Delegert vedtak Delegasjonssak DS /

Transkript

1 BREHEIMEN NASJONALPARKSTYRE Strynefjellet landskapsverneområde Mysubytta landskapsvernområde Høydalen landskapsvernområde Mørkridsdalen landskapsvernområde Vigdalen landskapsvernområde Høyrokampen naturreservat Lom og Bøverdalen Røde Kors Hjelpekorps v/operativ leiar Tåsten Nordal 2686 LOM SAKSHANDSAMAR: ELDRID NEDRELO ARKIVKODE: 2016/ DATO: Delegert vedtak Delegasjonssak DS / DISPENSASJON - BREHEIMEN NASJONALPARK - KJENTMANNSKØYRING LOM OG BØVERDALEN RØDE KORS HJELPEKORPS V/OPERATIV LEIAR TÅSTEN NORDAL I medhald av brev frå Miljøverndepartementet datert har Breheimen nasjonalparkstyre i styremøte , sak 32/2013, gjort vedtak om å delegere handsaming av einskilde saker til nasjonalparkforvaltaren. Vedtaket gjev nasjonalparkforvaltarane i Breheimen myndigheit til å treffe vedtak i saker som gjeld dei spesifiserte dispensasjonsreglane om ferdsel i verneforskriftene for verneområda i Breheimen, slik som i denne saka: Vedtak I samsvar med delegasjonsfullmakt vedtek nasjonalparkforvaltaren med heimel i verneforskrifta for Breheimen nasjonalpark og Høydalen landskapsvernområde 3, pkt. 6.3 bokstav a) å gi Lom og Bøverdalen Røde Kors Hjelpekorps løyve til å gjennomføre øving 3, dag 1, etter godkjend Øvingsplan for Lom og Bøverdalen Røde Kors Hjelpekorps i perioden Vilkår Løyvet gjeld ein (1) tur med maksimalt fire (4) snøskuterar på strekninga Vegaskjelet, Vassenden, Hyødalen, Høyøien, Svartdalsvatnet, Breiddalen, Trulsbu. Vidare attende Breiddalen, Medalsbu, Namnlausvatn, Vetledalen, Nørdstedalseter. Middalen, Namnlausvatnet, Øvre Grønevatnet, Storvatnet, Sognefjellshytta, Krossbu (ca. 60 km). Alternativet er Middalen båe vegane til og frå Nørdstedalseter om skredfara er for stor etter Vetledalen. Løyvet gjeld frå 1. januar til og med laurdag før palmelaurdag åra 2017, 2018 og 2019, men kjentmannskøyringa bør gjennomførast innan første april kvart år av omsyn til villrein. Det skal takast omsyn til naturmiljøet, og ein skal så langt det let seg gjere unngå skade og ulempe for naturmiljø og friluftsliv. Det skal takast særleg omsyn til villrein under transporten. Dersom det er villrein kring den planlagde køyreruta skal ein vente til dyra har trekt unna, eller til ein kan køyre rundt dyra i ein avstand på minimum 500 m på leside. Det er sannsynleg at ein kan treffa på villrein når ein køyrer ein del av strekningane i øvingsplanen til/frå: Nørdstedalseter Trulsbu Middalen Namnlausvatnet Øvre Grønevatnet. Er det tamrein i området kan ruta korrigerast slik at dyra ikkje blir skremde. Løyvet gjeld ikkje søndagar og andre heilagdagar. Køyringa skal samordnast i tid med nabokorpsa dersom dei skal køyre same trase. POSTADRESSE: POSTBOKS 987, 2604 LILLEHAMMER OG NJØSAVEGEN 2, 6863 LEIKANGER BESØKSADRESSE: SKJÅK UTMARKSSENTER (V/SKJÅK ALMENNING), 2690 SKJÅK OG LUSTER KOMMUNE, RÅDHUSET, 6868 GAUPNE TELEFON: SOGN OG FJORDANE: / OPPLAND: SOGN OG FJORDANE: FMSFPOST@FYLKESMANNEN.NO OPPLAND: FMOPPOST@FYLKESMANNEN.NO ORG.NR: SOGN OG FJORDANE: OPPLAND:

2 Seinast 12 timar før køyringa startar, skal redningstenesta senda melding om køyringa (køyreordre) til lokal redningssentral i Oppland og Sogn og Fjordane, jf. retningsliner for kjentmannskøyring i verneområde. Snøskuterar som korpset eig skal vere merka med organisasjonen sin logo. Dersom det vert brukt andre private snøskuterar som hjelpekorpset disponerer, skal desse merkast slik at det går fram at dei er i hjelpekorpset si teneste. Politiet varslar Statens naturoppsyn gjennom utsending av køyreordre for kvar kjentmannstur. Desse vil også danne grunnlag for rapport tilbake til forvaltninga. Køyreruta skal følgje traseen som er teikna inn på vedlagde kart. Løyvet til motorferdsel og køyreskjema skal takast med under transporten. Køyreskjema skal fyllast ut på førehand, og det skal sendast Breheimen nasjonalparkstyre innan 1. juni Vi gjer merksam på at løyvet berre gjeld etter verneforskrifta og søkjar må hente inn eventuelt naudsynt løyve til motorferdsel frå kommunane og grunneigarar. Dokument i saka: Søknad om løyve til gjennomføring av øvingar innanfor verneområde i Lom i perioden , i tråd med godkjent øvingsplan, datert «Uttale i høve søknad om bruk av snøskuter ifb med øving frå Lom og Bøverdal RKH» frå lensmann i Vågå, Innlandet Politidistrikt, datert Godkjenning av øvingsplan frå Vest Politidistrikt, jf. e-post frå lensmannen i Vågå datert Uttale frå Villreinnemnda for Reinheimen Breheimen, datert Søknaden Lom Røde Kors Hjelpekorps søkjer om løyve til motorisert ferdsel innanfor verneområda i Lom i perioden , i samsvar med godkjent øvingsplan frå lensmannen i Vågå, Innlandet Politidistrikt. Lom og Bøverdalen Røde Kors Hjelpekorps viser til at dei i stor grad bidreg i redningstenesta inne i nasjonalparkane i Lom kommune, men at også dei områda i nasjonalparkane som ligg i kommunane Skjåk, Luster og Vågå vil høyre naturleg inn under dei områda dei opererer i. Dei viser vidare til at det er innanfor nasjonalparkane det er mest ferdsel både sommar og vinter, vinterstid særleg i påska og vekene etter at det er eit stort tal personar på tur i fjellet. Oppdraga hjelpekorpset har varierer frå søk etter sakna personar, henting, førstehjelp og uttransport av skadde eller sjuke personar eller uttrykking til snøskred. For å utføre desse oppdraga på best mogleg måte er det avgjerande at dei har lokal kjennskap til områda dei ferdast i, og at dei har erfaring med å ferdast i området. Særleg gjeld dette vinterstid med snøskuter, då dette ikkje er noko den einskilde medlemmen i hjelpekorpset kan trene på sjølv, og sidan oppdraga ofte vert utført i dårleg sikt eller i mørke. Øvingsplanen innanfor nasjonalparkane er sett opp med bakgrunn i desse behova. Hjelpekorpset har også andre øvingar både vinter og sommar, men dei vert gjennomført utanfor nasjonalparkane og er ikkje del av denne øvingsplanen. Dei viktigaste øvingsmomenta på øvingane i nasjonalparkane er å trene på vegval og å ta seg fram til der dei verkelege oppdraga skal løysast, om det er eit skred eller det er å ta seg fram til vèrfaste eller skadde personar. Samstundes er trening på søk etter sakna personar eit naturleg moment i denne typen øving. Også her er lokal kjennskap til både terreng, stikka skiløyper og hytter/buer viktig. Eit øvingsmoment hjelpekorpset ønskjer å nytte desse øvingane til er vurdering av terreng, skredfare og vegval i områda der dei også truleg vil køyra i mørke eller dårleg sikt på ein aksjon. Hjelpekorpset planlegg å gjennomføre ei øving innanfor nasjonalparkane kvar vinter. Dei søkjer om å gjennomføre tre øvingar med tilhøyrande ruter/område. Primert ønskjer dei å gjennomføre øvinga ei helg to veker før påske, med mogleg justering to helgar bakover eller ei helg framover for å kunne tilpasse tidspunktet etter vèr, føre og rasfare. NASJONALPARKSTYRET FOR BREHEIMEN SIDE 2

3 Øvingsplan Øving 1 Start: Vegaskjelet/Leirlie (Bøverdalen) Trase` dag 1: Vegaskjelet, Leirdalen, Gravdalen, Utladalen, Skogadalsbøen. Vidare opp Vesle Utladalen til Sognefjellet og ned att. Alternativt opp Gjertvassdalen til Keiserpasset, avhengig av forholda. Rauddalen til Olavsbu (ca.70 km). Overnatting planlagt i Olavsbu. Trase`dag 2: Olavsbu, Rauddalsbandet, Langvatnet, Storådalen, Gjendebu. Vidare opp Veslådalen, Høystakka, Bygdin, Fondsbu. Vidare opp via Snøholsvatnet til Olavsbu, Raudalsbandet, Simledalen, Gravdalen, Leirdalen, Vegaskjelet. Det er og eit alternativ å snu ruta til Fondsbu dersom forholda tilseier det (ca. 65 km). Moment: Dette er i eit fjellområde som er mykje brukt. Spesielt i påska, men også utover våren med utgangspunkt frå Leirvassbu, Krossbu, Sognefjellshytta og Fondsbu. Området har fleire turisthytter, samt små hytter som kan brukast av villfarne turistar som naudbuer om styggevèret kjem over dei. Viktig for mannskapet å gjera seg kjent med kvar desse er å finne og vegen fram til dei. Anna som er viktig med denne øvinga: Køyreteknikk, ruteval, lokalisering av hytter som kan vera aktuelle å søkja i ved eventuelle aksjonar, skredfare, is, bre, mm. Øving 2 Start: Visbrue/Medalen. (Bøverdalen) Trase` dag 1: Visbrue, Glømsdal, Hovde, Elgsløyfte, Fossbotn, Gokkerdalen, Fossbotn, Smådalen, Sleoskaret, Rindtjønnen, Veodalen, Blåtjønnholet, Russvatnet, Glitterheim (ca. 80 km). Overnatting i sjølvbetent DNT-hytte i Glitterheim, eventuelt Grønbue, litt lenger ned i Veodalen. Trase`dag 2: Glitterheim/Grønbue, Styggehøbreaskardet, Memurudalen, Vestre Memurubrean, Hellstugubrean, Visdalen, Raudbergstulen, Galdesand. Alternativ rute dersom vèr eller føre tilseier det: Ned til Memurubu, Gjende, Gjendebu, Veslådalen, Rauddalen, Olavsbu, Rauddalsbandet, Høgvaglen, Visdalen, Raudbergstulen, Galdesand (ca. 50 km). Moment: Dette er i eit fjellområde delvis utan stikka løyper. Eit område som er til dels vanskeleg, men som er mykje brukt, spesielt i påska. Området har fleire setrer og små hytter/steinbuer som kan brukast av villfarne turistar som naudbuer om styggevèret kjem over dei. Viktig for mannskapet å gjera seg kjent med kvar desse er å finne. Anna som er viktig med denne øvinga: Køyreteknikk, ruteval, lokalisering av hytter som kan vera aktuelle å søkja i ved eventuelle aksjonar, skredfare, is, mm. Øving 3 Start: Vegaskjelet/Leirlie. Trasè dag 1: Vegaskjelet, Vassenden, Hyødalen, Høyøien, Svartdalsvatnet, Breiddalen, Trulsbu. Vidare attende Breiddalen, Medalsbu, Namnlausvatn, Vetledalen, Nørdstedalseter. Middalen, Namnlausvatnet, Øvre Grønevatnet, Storvatnet, Sognefjellshytta, Krossbu (ca. 60 km). Alternativet er Middalen båe vegane til og frå Nørdstedalseter om skredfara er for stor etter Vetledalen. Overnatting på Lom Fjellstyre si hytte ved Krossbu, eller Sognefjellet. Trasè dag 2: Sognefjellet, Krossbu, Leirbreen, Smørstabbreen, Sandelvbreen, Gravdalen, Storutladalen, Rauddalen, Olavsbu, Rauddalsbandet, Simledalen, Gravdalen, Høgvaglen, Urdadalen, Visdalen med moglege køyreruter mot Bukkeholsbreen og Tverråbreen, Kyrkjeglupen, Leirvassbu, Leirdalen, Vegaskjelet (ca. 70 km). Alternativ er Breiseterdalen, Halsen, Vegaskjelet, Leirdalen, Leirvassbu, Gravdalen.. om Smørstabbreen ikkje har trygg nok trasè med tanke på snø/snøbruer. Og alternativt Langvatnet Leirvassbu, om skredfara i Urdadalen er for stor. Ein avstikkar inn frå Leirdalen mot Tverrbyttene med skirutene ned frå Storebjørn, Geita og bak Stetind hadde vore nyttig dersom tida strekk til. NASJONALPARKSTYRET FOR BREHEIMEN SIDE 3

4 Moment: Dette er i eit fjellområde som er mykje brukt, spesielt i påska. Området har fleire små hytter/steinbuer, som kan brukast av villfarne turistar som naudbuer om styggevèret kjem over dei. Viktig for mannskapet å gjera seg kjent med kvar desse er å finne. Anna som er viktig med denne øvinga: Køyreteknikk, ruteval, lokalisering av hytter som kan vera aktuelle å søkja i ved eventuelle aksjonar, skredfare, is, bre, mm. Innlandet Politidistrikt viser til at redningstenesta vil bli koordinert av HRS og LRS med politiet ute i distrikta som innsatsleiarar i aksjon. Og vidare syner lensmannen i Vågå til at ein har hatt, og at ein også i framtida vil få mange søk- og redningsaksjonar i både Jotunheimen og Breheimen nasjonalparkar og politiet er heilt avhengige av den frivillige innsatsen frå hjelpekorps og andre på slike oppdrag. Lensmannen i Vågå presiserer at han ikkje kan sjå at øvingsplanen er forankra på nasjonalt nivå, og ser vel at søknaden gjeld øvings- og kjentmannskøyring. Politiet meiner vidare at det er særs viktig at hjelpekorpset vert kjent i dei aktuelle søkeområda av omsyn til stikka løyper, hytter/buer, skredfare og vegval generelt for tryggast og raskast måte inn og ut. Politiet rår til at det vert gitt løyve til gjennomføring av øvingsplanen. Vest Politidistrikt viser til at dei har godkjent øvingsplanen til Luster Røde Kors Hjelpekorps, og godkjenner også søknaden frå Lom og Bøverdalen Røde Kors Hjelpekorps. Vest Politidistrikt og Innlandet Politidistrikt krev at Røde Kors Hjelpekorps sender melding om øvingane seinast 12 timar før start. Melding kan då sendast til: Vest politidistrikt: post.sfj.ops@politiet.no Innlandet politidistrikt: operasjonsentral06@politiet.no Søknaden er vurdert i samsvar med: 1. Forskrift for Breheimen nasjonalpark, datert 7.august Forskrift for Høydalen landskapsvernområde, datert 7. august Naturmangfaldlova, datert 19, juni 2009 nr Brev frå Miljøverndepartementet - Retningslinjer for redningstjenestens bruk av snøscooter i verneområder, datert Verneforskrift og verneformål og retningsliner for bruk av snøskuter i redningstenesta innanfor verneområde Omsynet til verneverdiane i området er vurdert, særleg i forhold til landskap, dyreliv og friluftsliv, jf. verneforskrifta 2 og naturmangfaldlova 1 (Formål), 4 og 5 (forvaltningsmål for naturtypar, økosystem og artar) samt 7(prinsipp for å ta offentleg avgjerd), jf (kunnskapsgrunnlaget og miljørettslege prinsipp). Formålet med Breheimen nasjonalpark er å ta vare på eit stort, samanhengande og villmarksprega naturområde som inneheld særeigne, representative økosystem og landskap utan tyngre inngrep. Omsynet til villrein er ein viktig del av verneformålet i Breheimen nasjonalpark. Formålet med Høydalen landskapsvernområde er å ta vare på eit natur- og kulturlandskap med økologisk verdi, kulturell verdi og opplevingsverdi og som er identitetsskapande. Etter verneforskriftene for Breheimen nasjonalpark og Høydalen landskapsvernområde 3 pkt. 6.1, er motorferdsel på land, på vatn og i lufta under 300 m frå bakken forbode. Med heimel i verneforskriftene 3 pkt. 6.3 a) kan forvaltningsmyndigheita likevel gi løyve til «øvingskøyring for føremål nemnde i pkt. 6.2 a)». Dette gjeld m.a. rednings- og oppsynsverksemd. Miljøverndepartementet utarbeidde i samarbeid med Justisdepartementet i 2013 eigne retningsliner for handsaming av søknader om bruk av snøskuter i utmark og i verneområde, datert Her står det mellom anna: NASJONALPARKSTYRET FOR BREHEIMEN SIDE 4

5 - Øvingane skal vera ein del av eit øvingsprogram. - Det skal vera reelle øvingar. - Øvingane skal innskrenkast til så avgrensa område og så kort tidsrom som mogleg for å unngå skader og ulemper for friluftsliv, naturoppleving og naturmiljø. - Løyve vil gjelde for nødvendig køyring under organiserte redningsøvingar og omfattar ikkje grunnopplæring i bruk av snøscooter. - Alle øvingar som kan leggjast utanfor eit verneområde, skal skje utanfor verneområde. - Øvingsplanen skal godkjennast av lokal redningssentral. Lokal redningssentral skal også informere forvaltningsmyndigheita for verneområda og SNO. Vurdering Breheimen nasjonalparkstyre kan berre gi dispensasjon etter verneforskriftene for Breheimen nasjonalpark og Høydalen landskapsvernområde, og det er berre aktiviteten som er planlagt i desse områda som vert vurdert her. Friluftsliv for alle er ei viktig nasjonal satsing, og førebyggande redningsteneste er viktig for utøving av friluftsliv for ålmenta. Redningstenesta har bruk for å gjera seg kjende i område der det er sannsynleg at det kan verta gjennomført redningsoppdrag, både for å kunne gjennomføra oppdrag på ein effektiv måte, og for å sikra eigne hjelpemannskap. I retningslinene frå Miljøverndepartementet er det definert eit klart skilje mellom øvingsverksemd og kjentmannskøyring. Øvingsverksemd skal leggjast utanfor verneområda, men redningstenesta vil «..til en viss grad være avhengig av mulighet for øvingskjøring og i praksis særlig kjøring for å bli kjent («kjentmannskjøring»)». Innanfor verneområda i Breheimen er det er i utgangspunktet søkt om ein tur som går til Nørdstedalseter gjennom Høydalen landskapsvernområde og Breheimen nasjonalpark. Denne vurderinga gjeld difor traseen som er skildra under øving 3, dag 1: Start: Vegaskjelet/Leirlie. Trasè dag 1: Vegaskjelet, Vassenden, Hyødalen, Høyøien, Svartdalsvatnet, Breiddalen, Trulsbu. Vidare attende Breiddalen, Medalsbu, Namnlausvatn, Vetledalen, Nørdstedalseter. Middalen, Namnlausvatnet, Øvre Grønevatnet, Storvatnet, Sognefjellshytta, Krossbu (ca. 60 km). Alternativet er Middalen båe vegane til og frå Nørdstedalseter om skredfara er for stor etter Vetledalen. NASJONALPARKSTYRET FOR BREHEIMEN SIDE 5

6 Traseen for kjentmannskøyring innanfor Høydalen landskapsvernområde og Breheimen nasjonalpark, skildra i søknaden. Politiet har godkjent øvingsplanen, og det inneber at øvingsplanen gjeld naudsynt motorferdsel i verneområda. Denne godkjenninga utgjer grunnlaget for å vurdere tiltaket etter verneforskriftene for Breheimen nasjonalpark og Høydalen landskapsvernområde. Delar av området ligg utanfor nasjonalparken (mørkegrøn line i kartet ovanfor), men ein del av etappane fram til Nørdstedalseter og Trulsbu går gjennom krevjande området med store høgdeskilnader. Øvinga vil i områda Nørdstedalseter Trulsbu Medalsbu Sognefjellet gå føre seg i tilknyting til det kvista løypenettet til DNT. Dette er òg dei mest relevante områda og øve då det er her folk ferdast. Området Vassenden Høydalen Høyøyen Svartdalsvatnet er utanom stikka løyper. Dette er likevel eit vanskeleg, men mykje brukt område spesielt i påska. Vanlegvis vil det vera tamrein i området i februar/mars. Det er viktig å ta omsyn til dyra og ha dialog med reinsgjetarane om tamreinen er i området. Naturverdiane i områda er elles godt dokumentert, m.a. gjennom verneplan for Breheimen og etter 6 års forvaltningspraksis (naturmangfaldlova 8). Reinheimen Breheimen villreinnemnd har følgjande merknad til øvingsplanen om i kva område og i kva tidsrom villrein kan bli forstyrra av øvinga: «Villrein innan søraustområdet går normalt på vinterbeite nord og aust for dei områda som var aktuelle for øving. På vårparten trekker dei sørvestover og kan komme inn i øvingsområda. Vinteren 2014 var det minimumsteljing 27. mars. Da hadde allereie 166 dyr kryssa Lundadalen og vart observert ved Hesthøe. Øvingsplanen varer til og med veke 15 (altså sundag 16. april). På slutten av denne perioden kan ein treffe på villrein når ein NASJONALPARKSTYRET FOR BREHEIMEN SIDE 6

7 køyrer ein del av strekningane i øvingsplanen i øving 3 Trasè dag 1: Vegasjelet, Vassenden, Høydalen, Høyøien, Svartdalsvatnet, Breidalen, Trulsbu. Vidare attende Breidalen, Medalsbu, Navnlausvatn, Vesldalen, Nørstedalsseter. Midtdalen, Namnlausvatnet, Øvre Grønevatnet, Storvatnet, Sognefjellshytta, Krossbu. Innanfor dei tidsperiodane Lom og Bøverdalen Røde Kors Hjelpekorps ynskjer å øve bør dei prøve å få til øvingane så tidleg som mogleg, helst innan utgangen av marsl. Når det gjeld køyring med mange snøskuterar er det betre å køyre mange samstundes, enn at det kjem ein og ein skuter over ein lang periode.» Villreinen bør ikkje forstyrrast i kalvingstida, og øvingane i området Lom og Bøverdalen Røde Kors Hjelpekorps ønskjer å øve i, bør gjennomførast så tidleg som mogleg då det kan treffast på villrein langs desse strekningane i Breheimen. I 2019 kjem påska noko seinare, og ein ser at det kan vere behov for å gjennomføre øving første helga i april. Ein bør likevel prøve å få til øvingane så tidleg som mogleg, helst innan utgangen av mars i dette området (jf. uttalen frå Villreinnemnda om at 166 dyr allereie hadde kryssa Lundadalen den 27. mars i 2014), og det er særs viktig at ein i alle tilfelle tek særlege omsyn dersom det skulle vere villrein i delar av området. Vanlegvis kryssar bukkeflokkane Lundadalen i byrjinga av april. Våren 2016 var det registrert ca. 110 dyr i området kring Blåhø i Høydalen i slutten av mai. Det er såleis ikkje usannsynleg å treffe på villrein i dette området. Vinteren er generelt ei sårbar tid for reinen i høve mattilgang, og det er difor særleg viktig å ta omsyn slik at dyra ikkje vert uroa. Føre-var-prinsippet er tillagt vekt ved at det er sett vilkår om at det skal takast særleg omsyn til villrein dersom han er i området, og det er tilrådd at køyringa i vert avslutta innan veke 14, av omsyn til verneformålet (naturmangfaldlova 9). I tillegg vert det sett vilkår om at køyringa skal samordnast med nabokorpsa, både i Lom og i Skjåk. Sjølv om tiltaket isolert sett i liten grad vil påverke natur- og kulturlandskapet, må den einskilde søknaden vurderast etter prinsippet om samla belastning (naturmangfaldlova 10). Av omsyn til friluftslivet er det viktig å skjerme søndagar, heilagdagar og andre utfartsdagar (t.d. påska) for motorisert ferdsel, men sidan dette er frivillig arbeid, vert det opna for bruk av laurdagen til kjentmannskøyring dersom det er naudsynt. Det vert også sett vilkår om varsling og rapportering for å kunne bevisstgjere førarane og for å kunne vurdere det samla omfanget av motorferdsel i verneområda. Lom Røde Kors Hjelpekorps opplyser per telefon den at dei ikkje har andre køyreoppdrag i området utanom kjentmannskøyringa dette løyvet femner om, og det er såleis ikkje relevant å samordne køyringa med andre oppdrag i området. Lom Røde Kors Hjelpekorps søkjer om løyve til å nytte inntil 4 snøskuterar på den aktuelle ruta innanfor Breheimen, dag 1, rute 3. For å minimere motorferdsla i områda er det føremålstenleg å køyre fleire snøskuterar samla under ei fellesøving, framfor at ein køyrer t.d. ein og ein snøskuter over ein lang periode. Med vilkåra som er sett for løyvet kan ikkje nasjonalparkforvaltaren sjå at aktiviteten vil føre til særleg auka motorferdsel i verneområda. Dekking av kostnader ved miljøskade er lite relevant. Øvingskøyring på vinterføre vil ikkje føre til skade på natur i nemneverdig grad. Ein skal likevel redusere køyringa til det som er naudsynt med tanke på støy. Det er difor viktig å følgje den godkjende planen, og det er lagt vekt på å setje vilkår som regulerer tiltaket for å unngå skade. Naturmangfaldlova 11 og 12 vert difor ikkje vurdert nærare. NASJONALPARKSTYRET FOR BREHEIMEN SIDE 7

8 Ut i frå ei totalvurdering meiner nasjonalparkforvaltaren at tiltaket ikkje vil påverke verneverdiane nemneverdig då det vil skje innan utgangen av mars, evt. første veka i april i Tiltaket kan difor gjennomførast som godkjent av lensmannen i Vågå, Innlandet Politidistrikt, og Vest Politidistrikt på visse vilkår. Klage Vedtaket kan klagast inn for Miljøverndepartementet av partar i saka eller andre som har rettsleg klageinteresse med ein frist på 3 veker jf. forvaltningslova 28. Ei eventuell klage skal rettast til Miljøverndepartementet, men sendast til Breheimen nasjonalparkstyre. Med helsing Eldrid Nedrelo nasjonalparkforvaltar Brevet er godkjent elektronisk og har difor inga underskrift. Vedlegg: Kart som syner aktuell køyretrase, i tråd med skildra rute i søknaden Kopi til: Lom kommune Skjåk kommune Luster kommune Fylkesmannen i Sogn og Fjordane Fylkesmannen i Oppland Reinheimen-Breheimen villreinnemnd v/tor Taraldsrud Lom Fjellstyre Luster Austre Fjellstyre NASJONALPARKSTYRET FOR BREHEIMEN SIDE 8