DETALJREGULERING RESET

FRAMLEGG TIL DETALJREGULERING RESET DEL AV GNR 46 BNR 47, HEVSDALEN I STRANDA KOMMUNE PLAN-ID: Planområdet sett frå nord, med Myrvegen og eksiterande hytter (T4 og T2) PLANOMTALE DATO: 10.07.2019 KARI JOHANNE OG ASGEIR FLATAKER 6015 ÅLESUND

Innhald 1 Grunnlag, målsetting og premissar for planarbeidet... 3 1.1 Bakgrunn... 3 1.2 Planstatus for området... 3 1.3 Vurdering av krav til konsekvensutgreiing (KU)... 3 1.4 Lokalisering og avgrensing... 3 1.5 Terreng, landskap og vegetasjon... 4 2 Merknader etter varsel om oppstart... 4 3 Omtale av planforslaget... 5 3.1 Arealbruk... 5 3.2 Byggeområde fritidsbustader... 5 3.3 Vegtilkomst... 5 3.4 Renovasjon... 6 3.5 Parkering... 6 3.6 Løypetrasé og grønstruktur... 6 3.7 Utnytting... 6 3.8 Vatn, avløp og straum... 6 4 Verknader av planen... 7 4.1 Verknad i høve overordna plan... 7 4.2 Naturmangfaldet, vurdering etter naturmangfaldlova... 7 4.3 Landskap og estetikk... 7 4.4 Friluftsliv og folkehelse... 7 4.5 Barn og unge... 7 4.6 Veg og trafikktryggleik... 7 4.7 Kulturminne... 8 4.8 Kommuneøkonomi og næringsutvikling... 8 4.9 Konsekvensar for risiko- og sårbarheit, ROS... 8 4.10 Samla verknader av planforslaget... 8 5 ROS-analyse... 9 5.1 Innleiing... 9 5.2 Analyse... 10 5.3 Utfyllande kommentar... 12 5.4 Oppsummering... 13 side 2

1 Grunnlag, målsetting og premissar for planarbeidet 1.1 Bakgrunn Føremålet med planarbeidet er å regulere tomter for fritidsbustader på gbnr 46/47, i område H25 i kommunedelplan Hevsdalen. To eksisterande punktfeste (festetomter) inngår i planområdet og vil få fastsett grenser som kan nyttast i fall framtidig frådeling. Grunnlaget for planarbeidet er referat frå oppstartmøte med administrasjonen 11.04.2019, samt vedtak knytt til oppstart i fast utval for plansaker 21.05.2019 (PLA-048/19). Planarbeidet er utført av grunneigarane. 1.2 Planstatus for området Kommunedelplan Hevsdalen Planområdet utgjer del av felt H25 i kommunedelplan for Hevsdalen 2007-2011 godkjent 04.07.2007, jf figur 1. Det er no starta arbeid med rullering av arealdelen til kommuneplanen der også Hevsdalen er med. H25 inngår der som del av eit større utbyggingsområde på Fursetreset. Sentrumsplanen i Hevsdalen Planområdet ligg aust for sentrumsplanen i Hevsdalen, og er ikkje tidlegare regulert, jf figur 2. Andre planar På vestsida av Resvegen er to reguleringsplanar nyleg vedtekne, H22 og Dønheimgrenda. Ein har samarbeid med desse om VAO-plan for området. Planområde Figur 1: Planområdet i høve kommunedelplan for Hevsdalen Figur 2: Planområdet i høve reguleringsplan for Hevsdalen sentrum (2010) 1.3 Vurdering av krav til konsekvensutgreiing (KU) Detaljreguleringa er i samsvar med overordna plan og tiltaket vil såleis ikkje utløyse krav om konsekvensutgreiing (KU) eller planprogram. Verknadane av planen er skildra i kapittel 5. Planområdet 1.4 Lokalisering og avgrensing Planområdet er lokalisert til Fursetreset i Hevsdalen. Byggeområdet ligg aust for Resvegen, også kalla Sætrevegen, og vil få direkte tilkomst via denne. Det er om lag 350 meter i luftline til fylkesveg 60 i nord, og knapt 1 km til alpinanlegg i vest, jf oversiktskart figur 3. Figur 4 og 5 viser planområdet ved varsel om oppstart. I løpet av planprosessen har ein justert søndre grense slik at Myrbakken ikkje lenger er med, då Myrvegen åleine vil gje tilkomst til dei nye tomtene, jf figur 7. side 3

Figur 3: Lokalisering av planområdet i høve fv 60 og alpinanlegget på Strandafjellet. Figur 4: Planområdet ved oppstart, vist på flyfoto Figur 5: Planområdet ved opstart, vist på kart 1.5 Terreng, landskap og vegetasjon Planområdet er sørvendt og ligg mellom 420 og 435 m.o.h. Der er noko vegetasjon i området, i hovudsak lauvtre med innslag av furu. Området er solrikt og har gode utsiktstilhøve mot fjellområde i sør. 2 Merknader etter varsel om oppstart Melding om oppstart av planarbeidet vart gitt i brev datert 23.05.2019 til grunneigarar og naboar i området, til offentlege instansar, og ved annonsering i Sunnmøringen 29.05.2019. Ein har motteke følgjande merknader: Statens vegvesen (04.07.2019) varslar motsegn til detaljreguleringa dersom føresegnene ikkje inneheld rekkefølgjekrav om ny avkøyrsle frå fv 60. NVE (28.06.2019) har kun generell merknad, utan kommentar i høve planområdet. ÅRIM (27.06.2019) viser til at arealet 46/47 er innanfor nedslagsfeltet til hyttepunktet Hevsdalsheimen, og at dei nye hyttetomtene kan knyte seg på dette hyttepunktet. Møre og Romsdal fylkeskommune (25.06.2019) og Fylkesmannen i Møre og Romsdal har ingen særskilde merknader. Ein har ikkje motteke merknader frå private. Kommentar til merknadane: Det er lagt inn rekkefølgjekrav i føresegnene knytt til opparbeiding av nytt kryss frå fv60, jf 7.1. Ein har nytta same formulering som i nabofeltet H22 som vegvesenet viser til i sin merknad. Når det gjeld merknad frå ÅRIM er denne kommentert i avsnitt 3.4. side 4

Detaljregulering Reset, del av gbnr 46/47, planomtale sist revidert 10.07.2019 3 Omtale av planforslaget 3.1 Arealbruk Planområdet har eit totalt areal på vel 11 dekar. Arealet er fordelt på dei ulike reguleringsføremåla slik figur 6 viser. Reguleringsføremål Fritidsbustader Renovasjon, felles Køyreveg, felles Anna veggrunn teknisk, felles Anna veggrunn grønt, felles Parkering, felles Grøntområde Turveg Totalt: Plannemning BFF f_bre f_skv f_svt f_svg f_spa GN1 GTD Areal, totalt 6477 m2 26 m2 1427 m2 227 m2 1115 m2 90 m2 387 m2 1536 m2 11 285 m2 Figur 6: Arealoppstilling Figur 7: Planforslag slik det ligg føre ved 1. gangs handsaming i PLA august 2019. 3.2 Byggeområde fritidsbustader Detaljreguleringa viser tre byggeområde for fritidsbustader, BFF1 (T1, T2, T5, T6), BFF2 (T4, T7, T8, T9) og BFF3 (T3). Det er til saman 9 tomter med storleik mellom 476 og 1000 m2. To av tomtene er festetomter med eksisterande fritidsbustader, dette gjeld 46/47/3 (T2) og 46/46/5 (T4). 3.3 Vegtilkomst Køyrbar tilkomst til planområdet er frå Resvegen (f_skv1), via Myrvegen (f_skv2) og vidare med ny veg (f_skv3) ned til søndre del av feltet. Dei nordlege tomtene får tilkomst frå Myrvegen, medan tomtene i sør har tilkomst via innregulert ny veg. side 5

Køyrevegane er regulerte med 4,0 m køyrebredde og 2,0 m anna vegareal langs begge sider, i tråd med punkt 5b i føresegnene til kommunedelplanen. Det er lagt inn snuhammar for lastebil (L) i enden av vegen f_skv3. Vegdatabanken viser fartsgrense 50 km/t for Resvegen og Myrvegen. ÅDT for hytteveg til 9 tomter vil vere mindre enn 50. Siktsone i avkøyrslene blir då ifølgje handbok N100 (2014), tabell C.2, figur E.26 og tabell E.6 4x45 meter. Siktsoner er innteikna på plankartet. 3.4 Renovasjon I følgje ÅRIM er planområdet innanfor nedslagsfeltet til hyttepunktet Hevsdalsheimen, og dei nye hyttetomtene kan knytast til dette hyttepunktet. Ein har i tillegg regulert inn område for renovasjon i planområdet (f_bre1), ved avkøyrsle f_skv1 x f_skv2, i fall endring i rutinane på eit seinare tidspunkt. 3.5 Parkering Det er lagt opp til parkering på eiga tomt for alle tomtene og det er lagt til grunn 2 p-plassar per fritidsbustad. Det er i tillegg regulert inn 5 biloppstillingplassar nord for Myrvegen i fall det blir trong for dette, enten til gjesteparkering, eller for dei søndre tomtene ved tilfelle der o_skv3 ikkje vert brøyta. 3.6 Løypetrasé og grønstruktur Det er regulert inn løypetrasé sør for hyttetomtene, i tråd med både gjeldande kommuneplan og forslag til ny arealdel som er under utarbeiding. Den regulerte løypetraseen er vist med 15 meters breidde og ligg der løypemaskina køyrer per i dag. 3.7 Utnytting Detaljreguleringa har same tomteutnytting som næraste detaljregulering i nord (UH8), %-BYA=35 %. Møne- og gesimshøgde er styrt ut frå maks kotehøgder i føresegnene. Dette for å få terrengtilpassa bygg og ivaretaking av utsikt frå dei nordlege hyttetomtene. Ein meiner kotehøgder er betre eigna i dette tilfellet enn til dømes maks høgder ut frå gjennomsnittleg terrengnivå. 3.8 Vatn, avløp og straum Kommunale ledningar for vatn og avløp går langs skiløype på sørsida av Fursetelva, om lag 200 meter nord for planområdet. Det er lagt inn rekkefølgjekrav om utbygging av vassforsyning og avløpsanlegg av godkjent standart i føresegnene. Dagens straumforsyning til området har ikkje kapasitet til å forsyne planområdet, og kapasiteten må aukast i samband med utbygging. Detaljane i dette må avklarast med netteigar. side 6

4 Verknader av planen 4.1 Verknad i høve overordna plan I kommunedelplan for Hevsdalen er det ikkje plankrav til H25. Grunneigar søkte om frådeling av to hyttetomter frå dette byggeområdet mars 2014. Sak var til handsaming i faste utval for plansaker 28.05.2016 (PLA-045/15) der det vart fatta følgjande vedtak: Stranda kommune vil medverke til optimal arealdisponering av utbyggingsområda i Hevsdalen og bed om at det vert utarbeidd reguleringsplan før vidare tomtedeling av H25.. Kommuneplanen er no under rullering og H25 er del av eit større utbyggingsområde. Ein meiner såleis at tiltaka i planen er positive i høve overordna plan. 4.2 Naturmangfaldet, vurdering etter naturmangfaldlova Kunnskapsgrunnlaget 8 Hevsdalen er registrert i naturbase og artsdatabanken, men det er ikkje registrert verken spesielle artar, utvalde naturtypar, eller kartlagde friluftslivsområde innanfor planområdet. Føre-var prinsippet 9 Føre- var prinsippet skal leggast til grunn slik at ein unngår vesentleg skade på naturmangfaldet. Ein meiner med dette at kunnskapsgrunnlaget er tilstrekkeleg, og at føre- var prinsippet ikkje treng nyttast i dette tilfellet. Prinsipp om samla belastning 10 Ein vurderer det slik at planforslaget ikkje får vesentleg verknad for naturmangfaldet, og at tiltaka i planen kan gjennomførast som planlagt utan avbøtande tiltak. 4.3 Landskap og estetikk Tiltaka i planen gir små inngrep ved at ein nyttar eksisterande tilkomstveg f_skv2 (Myrvegen) for dei nye tomtene. Ny køyreveg, f_skv3, følgjer terrenget mot sør langs med eksisterande kabeltrasé. I føresegnene er høgder styrt av maks kotehøgde gesims og møne, for at bygga skal ligge godt i terrenget og slik at dei fremste hyttene ikkje skal ta for mykje utsikt frå dei bakanforliggande tomtene. Det er elles lagt inn i føresegnene at bygg skal ha matte og avdempa fargar, at tomtene ikkje skal gjerast inne og at det ikkje er tillate med flaggstenger og synlege antenne. Ved bygging av veg skal torv takast vare på og nyttast til å kle skråningar med. Ein meiner med dette at planforslaget ivaretek landskap og estetikk på ein god måte. 4.4 Friluftsliv og folkehelse Planområdet er lokalisert i eit område med flotte tilhøve for friluftsliv heile året, med toppturar, langrenn og alpint i vintersesongen, og fjellturar i sommarsesongen. Preparert skiløype går både like nord og sør for hytteområdet og turløype er regulert inn i tråd med overordna plan og nyleg kartlagt løypenett som vil inngå i den rullerte kommuneplanen. Dei planlagde fritidseigedomane vil gje fleire folk høve til utøving av både sommar- og vintersport, friluftsliv og rekreasjon. Konsekvensane for friluftsliv og folkehelse er såleis positive. 4.5 Barn og unge Vegane i planområdet fører kun til dei interne hyttene og der er såleis svært lite biltrafikk. Hytteområdet ligg i eit roleg område med lite biltrafikk og vegane i planområdet er blindvegar slik at det er trygge tilhøve for leik i nærområdet. Dei preparerte skiløypene som ligg inntil er slake og godt eigna for barn og unge både når dei skal lære å gå på ski og for tur- mosjonsbruk. Ein meiner såleis verknadane for barn og unge er klart positive. 4.6 Veg og trafikktryggleik Ny avkøyrsle frå fylkesvegen og bru over elva er klar for bygging i regi av kommunen. Det er lagt inn rekkefølgjekrav i føresegnene om at nytt kryss frå fv 60 må vere opparbeidd før området kan byggast ut. side 7

Vidare har ein nytta same ordlyd som i detaljregulering på vestsida av Resvegen (H22) at kommunen kan gi løyve til tiltak og løyve til igangsetting dersom arbeidet med krysset er starta og dato for ferdigstilling er estimert innan rimeleg tid. Ein kan ikkje få bruksløyve for nye fritidsbustader før krysset er ferdigstilt. Konsekvensane for veg og trafikktryggleik er ikkje vesentlege. 4.7 Kulturminne Det er ikkje kjende kulturminne i eller i nærleiken til planområdet. Planen vil såleis ikkje ha verknad for dette temaet. 4.8 Kommuneøkonomi og næringsutvikling Aktivitet i Hevsdalen er eit satsingsområde for Stranda kommune. Bygging og bruk av fritidsbustader i planområdet vil gi positive ringverknader både for kommuneøkonomien og for næringslivet i kommunen. Konsekvensane er her klart positive. 4.9 Konsekvensar for risiko- og sårbarheit, ROS Planforslaget er vurdert opp mot aktuelle risikofaktorar i ROS-analysen i kapittel 6. Ein har funne fire hending i raud kategori, det vil seie hending der tiltak er nødvendig, eller i utgangspunktet ikkje akseptable. Dette gjeld sløkkevasskapasitet, beredskapstiltak (brannhydrant), kraftforsyning og VA-system. To hendingar ligg i gul kategori der tiltak må vurderast, det gjeld overvatn og trafikkulykker. Ein vurderer det slik at med gjennomføring av avbøtande tiltak som skildra i ROS-analysen, vil planområdet kunne takast i bruk som utbyggingsområde utan auka risiko for tryggleik eller sårbarheit. 4.10 Samla verknader av planforslaget Ein meiner planforslaget er positivt i høve overordna plan, friluftsliv og folkehelse, og klart positive i høve barn og unge og kommuneøkonomi og næringsutvikling. Tilhøva til landskap og estetikk er godt ivareteke. Planforslaget gir ikkje vesentlege verknader for naturmangfald, veg og trafikktryggleik, og vil ikkje ha verknad for kulturminne. Samla verknader av planforslaget reknar ein som positive. side 8

5 ROS-analyse Plannamn og -id.: Detaljregulering Reset, del av gbnr 46/47, Hevsdalen i Stranda kommune PLAN-ID: Utført av: Kari Johanne Flataker Dato: 27.06.2019 5.1 Innleiing Kommunen har ansvar for å sikre forsvarleg bruk og vern av areal og bygningar i kommunen, jf 4-3 i plan- og bygningslova. Ved endring av arealbruk skal aktuelle risikofaktorar bli vurderte, og tema som treng nærare utgreiing bli omtalt. Alle tilhøve knytt til risiko- og sårbarheit som har innverknad på om området er eigna til utbyggingsføremål, er vurderte i eigen tabell. Vidare er det synleggjort kva eventuelle tiltak som må gjennomførast for å oppnå akseptabel risiko. Det er ein føresetnad at det skal gjennomførast avbøtande tiltak for alle tilhøve der det er påvist ein reell risiko for liv, helse og materielle verdiar. 1. I omtalen av sannsyn skal følgjande inndelingar nyttast: a) For flaum-/flaumskredfare skal gjentaksintervalla i 7-2 i byggteknisk forskrift leggjast til grunn (største nominelle årlege sannsyn 1/20, 1/200 eller 1/1000) b) For skredfare skal gjentaksintervalla i 7-3 i byggteknisk forskrift leggjast til grunn (største nominelle årlege sannsyn 1/100, 1/1000 eller 1/5000) c) For annan type risiko skal det i omtalen nyttast omgrepa Lite sannsynleg, Mindre sannsynleg, Ganske sannsynleg, Svært sannsynleg 2. I omtalen av konsekvensar skal følgjande inndeling nyttast: Ufarleg, Ein viss fare, Farleg, Kritisk og Katastrofalt 3. Klimaendringar med auka temperatur, auka totalnedbør, hyppigare ekstremvêr m.v., kan påverke framtidige risiko knytt til hendingane nemnt i tabellen nedanfor. Denne moglege endringa i risiko skal omtalast i dei deler av tabellen der dette er naturleg 4. Det må gå fram kva ekspertise/kompetanseorgan som er brukt i analysearbeidet 5. Alle aktuelle referansar må gå fram (kart, fagrapportar, notat m.v.) 6. Tilrådde tiltak for å følgje opp funn må gå fram t.d. bruk av arealføremål (pbl. 12-5), omsynssoner (pbl. 11-8 og 12-6), føresegner til planen (pbl. 12-7) Konsekvens: 1 Ufarleg 2 Ein viss fare 3 Farleg 4 Kritisk 5 Katastrofalt Sannsyn: 4 Svært sannsynleg 3 Ganske sannsynleg 2 Mindre sannsynleg 1 Lite sannsynleg Raude felt: Tiltak nødvendig, i utgangspunktet ikkje akseptabelt Gule felt: Tiltak må vurderast Grøne felt: Ikkje signifikant risiko, men risikoreduserande tiltak kan vurderast Tiltak som reduserer sannsyn vert vurdert først. Hvis dette ikkje gir effekt eller er mogleg, skal ein vurdere tiltak som avgrensar konsekvensane. side 9

5.2 Analyse Uønska hendingar er lista opp i tabellen med nummerering frå 1-41. Nye tiltak som er grunnlag for analysen er regulering til byggeområde fritidsbustader. Uønska hending Aktuelt? Sannsyn (1-4) Konsekvens (1-5) Samla risiko Kommentar/tiltak Natur- og miljøforhold Er området utsett for, eller kan planen/tiltaket medføre risiko eller auka påkjenningar for: 1. Snø- eller steinskred/- Nei Kjelde: NVE Atlas sprang 2. Flodbølgjer som følgje av Nei Kjelde: NVE Atlas skred 3. Kvikkleire eller anna Nei Kjelde: NVE Atlas ustabilitet 4. Flaum/flaumskred Nei Kjelde: NVE Atlas 5. Overvatn Ja 3 2 Jf 6.3 6. Radon Nei Kjelde: NGU Radon aktsemdkart 7. Skog-/lyngbrann 8. Stormflo 9. Vind 10. Sårbar flora Nei Kjelde: Naturbase, artskart 11. Verneområde Nei Kjelde: Naturbase 12. Vassdragsområde Nei Kjelde: Naturbase 13. Kulturminne/-miljø Nei Kjelde: Miljøstatus Verksemdsrisiko Er det i området: 14. Anlegg/verksemder som kan utgjere ein risiko 15. Lager med farlege stoff (væsker, gassar, eksplosiv mv) Medfører planen/tiltaket: 16. Anlegg/verksemder som kan utgjere ein risiko 17. Lagring av farlege stoff (væsker, gassar, eksplosiv mv) 18. Auka risiko eller andre side 10

påkjenningar for sårbare bygg, infrastruktur, aktivitetar Forureining Er det i området: 19. Fare for akutt forureining 20. Permanent forureining 21. Støy og støv Nei Kjelde: Miljøstatus (industri, trafikk m.v.) 22. Forureina grunn 23. Høgspentlinjer 24. Anlegg for avfallsbehandling Medfører planen/tiltaket: 25. Fare for akutt forureining 26. Fare for permanent forureining 27. Støy og støv 28. Høgspentlinjer 29. Anlegg for avfallsbehandling Beredskap Er det i området: 30. God tilkomst for utrykkingskøyretøy 31. Tilstrekkeleg sløkkevasskapasitet Medfører planen/tiltaket: 32. Behov for nye/auka beredskapstilt. (brann, helse) Infrastruktur Ja Nei 4 2 Jf 6.3 Er området utsett for, eller kan planen/tiltaket medføre auka risiko for: Tilkomst via interne vegar. Ja 4 2 Krav til ny brannhydrant 33. Trafikkulykker Ja 3 2 Jf 6.3 34. Manglande kapasitet i kraftforsyninga 35. Manglande kapasitet i tele-/ dataforsyninga 36. Manglande kapasitet i VAsystem Ja 4 2 Jf 6.3 Ja 4 2 Jf 6.3 side 11

Andre forhold 37. Fare for sabotasje/terror 38. Fare for annan kriminalitet 39. Vatn med fare for usikker is 40. Terrengformasjonar som utgjer spesiell fare (stup, skrentar m.v.) 41. Gruver, opne sjakter, steintippar m.v. Figur 8: ROS-skjema for detaljregulering Reset, del av gbnr 46/47 5.3 Utfyllande kommentar Nedanfor følgjer utfyllande omtale av, og forslag til tiltak for, dei mest sentrale punkta i kapittel 6.2. Klimaendring: Miljøverndepartementet har utarbeidd prognosar for klimautvikling fram mot klimaperioden 2071-2100. Desse viser at det på Vestlandet truleg vert hyppigare tilfelle av intens nedbør, og både gjennomsnitttemperatur og havnivå vil stige. I følgje miljostatus.no er prognosane for planområdet at nedbørsmengde i høve normalperioden 1961-1990 vil kunne stige med 20-25% fram mot 2071-2100. Desse tala er basert på klimamodellar og er difor usikre. I tillegg til auka nedbørsmengde vil ein få hyppigare episodar med styrtregn og hyppigare og større flaumar i små vassdrag over heile landet. I delar av landet vil ein og få auka hyppigheit av skred i bratt terreng knytt til regnskyll, flaum og snøfall. I tillegg vil klimaendring påverke havnivå og nivå for stormflo. Planområdet ligg mellom kote +420 til +435, så havnivåstigning og stormflo er såleis ikkje relevante tema for dette området. Aktuell problemstilling for detaljreguleringa er knytt til auka nedbør og hyppigare episodar med styrtregn som kan føre til større mengde overflatevatn. Pkt 5: Overflatevatn Det vil bli utarbeidd ein VAO-plan for området i tråd med PLA-vedtak knytt til oppstart av detaljregulering. Krav i føresegnene Dersom VAO-planen viser trong for tiltak knytt til overvatn, vil dette bli fanga opp i føresegnene før endeleg planvedtak. Med utgangspunkt i dette, ser ein ikkje behov for ytterlegare tiltak med omsyn til framtidige klimaendringar. Pkt 31: Sløkkevasskapasitet Der er ikkje tilstrekkeleg vassforsyning til sløkkevatn. Ein vil samarbeide med kommunen og andre grunneigarar i området for å få til løysing på dette. Pkt 32: Nye/auka beredskapstiltak Utbygginga medfører trong for ny brannhydrant med tilhøyrande vassleidning med tilstrekkeleg kapasitet. Rekkefølgjekrav i høve dette er lagt inn i føresegnene. Pkt 33: Trafikkulykker Nye hyttetomter gir ein viss trafikkauke, men planlagt ny veg/bru frå fv60 gir vesentleg auka tryggleik. Rekkefølgjekrav i høve bygging av nytt kryss frå fv 60 er lagt inn i føresegnene. side 12

Pkt 34: Kraftforsyning Dagens straumforsyning til området har ikkje kapasitet til å forsyne planområdet eller andre nye hyttefelt i nærleiken, så kapasiteten må aukast med ny nettstasjon og nye jordkablar i samband med utbygging. Detaljane i dette må avklarast med netteigar. Pkt 36. Vatn og avløp Kommunale leidningar for vatn og avløp går langs sørsida av Fursetelva, om lag 200 meter nord for planområdet. Ein vil i samarbeid med andre utbyggarar i området og kommunen finne løysing for framføring av vatn og avløp, og det er lagt inn rekkefølgjekrav i føresegnene. 5.4 Oppsummering Tabellen i figur 9 gir ei samla oversikt over uønska hendingar plassert i raude, gule og grøne felt. Konsekvens: 1 Ufarleg 2 Ein viss fare 3 Farleg 4 Kritisk 5 Katastrofalt Sannsyn: 4 Svært sannsynleg 31, 32, 34, 36 3 Ganske sannsynleg 5, 33 2 Mindre sannsynleg 1 Lite sannsynleg Figur 9: Tabell over uønska hendingar i planområdet. Hendingar i raude felt: Pkt 31: Sløkkevasskapasitet Tiltak: Rekkefølgjekrav om tilfredsstillande sløkkevatn Pkt 32: Nye/auka beredskapstiltak Tiltak: Etablere brannhydrant Pkt 34: Kraftforsyning Tiltak: Ny nettstasjon i samarbeid med netteigar. Pkt 36: VA-system Tiltak: Rekkefølgjekrav om utbygging VA-system Hendingar i gule felt: Pkt 5: Overvatn Tiltak: VAO-plan for området blir utarbeidd. Pkt 33: Trafikkulykker Tiltak: Rekkefølgjekrav i høve bygging av ny veg/bru frå fv60. Hendingar i grøne felt: Ingen side 13