KONKURRANSEGRUNNLAG. Anskaffing etter FOA del I. for anskaffing av. Veterinærvakttenester. for levering til

Transkript

1 KONKURRANSEGRUNNLAG Anskaffing etter FOA del I for anskaffing av Veterinærvakttenester for levering til Stranda kommune (som driftsansvarleg kommune for Ålesund og Stranda veterinærvaktdistrikt)

2 INNHALD 1 GENERELL SKILDRING Om oppdragsgivar Føremålet med kjøp av tenesta Kontraktperiode Oppbygging av konkurransegrunnlaget Tidsfristar REGLAR FOR GJENNOMFØRING AV KONKURRANSEN Regelverk som gjeld og anskaffingsprosedyre Kunngjering og melding om interesse Tilleggsopplysningar Rettingar, suppleringar eller endring av konkurransegrunnlaget Offentlegheit og teieplikt Vedståingsfrist KVALIFIKASJONSKRAV Skatteattest Tekniske og faglege kvalifikasjonar til leverandøren INFORMASJON OM OPPDRAGET OG KRAV TIL YTINGA Kravspesifikasjon Tal avtalar TILDELINGSKRITERIUM Innlevering av tilbod og tilbodsutforming Innlevering av tilbod Rett til å inngi fleire tilbod og krav til å spesifisere namngitt veterinær Utforminga av tilbodet Vedlegg... 8 Vedlegg 1: Tilbodsskjema Vedlegg 2: Kravspesifikasjon Vedlegg 3: Kontraktdokument Vedlegg 4: Standard kontraktvilkår Vedlegg 5: Formular ved tildeling av støtte... 18

3 1 GENERELL SKILDRING 1.1 Om oppdragsgivar Oppdragsgjevar er kommunane som inngår i Ålesund og Stranda veterinærvaktdistrikt. Stranda kommune er vald til driftsansvarleg kommune av dei andre kommunane som er med i veterinærvaktdistriktet. Vaktdistriktet omfattar kommunane Ålesund, Sula, Sykkylven, Giske og den vestlege fastlandsdelen av Haram kommune i tillegg til Stranda. Oppdragsgivar sin kontaktperson for anskaffinga er: Namn: e-post Åshild Fløisand aaf@sands.no Eventuelle spørsmål skal rettast skriftleg til kontaktpersonen gjennom e-post. 1.2 Føremålet med kjøp av tenesta Kommunane har ansvar for å organisere ei klinisk veterinærvakt. Ordninga med veterinærvakter er etablert i samsvar med lov 15. juni 2001 nr. 75 om veterinærer og annet dyrehelse-personell 3 a. Ordninga med veterinærvakter skal sikre at det i kommunal/interkommunal regi vert etablert klinisk vakt for veterinærar i alle delar av landet slik at naudsynt veterinærhjelp kan skaffast utanom ordinær arbeidstid. Veterinærvakta er ein naudsynt del av vernebuinga mot alvorlege smittsame dyresjukdommar og viktig for å oppretthalde god dyrevelferd. Tildeling av vakttenestene har tidlegare skjedd i samsvar med ein avtale mellom Den norske veterinærforeining (DNV) og KS. Avtalen vart avslutta Etter dette vart avvikla i 2012, vert no avtalar mellom vaktdistrikta og veterinærane etablert som ordinære kjøp av tenester. Det er oppretta 160 vaktdistrikt, i tillegg fem vakter i «bynære strøk». I mangel på eksakte opplysningar om anskaffinga, er verdien av tenesta for Ålesund og Stranda veterinærvaktdistrikt er sett til kr, som er den summen Fylkesmannen betalar ut til vaktdistriktet i 2018, og fordelt slik (kr): Vakttilskott Sesongtillegg Adm. tilskott Totalt For avtaleperioden (4 år) vil dette utgjere om lag 4 MNOK (vakttilskott). Posten administrasjonstilskott omfattar både tilskot under rammeavtalen og Stranda kommune sitt vederlag for administrasjon. Det er såleis ikkje heile beløpet som er ein del av vakttilskottet. Tenestekjøpet («anskaffelsen») gjeld levering av veterinærvakttenester i Ålesund og Stranda veterinærvaktdistrikt som omfattar

4 følgjande kommunar/område: Ålesund, Sula, Sykkylven, Giske, Stranda og den vestlege fastlandsdelen av Haram kommune. For å dekkje opp behovet for veterinærar i vaktordninga, vil det bli inngått minimum 4 avtalar i denne konkurransen. Meir informasjon om føremålet med kjøp av denne tenesta, omfanget av den og om vaktdistriktet er teke inn i vedlegg nr. 2 Kravspesifikasjon. 1.3 Kontraktperiode Kontrakten varer i 4 år. Oppstart er avhengig av framdrifta i konkurransen, men vi reknar med i løpet av første kvartal 2018 og innan utlaupsperioden for gjeldande kontrakt (31. mars, 2018). 1.4 Oppbygging av konkurransegrunnlaget Konkurransegrunnlag består av dette dokumentet, og i tillegg følgjande vedlegg: Vedlegg 1: Tilbodsskjema Vedlegg 2: Kravspesifikasjon Vedlegg 3: Kontraktdokument Vedlegg 4: Standard kontraktvilkår Vedlegg 5: Formular ved tildeling av støtte 1.5 Tidsfristar Oppdragsgivar har lagt opp til slike tidsrammer for prosessen: Aktivitet Tidspunkt Frist for å stille spørsmål til konkurransegrunnlaget Tilbodsfrist kl. 12:00 Evaluering og eventuelle forhandlingar Veke 9 Val av leverandør og kunngjering til leverandørar Veke 10 Kontraktsinngåing Veke 12 Vedståingsfrist for tilbodet kl. 12:00 Leveranse Ein gjer merksam på at tidspunkta etter tilbodsfrist er førebelse og kan bli justerte. Ei eventuell forlenging av vedståingsfristen for tilbodet kan berre skje dersom leverandøren godkjenner dette. 2 REGLAR FOR GJENNOMFØRING AV KONKURRANSEN 2.1 Regelverk som gjeld og anskaffingsprosedyre Anskaffinga blir gjennomført i samsvar med lov om offentlige anskaffelser av 17. juni 2016 (LOA) og forskrift om offentlige anskaffelser (FOA) FOR del I. Tenesta er dyrlegeteneste som har CPV kode Etter FOA vedlegg 3 er dette ei helse- og sosialteneste som fell utanfor FOA del II og III. Anskaffinga vert

5 grunna verdi regulert av FOA del I, ettersom terskelverdien for å falle inn under FOA del IV er 6,3 millionar kroner. Oppdragsgivar har ein rett, men inga plikt, til å gjennomføre forhandlingar. Dersom oppdragsgivar vel å gjennomføre forhandlingar, kan det vere med ein eller fleire av leverandørane av tilbod til konkurransen. Forhandlingane vil kunne gjelde alle sider av tilboda. Utveljinga av kven det skal forhandlast med, vil bli gjort etter ei vurdering av tildelingskriteria. Forhandlingar blir ikkje gjennomførte dersom oppdragsgivar, etter at tilboda er mottekne, vurderer at forhandlingar ikkje er føremålstenlege. Dialog i form av rettingar/avklaringar blir gjennomført ved behov. Leverandøren blir på det sterkaste oppmoda til å følgje dei rettleiingane som blir gitt i dette konkurransegrunnlaget med vedlegg og eventuelt stille spørsmål ved uklare punkt per e-post til kontaktperson. 2.2 Kunngjering og melding om interesse Dette er ein konkurranse etter FOA del I, det er ikkje gjennomført kunngjering i doffin. Kravet om å sikre konkurranse om oppdraget er sikra gjennom at konkurransen er gjort kjent på heimesidene til dei involverte kommunane. For at oppdragsgivar skal ha oversikt over kven som er interesserte i å delta i konkurransen og for at det skal vere mogleg å sende ut eventuelle tilleggsopplysningar til deltakarane, må aktuelle deltakarar melde si interesse for konkurransen til oppdragsgjevar sin kontaktperson per e-post. Dersom ein ikkje melder si interesse til kontaktpersonen, vil ein ikkje få tilsendt eventuelle tilleggsopplysningar og suppleringar av konkurransegrunnlaget. Dette er i så tilfelle den aktuelle deltakar sin eigen risiko. 2.3 Tilleggsopplysningar Dersom leverandøren finn at konkurransegrunnlaget ikkje gir tilstrekkeleg rettleiing, kan han/ho skriftleg be om tilleggsopplysningar hos oppdragsgjevar ved oppdragsgjevar kontaktperson, sjå punkt 1.1.Dersom det vert oppdaga feil i konkurransegrunnlaget, ber ein om at dette vert formidla skriftleg til oppdragsgjevar sin kontaktperson. Skriftleg førespurnad om tilleggsopplysningar skal merkast: Tilbodskonkurranse om veterinærvakttenester» og sendast til oppdragsgjevar sin kontaktperson pr. e-post. 2.4 Rettingar, suppleringar eller endring av konkurransegrunnlaget Innan utlaupet av tilbodsfristen har oppdragsgjevar rett til å gjere rettingar, suppleringar og endringar av konkurransegrunnlaget som ikkje er av vesentleg karakter. Rettingar, suppleringar eller endringar i konkurransegrunnlaget vil bli sendt til alle som har meldt interesse for konkurransen jf. Punkt 2.1 ovanfor.

6 2.5 Offentlegheit og teieplikt For ålmenta sitt innsyn i dokument knytte til ei offentleg anskaffing, gjeld offentleglova. Oppdragsgivar og tilsette der pliktar å hindre at andre får tilgang eller kjennskap til opplysningar om tekniske innretningar og framgangsmåtar eller driftsog forretningsforhold det vil vere av konkurransemessig verdi å halde løynd, jf. FOA 7-3 og 7-4 og, jf. forvaltningslova Vedståingsfrist Leverandøren må vedstå seg tilbodet sitt til det tidspunktet som er oppgitt i pkt. 1.5 ovanfor. 3 KVALIFIKASJONSKRAV 3.1 Skatteattest Krav Norske leverandørar skal ha ordna forhold med omsyn til betaling av skatt, arbeidsgjevaravgift og meirverdiavgift. Dokumentasjonskrav Skatteattest, ikkje eldre enn 6 mnd. 3.2 Tekniske og faglege kvalifikasjonar til leverandøren Krav Dersom leverandøren er eit enkeltmannsføretak skal innehavaren vere autorisert veterinær. Dersom leverandøren er eit føretak, skal den veterinæren som skal utføre vaktene på vegner av selskapet vere autorisert veterinær. Dokumentasjonskrav Dokumentasjon på autorisasjon for veterinæren. 4 INFORMASJON OM OPPDRAGET OG KRAV TIL YTINGA 4.1 Kravspesifikasjon Den veterinærvaktordninga det her vert søkt veterinærar til, er eit framhald av eksisterande vaktordning. Krava til den tenesta som skal utførast, utstyr og systemet for vaktordninga er omtala i kravspesifikasjonen, sjå Vedlegg 2.

7 4.2 Tal avtalar Vaktordninga i dette distriktet tilseier at det bør inngåast minimum 4 vaktavtalar. Det er opp til oppdragsgjevar å velje om ein vil inngå avtale med 4 eller 5 veterinærar. Dersom det ikkje kjem inn gyldige tilbod frå minst 4 kvalifiserte tilbydarar, kan oppdragsgjevar tildele til eit lågare tal, og kan så velje å gjennomføre ein suppleringskonkurranse i kontraktperioden. Om oppdragsgivar vel å tildele til 4, kan ein også seinare i perioden utvide talet i kontraktperioden dersom oppdragsgivar finn dette føremålstenleg eller naudsynt. 5 TILDELINGSKRITERIUM Prisen for vakttenestene er fast. Det skal difor ikkje gjevast tilbod på pris, og prisen skal difor heller ikkje takast opp til forhandling. Tildelinga skjer på basis av kva for tilbod som er best basert på følgjande kriterium: Kriterium Relevant veterinærkompetanse At tilbudd veterinær har norsk autorisasjon er eit kvalifikasjonskrav, jf. punkt 3.2. Slik autorisasjon er naudsynt for å kunne utføre oppdraget. At autorisasjon ligg føre vil ikkje bli vurdert under tildelingskriteriet kompetanse. Under kriteriet kompetanse vil oppdragsgjevar derimot vurdere den aktuelle veterinær si dokumenterte erfaring frå klinisk veterinærpraksis med behandling av aktuelle dyreslag (ku, sau, geit, hest, gris og smådyr). Vekt Dokumentasjonskrav (%) CV (utdanning, tilleggsutdanning, praksis). Anna relevant dokumentasjon, som t.d. attester eller stadfesta oppdrag. Erfaring frå behandling av produksjonsdyr er særleg viktig i dette vaktdistriktet, og vil bli vekta høgt. For å vurdere kompetansen vil ein vidare sjå på relevant tilleggsutdanning. Erfaring frå tilsvarande vaktordning og skildring av oppgåveforståing Under dette kriteriet vil ein vurdere erfaring frå tilsvarande vaktordning, samarbeidsevne, samt eiga skildring av oppgåveforståing. I teksten som skal vere maks 2 A-4 sider skal veterinæren skildre korleis vedkommande vil medverke til ei god løysing av oppdraget, og korleis vedkomande vil bidra til eit godt samarbeid i teamet. Det er mogleg å trekkje inn tidlegare erfaringar i skildringa Dokumentasjon (t.d. attester og referansar) og skildring av erfaring med tilsvarande vaktordning, som også viser tilbydar si evne til samarbeid. Oppgåveforståing, maks 2 A-4 sider.

8 Kriterium Vekt (%) Dokumentasjonskrav 6 Innlevering av tilbod og tilbodsutforming 6.1 Innlevering av tilbod Tilbodet skal leverast per e-post til denne adressa: aaf@sands.no 6.2 Rett til å inngi fleire tilbod og krav til å spesifisere namngitt veterinær Leverandøren må i kvart einskilt tilbod spesifisere kva for namngitt veterinær ein tilbyr til å utføre vakttenestene. Namnet skal gå fram av tilbodsskjema, jf. Vedlegg 1. Dersom ein leverandør har fleire veterinærar som er ønskt inn i ordninga, kan leverandøren levere inn fleire tilbod, kvart med ein namngjeven veterinær. Kvart einskilt tilbod vil så bli vurdert som eit sjølvstendig tilbod og bli vurdert opp mot alle andre tilbod som kjem inn i konkurransen. 6.3 Utforminga av tilbodet Det blir bedd om at tilbodet blir utforma i samsvar med den disposisjonen som følgjer av dette konkurransegrunnlaget. Leverandør er sjølv ansvarleg for at alle spørsmål, krav og avklaringspunkt blir svara på / skildra og dokumenterte i tilbodet. Tilbodet skal utformast med denne disposisjonen: Signert og utfylt tilbodsskjema (vedlegg 1) Skatte- og MVA-attest Autorisasjon All dokumentasjon som er naudsynt for at oppdragsgjevar skal kunne vurdere tilbodet i høve til tildelingskriteria, sjå pkt. 5 Eigenfråsegn om mottak av offentleg støtte, sjå kravspesifikasjonen pkt. 6. Formular som er lagt ved som vedlegg 5 skal fyllast ut og leggjast ved tilbodet. 7 Vedlegg Vedlegg 1: Tilbodsskjema (fyll ut og lever inn) Vedlegg 2: Kravspesifikasjon Vedlegg 3: Kontraktdokument Vedlegg 4: Standard kontraktvilkår

9 Vedlegg 5: Formular ved tildeling av støtte (fyll ut og lever inn)

10 Vedlegg 1: Tilbodsskjema Leverandøren skal fylle ut tabellen og signere under tabellen. Firmanamn: Org.nummer: Postadresse: Besøksadresse: Telefonnummer: Kontaktperson: Telefonnummer: Mobilnummer: E-postadresse: Tilbydd veterinær: Leverandøren nemnt over gir med dette vedlagde tilbod i samsvar med dei vilkåra som kjem fram av konkurransegrunnlaget. Vi vedstår oss tilbodet vårt til den datoen som er angitt i konkurransegrunnlaget. Tilbodet kan aksepterast av oppdragsgivar når som helst fram til utlaup av vedståingsfristen. Stad Dato Underskrift Namn med blokkbokstavar

11 Vedlegg 2: Kravspesifikasjon 1. Omtale av tenesta som skal ytast Veterinærane i vaktordninga pliktar å utføre tenesta i tråd med dei krava som er stilte til veterinærar i lov av 15. juni 2001 nr. 75 om veterinærer og annet dyrehelsepersonell (dyrehelsepersonelloven). Deltakar i veterinærvakta som har vakt, skal vere tilgjengeleg, vere budde til og syte for utan ugrunna opphald å: a) oppfylle hjelpeplikta etter dyrehelsepersonelloven 14, b) yte veterinærhjelp innan det området vakta omfattar før neste kvardag av dyrehelse-, dyrevern- eller næringsmessige omsyn, og c) ivareta offentlege interesser, her under utføre friviljuge eller pålagde enkelttenester for det offentlege mot avtalt godtgjersle. Sjå elles pkt Deltakar i veterinærvakta som ikkje har vakt og som ikkje tek oppdraget sjølv, skal sikre at førespurnader blir viste til vakthavande veterinær. Deltakar i veterinærvakta som ikkje har vakt, er på lik line med andre veterinærar underlagt regelverket om naudhjelp i dyrehelsepersonelloven 14. Deltakar i veterinærvakta skal varsle kommunen dersom han/ho ikkje lenger fyller vilkåra for deltaking. 2. Omtale av ordninga og krav til veterinæren Veterinærvakta er organisert i vaktområde som er oppretta av Mat- og landbruksdepartementet. Veterinærvakta skal omfatte alle tider av døgnet med unntak av kvardagar (måndag fredag) kl Kvart vaktområde skal normalt vere bemanna med éin veterinær. Vaktdistrikta bestemmer tal deltakarar i vaktordninga, likevel slik at ein prøvar å hindre at vaktbelastninga ikkje vert uforsvarleg. Kommunen eller den dei gir mynde til det skal setje opp en vaktliste som dekkjer minst éin kalendermånad. Deltakar i veterinærvakta skal sende inn vaktrapport (rekning) seinast to veker etter utlaupet av kvar kalendermånad. Veterinæren må meistre norsk godt, både munnleg og skriftleg. 3. Nærmare om vaktperiodar, vaktbemanning og byte av vakter Ved inngåing av avtalen vert det etablert følgjande rettleiande vaktperiodar og bemanning av desse som er lagt til grunn for utrekning av ressursfordelinga: 1. Kvardag, kveld : kl 16:00 22:00 2. Laurdag, sundag, heilag- og høgtidsdag, dag og kveld : kl 06:00 22:00

12 3. Alle dagar, natt : kl 22:00 08:00 Normalt skal vaktområda vere bemanna med éin veterinær på vakt i kvart vaktområde i periodane 1 og 2, medan redusert bemanning kan skje i periode 3. Fordeling av vakter vert bestemte av vaktdistriktet, med mindre det vert avtalt at dette skal utførast av ein av veterinærane i ordninga. Det er ikkje lov å overlate utføringa av vaktene til andre veterinærar enn deltakarane i veterinærvakta, jf. vedlegg 4, pkt. 1 og 7. Ordninga har eit godt samarbeid mellom veterinærane som føresetnad. Her viser ein krav til samarbeid og konsekvensar av manglande samarbeid i kontrakten. 4. Krav til utstyr og bil Tilbydar må sjølv disponere utstyr som er naudsynt å utøve tenestene som omtala i punkt 1 ovanfor. Tilbydar må sjølv disponere bil som er eigna for tenesta. 5. Krav til utrykkingstid For at veterinærvaktordninga skal kunne gjennomførast forsvarleg, er det ei krav at veterinæren oppheld seg i eller i nærleiken av vaktdistriktet i vaktperioden. For Ålesund og Stranda vaktdistrikt har ein sett 2 timar som eit krav til utrykkingstid Utrykkingstid er den tid det tek frå veterinæren får beskjed til han/ho er framme hos den som ber om tenesta. 6. Forhold til regelverket for offentleg støtte i ordninga Den godtgjersla som vert gitt for å stå på vaktlista vil utgjere offentleg støtte andsynes lov om offentleg støtte. Slik støtte kan ikkje gjevast utan at norsk lov eller forskrift heimlar unntak for det. Regelverket om offentleg støtte er likt i heile EU/EØS. Norsk forskrift (og EØS-reglane) heimlar slikt unntak for kompensasjon for såkalla «tjenester av allmenn økonomisk betydning» («services of general economic interest» - SGEI). 1 Den sikringa av at veterinærar er tilgjengelege ut over vanleg arbeidstid som ligg i veterinærvaktordninga, vil vere en slik teneste. Slike tenester av allmenn økonomisk interesse? kan få inntil euro i stønad over ein periode på tre rekneskapar. Med dagens valutakurs vil det seie om lag 4,8 millionar kroner over tre år (såkalla bagatellmessig stønad). Denne stønaden/betalinga for veterinærvakt kan gjevast utan at dette vert notifisert til og må godkjennast av EFTAs overvakningsorgan (ESA) via Fornyings-, administrasjons- og kyrkjedepartementet. Det er eit vilkår at det er mogleg å rekne seg fram nøyaktig 1 Jf. forskrift 14. november 2008 nr om unntak fra notifikasjonsplikt for offentlig støtte

13 kor stort stønadselementet er i framkant av tildelinga, noko som er oppfylt her ved at parametrane for korleis veterinærane får godtgjersle er klart ved kontraktsinngåinga. Det er den samla bagatellmessige stønaden som er avgjerande. I dette ligg at stønadsmottakar den einskilde veterinær må opplyse om eventuell anna bagatellmessig stønad som er motteke. Stønaden kan ikkje betalast ut før kommunen har kontrollert at det samla stønadsbeløpet ikkje medfører at taket på euro vert brote. Stønadsgjevar må difor føre kontroll med annan stønad som veterinærane mottek. Ved tildeling av kontrakt må: 1. Stønadsgjevar informere om stønadsbeløpet og om karakteren av bagatellmessig stønad for tenester av allmennøkonomisk betyding. Denne informasjonen skal innehalde detaljerte og eksplisitte referansar til kommisjonsforordning (EU) nr. 360/2012 av 25. april 2012 som gjeld som norsk rett, jf. forskrift om unntak frå notifikasjonsplikt for offentleg stønad av 14. november Eit eigna formular til bruk ved tildeling er lagt ved denne malen til konkurransegrunnlaget. 2. Stønadsgjevar kommunen/vaktdistriktet (heretter «kommunen») må også få skriftleg stadfesting frå stønadsmottakar (veterinær) om eventuell anna bagatellmessig stønad det aktuelle føretaket har motteke i dei tre føregåande budsjettåra, inkludert det året kontrakten vert tildelt. Det spelar her inga rolle kva formål den bagatellmessige stønaden er gitt til. Sjølv om stønaden ikkje har samanheng med kostnaden ved å stå på vaktlista, skal den likevel reknast med. Eit eige formular som kommunen skal leggje fram for veterinæren er lagt ved denne malen til konkurransegrunnlag. Veterinæren skal returnere formularet til kommunen i utfylt stand. Det finst også andre stønadsordningar enn bagatellmessig støtte. Det er likevel lite truleg at den einskilde veterinæren har fått andre offentlege tilskott som dekkjer dei same kostnadene som betalinga for å delta i vaktordninga skal gjere. Ettersom kommunen er pålagt å føre kontroll med dette, er det likevel teke inn ein rubrikk i skjemaet der den einskilde stønadsmottakar også vert oppmoda om å rapportere om eventuelle andre offentlege tilskott/stønad for å dekkje kostnader knytt til å delta i vaktordninga. Det vil bli kravd informasjon frå kvart «føretak» som får tildelt stønad. Dersom det er tale om ein einskild veterinær som driv sjølvstendig verksemd åleine er denne veterinæren å sjå på som «føretaket». Dersom ein veterinær arbeider i eit selskap, er det selskapet som sjølv som er «føretaket», og stønaden vert betalt ut til dette. Det inneber at dersom det er fleire veterinærar som arbeider i selskapet, og fleire av dei tek i mot slik stønad for veterinærvakt som her er nemnt, skal beløpet for dei einskilde veterinærane leggjast saman ved utrekninga av kor stort beløp føretaket får. I eit slikt tilfelle er det den samla stønaden til alle veterinærar i føretaket som skal vurderast opp mot grensa på euro (ca. 4,8 millionar kroner over tre år). Når kommunen har kontrollert at deltaking i vaktordninga ikkje medfører at taket på euro er passert, kan kontrakt tildelast. Kommunen brukar valutakurs den dagen kontrakt vert tildelt for å rekne ut kor mye veterinæren kan ta i mot betaling/løn for veterinærvakt. 2 Forordninga vart publisert i EU-tidende 25. april 2012, EUT 2012 L114, s. 8. Forordninga vart inkorporert i EØS-avtalen i EØS-komitémøte 7. desember 2012, og vidare i norsk forskrift same dag.

14 For at kommunen skal kunne føre kontroll med at taket for bagatellmessig stønad på euro over ein tre-års periode ikkje er passert, kan kommunen krevje informasjon om motteken stønad kvart år i kontraktperioden. Det same skjemaet som vert nytta ved kontraktstildeling kan nyttast til dette føremålet. Dersom det skulle vise seg i eit konkret tilfelle at taket på euro er nådd, kan det ikkje betalst ut ytterlegare godtgjersle for veterinærvakt. Kommunen må samle og registrere opplysningar om tildeling av stønad til veterinærane etter denne ordninga. Bakgrunnen for dette er at ein skal vere i stand til å svare på eventuelle spørsmål frå ESA om einskildtildelingar under denne ordninga ved kontroll av om reglane vert haldne. Opplysningane skal registrerast i 10 - ti rekneskapsår etter at stønaden er gitt. For meir informasjon om regelverket om offentleg støtte, sjå rettleiar frå FAD: Offentlig_stotte_veildere_2011.pdf. Sjå særleg kapittel 6.1.

15 Vedlegg 3: Kontraktdokument Individuell avtale om deltaking i Veterinærvaktordninga mellom xxxx (namn på veterinæren) og Ålesund og Stranda veterinærvaktdistrikt (kommunens/vaktdistriktet sitt namn) 1. Denne avtalen omfattar følgjande dokument: a. Dette kontraktdokumentet b. Standard kontraktvilkår c. Eventuelle referat frå forhandlingane d. Tilbodet frå veterinæren e. Konkurransedokumenta Ved eventuell motstrid mellom dokumenta, gjeld dei i den rekkefølgja dei er sett opp ovanfor. 2. Veterinæren går inn i vaktordninga med verknad frå.. 3. Kontaktinformasjon for veterinæren: 4. Kommunen /vaktdistriktet sin kontaktperson for ordninga er: Næringssjef Inge Bjørdal. 5. Kontrakten er inngått for 4 år... Veterinæren Inge Bjørdal for kommunen/vaktdistriktet

16 Vedlegg 4: Standard kontraktvilkår 1. Ytinga til veterinæren Veterinæren pliktar å vere tilgjengeleg for å yte veterinærtenester i tråd med krava i denne avtalen og lov av 15. juni 2001 nr. 75 om veterinærer og annet dyrehelsepersonell (dyrehelsepersonelloven). Veterinæren skal vere tilgjengeleg for å yte tenestene i samsvar med oppsett vaktplan. Dersom veterinæren ikkje kan dekke eiga vakt, pliktar veterinæren sjølv så langt det er mogleg å syte for at ein annan av veterinærane som er omfatta av ordninga overtek vakta. 2. Veterinæren si plikt til å ha utstyr og bil tilgjengeleg Veterinæren pliktar å ha naudsynt utstyr og eigna bil tilgjengeleg i heile avtaleperioden. 3. Krav til samarbeid mellom veterinærane Veterinærane i vaktordninga pliktar å samarbeide, slik at kontinuiteten er sikra og at alle i vaktordninga kan utføre oppdraget sitt på ein fagleg god måte. Med samarbeid meiner ein her mellom anna samarbeid knytt til byte av vakter, felles bruk av utstyr og informasjon mellom veterinærar, der dette er veterinærfagleg viktig. Fleire brot på samarbeidsplikta vert sett på som vesentleg misleghald av kontrakten. 4. Deltaking i samarbeidsmøte Veterinærane i vaktordninga pliktar å delta på samarbeidsmøte arrangert av kommunen. Det vert ikkje gjeve ekstra godtgjersle for slik møtedeltaking. 5. Utbetaling av vaktgodtgjersle Vaktgodtgjersla skal betalast ut i samsvar med dei til ei kvar tid fastsette satsar. Deltakar i veterinærvakta skal sende inn vaktrapport (rekning) seinast to veker etter utlaupet av kvar kalendermånad. Rapporten skal sendast inn på det skjemaet vaktdistriktet til ei kvar tid fastset. 6. Kommunen / vaktdistriktet sine plikter Kommunen/vaktdistriktet pliktar å syte for at det er sett opp vaktliste minimum ein månad før vaktene skal utførast. Kommunen/vaktdistriktet pliktar å betale ut godtgjersla seinast 7 dagar etter at vaktrapporten er komen dei i hende.

17 Kommunen/vaktdistriktet pliktar årleg å hente inn opplysningar om annan offentleg stønad som er motteke, jf. pkt. 6 i kravspesifikasjonen. 7. Bruk av vikararar som ikkje er omfatta av vaktordninga Ein veterinær kan søkje om permisjon frå vaktordninga i inntil eitt år. I denne perioden kan kommunen setje inn vikar som ikkje er omfatta av ordninga. Vikaren skal tilfredsstille kvalifikasjonskrava i denne ordninga. 8. Oppseiing av avtalen Avtalen kan seiast opp av båe partar med ein frist på 6. månader. Kommunen /vaktdistriktet kan seie opp avtalen med omgåande verknad dersom utbetaling av vaktgodtgjersle overstig det til ei kvar tid gjeldande tak for lovleg statsstøtte, jf. pkt 6. i kravspesifikasjonen. Dersom kommunen/vaktdistriktet avdekkjer at det er fare for utbetaling av vaktgodtgjersle som vil innebere ulovleg statsstøtte, skal støttemottakar varslast om oppseiinga utan ugrunna opphald. 9. Heving av avtalen på grunn av misleghald Ein part kan heve avtalen dersom den andre parten vanrøktar kontraktforpliktingane sine i vesentleg grad. Kommunen/vaktdistriktet kan likeeins heve avtalen dersom veterinæren går konkurs eller han/ho er utvitydig insolvent. 10. Tvistar og verneting Tvistar mellom partane om kontraktforholdet bør søkjast løyst utan søksmål. Dersom partane ikkje kjem til semje skal tvisten løysast ved dei ordinære domstolane. Vertskommunen sitt verneting skal vere verneting for alle søksmål som spring ut av denne kontrakten.

18 Vedlegg 5: Formular ved tildeling av støtte Formular til bruk ved tildeling av kompensasjon (såkalla bagatellmessig støtte) til veterinærar i samband med deltaking i vaktordning for veterinærtenester i Ålesund og Stranda veterinærvaktdistrikt Kontraktstildelinga inneber at. (støttemottakar sitt namn) vert tildelt offentleg støtte i form av vaktgodtgjersle for perioden (kontraktperioden) i samsvar med dei til ei kvar tid gjeldande satsar pr. time. Stønaden (godtgjersla) vert betalt ut suksessivt (ex post) ut frå talet på vakter, innanfor ramma av det taket for stønad som er oppgitt nedanfor. Stønaden vert gitt som bagatellmessig støtte for tenester av allmenn økonomisk interesse? (Services of General Economic interest SGEI) i medhald av kommisjonsforordning (EU) nr. 360/2012 av 25. april 2012 om anvendelse av artikkel 107 og 108 i traktaten om Den europeiske unions vrkemåte på bagatellmessig støtte til foretak som utfører tjenester av allmenn økonomisk betydning. Forordninga gjeld som norsk rett, jf. forskrift om unntak frå notifikasjonsplikt for offentleg stønad (FOR nr. 1213) 4. Forordninga vart publisert i EU-tidende 26. april 2012, EUT 2012 L114, s. 8. Forordninga vart inkorporert i EØS-avtalen vedlegg XV nr. 1ha, i EØS-komitemøte 7. desember 2012, og vidare i norsk forskrift same dag. Bagatellmessig støtte er offentleg støtte som kan gjevast til nesten alle føremål som det offentlege ønskjer å tilgodesjå. Beløpsgrensa på om lag 4,8 millionar kroner over tre år (ca. 1,6 millionar kroner i året) vert i europeisk målestokk sett på som liten, og slik støtte er dermed ikkje i strid med EØS-avtalen. Kommunen er derimot forplikta til å sikre at kvart einskilt føretak (ein veterinær eller fleire som driv saman) ikkje mottek meir enn ca. 4,8 millionar kroner frå alle offentlege kjelder (både statlege og kommunale) i løpet av tre år. Denne kompensasjonen for veterinærvakt vil berre bli vurdert som bagatellmessig stønad i samsvar med denne forordninga dersom den samla stønaden til veterinærpraksisen deira ikkje overstig euro over tre rekneskapar (ca. 4,8 millionar kroner over tre år). Bagatellmessig stønad kan altså gjevast i tillegg til anna bagatellmessig stønad så lenge støttetaket på euro over tre rekneskapsår ikkje vert brote. Med bakgrunn i dette vert du beden om å stadfeste skriftleg kva for og kor stor anna bagatellmessig stønad du/dykk har motteke frå det offentlege, eventuelt stadfeste at du/de ikkje har motteke slik stønad. Eit kompliserande element er derimot at det finst ei rekkje lovlege stønadsordningar i Noreg, som veterinærar kanskje også kan nyte godt av. Dette kan til dømes vere stønadsordningar som Innovasjon Norge forvaltar. Slik anna lovleg stønad «spiser» ikkje frå støttetaket på euro, men kommunen må sikre at dei same kostnadene ikkje vert dekt to gongar. Vi bed difor om også å få opplyst om eventuelle andre offentlege tilskott/stønad du har motteke.

19 Offentleg stønad/statsstøtte kan vere overføringar frå stat eller kommune, tilskott frå statlege organisasjonar som Innovasjon Norge, Noregs Forskingsråd, Statens landbruksforvaltning m.fl., eller andre økonomiske fordelar som ikkje gir utslag i pengeoverføringar. Døme på stønad du/de kan ha motteke er stimuleringstilskott, investeringstilskott, subsidiert husleige, redusert arbeidsgjevaravgift m.m. Dersom det er uklart om anna offentleg stønad du/de har motteke er såkalla bagatellmessig stønad eller anna lovleg stønad, ber vi om at du/de gir ein omtale av dei økonomiske fordelane du/de har frå offentlege kjelder, og då med opplysningar om: frå kvar er det mottatt fordeler, kor mykje stønad har du/de fått eller kor mykje meiner du/de fordelen utgjer om det er tale om indirekte fordelar og når mottok du/de stønaden? Du vert beden om å fylle ut eitt av de to alternativa A og B nedanfor, og i tillegg eitt av de to alternativa C og D. Skjemaet skal returnerast saman med tilbodet. Bagatellmessig stønad: A: Eg har ikkje motteke anna bagatellmessig stønad frå det offentlege for inneverande år eller dei to føregåande rekneskapsår (år:..): (Stadfest ved underskrift) B: Eg har motteke anna bagatellmessig stønad frå det offentlege for inneverande år eller dei to føregåande rekneskapsåra (år:..) med KRONER:. (Stadfest ved underskrift) (Dersom JA, spesifiser her kva slags stønad det er tale om).. Anna offentleg stønad: C: Eg har ikkje motteke andre offentlege tilskott/annan stønad for inneverande år og dei to føregåande rekneskapsåra (år:..). (Stadfest ved underskrift) D: Eg har motteke andre offentlege tilskott/anna stønad for inneverande år og dei to føregåande rekneskapsår (år: ) med KRONER:..

20 (Dersom JA, spesifiser her kva slags stønad det er tale om). (Stadfest ved underskrift).