Retningslinjer for Lærlingane i Masfjorden kommune

Transkript

1 FORORD Retningslinjer for Lærlingane i Masfjorden kommune Vedteke i kommunestyre den Det ligg føre eit kommunestyrevedtak på at talet på lærlingar i kommunen til ei kvar tid skal vere tre. Masfjorden kommune vil med inntak av lærlingar investere i framtidig arbeidskraft, og medverke i eit samfunnsansvar ved å stille arbeidsplassane våre til disposisjon for skulering av fagarbeidarar. Samstundes som me investerar i framtidig arbeidskraft, vert dette eit høve for oss å investere i eige arbeidsmiljø. Eit nytt og ungt blikk på våre arbeidsmåtar er nyttig når me ønskjer å vere ei lærande verksemd. Med ekstra hender og nytt vet oppnår me ei verdiskaping, både ved at lærlingen utfører arbeidsoppgåver, men også fordi det fordrar at me som læreverksemd viser standard for korleis arbeidet, samhandling og miljø bør vere. Å vere rollemodell aukar medvitet i vår oppgåveløysing og skjerpar fokus. Målet vert at Masfjorden kommune skal vere ei god lærebedrift slik at lærlingane får ei god deltaking og kvalifisering for arbeids- og samfunnslivet. Opplæring og rettleiing skal vere i tråd med læreplanen, slik at lærlingane oppnår faglege og personlege kvalifikasjonar som er naudsynt for å klare fag-/svenneprøven. Masfjorden kommune skal leggje til rette for at lærlingane lukkast i sitt læringsarbeid. Dette dokumentet har som mål å Auke kunnskapen om lærlingordninga Tydeleggjere målsettingane, roller og ansvar Vere eit hjelpemiddel for dei ulike aktørane (lærlingane, fagleg ansvarlege, avdelingsleiarane, medarbeidarar, koordinator). Gje informasjon til tilsette ved lærestadane Ha eit system for å kvalitetssikre kommunen sitt arbeid med lærlingar Vere eit supplement til Personalreglementet i Masfjorden kommune Me ska gjere dei go e ( sitat fagleg ansvarleg Laila S. Reknes ) Masfjordnes, 2. desember 2008 Lovisa Midtbø rådmann Retningslinjer for lærlingane i Masfjorden kommune - side 1

2 Innhald: 1. Generelt om lærlingeordninga side 2 2. Arbeidsvilkår for lærlingar side 2 a. Inntak av lærlingar side 2 b. Lærekontrakt side 3 c. Løn og verdiskaping side 4 d. Arbeidstid side 5 e. Pensjonsordning og gruppelivsforsikring side 5 f. Rettar knytt til sjukdom/foreldrepermisjonar m.m side 5 3. Læreplan og oppfølging side 5 4. TAF ordninga side 5 5. Roller og ansvar side 5 a. Opplæringskontoret i Nordhordland side 5 b. Lærlingen side 5 c. Fagleg ansvarleg side 6 d. Rettleiar/instruktør side 6 e. Avdelingsleiar side 6 f. Tilsynsansvarleg side 6 g. Koordinator side 6 1. GENERELT OM LÆRLINGEORDNINGA Opplæringslova (lov om grunnskule og den vidare opplæringa) viser korleis vidaregåande fagopplæring skal skje i ei verksemd. Føremålet er at opplæringa skal leggje til rette for vidare utdanning og for livslang læring og støtte opp under eit felles kunnskaps-, kultur-og veridgrunnlag og eit høgt kompetansenivå i folket. Fagopplæring skjer i samsvar med dei vedtekter som gjeld i opplæringslova, hovudtariffavtalen og hovudavtalen. Etter opplæringslova er det definert tre typar lærlingar: Lærling: Har lærekontrakt med siste på fag-/svenneprøve i fag som har læretid i verksemd (opplæringslova 4-1). Lærekandidat: Har opplæringskontrakt med sikte på ein mindre omfattande prøve enn fag- /svenneprøve (opplæringslova 4-1) Praksiskandidat: Har meldt seg til fag- /svenneprøve utan å vere elev eller lærling (opplæringslova 3-5). I dette dokumentet er det lærlingar slik som definert i første kulepunkt, som er målgruppa. Fagopplæring skjer også i høve til TAF - elevar, og er omtala under punkt 4. Retningslinjer for lærlingane i Masfjorden kommune - side 2

3 2. ARBEIDSVILKÅR FOR LÆRLINGAR Inntak av lærlingar Masfjorden kommune får formidla søkjarar til læreplassar anten frå Fylkesopplæringskontoret via Opplæringskontoret i Nordhordland, eller aktuelle søkjarar sender sin søknad direkte til kommunen. Rådmannen ved personalrådgjevar gjer i samarbeid med aktuelle avdelingsleiarar vurdering, intervju og avtale med aktuelle søkjarar. Lærekontrakt Lærlingar inngår ein lærekontrakt som følgjer reglane i opplæringslova 4-5 og 4-6. Opplæringskontoret skriv på oppmoding frå Masfjorden kommune ut lærekontrakt til den einskilde. Lærekontrakten skal normalt gjelde frå første del av august. Løn og verdiskaping Læretida utgjer opplæringstid og verdiskapingstid. Løn vert utbetalt berre for verdiskapingstida. Løna til lærlingar er tariffesta i Hovudtariffavtalen kap. 6. Lærlingen får ein prosentvis del av begynnarløna (eksklusiv tillegg) til ein fagarbeidar i st.kode Årsløna vert fordelt over 2 år etter følgjande modell: 1 halvår 30% av årsløn 2. halvår 40 % av årsløn 3. halvår 50 % av årsløn 4. halvår 80 % av årsløn Det vert i tillegg utbetalt tillegg for ubekvem arbeidstid etter hovudavtalen kap Gradering av løn skal spegle att lærlingen si evne til å utføre arbeidsoppgåver sjølvstendig ei verdiskaping. Etter kvart som lærlingen, instruktøren og Avdelingsleiaren er trygge på kompetansen lærlingen har, kan lærlingen ta sjølvstendige oppdrag. Lærlingen skal ikkje erstatte andre tilsette, men skal planleggjast med i drifta og disponeringa av dei tilsette. Løn vert utbetalt den 12. i kvar månad. Arbeidstid Lærlingen skal følgja den arbeidstidsordninga som gjeld for læreplassen. Hovudtariffavtalen 4 viser kva arbeidstid som gjeld ved turnusarbeid og Lærlinghandboka -97 seier: «Lærlinger som jobber i verksemder med turnusordning, må følge desse. Turnusen skal liggje innanfor rammene for den lovlege arbeidsdagen. I tillegg må det vera minst 10 timar mellom kvart skift, om ikkje anna er avtalt i tariffavtale.» Lærlingar under 18 år skal ha ein arbeidsdag mellom kl og kl Lærlingar skal normalt ikkje arbeida overtid. Dei som er under 18, har ikkje lov til å gå inn i overtidsarbeid. Når det gjeld ferie og fritid, gjeld dei same reglane/ordningane for lærlingane som for personalet elles. Pensjonsordning og gruppelivsforsikring Etter hovudtariffavtalen skal lærlingar ikkje meldast inn i pensjonskassen. Lærlingane får difor utbetalt bruttoløn dvs. utan trekk for pensjonsinnskot. Lærlingen er omfatta av gruppelivsforsikringa omtala i hovudtariffavtalen kap Rettar knytt til sjukdom/fødselspermisjonar m.m. Lærlingen har same rettar i høve til folketrygdlova og til kommunen sitt personalreglement som dei andre tilsette. Fråver kan medføre at læretida vert tilsvarande forlenga. Retningslinjer for lærlingane i Masfjorden kommune - side 3

4 3. LÆREPLAN OG OPPFØLGING Opplæringa skal tilpassast evnene og føresetnadane hjå den einskilde lærling. Ved behov har lærlingen rett til same tilgang til PPT som i vidaregåande skule. For å sikre kvalitet og effektivitet i opplæringa er det ulike aktivitetar som skal vere på plass. Det einskilde studieretning har ein læreplan frå departementet som syner heile opplæringsløpet, mål og vurderingar som skal skje. Plan for læretida skal normalt vera avtalt før oppstart. Dersom berre første modul er avklart ved oppstart, skal resten av læretida vera klarlagt i løpet av den første månaden. Modulane må som regel avviklast i ulike avdelingar. Introduksjonsmøte for nye lærlingar vert arrangert av opplæringskontoret i Nordhordland. Instruktørar og faglege ansvarlege kan vere med. Opplæringskontoret kan delta på opp startsmøte i lærebedriftene. Opplæringsbok skal vere lærlingen si arbeidsbok under læretida. Etter hovudtariffavtalen pkt skal det setjast av tid til å føre opplæringsboka. Rettleiing skal vere ein del av dette. Lærling og fagleg ansvarleg avtalar faste møtepunkt med rettleiingstid. Evalueringsmøte med opplæringskontoret kvar 6. månad. 4. TAF ORDNINGA TAF står for TEKNISKE OG ALLMENNE FAG, og er ei opplæring som skje i samarbeid mellom den vidaregåande skule og lokalt næringsliv. Etter fire år oppnår eleven ein dobbel kvalifikasjon med både fagbrev og studiekompetanse. Den teoretiske opplæringa får ein ved ein vidaregåande/tafskule og den praktiske opplæringa får ein ved ei verksemd som har inngått ein intensjonsavtale. Frå hausten 2007 gjev Knarvik vidaregåande skule tilbod om studiekompetanse og fagbrev i helsearbeidarfag, etter TAF - modellen. I ein slik modell skal eleven dei to første åra ha status som elevar (med arbeidskontrakt), medan dei to siste åra skal ha status som lærling (med lærlingkontrakt). Elevane går dei tre første åra to dagar i lære og tre dagar på skule, det siste året tre dagar i lære og to dagar på skule. Det er rekna med utvida praksis i skuleferien for å nok læretid (har rett til 5 vekers ferie). Elevane får dekka utgifter til læremateriell. 5. ROLLER OG ANSVAR Opplæringskontoret i Nordhordland Opplæringskontoret i Nordhordland er ein medlemsorganisasjon for bedrifter i Nordhordland. Dei har ulike oppgåver som: Formidling av lærlingar Ivareta og kvalitetssikre formalitetane i lærlingeordninga Kvalitetssikre oppfølgingsrutinar (utarbeider til dømes opplæringsboka) Tilbyr opplæring og nettverksmøte Samtalepartnar for faglege ansvarleg når det gjeld formalitetar, lovgjeving, krav til dokumentasjon og liknande Marknadsføring og informasjon om lærlingeordninga Lærlingen Lærlingen har ansvar for å følgje opp læreplanen sine mål og vera aktiv i læretida slik at han/ho tileignar seg den kompetansen som trengst. Lærlingen skal bruke tildelt rettleiar som sin næraste diskusjonspart. Retningslinjer for lærlingane i Masfjorden kommune - side 4

5 Fagleg ansvarleg For kvart lærefag vert det peikt ut ein fagleg ansvarleg. Denne personen må sjølv ha fagbrev i det gjeldande faget. Den fagleg ansvarlege kan og vere rettleiar/instruktør på eiga avdeling. Fagleg leiar har hovudansvar for at det vert arbeida i tråd med læreplan og målsettingar i opplæringsboka. Den fagleg ansvarlege er dermed instruktøren sin rådgjevar. Fagleg ansvarleg skal ha avtalte evalueringssamtalar med lærlingen og instruktøren. Fagleg ansvarleg må få tilrettelagt tid til å ha desse evalueringssamtalane. Rettleiar/instruktør Rettleiar/instruktør har ansvar for praktisk rettleiing og oppsetting av arbeidsmål i høve til opplæringsboka innanfor sin modul i læreplanen. Rettleiaren/instruktøren skal sjå til at lærlingen fyller ut opplæringsboka si. Rettleiaren/instruktøren deltek på evalueringssamtalar. Fagleg ansvarleg er instruktøren sin kontaktperson når det gjeld spørsmål knytt til læreplanen. Frå avdelinga si side skal det leggjast til rette for at rettleiaren/instruktøren får avsett tid innanfor si arbeidstid til to månadlege møte med lærlingen. Elles vil avdelinga sine oppgåver avgjere om det er lett å få til løpande rettleing, eller om rettleiinga må liggja til faste avtalte tidspunkt. I Masfjorden kommune vil fagleg ansvarleg og rettleiar/instruktør som oftast vere ein og same person. Avdelingsleiar Lærlingen vil veksle mellom fleire læreplassar i løpet av læretida. For kvar avdeling lærlingen er innom, vil avdelingsleiaren ha ansvar for at avdelinga er tilrettelagt slik at lærlingen får oppgåver og utfordringar i samsvar med læreplanen, og at rettleiar/instruktør og lærling får høve til jamnlege oppfølgjingsmøte (kvar 14. dag). Avdelingsleiaren er næraste overordna for lærlingen på same måte som for det øvrige personalet. Tilsynsansvarleg Opplæringslova 4-7 viser at det skal vera ei tilsynsordning i verksemder som tar imot lærlingar. Arbeidstakarorganisasjonane peiker ut ein tilsynsansvarleg, som utfører tilsyn i samarbeid med fagleg ansvarleg. Den tilsynsansvarlege kan også vere eit kontaktpunkt lokalt for lærlingane dersom det oppstår situasjonar som lærlingen/læreplassen ikkje klarar å ordna opp i sjølve. Koordinator Kommunen skal ha ein koordinator som samarbeider med Opplæringskontoret for Nordhordland og koordinerer arbeidet slik at oppnemning av fagleg ansvarlege, opptak av nye lærlingar, og igangsetjing av læretida vert gjort i samsvar med gjeldande retningsliner. I Masfjorden kommune vil personalrådgjevaren ha rolla som koordinator. Retningslinjer for lærlingane i Masfjorden kommune - side 5