Stor tunnelsatsing i vest

Transkript

1 :00 CEST Stor tunnelsatsing i vest Statens vegvesen Region vest får 850 millionar kroner meir til tunneloppgraderingar dei neste fire åra enn det som var tiltenkt i Nasjonal transportplan (NTP). I dag blir etaten sitt handlingsprogram for perioden sendt over til fylkeskommunane for høyring. I NTP for perioden er investeringsramma for vegføremål i region vest på til saman 59,5 milliardar kroner. Fram til 2018, det som utgjer perioden i handlingsprogrammet, skal det brukast om lag 25 milliardar. Handlingprogrammet er Statens vegvesen sin gjennomføringsplan for Nasjonal transportplan dei komande fire åra.

2 Veginvesteringar i denne storleiken utgjer ein vekst i aktiviteten dei komande fire åra på omlag 34 prosent, noko som vil bety eit stort løft for både vegstandaren og trafikktryggleiken i regionen, seier regionvegsjef Helge Eidsnes. Han peikar på at det vil ta tid og koste mykje pengar å fjerne forfallet og oppgradere heile riksvegnettet i regionen. Men Eidsnes seier at mykje av forfallsbehovet på Vestlandet er knytt til tunnelar, og han er difor svært glad for at riksvegane no blir prioriterte slik at dei innan 2019 kjem til å stette både EU sine tryggleiksføreskrifter og den norske tunnelføreskrifta. Samanlikna med det som opprinneleg låg inne i NTP blir vi tilgodesett med 850 millionar kroner ekstra i region vest fram til Totalt i den første perioden skal vi bruke 1,75 milliardar kroner, og innan 2024 blir det investert over 5,7 milliardar til tunnelfornying i dei tre fylka våre. Det dekker ikkje heile behovet, men det er likevel ei satsing som eg er godt nøgd med. No kan vi få rusta opp endå fleire tunnelar på E39, men også på E16. Vi vil bruke hausten til å finne ut korleis vi meir konkret vil disponere ekstraløyvingane, og behovet på strekninga Voss-Arna må også sjåast i samanheng med det pågåande KVU-arbeidet og moglege nye trasear, seier regionvegsjefen. Store vegprosjekt I region vest skal det investerast 18 milliardar kroner i større vegprosjekt dei komande fire åra. Nærare fire milliardar skal gå til opprusting og nye trasear på E39 frå Rogaland i sør til Sogn og Fjordane i nord. E39 er vår hovudfartsåre og denne strekninga knyter regionen vår saman på ein god måte, og det er difor svært viktig at utbyggingstempoet har den farten vi no er vitne til. Fleire store prosjekt som Ryfast og Vadheim-Førde er i gang, og neste år blir det også fullt trykk i Hordaland og opprusting av strekninga frå Svegatjørn til Rådal. Der blir det sett av 1,3 milliardar kroner i handlingsprogramperioden, seier Eidsnes. Ferjefritt vestland Ei ferjefri strekning frå Trondheim til Kristiansand innan 20 år er eitt av dei mest omtala samferdsleprosjekta i Norge. Regionvegsjef Helge Eidsnes seier det framleis er lenge til ferjene kan legge til kai for godt, men meiner aktiviteten som er på E39 syner at det allereie blir lagt ned stor innsats for å betre vegstandaren mellom fjordarmane på strekninga.

3 Dette er eit prioritert politisk ynskje, og dei neste fire åra vil det også bli betydelege løyvingar til vidare planlegging av viktige prosjekt mellom ferjestrekningane. Parallelt har prosjektet «Ferjefri E39» også fått pengar, om lag 100 millionar kroner, til forsking og teknologiutvikling. Målsetjinga er at vi då raskare kan vere klare til sjølve fjordkryssingsprosjekta når mykje av den øvrige opprustinga av E39 er ferdig. I vår region vil siste del av NTP-perioden i så måte bli særs spennande, då vi er i gang med Rogfast og kanskje også Hordfast og kryssing av Nordfjorden, seier Eidsnes. Rogaland: Store løft for E39 Fleire store prosjekt på E39 skal byggast i Rogaland dei komande åra. I løpet av dei neste fire åra startar vi opp fleire store prosjekt på E39. Dei største er E39 Sandved-Hove, E39 Eiganestunnelen og E39 Rogfast, fortel avdelingsdirektør Astrid Eide i Statens vegvesen. I tillegg blir eit stort sykkelvegprosjekt, E39 Sykkelstamveg mellom Stavanger og Sandnes, starta opp. Første etappe, frå Sørmarka til avkøyringa mot Solasplitten, startar i Ser vi fram mot siste periode i Nasjonal transportplan frå 2018 til 2023, kjem vi til å ha samanhengande fire felt på E39 frå Ålgård i Gjesdal kommune til Arsvågen i Bokn kommune, opplyser Astrid Eide. Haugalandspakken I Haugalandspakken er det stor satsing på E134. Dette gjeld både store vegprosjekt som E134 Skjoldavik Solheim og trafikktryggingstiltak som ombygging av kryss, strekningar som får midtdelarar og vegar som skal utbetrast. Trafikktryggleik og gang/sykkel Trafikktryggleik og gang- og sykkelvegutbygging er eit særs viktig satsingsområde i handlingsprogrammet. Fleire gang- og sykkelvegprosjekt skal gjennomførast i fylket vårt. Kryss skal byggjast om for å auka trafikktryggleiken, fortel Astrid Eide. Ho fortel vidare om fleire andre nye tiltak som skal setjast i gang.

4 Byhaugtunnelen skal få elektronisk køvarsling, det kjem betre lys i kryss og på vegstrekningar, vi får fritekst-tavler som varslar om hendingar på veg og trafikkstyring og tilfartskontroll på E39 mellom Sandnes og Stavanger. Bymiljøpakker Det er sett av meir enn 16 milliardar kroner til bymiljøpakker for heile landet. Kor stor del Stavangerregionen får av denne potten blir ikkje klart før i I bymiljøpakkane skal Statens vegvesen i samarbeid med kommunane og fylkeskommunane prioritere tiltak som skal redusere personbiltrafikken. Dette gjer ein ved å auke satsinga på kollektiv, sykkel og gange. Betydelege middel skal nyttast til utbygging av kollektivsystemet, auka gang- og sykkelvegutbygging i tillegg til utbetring av kollektivknutepunkta. I Rogaland er Transportkorridor vest, med utbygging av kollektiv- og tungbilfelt og gang- og sykkelveg omtalt som eit aktuelt prosjekt i bymiljøpakken, avsluttar Astrid Eide. Hordaland: Mange satsingsområde Vegprosjekt, rassikring, tunneloppgradering og betre bymiljø. Dette er stikkord for satsinga på europa- og riksvegnettet i Hordaland dei komande fire åra. I neste fireårsperiode er det lagt opp til investeringar på riksvegnettet på ca 8,6 mrd. kroner i Hordaland. Av dette er ein bompengeandel på ca 47%. Største prosjektet som startar i løpet av dei neste fire åra er E39 Svegatjørn-Rådal mellom Os og Bergen, fortel avdelingsdirektør Olav Finne som er leiar for Vegavdeling Hordaland i Statens vegvesen Region vest. Det er lagt opp til at også rv. 555 Sotrasambandet får oppstart i første fireårsperiode. Kva tid det fysiske arbeidet kan starte kjem an på godkjenning av søknad om bompengefinansiering. For å nemne eit par eksempel på ras-/skredsikring vil rv. 13 vil Deildo, Jøsendal-Odda-Tyssedal og Jobergtunnelen kome med i første periode. Elles er det forslag om at E16 Voss-Trengereid skal få løyving til rassikring i første perioden og meir i

5 I perioden startar arbeidet med oppgradering av fleire tunnelar, mellom anna på E39. Trafikktryggleik og gang/sykkel Trafikktryggleik og gang- og sykkelvegutbygging er eit særs viktig satsingsområde i handlingsprogrammet. -I neste periode er det også løyvd midlar til trafikktryggleiksinspeksjonar, noko som er eit svært viktig arbeid for å oppdage og evt. fjerne risiko på og langs vegane, seier Finne. Bymiljøpakker Det er sett av meir enn 16 milliardar kroner til bymiljøpakker for heile landet. Kor stor del bergensregionen får av denne potten blir ikkje klart før i I bymiljøpakkane skal Statens vegvesen i samarbeid med kommunane og fylkeskommunane prioritere tiltak som skal redusere personbiltrafikken. Dette gjer ein ved å auke satsinga på kollektiv, sykkel og gange. Betydelege midlar skal nyttast til utbygging av kollektivsystem, og til auka gang- og sykkelvegutbygging. Sogn og Fjordane: Gudvangatunnelen høgt prioritert - Vi er glade for satsinga på å ta att forfallet i tunnelane våre. På dette feltet har vi gjort mykje i vårt fylke dei siste åra, men det er gledeleg at vi no kan halde fram oppgraderinga av E16 Gudvangatunnelen, seier Nils Magne Slinde, avdelingsdirektør i Sogn og Fjordane. Sogn og Fjordane får sin del av fornyingsmidlane, i alt 377 millionar kroner i neste fireårsperiode. Av desse går 347 millionar kroner til Gudvangatunnelen. - Vi fekk gjort ein del utbetringar i Gudvangatunnelen etter brannen 5. august, men i det vidare arbeidet skal det blant anna installerast nytt ventilasjonsanlegg og lysanlegg. Det skal også sprengast ut for tekniske rom, og tunnelen skal reinskast og sikrast. Tunnelportalen ved Langhuso skal utvidast, og det skal gravast grøfter for kablar, leidningar og drensanlegg, forklarer Slinde. Han legg til at trafikkavviklinga i anleggsperioden er ei utfordring, og at det er med å auke kostnaden for tiltaket. I Flenjatunnelen på E16 står det att noko restarbeid som også er med i

6 handlingsprogrammet. For å få denne tunnelen tryggleiksgodkjent etter nye EU-krav må det blant anna byggast føringskant på venstre side i retning Bergen, i tillegg til nokre andre tiltak. E39 og E16 i rute Satsinga på E39 mellom Hordaland grense og Skei held fram. I handlingsprogrammet ligg det inne finansiering av dei prosjekta som er starta opp, i tillegg blir det oppstart på E39 mellom Bjørset og Skei i Også på E16 Filefjell er tempoet høgt. Det kjem 325 millionar kroner til E16 Smedalsosen-Borlaug, eit prosjekt som skal stå ferdig neste år. Det er også sett av midlar til prosjektet E16 Varpe-Smedalsosen som startar opp i Rassikringsprosjektet på rv.13 mellom Vik og Vangsnes vert prioritert med 330 millionar kroner dei første fire åra, og fullfinansiert i løpet av siste seksårsperiode. Her skal ei strekning på 3,5 kilometer sikrast mot skred ved å bygge tunnel. Nye gang- og sykkelvegar Handlingsprogrammet inneheld også tiltak for å betre tilhøva for mjuke trafikantar og syklistar i Sogn og Fjordane. - På E39 mellom Nor bru og Hjelle, utanfor Nordfjordeid i retning Hornindal, går riksvegen gjennom byggefeltet Mogrenda. På denne strekninga skal riksvegen utbetrast, og det skal byggast gang- og sykkelveg. Også på pendlarvegen mellom Sogndal og Leikanger skal bli tryggare for syklistar. I tillegg til at riksveg 55 mellom Bondeviki og Fardal skal utbetrast, blir det også planlagt ny gang- og sykkelveg mellom Fardal og Ylvisåker, seier Slinde. Tettstadtiltak I sentrum av dei store tettstadane i fylket skal det gjennomførast tiltak som skal betre trafikktryggleiken. - Handlingsprogrammet legg blant anna opp til å utbetre Bergumkrysset i Førde, der det skal byggast ny rundkøyring. Det er også sett av 30 millionar kroner til Askvollkrysset på E39 i Førde, for å gjere det tryggare for trafikantane. I Sogndal er det gledeleg at vi no kan starte planlegging av ei

7 opprusting i Gravensteinsgata. Her er det aktuelt å byggje sykkelfelt på begge sider av riksveg 5, seier Slinde. Kontaktpersonar i Statens vegvesen: Regionvegsjef Helge Eidsnes, tlf Avdelingsdirektør Veg Rogaland, Astrid Eide, tlf Avdelingsdirektør Veg Hordaland, Olav Finne, tlf Avdelingsdirektør Veg Sogn og Fjordane, Nils Magne Slinde, tlf Statens vegvesen er viktig for landets velferd og utvikling. Gjennom et nett av veger for alle typer trafikanter binder etaten Norge sammen. God infrastruktur er nøkkelen til et aktivt liv for alle, til god byutvikling, spredt bosetting, næringsutvikling og velferd. Det vidstrakte vegnettet er med på å sikre denne tilgjengeligheten som er så viktig for livskvalitet, vekst og utviklingsmuligheter. Kontaktpersoner Sissel Faller Pressekontakt Kommunikasjonsdirektør sissel.faller@vegvesen.no Kjell Bjørn Vinje Pressekontakt Pressesjef kjell.vinje@vegvesen.no