Kjerneprogrammet i Symra hausten 2013

Transkript

1 Kjerneprogrammet i Symra hausten 2013 Songdansar Musikkdansar Falkvor Lommannsson Lancier frå Vardø Kjære du mi Randi Eikeril Jenta som ville gifte seg Figaro der alle dansar Til lags åt alle Veva vadmål Dei vil alltid klaga og kyta Innheradspols Møte Kadrilj från Landskrona Unge møy ved snellen sat Sekstur 2 Folkevise Molevit fra Ærø Gudmund og signeliti Drapers s Garden Rolandskvadet Oppdalsril Dans på Sunnanø Falkvor Lommannsson (Sverddansen) Tonen er nedskriven av L.M. Lindeman i 1851 i Mo i Telemark etter Olea Crøger. Teksten er nedskriven etter ulike kvedarar i Telemark, og Hulda Garborg tok visa med i "Norske Folkevisor" i Dansemåten er laga av Hulda Garborg i 1907 og står i boka Klara Semb: "Norske Folkedansar. Songdansar." (1985). Høyr på songen her (mp3). Dansemåte: Kvilesteg og sluttsteg. Dette er eit dansespel. Dansen høver best for 8 par. Dei stiller på to rekkjer, guterekkje til høgre sett frå fronten. God avstand mellom rekkjene. Gutane dansar med sverd (faklar) og jentene med blomsterkransar. I første biletet (vers 1-2) dansar rekkjene mot kvarandre, helsar, og tilbake att (rygger) og ny helsing. Så dansar alle framover mot fronten, møtest par for par tar saman med lett tak og dansar nedover mellom rekkjene. Nedst deler para seg, det første går mot høgre, det neste mot venstre etc. Når alle er komne "på plass", front mot front i paret, står dei i ro og ventar. Alle helsar så til slutt. I andre biletet (vers 3-7) snur alle mot fronten. Jentene dansar no i ein motsols ring inne mellom guterekkjene, der første jente dansar først. Samtidig bøyer gutane av utover, første gut mot venstre og andre mot høgre etc, og dansar i rekkjer ned langs kvar si side av oppsettet i "lang rekkje". Når gutane møtest nedst kryssar dei sverd, og dansar opp mellom rekkjene med kryssa sverd. Dei stoppar når dei har kome "på plass". Når jentene har dansa ringen sin, bryt første jenta ut av ringen og dansar nedover langs første guten si rekkje, og dei andre jentene følgjer i "lang rekkje". Jentene dansar no under sverdborga, og når dei har nådd "toppen", snur så mot venstre og dansar nedover att på utsida av guterekkja. Etter kvart som jentene har passert, fell gutane på kne (inste kneet i golvet). Jentene dansar no i buktningar framover mellom gutane. Når første jenta har nådd eigen gut, tar dei saman og han reiser seg, og sameleis med dei andre jentene når ho når fram til sin gut. Til slutt i dette biletet står så alle parvis vendt mot fronten, to par i breidda, og gutane yst. Dei held saman med det lette taket, og dei held sverd og krans i ledig hand. I tredje biletet (vers 8-9) byrjar alle å danse framover, ved fronten bryt dei av slik at gutane dansar til høgre og jentene til venstre. Dei bryt av og dansar nedover på utsida av oppsettet etter kvarandre i guterekkje og jenterekkje. Nedst dansar jenterekkja og guterekkja forbi kvarandre (jentene inst) og vidare oppover på andre sida av oppsettet. Etter kvart kjem dei inn på to rekkjer vendt mot fronten. På omkvedet i siste verset vender alle mot kvarandere samtidig, dansar mot kvarandre og helsar. Helsingane blir utført ved at guten løfter sverdet høgt framfor seg, og jenta støyper ljos medan ho let kransen "henga att" framfor seg over hovudet. 1) Det var Torstein Davidsson, han ville til bryllaups bjode; og det var Falkvor Lommannsson, han let sine hestar ringskoe. 3) Ut kjem hass sæle mo'er, tårir renn'e på kinn: Hore aktast du av i dag, 2) Det var årle om morgonen, soli ho ryr i dalar, opp stend Falkvor Lommannsson, legg på forgyllte salar. 4) Eg vil prøve mine hommenn, Eg vil prøve min hest; eg vil taka att vivet mitt,

2 du Falkvord kjær sonen min? 5) Det var Falkvord Lommannsson, han seg av garde rei: der grodde kje graset på femten år, der hass grågangaren steig. 7) Inn så spring'e den lisle smådreng, seie han tidend i frå: Her stend fullt tunet av hærkledde menn, og alle som duvone grå! 9) De takje av meg mitt hovudgull og setje på meg silkjeluve; kjem han inn Falkvord Lommannsson, han helsar meg fyr ei fruve. som Torstein Davidsson hev fest. 6) Det var Falkvord Lommannsson, han kom seg ri'and i gård, inn så spring'e den lisle smådreng, seie han tidend i frå. 8) Og det var fruva Vendelin, ho såg seg att yvi herd, då såg ho Falkvord Lommannsson med herskeleg stor'e ferd. Kjære du mi Randi Visa er ikkje å finne i dei vanlege dansebøkene. Versjonen her er slik eg har visa i eit gamalt stensil. Dansemåte: Attersteg, gåsteg og snurresteg. Vi dansar attersteg dei fire første linene, dei to siste linene er brigde. I det brigdet byrjar snur gut og jente mot kvarandre, og på nest siste lina trør guten sidelengs inn i ringen på fire gåsteg, medan jenta trør sidelengs ut av ringen, og så 4 sidelengs gåsteg tilbake på plass. På siste lina trør gut og jente frå kvarandre og rundt (starte på venstre fot, guten motsols inn mot sentrum av ringen, jenta motsols utover) på 3 gåsteg og set ledig tå i golvet på fjerde taktslaget. Så går dei på tilsvarande måte tilbake igjen til vanleg plass på tre gåsteg og set ledig tå i golvet på fjerde taktslaget. Under brigdet har både gut og jente hendene i sida (tommelen bakover). På siste verset er det vanleg å danse rundt parvis på snurresteg medsols på siste lina i songen. Det er vanleg å bruke vekselsong, slik at gutane syng første og tredje verset, jentene syng andre og fjerde verset. Jentene syng også dei to første linene på siste verset. Resten av siste verset synga alle. 1) Kjære du mi Randi kom hit lite granne du er den venaste jenta je' veit. Itte ska' je slå deg å itte bedra deg, snill ska' je væra kvar einaste dag. Snill ska' je væra kvar einaste dag, koke og steike og laga tel mat. 3) Kjære du mi Randi forhast deg nå itte, sjå på deg sjøl før du skjeller ut meg. Sjå på de trevlene som henger nedom skjørtet, sjå på ditt belte som sidt henger ned. Nei, sop du og fei og gjør reint for di dør, sia kan du skjelle ut din venn som du gjør. 5) Kjære du min Tørkjell kom hit lite granne, du er den venaste guten je' veit. Så ska' vi steike oss litt flesk uti panne, laga te' mølje og den ska' bli feit. Her ska' vi leva i fred og i ro, og vi ska' nok få det så hyggelig vi to. 2) Trur du da Tørkjell at nokon vil ha deg sliken en stygging og leiing som du. Trur du at je' tel en bytting vil gje meg, som itte har hverken hus eller gård. Med så stygge legger og krokute lår, kølsvarte auer og måsagrått hår. 4) Nei, før enn je' soper og feier før deg Tørkjell, vil du itte inn kan du utafor stå. Vil du itte sjå på de trevlene som henger nedanfør skjørtet, så kast aua frå. Vel kan det hende at mitt belte henger ned, men buksa den slenger sosm en sekk om dine kne. Jenta som ville gifte seg Teksten er frå Norsk Folkedikting. Tonen er nedteikna av Lindemann. Visa står i "Danse danse lett" av Egil Bakka (1970). Berre dei mest vanlege versa er tekne med.

3 Dansemåte: Dansemåten er laga av Egil Bakka. Attersteg, bytomfotsteg (STS) og snurresteg. Vi dansar 2 attersteg og 2 sviktar av neste (ikkje opptakt). På "nei, og nei" dansar vi eit bytomfotsteg parvis mot kvarandre (små steg) slik at guten får jenta litt på høgre sida si (jenta er byrg og har nasen i veret). Så tar vi samdanstak nr. 4 og dansar 3 snurresteg rundt med sola ca halvannan gong, og går/snur vidare på 3 gåsteg. Vi dansar vidare på neste vers utan stogg. (Stavingar med sløyfe er understreka.) 1) Mannen tala til dotter si / i ei skorsteinsstoga: - Du sko inkje gifte deg, / det sko du meg lova. - Å / nei, og nei! Enno gjer jomfruva som ho vil. - 5) Skam få deg, kjær dotter mi, du / auke meg ingjo kvide! - eg sko kaupe deg hest og sal, til / kyrkjunne må du ride. - 10) Skam få deg, kjær dotter mi! / kan det deg ingjen stille, - hot tru du fekk så / vond ein mann han / slær deg bå' titt og ille.- 2) At / eg sko inkje gifte meg, det / vil eg inkje lova; - den / vetrenotti er så lang, d'er / vondt åleine sova ) Hav du sjav din sal og hest! eg / kan til kyrkjunne gange; - men / eg vil hava meg mann i år, hor eg sko han fange. - 11) Å / kjem'e han no drukkjen heim, eg / veit meg ingjo sak, - så / set eg honom i fangjet mitt, eg / frir så vel mitt bak. - 12) Og / er han då så / ille lynd at eg / veit meg ingjo råd, - så / legg eg han i den svarte jord og ein / store stein oppå. - Til lags åt alle Teksten er av Ivar Aasen. Tonen er ein stevtone. Visa står i Klara Semb Norske Folkedansar (gamle utgåver). Dansemåte: Dansemåten er laga av Klara Semb. Attersteg og springsteg. Vi dansar 3 attersteg (1., 2. og 3. tempo, opptakt på til )) Så slepper vi taka, snur parvis mot kvarandre og spring (sterte på venstre) med høgre armkrok medsols rundt ein halv gong med 4 små springsteg, set høgre innåt med appell på 5. taktdelen og står stille på 6. taktdelen. No song vi Å hjelpa den som det trenger mest. Så dansar vi tilbake tilsvarande motsols med venstre armkrok. 1) Til lags åt alle kan ingen gjera; det er no gamalt og vil så vera. Eg tykkjer støtt at det høver best, å hjelpa den som det trenger mest, å hjelpa den som det trenger mest. 2) Og kor du bryggjar og kor du bakar, d er alltid ein som det ikkje smakar. Og når den eine så gjerer rop, så ropar sidan den heile hop, så ropar sidan den heile hop 3) D er mange nok som vil domar vera, og le åt alt som dei andre gjera. Og lyte finna dei rundt ikring. Og sjølve gjera dei ingen ting. Og sjølve gjera dei ingen ting. 4) Og ymse folk er no altfor redde, at dei er hadde til spott og hædde. Dei skulle taka det heller lett. Det kunne henda dei hadde rett. Det kunne henda dei hadde rett. 5) Her spørst no minst om kva mange lika. Mot rett og sanning må allting vika. det gjelder lite om tungt og lett. Det gjelder beinast om rangt og rett. Det gjelder beinast om rangt og rett. Dei vil alltid klaga og kyta Teksten er av Ivar Aasen. Tonen er ein stevtone. Visa står i Klara Semb Norske Folkedansar (gamle utgåver). Dansemåte: Dansemåten er laga av Klara Semb. Attersteg og gåsteg. Vi dansar 4 attersteg (opptakt på dei vil ). Så lyfter vi armane medan vi går 2 noko store faste gåsteg rett inn i ringen ( ko-- på venstre og ik-- på

4 høgre. Så tar vi 3 snøgge små steg attover utan å ta armane ned (dei tre små stega på brått ). Første steget attover med venstre foten trør vi på staden. Vi samlar ikkje føtene til slutt. 1) Dei vil alltid klaga og kyta at me ganga så seint og så smått; men eg tenkjer dei tarv ikkje syta: me skal koma om inkje så brått. 2) Ja. Det skyt ikkje fram så det dunar som no ingen kan undrast oppå -; men det monar då jamt, ja det monar, så det stundom er hugnad å sjå. 3) Lat det ganga fram, lat det siga! Berre eitt eg ynskjer og bed: at me ikkje så høgt måtte stiga, at me gløyma vår fedrane-sed. 4) Lat oss ikkje forferdane gløyma under alt som me venda og snu; for dei gav oss ein arv til å gøyma, han er større enn mange vil tru. 5) Lat det merkast i meir enn i ordi at me halda den arven i stand, at når fedrane sjå att på jordi, dei kan kjenna sitt folk og sitt land. Møte (Tekst: Arne Garborg, Musikk Benjamin Kehlet) 1) Ho sit ein sundag lengtande i lid; det strøymer på med desse søte tankar; og hjarta tungt og varmt i barmen bankar, og draumen vaknar, bivrande og blid. Då gjeng det som ei hildring over nuten; ho raudnar heit; - der kjem den vene guten. 3) Han smiler raud og stekkjer led og legg; "det er vel så, når guten kar må vera, han lærer au som vaksin kar seg bera." - "Og tenk, eg trur du hev fengji skjegg!" - "Det var der fyrr," han svarar stø og sann: - "men kanskje det hev vaksi litegrand." 2) Bort vil ho gøyme seg i ørska brå, men stoggar trylt og augo mot han vender; dei tek einannan i dei varme hender og stend so der og veit seg inkje råd. Då bryt ho ut i desse undringsord: "men snille deg då... at du er så stor!" 4) Og som det lid til svale kveldings stund, alt meir og meir i lengt dei saman søkjer; og brått um hals den unge arm seg krøkjer, og øre skjelv dei saman munn mot munn. Alt svimrar bort. Og der i kvelden varm i heite sæle søv ho i hans arm. Dansemåte (Marianne Dahl og Anders Saxhaug, 2002) Dei fire første linene dansar vi attersteg. Når brigdet byrjar tar vi saman med begge hendene (venstre i venstre og høgre i høgre) medan vi framleis vender inn mot sentrum av ringen. På femte lina fører guten no jenta (lette gåsteg) framfor seg og over på si venstre side og vender halvt mot guten (på veg over snur jenta eit bel ryggen mot guten), og dei senker der armane noko. Dei har godt samspel. På siste lina "kastar jenta av" (dvs dei slepper taka, jenta snur seg mot venstre ut av ringen, går bak guten sin, og kjem inn att på vanleg plass). I heile brigdet trør guten stega på staden. Unge møy ved snellen sat Visa er visstnok ei svensk skillingsvise. Teksten og tonen er slik Vebjørn Bakken hugsa han etter ste-oldemor si Else Hagen, slik ho song visa på slutten av 1940-talet. Else Hagen var dotter til spelemannen Knut D. Stafset som skreiv opp mange slåttar og religøse folketonar frå heimbygdene sine i Skodje og Vatne tidleg på 1900-talet. Melodien er svært lik den som blir nytta til den svenske stildansen Minjong, som vi også har dansa mykje i Symra. Brigdet er basert på denne einkle dansen. For at brigdet skal passe, syng vi visa i valsetakt. Unge møy ved snellen sat Unge møy ved snellen sat sorgfull både dag og nat. Og vinden suste, bekken sprang, og gjøken gol og trosten sang.

5 Spinn, spinn, spinn dotteren min, i morgen så kommer frieren din. Og dotteren spant så tårene rant, men aldri så kom den frieren fram. Dansemåte (Vebjørn Bakken, april 2002): Dei fire første linene dansar vi to heile attersteg og 4 sviktar av neste (ikkje opptakt). På dei to siste sviktane trør vi venstre-høgre, slik at vi er klar med venstre fot til brigdet. Alle slepper taket. Brigdet er basert på bytomfotsteg og gåsteg frå gangar. Guten startar med eit bytomfotsteg der han startar med venstre fot i kryss over høgre, og så to gåsteg på staden (H-V). På gåstega snur han seg litt slik at han framleis står med fronten inn mot sentrum av ringen. Jenta dansar dei same stega som guten, men ho trør først inn i ringen og snur så mot venstre, slik at ho får front mot guten. Så byter gut og jente plass på eit bytomfotsteg(venstrekøyring) og to gåsteg. Vi snur medsols slik at vi igjen får fronten mot kvarandre. Så dansar vi eit lite bytomfotsteg mot kvarandre og så frå kvarandre (rygger). Så tar vi saman høgre i høgre (tommeltak) og dansar rundt kvarandre medsols på 4 gåsteg, slik at vi kjem inn på ringen att, klar til å starte dansen på nytt. Folkevise Teksten er skriven av Åse Marie Nesse og tonen laga av Karl Fjogstad. Leikrådet i NU laga dansemåten i Dansen står i boka Klara Semb: "Norske Folkedansar. Songdansar." (1985). Dansemåte: Attersteg og låste bytomfotsteg (SSSs). Vi dansar 4 attersteg og slepper taket med framand. Så dansar vi eit bytomfotsteg parvis etter kvarandre i ring med sola (starte på venstre). Jenta trør steget litt lenger enn guten men ikkje slik at ho kjem heilt opp på sida hans. (No song vi (Kom) sol, - kom. Så dansar jenta eit bytomfotsteg under armen mot sola, medan guten trør eit bytomfotsteg på staden. Så dansar vi vidare utan stopp. 1) Det står ein ask uti grønan lund. - Kom vind, kom vår - Der leikar livet kvar dag og stund. - Kom sol, kom sår - 2) Tre norner står innved rot og spinn. Dei tvinner tråden så sterk og linn. 3) To fuglar byggjer sitt reir på kvist. Og songen er det som tagnar sist. 4) Eit ekorn smyg seg innunder blad. Det sankar frø til eit vinterkvad. 5) Og sevja stig frå den djupe mold. Så trør vi dansen på mjuke voll. 6) Vi drikk ein mjød utav lauv og bark. Og døden når ikkje denne mark. 7) Sjå gylne tavler i graset skin. Og morgondogg er vårt brurelin. Gudmund og Signeliti Tonen byggjer på ei nedteikning av L.M. Lindeman i Tuddal i Telemark i Teksten er etter ei nedteikning i Landstad Dansemåten er laga av Klara Semb. Visa står i boka Klara Semb: "Norske Folkedansar. Songdansar." (1985). Her har vi teke med dei mest brukte versa (i NF er det 25 vers). Dansemåte: Folkevisesteg og gåsteg med sluttsteg. Alle stiller opp i dobbel ring, gutane inst. Gutane snur mot sola og jentene med sola. Alle trør to steg framover og tredje steget inn til høgre slik at alle står på ein ring. Vi trør inn mellom annakvar vi møter. Dette gjer vi to gonger til. Dei to som står mot kvarandre etter tredje gongen tar saman begge i begge og dansar 3/4 gong rundt på 3 gåsteg, stoppar på eit sluttsteg og støyper ljos. No er vi ferdig med første verset. No dansar vi på same måten dei andre versa heilt til det siste verset. I det siste verset dansar vi vanlege folkevisesteg. I starten dansar guten seg inn i ringen på feil side av jenta si. 1) Herr Gudmund han tala til liten småsvein: Du salar min gangar, og ver inkje sein! 4) Herr Gudmund han tala til gullsmeden så: 3) Og stolte herr Gudmund kom ridand i gård, ute stod gullsmeden, slo ut sitt hår. 5) Mi dotter, stolt Gudmund, du alli kan få,

6 Eg vønst Signeliti, di dotter å få? 23) Og Gudmund han spela framtil med å, han spela Signeliti or bylgjune blå. 25) Signeliti ho heldt i sin festarmanns hand, Sæl er den sveinen or bylgjun meg vann! fyrr sko på havsens botn rotne hennar hår. 24)Og Gudmund han spela så alle strengjer brast, så hadd han Signeliti i armen sin fast. Roland og Magnus kongjen Tonen er frå Færøyane og teksten frå Norsk Folkedikting restituert av Landstad. Visa er med i Klara Semb si rettleiingsbok "Norske Folkedansar. Songdansar". (Vi har teke med dei versa som har blitt brukt mest.) Dansemåte: Stordans. 1) Seks mine jarlar heime vere, gøyme det gullet balde, are seks på hei'ingslondo røyne dei jønni kalde! - Rida dei ut av Franklandet med dyre dros i sadel, blås i hornet Olivant i Ronsevoll. 3) Årine og ankaret toke i kvite sand: det var Roland, konungsfrenden, tro den fysste på land. 8) Roland svara dei med vreide, stod or munnen skum: Eg sko hogge så store hogg at det sko spørjast til doms! 11) Fram sotte blåmannsfjøldi ho skygde fyre sol, fælte seg alle jamningane, bad Roland blåse i horn. 14) Dei slogest utpå Ronsevollen, trøytte drengjir og mode: soli fekk ikkje skine bjart fyr røykjen av manneblodet. 16) Han sette luren fyr blogga munne, bles han i av harde; ljodet ber av ivi hei og fjøll, det rivna bå' gjår og jarir. 21) Det var Magnus kongjen, skundar han si ferd: daud låg roland konungs-frenden og heldt i hond sitt sverd. 23) Att'e kjem'e drengjine, seier dei i frå: Me kunne inkje Dvergedolg av Rolandshandi få. 25) Fram gjeng Magnus kongjen med så stor ei trå: Roland rette sverdet frå seg, som han vill' kongjen det få. 2) Dei vunde opp sitt silkje segl så hågt i seglerå, så sigler dei åt hei'ingslondo i virkevikune två. 7) Fram sotte blåmanns-fjøldi ho skygde fyre sol; då fælte seg alle jamningane, bad Roland blåse i horn. 9) Dei solgest utpå Ronsevollen i dagane två og trjå; hei'ingan' fall fyr Rolandssverdet som storren for godom ljå. 12) Roland svara dei med hæde, hånom rann blod og skum; Eg sko hogge så store hogg, det sko spørjast til doms. 15) Fram sotte blåmanns-fjøldi, ho skygde fyre sol, reddast kvor ein jamningen bad Roland blåse i horn. 20) Det var Magnus kongjen, brest'e han i å gråte: Hot tru felar frenden min? No høyrer eg luren låte! 22) Gangje tvei av alle ut og takje med dikkon makar, sjå om de kan Dvergedolg av Rolandshandi taka. 24) Fram gjeng Magnus kongjen med så stor'e trega: Roland rette sverdet frå seg, som han vil kongjen det gjeva. 26) Heim kom Magnus kongjen. Settest dei alle traude. skipet var fullt med sylv og gull, hei'ingan' dei var daude.

7 Musikkdansar Lancier frå Vardø Dansen står i Norske Folkedansar - turdansar (1991). Oppstilling 4 par i fikant. Par 1 er nærast musikken, par 2 rett overfor par 1, par 3 til høgre for par 1 og par 4 til venstre for par 1. Venstre hand i venstre. I det meste av dansen bytomfotsteg, sume stader sidesteg, gåsteg og sluttsteg. Sluttsteg = "gå og inntil". Alle turane blir dansa 4 gonger der "oppføringa" går på omgang. 1. Hjørnetur. 1 gut og 2 jente inn mot miden, snu mot kvarandre og rygge tilbake. Så dansar dei inn og rundt kvarandre (høgre i høgre), tilbake til eigen og rundt. 1. par og 2. par byter plass med halvkjede (par 1 i midten først). Så halvkjede tilbake. Nå går alle gutane med sidesteg til hjørnet til venstre for seg, medan alle jentene dansar (bytomfotsteg) inn i ringen mot guten til høgre for paret. Gut og jente byter plass - høgrekøyring utan å ta saman. Så byter gut og jente på ny plass - høgrekøyring og venstre hand i venstre, og vidare "rundt" og tilbake på plass med eigen partnar. Alt dette skjer så 3 gonger til med ny gut (2., 3. 4.) som oppførande. 2. To rekkjer. (Det meste av denne turen er gåsteg. Nokså rask musikk.) 1. par fram og attende (gåsteg + komplim.). Par 1 går så inn mot midten, snur mot kvarandre og tar eit steg mot venstre og komplimang. Paret figurerer så først mot høgre og så mot venstre (sidesteg og sluttsteg). Nå fører guten i par 1 og par 2 kvar si jente over til par 3 og par 4 (krysstak og bytomfotsteg), og gutane rygger tilbake, slik at det blir to rader. Radene (lette taket) fram og tilbake (4 gåsteg + kompl.), og fram att (4 gåsteg). Så tar para saman med eigen med begge hendene og brukar bytomfotsteg tilbake på plass. Dette skjer så 3 gonger til med nytt par (2., 3. og 4.) som oppførande. 3. Jentemølle. 1. jente går på skrå innover mot midten (2 bytomfotsteg + sluttsteg) - ryggen mot hjørnet - mellom 1. og 4. par. Så går gut 2 på tilsvarande måte på skrå inn mellom 2. og 3. par (2 sidesteg + komplimang). Jente 1 og gut 2 bakover mot hjørnet (1 bytomfot +2 gå +kompl.). Jentene dannar no høgre hands mølle inne i ringen, venster i venstre med gutane, medan gutane går til sitt høgre hjørne. (par 1 svingar rundt 1 gong mot sola før jenta dannar mølle). Jentemølle - først eit steg bakover, så framover og rundt med "motståande" gut. Så jentemølle ein gong til, og inn på plass med eigen. Alt dette skjer så 3 gonger til med ny jente/gut (2., 3.og 4.) som oppførande. 4. Ring og kjede. 1. par går over til 4. par og helsar kort (2 bytomfot + sluttsteg), og snur så mot venstre og over mot par 3 og helsar kort. Par 1 og par 3 figurerer så, jentene mot venstre framfor guten (2 sidesteg + sluttsteg), og på same måten figurerer dei tilbake. Så dansar 1. og 3. par rundt i små ringar med 4 raske valse-bytomfotsteg, og tilbake. No skal 1. par danse høgre hands kjede med 2. par (først venstre i venstre med eigen og jenta forbi, før dei startar kjeda med framand). Lang kjede på 12 steg. På "høg tone" tar dei saman og går heim på plass.) Alt dette skjer så 3 gonger til med nytt par (2., 3. og 4.) som oppførande. 5. Kjede og marsj. Førespel på 8 takter, guten snur mot jenta si. Kjede rundt oppsettet, og helse på annankvar, 2 gonger rundt. (Høgre i høgre med første, venste i venstre med andre og ikkje ta saman med tredje). Så snur 1. par ut av oppsett på eigen plass, så 3. par inn bak 1. par, så 4. par og til slutt 2. par så alle står etter kvarandre i ei rekkje. Så figurerer alle sidelengs, gutane mot høgre, jentene mot venstre (2 sidesteg + 2 jamvektssteg). Så figurering tilbake att. No "marsjerer" gutane og jentene på kvar sine rekkjer med bytomfotsteg - gutane bryt mot venstre og jentene mot høgre, og tar saman v i v. når dei møtest att i midten. Ved slutten av "gåsegangen" snur dei inn på ei guterad og ei jenterad og held saman med lette taket. Nå går radene bakover (4 gåsteg), og så framover (4 gåsteg). Så tar alle parvis saman med begge hendene, og går heim på plass (6 gåsteg + kompl.). Alt dette skjer så 3 gonger til (utan nytt førespel). S. Avslutning par mot kvarandre og helsar og tilbake, så 3. og 4. par. Eikerril Denne dansen står i "Norske Folkedansar. Turdansar. Dansen foregår i ein liten ring med 6 (eller 7) par. Vi stiller opp i dobbel ring med gutane i inste ringen. gut og jente vender mot kvarandre. Vi bruker sidesteg II (ST), bytomfotsteg frå hamborgar SSS (eller bytomfotsteg STS), og gåsteg I. 1. Gutane sidesteg rundt.

8 Gutane dansar sidesteg 14 steg rundt ringen, og byter så plass med eiga jente på 3 appellar idet dei snur rundt medsols 1/2 gong andlet til andlet. 2. Jentene sidesteg rudt. Så dansar jente tilsvarande det gutane gjorde i tur Kjede Alle dansar høgre hands kjede med 16 bytomfotsteg, to gonger rundt ringen. Gutane mot sola, jentene med. På slutten stiller guten seg framfor jenta si med fronten inn i ringen, med 3 appellar på siste steget. 4. Gutane figurerer Jentene står i ro og held i stakken. Gutane figurerer først rundt eiga jente så så vidare rundt neste i medsols ring. Guten prøver i stor grad å ha fronten (halvvegs) mot jenta og innmot sentrum av ringen. Han bruker om lag 4 steg rundt kvar jente. Han stoppar ved sida av jenta si på 3 appellar klar til å starte ny høgre hands kjede. 5. Kjede Alle dansar høgre hands kjede med 16 bytomfotsteg, to gonger rundt ringen sameleis som i 3. tur. 6. Jentene figurerer Gutanee står i ro med hendene i kryss over brystet. Jentene figurerer først rundt eigen gut så så vidare rundt neste i medsols ring, tilsvarande det gutane gjorde i 4. tur. Det er vanleg at jentene figurerer rundt guten sin heilt til slutt. 7. Arm i arm Gut og jente helsar lett og går arm i arm medsols rundt på ringen 14 gåsteg. Dei stoppar med 3 appellar, slepp taket og snur 1/2 gong rundt mot kvarandre og helsar lett. Så går dei arm i arm tilbake igjen motsols, stoppar på 3 appellar og helsar lett. Det er vanleg med godt humør her, vinke og tralle. Figaro der alle dansar Dansen står i Norske Folkedansar - turdansar (1991). Dansen kan dansast med eller utan ein "Oppbydingsdel". Stoppesteg, bytomfotsteg frå polonese (SSS), sluttsteg, bytomfotsteg frå trippevals (SSS) og vals. Vi byrjar med venstre fot. Jenta held i stakken og guten har lavt hoftefeste. Samdanstak I. Vi startar på venstre foten "over alt". 0. Oppbydingsdelen Fire par stiller seg ute på golvet, to av para med front mot musikken ( noko avstand mellom dei) og to av para med ryggen mot kvart sitt av dei to første para. Desse fire para er oppbyande par. Dei andre para som vil vere med, stiller seg etter kvarandre i 4 parrekkjer, ei parrekkje vendt mot kvart av dei oppbyande para. God avstand mellom alle par. Jente og gut held arm i arm. Kvar av dei 4 oppbydande gutane trør på skrå framfor guten i det paret dei har framfor seg, og gutane helsar kvarandre med djup helsing. Dei oppbydande gutane trør så tilbake på plass. Dei gutane som no helsa på kvarandre, byr alle opp sine jenter med djup helsing (jentene svarar på same måte). Para tar no arm i arm og vert ståande. No svingar annakvart par ein halv gong rundt (utan å sleppe taket) slik at vi får oppsett der to og to par er vendt mot kvarandre. Dersom ein droppar oppbydingsdelen, stiller ein opp slik med ein gong. Dei para som har ryggen mot musikken er einarpar, og dei som har fronten mot musikken toarpar. 1. Ring med og mot sola Dei to para som står mot kvarandre tar saman med lette taket og dansar 3 stoppesteg i ring med sol. På tredje steget snur dei mot kvarandre og helsar lett på fjerde steget på den som står rett over. Så dansar dei likeeins tilbake i ring mot sola med lett helsing til slutt. 2. Byte plass med oppsettet i andre rekkja Oppsetta skal no byte plass med det oppsettet som står rett overfor i den andre rekkja. Einarparet dansar føre

9 (parvis arm i arm) og toarparet følgjer etter. Dei vik til høgre for dei para dei møter frå andre rekkja. Dei brukar 4 stoppesteg til å byte side, og 3 stoppesteg med lett helsing på fjerde steget for å kome inn på plass slik at dei igjen står rett overfor kvarandre. 3. Kjede Dei to para dansar no ei rask høgrehandskjede og brukar 8 bytomfotsteg frå trippevals. På åttande steget svingar dei inn på plass med lett helsing, og tar samtidig "arm i arm". 4. Byte plass tilbake Oppsetta byter no plass tilbake på same måten som i tur 2. Høgrekøyring også no. 5. Høgre hands mølle med og mot sola Dei to para tar saman til høgre hands mølle (lette taket, gut med gut og jente med jente). Så dansar dei 6 bytomfotsteg frå polonese med sola. Dei slepper taket, trør sluttsteg mot sentrum av mølla og helsar lett mot den som er rett overfor (gut mot gut, jente mot jente). Så dansar dei tilsvarande venstre hands mølle motsols tilbake. Frå gamalt var det vanleg å syngje slik i mølla: "Alting i verden jeg så jeg glemmer, men pigerne glemmer jeg aldrig". (Omsett til nynorsk: "Allting i verda eg såg eg gløymer, men jentone gløymer eg aldri.") 6. Vals og byte plass Dei to para i oppsettet dansar no vals tett rundt kvarandre (samdanstak I). Einarpara stopper vendt mot det oppsettet som er ein plass lenger frå musikken enn dei sjølve. Tilsvarande rykkjer toarpara ein plass oppover mot musikken og møter der eit nytt par. Desse to para vert no eit nytt oppsett. Einarparet er einarpar "heile tida" og sameleis toarparet. (Heilt til dei kjem til enden og står over ein omgang.) Veva vadmål Dansen står i "Danse danse dokka mi" av Klara Semb (1958). Ein leikprega dans. Vi stiller opp i to rekkjer (gjerne 8 par), gutane til venstre sett frå musikken, og jentene til høgre. ca 2 m mellom rekkjene når vi ikkje held saman. Vi deler inn i einar- og toar-par. Der det er naturleg flytter alle seg oppover mot musikken sidelengs med små steg i takt med musikken. Vi startar overalt på venstre foten. 1. Renninga. Øvste paret tar saman med lette taket og spring ned mellom radene, vik av til høgre, og med hendene høgt løfta spring dei oppover mot musikken igjen på kvar si side av jenterada. Vidare spring dei nedover på begge sider av guterada på tilsvarande måte og stiller seg nedst på kvar si rad. Når første verset av musikken er ferdig (etter 36 steg), startar neste par på same måte osb. Ein kan også starte neste paret tidlegare, til dømes etter 12 steg. 2. Spolinga. Øvste paret spring mot kvarandre, tar høgre hands armkrok og spring rundt kvarandre midt mellom radene på 6 springsteg. Så dansar guten rundt med neste jenta med venstre hands armkrok på 6 springsteg, medan jenta dansar rundt med neste gut tilsvarande. Så dansar dei igjen med høgre armkrok rundt kvarandre midt mellom radene på 6 springsteg, osb. Når dei har komne heilt ned, dansar dei rundt og inn på plass. Når ein har dansa 36 springsteg, byrjar neste par å danse på same måten som første paret. 3. Skytlane. Her dansar alle para samstundes. I det same vi startar, dansar vi mot kvarandre og tar saman parvis begge i begge. Einarpara dansar no i sikssak nedover (frå musikken), og toarpara oppover (mot musikken). Einargutane byrjar med å dytte jenta på skrå bakover (vik av mot venstre), medan toarjentene dyttar sin gut bakover (vik av til høgre). Vi brukar 6 steg til kvar smetting, og så byter gut/jente rolle. Når eit par er kome nedst, står dei i ro i 6 taktdeler og så byrjar guten å dytte jenta si bakover. Når eit par er kome øvst, dansar dei først over til andre sida, og dei står dei i ro i 6 taktdeler, før dei held fram på vanleg måte. Turen er ferdig når alle er tilbake på sin gamle plass. 4. Veften eller Isletten. Rett før turen byrjar snur alle einarpara seg frå musikken og toarpara mot musikken, og toarpara løfter armane høgt til port slik at einarpara kan smyge under. Alle byrjar samstundes. (Normalt held vi saman med berre ei hand så blir det lettare å lage port.) Vi bruker 6 steg til ei smyging og 6 til port. (Men vi kan også danse dobbelt så raskt, 3 steg på smyging og 3 på port.) Når vi er komne øvst eller nedst, snur vi og står i ro i 6 taktdeler før vi byrjar att. Turen kan gjerne dansast to gonger eller ein gong. 5. Stampinga. Vi har same oppstillinga som i 3. turen, men vi held armane i om lag akslehøgd. Øvste paret bøyer seg og dansar nedover under dei låge portane. Vi kan dunke lett på ryggen til dei som passerer under. Etter 6 steg byrjar neste par. Når alle er tilbake der vi starta, er turen slutt. 6. Opprullinga. Her har vi igjen same utgangsstilling som i 3. turen. Vi skal rulle saman veven og etterpå teste

10 styrken. Øvste guten slepper handtaket med venstre hand, snur mot venstre og byrjar med appell på venstre fot (det gjer også jenta). Så dansar dei ut og nedover langs guterada med jenta etter guten. Når dei har dansa 6 steg, dansar par2 sameleis, og gut2 tar saman med jente1 med vanleg leietak. Når par1 er komne nedst, heldt dei fram oppover mot musikken på utsida av jenterekkja, heilt til alle er komne ut i rekkje. Då stoppar 1. paret med fronten mot kvarandre, og samtidig byrjar jente8 å springe i stor ring rundt par1 slik at alle etter kvart rullar seg rundt førsteparet (ståparet). Dette heldt fram heilt til alle er samla i ein rull. Då smetter gut1 ut gjennom rullen og drar jenta si og resten ar rekkja med seg. Når dei er utkomne, spring dei i ring med sola og tek til slutt saman med jente8 slik at det blir ein ring. 7. Prøve styrken på veften. No hektar vi saman armkrokane på kvarandre og dansar små sidesteg med sola og vi må ikkje sleppe taket. Det er også vanleg å danse raske utfall framover mot dei andre slik at det blir liv/røre og rykkingar i ringen. Innherredspols (norsk) (Slik dansen vart dansa på video/omtala til Nordlek i Steinkjer 2012) Motiv 1. Framover. Vi dansar frammover på motsols ring 4 dansesteg slik som i Mannen og konen. Armane i olbogehøgd. Motiv 2. Eintakts runddans. (Asynkron snu SsS/sSS) Guten startar med eit langt steg med venstre foten og snur seg for å kome godt framfor og rundt jenta, og trør ned på venstre foten (S) på utsida og litt bakom høgre foten til jenta. På andre taktslaget slepp han seg ned med ein djup svikt (s) medan han vrir venstre foten i danseretninga. Høgre foten vert plassert parallelt med V foten. Guten har no ryggen i danseretninga. Han vrir deretter H foten og slepp seg ned med full tyngd framover i danseretninga (S), mellom føtene til jenta, og bruker denne krafta nedover som ein sats til ei kraftig strekking og førebuing til å koma seg langt rundt jenta. På første taktslaget står jenta på plassen og ventar til guten kjem rett framfor henne, samtidig som ho sviktar på V-foten og plasserer H-foten mellom føtene på guten. På andre taktslaget slepper ho seg ned på H-foten (S), og brukar denne krafta nedover som ein sats til ei kraftig strekking, slik at ho på tredje taktslaget får til å ta eit langt steg med V-foten rundt guten. Ho trør ned på V-foten på utsida av H-foten til guten, slik at ho har ryggen i danseretninga. Det er på tredje taktslaget at det meste av snuen hennar kjem. Kadrilj från Landskrona (svært mykje brukt svensk kvadrilje) (Finst på Internett) Oppstilling: Vi står parvis i firkant, til dømes 8 par, 6 par, 10 par eller 4 par. Vi held høgre i høgre. Ved firurering har gutane hendene ved sida, jentene tar i skjørtet. Når vi dansar rundt har vi valsfattning (= samdanstak 1). Ved støt tar gutane tak i vesten med begge hendene. Vi brukar gåsteg eller hoppsteg etter eige val. Hurresteg. Dei som står mot/frå musikken er premiær, dei andre sekundær. Tur 1A. Stor ring. Vi dansar først i stor motsols ring (takt 1-8), og tilbake igjen (takt 1-8). Vi kan svinge med hendene. Så dansar vi hurresteg med eigen (takt 9-16). Tilbake til firkantoppstilling til slutt. Tur 1B. Støt. Med høgre i høgre dansar premiærane (starte på ytre fot) tre steg mot kvarandre, vender brått på fremre foten (guten medsols og jenta motsols) og dansar tre steg tilbake (byrje på yttre fot) og snur inn på plass. Så dansar sekundærane det same. Tur 1C. Figurering. Premiær. Dei dansar mot motståande to bytomfotsteg, først med front mot kvarandre, så med rygg mot kvarandre. Så dansar dei tilbake på to bytomfotsteg med vending. Så dansar dei på tilsvarande måte med 2 bytomfotsteg og 4 gåsteg og byter plass med dei som står midt imot i kvadriljen (venstrekøyring). Jenta står no på guten si venstre side. Så dansar dei tilbake til eigne plassar på tilsvrande måte, men no byrjar guten på høgre fot og jenta på venstre. Tur 1D. Støt. No dansar alle støt, men no byrjar sekundærane, og så premiærane. Tur 2A. Jenteringen. Jentene tar saman til indre ring og dansar med hoppsteg først medsols 8 takter, og så motsols 8 takter. Gutan står på staden og klappar i hendene og trampar med høgre foten to gonger per takt. Så dansar vi hurresteg med eigen (takt 9-16). Tilbake til firkantoppstilling til slutt. Tur 2B. Støt. Som 1B, sekundærane byrjar. Tur 2C. Figurering. Sekundær. Som i 1C. Tur 2D. Støt. Premiærane byrjar. Tur 3A. Guteringen. Gutane går i indre ring ein gong rundt medsols, med venstre hand i sida, og markerer takta med høgre hand oppe i lufta. Jentene står på staden og klappar i hendene. Så dansar vi hurresteg med eigen (takt 9-16). Tilbake til firkantoppstilling til slutt. Tur 3B. Støt. Som 1B, premiærane byrjar. Tur 3C. Figurering. Premiærane. Som i 1C. Tur 3D. Støt. Sekundærane byrjar.

11 Tur 4A. Kvar med sin. Gutane stiller seg framfor jentene sine og dansar med fritt valde steg og fakter i takt med musikken (16 takter). Så dansar vi hurresteg med eigen (takt 9-16). Tilbake til firkantoppstilling til slutt. Tur 4B. Støt. Som 1B, sekundær byrjar. Tur 4C. Figurering. Sekundærane. Som i 1C. Tur 4D. Støt. Premiærane byrjar Tur 5A. Stor ring. Vi dansar først i stor motsols ring (takt 1-8), og tilbake igjen (takt 1-8). Vi kan svinge med hendene. Så dansar vi hurresteg med eigen (takt 9-16). Sekstur II (frå Namdalen) Dansen står i Norske Folkedansar - turdansar (1991). Vi stiller parvis på to rekkjer med det lette taket. Inndeling: 1, 2, stå. Stoppesteg og vals. Vi byrjar med venstre fot. Jenta held i stakken og guten har lavt hoftefeste. Samdanstak I. Vi startar på venstre foten "over alt". Vanleg rekkjedansprogresjon. Ved første gongs gjennomdansing dansar vi den første delen av dansen litt annleis enn i dei andre omgangane. Ved første gongs gjennomdansing: 1a. Einargut over, helse og vals Gut 1 dansar 3 stoppesteg over til jente 2, gjer lett helsing på 4. takta og dei to dansar 4 takter vals og stiller seg på plass mellom rekkjene med ryggen til musikken. 1b. Toerguten over, helse og vals Når gut 1 er ferdig, dansar gut 2 3 stoppesteg over til jente 1, gjer lett helsing på 4. takta, og dei to dansar 4 takter vals og stiller seg på plass mellom rekkjene til høgre for det andre paret med ryggen til musikken. 2. Ned mellom rekkjene og oppatt Dei to para dansar no (alle held saman med det lette taket) nedover frå musikken på 4 stoppesteg, snur brått 1/2 gong rundt på fjerde steget (mot venstre), og dansar oppover att på 4 stoppesteg. 3. Kjede, djup helsing og vals Dei tar saman med eigen til høgrehands kjede og dansar 8 stoppesteg. Så gjer dei djup helsing med eigen, og dansar vals på staden tett rundt kvarandre, slik at dei til slutt har bytt plass (dei står framleis inne mellom rekkjene). Vanlege påføljande gjennomdansingar: Under tur 1 skjer det til dels fleire ting samtidig. 1. Einargut (og toargut) over, helse og vals. Trearguten tilbake på plass. Gut 1 kryssar no venstre fot over, helsar lett på toarjenta (eitt stoppesteg + lett helsing) og dansar på plass mellom rekkjene på 6 takter vals. På dei første 4 taktene dansar ståarguten bakover til guterekkja på 4 stoppesteg. Toarguten står i ro dei 4 første taktene, dansar så på skrå over til jente 1 på 3 stoppesteg og lett helsing, og så dansar dei på plass ved sida av det andre paret på 8 valsesteg. 3. Ned mellom rekkjene og oppatt (likt med første omgang) Dei to para dansar no (alle held saman med det lette taket) nedover frå musikken på 4 stoppesteg, snur brått 1/2 gong rundt på fjerde steget (mot venstre), og dansar oppover att på 4 stoppesteg. 4. Kjede, djup helsing og vals (likt med første omgang) Dei tar saman med eigen til høgrehands kjede og dansar 8 stoppesteg. Så gjer dei djup helsing med eigen, og dansar vals på staden tett rundt kvarandre, slik at dei til slutt har bytt plass (dei står framleis inne mellom rekkjene). Molevitt fra Ærø Grunnsteget i Molevitt: 1) Høgre fot fram, 2) En liten dvælen (venstre inntil), 3) Venstre fot fram, 4) Høgre fot litt fram forbi venstre, 5) Venstre litt fram forbi høgre, 6) En liten dvælen. Steget kan også dansast bakover, på staden og med snuing. Steget skal vere roleg og fremadskridende. Foten som blir sett i golvet, skal ha heile kroppstyngda. Eit molevittsteg går over to takter av musikken.

12 Oppstilling: Alle står parvis på lang rekkje med høgre side til fronten (musikken). Det lette taket. Jentene held litt i kjolen under heile dansen. Forspel og kompliment. Alle står avventande (takt 1-4). Lett kompliment (5-8). Innleiing: Alle dansar eit molevittsteg bakover (1-2). Så fører guten jenta i ein liten boge framfor seg på eit molevittsteg (3-4). Alle dansar eit steg på staden (5-6). Alle dansar eit steg bakover (7-8), og slepper kvarandre. Dei står no på to rekkjer. Grunnfigur. Alle dansar eit molevittsteg på skrå fram mot venstre, og ender opp med front mot eigen partner og venstre forside mot neste motståande dansars venstre forside, dvs gutane halvt vendt mot fronten og jentene halvt vendt frå fronten (9-10). Så dansar alle eit steg på skrå tilbake på plass (11-12). Så dansar alle forbi eigen partner (på venstre side) på eit steg (13-14), vendt mot kvarandre idet vi dansar forbi. Så dansar alle eit steg med vending motsols slik at vi blir ståande på venstre fot ut for eigen dansar, med venstre forside vendt mot kvarandre (15-16). Så dansar vi eit steg på staden (9-10). Og til slutt bakover ut på rekkje (11-12) Dei to rekkjene har no bytt plass. Dansen held no fram med grunnfigur til fordansaren (1. gut) klappar i hendene. Det gjer han når han skal byrje frå starten på grunnfiguren, (dvs når han er på høgre side sett frå fronten), til dømes når grunnfiguren byrjar 5. gongen, (når musikken byrjar frå starten). Variasjon. Eit molevittsteg fram og tilbake (1. gut byrjar med klapp) (1-4). Vi tar høgre i høgre og dansar på to molevittsteg ½ gong rundt medsols, og sluttar med venstre forside mot venstre forside. (5-8). Vi dansar eit molevittsteg til på staden (held framleis saman) (1-2), og så eit molevittsteg bakover (slepper taket) (3-4). Rekkjene har no bytta plass. Så dansar vi eit steg fram mot venstre og eit steg tilbake på plass (5-8). Vi tar saman venstre i venstre og dansar rundt ½ gong med eigen, denne gongen motsols, på to molevittsteg (9-12). Så eit molevittsteg på staden, og eit bakover (13-16). Dermed har rekkjene igjen bytta plass. No held dansen fram med grunnfigurar til gut 1 igjen klappar som teikn på at no skal dansen slutte. Det kan til dømes skje når grunnfiguren igjen byrjar for 5. gong, dvs på takt 9. Slutten. Vi dansar eit molevittsteg skrått framover til venstre (gut 1 klappar), og eit steg på skrå tilbake (9-12). Så tar vi saman med begge hendene og dansar ein heil gong rundt medsols på to molevittsteg. Komplement på siste tone. Det er ikkje fast regel for kor mange gonger grunnfiguren blir dansa. Etter molevitten skal det normalt dansast vals. Drapers garden (Kleshandlerens hage) (Mange videoar på Youtube) Engelsk countrydance. Vals. Oppstilling på lang rekkje, gutane på høgre side sett frå musikken, jentene på venstre side. Inndeling 1, 2, 1, 2.. Vanleg rekkjedansprogresjon. Dansen går samanhengande utan stans, og musikken tilseier god svikt på taktslag 1. Musikken kan vere rask og sakte. Del 1. Set and turn. Gut1 og jente2 dansar mot kvarandre set and turn, først mot høgre så mot venstre, og så ein heil gong rundt seg sjølv medsols. Så tar dei saman begge i begge og dansar rundt kvarandre medsols og ryggar inn på vanleg plass (8 taktar). Så dansar gut2 og jente1 tilsvarande. Del 2. Byte plass og halv ring, Jente1 og jente2 tar saman begge i begge og byter plass medsols på 2 valsesteg (gutane står i ro). Så snur gut1 og gut2 mot kvarandre og byter plass på same måte. Så tar alle 4 saman til ring og dansa rein halv gong rundt, slepper taket og rygger inn på plass på rekkja (8 takter). Del 3. Halv kjede og par1 rundt. Så dansar vi halvkjede med eigen (høgre i høgre), og vidare med den vi møter (same kjønn, venstre i venstre) og snur inn på plass (4 takter). Til slutt tar par1 saman (lette taket), dansar mot musikken, rundt par2 ovanfor seg og inn på plass att. Så byrjar dansen på nytt. Oppdalsril Dansen står i Norske Folkedansar - turdansar (1991). Rilste, figurersteg. Vi startar på venstre foten "over alt". Tre dansarar står i ring med det lette taket. Vi går ut frå at det er ein gut og to jenter. 1. Ring med og mot sola Vi dansar i ring med sola (startar på venstre), 6 hoppsteg frå ril, og 3 appellar. Så dansar vi tilsvarande tilbake motsols (startar på høgre)22 2. Smygeturen

13 Guten trør ein fast appell, slepper handtaka, snur seg ½ gong rundt mot høgre, så han får ryggen inn i ringen, og tar saman det lette taket med dei to jentene att.så løfter guten venstre armen og smyg baklengs under, dreg med seg høgrehandsjenta først og så venstrehandsjenta, og så snur guten til slutt under eigen høgre arm medan han dansar seg inn på plass. Dette dansar dei ein gong til. (Til saman 16 hoppsteg)3 3. Figurering Alle slepper kvarandre og stiller på ei bein linemed guten i midten. Guten vender gjerne mot si høgrehandsjente først. Så figurerer guten og jenta som står mot kvarandre. Guten har armane i kryss over brystet medan jentene tek hoftefeste med tommelen fram. Guten figurerer med 8 figurersteg og jenta med 8 rilsteg. Den andre jenta snur ryggen til og står i ro. Så snur guten seg mot den andre jenta, som snur seg mot guten og dei figurerer, medan den andre jenta snur seg frå og står i ro.4 1. Kjede med 16 hoppsteg Vi dansar så kjede med 3 og brukar lett handtak. Guten gir høgre handa til jenta han sist figurerte med, dansar rundt med henne ½ gong, så dansar han ½ gong rundt med den andre jenta. Så dansar dei dette ein gong til på til saman 16 hoppsteg. Dansen blir dansa ein gong til. Einaste skilnaden er at no nyttar vi olbogetak i staden for det lette taket i siste turen. Vals på Sunnanø Svensk turdans vals (Det går en dans på Sunnanø). Ein nokså ny dans, laga av Stig Ingelsgård. Dans på stor ring. Bytedans. Lært av Mikke i Stockholm i pinsa Vi står parvis på stor ring. Over alt valsesteg. Del 1. Alle held saman parvis på stor ring med det lette taket, front i danseretningen. Vi dansar 4 valsesteg framover langs ringen (ikkje peikesteg). Så dansar vi 4 valsesteg to gonger rundt medsols. Dette dansar vi ein gong til. (2 x 8 takter) Del 2. Vi held saman med det lette taket og jenta dansar rundt under armen (medsols) på 2 valsesteg, så snur vi mot kvarandre (jenta ryggen ut av ringen) og tar samdanstak 1 og dansar 2 sidesteg i danseretninga, og så rundt saman to gonger på 4 valsesteg. Dette dansar vi ein gong til, men no er det guten som går rundt under armen (motsols). (2 x 8 takter). Del 3. Alle tar saman med det lette taket på stor ring med fronten inn i ringen, og vi dansar vanleg einkel norsk familievals 1 gong (mot framand, mot eigen, mot framand mot eigen, og 4 valsesteg to gonger rundt med framand og byte plass). (8 takter). Så byrjar dansen på nytt.