INFORMASJONSHEFTE TIL EMNE SOS5-202 PRAKSIS I SOSIALT ARBEID

Transkript

1 INFORMASJONSHEFTE TIL EMNE SOS5-202 PRAKSIS I SOSIALT ARBEID NB: Alle delane av praksis er obligatoriske Høgskulen i Sogn og Fjordane Avdeling for samfunnsfag v/ praksisansvarleg Marita Brekke Skjelvan Pb. 133, 6851 SOGNDAL mariskje@hisf.no tlf

2 INNHALD 1 PLAN FOR PRAKSIS VÅREN FAGLEG OPPFØLGING FRÅ HSF KONTAKTLÆRARFUNKSJONEN PRAKSISBESØK STUDENTARBEID I PRAKSISTIDA Læreavtale med midtevaluering Sjølvvalt pensum Praksisoppgåve Praksisrapporten RETTLEIARFUNKSJONEN RETTLEIAR SITT ANSVAR VURDERING AV PRAKSIS... 9 Med atterhald om endringar! 2

3 1 PLAN FOR PRAKSIS VÅREN 2015 RETTLEIARSEMINAR I SOGNDAL FØRPRAKSISSEMINAR I SOGNDAL: EKSTERN PRAKSIS: ETTERPRAKSISSEMINAR : ARBEID LEVERAST I FRONTER INNLEVERINGS- FRISTAR FRIST FOR TILBAKEMELDING LÆREAVTALEN Midtvegsevaluering VALFRITT PENSUM PRAKSISOPPGÅVA PRAKSIS-RAPPORTEN NB: Frist for melding vedkomande tvil om godkjent praksis: Ved eventuell underkjenning av skriftlege studentarbeid vil siste frist for godkjenning frå Høgskulen i Sogn og Fjordane vere 19. juni Studentane skal bruke studieplanen, informasjonsheftet og Fronter aktivt i samband med gjennomføringa av praksisstudia. 3

4 2 FAGLEG OPPFØLGING FRÅ HiSF 2.1 KONTAKTLÆRARFUNKSJONEN For student og rettleiar er det viktig å ha ein ansvarleg person på HiSF som følgjer studenten si faglege utvikling i praksistida. Kvar student får såleis oppnemd sin kontaktlærar. Denne er Høgskulen si forlenga arm i praksistida i høve til student, rettleiar / praksisplass. Høgskulen nyttar Fronter i oppfylginga av studentane. OPPGÅVER FOR KONTAKTLÆRAR: Ta kontakt med studenten på telefon eller epost ein av dei 2-3 første vekene i ekstern praksis, for å høyre korleis det går og avtale tid for praksisbesøket. I FRONTER: Godkjenne og gje tilbakemelding på læreavtalen. Godkjenne valfritt pensum. Godkjenne og gje tilbakemelding på praksisoppgåva. Godkjenne og gje kort tilbakemelding på praksisrapporten Gjennomføre eitt besøk til student og rettleiar på praksisstaden om lag midtvegs i praksis. Sjå pkt.2.2 for meir informasjon om praksisbesøket. Dersom rettleiar melder om tvil kring godkjenning av praksis, skal kontaktlærar sikre at skriftleg materiale er på plass før felles drøfting. Kontaktlærar ser til at alle oppgåver frå student er innlevert, og går gjennom evalueringa frå rettleiar og vidaresender denne til praksisansvarleg etter avslutta praksis. 4

5 2.2 PRAKSISBESØK Student og rettleiar formidlar sine inntrykk og erfaringar så langt og får drøfta opplegg for vidare progresjon i læreprosessen. Høgskulen formidlar føringar som ligg i studieplanen og tydeleggjer at skule og praksisstad deler ansvaret for fagleg innhald og evaluering. Nokre av måla for praksisbesøket blir såleis å sikre studenten gode lærevilkår i praksisperioden å støtte rettleiar i rettleiarrolla å oppdatere Høgskulen på kva som rører seg i praksisfeltet Det er viktig at rettleiar og student har gjennomført ei midtvegsevaluering og legg denne i Fronter før praksisbesøket. Der kan ein òg melde frå til kontaktlærar om det er særskilte tema ein ynskjer å ta opp under praksisbesøket. Tema under praksisbesøket: Drøftingar kring læreavtalen / evaluering av læreprosessen Bruk av rettleiingstida med m.a. arbeids- og ansvarsdeling Kopling teori - praksis Utfordringar framover Aktuelle spørsmål kring praksisrapport / evaluering m.v. Rettleiing på problemstillinga til praksisoppgåva Tidsramme: Vanlegvis 1 1/2-2 timar til kvart besøk. Studenten skriv referat frå praksisbesøket og legg i Fronter. 2.3 STUDENTARBEID I PRAKSISTIDA Sosionomutdanninga ved HiSF krev at studentane skal skrive og legge inn følgjande arbeid i Fronter: Læreavtale og midtevaluering av denne Referat frå praksisbesøket Sjølvvalt pensum Praksisoppgåve Praksisrapport Mal for læreavtalen, skjema for sjølvvalt pensum og om bruk av dagbok ligg tilgjengelege på praksissidene for sosialt arbeid på Høgskulen sine nettsider. 5

6 2.3.1 Læreavtale med midtevaluering Målet med læreavtale er at denne skal vere eit arbeidsverktøy for studenten sin læreprosess i praksis. Studenten må først tenke gjennom sitt personlege utgangspunkt og lærebehov og så knyte desse til praksisplassen sine arbeidsoppgåver / læretilbod. Det er viktig å få fram forventningar studenten har til praksisplassen og kva rettleiar forventar av studenten. I læreavtalen skal studenten utforme kunnskapsmål, ferdigheitsmål og haldningsmål i tråd med viktige mål i studieplanen. Desse måla vil kunne ha fokus på ulike sider av yrkesutøvinga som sosionom og hjelpe studenten til å sjå samanhang mellom teori og praksis. Studenten vert oppmoda til å nytte dagbok / loggbok som eit viktig hjelpemiddel i praksistida, m.a. for å ha fokus på læreprosessen i rettleiinga. Læreavtalen skal få fram tid for rettleiing og arbeids- og ansvarsdeling mellom student og rettleiar. T.d. skal studenten ha ansvar for å levere skriftleg materiell til rettleiar før rettleiingstimen og skriv referat frå rettleiingstimane med kopi til rettleiar. Læreavtalen skal også regulere og avklare praktiske forhold som arbeidstid og lesedagar. Læreavtalen som student og rettleiar utarbeider skal nyttast som ein reiskap både i rettleiinga og i evalueringa av praksis. (Sjå mal for læreavtalen) Læreavtalen kan vere på 2-3sider. Evaluering/ endring av læreavtalen Student og rettleiar set av tid i rettleiinga til å evaluere læreprosessen med utgangspunkt i læreavtalen; særleg gjeld dette i høve til læremål/ læreoppgåver. Lærebehov vil ofte endre innhald i læreprosessen. Ved å evaluere og justere desse regelmessig, kan studenten få auka innsikt i samspelet mellom teori og eiga erfaringslæring. Justeringar/ endringar av læreavtalen skal gå fram i midtevalueringa. Viktig: Læreavtalen med seinare endringar, midtevaluering, rettleiingsgrunnlag og referat, saman med føringane i studieplanen dannar utgangspunkt for evaluering av læringsutbyte og vurderingar kring godkjent /ikkje godkjent praksis Sjølvvalt pensum Det sjølvvalde pensumet skal vere på 400 sider. Studenten, gjerne i samråd med rettleiar, vel ut dei 400 sidene. Det sjølvvalde pensumet skal ha fagleg relevans og deler av det skal knytast til praksisoppgåva. NB: Pass på at du ikkje vel litteratur som alt er pensum på studiet, jf. pensumlistene for alle tre klassetrinna. Bruk skjema som ligg som vedlegg. 6

7 2.3.3 Praksisoppgåve Praksisoppgåva er eit skriftleg arbeidskrav som vert vurdert av kontaktlærar. Kontaktlærar gjev òg ei skriftleg tilbakemelding på oppgåva i Fronter. Målsetting for praksisoppgåva: Den skal vere i tråd med læremåla for emne, jf. studieplanen, men skal og stimulere til fordjuping og heilskapleg refleksjon i eit fagleg tema med relevans for praksis Bevisstgjering i forhold til eigne handlingar og haldningar Skal vere ei skriftleg trening knytt til teori og praksis Hugs å anonymisere all informasjon i oppgåva som gjeld klient, praksisplass, kommune og liknande Oppgåva er ein akademisk tekst med dei krav som følgjer Gje øving i å nytte faglitteratur i forhold til eit avgrensa relevant tema dvs. bruk av fleirfagleg perspektiv knytt til eigen arbeidssituasjon OPPGÅVETEKST: «Ta utgangspunkt i ei sak, eit prosjekt eller ei hending du arbeider med i praksis. Definer ei problemstilling. Drøft og reflekter deretter ditt arbeid utifrå relevant teori og praktisk kunnskap.» Oppgåva skal vere på 8 10 sider. I denne oppgåva vil det vere naturleg å bruke eg-form Praksisrapporten Studenten og rettleiar evaluerer praksisperioden individuelt og saman, og med utgangspunkt i studieplanen, læreavtalen, dagboksnotatar og referat frå rettleiingssamtalane. Denne evalueringa er basis for praksisrapporten. Målsetting for praksisrapporten: Bidra til at studenten reflekterer over eiga læring i praksisperioden, samt å reflektere over eiga utvikling. I praksisrapporten skal studenten få fram måla for praksis reflektere over eiga læring/ læreprosess / måloppnåing evaluere rettleiinga inkl. arbeidsdelinga mellom rettleiar student trekke fram ressursar og vidare utviklingsområde hos seg sjølv. Rapporten skal vere på om lag 3 sider. 7

8 3 RETTLEIARFUNKSJONEN Praksisopplæringa er ein sentral del av bachelorstudiet i sosialt arbeid. Praksisstudia skal medverke til at studenten aukar forståinga for samanhengen mellom forsking, teori og praksiskunnskapar. For student og Høgskulen er det viktig å ha ein ansvarleg person på praksisstaden som førebur seg og praksisplassen på at studenten kjem og følgjer opp studenten si faglege utvikling i praksistida. Vil her trekke fram og supplere viktige punkt frå avtalen mellom rettleiar og HiSF. 3.1 RETTLEIAR SITT ANSVAR Rettleiar skal ha 3-årig helse-/sosialfagleg utdanning. Rettleiar plikter å gi studenten praksisopplæring i samsvar med intensjonen i utdanninga, jf. rammeplan, skikkavurdering, studieplan og informasjonshefte. Desse og Forskrift om opptak, studium og eksamen ved Høgskulen i Sogn og Fjordane er å finne på Hovudpunkt: Rettleiar skal setje studenten inn i institusjonen sin organisering og arbeidsområde, og finne eigna arbeidsoppgåver som stimulerer til læring og utvikling. Rettleiar skal gi studenten minimum 2 timar systematisk rettleiing per veke og gi skriftleg vurdering av studenten. Det er viktig for studenten si læring at denne faglege rettleiingstida vert mest mogleg skjerma mot avbrot. Saman med studenten skal rettleiar utarbeide ein læreavtale (sjå vedlegg 2) Det er viktig at læreavtalen vert nytta i rettleiinga for å tydeleggjere studenten sin progresjon og det skal gjennomførast ei evaluering midtvegs i praksisperioden. Det er viktig at rettleiar og student har gjennomført midtevaluering før praksisbesøket. Meld frå til kontaktlærar om det er særskilte tema de ynskjer å ta opp under besøket. Dersom rettleiar er i tvil om praksis fungerer tilfredstillande, må høgskulen varslast omgåande, jfr. Rammeplanen si forskrift 5. Rettleiar følgjer opp eventuelt fråvær til studenten, jfr. eige avsnitt i studieplanen. Praksis-rettleiar kan innvilga permisjon i inntil tre dagar. Permisjonssøknader ut over dette skal avgjerast av Høgskulen. Maksimumsgrensa for fråvær er 12 dagar. Sjukefråver ut over tre dagar skal dokumenterast med legeattest. Med utgangspunkt i vurderingskriteria i studieplanen tilrår rettleiar praksis godkjent/ikkje godkjent. Eige vurderingsskjema skal nyttast. Studenten sitt ansvar i samband med rettleiinga skal inn i læreavtalen. 8

9 3.2 VURDERING AV PRAKSIS Praksisrettleiar og student vurderer praksis undervegs med ei skriftleg midtevaluering og ei sluttvurdering. Høgskulen sine mål for praksis, studenten sin læreavtale, dagbok/loggbok og referat frå rettleiingstimane gir til saman eit nyttig grunnlag for fortløpande evaluering av læreutbytet. Studenten vert evaluert etter Forskrift om opptak, studium og eksamen ved Høgskulen i Sogn og Fjordane, : Praksisopplæring vert vurdert til greidd eller ikkje greidd. Studenten blir vurdert i forhold til vurderingskriteria for sluttvurdering i emneplanen for SOS Vurdering undervegs tvil om godkjenning Viser det seg at praksis ikkje fungerer tilfredsstillande må Høgskulen varslast om dette så snart som mogleg. Dersom det oppstår tvil om rettleiar kan tilrå at praksis vert godkjent, må det sendast skriftleg melding til kontaktlærar. Det vert då kalla inn til drøftingsmøte på Høgskulen der desse møter: Rettleiar, student, kontaktlærar, praksisansvarleg og instituttleiar jfr. 5 i Forskrifter til rammeplan for bachelor i sosialt arbeid. I slike høve kan det vere aktuelt å sette inn ekstra ressursar i oppfølginga. Frist for melding vedkomande tvil om godkjent praksis: Sluttvurdering Rettleiar skal vurdere studenten sin praksis, med tilråding om godkjenning / ikkje godkjenning av praksis og sende denne til kontaktlærar ved praksisslutt jf. vedlegg 5. Vi ber rettleiar samstundes gje tilbakemelding på samarbeidet med HiSF jf. vedlegg 6. Skikkavurdering Studentane ved bachelor i sosialt arbeid er omfatta av Forskrift om skikkethetsvurdering i høyere utdanning (vedlegg 7). 9