Protokoll frå styremøte i Helse Førde HF Tid: 27.03.2015, kl. 10:00 14:30 Møtestad: Lærdal sjukehus, Sjukehusvegen, Lærdal Styremøtet var ope for publikum og presse Deltakarar frå styret Jorunn Ringstad Agnes Landstad Harry Mowatt Liv Stave Atle Hamar Wenche Kristin Røkenes Randi Aven Geir Berge Øverland Berit J. Hornnes Styreleiar Nestleiar Forfall frå styret Helge Bryne Deltakarar frå administrasjonen Jon Bolstad, administrerande direktør Vidar Vie, viseadm. direktør Olav Hesjedal, direktør Medisinsk klinikk Helge Robert Midtbø, direktør Kirurgisk klinikk Ole Christian Reusch, direktør Psykisk helsevern Anne Kristin Kleiven, utviklingsdirektør Hans Johan Breidablik, fagdirektør Terje Ulvedal, kommunikasjonssjef Halfdan Brandtzæg, økonomidirektør Arne Skjelten, HR-direktør Kåre Mentz Lysne, seniorrådgjevar Vidar Roseth, referent Andre deltakarar Revisor Kjartan Aa Berge Internrevisor Bård Humberset Protokoll frå styremøte i Helse Førde HF 27.03.2015 1
Sakliste 010/2015 A Godkjenning av innkalling og dagsorden 011/2015 A Protokoll frå styremøte i Helse Førde HF 22.01.2015 012/2015 O Administrerande direktør si orientering 013/2015 A Rapportering frå verksemda per februar 2015 014/2015 O Styringsdokument 2015 for Helse Førde HF 015/2015 O Status for gjennomføring av modellen «Framtidas lokalsjukehus» ved Nordfjord sjukehus 016/2015 O Årsmelding 2014 frå Pasient- og brukarombodet i Sogn og Fjordane 017/2015 A Årsrekneskap 2014 Helse Førde HF 018/2015 A Risikostyring 2015 019/2015 A Internrevisjon om bruk av tvang i psykisk helsevern 020/2015 A Internrevisjon av medisinsk-teknisk utstyr (MTU) 021/2015 Eventuelt Skriv og meldingar Styreleiar Jorunn Ringstad ønskte styret, publikum og presse velkomen til styremøte ved Lærdal sjukehus. Møtet starta med omvisning ved Lærdal sjukehus. Koordinator ved Lærdal sjukehus, Kåre Mentz Lysne, orienterte kort om historikken knytt til Lærdal sjukehus, nyombygde pasientrom ved ortopedisk sengepost med m.a bad, nye kommunale funksjonar ved sjukehuset og ny ambulansestasjon og garasje. 010/2015 A Godkjenning av innkalling og dagsorden Styreleiar Ringstad orienterte om: Endring av tittel på sak 17 til: «Årsmelding med rekneskap 2014 Helse Førde HF». Dagsorden: Omvising ved sjukehuset. Dokument utsendt til styret: 11 dokument var utsendt til «Skriv og meldingar» Dokument utdelt i møtet: Brev av 17.03.15 frå Helse- og omsorgsdepartementet: «Nye retningslinjer for lønn og annen godtgjørelse til ledende ansatte i foretak og selskaper med statlig eierandel.» Det var ingen merknader til innkalling og dagorden. Protokoll frå styremøte i Helse Førde HF 27.03.2015 2
011/2015 A Protokoll frå styremøte i Helse Førde HF 22.01.2015 Styret godkjende og underteikna protokollen frå styremøte 22.01.2015. 012/2015 O Administrerande direktør si orientering 1. Norsk pasientskadeerstatning (NPE) 2014 Det vart vist til utsendt notat. Det har frå 2004 vore ein svak trend oppover i tal saker, men ein nedgang frå 2012, både regionalt og i Helse Førde. Tal saker der utfallet vart rett til erstatning har gått svakt ned i åra frå 2004. 2. Kostbare legemiddel Det vart vist til utsendt notat. Styret kommenterte at rapporten er god og at den viser at Helse Førde har god oversikt over bruken av kostbare legemiddel. 3. Etablering av dagkirurgi Nordfjord sjukehus Det vart vist til utsendt notat, som var ei siste rapportering av dette avslutta prosjektet. Styret ga tilbakemelding om god gjennomføring av prosjektet. 4. Verksemdsmessig utviklingsplan status Administrasjonen orienterte. Det vert lagt opp til styrehandsaming i mai-møtet og utsending av høyringsdokument i starten av juni. Styreleiar understreka at styret må bli godt informert om dette omfattande arbeidet framover. 5. «Alle møter» Administrasjonen orienterte. Dette er eit krevjande arbeid knytt til poliklinikkane, og det må arbeidast over tid for å oppnå varige forbetringar og reduksjon i ventelister. Styret tek saka til orientering. Protokoll frå styremøte i Helse Førde HF 27.03.2015 3
013/2015 A Rapportering frå verksemda per februar 2015 Fagdirektør Breidablik orienterte om: Kvalitet (ventelister og ventetider, liggedøgn for utskrivingsklare pasientar, korridorpasientar, epikrisetider, strykingar og replanlegging/ikkje møtt) Ventetidsutviklinga for ventande ligg på om lag same nivå som dei siste månadene. Tal ventande ligg litt over måltalet på 6 500. Ventetidsutviklinga for behandla har uka litt. For øvrige kvalitetsindikatorar er det ein bra situasjon. Økonomidirektør Brandtzæg orienterte om: Aktivitet, økonomi og medarbeidarar Innan somatikk er det samla sett høgare aktivitet, men ein nedgang i polikliniske konsultasjonar. Det økonomiske resultatet er så langt omtrent i tråd med budsjett. Etter ny berekning av pensjonsgrunnlag kan pensjonskostnaden bli 28 millionar høgare enn budsjett. Ny prognose for resultatet vert sett opp i mai. Rapportering frå verksemda pr februar 2015 vert teken til orientering. 014/2015 O Styringsdokument 2015 for Helse Førde HF Administrasjonen viste til styringsdokumentet og til orientering på styresamling i Helse Vest. Sentrale element i styringa for 2015 er tydelege krav til resultat og utvikling av tenesta for å møte dei utfordringane spesialisthelsetenesta står overfor. Helse Vest RHF vil særleg følgje opp desse områda i 2015: Oppfølging på ventetid, pasientforløp og effektivitet, herunder mellom anna pakkeforløp for kreft Samarbeid med private aktørar som eit ledd i fritt behandlingsval-reforma Pasienttryggleik og kvalitet Felles nasjonale retningslinjer for brukarmedverknad på systemnivå IKT Framleis større vekst innanfor psykisk helsevern og tverrfagleg spesialisert rusbehandling (TSB) enn for somatikk Styringsdokument 2015 for Helse Førde vart vedteke i føretaksmøte Helse Førde HF 4. mars 2015. Styret i Helse Førde HF tek «Styringsdokument 2015 for Helse Førde HF» til etterretning. Protokoll frå styremøte i Helse Førde HF 27.03.2015 4
015/2015 O Status for gjennomføring av modellen «Framtidas lokalsjukehus» ved Nordfjord sjukehus «Utviklingsprosjektet ved Nordfjord sjukehus Framtidas lokalsjukehus» utforma ein modell for desentraliserte spesialisthelsetenester på lokalsjukehusnivå, for å ivareta innbyggarane sine behov for trygge og nære tenester. Prosjektet vart gjennomført på oppdrag frå Helse- og omsorgsdepartementet. Lokalsjukehusmodellen som vart utvikla har eit indremedisinsk døgntilbod, inkludert akuttberedskap med anestesilege, skadepoliklinikk med beredskaps- og stabiliseringsfunksjon, eit breitt dagbehandlingstilbod, utvida og nye polikliniske tenester, psykisk helsevern og rusbehandling, ei «God start-eining» for svangerskaps- og barseltilbod, og støttetenester. I tillegg er det inkludert eit dagkirurgisk tilbod. Styret ga tilbakemelding om at det har vore arbeidd godt med prosjektet, og ein konstaterer at departementet ser dette som modell for framtidas lokalsjukehus og eit godt døme for andre. Styret tek saka til orientering. 016/2015 O Årsmelding 2014 frå Pasient- og brukarombodet i Sogn og Fjordane Årsmeldinga gjer greie for Pasient- og brukarombodet sitt arbeid gjennom 2014, med tal saker, arbeidsoppgåver og statistikk og utvalde tema. Årsmelding 2014 frå Pasient- og brukarombodet i Sogn og Fjordane vert teken til orientering. 017/2015 A Årsmelding med rekneskap for Helse Førde HF 2014 Økonomidirektør Brandtzæg orienterte i tilknyting til framlagd årsmelding og årsrekneskap. Årsresultatet for 2014 er eit overskot på 241,3 millionar kroner. Ei hovudforklaring på det positive resultatet er endringar i berekning av pensjonskostnader som skal rekneskapsførast. I føretaksmøtet i desember vart det bestemt at 224 millionar av overskotet skulle gå til å styrke eigenkapitalen (kan ikkje brukast til auka investeringar). Protokoll frå styremøte i Helse Førde HF 27.03.2015 5
Resultatet i 2014 er etter dette 17,3 millionar kroner betre enn resultatkravet frå eigar. Avviket skuldast særleg lågare avskrivingar og finanskostnader enn budsjettert. Revisor Kjartan Aa Berge la på vegner av revisjonsselskapet Ernst & Young AS og ansvarleg revisor Tommy Lothe fram oppsummering av revisjonen av årsrekneskapen. Styret godkjenner Helse Førde HF si årsmelding med årsrekneskap og noter for 2014. 018/2015 A Risikostyring 2015 Helse Vest RHF har i styresak av 4.2.2015 vedteke tre overordna styringsmål gjeldande for alle helseføretak i regionen. I samsvar med felles regionale retningslinjer for risikostyring har Helse Førde HF gjennomført risikostyring for utvelging av lokale styringsmål for føretaket. Med bakgrunn i viktige innsatsområder, føringar og risikoutfordringar ønskjer Helse Førde i 2015 å setje fokus særskilt på samhandlingsområdet og styring av personal- og økonomiressursar. Det vart stilt spørsmål om risikovurderinga som låg til grunn for utvelging av mål. Administrerande direktør Bolstad orienterte. 1. Styret er orientert om dei tre regionale styringsmåla gjeldande for helseføretaka i vest. 2. Styret sluttar seg til dei to lokale styringsmåla med delmål for Helse Førde HF 2015. 019/2015 A Internrevisjon om bruk av tvang i psykisk helsevern Internrevisor i Helse Vest, Bård Humberset, møtte og orienterte. Ein hovudkonklusjon i rapporten er at føretaka i Helse Vest har tilfredsstillande prosessar for å sikre at tvangsbruken er i samsvar med regelverk og andre retningslinjer. Helse Førde har færrast tvangsinnleggingar i Helse Vest-området og færrast tvangstiltak. Revisjonsrapporten inneheld følgjande tilrådingar gjeldande for alle helseføretaka: Gjennomgang av rutinane for å registrere og rapportere vedtak Innf øre elektroniske protokollar over all tvangsbruk etter 4 Oppf ølging av eigne planar for å få ned tvangsbruken. Det låg føre eit framlegg til handlingsplan for oppfølging av tilrådingane i revisjonsrapporten. Protokoll frå styremøte i Helse Førde HF 27.03.2015 6
1. Styret tek rapporten til internrevisjonen om bruk av tvang i psykisk helsevern for vaksne til etterretning. 2. Styret sluttar seg til framlegget til handlingsplan. 020/2015 A Internrevisjon medisinsk-teknisk utstyr (MTU) Internrevisor i Helse Vest, Bård Humberset, møtte og orienterte. Internrevisjonen har ikkje avdekka vesentlege feil eller manglar ved måten medisinsk-teknisk utstyr vert forvalta på i helseføretaka. Revisjonsrapporten inneheld følgjande tilrådingar gjeldande for alle helseføretaka: Halde fram innsatsen med å overhalde innkjøpssregelverket, og søkje verkemidlar for å effektivisere innkjøpa. Følgje opp krav til (og eigne planar for) gjennomføring av opplæring. I samband med den nye modulen i Kompetanseportalen bør ein nytte høvet til å vurdere samordningstiltak på tvers av føretaka. Oppfylle forskriftskrava om risikovurdering, gjennomføring og dokumentasjon av førebyggjande vedlikehald. Ved innføring av nytt FDV-system: Opprette systematisk samarbeid mellom føretaka, mellom anna på utarbeiding av felles rutinar for registrering av utstyr, opplæring og drift/vedlikehald. Det regionale helseføretaket bør vurdere kost/nytte ved større grad av samordning av ressursane (både utstyr og personell) innan MTU-området i Helse Vest. Det låg føre eit framlegg til handlingsplan for oppfølging av tilrådingane i revisjonsrapporten. 1. Styret tek rapporten til internrevisjonen om bruk av MTU til etterretning. 2. Styret sluttar seg til framlegget til handlingsplan. 021/2015 Eventuelt Styreleiar tok opp om planlagt styremøte den 17.09.2015 bør flyttast til 21.09.2015 med bakgrunn i at Helse Vest har flytta sitt styremøte til den datoen. Det var tilslutning til dette. Protokoll frå styremøte i Helse Førde HF 27.03.2015 7
Skriv og meldingar Følgjande skriv og meldingar var sendt ut til styret: Samhandlingsnytt, mars 2015 Samhandlingsnytt, februar 2015 Årsmelding frå Kvalitetsutvalet i Helse Førde 2014 Årsmelding frå Pasienttryggingsutvalet 2014 Nyheitsbrev frå Helse Vest 30. januar 2015 Brev frå Helse Vest vedr. «Tiltak for å redusere variasjon i ventetider og effektivitet», datert 26.01.2015 Brev til Helse Vest RHF vedr. «Tiltak for å redusere variasjon i ventetider og effektivitet», datert 16.03.2015 Differensierte ventetider, styresak Helse Vest RHF 012/15 Konsernbudsjett 2015, med investeringsbudsjett og likviditetsbudsjett samt justering av inntektsramma til helseføretaka, styresak Helse Vest RHF 005/15 Brev frå Helse- og omsorgsdepartementet vedr. «Forslag til bruk av lokalsykehusene for å kutte ventelistene innen kirurgi», datert 03.03.15 Leiaropplæring kurskatalog 2015 Følgjande skriv og meldingar var lagt på bordet i møtet: Brev av 17.03.15 frå Helse- og omsorgsdepartementet: «Nye retningslinjer for lønn og annen godtgjørelse til ledende ansatte i foretak og selskaper med statlig eierandel.» Protokoll frå styremøte i Helse Førde HF 27.03.2015 8
Ref. Vidar Roseth Jorunn Ringstad Styreleiar Agnes Landstad Nestleiar Helge E. Bryne (sett) Harry Mowatt Liv Stave Atle Hamar Wenche Kristin Røkenes Randi Aven Geir Berge Øverland Berit J. Hornnes Protokoll frå styremøte i Helse Førde HF 27.03.2015 9