Reguleringsplan Storemyra næringsområde - 2. gangs handsaming

Transkript

1 Arkiv: Saksmappe: Sakshandsamar: Dato: L /1916 Christian Hagerup Reinshol Utvalssak nr. Utval Møtedato 102/12 Plan- og miljøutvalet /12 Kommunestyret Reguleringsplan Storemyra næringsområde - 2. gangs handsaming Saka går til innstilling i plan- og miljøutvalet. Saka skal avgjerast endeleg i kommunestyret. Rådmannen gjer slikt framlegg til vedtak: I medhald av plan- og bygningslova 12-12, godkjenner kommunestyret framlegg til reguleringsplan Storemyra næringsområde, Mongstad, gbnr 127/11,125,126 m.fl., med følgjande endringar og vilkår: 1. Føresegn 3.1, første rad vert endra til: Når inntil 70% av området N1-N3 er bygd ut, vert det stilt krav om ny tilkomstveg frå Hope før ytterlegare søknad om tiltak som nemnt i pbl 20-1 kan godkjennast. Når inntil 70% av området N1-N3 er bygd ut, vert det stilt krav om opparbeiding av parkbeltet langs den nye tilkomstvegen frå Hope før det kan gjevast midlertidig bruksløyve for byggetiltak i område N1-N3. Handsaming i Plan- og miljøutvalet Framlegg frå H, Ap, Frp og Krf: Som rådmannen første avsnitt. Endringar: Føresegner 3 rekkefølgjekrav 3.1 Avsnitt 2 og 3: første rad i tabellen fjernast (knytt til N1, N2 og N3) Framlegget vart vedteke mot 1 røyst (L.Bjørge-Sp) Rådmannen sitt framlegg fekk 1 røyst og fall (L.Bjørge-Sp) Innstilling i Plan- og miljøutvalet I medhald av plan- og bygningslova 12-12, godkjenner kommunestyret framlegg til reguleringsplan Storemyra næringsområde, Mongstad, gbnr 127/11,125,126 m.fl., med følgjande endringar og vilkår: 1. Føresegn 3.1, første rad vert endra til: Avsnitt 2 og 3: første rad i tabellen fjernast (knytt til N1, N2 og N3) Handsaming i Kommunestyret Rådmannen sitt framlegg fekk 4 røyster og fall (Sp og O.Kristiansen)

2 Innstillinga frå PM vart vedteke med 27 røyster. Vedtak i Kommunestyret I medhald av plan- og bygningslova 12-12, godkjenner kommunestyret framlegg til reguleringsplan Storemyra næringsområde, Mongstad, gbnr 127/11,125,126 m.fl., med følgjande endringar og vilkår: 1. Føresegn 3.1, første rad vert endra til: Avsnitt 2 og 3: første rad i tabellen fjernast (knytt til N1, N2 og N3) Saksutgreiing: Saksdokument vedlagt: Planomtale, datert Plankart, datert Føresegner, sist revidert Merknad Lindås / Austrheim bondelag, datert Merknad Mongstad Vekst, datert Merknad Hordaland Fylkeskommune, datert Merknad Bygdefolk i Knarvik Nord og Hellestveit, datert Merknad Statens Vegvesen, datert Merknad Fylkesmannen i Hordaland, datert Brev frå Statens Vegvesen i høve vedtak Storhamn Mongstad, datert Saksdokument ikkje vedlagt: Saka gjeld: Reguleringsplanen for Storemyra næringsområde har vore ute til offentleg ettersyn i seks veker frå til , og det har kome inn totalt 6 merknader og 3 uttalar frå råd og utval til planframlegget. Gjennomgang av merknadane og uttalane kjem under, med administrasjonen si vurdering av desse. Saksframlegg frå første gangs handsaming er gjengjeve i kursiv under Tidlegare handsaming av saka: Utvalssak nr. Utval Møtedato 12/12 Plan- og miljøutvalet /12 Eldrerådet /12 Levekårsutvalet /12 Råd for menneske med nedsett funksjonsevne Reguleringsplan Storemyra Næringspark, Mongstad - 1. gangs handsaming Saka skal avgjerast endeleg i plan- og miljøutvalet

3 Rådmannen gjer slikt framlegg til vedtak: Plan- og miljøutvalet vedtek å legge reguleringsplan for Storemyra Næringspark, Mongstad ut til offentleg ettersyn i medhald av plan- og bygningslova 12-10, på følgjande vilkår: Før planen vert lagt ut til offentleg ettersyn må følgjande vere i orden: 1. O_V1 i kartet vert endra til f_v1 og skal inkluderast i eit veglag, jamfør føresegnene Det skal leggast inn gang- og sykkelveg frå rundkjøringa ved eksisterande sambindingsveg og opp til planlagd rundkjøring inn til N2 og N3. 3. Mindre feil og manglar i arealplankartet skal vere retta opp, og det skal ligge føre i SOSI-kvalitet godkjent av Lindås kommune. 4. Planskildringa skal justerast i høve vedtaket, mindre feil og manglar skal rettast opp og skal godkjennast av Lindås kommune. 5. Resultat av geotekniske undersøkingar vere sendt inn og lagt ved planmaterialet. 6. Til føresegn vert det lagt til: Vedtektene skal godkjennast av Lindås kommune. Handsaming i Plan- og miljøutvalet Rådmannen sitt framlegg vart samrøystes vedteke. Vedtak i Plan- og miljøutvalet Rådmannen sitt framlegg er vedteke. Handsaming i Eldrerådet Eldrerådet tilføyer i : og opphald elles. Byggningane må ha universell utforming. Samrøystes vedteke. Uttale i Eldrerådet Eldrerådet tilføyer i : og opphald elles. Byggningane må ha universell utforming. Handsaming i Levekårsutvalet Arealplanleggjar Christian Hagerup Reinshol orienterte. Framlegg frå J. Hellestveit SP: Det må vurderast å setja strengare krav til når den nye tilknytningsvegen med tunnel gjennom Litlåsåsen skal koma. Eksisterande tilknytningsveg gjennom Knarvik nord er svært belastande for bumiljøet i bygda, og den har ei trafikkfarleg tilknytning til FV. 57. Framlegget vert samrøystes vedteke. Uttale i Levekårsutvalet Det må vurderast å setja strengare krav til når den nye tilknytningsvegen med tunnel gjennom Litlåsåsen skal koma. Eksisterande tilknytningsveg gjennom Knarvik nord er svært belastande for bumiljøet i bygda, og den har ei trafikkfarleg tilknytning til FV. 57. Handsaming i Råd for menneske med nedsett funksjonsevne Råd for menneske med nedsett funksjonsevne har ingen merknad til reguleringsplan Storemyra Næringspark, Mongstad, 1.gangs handsaming. Samrøystes vedteke.

4 Uttale i Råd for menneske med nedsett funksjonsevne Råd for menneske med nedsett funksjonsevne har ingen merknad til reguleringsplan Storemyra Næringspark, Mongstad, 1.gangs handsaming. Saksutgreiing: Saksdokument vedlagt: Planskildring, sist revidert Føresegner, sist revidert av administrasjonen Arealplankart, sist revidert Saksdokument ikkje vedlagt: Saka gjeld: Plan- og miljøutvalet tek stilling til om planframlegget skal leggast ut til offentleg ettersyn. Reguleringsplanen er utarbeidd for Mongstad Vekst AS av Multiconsult AS. Føremålet med planen er omregulering av eit område omfatta av reguleringsplan Mongstad Sør, utviding av industriområdet, vedteke i Planen vil leggje til rette for meir næringsareal på Mongstad, med tanke på nyetableringar. Basen på Mongstad er i hovudsak bygd ut, og det er behov for meir næringsareal i tilknyting til denne. I tillegg legg planforslaget opp til ny vegtrasé mellom Mongstad Sør og Mongstad Nord, i tillegg til ny tilknytingsveg frå Hope. Planområdet er i overkant av 500 dekar, og omfattar område som tidlegare er regulert til næring, ny sambindingsveg og grønstruktur. Næringsarealet er delt opp i fire områder og vil ligge på ulike nivå innanfor planområdet. Området N1 vil ligge 5-10 meter nedanfor områda N2 og N3, og det vil komme nokre skjeringar i terrenget mellom desse områda. I bakkant av planområdet, mot Litlåsåsen, vil det og komme nokre skjeringar, der grensa mellom grønstrukturen og næringsområdet går. Det er regulert totalt 226,5 dekar med næringsareal i planen, med ei utnyttingsgrad på 80 % BYA. Områda til næringsbygningar er tenkt nytta som tomter for industri, lagerverksemd, adminstrasjonsbygg/kontor og mogleg boligriggverksemd. Planforslaget legg opp til at bygningar knytt til sambindingsvegen i nord og vest skal få spesielt gode kvalitetar i form og materialval, for å gi området ei estetisk god utforming. Bygningane langs sambindingsvegen vil og få lågare byggjehøgde enn dei inne i næringsområdet. Før byggetiltak kan settast i gang må det saman med søknad om rammeløyve føreligge situasjonsplan/utomhusplan for området som er tenkt utbygd. Når det gjeld det overordna vegsystemet, er dette koordinert mot dei to andre reguleringsplanane som er under arbeid på Mongstad. Reguleringsplanen legg opp til at sambindingsvegen i vest skal vere offentleg, og ikkje privat slik som sambindingsvegen i nord er i tillstøytande reguleringsplan Storhamn Mongstad. I tillegg skal tilkomstvegen inn til N2 og N3 vere privat. I kommunedelplan for Lindåsneset med Mongstad er det lagt opp til ny sambindingsveg mellom Mongstad sør og nord, i tillegg til ny tilknytingsveg gjennom Litlåsåsen frå Hope. Undervegs i reguleringsplanprosessen har det vorte drøfta om det er behov for både ny sambindingsveg og ny tilknytingsveg. Ein har vurdert det slik at ein

5 overordna vegstruktur med ny tilknytingsveg frå Hope saman med oppgradering av eksisterande sambindingsveg vil ivareta krava til kapasitet, trafikktryggleik og funksjonalitet fastsett i kommunedelplanen. Sambindingsvegen i vest som er vist i plankartet vil vere tilrettelagt for tilknyting til tunnel og ny tilknyting via Hope. Planområdet vil føre til til dels store inngrep i naturen i området, og det er føreslått tiltak som skal dempe verknadane på landskapsbiletet av planen. Blant anna vil skjeringar høgare enn 10 meter verte planta til med naturleg vegetasjon. I tillegg er det planlagd grønstrukturar i tilknyting til sambindingsvegen, som vil vere med på å skape ei ramme rundt næringsområda. Målsettinga er at desse grønstrukturane, saman med fasadar på eventuelle nye bygg, skal vere med på å gi ein tiltalande innfallsport til næringsområda på Mongstad. Vurdering: Planframlegget tek sikte på å utvikle nye næringsareal på Mongstad, i tråd med kommunedelplanen for Lindåsneset med Mongstad. Baseområdet på Mongstad Sør er i stor grad utbygd og det er behov for nye areal både i tilknyting til dette området, men og til nyetableringar med andre behov enn baseverksemd. Næringsområda er planlagd med høg utnyttingsgrad, noko administrasjonen ser på som føremålstenleg i næringsområda på Mongstad. Byggehøgd og landskapstilpassing er godt ivareteke, og føresegnene sikrar at eventuelle fareområde knytt til høgdeforskjellar som følgje av utbygginga vert ivareteke. Mongstadområdet har behov for ein godt planlagd infrastruktur og oppgradering av eksisterande infrastruktur, noko som er godt ivareteke i planen. Føresegnene legg opp til rekkefølgjekrav som sikrar at planar for infrastruktur og vegsituasjonen på Mongstad vert følgt opp på ein god måte. Føresegnene sikrar at når inntil 30 % av område N1-N3 er bygd ut, vert det stilt krav om ny tilkomstveg til området frå Hope før ytterlegare søknader om tiltak vert godkjent. Ny tilkomstveg vil sikre at eksisterande tilkomstveg til Mongstad sør frå fylkesveg 57 vil få mindre trafikk og eventuelt kan stengast om det er føremålstenleg. Dette vil og hjelpe på trafikksituasjonen for innbyggjarane i Knarvik Nord. Administrasjonen meinar at det er viktig å sikre ein heilskapleg vegstruktur for Mongstadområdet, og vil difor at den nye tilkomstvegen frå Hope skal inngå i eit veglag eller annan felles driftsorganisasjon for vegane på Mongstad, jamfør føresegnene Vegen må då endrast til f_v1 i kartet. For å sikre ein god infrastruktur også for gåande og syklandei sambindingsvegsystemet, ynskjer administrasjonen at det vert ført fram gangog sykkelveg også til ny rundkjøring inn til N2 og N3. Når det gjeld vassforsyninga til Mongstad, blir dette sikra gjennom at det må framleggast dokumentasjon på godkjent vassforsyning før rammesøknad for bygningar og installasjonar kan godkjennast. Totalt sett meiner administrasjonen at det ligg føre eit planframlegg som tek i vare dei målsettingar som ligg i overordna planer for området. Det ligg føre eit anna forslag om sambindingsveg enn det som ligg inne gjeldande kommunedelplan for Lindåsneset med Mongstad, men administrasjonen har saman med Austrheim kommune og utbyggjarar vorte samde om at strukturen som no ligg føre vil sikre intensjonen for vegsystemet i kommunedelplanen på ein god måte. Den vidare planprosessen bør ta føre seg ulike innspel på korleis ein ynskjer å løyse eigarstrukturen knytt til sambindingsvegen og ny tilkomstveg til Mongstadområdet gjennom Litlåsåsen, for å sikre ei hensiktsmessig og god utvikling av planområdet og dei kringliggjande områda

6 Gjennomgang av merknader og uttalar frå råd og utval som kom inn i høyringsperioden: Det kom inn totalt 6 merknader til reguleringsplanen i høyringsperioden, i tillegg til uttalar frå råd og utval i kommunen. 1. Lindås og Austrheim bondelag ber om at det vert teke omsyn til bruken av overskotsmassar som jord. Dei ber om at det vert etablert ein jordtipp i området som kan sørgje for at masser kan nyttast i ettertid. Dei ber og om at det skal vere mogleg for bønder og grunneigarar å få ta i mot masser/jord for planering og nydyrking. Administrasjonens vurdering: Administrasjonen ser det som føremålstenleg at masser frå området kan nyttast vidare av bønder og grunneigarar i området. Administrasjonen vil likevel peike på at dette er privatrettslege føremål som må ordnast mellom grunneigar og eventuelle interesserte partar. Det ligg inne krav i føresegnene til planen ( 2.1) om at det skal gjerast greie for massehandtering i området og deponering av masseoverskot. Administrasjonen ynskjer ikkje leggja ytterlegare føringar på grunneigarar på dette området, men reknar med at det vil vere i grunneigar si interesse å sikre seg avtalar med aktørar i området om deponering av massar. 2. Mongstad Vekst peiker på fleire moment i reguleringsplanen. Dei understrekar viktigheita med å få planen raskt gjennom, då det er stort behov for næringsareal til nyetablering i området. Vidare peiker ein på at rekkefølgjekravet om ny tilknytingsveg frå Hope er alt for omfattande og vil kunne medføre at berre mindre delar av næringsarealet vert bygd ut. Det vert peika på at krava til kva som vert rekna som bygd ut er uklare, og at ein eventuell auke i biltrafikk inn til området av avhengig av kva aktivitet som vert etablert i dei nye områda. Dei ber om at rekkefølgjekravet som krev ny tilkomstveg inn til planområdet vert teken ut eller justert oppover til %. Vidare peiker Mongstad Vekst på at rekkefølgjekravet knytt til N1 om at når 50 % av arealet er utbygd, skal eksisterande sambindingsveg oppgraderast. Dei meiner at dette skaper eit først til mølla prinsipp og at kommunen ikkje har konsekvensutgreidd dette vilkåret tilstrekkeleg. Mongstad Vekst meiner vidare at kravet i 3.3 om vassforsyning er for strengt, at det kan vere eit hinder for vidare utvikling av området og at det manglar faktabasert grunngjeving for kravet. Det vert peika på at det ikkje kjem tydeleg fram kva status ny tilkomstveg frå Hope skal ha, og at den bør vere offentleg veg. Administrasjonens vurdering: Når det gjeld rekkefølgjekrav knytt til reguleringsplanen, vil administrasjonen understreke at planframlegget som det kjem merknader for, er utarbeidd av Multiconsult AS for Mongstad Vekst. Det er altså sine eigne framlegg til rekkefølgjekrav det vert levert inn merknad på. I reguleringsplan for Storhamn Mongstad vart det etter politisk handsaming vedteke å fjerne rekkefølgjekravet knytt til ny tilkomstveg frå Hope. Administrasjonen meiner at ein bør redusere dette kravet også i denne planen, med bakgrunn i vedtaket for Storhamn Mongstad. På bakgrunn at ein ikkje veit kva tiltak som vil kome i næringsområda, vil ikkje administrasjonen tilrå å fjerne rekkefølgjekravet knytt til ny tilkomstveg frå Hope heilt, men at prosentsatsen vert endra til 70 %. Dette vil sikre tilstrekkeleg med tid og utviklingsmoglegheiter for næringsområdet, samstundes som ein sikrar at tilkomstvegen kjem før området er heilt utbygd.

7 Administrasjonen meiner vidare at rekkefølgjekrava knytt til næringsområde N1bør stå slik som dei står i føresegnene i dag. Når det gjeld først til mølla - prinsippet, vil kommunen igjen understreke at det er Mongstad Vekst sjølv som har fremma planframlegget gjennom Multiconsult AS. Det vert peika på at det er ulike eigarar av arealet som inngår i N1, og at det ikkje er konsekvensutgreidd kva verknader eit først til mølla scenario vil ha for oppgradering av sambindingsvegen. Administrasjonen vil peike på at ei eventuell oppgradering av sambindingsvegen vil måtte føregå som eit samarbeidsprosjekt mellom ulike aktørar i området som enten er grunneigarar eller brukarar av vegen. Vidare er problemstillinga med første mann til mølla eit prinsipp som vert brukt også andre stader i kommunen (til dømes ved spreidd bustadbygging), og administrasjonen meiner at denne problemstillinga om at ein kan risikere at ein ikkje få bygd ut grunna 50%-kravet bør virke som ein motivasjon for å finne løysingar for å få oppgradert sambindingsvegen så tidleg som mogleg. Begge aktørar innanfor N1 har gode areal å utvikle seg på, sjølv om administrasjonen ser at det er ein moglegheit for at grunneigaren med arealet lengst aust kan risikere å ikkje få bygd ut sitt areal før sambindingsvegen er opprusta. Når det gjeld kravet om vassforsyning ser kommunen det som heilt naudsynt å ha med eit slikt krav i føresegnene. Dokumentasjonen som trengs vert gitt av kommunen gjennom at det er tilstrekkeleg med vasskapasitet til nye bygningar og installasjonar. Føresegna er gitt med bakgrunn av at vassforsyningskapasiteten til Mongstad er begrensa, og kommunen ynskjer ikkje å gi klarsignal for nye tiltak før det er sikra at ein kan forsyne tiltaket med vatn. Når det gjeld status for eventuell tilknytingsveg frå Hope og inn til planområdet, meiner administrasjonen at vegen foreløpig bør ligge som privat veg, og at ein ser på moglegheita til å danne eit privat veglag som eig denne før ein eventuelt vurderer om vegen heller skal vere offentleg. 3. Hordaland fylkeskommune viser til at det må sikrast i føresegnene at dersom det under grunnarbeid vert avdekka tidlegare ukjende kulturminner, må arbeidet stansast og fylkeskonservatoren må varslast. Har elles ingen merknader til planen. Administrasjonens vurdering: Dette er sikra i føresegnene. 4. Bygdefolk i Knarvik Nord og Hellestveit set fram fleire krav til tiltak i høve framlegget til reguleringsplan. Dei viser til deira merknad til planprogrammet, der dei peiker på ulike tilhøve knytt til industriområdet på Mongstad og krav om utbetringar som må på plass før det vert tillete ytterlegare utviding av industriområdet. Blant anna vert det sett fram krav om at det vert etablert støyvoll mellom industriområdet og det tilgrensande bustadområdet i Knarvik Nord. I tillegg ynskjer dei at ny tilkomstveg inn til industriområdet vert etablert samtidig med at det kjem eventuelle nye tiltak innanfor planområdet Administrasjonens vurdering: Vedtaket om at det skal etablerast ein støyvoll mellom baseområdet og Knarvikbygda går tilbake til eit kommunestyrevedtak frå Administrasjonen vurderer det slik at ei etablering av ein eventuell støyvoll må handsamast som ei eiga sak, då plasseringa av denne ligg utanfor planområdet. Politisk leiing og administrasjonen må sjå på korleis dei skal følgje opp dette vedtaket frå Administrasjonen vil og peike på at det er heldt oppstartsmøte for reguleringsplan Mongstad Sør, utviding med buffersone, som truleg vil ta tak i denne problemstillinga. Når det gjeld ny tilkomstveg til

8 industriområdet viser administrasjonen til vurderingane gjort ovanfor til merknaden til Mongstad Vekst. 5. Statens Vegvesen ser det som ein fordel at det vert bygd ein ny tilkomstveg til området frå Hope, då dette vil kunne gje betre tilhøve for innbyggarane i Knarvik Nord. Dei meiner vidare at framlegget har ein god balanse når det gjeld trinnvis utbygging av infrastrukturen i forhold til utbygginga av dei enkelte industriområda. Administrasjonens vurdering: Vert teke til orientering. 6. Fylkesmannen i Hordaland har ingen merknader til planen. Administrasjonens vurdering: Vert teke til orientering. 7. Levekårsutvalet viser til at det må etablerast strengare krav til når den nye tilknytingsvegen med tunnel gjennom Litlåsåsen skal koma, og peiker på at eksisterande tilkomstveg er svært belastande for bumiljøet i Knarvikbygda og har ei trafikkfarleg tilknyting til FV 57. Administrasjonens vurdering: Viser til vurderingar til merknad frå Mongstad Vekst og vedtak i kommunestyret for Storhamn Mongstad når det gjeld etablering av ny tilkomstveg til industriområdet. 8. Eldrerådet ber om at det vert lagt til og opphald elles til føresegn og at bygningane må ha universell utforming. Administrasjonens vurdering: Når det gjeld tillegget om opphald elles meiner administrasjonen at det er tilstrekkeleg med teksten som står der, og at opphald elles kan opne for fleire midlertidige tiltak enn det føremålet som ligg bak føresegna. Universell utforming av bygg vert sikra gjennom mellom anna Byggteknisk forskrift (TEK 10), der det vert sett krav om planutforming av mellom anna arbeidsbygg ( 12-5 (5)). Administrasjonen meiner at forskrift knytt til arbeidsbygg er tilstrekkeleg i dette tilfellet når det kjem til universell utforming av bygningar i planområdet. 9. Råd for menneske med nedsett funksjonsemne har ingen merknader til planen. Administrasjonens vurdering: Vert tatt til orientering. Vurdering: Reguleringsplanen for Storemyra næringsområde har lagt ute til offentleg ettersyn i 6 veker, og det har kome inn 6 merknadar og 3 uttalar frå råd og utval i høyringsperioden. Administrasjonen registrerer at det er eit stort sprang mellom interessene i tilknyting til planområdet, då spesielt knytt til rekkefølgjekrav om vegtilkomst. Det vert lagt til grunn vedtak frå reguleringsplan Storhamn Mongstad, der det for denne planen vart redusert i rekkefølgjekrava for ny tilkomstveg frå Hope. Administrasjonen vil difor tilrå å tilpasse rekkefølgjekrava for Storemyra næringsområde mot vedtaket i kommunestyret og endre føresegn 3.1, første rad, andre og tredje avsnitt til: Når inntil 70% av området N1-N3 er bygd ut, vert det stilt krav om ny tilkomstveg frå Hope før ytterlegare søknad om tiltak som nemnt i pbl 20-1 kan godkjennast. Når inntil 70% av området N1-N3 er bygd ut, vert det stilt krav om opparbeiding av parkbeltet langs den nye tilkomstvegen frå Hope før det kan gjevast midlertidig bruksløyve for byggetiltak i område N1-N3.

9 Med ein slik reduksjon i krava om ny tilkomstveg sikrar ein at utbyggjar får tilstrekkeleg med areal til utbygging, samstundes som ein ikkje går heilt vekk i frå krav om ny tilkomstveg inn til området. Dette inneber at grønstrukturar frå eventuell tunnelmunning og frå til den nye rundkjøringa inn til næringsområda ikkje treng å opparbeidast før det er sikra ny tilkomstveg inn til området. Når det gjeld utbetring av eksisterande sambindingsveg knytt til utnytting av N1, kan ikkje administrasjonen sjå at det føreligg noko grunnlag for å endre på denne føresegna. Tatt i betraktning at krava om utbetring av eksisterande sambindingsveg vart skjerpa i høve Storhamn Mongstad, på bakgrunn av at kravet om ny tilkomstveg frå Hope vart fjerna, ser ikkje administrasjonen noko grunnlag for å redusere kravet i denne reguleringsplanen. Administrasjonen viser elles til vurderinga av merknaden frå Mongstad Vekst. Når det gjeld merknaden frå Austrheim og Lindås bondelag, meiner administrasjonen at føresegn 2.1 sikrar at overskotsmassar frå opparbeidinga av planområdet vert disponerte på ein best mogleg måte. Deponering av masser utanfor planområdet vil sannsynlegvis vere interessant for grunneigar for å sikre areal blir frigjort til næringsføremål. Totalt sett meiner administrasjonen at det med dei skisserte endringane no ligg føre ein gjennomarbeidd plan som legg til rette for viktige næringsområde med nærleik til store kaiområde, tilstrekkeleg kvalitet i noverande og framtidig tilkomst til området, gode kvalitetar i infrastrukturen i området og ikkje minst sikrar ei utvikling av næringsareal der ein det er tilgang på vatn til alle aktørar og som gir kontroll over vassituasjonen på Mongstad for kommunen.