ROS- analyse Reguleringsplan for Lofthus Camping Ullensvang herad Datert: 09. november 2015 Rev.: 15. januar 2016
Innhald 1. Føremål og omgrep... - 3-1.1 Føremål... - 3-1.2 Omgrep... - 3-2. Vurdering av mogelege uønska hendingar... - 3-2.0 Planføresetnadar... - 3-2.0.0 Planområdet...- 3-2.1 Farekategoriar for vurdering av mogelege uønska hendingar...- 4-2.2 Naturgitte tilhøve... - 5-2.2.1 Ras/ skred og geoteknikk...- 5-2.2.2 Ekstrem nedbør og vind...- 6-2.2.3 Skog- og grasbrannar...- 6-2.2.4 Plante, dyreliv og natur...- 6-2.2.5 Natur- og kulturlandskap...- 6-2.3 Infrastruktur...- 7-2.3.1 Veg og trafikkstøy...- 7-2.3.2 Trafikkulukke...- 7-2.3.3 Ureining...- 8-2.3.4 Brann og beredskap...- 8-2.3.5 Stråling...- 8-2.4 Prosjektgitte tilhøve...- 9-2.4.1 Terrengformasjon...- 9-3. Analyse og konklusjon... - 10-3.1 Kriteria for rangering av sannsyn... - 10-3.2 Kriteria for rangering av konsekvens...- 11-3.3 Risikomatrise... - 12-3.4 Akseptkriterium... - 12-3.5 Uønska hendingar med mogelege førebyggjande tiltak...- 13-3.6 Konklusjon...- 14 - - 2 -
1.Føremål og omgrep 1.1 Føremål Føremålet med risiko- og sårbarhetsanalysar er å utarbeida eit grunnlag for planleggingsarbeidet slik at beredskapsmessige omsyn kan integrerast i den ordinære planlegginga, og at det kan gi betre grunnlag for beredskaps- og kriseplanlegging i samfunnet. 1.2 Omgrep Risiko uttrykker den faren som uønska hendingar representerer for menneske, miljø, økonomiske verdiar og samfunnsviktige funksjonar. Risiko er eit resultat av sannsynet for (frekvensen) og konsekvensane av uønska hendingar (DSB) Sårbarhet er eit uttrykk for eit system si evne til å fungera og oppnå måla sine når det blir utsett for påkjenningar (DSB) Sannsyn er eit uttrykk for kor hyppig ei hending kan ventast å inntreffa. Vurderinga må byggja på kjennskap til lokale tilhøve, røynsler, statistikk og anna relevant informasjon. Konsekvens er mogeleg verknad av ei hending. 2.Vurdering av mogelege uønska hendingar 2.0 Planføresetnadar 2.0.0 Planområdet Reguleringsplanen omfattar ei utviding av eksisterande campingplass med utleigehytter mot sørvest, samtidig som planen opnar opp for at eksisterande utleigehytter kan rivast og byggjast opp att med større volum. Dagens funksjonar skal i hovudsak takast vare på. Det er lagt vekt på at campingplassen skal tilpassast kulturlandskapet omkring. Føremålet med planarbeidet er å leggje til rette for vidare drift og utvikling av campingplassen med opning for å kunne byggje nye utleigehytter. Tilkomst til området vil skje frå eksisterande avkøyrsle frå fv. 102. Ullensvang herad har vurdert og konkludert med at tiltaket ikkje skal konsekvensutgreiast, då reguleringsføresegnene til kommuneplanen opnar for fritids- og turistføremål innafor heile planområdet. - 3 -
2.1 Farekategoriar for vurdering av mogelege uønska hendingar I plankartet vil område med potensiale for risiko synast med omsynssone. ROS-analysen er utført i samsvar med «Veileder for kommunal risiko- og sårbarhetsanalyser» utgitt av Direktoratet for sivilt beredskap (2010), Norsk Standard 5814:2008, «Veiledning om tekniske krav til byggverk» utgitt av Direktoratet for byggkvalitet (2010), og akseptkriterium vedteken av Ullensvang herad 08.03.2010. Det er laga ei sjekkliste ut i frå farekategoriane skildra i Ullensvang herad kommuneplan 2011 2022 og andre farar. Det er vurdert om desse er aktuelle å kartleggja for planområdet eller ikkje. Hending/ situasjon Aktuelt? Naturgitte tilhøve Ja Nei Er området utsett for eller kan planen medføre risiko for: Ras/ skred og geoteknikk (steinsprang, snø, sørpe og lausmasseskred, stabilitet) Flaum (elv, bekk) Ekstrem nedbør og vind Skog- og grasbrannar Plante, dyreliv og natur Menneskeskapte tilhøve Ja Nei Kan planen få konsekvensar for eller kan planområdet verta påverka av: Veg og trafikkstøy Trafikkulukke Skipstrafikk Industri og næringsliv i nærområdet Ureining (akutt og anna, forureining av grunn, deponi etc.) Transport av/ulukke med farleg gods Brann og beredskap Dambrot Støy til omgjevnadene Stråling (høgspent linje, radon) Terrengformasjon (naturlege terrengformasjonar som utgjer spesiell fare) - 4 -
2.2 Naturgitte tilhøve 2.2.1 Ras/ skred og geoteknikk Steinsprang, snø, sørpe og lausmasseskred frå naturleg terreng, stabilitet Planområdet ligg på eit flatare område mellom to relativt bratte områder. Berggrunnen i området er metaryolytt, stadvis med lag av metabasalt. Metaryolitt er ein omdanna vulkansk bergart, gjerna bånda og med fin til middels kornstorleik. Det er ikkje registrert eller kjend med stabilitetsfare og utrasing på planområdet. Det er heller ikkje noko som tilseier dette. Planområdet ligg under marin grense med i hovudsak lausmassar av tynn morene < 0.5 meter. Eksisterande utleigehytter lengst nordvest ligg delvis i tjukk morene, men overgang frå morenetjukknadane og terrengtilhøva i området tilseier at tjukknaden ikkje kan vere særleg større. Det er difor også lite sannsynleg for at kvikkleire kan oppstå i området. Det er ikkje registrert tidlegare skredhendingar i området. Nordaust på området er det registrert lausmassar av skredmateriale. Dette er avsetningar danna ved steinsprang, fjellskred, snøskred eller lausmasseskred frå bratte dalsider. Stein-, snø- og jordskred er allereie utelukka av NGI. Aktsemdkarta til NGI er utarbeidd etter nærare synfaring, og erfaring tilseier at storleiken på eit fareområde med nominell årleg sannsyn vil verta mindre ved nærare undersøkingar. Planområdet ligg i aktsemdområde for snøskred jf. NVE Atlas, som er eit kart generert ut i frå topologi frå kartgrunnlag, og er mindre detaljert. Aktsemdkarta til NGI syner at planområdet ikkje vert råka av snø- eller steinskred med nominell sannsyn 1/1000. På Lofthus elles er det delvis fare for jordskred, men desse ligg utanom planområdet. Temakartet til kommunen for skred syner det same. Det er ikkje opne vassdrag på planområdet eller i nærområdet som kan verte påverka av tiltak innafor plangrensene. Utsnitt av NGI sitt aktsemdkart for snø- og steinskred (mørk brun), og potensielt jord- og flomskredfare (brun stipla). Planområdet er ringa inn. Kjelde: www.atlas.nve.no - 5 -
2.2.2 Ekstrem nedbør og vind Stormflo, høg vasstand, store bølgjer og stigning av havnivå Hardanger har eit mildt klima som er særleg gunstig for fruktdyrking. Klima er elles som for Vestlandet med til tider mykje vind og nedbør. Ekstrem nedbør fører til mykje overvatn, og kummar og grøfter må kunne ta unna for vatnet for å ikkje føre til skade på materielle verdiar. Ekstrem vind kan føre til at tre, lause gjenstandar og dårleg festa bygningsdelar kan gjere skade. Ein konsekvens kan vere at tre fell ut i vegen og stansar trafikken, eller veltar over hengande el- kablar som fører til straumbrot. 2.2.3 Skog- og grasbrannar Dersom brann skulle oppstå i området må det vere særskilt varmt i kombinasjon med uforsiktig bruk av eld. Det er lite truleg at det skulle oppstå brann i frukttredyrkinga, då desse er under stadig overvåking, og vert vatna i tørkeperiodar. Det er få naturlege buskar, kratt og tre i området, forutan skogområdet mellom planområdet i vest og rv. 13. Området er svært avgrensa. Dersom det likevel skulle oppstå må slokkevatn og brannkummar sikrast i samsvar med TEK 10, forskrift om tekniske krav til byggverk, 11-17. 2.2.4 Plante, dyreliv og natur Registrerte artar i artsdatabanken er basert på observasjonar av enkeltpersonar, institusjonar og andre, som er sendt inn til den nasjonale kunnskapsbanken for naturmangfald. Observasjonane er representerte som punkt i kartet. Til dømes er det ved rv. 13 observert piggsvin (livskraftig), oter (sårbar) og den svartelista arten mink. Fleire typar fuglar er observert i området, bl.a. gråhegre, bokfink, grønfink, gråmåke, rødstrupe, gråspurv, kjøttmeis, svartbak, stokkang, siland, kråke, svarttrost og storskarv. Desse er vanlege fugleartar i Noreg, og er livskraftige. Dei nært trua fugleartane stær og fiskemåke er også observert. Sjølv om desse lokasjonane er knytt til punkt i kartet, er det ulik detaljgrad av funnstaden. Det er difor grunn til å tru at fleire av desse også kan opptre på planområdet. Dette kan vere seg fugleartar, men også andre artar som ikkje er tilknytt sjø og strandsone som sitt leveområde. Observasjonane i kartdatabasen er relativt nye, dei fleste frå etter år 2005. Andre artar som ikkje er representerte i artsdatabanken kan også vere til stades i området. Campingplassen er allereie etablert for fleire år sidan, og utbygginga nå er liten og vil truleg ha liten betydning utover det som allereie er etablert innafor området. 2.2.5 Natur- og kulturlandskap Hardanger har ein lang tradisjon med dyrking av epler, pærer, plommer og moreller, og 40% av norsk frukt kjem frå dette området i dag. Ein meiner at munker starta fruktdyrkinga allereie på 1300- talet. Ullensvang herad er kjent for jordbruk og fruktdyrking, der det meste av jordbruks- og skogbruksarealet er brattlendt. Kulturhistoria i heradet og Hardanger gir utslag i kulturlandskapet, som har gjort turisme til ei viktig næring. Lofthus er intet unntak, og kulturhistoria har hatt stor innverknad på det opprinnelege landskapet. Forutan enkelte bygningar og gardsbruk, grensar planområdet til dyrka areal og frukt- og bærtre på tre sider. I vest grensar området til ein mindre skog. Kulturlandskapet er samanhengjande, gir eit heilskapleg inntrykk, og er eit typisk kjenneteikn på Hardanger. Til kontrast vert ein campingplass oppfatta som uryddig og med fleire fargar og element. Eit viktig grep Lofthus Camping har gjort er å integrere campingplassen med eksisterande - 6 -
og omkringliggjande kulturlandskap ved å behalde fleire frukt- og bærtre, og plassere vogner, bilar og telt imellom desse. Dersom områda for eksisterande tre og vegetasjon vert fjerna vil det heilskaplege naturinntrykket endrast og campingplassen vil framstå som eit større inngrep i naturen enn det har i dag. Desse bør difor ikkje fjernast, og nye utleigehytter må planleggjast slik at også desse står i samspel med kulturlandskapet omkring. Oppstillingsplassen lengst nord på planområdet ligg som eit sår i landskapet. Bakanforliggjande grøntbelte er tresatt, og skjuler parkerte bubilar mm. frå nord, og bør behaldast. Oppstillingsplassen ender i ei avkøyrsle med fv. 102. Denne avkøyrsla bør stengast fysisk og tresetjast/ beplantast mot veg for å hindre innsyn. Oppstillingsplassen ligg elles delvis avskjerma frå campingområdet og utleigehyttene, og er viktig for å halde på antal besøkjande. Å beplante mot veg er eit nødvendig for å halde på kulturlandskapet samtidig som campingplassen kan driftast og utvidast. 2.3 Infrastruktur 2.3.1 Veg og trafikkstøy Tilkomst til planområdet skjer via rv. 13 og mot fv. 102 med to avkøyringar. Som skildra i førre punkt endar oppstillingsplassen i nordaust i ei avkøyrsle med fv. 102. Denne avkøyrsla er relativt brei då denne vert nytta til tilkomst for slamtømming/ renovasjonsbil. Denne bør difor stengast fysisk med bom eller liknande, og berre midlertidig opnast for slike store køyretøy. Den andre avkøyrsla ligg midt på planområdet med resepsjon på venstre side. Avkøyrsla bør fortrinnsvis leggjast ved resepsjonen, og ligg slikt sett godt til. Fv. 102 er relativt rett og med 13 avkøyringar/ kryss frå vegen. Vegen er mellom 4 og 5 meter og har haldningsklasse 4 med tilsvarande 15 meter byggjegrense. I følgje temakarta til kommunen og kartdatabasen til vegvesenet, ligg delar av området mot fylkesvegen under gul støysone. Tilfredsstillande støytilhøve for bygningar med støyfølsam bruk må sikrast gjennom planen. 2.3.2 Trafikkulukke Fv. 102 er i år 2013 registrert med ein ÅDT på 300 bilar, 5% lange køyretøy, som tilseier 15 lastebilar i døgnet. Årsdøgntrafikken er dermed svært liten, og er registrert gjennomgåande for heile strekket. I følgje vegvesenet sin kartdatabase, Vegkart, er det registrert to ulukker på fylkesvegen, ved krysset mot Oppdal, og like sør for Lofthus Camping. Tabell over type ulukker og årstal År Type ulukke Skadde 2011 MC- ulykke i kryss 1 lettare skadd 2008 MC- ulukke utanfor kryss 1 lettare skadd Det er ikkje eigen busshaldeplass eller gang- og sykkelveg på fv. 102. Høva er difor dårlege for mjuke trafikantar å ferdast langs vegen. Campingplassen legg opp til opphald og samvær innafor sjølve planområdet, og nærområdet gir høve til rekreasjon og bruk. Kryssing av veganlegg krev høg merksemd, og bilar i området - 7 -
må i tillegg nytte låg fart. Fartsgrense på strekninga er 50 km/t, og dei stadlege tilhøva med bygningar tett opp til vegen og dårleg sikt grunna tredyrking, beplantning og smal veg gjer at bilar i realiteten nyttar låg fart. Internvegane på campingplassen er relativt smale i høve til campingvognene, ca. 3 meter. Antal interne vegar og avkøyrslar tilseier at det vert nytta svært låg fart. Det er mange gåande mennesker som det skal tas omsyn til på eit campingområde, og det er ei generell forståing og aksept for at svært låg fart blir nytta. At leikeplassen ligg med vegar på tre sider, og at det er fjellknaus i bakkant som avgrenser området vert difor ikkje sett på som særskilt utsett med tanke på ulykker, då den same type omsyn til mjuke trafikantar vert nytta på heile campingområdet generelt. 2.3.3 Ureining Det er ingenting i nærområdet som kan tilseie ureining av noko slag. Spreiing av møkk i samband med jordbruk fører til ureining, men det er i all hovudsak tredyrking i nærområdet. Det er heller ingen vassdrag som fører inn til, eller forbi planområdet som eventuelt fører med seg slik ureining. 2.3.4 Brann og beredskap Odda og Ullensvang brann og redning skal på kort varsel rykke ut ved brann, trafikkuhell, redning på sjø og vatn, ulukker med farleg stoff og andre akutte hendingar. Organisasjonen består av to avdelingar; førebyggjande- og beredskapsavdeling. Næraste brannstasjon ligg på Lofthus, minuttar frå planområdet. Ullensvang har tilgang på ålmennlegetenester og legevaktordningar i eit samarbeid med Odda kommune. Legevakta har adresse i Odda, ca. 30 min frå planområdet. Næraste legekontor ligg like ved planområdet på Lofthus, og næraste helsestasjon ligg i Kinsarvik, ca. 15 min frå planområdet. Ullensvang og Eidfjord lensmannskontor ligg i Kinsarvik. Brann i bygningar, capingvogner/ bubilar kan oppstå i elektriske anlegg og installasjonar. Slokkevatn og brannkummar må sikrast i samsvar med TEK 10, forskrift om tekniske krav til byggverk, 11-17. 2.3.5 Stråling Høgspent line Det er ikkje høgspent line som går gjennom området. Radon Ullensvang herad er kjend med radonutfordringane i heradet sidan 1996. I 1996 1997 vart det gjennomført kartlegging av radon i Ullensvang, der Kinsarvik skåra høgast for målte verdiar i Noreg. Det er føretatt eit utandørsprosjekt i Kinsarvik med radonmålingar som del av rapport 2006:20, utarbeidd av Strålevernet. I rapporten er det konkludert med at Kinsarvik er eit ekstremområde, og problemstillingane her oppstår truleg heilt lokalt. Resultata av kartlegginga i 1996 1997 synte forøvrig låge verdiar for resten av kommunen, men enkelte stader er verdiane i seinare tid målt til å vere over anbefalt nivå også her. - 8 -
Hovudkjelda til radon i bustader er byggjegunn, og bidraget frå radon i uteluft er til samanlikning svært liten. Der det er påvist eller kjend med høge radonkonsentrasjonar er det viktig med førebyggjande tiltak. I nye bustader kan ein i tillegg til radonsperre mot grunn sørgje for at tilluftsventilar, -luker og kanalar er eit stykke opp frå bakken for å hindre at radonhaldig jordluft kjem inn. Ullensvang herad rår til at nye bustader skal følgja opp med sporfilmmåling innandørst når bustaden er ferdig. Er målingane for høge kan ein setje inn mekanisk vifte på passivt avtrekk i grunnen. Radonmålingane bør utførast som langtidsmålar i vinterhalvåret med sporfilm. Alle bygningar skal vere prosjektert og utført med radonførebyggjande tiltak slik at innstrauminga av radon frå grunn vert avgrensa. Radonkonsentrasjonen i inneluft skal ikkje overstige 200 Bq/m3, jf. TEK 10, forskrift om tekniske krav til byggverk, 13-5 Radon. Følgjande skal minst vere oppfylt: Bygning berekna for varig opphald skal ha radonsperre mot grunn. Bygning rekna for varig opphald skal tilretteleggjast for eigna tiltak i byggjegrunn som kan aktiverast når radonkonsentrasjonen i inneluft overstig 100 Bq/m3. Punkta over gjeld ikkje dersom det kan dokumenterast at dette ikkje er naudsynt for å tilfredsstilla kravet om maksimal konsentrasjon på 200 Bq/m3. 2.4 Prosjektgitte tilhøve 2.4.1 Terrengformasjon Naturlege terrengformasjonar som utgjer spesiell fare (stup mm). Planområdet er relativt flatt, men det er murar i yttergrensene for planområdet mot vest. Vest for dei nye utleigehyttene kan også slik fare vere til stades då det her vert brattare ned mot rv. 13. Turgåarar og andre kan difor kome i ein slik faresituasjon, men området er lite nytta av turgåarar. Dersom slik fare syner seg å vere reell skal det førast opp gjerde eller tilsvarande stengsle. - 9 -
3.Analyse og konklusjon 3.1 Kriteria for rangering av sannsyn Det er nytta kriterium for rangering av sannsyn som vedteken av Ullensvang herad 08.03.2010. Sannsyn Vekt Definisjon Høgt sannsynleg 5 Ei hending per år eller oftare Mykje sannsynleg 4 Ei hending per 1-10 år Sannsynleg 3 Ei hending per 10 100 år Mindre sannsynleg 2 Ei hending per 100 1000 år Lite sannsynleg 1 Mindre enn ei hending per 1000 år - 10 -
3.2 Kriteria for rangering av konsekvens Estimert tap innan dei ulike kategoriane, menneske, natur eller ting/ bygg går på samfunnsøkonomiske tap, det svarer ikkje til personleg tap eller kjensler knytt til hendingane. Det er nytta kriterium for rangering av konsekvens som vedteken av Ullensvang herad 08.03.2010. Konsekvens Vekt Menneske (liv og helse) Ytre miljø (luft, jord, vatn) Materielle verdiar Katastrofalt 5 Meir enn 3 døde, eller 15 alvorleg skadde personar. Varig større skade på ytre miljø. Skadar for meir enn kr 30.000.000. Varig større skade på ytre miljø. Skadar for meir enn kr 30.000.000 Kritisk 4 Inntil 3 døde, eller fare for inntil 15 alvorleg skadde personar. Alvorleg skade av mindre omfang på ytre miljø, eller mindre alvorleg skade av stort omfang på ytre miljø. Skadar mellom kr. 4.000.000 30.000.000 Alvorleg 3 Inntil 5 alvorlege personskadar, eller mange mindre personskadar med sjukefråvær. Store skadar på tre miljø som vil utbetrast på sikt. Skadar mellom kr 250.000 4.000.000 Ein viss fare 2 Mindre skadar som treng medisinsk handsaming, ev. kortare sjukefråvær. Mindre skadar på ytre miljø som naturen sjølv vil utbetra på kort sikt. Skadar mellom kr 50.000 250.000 Ufarleg 1 Ingen eller små personskadar. Ingen eller ubetydeleg skade på ytre miljø. Skadar for inntil kr. 50.000-11 -
3.3 Risikomatrise Risikomatrisa syner vurdering av risiko som produkt av sannsyn og konsekvens. Risikomatrise S5 Sannsyn S4 S3 S2 S1 K1 K2 K3 K4 K5 Konsekvens 3.4 Akseptkriterium Ved gjennomføring av ROS-analyse for nye utbyggingsområde skal det leggjast til grunn følgjande akseptkriterium: Akseptkriterium Tilhøve i raude felt Medfører uakseptabelt risiko. Her skal risikoreduserande tiltak gjennomførast, alternativt skal det gjennomførast meir detaljerte ROS analyser for ev. å avkrefte risikonivået. Tilhøve i gule felt ALARP-sone, dvs. avbøtande tiltak skal/bør gjennomførast for å redusera risikoen så mykje som råd. (ALARP = AS Low As Reasonable Practicable). Det vil ofte vera naturleg å leggja ein kost- nytteanalyse til grunn for vurdering av endå fleire risikoreduserande tiltak. Tilhøve i grøne felt utgangspunktet akseptabel risiko, men fleire risikoreduserande tiltak av vesentleg karakter skal/bør gjennomførast når det er mogleg ut frå økonomiske og praktiske vurderingar. - 12 -
3.5 Uønska hendingar med mogelege førebyggjande tiltak Tabell over uønska hendingar og aktuelle tiltak. Uønska hending Sannsyn Konsekvens Risiko Aktuelt tiltak/ kommentar Ras/ skred og geoteknikk Ekstrem nedbør og vind 1 1 1 Planområdet har vore utgreidd som del av eit større område, der aktsemdkart frå NGI (snø og steinskred) og potensielt fareområde for jord-/ flaumskred ikkje er til stades. 5 1 5 Ekstrem nedbør og vind kan opptre fleire gonger på Vestlandet i løpet av eit år. Vanlegvis er konsekvensane små i høve til hyppigheita. Skog- og grasbrannar 1 2 2 Det er lite sannsynleg at ein brann i skogområdet vest for planen skal kunne oppstå, då arealet er svært avgrensa. Materielle og andre skader ville i tilfelle vore relativt små, og ein vil kunne avgrense brannen i randsona. Plante, dyreliv og natur 1 1 1 Det er registrert vanlege artar i området, forutan fiskemåke og stær som er sårbare. Ny utbygging vil ikkje påverke stæren, då arealet for utbygging av nye utleigehytter er små, ligg klemt mellom bygningar, og er av open mark med stadvise tre. Veg og trafikkstøy 2 3 6 Avkøyrslane bør sanerast for å sikre trafikktryggleika. Dersom eit trafikkuhell skulle skje, kan konsekvensane vere alvorleg for dei involverte. Trafikkulukke 3 3 9 Høg merksemd og låg fart må nyttast innafor planområdet. På fv. 102 gjer stadlege tilhøve at låg fart vert heldt. Sanering av avkøyrslane med fysisk stenging med bom eller liknande av nordleg avkøyrsle vil vere viktig for å få oversikt og forutsigbarhet for både mjuke og harde trafikantar. Ureining 1 1 1 Ingenting tilseier ureining. - 13 -
Brann og beredskap 2 4 8 Det er relativt kort avstand til beredskapspersonell. Dersom uhellet likevel skulle inntreffe ville dette vore kritisk. Stråling 3 3 9 Radonstråling kan ha alvorlege konsekvensar. Det er kjend med høge radonkonsentrasjonar i heradet elles. Terrengformasjon 3 3 9 Høge skrentar må sikrast mot fallfare. 3.6 Konklusjon Tiltak med kommentarar over må innarbeidast i reguleringsplanen, og eventuelt med tilhøyrande føresegner der dette er føremålstenleg. Tiltak i form av radonsperre, luftventilar eller tilsvarande må utførast før det vert gitt bruksløyve til bygningar for varig opphald, jf TEK10. Bygningar med støyfølsam bruk for varig opphald må tilfredsstille krav i teknisk forskrift/ NS8175:2012, og rettleiar T-1442, «retningslinje for behandling av støy i arealplanleggingen». Veganlegg som omfattar fylkesvegen skal utformast i tråd med handbok N100 og godkjennast av vegvesenet. Nordleg avkøyrsle bør stengjast fysisk med bom eller liknande for vanleg inn- og utkjøring. Avkøyrsla bør kunne opnast midlertidig i samband med slamtømming, renovasjonsbilar og liknande. Eksisterande bær- og frukttre aust på planområdet skal takast vare på. Fjerning av tre/ nyplanting kan skje dersom det heilskaplege kulturinntrykket framstår som i dag. Nye utleigehytter skal integrerast omkringliggjande kulturlandskap ved å t.d. tresetje delar av området eller liknande. Oppstillingsplassen bør beplantast mot veg og naboeigedom for skjerming av oppstillte bilar. Eksisterande bakanforliggjande tre og beplantning skal takast vare på, der fjerning/ nyplanting kan skje dersom det heilskaplege kulturlandskapet framstår som i dag. Andre tiltak som det må takast omsyn til. Avleiing av grunn- og overvatn må vere sikra i samsvar med plan og bygningslova, 27-2. Krav til slokkevatn må sikrast i samsvar med TEK 10, forskrift om tekniske krav til byggverk, 11-17. Det er vidare ikkje noko som tilseier at det er naudsynt med andre risikoreduserande tiltak på planområdet utover det som er lagt inn i planen og vurdert ovanfor. - 14 -