Eldbjørg Hatledal (Kursansvarleg) Oddvar Almenning (Ansvarleg for praksis) AVKLARING 8 eller 12 veker Kurset for deg som er usikker på eiga arbeidsevne. avklaring Motivasjon Meistring Auka sjølvkjensle Betra livskvalitet For meir informasjon om avklaringskurset ta kontakt med: Eldbjørg Hatledal Tlf. 93404865 Oddvar Almenning Tlf. 93008981 Velkomen til Avklaringskurs ved Sandane Industri.
Kva er avklaringskurs? Som deltakar i avklaringstiltaket vil du få rettleiing, systematisk kartlegging og utprøving av arbeidsevna di. Gjennom avklaringa får du klarlagt eventuell trong for kvalifisering eller andre tiltak som kan medverke til at du får arbeid. Kva er Avklaringskurs? Kven kan delta på Avklaring? Arbeidssøkjarar som er på yrkesretta attføring kan delta dersom behovet for vidare bistand eller val av arbeidsmarknadstiltak er uklart. Du søkjer deg inn på avklaringskurset i samarbeid med sakshandsamaren din ved NAV. Innhald i kurset er mellom anna: Kartlegging av behov for kvalifisering Individuelle og gruppebaserte rett leiingssamtalar Utprøving av ulike arbeidsoppgåver og arbeidsområde. Som ein del av kurset vert det utarbeidd ein handlingsplan for vegen vidare. Gjennomføringa av kurset: Kurset består av: Ein teoridel, 4 veker Ein praksisdel, 4 veker med høve til forlenging i ytterlegare 4 veker. Etter avslutta avklaring blir det sendt ein sluttrapport til NAV. Teoridel: Dei fire første vekene er felles for alle deltakarane. Dette er ein teoridel der vi mellom anna legg vekt på tema som: Vegen til arbeidslivet Eg er, eg kan, eg vil Livsglede og arbeidslyst Kunsten å søke jobb Basiskunnskap i dataopplæring og bruk av internett Kartlegging av norskkunnskap hjå framandspråklege Lærevanskekartlegging i norsk og matematikk Kompetansekartlegging Motivasjon og meistring Vegen vidare I teoridelen har vi også ein dag med lege og ein dag med fysioterapeut. Å delta på eit avklaringskurs saman med andre er ein god situasjon for å kome i gong. Her møter du andre med liknande utfordringar i livet. Vanlegvis er det 7 personar på eit avklaringskurs. Gruppefunksjonen er med å styrkje den einskilde i samarbeid med andre. I gruppa legg vi vekt på at deltakarane målber eigne meiningar og løyser oppgåver i fellesskap med andre, noko som er viktig i arbeidslivet. Kursstad teoridel: Sandane Industri L/L held til i trivlege kurslokale lokalisert ved Eid Vidaregåande skule på Nordfjordeid. Praksisdel: Denne delen er 4 eller 8 veker, tilpassa den enkelte. Så langt det let seg gjere, blir praksis lagt til ordinære bedrifter kring heimstaden din. Du er sjølv med å skaffe deg praksisplass og definere måla for praksisen. I praksisperioden skal deltakarane i utgangspunktet følgje bedrifta sine arbeidsrutinar og arbeidstidsavtaler. Dersom det er behov for det, kan ein få tilpassa arbeidstida.
Karl Anton Søvde Attføringskoordinator Per Nerhus Tekstil Mads Tystad Tre Alf Osa Ekstern Kvalifisering Kvalifisering inntil 24 månader Kvalifisering er ei opplæring i eit nytt fag eller arbeidsområde. kvalifisering Styrka posisjon Auka kompetanse For meir informasjon om kvalifisering i Sandane Industri L/L ta kontakt med: Karl Anton Søvde Tlf. 95248960 Per Nerhus Tlf. 93426588 Mads Tystad Tlf. 93427344 Alf Osa Tlf. 92025744 Velkomen til Kvalifisering ved Sandane Industri.
Kva er Kvalifisering i Arbeidsmarknadsbedrift (KiA)? Kvalifisering i arbeidsmarknadsbedrift skal gje reell og formell kompetanse gjennom tilrettelagt opplæring og arbeidstrening. Sandane Industri L/L gjev tilbod om fleire typar fagbrev eller kompetansebevis gjennom kvalifiseringa. Kvar foregår kvalifiseringa? Opplæringa og arbeidstreninga føregår enten i Sandane Industri L/L sin møbelfabrikk på Sandane eller i ei ordinær bedrift i Nordfjord regionen. I kvalifisering deltek du i den aktuelle bedrifta si verdiskaping og du følgjer bedrifta sine arbeidsrutinar og arbeidsreglement. Møbelfabrikken på Sandane På møbelfabrikken får du kvalifisering innan trearbeidsfaget eller møbeltapeteserfaget med tanke på å kunne gå ut i ein industriarbeidsplass. Du får opplæring i trearbeid ved sag, moulding (høvlemaskin), ulike boremaskiner og pussemaskiner og i datastyrt (CNC) fresemaskin. I tillegg kan du lære å lakkere, montere og pakke møblar. I tekstilavdelinga lærer du omtrekking av møblar. Du får opplæring i bruk av ulike møbelstoff, møbelskum, skjering av mønster, sying og samansetting(trekking). På møbelfabrikken kan du også få opplæring innan vaktmestertenester, reinhaldstenester, logistikk, transport og kontorfag. Sandane Industri L/L har produsert møblar til den norske møbelmarknaden i meir enn 25 år. Hovudprodukta frå møbelfabrikken er kommodar, sovesofa og salongar i heiltre. Som produsent er vi opptekne av å føre vidare kvalitet i norsk møbeltradisjon, samtidig som vi fornyar oss i materialar og design. Kvalifisering i ordinære bedrifter i Nordfjordregionen Sandane Industri samarbeider med ei rekkje bedrifter i Nordfjordregionen for å kunne gje deltakarane våre høve til å velje kvalifisering i fleire fag. Kor lenge varer tiltaket? Tiltaket kan vare i inntil to år. Dei som tek fagbrev eller eit kompetansebevis innan ordninga får lenger tid. Du søkjer deg inn på kvalifisering i samarbeid med sakshandsamaren din ved NAV. Oppfølging undervegs Ved starten av tiltaket vert det utarbeidd ein individuell opplæringsplan/handlingsplan. I tillegg til den faglege rettleiinga du får undervegs, er samtalar med leiarane i avdelinga ein viktig del av oppfølginga. I tillegg til avdelingsleiar og arbeidsleiar møter du Rådgjevande utval, som evaluerer opplæringa og arbeidstreninga saman med deg kvar 3 mnd. Rådgjevande utval er sett saman av avd. leiar, attføringskoordinator i Sandane Industri L/L, kontaktpersonen din eller ein annan representant frå NAV, ein lege og deg sjølv. Etter avslutta kvalifisering blir det sendt ein sluttrapport til NAV. Med utgangspunkt i ein konkret og individuell plan, tilpassa den enkelte sine ønskje og føresetnadar, finn vi saman fram til moglege partnarbedrifter som driv eit fag som deltakaren ynskjer å kvalifisere seg i. Dersom du som deltakar har ynskje om kvalifisering i for eksempel pleie og omsorg, hotellfag eller anna, vil Sandane Industri finne den rette opplæringsarenaen til deg. Løn i tiltakstida Som deltakar er du tilsett i Sandane Industri L/L, og får løn frå oss. Jobbsøking Jobbsøking og jobbformidling startar så tidleg som mogleg i programmet. Ved kvalifisering i ordinær bedrift kan ein oppnå å få fast arbeid hos bedrifta ein tek kvalifiseringa i. Du får hjelp frå våre tilsette til jobbsøking.
Karl Anton Søvde Attføringskoordinator Svein Navelsaker Nils Råd Arbeidsleiar Arbeidspraksis inntil 10 månader Avdeling Eid arbeidspraksis Tre- og mekanisk produksjon For meir informasjon om Arbeidspraksis i Sandane Industri ta kontakt med: Karl Anton Søvde Tlf. 95248960 Svein Navelsaker Tlf. 41635790 Nils Råd Tlf. 97198940 Velkomen til Arbeidspraksis ved Sandane Industri avd. Eid
Arbeidspraksis ved Sandane Industri (APS) Kva er APS? (Arbeidspraksis i skjerma verksemd) Arbeidspraksis i skjerma verksemd er eit arbeidsmarknadstiltak for deg som treng å styrke muligheitene for å kome i arbeid eller utdanning. Tiltaket inneber tilrettelagt arbeidstrening, kartlegging, opplæring og rettleiing. Kven kan delta i Arbeidspraksis? APS er retta mot deg som er usikker på kva jobb du kan klare å utføre, eller deg som treng tid på å kome i gong med eit yrkesaktivt liv. Du får avklara arbeidsevna og interessene dine ved å prøve ut ulike arbeidsoppgåver og arbeidsområde. Du søkjer deg inn på APS i samarbeid med sakshandsamaren din ved NAV. Kor lenge? Du kan vere i tiltaket i inntil 10 månader. I einskilde tilfelle vert tida forlenga etter særskild vurdering. Med visse mellomrom vert det vurdert om du er klar for arbeidslivet, om arbeidspraksisen har gjeve svar på spørsmål om helse og arbeidsevne, eller om det er grunn til å gjere endringar i målsetjinga di. Oppfølging I praksisperioden får du fagleg rettleiing i frå avd. leiar og arbeidsleiar. I tillegg til avdelingsleiar og arbeidsleiar møter du Rådgjevande utval, som evaluerer praksisperioden saman med deg. Rådgjevande utval er sett saman av avd. leiar, attføringskoordinator i Sandane Industri L/L, kontaktpersonen din eller ein annan representant frå NAV, ein lege og deg sjølv. Etter avslutta arbeidspraksis blir det sendt ein sluttrapport til NAV. Arbeidspraksisen Gjennom Arbeidspraksis får du hjelp og rettleiing til å finne ut kva du vil og kan i eit arbeidsforhold, kor sterk arbeidsevna di er, og kva forhold mellom helse og arbeid som er riktig for deg. Du får tilrettelagt arbeidstrening med tett og brei oppfølging og støtte til å kome vidare, først og fremst med tanke på arbeidslivet. Du vil få hjelp til å lage ein realistisk plan med framtidige mål sett ut frå din situasjon. Sandane Industri sin arbeidspraksis ligg på Nordfjordeid der vi kan tilby oppgåver innan tre- og mekanisk produksjon. Du kan også få arbeidspraksis innan transport og spedisjon. Dersom det er vanskeleg for deg å reise til Nordfjordeid kan vi i enkelte høve tilby arbeidspraksis i Stryn eller på Sandane. Avdelinga i Stryn produserer ulike leidningsopplegg til Vest Busscar AS sin bussfabrikk i Stryn. På Sandane produserer vi kvalitetsmøblar mellom anna til Fagmøbler Norge AS sine butikkar.
Einar Frøholm Sabine Solheim Arbeidsleiar Olav Årdal Arbeidsleiar Jarle Berentzen Arbeidsleiar Varig tilrettelagt arbeid Avdeling Stryn Stryn Visneskaia TCG For meir informasjon om varig tilrettelagt arbeid i Sandane Industri L/L ta kontakt med: Einar Frøholm Tlf. 99159904 Sabine Solheim Tlf. 93049821 Olav Årdal Tlf. 93051383 Jarle Berentzen Tlf. 91398235 Velkomen til Sandane Industri Avdeling Stryn.
Varig tilrettelagt arbeid Sandane Industri L.L. avd. Stryn Kva er Varig Tilrettelagt Arbeid(VTA)? Sandane Industri L/L tilbyr tilrettelagt arbeid for trygda personar som har trong for arbeid på heil- eller deltid. Arbeidsoppgåvene er tilpassa yteevna og interessene til den einskilde deltakar. Tiltaket skal bidra til bruk og utvikling av eigne ressursar gjennom tilrettelagt arbeid ved produksjon av varer og tenester. Kven kan delta i VTA? Dersom du har eller i nær framtid ventar å få innvilga varig uførepensjon og har trong for spesiell tilrettelegging og oppfølging, kan du være aktuell for tiltaket. Arbeidet skal bidra til: utvikling av dine ressursar gjennom tilrettelagt arbeid kvalifisering gjennom produksjon av varer og tenester Du er arbeidstakar i samsvar med arbeidsmiljølova, og det ligg ei arbeidskontrakt til grunn for tilsettinga. Kor lenge? Tiltaket er ikkje tidsavgrensa. Det skal likevel med visse mellomrom vurderast om det kan vere aktuelt med overføring til andre arbeidsmarknadstiltak, opplæring eller formidling til ordinært arbeid. Oppfølging Sandane Industri legg vekt på arbeidsglede, godt humør, trygge arbeidsforhold og tilpassa oppgåver. Deltakarane får god opplæring, kjenner arbeidet og oppgåvene sine, og skal ha positive opplevingar av å gå på arbeid og utføre tenester som trengst og som det vert betalt for. Økonomiske ytingar Deltakarene mottek uførepensjon etter folketrygdlova. I tillegg får deltakarane løn for utført arbeid etter timeliste. Det vert lagt vekt på ulike velferdstiltak for deltakarane. Arbeid på Visneskaia Montering av elektriske leidningar for Vest Busscar i Stryn. I samarbeid med produksjonsleiar og andre tilsette produserer deltakarane ulike leidningsopplegg for montering i bussar og tilhengarar. Arbeidet foregår i trivelege lokale i bygget vårt på Visneskaia. Bedrifta er kjend for stabil levering og høg kvalitet. Mekanisk verkstad På Visneskaia har vi også ein mekanisk verkstad. Her tek vi på oss ulike delproduksjonar for lokalt næringsliv. Det kan vere kapping, boring, platearbeid eller monteringsarbeid. I periodar lagar vi ved på oppdrag frå ei bedrift. Vi kappar, kløyver, pakkar og køyrer ut veden til kundar. Vi har 10 godkjende plassar på Visneskaia. Hos Tenden Container og Gjennvinning (TCG) Vi har inntil 5 plassar hos Tenden Container og Gjenvinning. Her har vi ein eigen arbeidsleiar som følgjer opp våre deltakarar. Våre deltakarar er ein del av det verdiskapande arbeidet som skjer ved TCG og arbeidsoppgåvene er varierte. Mykje foregår ute, eller i ein open arbeidshall. Det er sortering av papp og papir, sortering av bygningsavfall og metall og makulering.