Utviklingsavdelinga SAKSPROTOKOLL Sakshandsamar: OMR Arkivsaknr: 2012/2425 Arkiv: Q80 Utvalsaksnr Utval Møtedato 63/19 Formannskapet 30.04.2019 50/19 Kommunestyret 09.05.2019 DETALJREGULERINGSPLAN FOR FV20 NERLANDSØY BRU - SLUTTHANDSAMING Tilråding: Rådmannen rår kommunestyret, i medhald av plan- og bygningslova 12-12, å godkjenne detaljreguleringsplan for Fv 20, Nerlandsøybrua med føresegner og plankart datert 12.04.2019 Særutskrift: Utviklingsavdelinga
Møtebehandling: Avdelingsleiar samfunnsutvikling Ole Magne Rotevatn orienterte. Formannskapet si tilråding vart samrøystes vedteken. Vedtak i Kommunestyret - 09.05.2019 Kommunestyret vedtek, i medhald av plan- og bygningslova 12-12, å godkjenne detaljreguleringsplan for Fv 20, Nerlandsøybrua med føresegner og plankart datert 12.04.2019 Møtebehandling: Utviklingsleiar Ole Magne Rotevatn orienterte. Rådmannen si tilråding vart samrøystes vedteken. Tilråding i Formannskapet - 30.04.2019 Kommunestyret vedtek, i medhald av plan- og bygningslova 12-12, å godkjenne detaljreguleringsplan for Fv 20, Nerlandsøybrua med føresegner og plankart datert 12.04.2019 Side 2 av 6
Vedlegg: 1 Fv. 20 Nerlandsøybrua - Planomtale - endra utgave etter offentleg ettersyn - siste endra 12-04-2019 2 Reguleringsføresegner _fv20_nerlandsøybrua_herøy kommune - endringar etter offentleg ettersyn - siste endra 12-04-2019 3 Blad 1-4 Samandrag: Statens vegvesen har revidert planmaterialet etter offentleg ettersyn sommaren 2018. Saka vert no lagt fram for slutthandsaming. Innkomne merknader er oppsumert og gitt kommentarar frå Statens Vegvesen i planomtalen under kapittel 8.2 (vedlagt). Motsegner frå Møre og Romsdal fylkeskommune og fylkesmannen i Møre og Romsdal er trekt og rådmannen rår såleis til at detaljreguleringsplanen kan eigengodkjennast. Saksopplysningar: Statens vegvesen vil erstatte dagens bru over Søre Vaulen mellom Igesund og Kvalsund. Brua er planlagd å vere 610 meter lang med tilhøyrande vegar på begge sider av brua. Planområdet er i stor grad dyrka mark, sjøareal og hamneområde. Planen inkluderer også detaljreguleringsplanen for Kvalsund hamn som kommunen starta på med eit planforslag til offentleg ettersyn i 2012. Denne er i hovudsak ført vidare, men justert noko i forhold til den planlagde brua, samt innkomne merknader til planhøyringa frå 2012. Planområdet har også fleire registrerte kulturminne og det har vore utgravingar i området (mellom anna det kjende «Kvalsundskipet»). Det er skissert fleire registreringar og utgravingar før ny bru kan byggast. Samferdselsutvalet gjorde vedtak om val av alternativ 10 bru over hamna på Kvalsund med maksimalt 20 meter seglingshøgde. Planlagd breidde på vegen er 7,5 meter (inkludert vegskulder). I tillegg kjem ein gang- og sykkelveg med 3 meter breidde. Ny veg er utforma etter standardklasse Hø2. Dimensjonerande trafikk som er lagt til grunn er 2500 køyretøy/døgn 20 år etter opning. Side 3 av 6
Den nye brua vil saman med tilhøyrande nytt vegareal ta beslag på om lag 15 daa landbruksjord, samstundes som den vil gå over småbåthamna på Kvalsund. Her vert det truleg større utfordringar for særleg seglbåtar å manøvrere i hamnebassenget. Revidert plankart og føresegner (datert 10.12.2018): Det er gjort mindre justeringar i plankart og føresegner etter offentleg ettersyn av planforslaget. Merknadane til planforslaget er oppsumert og kommentert i kapittel 8.2 i planomtalen. Av endringar i plankartet er det gjort endringar jf. Kystverket sine innspel til planforslaget på punktet som gjeld arealformål i hamna. Dette er tekniske detaljar som sikrar fiskeriinteressen. Her er formålet «Småbåthamn» (O_VS1-2) endra til «Fiskerihamn» (O_VHS1-3). I tillegg er eit foreslått område for næringsbygningar (BN) langs nordleg molo i hamna redusert i utstrekning sørover, og erstatta med offentleg kai (O_SK3). Denne endringa er vist i figur 2 (under). Figur 2: Plankart frå planforsaget (sommaren 2018) til venstre, og revidert plankart (12.04.2019) til høgre. Ein ser her det lilla området avsett til «næringsbygningar (BN) er redusert i storleik og erstatta med offentleg kai (SK) vist i gråblå farge langs innsida av moloen. Område for moloen har også fått nytt føremål til frå offentleg kai til næringsbygning og småbåtanlegg(bn7) Endringane er gjort som følgje av innspel til Kystverket. Kvalsund hamn er ei statleg fiskerihamn. Side 4 av 6
Figur 3: Plankart frå planforsaget (sommaren 2018) til venstre, og revidert plankart (12.04.2019) til høgre. Her ser ein det oransje området for naust er endra til lilla farge(næringsverksemd og sjøbuer for fiskerinæring). Dette er krav frå kystverket sidan det er ei statleg fiskerihamn. Fylkesmannen i Møre og Romsdal hadde motsegn til planforslaget på det som gjaldt støy og støyskjerming. Støyskjerm er teikna inn i plankart og det er gjort endringar i føresegnene, mellom anna er det sett rekkefølgjekrav til støyskjerming på nærmare angitt område. Møre og Romsdal fylkeskommune stilte motsegn til planforslaget på tekniske punkt i plankart og føresegner. Planområdet er tidlegare registrert for automatisk freda kulturminne, og kravet om registrering er oppfylt. Det er likevel elles nokre endringar som må gjerast i plankartet. Det må gjerast ei kontrollregistrering av gravfelt med id 45872 (H730_3). Dette medfører at dei ulike sonene ved, og rundt gravfeltet, må justerast/oppdaterast. Steinalderlokaliteten på omsynssone H730_2 må bli vist i kombinasjon med grøntstruktur/natur i plankartet. Statens Vegvesen hadde møte med Kulturavdelinga 07.11.2018. Føresegnene og plankart har blitt endra for å imøtekome merknadane og for å få trekt motsegna frå fylkeskommunen. For øvrige merknader til planforslaget syner vi til planomtalen der STV har oppsumert merknadane og gitt kommentarar til desse. Innkomne merknader er også vedlagt. Vurdering: Planmaterialet er no revidert av Statens Vegvesen etter innkomne merknader. Det er gjort mindre endringar i plankart og reguleringsføresegner. Planen vil betre landtilkomsten til Nerlandsøy i stor grad. Det er særs positivt at det no er lagt opp til etablering av gang- og sykkelveg forbindelse over Søre-Vaulen. Det er lagt opp til vidare utvikling av naustområdet kring hamna på Kvalsund, men ein ser samstundes at etablering av ny bru kan skape meir utfordringar for manøvrering i hamnebassenget, dette gjeld særleg for seglbåtar. Totalt sett vurderer rådmannen det til at planen gir eit stort løft til både samferdsel og hamneområdet. Vurderingar etter Naturmangfaldslova 7-12: 7 prinsipp for offentleg beslutningstaking i 8 til 12 «Prinsippene i 8 til 12 skal legges til grunn som retningslinjer ved utøving av offentlig myndighet, herunder når et forvaltningsorgan tildeler tilskudd, og ved forvaltning av fast eigedom. Vurderingene etter første punktum skal fremgå av beslutningen». Side 5 av 6
8 Kunnskapsgrunnlaget og 9 Føre-var prinsippet: Naturtypane «strandeng» og «strandsump» er kartlagde innanfor planområdet. Ny brutrasè kryssar den nordaustlege delen av planområdet og det er planlagt utlagt siltgardin i anleggsfasen for å hindre små sedimentpartiklar å spreie seg. Permanent situasjon etter anleggsfasen vert at det står att fire brusøyler i sjøen på Igesundsida. Oppsummert meiner Statens vegvesen at verknadene på naturverdiane i området er små til ubetydelege. Kunnskapsgrunnlaget er tilstrekkeleg til å ta stilling til tiltaket (nml 8), og føre var-prinsippet får lite vekt (nml 9). Den samla belastninga på naturmiljøet aukar ikkje som følgje av tiltaket (nml 10). I anleggsfasen vil det vere viktig å avgrense utfyllinga så langt det er praktisk mogleg, og sjå til at fyllinga blir fjerna på best mogleg måte (nml 11 og 12). For meir utfyllande vurderingar syner vi til Statens Vegvesen og planomtalen med vedlegg. Konklusjon: Rådmannen rår kommunestyret, i medhald av plan- og bygningslova 12-12, å godkjenne detaljreguleringsplan for Fv 20, Nerlandsøybrua med føresegner og plankart datert 12.04.2019 Fosnavåg, 12.04.2019 Olaus-Jon Kopperstad Rådmann Andreas Chr. Nørve Kommunalsjef samfunnsutvikling Sakshandsamar: Ole Magne Rotevatn Side 6 av 6