Frivilligsentralen Førde Årsmelding Innhaldsliste. 1.0 Innleiing... s. 3

Transkript

1 Årsmelding 2013

2 Frivilligsentralen Førde Årsmelding 2013 Innhaldsliste 1.0 Innleiing.... s Organisering 2.1 Styret.. s Tilsette s Samarbeid..s Drift av sentralen 3.1 Aktivitetar i s Årlege aktivitetar/markeringar s Marknadsføring...s Økonomi..s Avslutning 4.1 Året 2014.s Takk.s. 8

3 1.0 Innleiing Tilsette-situasjonen endra seg frå og vere fordelt på to personar med 50/50 % første halvår, til og vere ein heil 100 % frå mai. Les meir under 2.2 Tilsette. Av nye aktivitetar i 2013 kan Kjøkkenstova nemnast og «Aktiv omsorg- studie», les meir under 3.1 Aktivitetar i Organisering 2.1 Styret Styret for Frivilligsentralen Førde har i 2013 hatt fylgjande styresamansetting: Styreleiar: Doris Rutledal Styremedlemmar: Tom Farsund, Halvard Brekke, Bjørg Mulen, Henning Bysheim og Oddvar Etnestad. Gro Indrebø tok ikkje attval. Det vart avhalde 3 styremøter i 2013 der 23 saker vart handsama. Det vart òg halde årsmøte i 2013 der 6 saker vart handsama. 2.2 Tilsette Taina Stubseid og Therese Kleive Veimo jobba i 50/50 % i sentralen fram til 1. mai. Therese gjekk over til å jobbe i 100 % stilling frå 1. mai. 2.3 Samarbeid Frivilligsentralen Førde deltek i Førde kommune sitt helsefremjande arbeid. Dette betyr m.a. at sentralen er representert i arbeidsgrupper som er oppretta på tiltaksområde som kommunen har prioritert, og har mellom anna vore med i arbeidsgruppe som har sett på ordninga «frivillige og matombringing». Vi er ein aktiv part i pågåande prosjekt, Trygge eldre, der vi våren 2013 vart spurt av fylkeskommunen om å lage «tryggleiksekkar» som kvar kommune skal få til demonstrasjon av fallførebyggings- utstyr. Sentralen har også vore representert i Førde kommune si folkehelsegruppe sidan 2009.

4 Frivilligsentralen Førde har eit godt samarbeid med Førde Røde Kors og Sogn og Fjordane Røde Kors, Bergum Mottakssenter, Førde Opp, Bygdekvinnelaget, Førde kommune, Blomereina Arbeidslag, støttekontakttenesta, Norsksenteret ved prosjektet «Mangfald i fritid», Kronborg Ressurshage, Førde Kyrkje og Høgskulen i Sogn og Fjordane. Seniornett Noreg er framleis ein samarbeidspart. Vi har i 2013 hatt 4 klubbar og ein internettkafe. Vi arrangerte Seniorsurfdag i samarbeid med Førde bibliotek. Fargerike Førde og Bornas Verdsdagar vart arrangert i lag for tredje år, og var ein stor suksess. Meir om det i pkt Drift av sentralen 3.1 Aktivitetar i 2013 Desse aktivitetane/tiltaka er gjennomført: Handlerute x 3 er eit samarbeid med Kronborg Ressurshage. Rute ein og to vert har 8 deltakarar som nyttar tilbodet i Halbrendslia og i sentrum. Vi har 7 frivillige som rullerer på og køyre damene på Domus for å handle, og deretter vidare på 10- Kaffien der dei kjøper seg kaffi og vaffel. Rute nr tre går til Sunde -og Sundsdalen, og har 6 passasjerar. 10-kaffi 10 års jubileum i Vert arrangert kvar onsdag frå januar til juni, og frå september til desember. Kafeen er open for alle som vil utvide nettverket sitt, slå av ein prat, lese aviser, drikke kaffi og ete nysteikte vaflar. På 10-kaffien møtes Turgruppa og slår av ein prat før dei legg ut på tur i skog og mark. To av «Handlerutene» møtast her. Vi hadde juleavslutning på 10-kaffi i desember med basar og utlodding av mange flotte premiar, og vi hadde nær 50 gjestar denne dagen.

5 Strikkegruppe Strikkegruppa er ein aktivitet på Bergum Mottakssenter i samarbeid med Frivilligsentralen Førde, Bygdekvinnelaget, Bergum Mottakssenter og Røde Kors. Vi samlast på Bergum annankvar tysdag frå kl. 18- til kl. 20. Dei som bur på «Mølla» og «Motellet», får skyss av oss. Vi kokar kaffi/te og har med noko å bite i. Aktivitetane kan vere strikking, hekling, brodering, perling, teikning, spele ymse spel eller berre prate og kose seg. På dei fleste samlingane er vi over 20 deltakarar. 28. mai hadde vi samling på Kletten Grendahus. Vi hadde rømmegraut og spekemat, og etterpå var det kaffi og kaker. Godt frammøte av både store og små, og fleire menn var også med oss denne kvelden. Iselin og Daniel Mulen Eikås og Leif Erik Stuhaug underheldt oss med musikk og dans, og ein av asylantane spelte på eit instrument frå heimlandet. 10. desember hadde vi juleavslutning i 4. etasje på Røde Kors-bygget. Vi serverte risengrynsgraut og kaffi/te og kaker. Synnøve Mulen Nyhammer song og spelte gitar for oss, og 4 sjukepleiestudentar som hadde praksis på Frivilligsentralen, hadde saman med Therese laga aktivitet til oss. Dei hadde steikt store pepperkakehjerter til alle, og vi fekk dekorere dei. Ein fin og populær førjulsaktivitet, og ein vellukka kveld for oss alle. Seniornett-klubb Dataklubb for seniorar som ønskjer å lære meir om bruk av PC og Internett. Klubben har i 2013 også hatt to faste instruktørar. Ved årskifte 2013/2014 hadde klubben nær 100 deltakarar. Tema på klubbmøta varierer etter ønskje frå deltakarane. Hausten 2011 fekk klubben eige styre for Seniornett Førde og styret gjer ein flott jobb. I 2013 starta dei opp internett kafe med innlegg frå ulike bedrifter og deira nettsider, Firda avis, bankar etc. Opplæringsprogram for frivilligkoordinator- innan eldreomsorg Dette er eit kurs som Therese frå Frivilligsentralen, Kari Valle frå Utviklingssenteret og Åse Warvik frå Førde Helsetun/ dagtilbod for personar med demens deltek på. Kurset har 3 samlingar spredt ut over hausten 2012 og våren I denne samanheng har vi tre lage eit felles prosjekt, «Kjøkkenstova». Prosjektet vårt vert beskreve nedanfor, og eit hovudmål her er førebygging.

6 «Kjøkkenstova» Kjøkkenstova er eit prosjekt som vart starta under Opplæringsprogrammet for frivilligkoordinator. Dette er ein sosial samankomst for bebuarane på dei nye omsorgsboligane. Tiltaket er annakvar onsdag, der frivillige kjem og ordnar til kaffi og kaffimat. Dei syng og gjer andre ting som er av interesse for frivillige og bebuar. Vi har hatt nokre innvandrarar frå Iran som også har vore frivillige denne kvelden. I april stelte dei i stand ei Nouroz- markering, som er som ei nyttårs feiring i Noreg. Dei lagde Iransk mat, pynta lokalet og fine klede, og hadde iransk musikk. Turgruppe med Mangfald i fritid Mangfald i fritid er eit prosjekt på Norsksenteret. Utgangspunktet er å få innvandrarar med opphaldstillatelse inkludert i frivillige organisasjonar. Erling Nydal er i denne prosjektstillinga og vi har hatt uformelle idemyldring møter, og på bakgrunn av ein undersøking starta han opp turgruppe kvar måndag frå kl Gruppa møtast på festplassen og går ein tur på eitt par kilometer. Helsetunet Frå 24. september har dagleg leiar hatt ein kontordag i veka på Helsetunet. Dette for å verte kjent med bygget, personalet og bebuarar, og å sjå kva behov der er. Det er mykje aktivitet som er i det «opne rom», altså i kantina. Det er «syng med oss», andakt, Seniorkoret har øvingar og andre arrangement gjennom «den kulturelle spaserstokken». Det er nokre huskonsertar på stovene i avdelingane, elles er det ikkje så mykje aktivitet på den enkelte avdeling. Det er einskilde frivillige og besøksvennar som kjem innom med jamne mellomrom. I samband med at sentralen hadde studentar i desember, var vi på ei avdeling der vi filte -og lakka negler på 5 damer. Dette var ein aktivitet studentane kom fram til sjølv, og vi fekk positiv tilbakemelding frå einingsleiar. Vi har også kontakt med aktivitørane på huset, slik at vi på sikt kan gjere noko felles. Vidare har sentralen eit samarbeid med Utviklingssenteret. Tanken er å få eit tettare samarbeid når det kjem elevar/studentar i utplassering på Helsetunet. I mars arrangerte elevar kino på Helsetunet. Og i november/desember hadde vi ein gut på 17 år som var innom ein gang i veka i 5 veker. Han var besøksvenn og middagsvert.

7 Studentar vår og haust I mai hadde sentralen 4 sjukepleiarstudentar i observasjonspraksis. Temaet deira var aktivitet og helse. Prosjektet dei valte å gjennomføre var ein fellestur til Hunsrasta for frivillige. Vi hadde natursti med spørsmål om førstehjelp, vi grilla mat og hadde gode samtalar rundt bålet. I byrjinga av desember fekk sentralen 4 nye sjukepleiestudentar. Temaet deira var helsefremjande og førebyggande arbeid. Dei undersøkte om frivillig arbeid er helsefremjande ved å intervjue 4 frivillige. Konklusjonen deira var klar: Frivillig arbeid er helsefremjande. Frivilligdag med Stein Husebø. Stein Husebø er leiar på Verdighetssenteret i Bergen. Han er ein engasjert mann som er veldig opptatt av frivillig arbeid og ein verdig alderdom. Kommunen,Utviklingssenteret og Frivilligsentralen inviterte han til Førde med 2 mål: eine målet var å prate for leiinga i kommunen: vi treng at kommuneleiinga også har ein forståing av kva frivillig arbeid er dersom vi skal lykkast. Det andre målet var ein open kveld for innbyggarane i Førde frå kl Seniorkoret song for oss. Idemyldringsmøte med Kreftforeininga ang ny møteplass I mai var vi på eit møte ang møteplass for Kreftforeininga. Kommunalsjef, Utviklingssenteret, Kronborg Ressurshage, Røde Kors og Frivilligsetnralen var invitert. I Januar 2014 starta dei opp fleire tiltak for si brukargruppe på Kronborg Ressurshage med frivillige hjelparar. Presentasjon av Frivilligsentralen Den 16 januar var vi hos Pensjonistlaget for å presentere Sentralen. Vi var hos ein klasse på Norsksenteret 3 juni for å informere om frivillig arbeid. Helse Førde hadde eit kurs ang førebuing til pensjonsalder den 29 oktober, og ville gjerne ha informasjon om Sentralane i fylket ettersom delltakarane på kurset var frå både Førde, Lærdal, Eid og Høyanger. Førde, Gaular, -og Jølster kommune hadde kurs om»førebuing til pensjonsalder» den 5. desember. Her fekk vi også presentere oss.

8 Aktiv omsorg- studie I September starta Therese på deltidstudie. Studiet går over eitt år, har 3 arbeidskrav og avsluttast med heimeeksamen i mars Aktiv omsorg inneber at ein har eit fokus på tverrfagleg samarbeid og aktivitetar, tiltak og trivsel. Aktiv omsorg er ein strategi som krev fagleg bredde der fleire faggrupper jobbar saman mot felles mål. Regjeringa legg vekt på kultur, aktivitet og trivsel som sentrale element i omsorgstilboda gjennom stortingsmelding 25; «Mestring, muligheter og meningar Fremtidas omsorgsutfordringer». Målgrupper for aktiv omsorg er eldre, fysisk eller kognitiv funksjonshemma, personar med psykisk liding eller rusproblematikk. Aktiv omsorg legg vekt på kvar enkelt sine ressursar. Under studiet skal ein ha eit prosjekt. Therese sitt prosjekt tek utgangspunkt i ei dame som bur i omsorgsbolig, der målet er at ho skal få ein meir sosial kvardag. OD- dagen Operasjon Dagsverk (OD) er en årlig solidaritetsaksjon arrangert av, med og for ungdom. Aksjonen er underlagt Elevorganisasjonen. 22.oktober hadde sentralen med seg 2 ungdomsskuleelevar på Helsetunet. Vi steikte sveler til alle avdelingane. 3.2 Årlege aktivitetar/markeringar: Førde Opp- flatt Førde Opp er eit motbakkeløp og ein aktivitetsdag for Førde. Etter at Førde fekk seg eigen bysti frå sentrum og opp på Hafstadfjellet, har Førde -Opp komiteen hatt denne årlege markeringa. Det er ulike greiner for deltaking, nokre går ein vanleg fjelltur opp fjellsida og andre går på tid- der personen med best tid får ein pengepremie. Alle deltakarane får deltakarmedalje, og er med i trekning av ein premie. Barnas turlag har stasjonar undervegs i løypa, det er konsert på Rådhusplassen og organisasjonar og bedrifter har standar. I 2013 fekk Frivilligsentralen og Kronborg Ressurshage spørsmål om vi kunne vere med å arrangere noko på flata, rundt i sentrum. Tanken bak dette er at alle skal vere med- frå barnevogn til rullestol. Vi har eit flott parkområde som vi nytta då vi skulle lage ei sentrumsrute. Kronborg fekk laga informasjonsplakatar om ulike bygg/attraksjonar med litt by-historie som folk kunne lese undervegs, vi hadde natursti som Kyrkjevegen barnehage laga

9 for dei små som gjekk rundt «Laksen», orienteringsgruppa hadde rakett-løype, seniordansen dansa og frivillige frå Diakoniutvalet var følgje for personar i rullestol frå Helsetunet. Deltakarane fekk også her ein medalje ved slutten av ruta. Regionskonferanse i Bergen september Tema for konferansen i år var «Frivilligsentralen i bevegelse». Ordførar Trude H. Drevland opna konferansen. -Audun Myskja, overlege, forfattar, musikar og fagleg leiar for Senter for Livshjelp hadde foredrag om temaet: Brubygging - Bli synleg på koordinatorrolla. -Håkon Lorentzen, forskar og Dr. philos. i sosiologi hadde innlegg om temaet: Frivilligsentralen i nærmiljøet: Konkurrent eller katalysator? -Astrid Gjersdal, dagleg leiar Volda FVS hadde innlegg om temaet: Arbeidskvardag mellom statlege føringar og kommunalt press. Seniorsurf-dagen Seniorsurf-dagen 9. oktober i samarbeid med Førde bibliotek. Det er eit årleg IT-arrangement for seniorar. Arrangementet fann stad på Førde bibliotek. I år var temaet Ipad og «duppedittar». Fargerike Førde Vart arrangert 16. november i Festsalen,Førdehuset. Arrangementet var ope for publikum frå Også i år hadde Fargerike Førde eit samarbeid med Bornas Verdsdagar som vart arrangert i Førdehuset på same dag. Desse arrangementa utfylte kvarandre i stor grad og resulterte i ein internasjonal og kulturell familiedag for store og små med ei verdsscene i salen med masse musikk innslag utover dagen. Det var omtrent 43 deltakande land, inkludert «Drop» frå UWC i Fjaler med sine deltakarar frå ulike land. Arrangementa hadde ca besøkande. Deltakarane hadde sal av smaksporsjonar frå blant anna Thailand, Gambia, Etiopia, Ingusjetia, Eritrea, Iran, Uzbekistan, Sierra Leone, Bosnia Somalia, Sudan, Afghanistan, Congo, Sri Lanka, Syria, Israel, Usbekistan, Bangladesh, Tsjetsjenia, Uigur, Palestina/Syria og Senegal.

10 Nettverkssamling i Balestrand 10 og 11 april Samlinga blei halden på Kviknes hotell. Ulike tema, bla Fylkesdirektøren i Nav, Thore Thorsnes var tilstades. Det vart tid til ei historisk vandring, Ciderhuset si soge og prøvesmaking av cideren deira. Elles refleksjonar rundt arbeidet i Frivilligsentralane. Julafta- feiring. Tradisjonell julefeiring den 24 desember for alle som ønskjer nokon å feire jul saman med. Tiltaket vert arrangert i samarbeid med Førde kyrkje og kommunen. Vi sendte invitasjon og brosjyrar til nabokommunane Naustdal, Jølster og Gaular. Jølster Mottakssenter var veldig glade for at deira bebuarar fekk tilbodet. Med gjester og hjelparar hadde julaftan eit deltakartal på 94 personar. I år hadde vi 2 vertsfamiliar som deltok på julefeiringa. Kvelden var prega av tradisjonell norsk julefeiring med mat, song, barneleik, underhaldning, julenisse, gåver og gang rundt juletreet. Gjensidigestiftinga, Rebekka Logen, Lions og Enivest bidro til julefeiringa.

11 Trygge eldre Blomereina Arbeidslag leverer kvar vinter sand til eldre og uføre i Førde kommune for å førebygge fall. Tiltaket er ledd i prosjektet Trygge eldre. Enkeltoppdrag/ein-til-ein tenester. Frivillige har utført enkeltoppdrag som hagearbeid, snømåking, diverse ærend, småreparasjonar, handling og å vere følgjeperson for blinde. Blomereina arbeidslag er også nytta, spesielt i forhold til hagearbeid og utdeling av strøsand. 3.3 Marknadsføring Frivilligsentralen Førde har presentert Sentralane i fylket til både Helse Førde og nærkommunane i Vi har hatt stand i samband med open dag på Kronborg Ressurshage. I forbindelse med Julafta-feiringa hadde avisa Firda ein artikkel om arrangementet den 23. desember. I etterkant av arrangementet var vi på morgonsendinga til NRK Sogn og Fjordane ( januar 2014). Heimesida forde.frivilligsentral.no vert brukt for å marknadsføre arrangement, tiltak og tilstellingar. Frivilligsentralen har eigen facebook- profil. Denne nyttar vi til å legge ut informasjon om kva aktivitetar som skjer i Frivilligsentralen, og dette er ein måte å vise fleire kva vi driv på med. 3.4 Økonomi Frivilligsentralen har i 2013 motteke desse midlane: Statstilskot, Kulturdepartementet Tilskot Førde kommune kr kr Gåver: Gjensidigestiftinga Enivest Lions Club Førde Rebekka Logen Helsedirektorater: Samarbeid om prosjekt «På tvers» Gåver til handleruta Sogn og Fjordane Fylkeskommune kr kr kr kr kr kr kr

12 4.0 Avslutning 4.1 Året 2014 Framover i 2014 vil vi fortsette å ha fokus på dei aktivitetane som er oppe og går, og nye prosjekt. Vidare vil vi framleis arbeide for å rekruttere fleire frivillige som kan gjere ein innsats på aktivitetane/tiltaka vi driv. Vi vil også arbeide for å hjelpe organisasjonar med rekruttering av medlemmar der dette er naturleg. Vi håpar også at fleire lag og organisasjonar vert bevisste på kva Frivilligsentralen skal arbeide for og med, og at dei ynskjer å samarbeide om å nå felles mål. 4.2 Takk Frivilligsentralen Førde vil takke alle som har støtta oss i 2013, både økonomisk og på anna vis. Tusen takk til alle frivillige som gong etter gong stiller opp på ulike aktivitetar og arrangement, og ikkje minst for at de «vervar» nye frivillige. Utan frivillige ingen Frivilligsentral. Takk òg til alle samarbeidspartar for godt samarbeid gjennom året. Førde, 14. Februar 2014 Doris Rutledal Styreleiar Therese Kleive Veimo Dagleg leiar