Postadresse Nærøyfjorden verneområdestyre Njøsavegen 2 6863 Leikanger Besøksadresse Fjordsenteret 5745 Aurland Kontakt Sentralbord: +47 57 64 30 00 Direkte: +47 5764 3129 fmvlpost@fylkesmannen.no www.nasjonalparkstyre.no/naroyfjorden Roger Hille Nedberge Lærdalsvegen 1113 6887 LÆRDAL Sakshandsamar Anbjørg Nornes Vår ref. 2019/17177-0 432.2 Dykkar ref. Dato 12.09.2019 Delegert vedtak - Dispensasjon - Nærøyfjorden landskapsvernområde - motorferdsel - transport av utstyr til Vassete Sender vedlagt delegert vedtak frå Nærøyfjorden verneområdestyre. Informasjon om klagerett Vedtaket kan klagast inn for Miljødirektoratet av partar i saka eller andre som har rettsleg klageinteresse med ein frist på 3 veker jf. forvaltningslova 28-29. Klagen skal rettast til Miljødirektoratet, men sendast via verneområdestyret v/sekretariatet, som kan gje nærare opplysningar om klagerett og rett til og sjå saksdokument. Med helsing Anbjørg Nornes verneområdeforvaltar Dokumentet er elektronisk godkjent Kopi til: Nordfjella og Fjellheimen villreinnemnd Fylkesmannen i Vestland SNO Aurland Aurland kommune Landskapsvernområde Naturreservat Nærøyfjorden og Bleia-Storebotnen Grånosmyrane, Nordheimsdalen, Bleia
Arkivsaksnr: 2019/17177-0 Sakshandsamar: Anbjørg Nornes Dato: 11.09.2019 Utval Nærøyfjorden verneområdestyre Delegeringssak (DS) Delegert vedtak - Nærøyfjorden landskapsvernområde - motorferdsel - transport av utstyr til Vassete - Roger Hille Nedberge Delegert vedtak I medhald av delegeringsreglement vedteke av Nærøyfjorden verneområdestyre 30.11.2015, vert det gjort fylgjande vedtak: Nærøyfjorden verneområdestyre gjev Roger Hille Nedberge løyve til 1 landing på stølen Vassete i Nærøyfjorden landskapsvernområde for transport av materiale, proviant og utstyr i perioden 15. september til 31. oktober i åra 2019 og 2020. Løyvet er gjeve med heimel i verneforskrifta for Nærøyfjorden landskapsvernområde 3 punkt 2.3 og gjeld med fylgjande vilkår: Transporten skal avgrensast til det som er naudsynt for transport av materiale, proviant og utstyr. Under transport skal det takast omsyn til naturmiljø og friluftsliv. Det skal ikkje flygast på søndagar av omsyn til friluftslivet. Bruk av helikopter skal meldast til Statens naturoppsyn v/kristoffer Ullern Hansen (tlf. 97097720) seinast dagen før transport Transporten skal samordnast med eventuell anna transport i området. Dette løyvet skal vera med i helikopteret under transport Det skal sendast rapport om transporten til sekretariatet for verneområdestyret innan 30.11 i 2019 og 2020. Denne søknaden er berre behandla etter verneforskrifta for Nærøyfjorden landskapsvernområde. Det må i tillegg sendast søknad til Aurland kommune om løyve etter motorferdselslova. www.nasjonalparkstyre.no/naroyfjorden/ Sakshandsamar Anbjørg Nornes Side 2 av 6
Saksopplysningar Dokument som bakgrunn for saka: Søknad frå Roger Hille Nedberge om motorisert ferdsel til Nedberge/Vassete, datert 08.09.2019 Søknaden vert vurdert etter: Forskrift om vern av Nærøyfjorden landskapsvernområde av 08.11.2002 Naturmangfaldlova av 19.06.2009 Forvaltningsplan for Vestnorsk fjordlandskap, delområde Nærøyfjorden, rapport nr. 1-2008 Roger Hille Nedberge søkjer om helikoptertransport av utstyr og proviant frå Undredal til stølen Vassete i samband med jakt på hjort og elg. Det vert også søkt om utflyging av felt vilt i 2020 dersom SNO ikkje har uttransport i 2020. Søkjar har planlagt to jaktperiodar på Vassete. Dette er onsdag til søndag i veke 38 og 42. Det vert søkt om helikoptertransport til Vassete i jaktperiodane. Til saman vert det søkt om 2 landingar på Vassete i tidsrommet 15. september til 31. oktober 2019. Det vert oppgitt at dette er eit årleg behov, og dei ynskjer å søkja om løyve for fleire år. Søknaden om helikoptertransport vert grunngjeve med at hjortebestanden i Aurland kommune skal reduserast på grunn av fare for spreiing av sjukdomen Chronic Wasting Disease (CWD), også kalla skrantesjuke. CWD vart påvist på villrein i Nordfjella villreinområdet sone 1 i 2016. Landbruks- og mattilsynet vedtok å ta ut heile villreinflokken i sone 1 som eit tiltak for å unngå spreiing av sjukdomen. Andre tiltak som er sett i verk er reduksjon av hjorte- og elgbestandane i Nordfjellaregionen 15 kommunar. På bakgrunn av sentrale føringar har Aurland kommune sett som mål å halvera hjortebestanden i heile kommunen. Tal fellingsløyve er dobla i valda som grensar til Nordfjella sone 1. I jaktområda Nedberge Vassete har det ikkje vore jakta siste åra på grunn av ei jordskiftesak i området. Jordskiftesaka er no avgjort, og det kan jaktast i området att. Søkjer opplyser at området er vanskeleg tilgjengeleg. Det tek 5 til 6 timar å gå inn i fjellet med utstyret som skal til for å jakta i opptil ei veke. Roger Hille Nedberge har også søkt om transport av jegerar og utstyr mellom Undredal og Vassete for same jaktperiodane. Søknaden om persontransport vert behandla i møte i Nærøyfjorden verneområdestyre. www.nasjonalparkstyre.no/naroyfjorden/ Sakshandsamar Anbjørg Nornes Side 3 av 6
Utklypp frå Fylkesatlas. Flygerute frå Undredal til stølen Vassete Lovgrunnlaget Formålet i Nærøyfjorden landskapsvernområde er definert i verneforskrifta 2: «Føremålet med Nærøyfjorden landskapsvernområde er å ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med eit mangfald av planteog dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruks-drift, utgjer ein vesentleg del av landskapets karakter». Det er eit generelt forbod mot motorisert ferdsle, lågtflyging under 300 meter og landing i Nærøyfjorden landskapsvernområde jf. verneforskrifta 3 pkt. 2.1. Forvaltningsstyresmakta, eller den forvaltningsstyresmakta gjev fullmakt, kan gje løyve til luft- og snøskutertransport av materiale til hytter, bruer m.v. og av brensel, utstyr og proviant til hytter og stølar jf. verneforskrifta 3 pkt. 2.3. Etter naturmangfaldlova (nml.) 7 skal prinsippa i 8 12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka. www.nasjonalparkstyre.no/naroyfjorden/ Sakshandsamar Anbjørg Nornes Side 4 av 6
Vurdering Det er eit generelt forbod mot motorisert ferdsle, lågtflyging under 300 meter og landing i Nærøyfjorden landskapsvernområde. Forvaltninga ynskjer å praktisera reglane i landskapsvernområdet på ein måte som held motorferdsla på eit nivå som ikkje er til skade for naturmangfaldet. I denne søknaden er grunngjevinga for motorisert transporten auka jaktinnsats for å fella fleire hjortar som tiltak for å hindra spreiing av CWD-smitte. Stølen Vassete ligg langt frå veg og busette område, og i samband med jakta er det trong for transportert av proviant og utstyr. I verneforskrifta er det opning for å gje løyve til naudsynt transport til hytter og stølar. I retningslinjene i forvaltningsplan er dette omtalt som transport til avsidesliggjande stølar. Transport til føremålet det er søkt om i denne saka, er vurdert til å vera i tråd med det forvaltninga kan vurdera å gje løyve til med heimel i verneforskrifta. Etter avtale med søkjar, vert søknad om uttransport av jaktutbytte ikkje behandla i denne søknaden. I regi av offentlege myndigheiter er det organisert utflyging av felt storvilt i 2019 som ekstraordinært tiltak for å auka avskytinga av hjortevilt. Søknad om uttransport av felt storvilt må vurderast som eige sak etter naturmangfaldlova 48, og må sendast som eigen søknad etter dei ekstraordinære tiltaka er avslutta. I forvaltningsplan er helikoptertransport av jaktutbytte vurdert til å vera ein aktivitet det vil vera høg terskel for å gje løyve til, og unntak kan berre vurderast i særskilt vanskelege tilhøve. Kunnskapen om området er kjent gjennom forvaltningsplan for Nærøyfjorden, og rettshavarane og Aurland kommune sin kunnskap om området. Det er ikkje registrert trua eller sårbare artar eller naturtypar (Naturbase 05.09.2019) i nærleiken av landingsplassen på Vassete. Villreinen i dette området (Nordfjella sone 1) vart tatt ut av SNO som eit tiltak for å unngå spreiing av CWD-smitte. Kunnskapsgrunnlaget jf. nml. 8 er vurdert som godt for å vurdera denne saka, og føre-var-prinsippet jf. nml. 9 er difor ikkje vektlagt i saka. Økosystemtilnærming og samla belastning på verneområdet skal vurderast jf. nml 10. I forvaltningsplan er transport av proviant og utstyr i samband med fjellturar omtalt som tiltak det normalt ikkje vil verta gitt løyve til. Det er berre transport av større mengde materiale, utstyr og proviant til stølar og hytter som vert rekna som naudsynt transport. Søkjer opplyser at dei har bruk for ekstra utstyr i samband med dei ekstraordinære tiltaka for auka avskyting av hjort. Forvaltar vurderer transport av ekstra utstyr og proviant til Vassete i samband med den auka avskytinga av hjort som naudsynt i ein to års perioden. I samband med ekstraordinære tiltak for å auka avskytinga av hjort og elg i området, har SNO uttransport av felt hjortevilt kvar søndag i september og oktober. Transporten er organisert som tiltak for å auka avskytinga. Utflyging av felt storvilt har ført til ein auke av støy frå motorisert ferdsel i heile området. Utan om denne transporten er det lite støy frå motorferdsel i Vasseteområdet. Søkjar vert oppmoda om å samordna transporten med andre dersom det er anna transport i området for å redusera belastninga med motortransport. Forvaltar vurderer den samla belastninga av motorferdsle i Nærøyfjorden landskapsvernområde til å vera på eit akseptabelt nivå. Nml 11 er vurdert som ikkje relevant i denne saka. Det er viktig at løyveinnehavaren planlegg transport på ein slik måte at transporten vert avgrensa til færrast moglege turar. Det vert gitt løyve til 1 landing og ikkje 2 slik det er søkt om. Eit helikopterhiv kan ta store mengder proviant, og transporten bør difor kunne organiserast i ein transport pr. år. Forvaltar vurderer helikoptertransport som ein effektiv www.nasjonalparkstyre.no/naroyfjorden/ Sakshandsamar Anbjørg Nornes Side 5 av 6
transportmetode, og den beste måten å transportera naudsynt proviant og utstyr til Vassete på. Jegerane må i tillegg rekna med å bera utstyr i samband med jakt. Transporten vil ikkje gje uro utover den tida flyginga pågår, og vert vurdert som miljøforsvarlege til dette føremålet jf. nml 12. På bakgrunn av vurderingar etter nml 8-12 og verneforskrifta, vurderer forvaltar bruk av helikopter til transport av utstyr og proviant til stølen Vassete til ikkje å vera i strid med verneforskrifta, og gjev løyve til transporten. www.nasjonalparkstyre.no/naroyfjorden/ Sakshandsamar Anbjørg Nornes Side 6 av 6