Fræna kommune Teknisk forvaltning Plan

Transkript

1 Fræna kommune Teknisk forvaltning Plan Arkiv: Arkivsaksnr: 2014/ Sakshandsamar: Ann Sissel Heilevang Saksframlegg Utval Utvalssak Møtedato Plan- og økonomiutvalet i Fræna kommune 50/ Detaljregulering for Farstad - Skotten, gangveg - til offentleg ettersyn Saksdokument Oversiktskart, datert Planforslag, datert Teiknforklaring, datert Forslag til reguleringsføresegner, datert Planomtale, datert ROS-analyse, datert Mottatte innspel Istad nett, datert Møre og Romsdal fylkeskommune, datert Fylkesmannen i Møre og Romsdal, datert Statens vegvesen, datert Grendautvalet for Skotten, Farstad og Vassenden, datert Ole Petter Sandvik, datert Sigmund Julshamn, datert Sjur Gjendem datert, og (to stk merknader) Sissel og Asgeir Stegan, datert og (to stk merknader) Saksopplysningar Planområdet strekker seg frå nord for samfunnshuset på Farstad, til forbi krysset til Skotheimsvik. Strekninga går i hovudsak langs busetnad, og dyrka mark med spreidd busetnad. Strekninga er totalt om lag 4 kilometer. Hovudutfordringa i plana har vore å finne løysingar som avveg omsyna til jordvern, grunneigarinteresser og miljø, og regelverket sine krav til standardar for å oppnå tilstrekkelig trafikkavvikling og tryggleik.

2 Hovudmålet har vore å få på plass ein samanhengande gang- og sykkelveg langs fv. 663 på strekninga Farstad-Skotten for å leggje til rette for trygg ferdsel for mjuke trafikantar. Det er planlagt å opparbeide gang- og sykkelveg på sjøsida langs fylkesvegen då størsteparten av eigedomane er plassert på denne sida av fylkesvegen. Både for mjuke trafikantar og for bilførarar er situasjonen ikkje tilstrekkeleg fordi dei må dele trafikkrommet. Dette er bakgrunnen for at Fræna kommune planlegger opparbeiding av gang- og sykkelveg. I tillegg har det vore behov for å sjå tiltaket i samanheng med andre tiltak rundt trygg og effektiv trafikkframføring. Det er difor inkludert areal for rasteplass, busshaldeplass m.m. Samtidig skal planen leggje til rette for nedlegging av vassleidning i same trasé som gang- og sykkelvegen frå enden på bustadfeltet på Farstad til og med krysset til Anders Sandvigs veg. Eide vassverk har planar om å utbetre vassforsyninga på Skotten, og dei har då moglegheit til å leggje nye leidningar i sama trasé som gang- og sykkelvegen. Det er snakk om å kanskje legge ned fiber i same slengen. Gang- og sykkelvegen går langsmed fylkesvegen på mest heile strekninga, med unntak der dei gamle vegane er tenkt nyttast til kombinert formål for gang- og sykkelveg og tilkomst til bustader. Utbygging av ny gangveg er totalt 2,4 kilometer lang. På dei delane av strekningane der husa ligg nærast fylkesvegen blir fylkesvegen flytta for å unngå uheldig nærføring og for å forbetre avkøyringane i området. Dette gjeld Farstad og forbi det tettbygde området på Skotten. Flytting/omlegging av fylkesvegen blir også gjort for å betre trafikktryggleiken til innbyggarane og andre i området. Som følgje av at fylkesvegen blir lagt om sørover på Skotten måtte planområdet utvidast ca. 200 meter austover for at den omlagde fylkesvegen skal samanføyast med den eksisterande. Nokre av eigedomane som i dag har direkte tilkomst til fylkesvegen får tilkomst via gang- og sykkelveg, og mange vil fortsatt ha direkte tilkomst til fylkesvegen. Men tal avkøyrsler vert redusert. Kvar eigedom skal ikkje ha meir enn ein avkøyring til fylkesveg. Planforslaget legg opp til å rive eit kontorbygg på eigedomen GID 87/181. Ved å regulere denne eigedomen til kombinert formål (bustad, forretning og kontor), med tilhøyrande føresegner, gir planforslaget løyve til å setje opp eit nytt kontorbygg på eigedomen. Innanfor planområdet er det påvist ein naturtypelokalitet "artsrik vegkant". Dei største negative konsekvensane for naturmangfaldet oppstår frå krysset til Kleivavegen og ca. 480 meter mot Skotten. Hovudutfordringa er knytt til gjennomføringa av anleggsarbeidet. Dei fleste tiltaka er å

3 unngå å bruke verdifulle naturtypelokalitetar til deponiområde og areal for midlertidige massedeponi og anleggsvegar. I tillegg er det føreslått å flytte raudlisteartar og dei regionalt sjeldne planteartane over til ny vegkant langs gang- og sykkelvegen. Planprosess og medverknad Varsel om oppstart av planarbeid vart sendt til naboar/grunneigarar, offentlege og private instansar den , og annonsert i Romsdal Budstikke den Frist for å kome med merknader/innspel var sett til Plana berører mange grunneigarar og interesser. Interessene som er berørt er knytta til dyrka mark/jordvern, grunneigarinteresser og trafikktryggleik. I saka har det difor vore viktig å leggje til rette for ein god planprosess med folkemøte og synfaringar med ulike partar. Den 25. juni 2015 vart det helde folkemøte på «Tusenborg» på Farstad der administrasjonen presenterte plana. Den 19. april 2016 hadde administrasjonen synfaring i det tettbygde området på Skotten, og på med Farstad med grunneigarar. Formålet med synfaringane var å bl.a. finne felles tilkomstløysingar då det blir behov for å sanere nokre av dei eksisterande avkøyringane når planen blir gjennomført. Merknader Det kom inn 10 merknader i forbindelse med melding om oppstart. Fristen for å kome med merknader var sett til Etter folkemøtet var det anledning til å kome med (fleire) merknader til plana, og fristen var sett til Då kom det inn to merknader. Istad nett, datert Istad Nett orienterer om sitt nett i området og viser til vedlagt kartskisse. Ein eventuell nødvendig flytting/omlegging på nemnte installasjonar blir ein kostnad som heilt eller delvis må dekkast av utbyggar. Visning på kartet er kun retningsgivande. I forhold til framtidig utbygging av området er det viktig av Istad Nett blir informert på eit så tidleg stadium som mogleg med tanke på el-forsyning til området. Med ein tidleg dialog mellom utbygger og Istad Nett sikrar ein gode løysingar til rett tid. Merknaden er teken til orientering. Møre og Romsdal fylkeskommune, datert Det er behov for arkeologisk registrering, og denne må gjennomførast før plana kan godkjennast. Merknaden er teken til orientering. Fylkesmannen i Møre og Romsdal, datert Planarbeidet bør leggje til rette for at vegkanten ikkje blir bygd ned frå Brandshaugen og til om lag 600 meter frå krysset på Skotten då vegkantane her er av naturtypen artsrike vegkantar. Det er naudsynt med ei vurdering etter prinsippa i naturmangfaldlova Vidare må det ikkje omdisponere meir dyrka jord enn naudsynt pga. viktige jordbruksområde.

4 Trafikktryggleika er høgare prioritert enn jordbruksarealet, men det er forsøkt å ta minst mogleg jordbruksareal. Når det gjeld naturmangfaldet er avbøtande tiltak tatt med i planen, jf. 9.2 og Statens vegvesen, datert Gang- og sykkelvegen må regulerast iht. krava i handbok 017, og dette må inn i føresegnene. Vegtraseen sin nye lineføring må utformast iht. krava i handbok 017. Det må vere tilstrekkeleg med areal til grøfter og sideareal på begge sider. Der fylkesvegen skal justerast kan gamal vegtrase nyttast som kombinert formål. Alle bustadavkøyringane skal utformast forskriftsmessig, og dette må inn i føresegnene. Det må regulerast inn frisiktsoner som ivaretar stoppsikta både for syklistar og bilar. Busshaldeplassane er lagt der det er tilstrekkelig sikt bakover for bussjåføren. Det er sikra sikt bakover frå bussen sitt speil i ein lengde lik 1,2 gangar stoppsikt. På Farstad og Skotten har ein valt å slå saman nokre avkøyringar, og desse er kombinert med gangog sykkelveg. Det kombinerte formålet er regulert med ein breidde på 4,5 meter Fylkesvegen er regulert med ei breidde på 7 meter med 3 meter skiljerabatt der det er lagt opp til gang- og sykkelveg. På Skotten er det regulert fortau med 1,5 meter skiljerabatt, og med krav om rekkverk. Langs fylkesvegen er gang- og sykkelvegen regulert med ein breidde på tre meter, og med 3 meter grøft mellom køyreveg og fortau. På Skotten blir fylkesvegen justert mot sør slik at det vert plass til fortauet utan for store konsekvensar for eigedomane i området. På Farstad blir fylkesvegen flytta, og gangvegen lagt langsmed fylkesvegen for å unngå uheldig nærføring, og for å forbetre avkøyringane i området. Det er regulert inn siktsoner som tek omsyn til stoppsikta for både syklistar og bilar. Grendautvalet for Skotten, Farstad og Vassenden, datert Ingen merknader Ole Petter Sandvik, datert Det er planlagt å legge gang- og sykkelveg over hans tilkomst for privat vassforsyning framom huset, og han lurer på korleis kommunen har tenkt å løyse dette. Forbi eigedomen til Sandvik vil eksisterande veg bli nytta til bl.a. gangveg så forslaget vil ikkje få konsekvensar for hans vassforsyning.

5 Sigmund Julshamn, datert Det bør leggjast til rette for rasteplass ved avkøyringa frå riksvegen til gamlevegen nord for Farstad sentrum. Det er planlagt ny avkøyring ved bautaen for Anders Sandvig og parkeringsplass for bussar. På Skotten bør gangvegen gå forbi sjølve Skottengarden og til forbi skyttarhuset til avkøyringa til fjellvegen. Det er lagt til rette for rasteplass nord for Farstad sentrum der utsikta er best. Det er også regulert inn rasteplass ved bautaen, ei satsing som Statens vegvesen planlegg. Busshaldeplassar er plassert med tanke på både noverande og framtidig busetnad. Når denne plana blir vedteken er det føreslått å starte opp ei ny regulering for å for å forlengje gangog sykkelvegen til fotballbana, og moglegeins enda lenger. Sjur Gjendem datert, og (to stk merknader) Føreslår undergang ved tipptua slik at gang- og sykkelvegen blir liggande på andre sida av hovudvegen resten av strekninga mot Skotten. Då blir det enklare å byggje gangveg gjennom Skotten sentrum, og ein unngår å ta dyrka mark som ligg på sjøsida. Før det blir planlagt bustader på sørsida av fylkesvegen på Skotten blir det ikkje regulert undergang. Det er ikkje naturleg å leggje opp til gang- og sykkelveg på den sida det er minst bustader. Mjuke trafikantar er følsame for omveger og høgdeforskjellar, og ramper ned til undergangen må vere rundt 60 meter lange. Det er ikkje forventa å få så stor mengde mjuke trafikantar slik at ein undergang vil bli for kostbart ut frå forventa bruk og trafikktryggingsgevinst. Merknaden er ikkje teken til følgje. Sissel og Asgeir Stegan, datert og (to stk merknader) Frå eksisterande gangveg frå Farstad til krysset ned til gamlevegen må det leggas til rette for ny veg og gangveg. Her er det gardstun og fleire hus nærme vegen, stor trafikk og veldig mange gåande, spesielt etter at kyststien kom. Avkøyringa ned til stranda må bli meir oversiktleg mot Farstad. Vegen forbi Stegan har gradvis ete seg nærare huset, og er ei utfordring på mange måtar. Fylkesvegen er flytta for å unngå uheldig nærføring, og for å forbetre avkøyringane i området.

6 Når fylkesvegen blir flytta lenger unna blir også avkøyringa til stranda flytta, og dermed får ein betre sikt mot Farstad. Internt planforum, Planarbeidet vart diskutert på internt planforumsmøte den 4. november Det vart belyst at det er ein utfordring å finne gode løysingar som avveg omsyna til jordvern. Landbrukssjefen påpekte at det blir nokre meiningslause felt med landbruk mellom ny og gamal veg som bør unngåast viss dette er mogleg. Kommunen bør utfordre fylkeskommunen til å bidra med registreringsgraving som i utgangspunktet er ein del av fylket sitt forvaltningsområde. Ca. 12 daa dyrka mark går tapt i forbinding med utbygging av gang- og sykkelveg, og flytting av fylkesveg. Det jordbruksarealet som blir igjen mellom den omlagde vegføringa og bygningane (ca. 2 daa) vil miste sin verdi som jordbruksareal. Trafikktryggleika er høgare prioritert enn jordbruksarealet, men det er forsøkt å ta minst mogleg jordbruksareal. Vurdering Planforslaget legg opp til å få eit samanhengande gangvegnett med tanke på trafikktryggleik på strekninga Farstad - Skotten. Som i eit folkehelseperspektiv er det viktig å stimulere til trygg og sikker ferdsel. Når det manglar gangforbinding legger ikkje dette til rette for fysisk aktivitet. Ved utbygging av trygg og sikker gang- og sykkelveg gjer at vi påverkar levekårsfaktorane som er med på å skape god helse for alle. Det er planlagt å opparbeide gang- og sykkelveg på sjøsida langs fylkesvegen då størsteparten av eigedomane er plassert på denne sida av fylkesvegen. Det er lagt til grunn at færrast mogeleg av bygningane skal rivast for å etablere gangveg, og det har kravd nokre løysingar for å komme seg forbi på dei trongaste punkta. Eit kontorbygg må likevel rivast. Reguleringsplanen sikrar rett til å sette opp nytt kontorbygg gjennom å regulere eigedomen til forretning/kontor (FK) med tilhøyrande føresegner. Planforslaget har ikkje som intensjon å auke trafikkmengda, men heller bidra til å betre dagens trafikktilhøve og redusere ulukkesrisiko. Innanfor planområdet er det påvist ein naturtypelokalitet, "artsrik vegkant". Dei største negative konsekvensane for naturmangfaldet oppstår frå krysset til Kleivavegen og ca. 480 meter mot Skotten. Hovudutfordringa er knytt til gjennomføringa av anleggsarbeidet. Dei fleste tiltaka er å unngå å bruke verdifulle naturtypelokalitetar til deponiområde og areal for midlertidige massedeponi og anleggsvegar. I tillegg er det føreslått å flytte raudlisteartar og dei regionalt sjeldne planteartane over til ny vegkant langs gang- og sykkelvegen. I arealplanlegginga blir utbyggingsbehov, transportsystem, grønstruktur, friluftsinteresser, biologisk mangfald og kulturminnevern vurdert samla. Jordvern er eit overordna kriterium i arbeidet med komande planlegging av samferdselsanlegg. Trafikktryggleik bør i dette tilfellet leggast stort vekt. Sjølv om jordvernet står sterkt, må også føringar som er gitt i Rikspolitiske retningsliner for samordna areal- og transportplanlegging, tilleggast vekt.

7 Rådmannen si tilråding: Med heimel i plan- og bygningsloven av 27. juni 2008, 12-10, vert forslag til detaljregulering for Farstad Skotten, gangveg, datert , med tilhøyrande føresegner datert same dato, lagt ut til offentleg ettersyn. Behandling i Plan- og økonomiutvalet i Fræna kommune Ved voterting ble rådmannens tilråding enstemmig vedtatt. Vedtak Med heimel i plan- og bygningsloven av 27. juni 2008, 12-10, vert forslag til detaljregulering for Farstad Skotten, gangveg, datert , med tilhøyrande føresegner datert same dato, lagt ut til offentleg ettersyn.