Kjerneprogram i Symra Hausten 2014

Transkript

1 Kjerneprogram i Symra Hausten 2014 Songdansar Mari du bedåre (Prøysen, Sølja-heftet, kjent tekst/melodi) Griskokktrøsta (Prøysen, repetisjon frå V2014) Husmannspolka (Prøysen, Songdansboka) Stigelin (Framsyningsdans) Såg du n Lars Lenkelifot (Trønderviser, hatt før, lett vise) Sirivisa (vintervise, lett, Songdansbok) Unge møy ved snellen sat (rep H2013, Songdansheftet vårt) Terje Vigen (Jubileum, repetisjon frå V2014) Gifta deg jente (Hordalandsheftet, humor, lett vise) Bendik og Årolilja (Lenge sidan sist, Songdansboka) Musikkdansar Kvadrilje (ein av dei tre store) Bohemian national polka (repetisjon frå V2014) Pavilion waltz (repetisjon frå V2014) Kadrilj från Landskrona (svensk, repetisjon frå V2014) Vestlandsspringar (bygdedans, halde ved lag) Kørsdans frå Grue (Framsyningsdans) Seierstadhopsa (norsk rekkjedans) Tretur frå Hordaland (framsyningsdans, lenge sidan) Schubertvals (stildans for alle) Den toppede høne fra Vendsyssel (introdusert av Marianne V2014) Tillegg: Svensk Folkeleg Menuett (Marianne lært i Stockholm 2014) Mari du bedåre (Tekst: Alf Prøysen, Musikk: Bjarne Amdahl) 1)Mari du bedåre! Har du fått deg nye skor? Nei da, dom vart kjøpt i fjor på butikken hass Kåre. Mari, du bedåre! Skøjrtet ditt er sikkert nytt! Nei da det er oppatt-sytt, je slit det fjorde året". Men åssen har du vørti sudelittentei, og åssen har du vørti sudelattentei, og åssen kæin du stå og og skinne på langande lei...? 2) Blusa! Det er tingen! Den er ny, det ser je nå Nei, det er den gamle blå, som stramme over bringen. Mari, du bedåre! Ittno nytt og fint og flott? Jo ein kjærast har je fått, og han er ny ta året! Og derfor har je vørti sudelittentei, og derfor har je vørti sudelattentei, og derfor kæin je stå og skinne på langande lei...! Dansemåte (Ingrid M. Tuko 2008) I ring med færøytaket. På dei to første linene (8 takter) dansar vi 4 steg frå Åttetur rett inn i ringen (starte på venstre fot), og så 4 nye

2 steg baklengs tilbake igjen. På dei to neste linene (8 takter) dansar vi 2 attersteg og 4 taktar av neste. På dei to neste linene (8 takter) dansar vi sameleis som på dei to første, men startar på høgre fot. På dei to neste (8 takter) dansar vi attersteg, først ein dobbeltsvikt mot høgre og så to attersteg. Resten av visa (8 takter) dansar vi vals (samdanstak 1): Først dansar vi to valsesteg sidelengs (sidesteg) inn mot sentrum av ringen, så 2 valsesteg sidelengs ut att, og til slutt 4 valsesteg med sola 1 gong rundt på staden. Griskokk-trøsta Visa er dikta av Alf Prøysen ( ) og trykt i "Drengstuviser" i Tonen er ein gamal melodi som Prøysen kjente. Dansemåten er laga av Klara Semb, og stod først i NF I i Dansen står i boka Klara Semb: "Norske Folkedansar. Songdansar." (1985). Høyr på songen her (mp3). Dansemåte: Attersteg, gåsteg og bytomfotsteg frå reinlender. Vi dansar 5 attersteg og 2 sviktar av neste. På "(for) arbe' skjemmer ingen, gå trøstig inn i bingen" tar jentene saman til ring utanfor gutane og dansar 4 gåsteg med sola, snur mot høgre og dansar 4 gåsteg attende. Samtidig dansar gutane rett inn i ringen på eit bytomfotsteg, snur ein halv gong rundt (mot sola)på siste trinnet og slår seg på låret (høgre hand på høgre låret), og dansar inn att på eit bytomfotsteg, og slår seg på venstre låret (med venstre hand) på siste trinnet. På "(og) slå ti mat åt grisom" tar vi parvis armkrok og går rundt kvarandre medsols ein heil gong. Heilt til slutt løyser dei opp armkroktaket og jenta går rundt seg sjølv på 4 gåsteg medan guten trør dei på staden, med apell på dei 3 første. 1) Ja, dette er ei vise til trøst for en og hver, som fekk en jobb i livet der det inga framtid er. Og slit du vondt som griskokk og nesten synk i kne, så er det slettes ingen som ser ned på deg for det. for arbe' skjemmer ingen, gå trøstig inn i bingen og slå i mat åt grisom og gå ut att og le. 3) Ja, arbe' ditt det trengs det, det kan du lite på, for sjølve mæinn på gar'n, han som er så høgt på strå, er mindre uunnværlig en fjorten da'ers tid, enn du når du ska be om å få eftasøkta fri. Og det er store tingen, gå trøstig inn i bingen og slå i mat åt grisom og sving med bytta di. 2) Det er di eiga dumhet som gjør at du kain tru, at ingen har så simpel en arbe'splass som du. Nei, æillslags ærlig arbe' er like fint og bra, så offer skal du slutte med griskokkjobben da? Og arb' skjemmer ingen, gå trøstig inn i bingen, og trill tel rette båra og stell deg tel å spa. 4) Og berre tenk på synda'n, det er himmelspott og spe, om garden itte kviler og arb' legges ned. Men du kæin trøstig knoge, for i det høge blå der har du egen konto der slikt blir trrekt ifrå. Og det er store tingen, og bøy deg over bingen og finn den breie ryggen og stell deg tel å klå. 5) Og så skal visa slutte og æilt er væl og bra, og æille folk er like og griskokken er gla, for vi skal villig glømme du er en grishusknøl men det på en betingels': du ska kommå hau det sjøl! Så kæin du lære visa og synge den for grisa og spør dom kæin du svara: Je fæinn a på ei fjøl! Husmannspolka (Alf Prøysen fra Drengstuviser 1948, gammel melodi) 1) Kom hit nå, kjærring, så tek vi en dæins. Trallalla! Trallallallla! Æinners da, æ du frå samling og sæins! Je har itte stunder, å æ det for stell, og folk som går utafor på vegen i kvell, dom lure vel på å æ detta for spell! Dæinse dæinse dokka mi, vi ska hoppe dæinsen vi! Nå ska dokka vara blid! (for) Nå ska dokka dæinse! 2) Æinners, nå sleppe du, høre du det! Trallalla! Trallallallla! Je æ slitin og kjei, je vil vara i fre! Å! Rett inn i bordkæinten hofta mi nå, i mårå så æ je både gul og blå! Kæin du da slett itte høre og sjå! Likevæl ska dæinsen gå, slå du hofta gul og blå, kom, så ska vi blåse på, så kain dokka dæinse!

3 3) Nei, at jeg har fått slik en tulling tel mæinn! Trallalla! Trallallallla! Kattskåla, Æinners, du tråkå sund den! Og katta blir redd, Æinners, hoss ska det gå, hu flyg opp i glaskarmen, der kæin du sjå! Nå reiv a ned rosa med blomknupper på! Dæinse, dæinse, sukkertopp, sett je deg i karmen opp, æ du sjøl en rosenknopp, men fyst ska dokka dæinse! 4) En sku itte tru du vart bessfar i vår! Trallalla! Trallallallla! Taklampa, Æinners, hu dingler og slår! Så der gikk nå krakken, å store mi tid, rett opp i gryta med grismaten i, og nå koke kjelen! Å stæinn ska det bli. Jo, det ska bli ei polkatid, og vi ska dæinse polka, vi! Men nå ska dokka sleppe fri. Tusen takk for dæinsen. Dansemåte (Klara Semb, Songdansboka) Først dansar vi 5 attersteg og 2 sviktar av neste. Jenta trør dei to siste sviktane på venstre for å få rett fot til brigdet. Så dansar vi 6 taktar galopp langs ringen rundt med sola (samdanstak 2). Guten startar på venstre og jenta på høgre, og guten svingar jenta inn mot seg på første steget. På dei to siste taktene snurrar guten jenta rundt medsols 2 gonger, han trør stega på staden (startar med apell, 2 gåsteg pluss sluttsteg. Guten slenger ledig fot opp bak, og slår seg på hælen på sluttsteget. Stigelin Teksten og tonen er etter Maret Mogstad, nedskriven i 1961 av Olav Mogstad. Visa står i "Norske folkedansar. Songdansar." av Klara Semb. Dansemåte: Vi dansar først 2 attersteg og 4 sviktar av neste (trø dei to siste sviktane V-H for å kome på rett fot til brigdet). Så dansar gut og jente runddans frå Nordmørspols (samdanstak 4) to gonger rundt kvarandre (jentene 12 springsteg, gutane venstre, høgre bak, spring, spring). Så dansar ein til slutt 1 attersteg og 2 sviktar av neste. Held så fram med neste vers utan stogg i atterstega. 1) Å Stigelin tente på kongens gård, og jomfrua krusa og kjemma hass hår. Fadde rallalla la, fadde rallalla la, og jomfrua krusa og kjemma hass hår. 3) Å da vi nå kom te Stigelin inn, fergylt va nå veggjin, ja rointen omkreng. 5) Å bordet det va nå tå ækjerot, og bordstoln hain va nå tå kvervilved gjord. 7) Å Stigelin inn på bordet sprang, og båe sølvkainnåinn hain hilt i si hainn. 2) Å da vi nå kom te Stigelins port, der spella ei hind og der dainsa æn hjort. 4) Å golvet det va nå tå marmorstæn, og loftet det va nå tå kvitekvalsbæn. 6) Å dukjen hain va nå tå selkjeoill, og tallikain va nå tå pure goill. 8) Å Stigelin klappa på dynå blå: Litl dråkja, litl dråkja ska sitta der på. Lars Lenkelifot (Frå Trønderviser av Geir Egil Larsen, 1984) 1) Såg du n Lars Lenkelifot, såg du n Lars Leira? Såg du n Lars Lenkelifot, såg du n Lars Leira? Æ såg n i går, han kjæm vel i dag, træffes oppå veia. Oppme Leirbrua, slakta gråkua. Kjære du Per, hjølp mæ du, sner, hjølp mæ heim me verom. 2) Såg du n Lars Lenkelifot, såg du n Lars Leira? Såg du n Lars Lenkelifot, såg du n Lars Leira? Æ såg n i går, han kjæm vel i dag, træffes oppå veia.

4 Oppme Grindstølpen, sto han som kvølpen. Kjære du Per, hjølp mæ du, sner, hjølp mæ heim me verom. Dansemåte (Geir Egil Larsen) Vi dansar 8 kvilesteg. På siste lina dansar guten 1 gong rundt jenta pols med sola, medan jenta dansar om lag beint fram. Begge bruker totrinns polssteg. Siri-visa Tonen og teksten er etter læraren Holger Barkved ( ). Dansemåten er laga av "Veiskrekk". Visa står i "Norske Folkedansar. Songdansar." av Klara Semb. Høyr på songen her (mp3). Dansemåte: Alle dansar eit kvelesteg, snur så inn mot ringen og stoppar på venstre, høgre, utan å endre handtaket. Så dansar vi det same ein gong til. Så ("Men) då eg kom..) dansar alle eit kvilesteg. Så slepper alle taket med framand, og jenta svingar ein gong under armen til guten på eit bytomfotsteg (guten trør stega på staden). Utan å sleppe handa til guten støyper jentene ljos, medan guten bøyer seg litt framover. Så slepper dei taket, gutane tar saman hand i hand og løfter armane medan jeentene reiser seg opp att. 1) Eg fekk i hug å gå te Siri, Siri og fretta om ho ville bli mi, bli mi. Men då eg kom på himlaleite, leite, leite eg sto forsjodla der og sveitta, sveitta. 2) Eg sette meg på bjørkestubben, stubben, og såg så longleg bort i Sørliklubben. Då kom ho Siri meg i syne, syne, syne ho steig så snøgt og lett som lyne, lyne. 3) Så klår i augo som ei svala, svala. Så ven som solå når ho dala, dala. Så kvit og fin som snø på skogen, skogen, skogen, når greinå henger tung og bogen, bogen. Unge møy ved snellen sat Visa er visstnok ei svensk skillingsvise. Teksten og tonen er slik Vebjørn Bakken hugsa han etter ste-oldemor si Else Hagen, slik ho song visa på slutten av 1940-talet. Else Hagen var dotter til spelemannen Knut D. Stafset som skreiv opp mange slåttar og religøse folketonar frå heimbygdene sine i Skodje og Vatne tidleg på 1900-talet. Melodien er svært lik den som blir nytta til den svenske stildansen Minjong, som vi også har dansa mykje i Symra. Unge møy ved snellen sat Unge møy ved snellen sat sorgfull både dag og nat. Og vinden suste, bekken sprang, og gjøken gol og trosten sang. Spinn, spinn, spinn dotter n min, i morgen så kommer frier n din. Og dotter n spann så tårene rann, men aldri så kom den frier n fram. Dansemåte (Vebjørn Bakken, april 2002): På dei fire første linene dansar vi to heile attersteg og 4 sviktar av neste (ikkje opptakt). På dei to siste sviktane trør vi V-H, slik at vi er klar med venstre fot til brigdet. Alle slepper taket. Brigdet er basert på bytomfotsteg og gåsteg frå gangar. Guten startar med eit bytomfotsteg der han startar med venstre fot i kryss over høgre, og så 2 gåsteg på staden (H-V). På gåstega snur han seg litt slik at han framleis får fronten inn i ringen. Jenta dansar dei same stega som guten, men ho trør først inn i ringen og snur så mot venstre, slik at ho får front mot guten. Så byter gut og jente plass på eit bytomfotsteg (venstrekøyring) og to gåsteg. Vi snur medsols slik at vi igjen har fronten mot kvarandre. Så dansar vi eit lite bytomforsteg mot kvarandre og eit lite bytomfotsteg frå kvarandre (rygger). Så tar vi saman høgre i høgre (tommeltak) og dansar rundt kvarandre medsols på staden på 4 gåsteg, slik at vi kjem inn på ringen att, klar til å starte dansen på nytt. Terje Vigen (Stordans, melodi Vebjørn Bakken) 1. Der bodde en underlig gråsprengt en på den ytterste, nøgne ø; - Han gjorde visst intet menneske mén hverken på land eller sjø,

5 dog stundom gnistret hans øyne stygt,- helst mot urolig vær,- og da mente folk at han var forrykt, og da var det få som uten frykt kom Terje Vigen nær. 2. Siden jeg så ham en enkelt gang, han lå ved bryggen med fisk; hans hår var hvitt, men han lo og sang og var som en ungdom frisk. Til pikene hadde han skjemtsomme ord, han spøkte med byens børn, han svinget sydvesten og sprang om bord; så heiste han fokken, og hjem han fór i solskinn, den gamle ørn. 3. Nu skal jeg fortelle hva jeg har hørt om Terje fra først til sist, og skulle det stundom falle litt tørt, så er det dog sant og visst; jeg har det just ei fra hans egen munn, men vel fra hans nærmeste kreds, - fra dem som stod hos han i siste stund og lukket hans øyne i fredens blund, da han døde høyt opp i de treds. 4. Han var i sin ungdom en vill krabat, kom tidlig fra far og mor, og hadde alt døyet mangen dravat som yngste jungmann om bord. Siden han rømte i Amsterdam, men lengtes nok hjem til slutt, og kom med Foreningen, kaptein Pram; men hjemme var ingen som kjente ham, der reiste som liten gutt. 5. Nu var han vokset seg smukk og stor, og var dertil en velkledd knekt. Men døde var både far og mor, og saktens hans hele slekt. Han sturet en dag, ja kan hende to, - men så ristet han sorgen av. Han fant ei, med landjorden under seg, ro; nei, da var det bedre å bygge og bo på det store, bølgende hav! 6. Et år deretter var Terje gift, - det kom nok på i en hast. Folk mente han angret på den bedrift, som bandt på et sett ham fast. Så levet han under sitt eget tag en vinter i sus og dus skjønt rutene skinnet som klareste dag, med små gardiner og blomster bag, i det lille rødmalte hus. 43. Ved Fjære kirke jeg så en grav, den lå på en værhård plett; den var ikke skjøttet, var sunken og lav, men bar dog sitt store brett. Der sto Thærie Wiighen med hvitmalt skrift, samt året, han hvile fant. Han lagdes for solbrann og vindes vift, og derfor ble gresset så stridt og stivt, men med ville blomster iblant.

6 Jifta deg jenta Dette er ei vise som har vore vanleg fleire stader på Vestlandet. Varianten her er frå heftet "Her e me grannar" som BUL i Bergen ga ut i Slik teksten er utforma her er han laga av tre jenter som kalla seg "Hordabanden" i Studentmållaget i Bergen. Dansemåten er laga av Steinar Øydvin. Dansemåte : Vi dansar eit attersteg og to sviktar av neste.så dansar alle to slengsteg (startar med venstre fot), og så byter jente og gut plass på 4 gåsteg. Jenta dansar framom guten mot venstre medan ho svingar rundt ein gong mot sola. Guten trør stega på staden.så dansar vi igjen eit attersteg og to sviktar av neste. Så dansar alle to slengsteg (byrjar med venstre) og så slepper alle taket og alle dansar ein gong rundt på staden mot sola på 4 gåsteg. Neste vers byrjar utan stopp. 1) Nei, gifta deg jenta, da raor eg deg ifrao, - byssan, lullan, lullan, lullan, lullan, lei. - Kjeme da eit mannabein du bite inkje pao! - Byssan lullan - lullan - lei. - 3) Somme ve berre onde fedlen deg fao, andre e' nett so ein jokle taka pao. 5) Somme ha vansjele fø å fao da te å gao, andre treng du berre kitla litavetta pao. 2) Somme e' lure å slue å rao, andre ubjaodele vansjele føstao. 4) Somme e' nett so ein hesjastaur å sjao, andre e' ronde kan ofta tridla tao. 6) So jifta deg jenta, da raor eg deg ifrao, da vette inkje anna enn naue å fao! Bendik og Årolilja Folkevise. Tonen er komponert av folkehøgskolemannen Ingvar Bøhn ( ). Teksten er etter oppskrift ved Landstad Hulda Garborg tok visa med i viseheftet sitt første gong i Dansemåten laga Klara Semb ca Vi tar med dei mest brukte versa. Alle 30 versa står i "Norske Folkedansar. Songdansar". Dansemåte: Først 5 kvilesteg. Brigdet er på omkvedet. På slutten av siste kvilesteget trør gutane inn i ringen og tar saman. På "Årolilja" lyfter gutane armane til port og trør bakover i det dei tar sats på høgre foten. Samstundes bøyer jentene seg djupt framover og trør på venstre inn i ringen under portane. På "(kvi) søv'e du" løftar jentene armane til port og trør attover, medan gutane trør inn i ringen under porten. På "(så) lengje" løftar gutane så armane til port og trør attover medan jentene trør inn i ringen under portane. På siste verset er brigdet annleis: Gutane set handflate mot handflate og løfter armane medan dei står i ro, medan jentene legg hendene i kross over brystet og bøyer hovudet. 1) Bendik rid åt Sølondo, ville han skoa møy; han var ikkje lagje til att'e koma, difyr så laut han døy. Årolilja, kvi søv'e du så lengje? 3) Han var inkje i konungs-garde, meir hell månar tvo; han la seg i med kongjens dotter i så stor elskog. 8) Om dagjen rid Bendik i skogen ut og veider den ville rå, om notti søve han hjå jomfruva det gjeld'e hass livet på. 10) Eg tikje så, når eg sit hjå deg, som eg sat uti solskin bjarte; når eg og du me skyljast åt, då rivnar bå' hug og hjarta. 25) Sunnan fyre kyrkja der let han Bendik liv, midt opp i høge loftet der sprakk hass vene viv (brast hjarta på vene viv). 2) Bendik rid åt Sølondo, ville han skoda viv; han var inkje lagje til att'e koma, difyr så let han liv. 5) Kongjen byggjer gullbrautene, både bratte og håge; Den som tore gull brautene trøa han skal livet låte. 9) Eg tikje så vent om ditt gule hår som epli dei dryp på kviste - sæl er den som deg må få, gud bære den som sko misse! 13) Det var kongjen av Sølondo, han slær sin neve i bord: "Bendik sko inkje livet njote, om eg vann all verdsens jord!" 28) Så la dei han Bendik norda kyrkja og Årolilja sunna, det voks opp av deiris grefti tvo fagre lilje runnar.

7 30) Det voks opp av deiris grefti dei fagre tvo lilje blomar; dei krøktes i hop ivi kyrkjesvoli, der stend dei kongjen til domar. Kvadrilje (Le Prince Imperial) Dansen står i Norske Folkedansar - turdansar (1991). Oppstilling 4 par i fikant. Par 1 er nærast musikken, par 2 rett overfor par 1, par 3 til høgre for par 1 og par 4 til venstre for par 1. Par 1 og 2 blir kalla A-par, 3 og 4 B-par. Venstre hand i venstre. I det meste av dansen bytomfotsteg og sluttsteg, men også figurersteg og jamvektssteg. Sluttsteg = "gå og inntil". Tur 1 og 4 blir dansa to gonger, tur 2, 3 og 5 blir dansa 4 gonger med nye oppførande par. 1. Mot høgre og ring. Førespel med helsing (4 takter i ro, 2 takter komplimang og 2 takter i ro). A-para går mot paret til høgre. Komplimang. Dei tar saman til små ringar mot sola.gut 1 (og gut 2) tar med seg jentene ut til rad på par 2 (par 1) sin plass, og guten står att. Radene mot kvarandre og frå kvarandre. Så har dei to oppførande para halvkjede tilbake på plass (par 1 i midten), medan den tredje jenta går til sin partnar. Alt dette skjer så ein gong til med B-para. 2. Port og figurere. Førespel med helsing. Gut 1 og jente 2 mot kvarandre, vender 90 grader og lagar port. Ledig jente (jente 1) går under porten til ledig gut (gut 2), og port-paret snur seg mot dei. Mot kvarandre og frå kvarndre til vanleg plass. Så "sender" gutane dei framande jentene over til eigen. På slutten av dette elementet tar alle gutane ryggen inn i ringen og høgre hand i høgre. Alle fugurerer no mot det hjørnet dei har til høgre, ved å ta "venstre i kryss" og utan å halde saman (bytomfot, gå-snu, gå-bak). Så parvis mot kvarandre, venstre i venstre, og jenta med ryggen inn i ringen. Så figurere ut til det same hjørnet att, og tilbake på vanleg plass. 3. Jamvekttur. Førespel med helsing. Medan ho held saman med guten snur jente 1 ryggen inn i ringen og helser på eigen gut. Så gjer dei andre det etter tur (nest paret rett overfor, så paret til høgre og til sist paret til venstre for startparet). Nå tar jentene saman til vendt ring og går 4 bytomfotsteg (starte på venstre) med sola og så 4 steg tilbake. Dei tar så saman høgre i høgre med eigen og tar 4 jamvektssteg - mot høgre først. Til slutt går dei parvis rundt med bytomfot og inn på plass. Alt dette skjer så 3 gonger til med nye start-par. 4. 3'ar-rekkjer. Førespel med helsing. A-para mot kvarandre og tilbake att. A-para mot kvarandre, og så skal det dannast to 3'ar-rekkjer: Gut 1 og jente 2 rygger tilbake på sin vanlege plass, medan jente 1 går mot høgre til gut 3 og gut 2 går mot høgre til jente 4. 3-radene dansar no med bytomfotsteg mot kvarande og tilbake att to gonger. Så går dei to som står åleine (gut 1og jente 2) mot kvarandre og tilbake att. Så mot kvarandre, 1/2 gong rundt med høgre i høgre og komplimang. Så dansar dei to rett over til "si" 3'ar-rad og dei to para tar saman med lett tak til små ringar og rundt mot sola 1/2 gong. Så halvkjede tilbake til eigen plass med gutane i midten. Alt dette skjer så ein gong til der B-para startar. 5. Kvervel og figurering. Førespel med helsing. Så snur alle mot næraste framand, og nytt førespel med helsing. No vert det kvervel (rundt på staden med bytomfotsteg, guten i ro på sin plass heile tida, nye jenter kjem til han og dei gjer kvervel), til alle har fått igjen sin eigen partner. Nå går gut 1 og jente 2 mot kvarandre og tilbake. Så dansar dei igjen mot kvarandre, tar høgre i høgre og tilbake til eigen og tar høgre i høgre med eigen. A-para figurerer no medan dei held saman to figurersteg (små steg)først 1 bytomfotsteg mot høgre (VHV) og snur mot venstre og 2 små gåsteg bakover. Så dansar dei eit bytomfotsteg (HVH) (til høgre for kvarandre), snur 1/2 gong mot venstre og 2 gåsteg bakover Så bytomfotsteg medsols rundt med eigen og inn på plass. Så startar vi rett på neste omgang med kvervel. Alt dette vert dansa 3 gonger til med nye oppførande (neste: 1 jente og 2 gut). S. Avslutning par mot kvarandre og helsar og tilbake, så 3. og 4. par Pavilion waltz Engelsk Countrydans på rekkje. Vals. Lave handtak. Gutane på ei side (høgre side sett frå musikken), jentene på andre sida. Inndeling: 1,2,3; 1,2,3 Tur 1. Rundt med hjørne. Gut1 og jente2 tar saman høgre i høgre og dansar rundt og inn på plass på 4 valsesteg. Så gjer jente1 og gut2 det same, men med venstre i venstre.

8 Tur 2. Tre par etter kvarandre. Alle tar saman parvis med krysstak, og par1, med dei to andre para på slep, snur mot musikken, bryt av mot venstre, litt frå musikken, bryt av på nytt mot venstre og kjem oppatt om lag der dei starta på denne turen. Par3 rykker til slutt ut på rekkjene medan par1 og par2 blir ståande litt innafor. Tur 3. Byte plass og vals. Par1 og par2 vender seg parvis mot kvarandre, tar begge i begge og byter plass på 4 valsesteg ved siksakk. Par1 byrjar med å rygge på skrå bakover mot høgre (sett frå guten), og par2 på skrå framover mot venstre (sett frå guten), og så dansar dei motsett på skrå inn på plass slik at dei byter plass. Så dansar dei rundt kvarandre motsols på 4 valsesteg og stiller på rekkjene (her er det litt dårleg tid). Tur 4. Begge rundt med hjørne. No tar gut1 og jente3 saman høgre i høgre og dansar rundt med kvarandre og inn på plass på 4 valsesteg, og samtidig tar jente1 og gut2 saman høgre i høgre og dansar rundt på same vis. Til slutt tar gut1 og jente2 saman (venstre i venstre) og dansar rundt, samtidig med at jente1 og gut3 dansar saman rundt (venstre i venstre). Bohemian national polka (video og engelsk oppskrift: ) Pardans på stor ring. Polka. Musikken er "Feuerfest Polka" av Josef Strauss. Dansen er koreografert av Richard Powers basert på granskingar av den tjekkiske dansehistorikaren Frantisek Bonus. Det lette taket og samdanstak 1. Lette polkasteg (vi kan løfte foten litt bak den andre på slutten av kvart polkasteg). Vi helsar på kvarandre parvis på den innleiande musikken (4 takter). Tur 1. Promenade. Det lette taket. Vi dansar 2 polkasteg framover i danseretninga (byrjar på ytre fot), går så to steg vidare framover, og til slutt tar vi eit steg fram med litt vridning på ydste fot (utan å ta vekt), og så tilsvarande tilbake på inste fot (desse to siste stega blir kalla rocking steps på engelsk). Så dansar vi denne sekvensen 3 gonger til, men siste gongen dansar jenta seg inn framfor guten (front mot guten) i staden for rocking steps. Tur 2. Bytomfot inn og ut. Vi tar halvt valsetak (guten tar ikkje saman med jenta med si venstre hand) og dansar eit bytomfotsteg sidelengs inn mot sentrum av ringen og eit tilbake slik at vi på slutten snur litt medsols så guten får fronten ut av ringen. Så dansar vi medsols 3/4 rundt ein gong på 2 polkasteg, utan å endre samdanstak. Dette dansar vi ein gong til (4 takter). Så tar vi samdanstak 1, dansar som før eit bytomfotsteg inn og ut og deretter 2 gonger rundt på 4 snusteg (snusteg = pivot på engelsk). Dette siste dansar vi ein gong til (4 takter). Så dansar vi to Dudacka -steg: eit sidesteg innover med påføljande tramp på ledig fot, og så tilsvarande utover. Så dansar vi ein gong rundt på 2 polkasteg. Til slutt kastar vi av ved at vi går 4 gåsteg i ein liten sirkel, guten mot venstre og jenta mot høgre. Tur 3. Rundsnu og polka. Med samdanstak 1 dansar vi 2 gonger rundt på 4 snusteg (pivot) og deretter ein gong rundt på 2 polkasteg. Dette dansar vi ein gong til, og ender opp slik at jenta har ryggen i danseretninga (guten ryggen mot danseretninga). Tur 4. REDOWACKA. Vi dansar no to polkasteg (med lett vridning) langs ringen (jenta rygger), så 2 gåsteg og så to vridningar (rocking steps) på staden. Så dansar vi det same tilbake igjen (guten rygger). (Guten startar på venstre, jenta på høgre fot.) Så tar vi saman med samdanstak 1 og dansar 2 polkasteg langs ringen (jenta rygger) med litt vridning, og deretter to gonger rundt på 4 snusteg (pivot). Det siste dansar vi ein gong til, men i staden for siste rundsnuen går jenta rundt under venstre arma til guten ein gong på 3 raske gåsteg. Tur 5. Bytomfotseg inn og jenta rundt. Utan å halde saman dansar vi eit bytomfotsteg sidelengs rett inn mot sentrum og eit sidesteg tilbake. Så dansar jenta rundt seg sjølv mot venstre på 2 dobbeltsviktsteg samtidig som ho avanserer noko langs danseretninga, medan guten går 4 små steg framover og klappar sterkt for kvart steg. Dette dansar vi ein gong til. Så fell guten på kne og klappar 15 gonger medan jenta dansar rundt han i ein motsols sirkel samtidig som ho dansar rundt seg sjølv på 15 dobbeltsviktsteg. Til slutt reiser guten seg medan jenta plasserer seg på utsida av guten med høgre foten klar til neste tur. Tur 6. Overgang. Med samdanstak 1 dansar vi 2 polkasteg ein gong rundt, og avsluttar med 4 gåsteg i liten sirkel kvar for oss (guten motsols og jenta medsols) ( kastar av ), slik at vi er klar til å byrje på tur 1 på nytt. Tur 7. = Tur 1 (utan innleiinga). Vi avsluttar med at vi held saman med hans venstre i hennar høgre, tar eit steg bakover og helsar djupt. Kadrilj från Landskrona (svært mykje brukt svensk kvadrilje) (Finst på Internett) Oppstilling: Vi står parvis i firkant, til dømes 8 par, 6 par, 10 par eller 4 par. Vi held høgre i høgre. Ved firurering har gutane hendene ved sida, jentene tar i skjørtet. Når vi dansar rundt har vi valsfattning (= samdanstak 1). Ved støt tar gutane tak i vesten med begge hendene. Vi brukar gåsteg eller hoppsteg etter eige val. Hurresteg. Dei som står mot/frå musikken er premiær, dei andre sekundær.

9 Tur 1A. Stor ring. Vi dansar først i stor motsols ring (takt 1-8), og tilbake igjen (takt 1-8). Vi kan svinge med hendene. Så dansar vi hurresteg med eigen (takt 9-16). Tilbake til firkantoppstilling til slutt. Tur 1B. Støt. Med høgre i høgre dansar premiærane (starte på ytre fot) tre steg mot kvarandre, vender brått på fremre foten (guten medsols og jenta motsols) og dansar tre steg tilbake (byrje på yttre fot) og snur inn på plass. Så dansar sekundærane det same. Tur 1C. Figurering. Premiær. Dei dansar mot motståande to bytomfotsteg, først med front mot kvarandre, så med rygg mot kvarandre. Så dansar dei tilbake på to bytomfotsteg med vending. Så dansar dei på tilsvarande måte med 2 bytomfotsteg og 4 gåsteg og byter plass med dei som står midt imot i kvadriljen (venstrekøyring). Jenta står no på guten si venstre side. Så dansar dei tilbake til eigne plassar på tilsvrande måte, men no byrjar guten på høgre fot og jenta på venstre. Tur 1D. Støt. No dansar alle støt, men no byrjar sekundærane, og så premiærane. Tur 2A. Jenteringen. Jentene tar saman til indre ring og dansar med hoppsteg først medsols 8 takter, og så motsols 8 takter. Gutan står på staden og klappar i hendene og trampar med høgre foten to gonger per takt. Så dansar vi hurresteg med eigen (takt 9-16). Tilbake til firkantoppstilling til slutt. Tur 2B. Støt. Som 1B, sekundærane byrjar. Tur 2C. Figurering. Sekundær. Som i 1C. Tur 2D. Støt. Premiærane byrjar. Tur 3A. Guteringen. Gutane går i indre ring ein gong rundt medsols, med venstre hand i sida, og markerer takta med høgre hand oppe i lufta. Jentene står på staden og klappar i hendene. Så dansar vi hurresteg med eigen (takt 9-16). Tilbake til firkantoppstilling til slutt. Tur 3B. Støt. Som 1B, premiærane byrjar. Tur 3C. Figurering. Premiærane. Som i 1C. Tur 3D. Støt. Sekundærane byrjar. Tur 4A. Kvar med sin. Gutane stiller seg framfor jentene sine og dansar med fritt valde steg og fakter i takt med musikken (16 takter). Så dansar vi hurresteg med eigen (takt 9-16). Tilbake til firkantoppstilling til slutt. Tur 4B. Støt. Som 1B, sekundær byrjar. Tur 4C. Figurering. Sekundærane. Som i 1C. Tur 4D. Støt. Premiærane byrjar Tur 5A. Stor ring. Vi dansar først i stor motsols ring (takt 1-8), og tilbake igjen (takt 1-8). Vi kan svinge med hendene. Så dansar vi hurresteg med eigen (takt 9-16). Kørsdans frå Grue - Reidar Warme sin variant Kørsdans frå Grue står i "Norske Folkedansar. Turdansar. Denne dansen har berre ein "tur". Reidar Warme har på grunnlag av denne turen laga ein dans med 4 turar. To par stiller i ring med det lette taket. Kørsdanssteg frå Grue. Den første turen (og fjerde turen) kan ein godt danse i stor ring. Kørsdansstega slik dei blir brukt i 1., 2. og 3. turen er slik. Mot venstre: Vi kryssar høgre fot over venstre og tar tyngd på han. Dette er innleiinga til steget. Så svingar vi venstre fot heilt tilbake i kryss over høgre og set tåa lett i golvet (utan å ta tyngde). Straks etter tar vi eit raskt bytomfotsteg mot venstre ved at vi set venstre i golvet ved sida av høgre og byter fort til høgre fot att som vi set i kryss framfor venstre (og tar tyngde). Mot høgre er steget tilsvarande: Vi startar innleiinga med å ta venstre i kryss over høgre og tar tyngd. Så svingar vi høgre foten attende i kryss over venstre, raskt etterfylgt av eit bytomfotsteg i kryss mot høgre. 1. Kørsdanssteg mot venstre og mot høgre. To par tar saman i liten ring med det lette taket og dansar kørsdanssteg mot venstre (forklart ovanfor) og avsluttar med 3 appellar på slutten av veket. Så dansar vi heilt tilsvarande mot venstre og avsluttasr også no med 3 appellar. Alle slepper taket til slutt. 2. Byte plass. Jentene tar saman i kryss med tommelgrepet og byter plass (innanfor gutane) ved at dei dansar mot venstre (medsols) innleingssteget og eit kørssteg (avsluttar ved å sette begge føtene innntil kvarandre), og slepper taket. Så dansar gutane heilt tilsvarande, og byter dermed plass. Så dansar jentene det same ein gong til (også no medsols). Og til slutt dansar gutane like eins. Dermed har alle kome tilbake på eigen plass i oppsettet, og vi har dansa halve turen. Andre delen dansar vi på heilt same måte, men no dansar vi mot høgre (motsols ring). 3. I valsetakt. Denne turen er nærpå heilt lik 1. turen. Men musikken blir no spela i valsetakt (og det går dermed saktare enn i 1. tur). Ved slutten av veket er det ikkje appellar, men i staden går alle rundt seg sjølv på tre gåsteg (motsols). 4. Kørsdanssteg med hopp. Som i første og tredje tur dansar vi først eit vek av musikken mot venstre og deretter eit vek mot høgre. Vi brukar herdataket. Steget mot venstre er slik: Vi trør høgre i kors over venstre og tar tyngd. Så svingar vi venstre heilt tilbake i kryss over høgre og tar tåa så vidt i golvet. Så set vi venstre inntil høgre att idet vi satsar på begge

10 føtene: hoppar opp, slår føtene saman oppe i lufta og landar att på begge føtene jamsides. Så dansar vi neste steg sameleis vidare mot venstre. I andre veket dansar vi så mot venstre med tilsvarande steg. Tretur frå Hordaland Dansen står i Norske Folkedansar - turdansar. Det er ein skjemtedans med tre dansarar, gjerne ein gut og to jenter. Vi bruker hoppsteg frå ril, rilsteg(figurering), og figurersteg med eitt trinn og gåsteg. 1. Ring med mot sola. Vi tar saman med det lette taket og dansar 14 hoppsteg (startar på venstre) med sola og 3 appellar. Vi snur på V fotbladet og dansar tilsvarande tilbake. 2. Figurering. Alle slepper taka, rettar oss inn på bein rekkje med guten (eller jenta dersom det er to gutar) i midten og så figurerer han med eine jenta (gjerne den til høgre) 14 figurersteg og 3 appellar. Så figurerer han tilsvarande med andre jenta. Guten vel kva figurersteg han bruker, og jenta svarar med den andre typen. Guten har armane i kors og jenta har hoftefeste med tommelen fram eller held i skjørtet. Jenta som ikkje figurerer kan stå i ro bak guten vendt mot han, eller gå att og fram bak guten og prøve å få merksemd frå han. 3. Åttetal. Dei tre dansar no åttetal med 30 gåsteg og 3 appellar (startar på venstre). Armane heng fritt. Guten byrjar med å gå til høgre for den jenta han figurerte med sist. Dansen skal dansast 3 gonger, slik at alle får vere i midten. Til framsyning dansar vi ofte to gonger med guten i midten begge gongene. Schubertvals Svensk Parvis på stor motsols ring. Vanleg samdanstak - samdanstak 1. Para startar slik at guten har ryggen inn mot sentrum av ringen. Valsemusikk av Franz Schubert. Koreografi: Valborg Franchi. 1. "Vals og under armen". a) Først framover langs ringen 8 valsesteg - 4 gonger rundt, samdanstak I. b) Dei slepper så høgre-hendene og dansar framover med jenta føre, og ho dansar 4 gonger rundt under gutens venstre arm på 8 korte valsesteg. Guten dansar små valsesteg framover. 2. "Framover og rygge". Med det lette taket dansar dei no framover i danseretninga to valsesteg, så snur dei brått motkvarandre (guten medsols, jenta motsols), begge byter hender (til venstre for gut i høgre for jenta), og dansar 2 valsesteg bakover i danseretninga. Til slutt 4 valsesteg rundt saman med samdanstak I. 3. "Byte plass rygg mot rygg". Gut og jente byter plass på 2 valsesteg, dei dansar til høgre for kvarandre snur under vegs rygg mot rygg. Guten byrjar på høgre fot, jenta på venstre. Så dansar dei eit valsesteg rett mot kvarandre og eit kort valsesteg frå kvarandre (bakover). Til slutt dansar dei vals rundt med 4 valsesteg (guten byrjar på høgre fot og jenta på venstre). Dei stoggar slik at jenta har ryggen inn i ringen. Dette var halve turen. No dansar dei det same ein gong til nesten likt: Først forbi kvarandre mot høgre rygg mot rygg på to valsesteg (guten byrjar på venstre og jenta på høgre) og så mot kvarandre og litt frå kvarandre på 2 valsesteg. Så dansar dei vals rundt til slutt, og no byrjar guten med venstre og jenta med høgre (som normalt i vals). Ved avslutning av turen står dei ved sida av kvarandre i danseretninga. Dei tar også nytt handtak: Guten held si venstre i jentas høgre som før, men guten tar med høgre arm rundt midja på jenta innanfor hennar høgre arm som held i skjørtet. 4. "Framover og måne rundt kvarandre". Dei dansar no i danseretninga 3 valsesteg slik: gå på ytre, gå på indre, gå på ytre og tå peik. Så dansar guten nesten på staden 4 valsesteg medan jenta dansar rundt guten slik at ho heile tida har fronten i danseretninga (guten held si venstre i jenta si høgre hand). Alt dette dansar dei no ein gong til. 5. "Rundt, fram og bak". Dei slepper handtaket og dansar framover og rundt seg sjølv på to valsesteg (guten mot sola og jenta med sola). Så dansar dei eit valsesteg i danseretninga og eit valsesteg tilbake igjen (rygger) mot danseretninga. Så dansar dei 4 dansesteg rundt saman på vanleg måte. Alt dette blir så dansa ein gong til. 6. "Som første tur, men motsett rekkjefylgje". Dei dansar no det same som første tur, men dei to delene i motsett rekkjefylgje. Først jenta under armen, og så saman i vanleg vals til slutt. Som avslutning får jenta eit lett kyss på hennar høgre handbak.

11 Den toppede høne fra Vendsyssel Springsteg, gåsteg og hurresteg. Vi stiller på to rekkjer, gutane til høgre og jentene til venstre sett frå musikken, vendt mot kvarandre. Vi tel opp par1, par2, par1, par2 osb. Alle par1 startar dansen på likt. Del 1 (første reprise av musikken) Gut1 spring framfor gut2, så bak neste gut, framfor neste gut og bak og rundt den neste guten. Vi spring altså i zik-zak 4 gutar framover. Dei gutane som kjem til enda av rekkja, held fram i zik-zak forbi imaginære (tenkte) dansarar. På tilbakevegen spring han bak første guten, framfor neste gut, bak neste gut og sluttar på eigen plass. Samtidig spring jente1 på same måte i jenterekkja. Til saman 32 små springsteg. Del 2. Jente1 og gut1 krysser forbi kvarandre og guten går utvendig nedover langs jenterekkja; jenta går tilsvarande nedover langs guterekkja. Dei dreier inn mellom 3. og 4. par på 12 gåsteg. Guten og jenta tar saman med det lette taket og går opp mellom rekkjene til eigen plass. Her går jenta til høgre framfor guten og rundt jente2. Guten går til venstre og rundt gut2. På 12 gåsteg. Paret møtest mellom dei to para som står nedanfor der dei starta og dansar 8 hurresteg saman inne mellom rekkjene (valsetak). Del og 2. par klappar 3 gonger på 3 steg, tar høgrehandsmølle og går rundt med sola 13 gåsteg til. Når musikken spelar ein gong til, snur alle mot høgre, klapper 3 gonger, tar venstrehandsmølle og går rundt på 13 gåsteg til, tilbake til der dei starta del3. No har par 1 rykka nedover ein plass, og dansen startar på ny med det som før var par2. Folkeleg svensk menuett Grunnsteget tar to takter og 6 taktslag. Byrjar alltid på høgre. Kraftige rørsler, og så med hendene. Vi vrir kroppen når vi dansar grunnsteget, og pendlar med armane. Einkel oppskrift: 1. Trø på høgre. 2. Eit lite svikt på høgre. 3. Trø på venstre. 4. Trø på høgre. 5. Trø på venstre 6. Eit lite svikt på venstre. Når vi sviktar på ein fot, lar vi den andre foten kome inntil foten vi sviktar på. Vi dansar sidelengs både til høgre og til venstre: Til høgre: 1. Trø til høgre med høgre fot. 2. Svikt på høgre. 3. Trø på venstre i kryss bak høgre fot. 4. Trø på høgre til høgre for venstre. 5. Trø vidare på venstre i kryss framfor høgre. 6. Svikt på venstre. Til venstre: 1. Trø litt bak og til venstre på høgre fot. 2. Svikt på høgre. 3. Trø på venstre litt fram og til venstre. 4. Trø på høgre litt framfor venstre. 5. Trø på venstre til venstre for høgre. 6. Svikt på venstre. Skjematisk oppskrift: Vi står parvis med fronten mot kvarandre og held begge i begge. Del1. Sidesteg. Først eit menuettsteg mot høgre. Så eit menuettsteg til venstre. Så eit nytt menuettsteg mot høgre. Så eit menuettsteg til venstre og ta saman begge i begge med partnar. Del2. Byte plass. Vi byter plass på eit menuettsteg. Vi dansar forbi kvarandre til venstre. På siste del av steget (venstre-svikt) snur vi kraftig rundt mot venstre, slik at vi får fronten mot eigen. Så dansar vi mot kvarandre på eit menuettsteg og tar saman begge i begge. Så byter vi plass på eit menuettsteg, tilsvarande det vi gjorde ved første plassbytet. Og dansar så mot kvarandre og tar saman begge i begge på eit menuettsteg. Denne grunnforma med Del1 og Del2 kan vi danse oppatt og oppatt, men vi kan også variere: Dersom vi tar saman begge i begge med hendene nokså tett saman, skal det vere eit signal om at vi skal byte plass. Dersom vi tar saman med breitt handtak (hendene langt frå kvarandre), er det signal om at vi skal danse til høgre att. Vi kan også danse berre ein gong mot høgre før vi byter plass.