Arkivref: 2018/4259-2170/2019 Saksh.: Andreas Moe Larsen Saksnr Utval Møtedato 11/19 Formannskapet 20.03.2019 6/19 Kommunestyret 04.04.2019 OPPSTART AV KOMMUNEPLANARBEID OG OFFENTLEG ETTERSYN AV PLANPROGRAM Framlegg til vedtak: Saksprotokoll i Formannskapet - 20.03.2019 Innstilling Handsaming Samrøystes tilrådd Geir Angeltveit (V) kom med følgjande framlegg til innstilling som fall: 1. Kommunestyret meiner at Hovudtema om oppvekstvilkår må inn i Planprogrammet for Kommuneplanen 2020-2024. Hovudtema Oppvekstvilkår må svara på utfordringar med mobbing, trygge skulevegar, manglande kulturtilbod, fritids- og aktivitetstilbod for barn og unge, og dette sett opp mot etableringa av eit Fritidskort, psykisk helsa, stillesitting, folkehelseførebyggjing blant barn og unge. Ensomhet, og tilhøyrsle. Behovet for kvelds- og nattopne barnehagar. Utvikling av leike og opphaldsareal i kommunale barnehagar. Formannsskapet ber administrasjone utarbeida problemstillingar i forkant av kommunestyret. 2. Kommunestyret meiner reduksjon av lokal miljøforureining, klimaberedskap og klimaleiing må inn som viktig vurdering i Hovudtema klima, miljø og tryggleik. Framlegget fekk 1 røyst (V)
Saksprotokoll i Kommunestyret - 04.04.2019 Vedtak 3. Strekpunkt 4, (-eitt av sju som skal ha overordna omsyn i planarbeidet- ): Helse og trivsel vert endra til Helse, trivsel og oppvekst i planprogrammet og det vidare arbeidet med kommuneplanen. Handsaming Samrøystes vedteke Nils Magne Blålid (SV) på vegne av SV, AP, KRF og SP kom med framlegg til pkt. 3 slik det ligg føre i vedtaket. Geir Angeltveit (V) kom med følgjande framlegg som fall: 1. Kommunestyret meiner ei viktig vurdering for kommunen vil vere korleis ein forhindrar miljøutslepp, spreiing og innsamling. 2. Kommunestyret meiner ei viktig vurdering kommuneplanen må avklare er korleis ein legg til rette for berekraftig personleg åtferd blant innbyggjarane. Framlegget fekk 2 røyster (V og MDG) 2 av 5
Rådmannen, 26.01.2019 Dokumentliste S 26.01.2019 Oppstart av planarbeid og offentlig ettersyn av planprogram X 19.12.2018 Planprogram - høyringsutkast Vedlegg: 1 Planprogram - høyringsutkast Innleiing (bakgrunn for saka) Kommunestyret vedtok 20.10.2016 planstrategien, der det blei vedteke at kommuneplanen skal rullerast. Utkast til planstrategi og utkast til planprogram for revisjon av kommuneplanen (samfunnsdelen og arealdelen) hadde vore ute til høyring samstundes, men berre planstrategien vart vedteken. Det vart også vedteke at det skulle utarbeidast ein eigen plan/ strategi for næringsarbeid og sysselsettingsutvikling i Stord kommune. Rådmannen har lagt til grunn at denne vert integrert i samfunnsdelen av kommuneplanen. Denne saka gjeld å senda revidert framlegg til planprogram til offentleg ettersyn og høyring.merknadar vil etter høyringsfristen bli vurderte, og det blir gjort naudsynte endringar i planprogrammet, før kommunestyret får saka til ny handsaming. Eldrerådet, rådet for funksjonshemma, ungdomsrådet og kontaktutvalet for innvandrarar og flyktningar får saka til uttale i høyringsperioden, til liks med nabokommunane, regionale og statlege instansar. Saksutgreiing (fakta, saksopplysningar) Kommunestyret vedtok i februar i år at organet sjølv skal vedta oppstart av planarbeid og senda framlegg til planprogram til offentleg ettersyn og høyring. Kapittel 11 i plan- og bygningslova regulerer kommuneplanarbeidet. Kommunen skal ha ein samla kommuneplan, som omfattar ein samfunnsdel og ein arealdel. Planen skal ivareta kommunale, regionale og nasjonale mål, interesser og oppgåver, og bør omfatta alle viktige mål og oppgåver i kommunen. Planstrategien og retningsliner og pålegg frå statlege og regionale mynde skal liggja til grunn. Samfunnsdelen skal ta stilling til langsiktige utfordringar, mål og strategiar for kommunesamfunnet som heilskap og kommunen som organisasjon. Kommuneplanen sin samfunnsdel skal liggja til grunn for eiga verksemd og statlege og regionale mynde si verksemd i kommunen. Handlingsdelen er grunnlaget for kommunen sin prioritering av ressursar, planleggings- og samarbeidsoppgåver og konkretiserer tiltak innanfor kommunen sine økonomiske rammer. Kommunen skal ha ein samla arealdel for heile kommunen, som viser samanhengen mellom framtidig samfunnsutvikling og arealbruk: «Kommuneplanens arealdel skal angi hovedtrekkene i arealdisponeringen og rammer og betingelser for hvilke nye tiltak og ny arealbruk som kan settes i verk, samt hvilke viktige hensyn som må ivaretas ved disponeringen av arealene. Kommuneplanens arealdel skal omfatte plankart, bestemmelser og planbeskrivelse hvor det framgår hvordan nasjonale mål og retningslinjer, og overordnede planer for arealbruk, er ivaretatt.» (plan- og bygningslova 11-5 andre ledd) Arealdelen fastset med rettsverknad framtidig arealbruk for området og er bindande for nye tiltak eller utviding av eksisterande tiltak. 3 av 5
Det er krav om planprogram, og framlegg til planprogram skal sendast til offentleg ettersyn og høyring med frist på minst seks veker. «Planprogrammet skal gjøre rede for formålet med planarbeidet, planprosessen med frister og deltakere, opplegget for medvirkning, spesielt i forhold til grupper som antas å bli særlig berørt, hvilke alternativer som vil bli vurdert og behovet for utredninger.» Vurdering Rådmannen legg no fram planprogram for revisjon av kommuneplanen sin samfunnsdel og arealdel til offentleg ettersyn og høyring. Arbeidet med kommuneplanen er omfattande, og vil krevja aktiv deltaking frå den kommunale organisasjonen, folkevalde, tillitsvalde, verksemder, lag og organisasjonar og innbyggjarar. Regjeringa si forventing til regional og kommunal planlegging frå 2015 la til grunn fleire overordna omsyn, som blei vidareført i Stord kommune sin planstrategi frå 2016: «Det nye kommuneplanen skal ha hovudfokus på korleis ein best mogleg skal ivareta omsynet til - Klima, miljø og tryggleik - Samordna bustad-, areal- og transportplanlegging - Levande sentrum - Helse og trivsel - Aktiv forvaltning av natur- og kulturminneverdiane - Næringsutvikling - Gode kommunale tenester» Rammevilkåra rundt kommunen endrar seg i stadig raskare tempo. Internasjonale avtalar, nasjonale forventingar, aldrande folkesetnad, endringar i regionale og statlege strukturar og kommunikasjonar vil påverka utviklinga av stordsamfunnet. Det er difor viktigare enn før at kommunen samhandlar med aktørar rundt seg. «Samhandling» er difor teke med som eit hovudtema i kommuneplanen. Det blir lagt vekt på politisk styring undervegs i prosessen, ved at administrasjonen legg fram fagnotat for drøfting om viktige tema i kommuneplanen, ved deltaking i møte om dei ulike hovudtema, og ved dei signala som kjem i samband med handsaming av planprogram og planen. Ikkje alle innbyggjarar har likt høve til å fremja sine interesser i kommunale planprosessar. Rådmannen vil difor leggja til rette for likeverdig deltaking for alle aktørar i heile planprosessen. Grupper som er vanskelege å nå, som barn og unge, skal ha særskilt merksemd. I tillegg til skriftlege innspel skal det vera mogleg å gje munnleg tilbakemelding, og det vert lagt til rette for kontordagar m.m. i alle delar av kommunen.rådmannen viser elles til framlegg til planprogram for vurderingar kring prosess og hovudtema. Det er noko ulikt kva tidsrom som blir lagt til grunn i kommuneplanar. Bømlo har i sitt høyringsutkast til samfunnsdel planperioden 2019-2049, medan Kvinnherad ser fram til 2050 i framlegg til planprogram. Fitjar har planperiode 2020-2040. Planperioden sin utstrekking må balansera to omsyn. Det er viktig å tenkja langsiktig i planlegginga. Samstundes endrar samfunnet seg i stadig raskare tempo. Me har folketalsframskrivingar frå Statistisk sentralbyrå fram til 2040, og rådmannen meiner det kan vera ein høveleg planhorisont. Økonomiske konsekvensar Arbeidet med kommuneplanen er ressurskrevjande, og vil leggja beslag på den kapasiteten kommunen har til overordna planlegging og dei avsette midlane til konsulentkjøp.det er i økonomiplanperioden sett av totalt 1 million kroner årleg til konsulentkjøp/ styrka plankapasitet. Ein del av desse midlane vert i år nytta til konsulentkjøp for ferdigstilling av kommunedelplan Sagvåg-Litlabø. Miljømessig konsekvens 4 av 5
Folkehelse Universell utforming Beredskap Konklusjon, alternativ tilråding 1. Kommunestyret vedtek oppstart av arbeid med kommuneplanen sin samfunns- og arealdel 2020-2040, i medhald av plan- og bygningslova 11-12. Plan for gjennomføring Går fram av framlegg til planprogram. Kommunestyret har vedteke eit ynske om å styrke plankapasiteten. Det vil ev. ha innverknad på framdrifta av planarbeidet. 5 av 5