Styresak. Føretak: Helse Fonna HF Dato: 13.03.14 Sakshandsamar: Saka gjeld: Olav Klausen Samarbeidsavtalar med Eidfjord kommune

Styresak Går til: Styremedlemmer Føretak: Helse Fonna HF Dato: 13.03.14 Sakshandsamar: Saka gjeld: Olav Klausen Samarbeidsavtalar med Eidfjord kommune Arkivsak 5/12 B 51/12 B 76/12 O 17/13 A 61/13 A 70/13 O 96/13 O Styresak 29/14 A 4 vedlegg Styremøte 21.03.14 Forslag til vedtak: 1. Styret i Helse Fonna HF godkjenner at overordna samhandlingsavtale, tenesteavtalar og særavtale som nemnt i helse- og omsorgstenestelova 6-1 med Eidfjord Kommune blir transportert til Helse Bergen HF 2. Styret i Helse Fonna HF ber administrerande direktør følgje opp vedtaket og gir administrerande direktør fullmakt til å signere avtale med Helse Bergen HF om transportering av avtalane

Bakgrunn for saka Helse- og omsorgsdepartementet gav i føretaksmøte 28.04.11 Helse Vest RHF i oppdrag å vurdere om Odda sjukehus bør overførast til Helse Bergen HF. Helse Vest RHF har gjennomført eit prosjekt «Utgreiing av føretaksgrenser i indre Hardanger» for å vurdere dette. Helse Vest var prosjekteigar. Styringsgruppa og prosjektgruppa var samansett av representantar frå Helse Fonna HF, Helse Bergen HF, Hardangerrådet, Haugesund kommune, Stord kommune, vernetenesta, tillitsvalde og brukarrepresentantar. Mandatet for prosjektet var å vurdere endringar i føretakstilknytinga for Odda sjukehus og eventuelle konsekvensar for ei slik endring. Målet har vore å bidra til å sikre gode helsetenester, effektiv samhandling med kommunane og rett ressursbruk i spesialisthelsetenesta. Helse Vest RHF behandla prosjektrapporten i styresak 044/13 B og vedtok følgjande: 1. Odda sjukehus blir i Helse Fonna HF. 2. Føretaksgrensa Helse Fonna HF/Helse Bergen HF blir ikkje endra. 3. Eidfjord kommune, men ikkje dei andre kommunane i indre Hardanger, kan bruke Voss sjukehus for øyeblikkeleg hjelp og elektiv verksemd. Helse Vest RHF orienterte Eidfjord kommune om vedtaket i brev av 24. mai 2013 og anmoda om tilbakemelding om Eidfjord kommune fortsatt ønskjer tilknyting til Helse Bergen for alle tenesteområder med dei konsekvensar det kan medføre mellom anna for prehospitale tenester. Eidfjord kommune stadfesta i brev av 01.06.13 at dei ønskjer tilknyting til Helse Bergen HF. Det følgjer av spesialisthelsetenestelova 2-1 e andre ledd at De regionale helseforetakene skal sørge for at det inngås samarbeidsavtaler som nevnt i helse- og omsorgstjenesteloven 6-1. Det regionale helseforetaket kan beslutte at ett eller flere av helseforetakene det eier, skal inngå og være part i slike avtaler. Helse Vest RHF gjorde vedtak i styremøte, sak 143/11B av 07.12.11 om at helseføretaka kvar for seg skal inngå og være part i avtalar med kommunane i opptaksområdet. I helse- og omsorgstenestelova 6-1 er tilsvarande plikt tatt inn for kommunane v/kommunestyra: Kommunestyret selv skal inngå samarbeidsavtale med det regionale helseforetaket i helseregionen eller med helseforetak som det regionale helseforetaket bestemmer. Kommunen kan inngå avtale alene eller sammen med andre kommuner. Helse Fonna HF har inngått ein overordna samhandlingsavtale og 11 tenesteavtalar med alle kommunane i opptaksområdet. I tillegg er det inngått særavtalar til tenesteavtale 4 om døgnopphald for øyeblikkeleg hjelp. Eidfjord kommune har inngått særavtale om døgnopphald for øyeblikkeleg hjelp tilbod saman med Helse Bergen HF. Avtalen gjel for Voss, Granvin, Ulvik, Kvam og Eidfjord. For særavtale til tenesteavtale 4 har Helse Fonna inngått særavtale med Eidfjord kommune som godkjenner vertskommunesamarbeid med Voss. Helse Vest RHF har i brev dagsett 21.02.14 orientert kommunen og føretaka om at det ikkje er nødvendig å pålegge Eidfjord kommune å halda seg til dobbelt sett med avtalar, og at det ikkje er nødvendig med ny styrebehandling i Helse Vest RHF. Administrerande direktør tilrår på bakgrunn av styrevedtaket i Helse Vest RHF, brev frå Eidfjord kommune og brev frå Helse Vest RHF at Helse Fonna HF transporterar overordna samhandlingsavtale, tenesteavtalar og særavtale som nemnt i helse- og omsorgstenestelova 6-1 med Eidfjord Kommune til Helse Bergen HF. Administrerande direktør vil leggje fram ei eigen sak om dei prehospitale tenester/ambulansestasjonen i Eidfjord for styret i Helse Fonna HF. Vedlegg Styresak i Helse Vest RHF 044/13 B Brev frå Eidfjord kommune dagsett 01.06.13 Brev frå Helse Vest dagsett 21.02.14 Utkast til avtale med Helse Bergen HF 2

EIDFJORD KOMMUNE 01V Ts-7-17 Helse Vest pb. 303 Forus 4066 STAVANGER Dykkar ref Arkivsakid-doknr: 12/867-19 Saksh: Aud Opheim Lygre Arkivkode Dato: Joumalpostid: 13/2995 Telefon: 53 67 35 04 Kl-, K2-G00 01.06.2013 Overføring frå Helse Fonna til Helse Bergen - oppfølging av vedtak Me syner til brev frå Helse Vest av 24. mai 2013, der de syner til styret i Helse Vest sitt vedtak om at Eidfjord kan nytta Voss sjukehus for øyeblikkeleg hjelp og elektiv verksemd. Helse Vest legg til grunn at dette også vil gjelda psykiatri og prehospitale tenester og ber om ei tilbakemelding om me ønskjer ei overføring til Helse Bergen. Eidfjord kommune stadfestar at me ønskjer ei overføring til Helse Bergen. Med venleg helsing Eidflord kommune Anved Johan Tveit ordførar Kopi: HelseFonnaog Helse Bergen X-7 Hordonger Eidfjord kommune Simadalsvegen 1 5783 Eidfiord Eidfjord - unik frå fjell til fjord Org.nr: 944 227 121 Telefon: 53 67 35 00 Bankgiro: 3450.19.60006 Telefaks: 53 67 35 75 Innbetaling skatt: 7855.05.12326 www.eidf,jord.kommune.no Epost: postmottak(a eidfjord.kommune no

Styresak Går til: Styremedlemmer Føretak: Helse Vest RHF Dato: 22.03. 2013 Sakhandsamar: Saka gjeld: Ingvill Skogseth Prosjektrapport - Utgreiing av føretaksgrenser i indre Hardanger Arkivsak 2010/330/ Styresak 044/13 B Styremøte 10.04. 2013 Forslag til vedtak 1. Odda sjukehus blir i Helse Fonna HF. 2. Føretaksgrensa Helse Fonna HF/Helse Bergen HF blir ikkje endra. 3. Eidfjord kommune, men ikkje dei andre kommunane i indre Hardanger, kan bruke Voss sjukehus for øyeblikkeleg hjelp og elektiv verksemd. 1

Oppsummering Helse- og omsorgsdepartementet har i føretaksmøte 28. april 2011 bedt Helse Vest RHF om å vurdere om Odda sjukehus bør overførast til Helse Bergen HF. Helse Vest RHF har vore prosjekteigar. Styringsgruppa og prosjektgruppa har bestått av representantar frå Helse Fonna HF, Helse Bergen HF, Hardangerrådet, Haugesund kommune, Stord kommune, vernetenesta, tillitsvalde og brukarrepresentantar. Mandatet var å vurdere endringar i føretakstilknytinga for Odda sjukehus og eventuelle konsekvensar for ei slik endring. Målet har vore å bidra til å sikre gode helsetenester, effektiv samhandling med kommunane og rett ressursbruk i spesialisthelsetenesta. Utgreiinga har vore på høyring, og det er komme mange høyringsfråsegner. Utgreiinga viser til behovet for å vidareføre arbeidet med omstilling ved Odda sjukehus uansett helseføretakstilknyting. I lys av samhandlingsreforma er det avgjerande å ha et godt og gjensidig samarbeid mellom kommunane og spesialisthelsetenestea med eit felles ansvar for å utvikle gode helsetenester. Det synes å vera ei delt oppfatning av kva som vil vera den beste løysinga for befolkninga. Kommunane i indre Hardanger ønskjer ei flytting av føretaksgrensene slik at dei går frå Helse Fonna HF til Helse Bergen HF. Dette blir grunngjeve med ønske om å ha tilknyting til eit universitetssjukehus, og det blir vist til etablerte pasientstraumar og kortare reiseavstandar og til Voss sjukehus. Kommunane i indre Hardanger viser også til at sjølv om fleirtalet i styringsgruppa ikkje tilrår overflytting av Odda sjukehus til Helse Bergen HF, så understrekar dei at fleirtalet av representantane er frå Helse Fonna HF og vertskommunen Haugesund. Helse Vest meiner pasientstraumane for planlagt utgreiing og behandling fritt må kunne gå på tvers av HF-grenser. Helse Vest foreslår kriterier for å vurdere om grensenære kommunar (randkommunar) kan høyre til eit anna helseføretak enn det sjukehusområdet dei høyrer inn under. Dette vil vera eit grunnlag i ei heilskapleg vurdering. Fakta Bakgrunn Helse- og omsorgsdepartementet har i føretaksmøte 28. april 2011 bedt Helse Vest RHF vurdere om Odda sjukehus bør overførast til Helse Bergen HF. Helse Vest har organisert dette arbeidet som eit prosjekt. Mandat for prosjektet blei vedteke av styret i Helse Vest RHF 7. desember 2011, sak 140/11B. Opptaksområdet for Odda sjukehus omfattar om lag 12 500 innbyggjarar i indre Hardanger (kommunane Jondal, Odda, Ullensvang og Eidfjord). Odda kommune har ved fleire høve uttrykt at dei har vore misnøgde med nokre av dei vedtaka styret for Helse Fonna HF gjorde i samband med behandlinga av «Plan somatikk» i 2010, og dei ønskjer derfor ein overgang frå Helse Fonna HF til Helse Bergen HF for Odda sjukehus. Mandat og prosjektorganisering Mandatet for utgreiingsprosjektet har vore å vurdere ei endring av føretakstilknyting for Odda sjukehus og eventuelle konsekvensar for ei slik endring. Målet skal vere å bidra til å sikre gode helsetenester, effektiv samhandling med kommunane og rett ressursbruk i spesialisthelsetenesta. 2

Når ein skal velje løysingar, skal nasjonale og regionale føringar og samhandlingsreforma leggjast til grunn og vere tufta på befolkninga sine behov for spesialisthelsetenester. Hovudproblemstillinga som prosjektet blei bedt om å utgreie, er av prinsipiell karakter, og prosjektet blei derfor bedt om å søke og belyse dei ulike problemstillingane på ein slik måte at dei har overføringsverdi for andre sjukehus og institusjonar/kommunar både i Helse Fonna sitt opptaksområde, men også i regionen elles. Helse Vest RHF har vore prosjekteigar. Styringsgruppa og prosjektgruppa har bestått av representantar frå Helse Fonna HF, Helse Bergen HF, Hardangerrådet, Haugesund kommune, Stord kommune, vernetenesta, tillitsvalde og brukarrepresentantar. I arbeidet med å kartleggje no situasjonen og framtidige behov har styringsgruppa undervegs i arbeidet bestilt delutgreiingar frå prosjektgruppa. På heimesida til Helse Vest er det oppretta ei eiga side for prosjektet der alle delutgreiingane og dokumenta ligg: http://www.helse-vest.no/aktuelt/prosjekter/utgreiing-av-foretaksgrenser-i-indrehardanger/sider/side.aspx Det blei bestemt at styringsgruppa skulle vente til konsekvensane for Stord og Sunnhordland var utgreidde, før ein kom med ei tilråding for føretaksgrensene i indre Hardanger. Det var ønske om ei heilskapleg tilråding av føretaksgrensene for heile Helse Fonna HF. Kommentarar Prosjektet har utarbeidd ein rapport som er ferdigstilt per oktober 2012. Prosjektrapporten inneheld tilrådingar til Helse Vest RHF frå styringsgruppa. Tilrådingane bygger på utgreiingsarbeidet med eit breitt sett av delutgreiingar og faktagrunnlag. Styringsgruppa har gjort vurderingar og vekta argument for og imot endring av føretaksgrenser. Tilrådingar frå styringsgruppa (direkte sitert) 1. «Styringsgruppa ser det som eit overordna mål å sikre innbyggjarane eit breitt tilbod av spesialisthelsetenester gjennom eit sterkt Helse Fonna. Styringsgruppa med unntak av medlemmet Alfsvåg sluttar seg til denne målformuleringa. 2. For indre Hardanger med Odda sjukehus ser styringsgruppa to alternativ: a) Indre Hardanger med Odda sjukehus høyrer framleis til Helse Fonna. b) Indre Hardanger med Odda sjukehus blir overført til Helse Bergen. Styringsgruppa med unntak av medlemmene Opdal og Alfsvåg støttar alternativ a). Medlemmene Opdal og Alfsvåg går inn for alternativ b). Argument for alternativ a), uendra føretakstilknyting er blant anna: Ei endring av grensene gjer det nødvendig med ein prosess rundt funksjonsdeling mellom Odda sjukehus og Voss sjukehus. Ei endring vil vere krevjande med omorganisering og nye relasjonar i føretaket både i Helse Bergen og i Helse Fonna. Endringa vil svekkje befolkningsunderlaget for Helse Fonna (10 prosent). Endringa omfattar òg psykisk helsevern og spesialisert rusbehandling. Det blir utfordrande for Helse Bergen å halde oppe to små lokalsjukehus. 3

Argument for alternativ b), overføring til Helse Bergen er blant anna: Kommunane i indre Hardanger, Hardangerrådet og kommunelegane har teke initiativ til og ønskjer overføring til Helse Bergen, slik at alle kommunane i Hardanger høyrer til det same helseføretaket. Nokre pasientgrupper vil få kortare og enklare reiseveg til behandling (gjeld spesielt kommunane Eidfjord og Ullensvang). Indre Hardanger har tilknyting til Hordaland og Bergen på andre samfunnssektorar. Befolkninga i Hardanger vil ha eit betre tilbod med eitt berekraftig sjukehus i utvikling enn med to små lokalsjukehus. Det vil bli utfordrande for Helse Fonna å utvikle eit nært samarbeid med kommunane når dei ønskjer seg over til Helse Bergen og vil stå saman med dei andre hardangerkommunane om å utvikle kommunehelsetenesta. 3. Ei samla styringsgruppe ser behovet for ytterlegare omstillingar ved Odda sjukehus. I denne prosessen vil samarbeid med kommunane om å løyse oppgåver stå sentralt. Det same vil gjelde fysisk samlokalisering av kommunale funksjonar og sjukehusfunksjonar. Primærhelsetenesta kan få stor nytte av infrastrukturen ved Odda sjukehus. I utviklingsarbeidet er det viktig å sjå til liknande prosessar og prosjekt ved andre lokalsjukehus, for eksempel Nordfjord sjukehus. Mange av endringane vil vere utvikling og tilpassing til intensjonane i samhandlingsreforma. 4. Som del av samhandlingsreforma må kommunane ta eit større medansvar for å utvikle lokalsjukehusa. Det gjeld blant anna ansvar for å utvikle og bruke sjukehustenestene og ansvar for samlokalisering av tenester og kommunal bruk av tilgjengelege areal ved lokalsjukehusa. Vi viser blant anna til samarbeidsavtalane mellom kommunane og helseføretaka, dei pågåande samarbeidsprosjekta i regionen og utviklingsprosjektet «Framtidas lokalsjukehus» i Nordfjordeid. 5. Dersom føretaksgrensene i indre Hardanger likevel blir endra, meiner styringsgruppa at grenseendringane også må gjelde for psykisk helsevern, spesialisert rusbehandling og prehospitale tenester. Det vil føre til redusert aktivitet ved Valen sjukehus, Folgefonn DPS avdeling Valen og BUP Stord/Kvinnherad. 6. For å sikre det overordna målet ser styringsgruppa med unntak av medlemmet Alfsvåg det som uaktuelt å endre føretaksgrensene i Sunnhordland. Føresetnaden for dette standpunktet er at det gode utviklings- og forbetringsarbeidet i Helse Fonna generelt og ved Stord sjukehus spesielt blir ført vidare. Med bakgrunn i erfaringar i eige og andre føretak ser styringsgruppa det som aktuelt at Helse Fonna på ny vurderer stadleg leiing saman med gjennomgåande klinikkleiing. 7. Styringsgruppa ser fleire aktuelle tiltak for å utvikle Stord sjukehus og peiker på følgjande konkrete forslag: Styrkje poliklinikkar og ambulerande tenester Utvide formalisert samarbeid med fastlegane om standardiserte pasientforløp Vurdere fleire avtalespesialistar til Stord Helse Fonna må ta initiativ overfor Helse Vest RHF Leggje funksjonar til Stord sjukehus som dekkjer heile føretaket, jf. det spesialiserte rehabiliteringstilbodet ved Stord sjukehus Gjere tilboda ved Stord sjukehus betre kjende for pasientar og fastlegar.» Aktivitetsdata og pasientstraumanalyser Dei siste fem til ti åra har oppgåveomfanget for Odda sjukehus endra seg, og aktiviteten har blitt gradvis redusert. I rapporten er det peika på fleire forhold som gjer at denne utviklinga vil halde fram. Enkelte pasientgrupper skal, i tråd med nasjonale retningslinjer, ikkje lenger få all behandling ved mindre sjukehus. Det gjeld for eksempel ved akutt hjerneslag eller akutt hjarteinfarkt. Medisinsk og teknologisk utvikling gjer det mogleg å starte akutt behandling prehospitalt, og pasientane kan så fraktast vidare til større sjukehus. Kommunane tek òg over oppgåver frå sjukehusa i tråd med intensjonane i samhandlingsreforma. 4

Pasientstraumanalysar viser at innbyggjarane i indre Hardanger i stor grad nyttar behandlingstilbodet ved andre sjukehus enn Odda sjukehus. Det er etablerte pasientstraumar frå kommunane i indre Hardanger mot Helse Bergen HF, også på område der tenestetilbodet finst i eige helseføretak. Oversikt over reisetid og offentleg kommunikasjon til dei ulike sjukehusa i regionen viser at det for mange innbyggjarar er enklare å reise til sjukehus i Helse Bergen HF enn til sjukehus i Helse Fonna HF. Nye vegsamband vil knytte indre Hardanger endå nærmare Bergensregionen i åra som kjem. Odda sjukehus har utfordringar med å rekruttere overlegar og spesialsjukepleiarar. Det gjer det vanskelegare å skape eit stabilt medisinsk miljø der ein får byggje opp felles erfaring og kompetanse i tett integrasjon med fagmiljøa i resten av føretaket. Odda sjukehusområde har hatt ei negativ befolkningsutvikling. Av dei fire kommunane i indre Hardanger er det berre Eidfjord som ventar ein befolkningsauke. Innbyggjarane i Eidfjord nyttar i dag i all hovudsak tenestetilbodet ved Voss sjukhus. Det er fleire forhold som gir Odda sjukehus utfordringar som krev tilpassing. Behovet for omstilling ved Odda sjukehus er uavhengig av føretakstilknyting og føretaksgrenser. Forbetringspotensial Uavhengig av avgjerda om å endre føretaksgrenser i indre Hardanger har prosjektet både identifisert område med forbetringspotensial når det gjeld organiseringa av spesialisthelsetenesta i Helse Fonna HF generelt, og vurdert utviklingstrekka og utviklingsbehova ved Odda sjukehus spesielt (kapittel 5). Konsekvensar av ulike løysingar Prosjektet har vurdert kva for konsekvensar ei endring av føretakstilknytning for Odda sjukehus vil ha frå fleire perspektiv. Det er gjort ei vurdering av konsekvensane for innbyggjarane, kommunane i regionen, Odda sjukehus og dei omkring liggjande sjukehusa (både somatiske sjukehus og psykisk helsevern) og helseføretaka. Vurderingane er gjort på bakgrunn av informasjonen som har vore presentert i delutgreiingar frå prosjektgruppa. I tråd med mandatet har prosjektet i denne omgang ikkje vurdert konsekvensane av endring av føretakstilknynting for Stord sjukehus. Høyringsfråsegner Styret fekk i styremøte 6. februar 2013 i sak 15/13 Skriv og meldingar høyringsfråsegnene samla til orientering. I det følgjande er det referert til hovudbodskapen frå kvar av dei som har gitt fråsegn. Stord kommune Stord kommune tar til orientering styringsgruppa sin konklusjon når det gjeld føretaksgrense. Dei peikar på at det overordna målet er å sikre eit breitt heildøgn spesialisthelsetenestetilbod for heile befolkninga i Sunnhordland. Kommunen ser positivt på at styringsgruppa går inn for å utvikle Stord sjukehus og legg til grunn at styret og administrasjon i helseføretaket arbeider vidare med dei konkrete forslaga. Stord kommune føreset at det blir sett i verk tiltak som sikrar eit sterkt Stord sjukehus. Stord kommune vil som del av Samhandlingsreforma ta eit medansvar for å utvikle lokalsjukehuset. Det gjeld mellom anna ved samlokalisering av kommunale tenester med helseføretaket sine tenester. Det er avgjerande at det vert sett av areal ved lokalsjukehuset til å følgje opp prosjekta i Helsetorgmodellen. Stord kommune legg til grunn at Helse Fonna får på plass stadleg leiing ved Stord sjukehus. Kvinnherad kommune Kvinnherad kommune går inn for styringsgruppa si tilråding. Eit overordna mål er å sikra eit sterkt Helse Fonna med eit breitt tilbod av spesialisthelsetenester for den kraftig aukande befolkninga på Haugalandet og i Sunnhordland, punkt a: Indre Hardanger med Odda sjukehus høyrer framleis til Helse Fonna 5

Samarbeidsrådet for Sunnhordland Samarbeidsrådet for Sunnhordland støttar fleirtalet i styringsgruppa sin konklusjon når det gjeld føretaksgrenser. Det overordna målet er å sikre eit breitt heildøgnleg spesialisthelsetilbod for heile befolkninga i Sunnhordland. Høyringsuttalen er vidare samanfallande med Stord kommune. Hardangerrådet iks Hardangerrådet er kritisk til og støttar ikkje tilrådingane frå styringsgruppa i prosjektet. Det blir lagt til grunn følgjande konklusjonar som går imot: 1. Helseføretaket sine behov er viktigare enn retten til innbyggjarane 2. Banebrytande helsesamarbeid i Hardanger vert neglisjert av fleirtalet i styringsgruppa 3. Hardangerbrua og Jondalstunnelen er til fånyttes for pasientane 4. Samhandlingsreforma krev endringsvilje helseføretaka viser motvilje 5. Er det lovgrunnlag for å nekte kommunane overflytting til Helse Bergen HF. Det blir vist til at pasientstraumane viser at innbyggjarane vil tilhøyre Helse Bergen. Kommunane i Hardanger ynskjer sterke og nære helsetilbod til innbyggjarane. Dei 7 Hardangerkommunane/-herada krev etter rapportutgreiinga å få samla høyre til Helse Bergen. Odda kommune Odd kommune har i sak 138/12 vedtatt følgjande fråsegn;»pasientane sin rett til val av behandlingsstad er sikra gjennom lovverk for fritt sjukehusval. Den formelle føretakstilknytinga er såleis av liten betydning for fleirtalet av behandlingar. Pasientar i indre Hardanger vil fortsett velja seg til det sjukehuset og det føretaket som høver dei best. Føretaksorganiseringa er langt viktigare for kommunen. Den definerer kva føretak ein skal samhandle med for å organisere forsvarleg beredskap, akuttmedisin, effektive behandlingsliner med tanke på dei løft Samhandlingsreforma elles krev. Med felles regionkommuneoverlege og mange felles arenaer for samarbeid innan kommunehelsetenesta må kommunane som inngår i Hardangerprosjekta ha eit og same føretak å forholde seg til når ansvarsliner/samhandling skal organiserast, vedlikehaldast og vidareutviklast. Prosjektrapportane sine tal for pasientstraumar i kommunane, syner at Helse Bergen allereie er det klart dominerande føretaket i dei fire kommunane som ønskjer overflytting når ein ser bort frå behandlingar ved lokalsjukehuset. Ei endring av føretaksgrensene inneber for desse kommunane at ein endrar kartet slik det passer med det faktiske terrenget! Ei endring inneber vidare at det skapast ei endeleg avgjerd om føretakstilknytinga i vårt distrikt og gjer partane som skal arbeida med gjennomføring av dei nye helsereformene forutsigbarhet og vissheit. Det vil frigjera arbeidskraft og energi til viktig helsearbeid. Vi fryktar at eit avslag vil avla nye omkampar og bidra til fortsatt uro og uvissheit i distriktet. Odda kommune opprettheld difor si anmoding om å verte overflytta til Helse Bergen HF». Haugesundsregiones Næringsforening/Stord næringsråd Næringsorganisasjonane tar til etterretning styringsgruppa sin konklusjon om å behalde føretaksgrensene i Helse Fonna. Det sikrar etter deira meining det beste helsetilbodet til befolkninga i dette sterkt veksande området mellom Bergen og Stavanger. Helse Fonna er eit viktig «lim» mellom kommunane og bidrar med attraktive arbeidsplasser til å utvikle kompetansen i regionen. Næringsorganisasjonane deler styringsgruppa sitt overordna mål om å sikre innbyggarane eit breitt tilbod av spesialisthelsetenester gjennom eit sterkt Helse Fonna. Eit godt fungerande lokalsjukehus er vidare viktig for beredskapen for dei store industriverksemdene i regionen. Dei støttar alle dei aktuelle tiltaka for å utvikle Stord sjukehus. 6

Bømlo kommune Kommunestyret meiner at innspel frå kommunane i indre Hardanger må tilleggast stor vekt ved avgjerd om føretaksgrenser i indre Hardanger. Dersom Odda sjukehus vert overført til Helse Bergen, må det psykiatriske tilbodet i Sunnhordland ikkje svekkast. Kommunestyret sluttar seg til styringsgruppa sitt overordna mål om å sikre eit sterkt Helse Fonna med eit breitt tilbod av spesialisthelsetenester for den kraftig aukande befolkninga på Haugalandet og Sunnhordland. Kommunestyret sluttar seg til styringsgruppa sitt framlegg om forbetrings- og utviklingsarbeid i Helse Fonna generelt og Stord sjukehus spesielt. I tillegg vil ein peike på trong for å tydeleggjera tenestetilbod, utvikle klare avtaler om funksjonsfordeling internt i Helse Fonna og mellom Helse Fonna og universitetssjukehusa, slik at det vert tydeleggjort for kommunane og tilvisande legar. Det er viktig å sikre tett samhandling og positiv utvikling på områder der ein kan oppnå positive synergiar mellom helseføretaket og kommunane i høve faglege tilbod, bruk av kompetanse, areal, utstyr med vidare. Samhandling mellom Helse Fonna og kommunane må styrkast og vidareutviklast. Ordfører- og rådmannskollegiet for Haugesundsregionen (ORK) ORK er einig med styringsgruppa sine overordna mål om å sikre innbyggarane eit breitt tilbod av spesialisthelsetenester gjennom eit sterkt Helse Fonna. I samarbeid med kommunehelsetenesta skal behandling skje nærmast mogleg pasienten sin heimstad, medan spesialiserte oppgåver må sentraliserast. ORK er opptatt av lokal medbestemmelse over utøvelsen av statlige tenester, og meiner det er av betydning at kommunane i Hardanger ønskjer tilknyting til Helse Bergen. ORK er likevel av den oppfatning at spesielisthelsetenester i Hardanger og Odda sjukehus best kan utviklast gjennom fortsatt tilknyting til Helse Fonna. Aktivitetsnedgangen ved Odda sjukehus skuldast i størst grad aukande spesialisering av medisinsk behandling i Noreg, og i mindre grad påverka av tilknytinga til Helse Fonna. ORK støttar vidare tilrådinga når det gjeld muligheit for å vidareutvikle samarbeidet mellom Odda sjukehus og primærhelsetenesta. Infrastrukturen ved Odda sjukehus legg til rette for eit slikt samarbeid. Som del av samhandlingsreforma må kommunane ta større medansvar for å utvikle lokalsjukehusa. ORK legg vidare til grunn at Haugesund sjukehus, som hovudsjukehuset i Helse Fonna, ikkje må svekkast verken fagleg eller økonomisk. Eidfjord kommune Eidfjord kommunestyre gjev si fulle støtte til uttalen frå Hardangerrådet. Eidfjord kommunestyre viser og til notat frå kommuneoverlegen i Eidfjord. Som ledd i samhandlingsreforma, har Eidfjord kommunestyre vedteke å kjøpa legevakttenester og akuttmedisinske senger hjå Voss kommune, lokalisert ved Voss sjukehus. Pasientstraumanalysen syner at eidfjordingane nyttar Voss som sitt lokalsjukehus. Dersom styret i Helse Vest vedtek at Hardanger skal vera splitta i to helseføretak, ber kommunestyret om at Eidfjord vert overført til Helse Bergen, og med uendra ambulanseberedskap i Eidfjord. I brev datert 6. februar 2013 har Eidfjord kommune informert om at Voss har laga ein særavtale om døgnopphald for ØHJ-tilbod saman med Helse Bergen. Avtalen skal gjelde for Voss, Granvin, Ulvik, Kvam(natt) og Eidfjord. Kommunane vil søke Helsedirektoratet om midlar, men Eidfjord kommune viser til at saka må styrebehandlast i Helse Fonna før Voss kan sende fellessøknad til Helsedirektoratet fordi Eidfjord har anna føretakstilknyting. (Sjå merknad til dette under avsnittet om juridiske forhold). Ulvik herad Ulvik herad gjev si fulle støtte til uttale frå Hardangerrådet. Voss kommune Voss kommune støttar Hardangerrådet sin utale 7

Jondal kommune Jondal kommune sluttar seg til høyringsuttalen frå Hardangerrådet når det gjeld endringar av føretaksgrensene i Hardanger. Jondal kommune finn for eigen del å understreke følgjande punkt: Innbyggjarane i Jondal har kortare veg til Haukeland universitetssjukehus enn til Haugesund sjukehus Hardangerkommunane ønskjer å samhandle på fleire område innan helse. At regionen er delt mellom 2 helseføretak legg hindringar i vegen for gode og effektive løysingar. Statistikk viser at innbyggjarane i Jondal gjennom sine val i svært stor grad allereie i dag nyttar Helse Bergen sine tenester framfor å nytte Helse Fonna. Rogaland fylkeskommune Det må være et overordnet mål å sikre innbyggerne et bredt tilbud av spesialisthelsetenester gjennom eit sterkt Helse Fonna. Rogaland fylkeskommune anbefaler derfor at grensene for helseforetaket forblir uendret. Helse Bergen HF Styret i Helse Bergen ønskjer ikkje å ta stilling til styringsgruppa si tilråding men beslutta einstemmig følgjande: Styret i Helse Bergen tek styringsgruppa si tilråding til orientering. For å sikre effektive og fleksible samhandlingsløysingar for kommunane i indre Hardanger ber styret i Helse Bergen om at Helse Vest ser nærare på blant anna a)dei omfattande samhandlingsprosjekta innan allmennlegetenesta, legetenester og folkehelse som er sett i gang i indre Hardanger b) dei store samferdselsprosjekta Hardangerbrua og Jondalstunellen som vil bety svært mykje for reisetida til pasientane. Helse Fonna HF Styret i Helse Fonna tilrår at føretaksgrensene ikkje endrast for indre Hardanger. Juridiske forhold Grunnlag for etablering av Helse Fonna HF Ved sjukehusreforma i 2002 og etableringa av regionale helseføretak, blei HOS samarbeidet ein naturleg del av bakgrunnen for etablering av Helse Fonna HF. HOS prosjektet var eit samarbeidsprosjekt mellom Fylkessjukehuset i Haugesund, Fylkessjukehus i Odda og Fylkessjukehuset på Stord i perioden 1997 til 2001. Prosjektet hadde bakgrunn i politiske signal, endring av samferdselsmønster og endring i helse- tenestetilbodet. Hensikta var å initiere eit framtidig utvida samarbeid mellom Hardanger, Sunnhordland og Nord-Rogaland. Sosial- og Helsedepartementet gav støtte til HOS prosjektet og hadde forventningar til funksjonsdeling og organisasjonsløysningar for ein meir effektiv ressursutnytting gjennom betre organisering. Basert på arbeidet som var gjort i perioden 1997-2001, og basert på tilbakemeldingar frå kommunane, vart dette grunnlaget for Helse Fonna HF. Myndighet til å fastsette føretaksgrenser Det er i høyringsfråsegner reist spørsmål ved om det er lovgrunnlag for å nekte kommunane overflytting til Helse Bergen HF. Svaret på spørsmålet må søkast løyst ved hjelp av dei reglar som regulerer ansvarsforholda for spesialisthelsetenesta. Helseføretakslova pålegg staten å organisere den offentlege spesialisthelsetenesta etter føresegnene i helseføretakslova. Etter lova har det regionale helseføretaket eit overordna ansvar for planlegging og styring innanfor helseregionen. I planlegging ligg både eit fagleg og organisatorisk ansvar. Dei regionale helseføretaka skal sørgje for ein hensiktsmessig organisering av verksemda i regionen. Til dette ligg å opprette helseføretak og strukturere det offentlege spesialisthelsetenestetilbodet innanfor helseregionen. 8

I tillegg til å fastlegge helseføretaka sine opptaksområde, handlar dette om å styre helseføretaka og nytte dei samla ressursane som eigar stiller til rådigheit på best mogleg måte for å oppfylle dei nasjonale helsepolitiske måla. At kommunane skal høyrast i ei sak som gjeld opptaksområde for eit helseføretak, er sjølvsagt, men det er det regionale helseføretaket som treff avgjerda. Etter endringar i helseføretakslova med verknad frå 1. januar 2013 er det elles presisert at ei sak som gjeld vedtak om vesentlege endringar i opptaksområde er ei sak av vesentleg betydning som skal avgjerast av føretaksmøtet i regionalt helseføretak, jf. helseføretakslova 30 første ledd nr. 6. Det inneber i realiteten at ei slik sak skal avgjerast av statsråden. Særavtale om døgnopphald for øyeblikkeleg hjelp tilbod Kommunar og regionale helseføretak pliktar å inngå samarbeidsavtalar som skal sikre at pasientar og brukarar får eit heilskapleg tilbod om helse- og omsorgstenester jf. helse- og omsorgstenestelova 6-1 og spesialisthelsetenestelova 2-1 e. Helse Vest RHF vedtok i styremøte 7. desember 2011 å delegere til helseføretaka å inngå avtalar og vere part i desse. Kommunane har eit lovpålagd ansvar om å yta øyeblikkeleg hjelp til personar som oppheld seg i kommunen, jf. helse og omsorgsteneste lova 3-5, jf. 3-1. Frå 1. januar 2016 blir denne plikta utvida til å gjelde tilbod om døgnopphald for pasientar som har trong for øyeblikkeleg hjelp (ØH-døgnopphald). Plikta går fram av helse- og omsorgstenestelova 3-5, 3. ledd der det står: Kommunen skal sørge for tilbud om døgnopphold for helse og omsorgstjenester til pasienter og brukere med behov for øyeblikkelig hjelp. Plikten gjelder kun for de pasienter og brukere som kommunen har mulighet til å utrede, behandle eller yte omsorg til. Kommunane i Fonna-området og Helse Fonna HF har inngått avtale om øyeblikkeleg hjelp (tenesteavtale 4). Det følgjer av denne avtalen at tilbod om øyeblikkeleg hjelp med døgnopphald i kommunane som skal etablerast, må ha eigen særavtale. Fram til 2016 kan kommunane gjere avtale med helseføretaket om å etablere døgnopphald for øyeblikkeleg hjelp og søkje tilskot frå Helsedirektoratet og regionalt helseføretak til etablering og drift av tenestetilbodet, jf. tenesteavtale 4 pkt 2.2. Kommunane sine utgifter til etablering og drift av øyeblikkeleg hjelp med døgnplassar skal fullfinansierast gjennom overføring av midlar frå regionale helseføretak sine basisbevilgningar. Halvparten av midlane gis som øyremerka tilskot frå Helsedirektoratet. Den andre halvparten av midlane skal overførast frå helseføretaket. Finansieringa er baset på historiske tal med fastsett pris for pr. liggjedøgn pr. kommune. Søknadsfristen til Helsedirektoratet om tilskot for etablering og drift av senger for øyeblikkeleg hjelp i 2013 er sett til 1. mars. Underskriven avtale frå begge partar må leggjast ved søknaden. Kommunane Jondal, Odda, Ullensvang og Eidfjord ynskjer alle å starte ØH døgntilbod i løpet av 2013. Helse Fonna HF har forhandla fram særavtale til tenesteavtale 4 om døgnopphald for øyeblikkeleg hjelp med desse kommunane. Avtalane omhandlar fagleg forsvarlegheit, kvalitet og organisering av tilboda. Eidfjord kommune har hatt ønskje om å organisere sitt tilbodet med ein vertskommuneavtale med Voss kommune med lokalisering Voss sjukeheim. Voss kommune som vertskommune har, med dette elementet innarbeidd, inngått særavtale til tenesteavtale med Helse Bergen HF. Lova inneheld ikkje føresegner som er til hinder for ei slik ordning. Helse Fonna HF har derfor innretta seg etter Eidfjord kommune sitt ønskje, og inngått særavtale med Eidfjord kommune som godkjenner vertskommunesamarbeidet og særavtalen med Helse Bergen HF. Helse Fonna har finansieringsansvaret overfor Eidfjord kommune og særavtalen dekker derfor også dette punktet. 9

Jondal, Odda og Ullensvang skal vedta eit vertskommunesamarbeid med lokalisering av tilbodet på Odda sjukehus. Før det er etablert eit formelt vertskommunesamarbeid mellom desse kommunane ynskjer dei enkeltvis å inngå avtale om å nytte øyeblikkeleg hjelp senger ved Odda sjukehus. Det vil bli utarbeidd ein delavtale knytt til særavtalen som gjeld Helse Fonna si rolle og medverknad til drift av kommunale ØH-senger ved Odda sjukehus. Vurdering Hovudproblemstillinga som skal vurderast i saka er føretakstilknyting for Odda sjukehus. Det er dette spørsmålet Helse- og omsorgsdepartementet har bedt Helse Vest RHF om å utgreie. For det tilfelle at Helse Vest RHF kjem til at ein ikkje vil tilrå endring av kva helseføretak Odda sjukehus skal vere organisert under, vil det i tillegg vere nødvendig å ta stilling til om det er aktuelt med andre endringar av føretaksgrensa i indre Hardanger. Det vil sei om det er aktuelt med overføring av ein eller fleire av kommunane Eidfjord, Ullensvang og Jondal, jf. søknad frå Eidfjord kommune. Dei utfordringane og behov som kommunane i indre Hardanger har aktualisert gjennom denne saka, kan også tenkast handtert på andre måtar enn ved å endre føretaksgrenser. Det vil derfor vere ein naturleg del av saka at det som eit alternativ blir gjort ein vurdering av korleis ein innanfor gjeldande føretaksstruktur kan leggje til rette for effektive og fleksible samhandlingsløysingar for dei aktuelle kommunane. Som nemnd tidlegare i saka er dei problemstillingane som saka reiser av prinsipiell karakter, og det er eit mål å belyse dei spørsmåla saka reiser på ein slik måte at resultata kan nyttast på tilsvarande problemstillingar relatert til andre sjukehus og institusjonar/kommunar både i Helse Fonna sitt opptaksområde, men også i regionen elles. Føretakstilknyting for Odda sjukehus Det er Helse Vest RHF si oppgåve å sørgje for ei hensiktsmessig organisering av verksemda i regionen. Til dette ligg å opprette helseføretak og strukturere det offentlege spesialisthelsetenestetilbodet innanfor helseregionen. Dette må sjåast i samanheng med det regionale helseføretaket sitt sørgje for ansvar, jf. spesialisthelsetenestelova 2-1a. Helse Vest RHF har ansvaret for at innbyggjarane i heile helseregionen får tilgang til spesialisthelsetenester. Ansvaret er eit totalansvar som omfattar å planlegge tenestene basert på noverande og framtidig behov. Helse Vest legg til grunn at det er stor oppslutning om å legge til rette for og utvikle eit berekraftig Odda sjukehus. Dette er også i samsvar med politiske føringar, og kravet om at ingen lokalsjukehus skal leggast ned. Eit berekraftig sjukehus treng eit oppland og eit befolkningsgrunnlag som understøtter dette ønskje. Helse Fonna HF har gjennom sitt planarbeid lagt eit grunnlag for framtidig verksemd ved Odda sjukehus. Planane er utvikla med bakgrunn i eksisterande befolkningsgrunnlag og kjennskap til korleis pasientstraumane går. Odda sjukehus har også ein framtidig funksjon knytt til å lokalisere kommunale øyeblikkeleg hjelp senger for Odda kommune, samt for kommunane Ullensvang og Jondal. Det er Helse Vest si vurdering at dette gir grunnlag for framtidig drift av Odda sjukehus, og det er gjennom prosjektarbeidet ikkje komme fram tilhøve eller argument som underbygger at ei overføring av Odda sjukehus til Helse Bergen HF vil styrke grunnlaget for sjukehuset. Snarare tvert i mot vil ei slik overføring til Helse Bergen medføre ein reduksjon av pasientgrunnlaget. På sikt vil ei slik endring kunne tvinge fram ein nedbygging av Odda sjukehus. 10

Styringsgruppa har også peika på at det blir utfordrande for Helse Bergen dersom det helseføretaket får i oppgåve å halde oppe to små lokalsjukehus, Voss og Odda. Helse Vest RHF deler denne vurderinga og kan ikkje sjå at det over tid vil vere grunnlag for å oppretthalde to små lokalsjukehus i denne delen av regionen dersom dei ligg innanfor det same helseføretaket. Helse Vest legg stor vekt på at det må sikrast robuste opptaksområder. Visse sjukehustilbod føreset at sjukehuset har godt pasientgrunnlag, og når dette blir utfordra vil det kunne stillast spørsmålsteikn ved om tilbodet er faglig forsvarleg og om det økonomiske driftsgrunnlaget er på plass. For Helse Vest er det av avgjerande betydning å oppretthalde eit grunnlag for Odda sjukehus og eit desentralisert tilbod med relevante spesialisthelsetenester i Odda. Det er viktig å understreke at det som kan vere ei god løysing for enkelte pasientar, kan vere ei dårleg løysing for befolkninga sett under eitt. Det er Helse Vest RHF si oppgåve å sjå kva som er den beste løysinga for det samla tenestetilbodet i regionen, og Helse Vest vil på denne bakgrunn ikkje tilrå overføring av Odda sjukehus til Helse Bergen HF. Samstundes kan Helse Vest sjå at det med bakgrunn i utvikling av infrastruktur, pasientane sine reisemønster, samarbeid mellom kommunar og historisk tilhøyrigheit er argument som talar for ei vurdering av føretakstilknytning for kommunane i indre Hardanger. Dette kjem også tydeleg fram i fleire av høyringsfråsegnene. Helse Vest må derfor kunne peike på kva alternativ ein kan møte dei kvardagslege utfordringane på med andre grep. Konkret handlar det om korleis ein innanfor gjeldande føretaksstruktur kan leggje til rette for effektive og fleksible samhandlingsløysingar for kommunane i indre Hardanger. Eventuelle endringar av føretaksgrenser i indre Hardanger Som eit alternativ til overføring av Odda sjukehus, kan ein tenke seg at ein opnar for at ein eller fleire av dei andre Hardangerkommunane kan bli ein del av opptaksområde til Helse Bergen. I den grad ein vil leggje til rette for ei slik løysing, må ein vere merksam på at grunnlaget for Odda sjukehus vil forvitre. Det må også kunne leggjast til grunn at Helse Bergen for eit slikt tilfelle må stå fritt til å organisere prehospitale tenester, inkludert ta stilling til kor det etter flytting av føretaksgrenser og opning av Hardangerbru, vil vere behov for å ha ambulansestasjonar. Dersom ein skulle opne for eit regime der einskilde kommunar skulle kunne søke om overføring til eit anna helseføretaksområde, må det først utviklast objektive kriterier for å vurdere om grensenære kommunar (randkommunar) kan høyre til eit anna helseføretak enn det sjukehusområdet dei høyrer inn under. Dette arbeidet må i så fall gjennomføre ei risikovurdering av kva som er forsvarleg og framsynt spesielt når det gjeld øyeblikkeleg hjelp tilbodet. Dette vil vera eit grunnlag i ei heilskapleg vurdering. Det er argument både for og imot for å tilrå slike kriterier. Eit problem med å lage eit sett med kriterier for å vurdere flytting av ei føretaksgrense, er at aksept av desse kriteria gjer at stadig nye grensekommunar kan søke på grunnlag av desse. Ein konsekvens av flytting av føretaksgrenser er at ny(e) kommune(r) blir grensekommune(r), og det blir utløyst stadig nye saker. I utgangspunktet er fysisk nærleik eit sterkt argument i diskusjonen om kva for ein «leverandør» av helsetenester som er å føretrekke. Medan geografien ligg fast, vil kommunikasjonsårer kunne endre seg og dermed aktualisere diskusjonen om kva føretak som har dei beste føresetnadene for å yte tenester i eit område. Likevel kan det ikkje vera slik at kvar gang det oppstår endringar av typen ny veg, bru eller tunell så blir det aktuelt å gjere grenseendringar. 11

Helse Vest vil normalt ikkje legge vekt på følgjande kriterier: 1. Bredda i tilbodet på det nærmaste sjukehuset. Befolkninga møter ei behandlingskjede, og det er ikkje praktisk eller økonomisk mogleg å la alle sokne direkte til eit universitetssjukehus med høgspesialisert tilbod 2. Fylkesgrenser Ei løysing der ein ikkje flyttar føretaksgrensa, men gir kommunane som oppfyller alle kriteria i eit kriteriesett fleksibilitet til å knytte seg til eit sjukehus på andre sida av føretaksgrensa, vil avgrense talet på kommunar som dette er aktuelt for betydeleg. Kommunar som får denne fleksibiliteten, må vera innforstått med at dette gjeld alle fagområde inkludert psykiatri og prehospitale tenester. Aktuelle punkt i eit kriteriesett kan vera: 1. Grensekommune 2. Samarbeid mellom kommunar over grensa for primærhelsetenesta (mellom anna legevakt, ØHsenger) 3. Betydelege samferdselsendringar (ny bru, ny tunell, ny veg, ikkje moderate endringar eller forbetringar) 4. Ingen/marginale konsekvensar for drift av lokalt sjukehus som ein høyrer til i dag 5. Samarbeid på tvers av grensa må gjelde både somatikk, psykiatri, TSB og prehospitale tenester 6. Helse Vest si samla vurdering, mellom anna basert på sørgje for ansvaret. Samla vurdering: I matrisa under er det gjort ei vurdering av korleis kommunane er vurdert i høve til kriteria. Kommunar som oppfyller alle kriteria vil kunne få fleksibilitet til å knytte seg til eit sjukehus på andre sida av føretaksgrensa. Ein føresetnad for er at alle fem kriteria er til stades. Eidfjord Ullensvang Jondal Odda Kriterium 1 Ja Ja Ja Nei Kriterium 2 Ja Nei Nei Nei Kriterium 3 Ja Ja Nei Nei Kriterium 4 Ja Nei Nei Nei Kriterium 5 Ja Nei Nei Nei Kriterium 6 Ja Nei Nei Nei Eidfjord kommune Argumenta knytt til kriterier (grensekommune, fagleg samarbeid, samferdselsendringar) er klart mest relevant for Eidfjord kommune. Eidfjord kommune er grensekommune med ca. 1000 innbyggjarar. Det er etablert samarbeid med kommunen på tvers av grensa for primærhelsetenesta og ØH senger. Pasientstraumane viser i dag at om lag all dagbehandling for innbyggjarane i Eidfjord kommune skjer ved Voss sjukehus (98 %). Hovuddelen av poliklinikk konsultasjonane skjer ved Haukeland universitetssjukehus (39 %) og Voss sjukehus (39 %). Pasientstraumen for ø-hjelp går også i hovudsak 12

mot Voss sjukehus (74 %). Pasientstraumen for elektiv døgnbehandling har i hovudsak gått til Odda sjukehus (60 %). Helse Vest si vurdering er at endringa ikkje vil svekke grunnlaget for Odda sjukehus vesentleg. Ullensvang herad Argumenta knytt til kriterier (grensekommune, fagleg samarbeid, samferdselsendringar) er mindre relevant for Ullensvang herad. Ullensvang herad har ca. 3400 innbyggjarar og er grensekommune. Det er ikkje etablert samarbeid med kommunen på tvers av grensa for primærhelsetenesta og ØH senger. Pasientstraumane viser at hovuddelen av dagbehandling skjer ved Haukeland universitetssjukehus (32 %), Odda sjukehus (29 %) og Voss sjukehus (26 %). Hovuddelen av poliklinikk konsultasjonane skjer ved Odda sjukehus (41 %) og Haukeland universitetssjukehus (34 %). Pasientstraumen for ø-hjelp går også i hovudsak mot Odda sjukehus (44 %). Pasientstraumen mot Voss (21 %) og Haugesund (19 %) er ganske lik. Helse Vest si vurdering er at ei endring vil svekke grunnlaget for Odda sjukehus vesentleg. Odda kommune Odda kommune er vertskommune for Odda sjukehus og det blir her vist til argumentasjonen for at Odda sjukehus ikkje blir overført til Helse Bergen HF. Jondal kommune Argumenta knytt til kriterier (grensekommune, fagleg samarbeid, samferdselsendringar) er mindre relevant for Jondal kommune. Jondal kommune er grensekommune med ca. 1000 innbyggjarar. Det er ikkje etablert samarbeid med kommunen på tvers av grensa for primærhelsetenesta og ØH senger. Pasientstraumane viser at hovuddelen av dagbehandling og poliklinikk skjer ved Haukeland universitetssjukehus. Pasientstraumen for elektive døgnopphald går i hovudsak mot Odda sjukehus (87 %). Pasientstraumen for ø-hjelp går i like stor grad mot Odda sjukehus (35 %) som mot Haukeland. Pasientstraumen mot Haugesund sjukehus er 15 %. Helse Vest si vurdering er at ei endring vil svekke grunnlaget for Odda sjukehus vesentleg. Stord sjukehus Helse Vest ser det som uaktuelt å endre føretaksgrensene i Sunnhordland. Høyringsfråsegnene frå Sunnhordland viser også at det er stor oppslutnad om Helse Fonna som helseføretak. Føresetnaden for dette standpunktet er at det blir lagt til rette for eit godt utviklings- og forbetringsarbeid i Helse Fonna generelt og ved Stord sjukehus spesielt. Helse Fonna må etablere lokal leiing («stedlig ledelse») saman med gjennomgåande klinikkleiing. Det blir her vist til Utviklingsprosjektet for Nordfjord sjukehus. Dette prosjektet tek ikkje stilling til kva for leiingsmodell Helse Førde eller andre føretak skal velje, og kartlegginga har ikkje konkrete forslag til løysing for Nordfjord sjukehus. Det blir likevel peikt på nokre vesentlege moment ved val av leiingsmodell: 13

Velje løysingar med bakgrunn i kva utfordringar ein står ovanfor og kva moglegheiter ein ser i høve personkabalar, lokale omsyn med meir Sikre den faglege utviklinga av lokalsjukehuset med tett integrasjon mellom dei kliniske miljøa i føretaket For å sikre det planlagde og nære samarbeidet om pasientbehandling, felles bruk av areal og felles bruk av personell, må framtidas lokalsjukehus utviklast vidare og drivast i nært samarbeid med kommunane i opptaksområdet. Konklusjon Kommunane i indre Hardanger ønskjer ei flytting av føretaksgrensene slik at dei går frå Helse Fonna HF til Helse Bergen HF. Dette blir grunngjeve med ønske om å ha tilknyting til eit universitetssjukehus og det blir vist til etablerte pasientstraumar og kortare reiseavstandar og til Voss sjukehus. Helse Vest meiner pasientstraumane fritt må kunne gå på tvers av HF-grenser. Vidare at det må opnast for at ein grensekommune kan ha avtalar med to helseføretak. I saka er det peika på nokre overordna kriterier for å kunne ha avtaler med andre helseføretak enn det opptaksområdet dei geografisk høyrer inn under. Det er vanskeleg å finne robuste kriterier som alle er einige om. I prosjektarbeidet er det også vist til utviklinga i interkommunalt samarbeid som oppfølging av krav til kommunane i samhandlingsreforma og på ei rekke andre samfunnsområder. Det er interessant at kommunestrukturen og samanslåing av kommunar ikkje er aktualisert i denne samanhengen, men at det er dei etablerte føretaksgrensene som skal vera til hinder for utvikling av tenestene. Grenseproblematikk vil det vera uansett kor grensene går. Isolert sett kan det førast sterke argument for å flytta grensene i ulike retningar, men det vil fortsatt vera grenser som vil ha nye randsoner. Tilråding På grunnlag av prosjektrapporten Utgreiing av føretaksgrenser i indre Hardanger og då med særleg vekt på pasientstraumanalysane samt ei samla vurdering, blir det foreslått følgjande løysing: 1. Odda sjukehus blir i Helse Fonna HF. 2. Føretaksgrensa Helse Fonna HF/Helse Bergen HF blir ikkje endra. 3. Eidfjord, men ikkje dei andre kommunane i indre Hardanger, kan bruke Voss sjukehus for øyeblikkeleg hjelp og elektiv verksemd. Ved etablering av ei slik løysing, må Eidfjord kommune pårekna endring i ambulanseberedskap. 4. Kommunane Ullensvang og Jondal skal fortsatt tilhøyre Helse Fonna HF og Odda sjukehus, og skal nytte Helse Fonna for øyeblikkeleg hjelp. 5. For elektiv aktivitet gjeld fritt sjukehusval på vanleg måte. Dette er ein pasientrett, og ikkje ein legerett. 6. Søknader frå andre kommunar må behandlast særskilt etter same kriteriesett når dei ligg føre. 7. Det blir etablert lokal leiing ved Stord sjukehus. 14

Helse Vest ser det som viktig å oppretthalde eit grunnlag for Odda sjukehus og eit desentralisert tilbod med relevante spesialisthelsetenester i Odda. Det som kan vere ei god løysing for enkelte pasientar, kan vere ei dårleg løysing for befolkninga sett under eitt. Helse Vest vil unngå løysingar som på sikt kan føre til diskusjon om Helse Fonna som eige føretak. Helse Fonna HF skal ivareta på ein føreseieleg måte det systemmessige ansvaret for alle tenester som ytes til befolkninga i kommunane frå spesialisthelsetenesta. Det bør arbeidast vidare med auka fleksibilitet mellom HF og kommune og utvikle tilpassa samarbeidsmodellar, og såleis legge arbeid i å finne praktiske løysningar og retningslinjer for samarbeidet. Det er behov for tenesteavtalar mellom HF og kommune spesielt når det gjeld prehospitale tenester og øyeblikkeleg hjelp tilbodet. Lovpålagte samarbeidsavtalar mellom kommunar og helseføretak er ein viktig del av samhandlingsreforma. Ny helse- og omsorgslov gir i 6.2 eit minimum kva avtalane skal innebera. Den overordna samarbeidsavtalen mellom helseføretaket og kommunane er å betrakte som ein rammeavtale, og det blir utarbeida tenesteavtalar som omfattar dei områda lova peikar på. Odda sjukehus For å møte framtidige utfordringar har det dei siste åra vore omstillingar i tilbodet ved Odda sjukehus. Framtidig tilbod skal sjåast i samanheng med samhandlingsreforma der målet er å gi pasientane breiast mogleg tilbod med god kvalitet i nærmiljøet i tråd med Nasjonal helse- og omsorgsplan. Det er i rapporten peika på fleire forhold som gir Odda sjukehus utfordringar som krev tilpassing. Behovet for omstilling ved Odda sjukehus er uavhengig av føretakstilknyting og føretaksgrenser. Lokalsjukehus/ Stord sjukehus Kunnskapen som blir utvikla ved Utviklingsprosjektet for Nordfjord sjukehus vil ha betydning for utforminga av eit heilskapleg tilbod også ved Stord sjukehus. Vedlegg: 1. Pasientstraumanalyser 2. Reiseavstandar 3. Prosjektrapport Utgreiing av føretaksgrenser i indre Hardanger 15

AVTALE