, nemner at mange små kommunar kan mangle kompetanse og nødvendig kapasitet for å løyse lovpålagte tenester og at interkommunalt samarbeid kan framstå som ein viktig strategi. Ein får delt ressursane og kunnskapen mellom kommunane. Kvam herad har vore initiativtakar til fleire skredprosjekt sidan 2008. Til saman har 12 ulike kommunar i Hordaland vore med i eit skredprosjekt. Eit forprosjekt i Kvam i 2008 vart vidareført med eit 1-årig skredprosjekt i 2009 (9 deltakande kommunar + HFK) og eit 2-årig interkommunalt skredsamarbeid (9 samarbeidande kommunar og økonomisk støtte frå HFK, FMHO og KRD). Skredsamarbeidet vart avslutta med eit 2 dagars skredseminar med 65 påmelde frå 16 kommunar og 24 føretak (konsulentar, arkitektar, skredsikringsfirma, byggfirma med meir). I 2009 var desse kommunane med: Kvam, Fusa, Ullensvang, Ulvik, Granvin, Eidfjord Jondal, Osterøy og Vaksdal. Tilskot frå HFK partnar i kommuneplanlegging. I 2010 2011 var desse med: Kvam, Fusa, Ullensvang, Ulvik, Granvin, Jondal, Tysnes, Masfjorden og Modalen. Tilskot frå HFK partnar i kommuneplanlegging, FMHO og KRD. Kvam herad vedtok i heradstyre i 2011 (HST-106/11) at dei vil vidareføre skredsamarbeidet i ein fast ordning med ein fast tilsett kommunegeolog (1/1 stilling). Eit vilkår var at fleire kommunar vart med å delfinansiere kommunegeologen. Skred og flaum vert hovudoppgåvene i samarbeidet, men andre oppgåve der geologi kjem i bilde er ikkje utelukka (t.d. klima med meir). Kvam herad hadde eit infomøte den 9. mars 2012 der alle kommunane i Hordaland vart invitert. 7 kommunar, FM og HFK var representert. I mai-juni tok 7 kommunar saka opp politisk og fem kommunar sa ja til å vere med. Tre kommunar har administrativt sagt ja til å vere med. På grunn av ferie med meir, så tok det lenger tid enn håpa å få tilsendt signerte samarbeidsavtalar, men i slutten av august hadde 8 kommunar sendt inn avtalene og Kvam herad kunne ta på seg oppgåva med å vere vertskommune for ein interkommunalt samarbeid om ein kommunegeolog. 1 NIVI Rapport 2009:4 Regionrådene et verktøy for å møte kommunenes utfordringer? (http://www.nivianalyse.no/rapporter.html)
2. MÅL FOR PROSJEKTET Visjonen er eit tryggare lokalsamfunn. Målet er å: INTERKOMMUNAL KOMMUNEGEOLOG Side 3 av 15 styre arealbruken i kommunane gjennom regulering og byggesakshandsaming slik at ein unngår at nye bygg og anlegg hamner i flaum- og skredutsette område. gje kommunane rett kompetanse for å vere ein god støttespelar i saker som gjeld kartlegging og avklaring av farenivå i flaum- og skredutsette område for eksisterande og nye tiltak. Strategien er: eit langsiktig interkommunalt samarbeid ein kommunegeolog i 1/1 stilling Temaet er skred og flaum Kommunegeologen skal: drive med nettverks- og kompetansebygging jobbe med å få oversikt over skredfaren i kommunane rådgje kommunane og kommunane sine samarbeidspartar vere ein synleg kontaktperson for kommunane Meir om samarbeidet og kva kommunegeologen kan jobbe med kan ein lese i samarbeidsplanen som er vedlagt.
INTERKOMMUNAL KOMMUNEGEOLOG Side 4 av 15 3. ORGANISERING Kommunegeologen er etablert i ein 100 % stilling som rådgjevar. Kvam herad er arbeidsgivar og dermed vertskommune for samarbeidet. Samarbeidet er ein rein administrativt samarbeid (( 28 b i kommuneloven 2 ).). Dei andre deltakarkommunane har avtaler med Kvam herad om bruk av kommunegeologen. I følgje kommuneloven gjeld avtalen mellom kommunestyre i vertskommunen og samarbeidande kommune. Avtalen er bilateral og vertskommunen kan dermed ha ulike oppgåver delegert frå kvar enkelt samarbeidskommune. Fordeling av arbeidsoppgåver til kommunegeologen skjer lokalt i kvar kommune, og arbeidsmengda må stå i forhold til eigen finansieringsdel. Hovudoppgåvene til kommunegeologen er skissert i strategi (kap. 4) og tiltak (kap. 5) i samarbeidsplanen. Fellesskapet mellom kommunane vert organisert som eit nettverkssamarbeid med regelmessige møter om felles faglege diskusjonar etc. Rådmann, Kvam herad Samarbeidskommunar *Fusa Kjetil Koldal *Ullensvang - Kent G. Håkull *Masfjorden Terje Kallekleiv *Modalen - Inge Kårevik *Ulvik - Jarle Grevstad *Jondal - Trygve Vik *Kvinnherad - Anbjørn Høivik *Eidfjord - Gunnar Elnan avtalar info kontaktperson Teknisk eining Byggesak og geodata - Bjørn Vik Kommunegeolog info kontaktperson NVE Toralf Otnes (arealplan) m.fl. Fylkesmannen Inge Edvardsen (beredskap) m.fl Fylkeskommunen Jomar Ragnhildstveit (geolog) m.fl. Statens vegvesen NGU Konsulentføretak med meir *Organiseringa i Kvam herad og kontaktpersonar kan endre seg, men prinsippet vert det same. 2 Kommunelova - http://www.lovdata.no/all/hl-19920925-107.html
INTERKOMMUNAL KOMMUNEGEOLOG Side 5 av 15 4. OPPNÅDDE RESULTAT/ARBEIDSOPPGÅVER Sjølv om store deler av 2012 gjekk med til å starte opp samarbeidet, så vart det gjort ein del oppdrag for samarbeidande kommunar før samarbeidet var i boks. Dette kapittelet viser kva som er gjort i 2012, ut frå tiltakskapittelet i samarbeidsplanen (12/50-33) og opplisting for kvar samarbeidande kommune. 4.1. Interkommunalt samarbeid Det interkommunale samarbeidet var klart den 4. sep. 2012. Kvam herad tok då på seg å vere vertskommune for ein kommunegeolog. Kvam herad har samarbeidsavtale med åtte kommunar, sju av avtalane er langsiktige (minst 3 år), mens ein er for 2012. Dei ni kommunane som er med i samarbeidet er Kvam, Fusa, Ullensvang, Masfjorden, Modalen, Ulvik, Jondal, Eidfjord og Kvinnherad. Samarbeidet har fått tilskot frå Fylkesmannen i Hordaland (Skjønnsmidlar til omstilling og fornying). 4.2. Nettverk og kompetanse Kommunegeologen skal bygge og drive nettverket som er etablert gjennom fleire prosjekt sidan 2008 (jf. samarbeidsplanen 12-50/33). 4.2.1. Kompetanse Ved faglege spørsmål har kommunegeologen kontakta NVE, Hordaland fylkeskommune, Statens vegvesen, Bergen kommune med fleire ut i frå kva spørsmålet gjeld. Kommunegeologen har i tillegg fått faglege spørsmål tilbake som er prøvd svart på ut frå erfaringa i samarbeidande kommunar. I 2012 har kommunegeologen vore på 4 seminar, både for fagleg nytte, men òg for å byggje nettverk. 20. mars 2012 11. 13. apr. 2012 25. 26. apr. 2012 12. sep. 2012 Fjerby/Geobrygge presentasjon av skredsikring, Bergen DiBK - Byggesaksdagene, Storefjell Radonseminar, Lofthus (for Kvam herad) NVE Sikringsteknologisk samling, Lofthus I tillegg ordna kommunegeologen seg kursing av NGI når dei først var i Hordaland og faglege spørsmål til Multiconsult over ein lunsj når dei først var i heradet: 18. sep. 2012 12. nov. 2012 NGI, kurs - rekkevidde av skred, Lofthus Multiconsult skredvurdering, Kvam herad
INTERKOMMUNAL KOMMUNEGEOLOG Side 6 av 15 4.2.2. Internettside Internettsida www.kvam.no/kommunegeolog er operativ. 4.2.3. Informasjons-epostar Utanom invitasjon til fellesmøte og andre møter, så kan kommunegeologen sende ut informasjon som kan vere nyttig for samarbeidskommunane. Det vart ikkje sendt ut så mykje i 2012: 14. feb. NVE lanserte nytt skrednett og har starta opp med snøskredvarsling 19. apr. Tilskot frå fylkesmannen. OED Stortingsmelding 15: Hvordan leve med farene om flom og skred (12/50-12) 11. sep. Invitasjon til Workshop med NVE: Skredvifte 4.3. Kartlegging og registrering Kommunegeologen kan vurdere skredfaren på aktsemdnivå: kan det vere skredfare i område. Faresonekart, som viser til tryggleiksonene i byggteknisk forskrift (TEK 10) kan kommunegeologen ikkje utføre og må gjørast av eit føretak med skredvurderingskompetanse. 4.3.1 Kommunedekkande hellingskart og dreneringskart Det er i samarbeidet laga eit hellingskart og dreneringskart for heile kommunen i alle samarbeidande kommunar ut i frå ein landsdekkande 10x10m terrengmodell som kan lastast ned frå Norge Digitalt. Desse kartlaga er brukt av kommunegeologen til å analysere og vurdere om det kan vere skredfarleg i eit område. Av og til kan vurderinga gjørast under ein telefonsamtale, men som oftast må ein rekne med litt lenger tid. I nokre områder har det vore nødvendig å lage meir detaljerte hellingskart i analysen. 4.3.2. ROS og skredvurdering på kommuneplannivå Kommunegeologen har i 2012 gjort ROS- og skredvurderingar på kommuneplannivå for Modalen, Masfjorden, Ulvik og Kvinnherad. Det er laga notat som er arkivert i Kvam herad sitt arkiv (websak). 12/50-50 Masfjorden Kommuneplan Andvik 12/50-51 Ulvik Kommuneplan og ROS fleire område 12/50-52 Modalen Kommuneplan omsynssone for Mo og Øvre Helland 12/50-53 Masfjorden Kommuneplan Kvamme. Førebels konklusjon 12/50-55 Kvinnherad Kommunedelplan Skredvifte. Førebels konklusjon For Kvam herad har kommunegeologen laga to geologirapporter på overordna nivå for to reguleringsplaner (Håfjellstunnel og veg frå Fyksesund bru Steinstø). Statens vegvesen held no på med å lage ein geologirapport for Håfjellstunnelen på reguleringsnivå. 11/1202-26 Notat: Geologi - Håfjellstunnel 11/1201-22 Notat: Geologi - Fyksesund bru - Steinstø
INTERKOMMUNAL KOMMUNEGEOLOG Side 7 av 15 4.3.3. Skredvurdering i reguleringsplan- og byggesaksnivå Kommunegeologen har i 2012 vurdert om skredrapport er nødvendig for fleire område og tomtar i fleire samarbeidande kommunar. For nokre område er det laga notat som er arkivert i Kvam herad sitt arkiv (websak), andre er tatt på telefon eller epost utan å bli arkivert. For Kvam herad er det gjort vurderingar om flaum- og skredfare for eit titals tiltak. 12/50-7 Etne Skredfare og midlertidige vegar i hogstfelt 12/50-8 Jondal skredfarevurdering av privat hyttetomt (rapport nødvendig) 12/50-17 Modalen Reguleringsplan skredvurdering av Kvanndalen (rapport nødvendig) 12/50-21 Kvam Reguleringsplan Laupsakleiva (utbygging mogleg utan rapport, men rapport nødvendig for nokre område) 12/50-30 Kvam Delingssak Børvenes (35/144) (rapport nødvendig) 12/50-44 Kvam Byggesak Fosso (8/1) (rapport ikkje nødvendig) 12/50-45 Kvam Delingssak Fosso (8/2) (rapport ikkje nødvendig) 12/50-47 Ullensvang Reguleringsplan Markastå. Grunnundersøking og skredvurdering, førebels konklusjon 12/50-48 Masfjorden Byggesak Nørland (27/4) (rapport nødvendig) 12/50-49 Masfjorden Byggesak Nørland (27/3) (rapport ikkje nødvendig) 4.3.4. Systematisering av skred- og flaumdata for kommunen Rapportar og skredhendingar som kommunegeologen får tak i vert digitalisert og georeferert så godt som mogleg ut frå dei opplysningane som er tilgjengelege. Dette er ein kontinuerleg jobb. Oversikten er førebels berre tilgjengeleg for kommunegeologen. I 2012 har kommunegeologen fått ein betre oversikt over rapportar og skredhendingar i Modalen, Masfjorden, Kvam og Ullensvang. Ullensvang har i haust saman med kommunegeologen fått NGI til å lage ein oversikt over kva rapportar dei har i sitt arkiv og har tinga og fått ein del rapportar derifrå. 4.4. Rådgjeving Kommunegeologen har som mål å kunne rådgje kommunane i dei fleste nivå på lovverk, drift og uromeldingar. Alle telefonar og eposter er nok ikkje registrert. I 2012 har det kome inn fleire telefonar som gjeld sal av tomt som ligg i aktsemdnivået, både frå selgar, meglar og kjøpar. I 2012 har kommunegeologen vore på synfaring på uromeldingar i Kvam og Ullensvang. For nokon av synfaringane er det laga notat som er arkivert i Kvam herad sitt arkiv (websak). 12/50-18 Ullensvang Notat frå synfaring (Hordatun; Øvre Børve; Mæland; Brattespe) 11/499-23 Kvam - Notat etter synfaring (Gartveit) 11/499-22 Kvam Notat etter synfaring (mur i Kjetilstræet) Målet er at kommunegeologen kan vere med i prosessen med å tinga rapporar, faresonekart og liknande. For 2012 har ikkje kommunegeologen vore med i ein slik prosess.
INTERKOMMUNAL KOMMUNEGEOLOG Side 8 av 15 4.5. Fellesoppgåve for samarbeidande kommunar Sluttrapport og -rekneskap for skredsamarbeidet 2010-2011 Søknad om tilskot (FM) Samarbeidsplan og samarbeidsavtale Oppstart av samarbeidet Kurs og opplæring o Fjerby/Geobrygge presentasjon, Bergen o Byggesaksdagane seminar, Storefjell o NVE sikringsteknologisk samling, Lofthus o NGI Kurs i rekkevidde, Lofthus o Telefon, epost og møter Anna o Oppgåve frå Etne og Voss. Tatt som erfaring som kan vere til nytte for samarbeidande kommunar: Tema: Midlertidige veger i hogstfelt ovanfor bustadfelt og reguleringsplan på sedimentflate når elvekant. 4.6. Arbeidsoppgåver i Kvam herad Radonprosjekt o Møter og planlegging o Kurs Radonseminar, Lofthus Håfjellstunnelen (offentleg reguleringsplan) o Møter o Geologivurdering Notat (11/1201-22 og 11/1202-26) Åsevegen fjellsikring o Søknad om løyve frå FM (naturreservat) (08/285-162; -163) o Kontaktperson mot FM o Synfaring og fagleg kontaktperson Flaum- og skredfare i byggesak o Vurdere om rapport er nødvendig (aktsemdkart) Mindre tiltak (påbygg, tilbygg) Garasje, naust mm Nybygg Flytting av bekk (NVE) Andre tiltak o Vurdering av innkomne rapport/konsulent o Kontakt mot NVE (dispensasjon, konsesjon, vassressurslova, eksisterande bygg + faresoner med meir) o Synfaring og notat (12/50-44) Skredfare i delingssaker o Vurdere om rapport er nødvendig (aktsemdkart) o Synfaring og notat (12/50-30; 12/50-45) o Vurdering av innkomne rapportar Skredfare i reguleringsplan o Vurdere om rapport er nødvendig o Vurdering av innkome rapportar/faresonekart
INTERKOMMUNAL KOMMUNEGEOLOG Side 9 av 15 o Synfaring og notat (12/50-21) Sal av eigedom i aktsemdkartet o Private (2 tomter) o Kommunale tomter (fleire tomter) Beredskap og ROS o DSB-CIM, vêrvarsel mm Uromeldingar og skredhendingar o Telefonkontakt o Synfaring o Notat (11/499-22; -23) Synfaring med Statens vegvesen o Mundheim 4.7. Arbeidsoppgåver i Fusa kommune Skredhending Håvik utsending av notat (12/50-32) 4.8. Arbeidsoppgåver i Ullensvang herad Dagmar (synfaring med NVE) Uromeldingar (Synfaring) o Lofthus, Børve, Mæland og Brattespe (12/50-18) Grunnundersøking og skredvurdering o Sekse (synfaring, førebels svar (12/50-47)) Registrering av rapportar Byggesak i aktsemdkartet (tlf, analyse) 4.9. Arbeidsoppgåver i Masfjorden kommune Kommuneplan skredvurdering o Andvik (Notat 12/50-50) o Sandnes/Kvamme (førebels oversikt e-post 12/50-53) Tomter i aktsemdkart (Notat 12/50-48 og 49) Byggesak i aktsemdkartet (tlf. og e-post) Registrering av rapportar Krav frå forsikringsselskap 4.10. Arbeidsoppgåver i Modalen kommune Kommuneplan ROS (omsynssone) o Øvre Helland og Mo (Synfaring, Notat 12/50-52) Reguleringsplan
INTERKOMMUNAL KOMMUNEGEOLOG Side 10 av 15 o Nygård, Kvanndalen (Synfaring, Notat 12/50-17)) Kontakt med NVE o Branntomta, skredvoll og uttak av massar frå elv. Søk etter og registrering av skredrapportar Byggesak/deling i aktsemdområde rapport nødvendig? Kva bør vere med i ein skredrapport? Når skal ein underkjenne ein rapport? 4.11. Arbeidsoppgåver i Ulvik herad Kommuneplan ROS (skredrapport nødvendig) o Fleire område i Kp (Synfaring, epost 12/50-51) 4.12. Arbeidsoppgåver i Jondal kommune Tomter i aktsemdområde skredrapport nødvendig? o Fleire område (tlf, kart, analyse) 36/142 (tlf, epost, Notat 12/50-8) 4.13. Arbeidsoppgåver i Eidfjord kommune 4.14. Arbeidsoppgåver i Kvinnherad kommune Skogsbilveg (tlf; aktsemdkart) Kommunedelplan; skredvifte o Sandvoll, Holmedal, Matre og Åkra (analyse, epost 12/50-55)
INTERKOMMUNAL KOMMUNEGEOLOG Side 11 av 15 5. ØKONOMI 5.1. Rekneskap Budsjettet for 2012 vart basert på erfaring med gjennomførte skredprosjekt. Løn inkludert sosiale utgifter er klart den største utgiftsposten i budsjettet. Vertskommunen sine administrasjonsutgifter er ikkje berekna. Løn (inkludert sosiale utgiftar) Løn inkludert feriepengar, pensjonskostnader og arbeidsgjevaravgift. Reise/møte Utgifter til reise til og opphald i samarbeidande kommunar og møter (fellesmøte med meir). Kurs/seminar Kompetansehevande kurs og seminar, anten som arrangør, invitert foredragshaldar eller berre deltakar. Feltarbeid/ -utstyr Innkjøp av aktuelle feltutstyr eller kostnad med feltarbeid. Bil (leasing) Leasing av bil. Vart utsett til 2013. IT (utstyr og program) Innkjøp av IT-utstyr. Lisensar til GIS-program og andre aktuelle program. Første halvår av 2012 og deler av hausten vart brukt på å få samarbeidet i gang. Me har likevel sett heile 2012 som eitt. Tid brukt til å starte opp samarbeidet er fellesutgifter. Kommunegeologen har òg gjort oppdrag for enkelte samarbeidskommunar før den offisielle oppstartinga av samarbeidet den 4. september. For 2012 har me fått 300 000,- i tilskot til samarbeidet frå fylkesmannen.
INTERKOMMUNAL KOMMUNEGEOLOG Side 12 av 15 5.2. Finansiering Ut frå samarbeidsplanen er det eit ønske at finansieringa av samarbeidet vert basert på at samarbeidande kommunane bidrar etter behov og etter ei naturleg fordelingsnøkkel om det vert nødvendig. Ut frå rekneskapet, spesifikke utgifter til ein bestemd kommune, timeliste og fellestid har Kvam herad berekna eit forslag på kor mykje kvar samarbeidande kommune skal dekke av samarbeidet for 2012 (pkt. 9). Samarbeidande kommunar fekk forslaget til høyring og dei har godkjent forslaget. Pengebeløpa står i 1000,-. 1. Kommunegeologen har skrive timeliste for arbeid som er gjort for samarbeidande kommunar. 2. Øvre ramme bestemd av samarbeidsavtalar (politiske vedtak eller administrativt). 3. Kommunegeologen har oversikt over spesifikke utgifter som er brukt på samarbeidande kommunar (reiserekningar og andre spesifikke utgifter som kan dukke opp). 4. Bruk av kommunegeologen (timeliste; sjå pkt. 1) per kommune. Timesats er sett til kr. 457,- per time (Budsjett / Netto årsverk (1750 t)). 5. Administrasjon er sett til 20 % (350 timer) og er fordelt etter økonomisk ramme (pkt. 10). Timesatsen er 457,- (sjå pkt. 4). 6. Fellesutgifter utover administrasjon er fordelt etter forbruk (pkt. 11) 7. Utgifter i 2012 (sjå rekneskap). 8. Tilskot frå fylkesmannen. Er fordelt etter forbruk (pkt. 11). 9. Fordeling av utgifter i 2012 (sjå rekneskap). Her vist for kvar samarbeidskommune. 10. Fordelingsnøkkel 1 fordelt etter økonomisk ramme (pkt. 2) 11. Fordelingsnøkkel 2 fordelt etter forbruk (pkt. 3 og 4).
INTERKOMMUNAL KOMMUNEGEOLOG Side 13 av 15 6. STERKE/SVAKE SIDER VED SAMARBEIDET OG SKREDVURDERING Sterke sider +Fullfinansiert +Fekk tidleg tilskot frå FM +Tidleg ute pioner +Mange kommunar deltar +Interkommunalt samarbeid gir tyngde +Meir observant på skredfare i kommunane +Meir kunnskap om skred i kommunane +Tek skredfare på alvor +Ansvarsforholda meir tydeleg +Aktsemdkart tatt i bruk i saksbehandling etter pb-lova +Meir kunnskap om løysingar, som sikrar mot skred, reduserer skredfaren +Kostnadssparande (førebygging) +Konkrete byggeområde er frigjorte +Moglege skredfarlege område utanfor aktsemdkartet er oppdaga (skredtypar som ikkje har aktsemdkart i dag) +Har vore med å styre arealbruken i kommunane +Lokal forankring av skredførebyggjande arbeid +God oppbygd nettverk (NVE, NGU, Statetns vegvesen, Bergen kommune, FM, HFK, konsulentselskap med meir) Svake sider -Ting tar lenger tid enn håpa. T.d. samarbeidet: Ideelt sett burde samarbeidet vore klart når skredsamarbeidet 2010-2011 var over, målet var 1. juli. Samarbeidet ble klart den 4. sep. -Mykje tid som kunne vore brukt til oppdrag måtte brukast på å få i gang samarbeidet -Kunnskap om skredfaren kombinert med føre-var - prinsippet i kommunal forvalting kan forsterke byggjeforbodet som oppstår som følgje av aktsemdkarta. -Det er fokus på fare, og i for liten grad på praktiske løysingar som kan bidra til å reduserer risikonivået, og enklare saksbehandling etter pb-lova. -gevinsten er meir usynleg enn dei direkte utgiftene
7. OPPSUMMERING INTERKOMMUNAL KOMMUNEGEOLOG Side 14 av 15 Kvam herad har tatt initiativ til ein vidareføring av skredsamarbeidet (2010-2011) som ein permanent ordning med ein fast tilsett kommunegeolog (1/1 stilling). Kvam heradstyre har vedtatt ein øvre økonomisk ramme for at Kvam skal starte opp med samarbeidet. Kravet er at fleire kommunar er med på å delfinansiere stillinga. Sju kommunar har signert langvarige samarbeidsavtale med Kvam herad (3 år) og Kvinnherad har signert for 2012 som eit prøveår. Kvinnherad har forlenga avtale for 2013. For 2012 har samarbeidet fått 300 000,- i tilskot frå fylkesmannen. Målet med samarbeidet er å auka kompetansen på skredfare slik at ingen bustadar vert godkjent i skredfarlege område, at kommunane kan vere gode støttespelarar i sakar kor ein må avklare farenivået til flaum- og skred og at beredskapen i kommunen vert betre. Kommunegeologen starta opp med å gjøre oppdrag før samarbeidet var i boks. Blant anna var det gjort ein del arbeid for Modalen. Men mykje av oppdraga vart gjort i ein hektisk haust. Modalen, Masfjorden, Ulvik og Kvinnherad hadde oppdrag som gjaldt kommuneplan. Elles vart det gjort ein del søk etter rapportar og skredhendingar, til døme i Masfjorden, Modalen, Kvam og Ullensvang. Elles har kommunegeologen gjort dei oppdraga som har kome inn så godt som mogleg som vist i kap. 4. Økonomisk gjekk 2012 bra. Det vart brukt mindre enn budsjettert. Tilskotet var som foreslått og resten vart finansiert av samarbeidskommunane, fordelt etter forbruk og øvre ramme. Mottakarar: Hogne Høysæter Bjørn Vik Kontaktpersonar i samarbeidskommunane