Regjeringa sin sjukehus-plan trugar beredskapen og tryggleiken til hundretusenvis av innbyggjarar i distrikts-noreg.

Transkript

1 Akuttberedskap i heile landet! Regjeringa sin sjukehus-plan trugar beredskapen og tryggleiken til hundretusenvis av innbyggjarar i distrikts-noreg. Hordaland Senterparti meiner akuttberedskapen må haldast oppe ved dei sjukehusa som har slik funksjon i dag så langt dette er forsvarleg. I Hordaland syner regjeringa sin vilkårlege politikk seg særskilt tydeleg, der sjukehusplanen legg opp til vidareføring av akuttberedskap ved Voss sjukehus, men der framtida til akuttkirurgien ved Stord og Odda sjukehus vert sett i fare. Hordaland SP er svært glade for at Voss får behalda funksjonen, men krev at Stord og Odda også skal behalda akuttberedskapen. Om akuttkirurgi forsvinn vil fødeavdeling og anna akuttberedskap heller ikkje kunna drivast vidare. I sum vil innbyggjarane i Hardanger og Sunnhordland få eit dramatisk dårlegare helsetilbod. Me krev ei oppbygging og ikkje ei nedbygging av dei mindre sjukehusa. Regjeringa legg opp til at framtida til akuttberedskapen ved dei mindre sjukehusa skal vera opp til styra i helseføretaka. Som vårt fremste folkevalgte må Stortinget ta ansvar for dei viktigaste samfunnsoppgåvene me har, og ikkje gøyma seg bak ryggen på byråkratar. Difor krev Hordaland Senterparti at våre stortingspolitikarar ikkje feigar ut, men faktisk tek stilling til framtida for akuttberedskap i Odda, på Stord og på alle dei andre sjukehusa i landet vårt. Det er storleiken det kjem an på! Ein relativt finmaska kommunestruktur bidreg til tryggleik for tenester, verdiskaping og levande folkestyre i heile landet. Det er og ein nødvendig føresetnad for å ta heile landet i bruk. Sp vil at ressursgrunnlaget skal utnytast, og folk skal ha valfridom til å leva der ein ynskjer. Difor seier Sp klart nei til H/Frp regjeringa si tvangsreform om kommunesamanslåing. Det bles ein blå/blå gigantomani over landet. Store sjukehus, store kommunar, store skular, store bønder, store politidistrikt osv. Det skal gjere Norge «robust og moderne» Sp meinar det er på tide å stille spørsmålet om store einingar er svaret på utfordringane i kommunenorge og det offentlege elles. Kva seier samfunnsvitenskapleg forskning om storleik og struktur?(ødegard, professor i samfunnsvitenskapleg forskning/ledelse universitetet i Agder/UC-Berkeley)

2 Auka storleikar fører til fleire hirakieske nivå. Auka formalisering, dvs. reglar og rutinar-mindre personleg kontakt Auka administrasjon og makt til byråkratiet Auka avstand og påverknadsmogelegheiter- Om endring og samanslåing av organisasjonar seier forskninga dette: Nær 70% av alle samanslåingar er mislukka Altfor optimistisk anslag av effektar Manglande forståing av kostnader knytt til samanslåing og kulturskilnader. Oftare resultat av individuelle ynskje om makt og handlekraft enn faktiske behov. Svært vanskeleg å slå saman/endre organisasjon gjennom reformer. Ut frå dette kan ein slå fast at storleik og struktur på ingen måte er svaret på utfordringane kommune Norge og det offentlege står overfor. H/Frp regjeringa si kommunereform og forslag til nytt inntektssystem er derimot ein strategi for tvang og gigantomani. Inntektssystemet skal som kjent sikra effektiv og rett finansiering av kommunane, utjavna skilnader og kostnader i heile landet, og ivareta regional utvikling. Denne målsetjinga bryt den blåblå regjeringa med i framlegg til nytt inntektsystem. Der flytter dei pengar frå små og mellomstore kommunar( innb) til dei aller største. Dersom kommunar ikkje slår seg saman vert ein straffa økonomisk. I Hordaland vil 27 kommunar tape på omlegginga. T.d i Hardanger vil ein på sikt tape om lag 90 mill årleg. Det betyr dårlegare tenester og mindre utvikling i regionen. Kommunereforma og inntektssystemet er ei storstila sentralisering av makt og kapital, med auka skilnader og redusert mogelegheit for folk flest til å påverka sin eigen kvardag, som resultat. Dette er ei retning som Sp vil kjempe imot. Sp vil kjempe for levande bygder, grøne byar og små skilnader gjennom: Å sikra eit mangfoldig kommunenorge med økonomisk tryggleik til både små og store kommunar i nytt inntektssystem. Ei evt. endring av kommunegrenser skal skje ut frå at folk lokalt ynskjer det, gjennom folkeavstemning, ikkje av økonomisk tvang og blåblå gigantomani. I ei evt. ny regjering i 2017 oppheva alle samanslåingsvedtak basert på tvang.

3 Ein framtidsretta vidaregåande skule for heile Hordaland Ei av dei viktigaste oppgåvene til fylkespolitikarane er å leggja høva til rette for at ungdom skal kunna ta seg utdanning. Målet er å utdanna yrkesutøvarar som skal sikra velferdsstaten i framtida. Hordaland Senterparti ynskjer å ta heile fylket i bruk og meiner det skal vera vidaregåande opplæringstilbod i nær folk. Det betyr at det må vidaregåande skular med attraktive opplæringstilbod i heile Hordaland. For Senterpartiet er det eit mål at flest mogleg skal kunna bu heima medan dei tek vidaregåande utdanning. Fylkestinget vedtok skulebruksplan for Hordaland i Målet var å mellom anna å auka gjennomføringsgraden, sikra større fagmiljø og dimensjonera fagtilbodet betre. Skulebruksplanen skal rullerast i år. Som ein del av det politiske fleirtalet i Hordaland vil Senterpartiet ha ei sentral rolle i rulleringa. Hordaland Senterparti jobbar for ein framtidsretta skule i heile Hordaland. Me krev at den nye skulebruksplanen: sikrar ein desentralisert skulestruktur med gode og attraktive opplæringstilbod i heile fylket dimensjonerer fagtilbod etter behov i næringslivet og lokale føresetnader gjer det mogleg for flest mogleg å bu heime mens dei går på vidaregåande sikrar desentralisert fagskuleutdanning Ja til eit fortsatt levande landbruk med lausdrift i nybygg I 2024 er det krav om at all storfeproduksjon skal bli omstilt til lausdriftsfjøs for å betra velferda til dyra. Hordaland Senterparti ser at dette ikkje kjem til å skje smertefritt. Me har inntrykk av at det ikkje berre er omleggingane det vil bli mange av - nedleggingar er mest truleg ein konsekvens av dette. Norske jordbruksvarer er også blant verdas tryggaste sidan antibiotikabruken er svært liten. Sverige brukar nesten fire gongar så mykje antibiotika som Noreg, Danmark ti gongar så mykje og Tyskland femti gongar så mykje. For vår eigen tryggleik burde me satsa storstilt på norsk mat og mjølk, ikkje spenne bein på somme delar av næringa.

4 Hordaland Senterparti ser på begge sider av ei omlegging, men me ser negative konsekvensar ved bruk av tvang. Det vil gå kraftig ut over tal på levande gardsbruk og mengda produsert mjølk. Det er allereie underproduksjon av storfekjøt, og me er redd for at det skal verte produsert endå mindre storfekjøt på grunn av lausdriftskravet, som igjen fører til endå meir import. Dyrevelferd er viktig, men dyrevelferda blir ikkje betre av å auke importen av landbruksvarer frå land som ikkje har like gode standardar som vi har. Hordaland Senterparti vil at: alle nybygg skal vera bygde som lausdriftsfjøs det skal løyvast meir i omstillingsmidlar eksisterande bygg utan lausdrift må kunne drivast også etter 2024 det skal vera betre overgangsordningar for på lengre sikt å fase ut båsfjøs

5 TISA-frie soner I dag sit Noreg rundt forhandlingsbordet for handelsavtala TISA (Trade in Services Agreement). Dette er ei avtale som forhandlast fram av EU, USA og vel 20 andre land. Avtala vil krevje konkurranseutsetjing av tenestesektoren og vil føre til ei storprivatisering av Noreg. TISA-avtala opererer med negativ listing. Det tyder at tenester som ikkje er lista ved inngang av avtala, i praksis, er tilgjengelege for konkurranseutsetjing. Innlemma i dette prinsippet finn vi «frys»-og «skralle»-klausulane, som hindrar folkevalde i framtida å føre attende konkurranseutsette tenester til det offentlege. Forhandlingane går føre seg i løyndom. Folket får ikkje innblikk i forhandlingane, og heller ikkje folkevalde politikarar. Dette er ei avtale som kjem ovanfrå og ned. Den kjem frå store multinasjonale tenesteselskap, og ber preg av demokratisk underskot. Hordaland Senterparti kan ikkje støtte dette. Fleire område i Europa har allereie erklært seg som TISA-frie soner, blant anna byane Zurich, Lausanne og Genève i Sveits. Bern, hovudstaden i Sveits, vurderar og å erklære seg som TISA-fri sone. Dette legg stort press på Sveits mot å melde seg ut av forhandlingane. Uruguay trakk seg i høst frå TISA-forhandlingane etter liknande aksjonar og vedtak rundt om i landet. Hordaland Senterparti vil: At Noreg krev full openheit i TISA-forhandlingane Arbeide for TISA-frie soner gjennom vedtak i kommunestyra i Hordaland. At Noreg ikkje aksepterer avtaler som svekkjer demokratiet Kunnskap må liggje til grunn for samferdsleval Hordaland Senterparti meiner på generelt grunnlag at avgjersler i samferdslespørsmål skal baserast på eit best mogleg kunnskapsgrunnlag. E134 er ein av fleire viktige vegar på sambandet Bergen-Oslo. Årsmøtet i Hordaland Senterparti meiner regjeringa skal utarbeide KVU for E134 med arm til Bergen.

6