Detaljreguleringsplan for Rondaplassen - endeleg behandling når det gjeld adkomstveg til Rondaplassen AS sitt område

Transkript

1 Nord-Fron kommune Politisk sak Detaljreguleringsplan for Rondaplassen - endeleg behandling når det gjeld adkomstveg til Rondaplassen AS sitt område Utval Saksnr Møtedato Saksbehandlar Planutval 129/ Reidun Inger Tøfte Kommunestyret 113/ Reidun Inger Tøfte Saksansvarleg Arkiv Arkivsaknr. 14/399 Reidun Inger Tøfte L13 Journalpost 16/13145 Vedlegg: 1 Adkomstveg Rondaplassen - alternativ 1 2 Adkomstveg Rondaplassen - alternativ 2 3 Adkomstveg Rondaplassen - alternativ 3 4 Klage detaljregulering for Rondaplassen - Innkjøring 5 Notat_Rondaplassen_Innspill til begrenset høring 6 Rondaplassen_Trafikkavvikling_Vedlegg2 7 Reguleringsplan for Rondaplassen - merknader til begrenset høring av adkomstveg 8 Merknader frå vegvesenet til reguleringsplan for Rondaplassen 9 Regleringsbestemmelsar Rondaplassen - vedteke av K-styret , KOM-sak Oppsummering av saka: Detaljreguleringsplan for Rondaplassen er tidlegare sluttbehandla av kommunestyret. Etter klage på planvedtaket frå forslagsstillar, har spørsmålet om plassering av adkomsten til Rondaplassen AS sitt område vore ute på avgrensa høyring. Administrasjonssjefen tilrår at saka blir lagt fram for kommunestyret til sluttbehandling i forhold til adkomstvegen. Bakgrunn for saka: Detaljreguleringsplan for Rondaplassen vart eigengodkjent av kommunestyret i KOM-sak 138/15, i møte Nord-Fron kommune mottok klage frå Norconsult AS på vegne av Rondaplassen AS, på vedtak fatta av kommunestyret i KOM-sak 138/15, i møte I klaga blir det peikt på at det er gjort saksbehandlingsfeil ved at det i samband med endeleg vedtak i saka vart gjort endring av trasè for adkomstveg som ikkje hadde vore på høyring. Kommunen mottok i tillegg ei klage frå Rondaplassen AS, som i tillegg til adkomstvegen også omhandla planstatus for to av tomtene tilhøyrande Rondaplassen AS. Kommunestyret behandla i møte , KOM-sak 27/16, klage på planvedtaket knytt til arealformål for to av tomtene. Det vart gjort vedtak om at detaljreguleringsplan for Rondaplassen med heimel i 12-12, blir vedteke med kartalternativ B når det gjeld området BFF 04, dvs. at arealformålet endrast frå næringsareal til fritidsbolig for to av tomtene tilhøyrande Rondaplassen AS.

2 Når det gjeld adkomstvegen til området tilhøyrande Rondaplassen AS vart det gjort følgjande vedtak i KOM-sak 27/16: 1. Planutvalget mener det er grunnlag for å ta klaga fra Rondaplassen AS mottatt den til følge i denne saka, og anbefaler kommunestyret å fatte slikt vedtak: 1.1 Kommunestyret viser til klagen fra Norconsult AS på vegne av Rondaplassen AS mottatt Kommunestyret ser at det kan være gjort saksbehandlingsfeil i forbindelse med sluttbehandlingen av denne saka, og mener derfor det er grunnlag for å ta klagen til følge. 1.2 Spørsmålet om adkomstveg til Rondaplassen AS sitt område, sendes ut på en avgrenset høring til berørte parter. Det skal legges ut to alternativer, der alternativ 1 er det forslaget som lå ute til offentlig ettersyn etter førstegangsbehandling av reguleringsplanen, og alternativ 2 er det forslaget som ble endelig vedtatt i KOM-sak 138/ Etter høringen tas saka opp til ny sluttbehandling i forhold til adkomstvegen. Spørsmålet rundt adkomst til Rondaplassen AS vart sendt på ei avgrensa høyring til berørte partar; Rondaplassen AS, Statens vegvesen (SVV) og Kvam setervegar. Høyringsfrist var sett til Det kom inn 2 merknadar; ein merknad frå SVV datert (vedlegg 7) kor dei i hovudsak opprettheld sine tidlegare merknader (jf. vedlegg 8) og merknad frå Rondaplassen AS datert (vedlegg 4). Notat utarbeida av Norconsult for oppdragsgjevar Rondaplassen AS datert er å sjå på som ein del av merknaden frå Rondaplassen og er motteke av kommunen (vedlegg 5 og 6). Som ein del av høyringssvaret frå Rondaplassen, er det kome inn eit justert planforslag, jf. vedlegg 3 til denne saka. Ein viser til innkomne merknader frå Statens vegvesen og Rondaplassen AS som er summert opp nedanfor. SVV sin merknad: Planen har to alternativ til adkomstveg, alternativ 1 som låg ute ved 1. gongs høyring, og alternativ 2 som kommunestyret vedtok etter innspel frå Statens vegvesen, og som også ligg inne i gjeldande reguleringsplan. I klaga frå Rondaplassen AS er det vist til at Haugsetervegen er ein privat veg med beskjeden trafikk, og at avstanden til den nye avkøyringa er tilstrekkeleg med tanke på trafikkavvikling og trafikksikkerheit. SVV viser til deira uttale ved fyrste gongs høyring (vedlegg 8), og tilrår val av alternativ 2 som klart betre løysing enn alternativ 1. SVV er klar over at trafikken både på fylkesveg 419 og Haugsetervegen er avgrensa. Gjennomsnittstal for døgntrafikk gir ikkje nødvendigvis eit dekkande bilete da trafikk til og frå hytteområde har ein tendens til å toppe seg på fredagar og søndagar. Dei skriv at hovudproblemet med alternativ 1 ikkje er trafikkavviklinga på fylkesvegen, men at avkjørsla blir liggjande rett før vegbommen og skaper uoversiktlege trafikale forhold som er uheldig for trafikktryggleiken. Dette unngår ein ved å flytte avkjørsla lenger inn i Haugsetervegen i tråd med alternativ 2. Rondaplassen AS sin merknad:

3 På vegne av Rondaplassen AS har Norconsult AS utarbeida eit justert planforslag som dei meiner imøtekjem nokon av krava til vegvesenet. Rondaplassen AS meiner at det ikkje er sannsynleg med ei opphopning av bilar ved bommen som kan medføre problem for trafikkavviklinga. Men for å bøte på at evt. slike problem vil oppstå, har dei foreslått å opparbeide ein romsleg vegskulder på den eine sida av vegen som vender mot Rondaplassen før innkøyringa. Dette vil gje moglegheit for å passere for trafikantar mot Rondaplassen. Den breie vegskuldra kan evt. også tene som oppstillingsplass ved stor trafikk inn mot bommen mot Haugsetervegen. I planforslaget er det avsett eit areal for snøopplag i det sørvestre hjørne av Rondaplassen for å skape betre oversikt ved krysset ved store snømengder. Rondaplassen AS ber Nord-Fron kommune gjere om sitt vedtak og gjere vedtak om reguleringsplan med vegavkjørsle til Rondaplassen slik den framgår av vedlegg 3 til denne saka. Dei meiner løysinga som er vedteken vil medføre ei betydeleg ulempe for Rondaplassen. I sak PU 76/16, i møte vart det med bakgrunn i at Rondaplassen AS har fremma eit justert planforslag, som blir kalla alternativ 3, vedteke å sende dette på ei avgrensa høyring til berørte partar før saka blir lagt fram for sluttbehandling. Det vart gjort følgjande vedtak: 1. Alternativ 3, som er eit justert planforslag for adkomstveg til Rondaplassen AS sitt område, blir sendt ut på ei avgrensa høyring til berørte partar. Det er da lagt ut tre alternativ, der alternativ 1 er det forslaget som låg ute til offentleg ettersyn etter fyrstegongs behandling av reguleringsplanen og alternativ 2 er det forslaget som vart endeleg vedteke i KOM-sak 138/ Etter høyringa tas saka opp til ny sluttbehandling i forhold til adkomstvegen. Saka vart sendt på høyring til berørte partar; Statens vegvesen og Kvam setervegar, i tillegg til Rondaplassen AS. Høyringsfrist var Planfagleg vurdering: Adkomsten frå Haugsetervegen til Rondaplassen AS sine eigedomar har vore ute på høyring og den del av planen som gjeld plassering av vegen kan tas opp til sluttbehandling. Det har ikkje kome merknader frå nokon av høyringspartane til alternativ 3. Alt. 1: Planområdet grenser til fv. 419 og har tilkomst frå fylkesvegen via den private vegen Haugsetervegen. Alternativ 1 er ein del av det opprinnelege planforslaget som låg ute ved fyrste gongs høyring, og tilkomsten er plassert ca. 23 m frå krysset tvers over ei eksisterande avkøyring til 8 fritidseigedomar. Avkjørsla vil her kome ut like sør for bommen. Mellom bommen og frisiktsona i krysset ved fylkesvegen vil det vere plass til ei rekkje på 4 personbilar (jf. vedlegg 6). Ein vil peike på at det blir lagt klare føringar frå Statens vegvesen si side i forhold til plassering av bommen, dersom alternativ 1 skal kunne vedtas. Vegbommen må da flyttast lenger inn i Haugsetervegen slik at det er plass til 2-3 bilar før bommen, utan

4 at desse kjem i konflikt med avkjørsle til Rondaplassen eller frisiktsona i avkjørsla. Bommen er ein automatisk vegbom og det vil vere kostbart å flytte denne. Alt. 2: I alternativ 2 som kommunestyret vedtok etter innspel frå Statens vegvesen, og som også ligg inne i gjeldande regulerlingsplan for området, er avkøyringa til Rondaplassen lagt 63 m inn frå krysset ved fylkesvegen. SVV peiker på at dette vil gje ei langt betre avkøyring frå Haugsetervegen, ikkje vere i konflikt med vegbommen og gje kortare internveg i planområdet. Dersom ein vel alternativ 2 inneber det m.a. at Rondaplassen sine gjestar må køyre gjennom bommen og betale bomavgift, med dei ulempene dette medfører for drifta av Rondaplassen. Alt. 3: Dette alternativet er eit justert planforslag som Rondaplassen AS har fått utarbeida for å imøtekome nokon av krava som statens vegvesen har stilt. Ved innsending av forslaget blir det vist til at Haugsetervegen er ein privat veg utan gjennomgang til andre vegar. Trafikken er beskjeden, da brukarane i all hovudsak er dei som har andre eigedomar innover langs Haugsetervegen. Dei har også lagt fram ei oversikt over passeringar i bommen, som kan sjåast i vedlegg 4. Med bakgrunn i trafikkmengde på Haugsetervegen og at trafikk ikkje kan sleppe forbi bommen i båe retningar pga. vegbreidde og automatisk styring av bommen, meiner ein det m.a. ikkje er sannsynleg at opphoping av bilar ved bommen kan medføre problem for trafikkavviklinga på fylkesvegen. Med dei justeringane som er gjort i alternativ 3, m.a. med breiare vegskulder på den sida av vegen som vender mot Rondaplassen før innkøyringa, meiner ein at dette vil betre trafikksituasjonen ved bommen og bidra til ei betre trafikkavvikling. Det vil da vere mogleg å passere for trafikkantar mot Rondaplassen. Plass for snøopplag er foreslått regulert ved krysset noko som vil skape betre oversikt ved krysset ved store snømengder vinterstid. Etter ei samla vurdering tilrår ein at alternativ 3 blir valt, dvs. eit justert planforslag for adkomstveg til Rondaplassen AS sitt område. Rådmannsleiinga si vurdering: Rådmannsleiinga viser til den planfaglege vurderinga. Administrasjonssjefen legg saka fram for planutvalet med slik Innstilling: Planutvalet rår kommunestyret til å gjere slikt vedtak: 1. I medhald av plan- og bygningslova vedtek kommunestyret følgjande vegløysing for Rondaplassen AS sitt område innanfor Detaljreguleringsplan for Rondaplassen: Alternativ 3: Justert planforslag. Plankartet blir endra i samsvar med dette.

5 2. Planføresegnene får slikt nytt punkt 2.4.3: «Det blir avsatt areal for snøopplag (SVG 01) i sørvestre hjørne av planområdet». Plankartet blir endra i samsvar med dette. 3. Administrasjonssjefen får fullmakt til å gjere eventuelle redaksjonelle endringar i plandokumenta. Administrasjonssjefen i Nord-Fron Arne Sandbu PU-129/ Vedtak: Samrøystes som innstillinga. KOM-113/ Vedtak: Samrøystes som innstillinga.