Lokale Frivilligsentralen har kontor og møteplass på Møteplassen Aksen på Husnes. På tysdagar har dagleg leiar kontordag på Rådhuset i Rosendal.

Transkript

1 Årsmelding 2011

2 Organisasjon Kvinnherad kommune eig Kvinnherad Frivilligsentral. Frivilligsentralen er organisatorisk plassert under Verksemd for Kultur- og Fritid, Kulturkontoret. Sentralen har eige styre og vedtekter. Det har vore tilsett dagleg leiar i 100 % stilling gjennom heile året. Lokale Frivilligsentralen har kontor og møteplass på Møteplassen Aksen på Husnes. På tysdagar har dagleg leiar kontordag på Rådhuset i Rosendal. Økonomi På inntektssida mottok Kvinnherad Frivilligsentral i 2011 kr ,- i samla tilskot frå Kulturdepartementet, i tillegg kom tilskot frå Husnes Helselag og ferieklubbkontingent samla på kr ,-. Utgiftene utgjorde kr ,-. Kvinnherad kommune sin andel var på kr ,- Søknad om midlar for 2012 er sendt Kulturdepartementet. Styret Kristian Bringedal Kultur og Fritid (styreleiar) Are Traavik Komite for oppvekst, kultur, idrett (SP) Oddbjørg Heimark Komite for oppvekst, kultur, idrett (US) Marianne H. McFarland - Frivillig Aud Sigrunn Fausk Fagforbundet Avdeling Kvinnherad Vara: Sissel Aarseth Kultur og Fritid Leif Sverre Enes Komite for oppvekst, kultur, idrett (H) Hildegunn Eiane Aarthun Komite for oppvekst, kultur, idrett (Krf) Arvid Solbakken - Frivillig Merete Lillesand Kvinnherad Handballklubb Det vart halde 2 styremøte gjennom året, i tillegg til årsmøtet. Nettverk Kvinnherad Frivilligsentral er tilknytt Nettverksgruppe Sør i Hordaland i lag med Fitjar, Stord, Bømlo, Odda, Etne og Tysnes. Det vart halde 3 møte i 2011 i tilegg til Hordalandssamlinga. Dagleg leiar og ein representant for styret har vore på Regionskonferanse i Flåm. Dagleg leiar har delteke på leiarmøte i Kultur- og Fritid. Marknadsføring Frivilligsentralen har presentert seg for Rotary og Komite for Oppvekst, Kultur og Idrett. Elles har pressedekninga av større arrangement vore god.

3 Aktivitetar Strikkekafè Frivilligsentralen driv strikkekafè kvar onsdag utanom feriar. Ein eller to frivillige lagar og sel vaflar. I 2011 har dei hatt fleire besøk av Leseombod. Før jul vart det laga og samla inn julegåver til Ukraina. I tillegg bidrog dei til Hjertefredarrangementet Allehelgenshelga, hadde besøk av ordføraren og var på tur til Åkra. Ein til ein -hjelpa Talet på«gode» koplingar mellom dei som treng hjelp og frivillige har vore stabilt. Tv - innsamlingsaksjonen Frivilligsentralen var sekretariat for årets TV-aksjonen til inntekt for Norsk Folkehjelps mineryddingsarbeid. I tillegg til kommunen var LO Kvinnherad med i styret for TVaksjonen Dette er eit stort arbeid, kor ein ser til at kvar husstand i alle 27 bygdene i kommunen får besøk av ein bøsseberar. I forbindelse med årets TV-aksjon vart det satt opp eit kulturarrangement med barneteater, foredrag og lysbilder frå NATO-styrkane i Bosnia og Afghanistan og halde appell ved ordføraren. Internasjonal Eldredag Den internasjonale eldredagen vart markert med middag, kåseri med Åshild Ulstrup og konsert med folkemusikarane Rannveig Djønne frå Ullensvang (toradar) og Annlaug Børsheim (hardingfele/vokal/gitar) på Kulturhuset Husnes. Nærare 300 eldre frå heile kommunen deltok. Verksemda Kultur og Fritid var medarrangør. Frivilligtreff Det vart halde to samlingar for dei frivillige ved sentralen, på det eine hadde me besøk av barneteatergruppa Dei Kongelege Øyredobbane frå kulturskulen, og på det andre var det underhaldning med musikk og kåseri. Ferieklubb Første veka i juli var det ferieklubb for 15 born. 8 frivillige stilte opp som gruppeleiarar heile veka. Kvinnherad Kystkulturlag, Kvinnherad Bibliotek, Kvinnherad Handballklubb, Kvinnherad Fotoklubb og Kvinnherad Golfklubb bidrog med aktivitetar. Frivilligpris Frivilligprisen vart i år gitt til Arvid Nes i Rosendal Turnlag, for hans innsats for born og unge. Natteravnane Husnes Frivilligsentralen organiserer ca. 80 natteravnar på Husnes. Dei går vekselvis annakvar fredag og laurdag i sentrum av Husnes. Det vart halde 1 natteravnsamling i 2011, der me fekk besøk av lensmannen. Frivilligdag 7 frivillige lag og foreiningar viste seg fram på ulike måtar under Kvinnherad Kulturfestival. Mellom anna var det hundeoppvisning inne på Husnes Storsenter og dans frå Palestina og Afghanistan. Styrketrening for eldre Eit stadig meir populært tiltak, som me har kvar måndag. Dette er eit samarbeid med

4 Folkehelsekoordinator i kommunen. Rusleturgruppe Tur og samtalegruppa for dei som har vanskeleg for å gå, for eksempel rullatorbrukarar. Nokre frivillige er med dei kvar gong. Treff for flyktningar og frivillige Nytt av året; kvar fredag har me ope hus for flyktningar og frivillige. Dette er eit samarbeidsprosjekt med Vaksenopplæringa. Me starta det heile opp med ein fest med eventyr frå Norge og Somalia og god mat. Samtalegruppa 62+ Dette er ei samtalegruppe for pensjonistar som søkjer å jobbe for skapa tryggleik, redusera einsemd, fremja folkehelsa og elles skapa gode levekår for heimebuande eldre. Internasjonal lunsj I forbindelse med Kvinnherad Kulturfestival arrangerte Flyktningkontoret Internasjonal Lunsj på Frivilligsentralen. Besøk frå Romaniahjelpen Vestlandet Me fekk besøk frå Romaniahjelpen Vestlandet, som fortalde om arbeidet dei driv. Andre engasjement: Samarbeidspartnarar Frivilligsentralen er ein samarbeidspartnar for Kriminalomsorgen Hordaland, MOT og Eldretreffa på Bedehuset i Høylandsbygd. Generelt er det også mykje samarbeid med ulike kommunale verksemder. Comenius Kvinnherad Frivilligsentral er med i eit EU-prosjekt som går på å fremja leseforståinga blant born og unge gjennom møte mellom generasjonar. Skulane i Rosendal, Rosendalstunet og Kvinnherad Bibliotek er dei andre deltakarane frå Kvinnherad. Me utvekslar erfaringar med kommunen Ormoz i Slovenia. Sakshandsaming av stønad til frivillige tiltak Frivilligsentralen deler på vegne av Kulturkontoret ut økonomisk støtte til prosjekt i lokalsamfunnet med høg grad frivillig innsats. Lokala (Myldrerommet) Lokalet kan nyttast til litt ulike formål for grupper opp til 30 personar. Lokalet er i bruk alle dagar, nokre av aktivitetane er i regi av frivilligsentralen, nokre er samarbeidsprosjekt og andre er sjølvdrivne grupper. Me har Styrketrening for seniorar, Internasjonal laurdagslunsj, Basar, Frivilligtreff, Lesetreff for flyktningar og frivillige, Strikkekafe, Seniordans, Torgdag, Turgruppe pluss diverse møter. Andre som nyttar rommet er Kvinnherad Fotoklubb, ulike burettslag, Kvinnherad AM-Car klubb, MOT, Vaksenopplæringa, Psykiatritenesta, Husnes Utåker Pensjonistforening, Natteravnane Husnes og Mental Helse Kvinnherad. Samla bruk av myldrerommet i 2011 var ca besøkande. Turgruppa Husnes og Styrketreningsgruppa har eigentlig vakse ut av lokala. Det vart halde eit driftsstyremøte for huset.

5 Status No synast det som Kvinnherad Frivilligsentral har funne si form. Året vart brukt til å styrkje og stabilisera dei aktivitetane som etterkvart er vorte Frivilligsentralen sine. Dette vil me føra vidare, men vil samstundes å vera opne for nye ønskjer og idear frå brukarar og frivillige. År Frivillige Einskildbrukarar Deltakarar Besøkande Timar frivilligarbeid Årsverk , ,4