STUDIEPLAN UTDANNING FOR FORHANDLARTENESTA HOS POLITIET

Transkript

1 STUDIEPLAN UTDANNING FOR FORHANDLARTENESTA HOS POLITIET 15 studiepoeng Utkast til behandling i høgskolestyret 30. april 2014

2 1. Innleiing I den daglege operative tenesta har politiet kontakt med publikum og skal løyse oppdrag på ein mest mogleg lempeleg måte. Oppdragskompleksiteten og forventingane frå samfunnet gjer at det vert stilt stadig større krav til korleis politiet handsamar oppgåvene sine. I konfliktfylte situasjonar og kriser er god kommunikasjon den viktigaste reiskapen politiet har for å løye oppdrag på ein forsvarleg og føremålstenleg måte. Politiforhandlarane arbeider i situasjonar der dei møter personar i mental ubalanse og/eller ved hendingar som omfattar alvorlege kriminelle handlingar. Slike situasjonar stiller spesielle krav til kompetansen som politiet har. Politihøgskolen tilbyr ei utdanning i forhandlarteneste for å auke denne kompetansen. Utdanninga gir 15 studiepoeng. 2. Føremål Føremålet med utdanninga er å utdanne polititenestepersonell til politiforhandlarar, og medverke til at desse nyttar føremålstenleg kommunikasjon i forhandlingssituasjonar. 3. Målgruppe og opptakskrav 3.1. Målgruppe Den primære målgruppa er eigna polititenestepersonar som kan inneha ein funksjon som politiforhandlarar i politidistriktet. Det er ein føresetnad at deltakarane vert valde ut i samsvar med dei lokale kompetanseplanane Opptakskrav Søkjarane må: ha bestått eksamen frå Politihøgskolen/politiskolen vere tilsette i politi- og lensmannsetaten ha minst fem års praksis etter grunnutdanning Studieplan for vidareutdanning i forhandlartenesta hos politiet 2014 Side 1

3 kunne få tryggleiksklarering for HEMMELEG Kravet om fem års praksis kan fråvikast etter særskilt vurdering. Søkjarane må anten dokumentere generell studiekompetanse eller utdanning som svarar til minst 60 studiepoeng, eller ha realkompetanse som kan erstatte manglande formell kompetanse. 4. Læringsutbyte 4.1. Generell kompetanse Etter avslutta utdanning kan studentane stå fram med innsikt og tryggleik i rolla som politiforhandlar vurdere, tilrå og nytte føremålstenleg kommunikasjon under handsaming av forhandlaroppdrag identifisere og vurdere etiske dilemma i forhandlingssituasjonar sjå verdien av samhandling i oppdragshandsaminga 4.2. Kunnskap Etter avslutta utdanning har studentane kunnskap om: menneske i krise, menneske i sjølvmordsfare og psykisk sjuke forhandlingar ulike kommunikasjonsmetodar kommunikasjon med menneske i ulike krisesituasjonar mental førebuing, stress og stressmeistring planlegging, samvirke og polititaktikk evaluering og erfaringslæring 4.3. Ferdigheiter Etter avslutta utdanning kan studentane: gjere ei situasjons- og risikovurdering ved ulike forhandlingssituasjonar Studieplan for vidareutdanning i forhandlartenesta hos politiet 2014 Side 2

4 planleggje, utforme og tilrå føremålstenlege kommunikasjonsformer, tiltak og forhandlingsstrategiar nytte målretta kommunikasjonsformer, tiltak og forhandlingsstrategiar samhandle med andre forhandlarar i team samhandle med operasjonsleiaren, aksjonsleiaren og andre aktuelle samarbeidspartnarar meistre stress hos seg sjølv og andre reflektere over eiga rolleutøving 5. Organisering og arbeidskrav Studiet er lagt opp som deltidsstudium med samlingar og studiearbeid utanom samlingane. Studiet skal i regelen gjennomførast i løpet av ni månader. Utdanninga tek om lag 420 timar. Dette omfattar deltaking i undervising, caseoppgåver, individuelt arbeid, gruppearbeid, nettbasert arbeid, litteraturstudiar og praktiske øvingar med rettleiing. Arbeidsmåtane i studiet skal gi studentane godt læringsutbyte, og særleg klargjere samanhengen mellom teori og praksis. Det vert lagt vekt på varierte arbeidsformer med mykje studentaktivitet. Samlingane utgjer inntil 180 timar som vert fordelte over totalt fire veker. Det er obligatorisk å delta på samlingane. Samlingane går både på dag- og kveldstid. Det vert gjennomført øvingar som stiller store krav til mognad og motivasjon. Ei nettbasert læringsplattform vert nytta til administrering og pedagogisk gjennomføring av studiet. Studieplan for vidareutdanning i forhandlartenesta hos politiet 2014 Side 3

5 Arbeidskrav Arbeidskrav som må vere oppfylte og godkjende før studentane kan ta eksamen: eit motivasjonsnotat (inntil 800 ord) som skal leverast inn før første samling to refleksjonsnotat over eiga læring: eitt på inntil 800 ord som vert levert inn undervegs i studiet, og eitt på inntil 1200 ord som vert levert inn etter siste studiesamling ei individuell oppgåve (inntil 2000 ord) Arbeidskrava skal leverast elektronisk. 6. Vurdering Studentane vert vurderte kontinuerleg og får tilbakemeldingar under utdanninga etter særskilte kriterium som er forankra i definisjonane av læringsutbyte. Dei som ikkje oppnår tilfredsstillande læringsprogresjon, må avslutte utdanninga. Studiet vert avslutta med ei praktisk prøve basert på ein case, og ein munnleg eksamen. Karakterane er bestått/ikkje bestått. Begge prøvene må vere bestått. 7. Litteratur 7.1. Obligatorisk pensum (maks. 800 sider) ikkje bestemt enno 7.2. Skal vere kjent Studieplan for vidareutdanning i forhandlartenesta hos politiet 2014 Side 4