SPORTSPLAN. Utøvaren i sentrum

Transkript

1 SPORTSPLAN Utøvaren i sentrum Vedteken av styret i Førde IL Fotball 22. juni 2009 Revidert hausten 2010, reviderast neste gong hausten 2012

2 Innhald 1. Innleiing Verdigrunnlag Dugnadsand Mål og overordna retningslinjer... 4 Hovudmål og retningslinjer barnefotball... 4 Hovudmål og retningslinjer ungdomsfotball... 4 Hovudmål og retningslinjer seniorfotball Sportsleg organisering... 5 Årsmøte Førde IL, fotball... 5 Styret... 6 Sportsleg leiar... 6 Sportsleg utval Funksjon: organisering av lag... 7 Barnefotball; grendaserien og barnegruppa... 7 Ungdomsfotball; smågut/småjenter... 9 Ungdomsfotball; gutt/jente Vaksenfotball; satsingslag Vaksenfotball; sosiale lag Anlegg NFF sine merkeprøver Hospitering og bruk av spelarar Differensiering Spelarpolitikk Keepertrening Utdanning Domarar

3 1. Innleiing Meininga med ein sportsplan er at den skal fungere som eit verktøy og hjelpemiddel for utøvarar, trenarar, leiarar og andre som er interessert i kva Førde Fotball driv med, lurar på korleis vi jobbar og korleis vi ønskjer å utvikle oss. Vi trur at ein sportsplan skal kunne bidra til ein heilskap i arbeidet vårt og auke vikjensla i Førde Fotball. Sportsplanen skal reviderast kvart andre år av sportsleg leiar. Første gong revidert hausten Planen skal godkjennast av styret i Førde Fotball. Innspel til sportsplanen gjev ein til sportsleg leiar. 2. Verdigrunnlag Vårt verdigrunnlag er basert på Noregs Fotballforbund sine verdiar; fotballglede, mogelegheiter og utfordringar for alle. I tillegg har Førde IL Fotball følgjande grunnverdiar; lykkast saman, best saman, vere inkluderande og ta vare på kvarandre. I fotballen handlar det om å score mål, vinne kamper og kåre vinnarar. Men like viktig er det at fotballen skal vere ein arena for formidling av verdiar og haldningar. Vi ønskjer å legge til rette for at born og ungdom skal få ein god og trygg oppvekst. Fotballen sitt verdigrunnlag skal vere sentralt og levande, og fungere som verktøy i kvardagen. 3. Dugnadsand Botnen for det arbeidet som blir gjort i klubben må vere ei forståing av at ein som utøvar, trenar, leiar og foreldre i ein breiddeklubb som Førde IL Fotball er ein del av eit fellesskap. Dette fellesskapet blir leia av eit årsmøte, som igjen vel eit sett av personar til å leie klubben. Denne leiinga har ikkje berre det sportslege ansvaret, men og t.d. det økonomiske ansvaret. Særleg i forhold til økonomi er det viktig at alle har ei felles forståing av at klubben treng midlar til ordinær drift (t.d. påmelding av lag i seriar, baneleige), oppgradering (t.d. drakter, ballar) og investeringar (t.d. Hafstad Idrettspark, drift grendabaner) ut over det ein belastar den einskilde i treningsavgift. 3

4 Historisk sett er det ingen andre tema det blir krangla like mykje om som dei metodane idrettslag nyttar for å få inn ekstra midlar, t.d. dugnader, loddsal, kioskarbeid og arrangement. Det er difor viktig at alle forstår at denne typen arbeid er viktig for klubben, er heilt nødvendig for klubben, samt at dette er arbeid ein SKAL vere med på når ein sjølv eller borna er medlem i Førde IL Fotball. Ut over viktigheiten av dugnadsand for økonomien i klubben er det viktig å merke seg at dette arbeidet held treningsavgiftene nede, og i tillegg kan vere med på å gje oss ei auka vi-kjensle. 4. Mål og overordna retningslinjer Hovudmålet for Førde Fotball er å gje eit kvalitativt og kvantitativt godt tilbod til dei som ønskjer å spele fotball i Førde. Overordna retningslinjer for Førde Fotball er Norges Fotballforbund (NFF) sine retningslinjer. Hovudmål og retningslinjer barnefotball For aldersgruppa 6-12år gjeld NFF sine retningslinjer for barnefotball, med verdiar som respekt, toleranse, likeverd og menneskeverd som styrande for all aktivitet. Grunnverdiar er likskap, jamnbyrdigheit og breidde. Hovudmål for barnefotballen er gje så mange born som mogeleg eit fotballtilbod og ei fotballoppleving prega av tryggleik, meistring og trivsel gjennom både trening og kamp, samt deltaking i eit sosialt og trygt lags- og klubbmiljø. Sjå link for utfyllande informasjon: Hovudmål og retningslinjer ungdomsfotball Eitt mål for ungdomsfotballen for aldersgruppa år er å gi så mange ungdomar som mogeleg fotballtilbod og ei fotballoppleving prega av tryggheit, meistring og trivsel gjennom både trening og kamp, samt deltaking i eit sosialt og trygt lags- og klubbmiljø. Eit likestilt mål for denne gruppa er å utvikle utøvarar som kan delta i konkurransefotball på seniornivå lokalt, regionalt, nasjonalt og internasjonalt. Overordna retningslinjer for Førde Fotball blir difor å legge til rette for både gode sosiale relasjonar og utvikling av utøvarar. Hovudmål og retningslinjer seniorfotball 4

5 Hovudmålsetjingar for seniorfotballen er å utvikle fotballspelarar for toppnivå og etablere herrelag i 2. divisjon med lokal profil. Samtidig skal Førde Fotball gje eit tilbod for utøvarar og lag som ønskjer å drive meir sosial aktivitet Overordna retningslinjer for Førde Fotball blir då å legge til rette for utvikling av utøvarar og senior A-lag herrar, samt gode sosiale relasjonar for dei som ikkje har ønskje eller mål om å bli gode utøvarar eller spele på A-laget for herrar. 5. Sportsleg organisering Årsmøte Førde IL, Fotball Styret i fotballgruppa m. sportsleg leiar Sportsleg utval, leia av sportsleg leiar Satsingslag Aldersfastlagt Akademi 1. lag herrer Ungdomsgruppa år Damelag Barnegruppa år 2. lag herrer Grendaserien 7-10 år Satsingslag gutt Årsmøte Førde IL, fotball Overordna lovgjevande og løyvande organ for Førde IL-fotball. 5

6 Styret Det einskilde styremedlem skal med sin kompetanse og arbeidsinnsats medverke til at drøftingar og avgjersler i dei enkelte saker styret handsamar vert gjort til det beste for klubben. Styret har overordna beslutningsrett for den sportslege satsinga i klubben, og utnemner ein styremedlem som sportsleg leiar. Sportsleg leiar Sportsleg leiar er øvste ansvarlege leiar av den sportslege satsinga i Førde Fotball og er vald av styret i Førde IL fotball. Sportsleg leiar er hovudansvarleg for all sportsleg aktivitet og har hovudansvar for: Rapportering og tilbakemelding til styret på aktivitet, tiltak og oppfølging av planar, her under spesielt sportsplan Førebu og framlegge vedtak for styret innafor sportsleg ansvarsområde Utarbeide årsplan og årsmelding Utarbeide budsjett Sportsleg utval Sportsleg utval er leia av sportsleg leiar, og er øvste sportslege, utførande organ i klubben. Sportsleg utval er skal sikre den sportslege satsinga i Førde IL, fotball, m.a: Klubben driv i samsvar med NFF sine lover og retningslinjer Organisere aktiviteten i klubben slik at ein når mål og følgjer retningslinjene for sportsleg utvikling Sørgjer for at dei aktive sine interesser blir ivaretekne Vurderer og samordnar trenings- og skulerings- tilbod for utøvarane Legg til rette for utdanning og utvikling av trenarar Vurderer og legg til rette for trenarsamarbeid Vurderer og oppretter/driv faglege fora, t.d. trenarforum Vurderer og følgjer opp rekrutteringstiltak Sportsleg utval er sett saman av sportsleg leiar og skal bestå av sportsleg administrativ leiar (tilsett), sportsleg ansvarleg (tilsett), spelarutviklar (tilsett) leiar for ungdomsgruppa (vald) og evt. andre sportsleg leiar finn det naturleg at kan bidra til å fremje den sportslege utviklinga i klubben. Sportsleg utval kan bytte medlemer ved årsmøte, eller ved behov. 6

7 6. Funksjon: organisering av lag Vi skal gje eit breitt tilbod til alle som har lyst til å spele fotball, samtidig som vi skal legge til rette for spelarar som ønskjer å utvikle seg optimalt. Generelt er det berre A-lag herrar og damer som skal ha eit prestasjonsfokus. Resterande lag skal vere utviklingsarenaer der prosessen fram mot å bli så god som mogeleg som einskildutøvar er det primære fokuset. Førde IL fotball skal tilretteleggje mogelegheiter for utøvarar som har ambisjonar og føresetnader for framtidig rekruttering til norsk toppfotball. Førde IL fotball vil tilretteleggje for utøvarar som ønskjer å satse på idretten sin ved å leggje til rette for auka treningsmengde. Det betyr at vårt viktigaste utvelgingskriterie for talentsatsing er ønskje om å trene meir. Deretter kjem kriterier som talent og føresetnader motorisk og fysisk. I tillegg er det ei viktig oppgåve for klubben å kvalitetssikre at den auka treningsmengda er av ein slik art at den aukar sjansen for å bli god. Barnefotball; grendaserien og barnegruppa Basert på faktakunnskap om at det ikkje er mogeleg å avgjere om ein utøvar i desse alderstrinna blir ein god fotballspelar som vaksen vil Førde Fotball ikkje differensiere aktivitetstilbod basert på talent. Utøvarane organiserast i lag ut i frå geografi, ikkje talent. Trening og kamptilbod skal vere prega av grunnverdiane og retningslinjer for barneidrett frå NFF. For at alle born fram til dei er 12 år skal gjevast mogelegheit for å oppleve fotballspel tilpassa eige utviklingsnivå SKAL følgjande reglar etterlevast i trening og kamp: Barnefotball er leikbetont o Barnefotballen er borna sitt første møte med organisert fotball, i form at ein har drakter og spelar på baner. Men hugs at dette skal vere leik - ikkje blodig alvor. Alvoret kjem tidsnok. Og førsteinntrykket betyr mykje, kanskje alt. Lat borna ha det moro, la dei leike - og la resultatet vere underordna. Det viktigaste resultatet du kan få er fornøgde born som byggjer opp vennskap gjennom samhandling. Det viktigaste er å vere saman med vener o Borna søker først og fremst til fotballen for å vere saman med vener. Det er dette samhaldet vi skal framelske - og det er eit slikt samhald som skapar lagånd. La difor vener trene saman og spele på same lag! Alle skal spele like mykje 7

8 o Ingen blir betre av å sitje på benken og alle tykkjer det er moro å spele. Dessutan er det ingen som veit kven som blir best som vaksen. Trivselen og ferdigheitsutviklinga er viktigare enn resultatet, sjølv om alle tykkjer det er moro å vinne og å score mål. Det er difor ikkje ønskjeleg at nokon "toppar laget" for å vinne kampar. La alle spele like mykje, la alle i tur få spele frå start og la alle spele på forskjellige plassar! Lær borna å tåle både siger og tap o I barnefotball kan alle delta, ingen er for dårlig og ingen er for god. Det er difor viktig å byggje på prinsippet om jamnbyrdig motstand både i kamp og trening. Ingen likar å tape eller vinne tosifra. Ta siger og tap med fornuft - tålar de vaksne å tape, lærer borna det også. Fotball er eit lagspel der alle tapar og alle vinn. Ein siger tek kvar einskild med seg heim - eit tap delast av alle. Meir trening og færre kampar o Born bør trene meir enn dei spelar kampar. Og dei bør oppmuntrast til eigenorganisert aktivitet. Det gjer du best ved å ha morosame treningar. Og legg opp til eit kampprogram som varierer mellom enkeltståande kamper og turneringar! Barnefotball er allsidig aktivitet o Gjennom fotballspelet får born mogelegheit til å utvikle grunnleggjande motoriske ferdigheiter som til dømes å gå, springe, hoppe, kaste og sparke. Fotball for born er difor allsidig. Likevel bør born sjølvsagt få mogelegheit til også å drive med andre idrettar, om dei ønskjer det. Dei ulike tilboda må difor koordinerast. Men det må ikkje vere krav at ein må drive med fleire idrettar. Barn må få gjere det de har lyst til. Fotball er eit spel o Spelet er sjølve kjernen i fotball. Dessverre ser vi at einskilde trenarar nyttar øvingar som ikkje alltid virkar motiverande. I barnefotballen bør ein fokusere på ulike typar spel, leikar og grunnleggjande ferdigheitsøvingar, og småspel bør vektleggjast mest. Unngå lange køar ved ferdighetsiøvingar - flest mogeleg involveringar per spelar må vere målet. Morsomt og utviklande! Lat oss gå saman om gladfotball for dei yngste o Dei vaksne skal styre trening og kamp slik at borna får oppmuntring og rettleiing. Eit viktig mål er at alle utviklar sine ferdigheiter og ser framgang. Men det skal også leggjast vekt på å lære dei å innordne seg i ei gruppe. Dei vaksne må gjere det dei kan for at alle borna trivst. Og hugs at du som vaksen er eit forbilde - born har ei eiga evne til å gjere som du gjer, ikkje som du seier. 8

9 Barnegruppa og grendaserien organiserast med ein leiar kvar. Desse koordinerer gruppene sine og ser i denne samanhengen til at laga følgjer opp sportsplanen. Ungdomsfotball; smågut/småjenter Det er ikkje mogeleg å avgjere om ein utøvar i dette alderstrinnet blir ein god fotballspelar som vaksen. Vi ser likevel at det er vanskeleg å kun fokusere på teknikkutvikling, haldningar og ikkje differensiere for denne aldersgruppa. Motstandarane våre differensierer, andre idrettar differensierer, NFF legg opp til spissing frå års alder, samt at utøvarane våre signaliserer at dei ønskjer ei sterkare differensiering. Vi legg difor opp til eitt satsingslag for smågutegruppa og eitt for småjentene. Laget skal bestå av utøvarar frå begge årskulla og skal takast ut etter gitte kriterier: Treningsmengde Ferdigheiter Haldningar Sjå elles kapittelet om hospitering i samband med flyt av spelarar mellom dei ulike laga. Ved tvistar i samband med organisering av lag skal sportsleg utval ta avgjersler. Andre tvistar og utfordringar knytt til den sportslege aktiviteten ein ikkje klarar å løyse sjølve, skal også via leiar i ungdomsgruppa avgjerast av sportsleg utval. Fokuset i treninga skal vere på teknisk utvikling, haldningar til trening og meir på kollektive taktiske val enn i barnegruppa og grendaserien. Førde IL Fotball skal leggje til rette for auka treningsmengde og teknikkutvikling, som vi meiner er viktigaste satsingsområde i denne alderen. Vi tilbyr difor denne ekstratrening i form av akademi og andre alternative treningsøkter minimum to gonger per veke i perioden november - juni. I den grad vi spissar tilbodet til denne aldersgruppa skjer det i form av å tilretteleggje for auka treningsmengde og spesielt teknisk ferdigheitstrening. Uavhengig av om ein er utøvar på satsingslag eller breiddelag skal det vere slik at alle som deltek på trening og kamp skal spele kampar. Vi oppfordrar i tillegg trenarane til å vurdere viktigheiten av å vinne kampar mot viktigheiten av å gje alle kamperfaring. Trenarane har ansvar for at alle utøvarane skal føle seg som ein del av laget ved å gje alle speletid. 9

10 Haldningskompetansen er ein viktig del av Førde IL Fotball sin strategi for å utvikle fleire gode utøvarar, og påvirke dei til å bli gode samfunnsborgarar. Trenarane har ansvar for å legge til rette for gode haldningar, og respekt for med- og motspelarar, trenarar, dommarar og andre involverte i fotballen. I eit slikt perspektiv skal trenar kunne krevje at utøvarane seier i frå om dei ikkje kan møte til trening eller kamp. Trenar vel sjølv sanksjonering om ein ikkje seier i frå. Sportsleg utval involverast ved konflikt. I praksis vil ofte trenarar som har følgt utøvarar i barnegruppa også vere trenarar på dette alderstrinnet. Sportsleg utval har likevel rett til å gå inn og bestemme kven som skal vere trenarar på einskildlag. På satsingslaga engasjerer klubben trenarar. Ungdomsfotball; gutt/jente Basert på faktakunnskap om at ein i denne alderen vel hovudidrett baserer vi oss på å differensiere tilbod til utøvarar som ønskjer å satse, og dei som ønskjer å drive idrett i eit meir sosialt perspektiv. I forhold til dei som ønskjer å satse på idretten sin tilbyr Førde Fotball fire organiserte treningsøkter per veke, i tillegg til kamp på gutesida. Klubben ønskjer at det og skal skje på jentesida. Det blir påmeldt lag i serien i forhold til talet utøvarar som ønskjer å satse. Krav for å vere med på satsingslag er obligatorisk oppmøte på 4 fellesøkter per veke, i tillegg minimum to eigentreningsøkter. Ein må også vise ønskje og vilje i forhold til å prioritere fotball framfor andre aktivitetar. I utgangspunktet skal alle som ønskjer å satse på fotball få tilbod om det. Som hovudregel blir det dreve eitt satsingslag på gutenivå. Laget skal bestå av dei utøvarane med antatt høgast nivå. Desse trenar saman med 4. divisjonslaget. Primær kamparena er gut elite, og sekundære arenaer er 4. divisjon, 2. divisjon eller 5. divisjon. Trenarar for 4. divisjon og resterande satsingslag skal plukkast ut av sportsleg utval med mål om å tilby best mogeleg oppfølging av utøvarane. Mengda av satsingslag skal i utgangspunktet avgjerast ut i frå kor mange som ønskjer å satse på fotball. Kor mange satsingslag vi stiller til ei kvar tid blir begrensa av mengda av kvalifiserte trenarar og areal. Sesongen 2009 har vi t.d. ikkje trenarar eller areal til meir enn to satsingslag. Førde Fotball ønskjer å stimulere til samarbeid mellom idrettane i Førde, og bidra til allsidige utøvarar. Etter avtale med trenar kan utøvar difor fristillast frå einskildøkter 10

11 om det kolliderer med anna aktivitet utøvaren driv. Det blir som hovudregel ikkje gitt fri til deltidsjobbing for dei som skal vere med på satsingslag. På jentesida stiller Førde Fotball to lag utan utvelging. Dei beste utøvarane blir ivaretekne gjennom hospitering med damelag eller gutelag, samt gjennom individuell utvikling gjennom akademi. Vaksenfotball; satsingslag A-lag herrar skal vere einaste herrelag i klubben med fokus på prestasjon. Tilsvarande gjeld for A-lag damer. Dei til ei kvar tid sportsleg beste og mest talentfulle utøvarar skal utgjere A-laga. Fotballfagleg innhald på A-lag herrar og damer blir til ei kvar tid bestemt av sitjande trenar. A-lag skal ha eit lokalt fokus. Det vil seie at laget primært skal bestå av eigenproduserte utøvarar og utøvarar frå klubbar i nærmiljøet. Det skal IKKJE hentast utøvarar frå andre klubbar for å forsterke stallen. Unntak frå denne regelen er når utøvar utanfrå er så mykje betre sportsleg enn det vi har at denne tydelig vil fungere som referanse for eigne spelarar. I praksis skal då utøvar minimum ha erfaring frå divisjonen over der A-lag til ei kvar tid spelar, helst to divisjonar over. Sportsleg utval avgjer om aktuelle utøvarar tilfredstiller dette kriteriet. 2. laget herrar skal bestå av dei mest talentfulle juniorspelarane i klubben, som ikkje er på A-laget. Dette skal vere ein kjerne av om lag 8-12 spelarar som skal ha primær kamparena på 2. laget. I tillegg skal dei beste gutespelarane spele kampar for 2. laget. Kor mykje den einskilde gutespelar spelar for 2. laget blir til ei kvar tid vurdert i samarbeid mellom trenarane for dei ulike satsingslaga. Ved tvist har sportsleg utval det siste ordet. 2. laget herrar skal trene saman med det beste gutelaget. Totalt skal det vere om lag 30 utøvarar i dette treningsfellesskapet. Tre trenarar skal følgje opp desse. To av trenarane skal følgje opp 2. laget i kamp, medan ein følgjer opp gutelaget. Vaksenfotball; sosiale lag Vi skal tilby trening og kamp for dei som ønskjer å nytte fotball i sosialt perspektiv. Difor skal 3. lag herrar organiserast slik ein gjer i barnegruppa og ungdomsgruppa. 7. Akademi 11

12 Førde-akademiet er eit frittståande tiltak som skal gå ved sidan av dei andre strukturane i Førde IL Fotball. Sportsleg utval har det overordna ansvaret for akademiet. Per i dag er det tilsette i Førde IL Fotball som har det administrative og faglege ansvaret for gjennomføring av akademiet. Førde-akademiet skal gjennomførast med godt skulerte instruktørar, på tider som ikkje konkurrerer med laga sin aktivitet og andre aktivitetar, og med eit fokus på å utvikle tekniske ferdigheiter, kunnskap og haldningar. Akademitilbodet skal kvalitetssikre at dei som har lyst til å satse når dei blir eldre har godt grunnlag teknisk, kunnskapsmessig og haldningsmessig til å kunne bli gode. For gute- og jente- spelarane i klubben gjev akademiet ei ekstra treningsmengde, og kunnskapsmessige og haldningsmessige eigenskapar nødvendige for å bli gode. Primær tidsperiode for Førde-akademiet er nov-des og jan-mar. Dei eldste, klasse, trenar 3-4 økter per veke. Dei yngste, klasse, trenar 2 økter per veke. Det kan også gis tilbod om akademiøkter i perioden april-juni. Men då 2 økter per veke for begge aldersgruppene. 8. Hafstad Vidaregåande Skule Treningsmengde og kvalitet på trening er svært viktige element for å kunne bli god. Førde IL fotball er organisert med krav om minst 4 obligatoriske treningsøkter og minimum 2 eigentreningsøkter per veke for satsingsutøvarar frå gutealder i klubben. 9. Anlegg Førde IL Fotball er svært fornøgd med at Hafstad Vidaregåande Skule legg til rette for at satsingsutøvarar skal ha tilgjengelig to treningsøkter på dagtid kvar veke. Førde IL Fotball gir tilbod til eit avgrensa tal utøvarar om oppfølgjing på desse øktene. Kriteriene er at dei ønskjer å satse (dvs. forpliktar seg til minimum 4+2 økter per veke) og allereie har godt utvikla ferdigheiter. Denne treninga vil fokusere på vidareutvikling av kapasiteten til utøvarane for å stette arbeidskravet. Det er svært viktig at dette tilbodet er tilgjengelig for satsingsutøvarar også i framtida. Førde IL Fotball skal difor aktivt jobbe for eit godt samarbeid med Hafstad Vidaregåande Skule og at skulen befestar sin posisjon i lokalmiljøet og i fylket. Målsetjing: Tilby treningsfasilitetar som støttar arbeidet for å nå klubbens sosiale og sportslege målsetjingar. 12

13 Klubben har pr. november 2008 ikkje treningsarenaer nok til å dekke behovet. Dette vert spesielt merkbart vinterstid når forholda ikkje tillet bruk av grasbaner. Førsteprioritet for klubben er difor å betre treningsforhold og auke banekapasitet vinterstid. Andreprioritet er utvida kapasitet sommartid. Hafstad Idrettspark vil innehalde to store kunstgrasbaner og vil betre situasjonen mykje. Med undervarme på ei eller begge av desse banene vil ein dramatisk betra treningsforhold gjennom heile vinteren på ei bane. Om sommaren vil i tillegg opparbeiding av tre 60x40 grasbaner på Hafstad idrettspark avhjelpe banebehov. Likevel må ein hugse at ein store delar av året vil ha for lite treningsareal for utøvarane. Per i dag manglar vi i følgje NFF sin banekalkulator 4 store fotballbaner. Og sjølv med to nye kunstgrasbaner vil vi i vintermånadene mangle to store baner. Og behovet for baner har dei seinare år auka med om lag 0,2 baner per år. Det er difor svært viktig at Førde IL fotball planlegg auke av banekapasiteten ut over dei banene som kjem på Hafstad Idrettspark. 10. NFF sine merkeprøver Førde Fotball ønskjer å bidra til at flest mogeleg tek minimerket og teknikkmerket i klubben. Dette har vi gode tradisjonar for, og ønskjer å fortsette med. Øvingane er lagt opp slik at dei kan leggast inn som ein naturleg del av treninga, og trenarane i klubben blir oppfordra til at spelarane kan ta minimerket eller teknikkmerket. Alle gutar og jenter kan ta minimerket I og II til og med det året dei fyller 12 år. Minimerket består av to nivå, minimerke I (blått) og minimerke II (raudt). Dei som ønskjer å gå vidare til teknikkmerket bør først ha teke Minimerke I og 2. Alle gutar og jenter kan ta teknikkmerket til og med det året dei fyller 14 år. Teknikkmerket finst i fem ulike variantar; blått, raudt, bronse, sølv og gull. Link til NFF sine merkeprøver: Link til brosjyre om teknikkmerkene: 13

14 Link til registreringsskjema for teknikkmerkene: Hospitering og bruk av spelarar Mål med hospitering er å gje gode og motiverte spelarar muligheit til å trene med utøvarar som utfordrar den aktuelle spelaren til å utvikle seg meir enn den ville gjort om ein berre trena med laget ein høyrer heime i om ein ser berre på alder. Følgjande reglar gjeld for hospitering: Sone- og krinslagsspelarar, samt spelarar med ambisjonar og interesse, skal få tilbod om hospitering på lag med eit meir krevjande sportsleg tilbod enn det utøvaren er van med. Det er utøvar sine ferdigheiter og trenarar si vurdering av potensiale over tid som skal legge premissane for kven som skal hospitere. Spelarar kan og delta på hospiterande lag sine kampar etter avtale mellom trenarane. Hospitering skal ALLTID avtalast mellom trenarane FØR spelar blir informert. Ein trenar skal difor IKKJE gå direkte til aktuell spelar. Når ein spelar har starta hospitering med eit lag på høgare nivå, er det dette laget sine trenarar som styrer spelaren sin aktivitet og har ansvar for at totalbelastning ikkje blir for stor. Ved ueinigheiter er det sportsleg utval som har det avgjerande ordet. Hospitering opp skjer normalt frå smågut/småjentealder, og opp på lag med eldreutøvarar frå desse. I tilfeller der ein ønskjer å hospitere opp til småjente/smågutealder skal dette avklarast med leiar i ungdomsgruppa i forkant. Hospitering er eit viktig virkemiddel for oss i Førde IL Fotball for å skape gode utøvarar. Og vi må saman legge til rette for utvikling gjennom hospitering. Og hospiteringa treng ikkje nødvendigvis berre skje inn mot eit satsingslag. Like gjerne kan t.d. smågutespelarar hospitere med andre gutelag enn gut 1, hvis det er til utøvaren sitt beste. Figuren under illustrerer mogelege hospiteringsløysingar. 14

15 A-lag 2.lag (herrer) satsingslag breiddelag breiddelag satsingslag breiddelag breiddelag 15

16 12. Differensiering Mål med ei differensiering av det sportslege tilbodet er å utfordre den einskilde utøvar sin kapasitet og mogelege føresetnadar på ein slik måte at ønska utvikling skjer. Det betyr igjen at det er vesentleg med både forståing og aksept for at meistringsfaktoren i forhold til mengde, kvalitet og krav kan og må differensierast i størst mogeleg grad ut i frå individuelle omsyn. Differensiering skal nyttast til å ivareta ulike føresetnadar, lyst og behov i forhold til: meistring og utfordringar i treningskvardagen. ønskje og lyst når det gjeld mengde aktivitet og trening. enkeltspelarar og mengde og nivå på treninga. Gjennom denne sportsplanen blir det gjeve opning for å opprette talentgrupper. Desse har følgjande mål: Gje eit kvalitativt og kvantitativt betra tilbod til ambisiøse og treningsvillige spelarar Ta vare på Førde Fotball sine lovande spelarar samt følgje opp sone- og krinslags- spelarar Utvikle tekniske ferdigheiter Påverke haldning til trening, trenarar, leiarar og dommarar Utvikle ansvarskjensle ved at det blir gjeve auka ansvar og mogelegheit for eigen utvikling. Talentgrupper kan opprettast frå smågut/småjente-alder og oppover. Sportsleg ansvarleg plukkar ut utøvarar til gruppa og tek lagstrenarane med på råd, med utgangspunkt i dei utøvarane som er på Sogn og Fjordane Fotballkrets sine toppgrupper. Desse treningane skal leggjast på andre tider enn dei ordinære lagstreningane så langt det let seg gjere. 13. Spelarpolitikk Gode spelarar er interessante for fleire lag i klubben. Det kan medføre at over lengre periodar i seriesesong er spelar med på fleire kampar per veke enn treningar. Det er ikkje gunstig. 16

17 Ein tommelfingerregel er forholdet 3 treningar : 1 kamp, eller i snitt 1 ½ kamp per veke. Utfordringa er at spelar blir brukt på den kamparenaen som passer ferdigheitene, og at det blir gitt nok tid til trening og restitusjon mellom kampane. Talentfulle spelarar kan vere involvert i kampar på sone krets og nasjonalt nivå. Dette er utfordrande kamparenaer, men det er viktig at dei blir satt inn i ein syklus som er gunstig for spelar. Det kan medføre at i ein gitt situasjon skal spelar stå over ein kamp på ein arena, for å få testa ut sine ferdigheiter på ein av dei andre arenaene. Generelle retningslinjer: Ein spelar bør ikkje ha meir enn to kamparenaer! Ein spelar deltek på det beste laget vedkomande er kvalifisert for. Ein spelar kan flyttast opp på eit høgare nivå i løpet av sesongen. Denne flyttinga skal også vere dynamisk, dvs at ein kan ha treningsarena på eit gitt nivå og spele kampar på nivå over eller under. Prinsippet om oppflytting vert styrt av trenarapparatet der høgast rangert lag har ansvaret. Dvs. at t.d. trenar for 2. lag avgjer om gutespelar er kvalifisert for 2. laget, osv. Ein forventar sjølvsagt likevel eit nært samarbeid mellom trenarane i slike situasjonar. Trenaren på det høgaste nivået styrer òg bruken av spelar i samband med kamp. Ein må ta omsyn både til spelarens ønskje og til spelarens kapasitet (tal kampar) i vurderinga. Om trenarane ikkje vert einige om plassering av ein spelar ligg avgjerda hjå sportsleg utval. I aldersbestemte klassar (junior småjenter/ smågutar) er hovudmålet å utvikle spelarane. Spelarutvikling og utvikling av laget vert viktigare enn resultat. Ein vil sjølvsagt setje seg høge resultatmål, men det har likevel prioritet bak utviklingsmål. Ein ønskjer og forventar at trenarar og lagleiarar på alle nivå er motiverte for å utvikle eigen kompetanse som har relevans til det vervet ein står i. 14. Keepertrening Førde Fotball har som mål å gje tilbod på eigne keepertreningar for talent og keeperar frå klassen smågut/småjente og oppover. For klassen lillegut/lillejente kan keepertrening vera innhald i den vanlege treninga. 17

18 Gjennom store delar av året skal vi prøve å ha gåande akademi-økter for keeper. Desse vil vi tilby frå same alder som ordinær akademi-trening, dvs. frå 5. klasse. Vi vel å ikkje setje ei øvre aldersgrense for akademiet for keeper. Dvs at alle som vil frå 5. klasse kan delta på keeper-akademiet. I tillegg skal klubben delar av året prøve å tilby keeper-trening for alle keeprar i klubben ein gong per veke uavhengig av aktivitet på dei einskilde laga. Her samlar ein alle keeprar som vil 5. klasse alder for teknikktrening, erfaringsutveksling og kompetansebygging. Trenarane på dei ulike laga bør vere obs på at keeper bør delta i den vanlege treninga til laget på same nivå som dei andre spelarane for å opparbeide fotballforståing, styrke og teknikk. Vi skal ha eit samarbeid med Terje Skjeldestad keeperskule om korleis vi organiserer keepertrening i klubben. Dei sit med spisskompetanse på området og vil kunne tilføre Førde Fotball sine keeperar mykje kompetanse og kvalitet. Denne kompetansen bør vi prøve å utvikle sjølve og få eigne keepertrenarar som blir lærte opp gjennom Terje Skjeldestad keeperskule. 15. Utdanning Hovudmålet for Førde IL Fotball er å utdanne nok aktivitetsleiarar, trenarar og domarar for å tilfredsstille behovet for aktivitet, trivsel, opplæring og utvikling. Per 2009 er klubben langt i frå å nå ei slik målsetting. Det er difor viktig å setje fokus på utdanning i klubben. Vi ønskjer å gje alle trenarane tilbod om å utdanne seg, både gjennom kurs i regi av fotballkretsen og lokale tiltak. Vi vil freiste å arrangere aktivitetsleiarkurs lokalt ein gong per år (del I av trenar-i utdanninga). Vidare ønskjer vi å tilby tilsvarande kurs i barnefotball (del II av trenar-i utdanninga). Vi ønskjer også lokalt å tilby del III og IV for å fullføre trenar I- utdanninga. Lagleiarar skal få tilbod om utdanning som leiar I. Vi ønskjer også å gjennomføre lynkurs i dei ulike grendene minst ein gong per år. Dette vil vere tiltak som skal inspirere og utvikle foreldre og andre som er trenarar i grendaserien og barnegruppa til å utvikle seg. 18

19 Trenarane for alle lag skal og ha tilbod om å være med på trenarforum i klubben, som arrangerast ein gong per månad. 16. Domarar Hovudmålet for Førde IL Fotball er å utdanne nok domarar for å tilfredstille behovet for domarar i eigen klubb, og levere gode klubbdomarar vidare til fotballkretsen sitt system og ansvar. Målsettinga må vere å levere minimum ein rekrutteringsdomar til kretsdomarvurdering kvart år, og utdanne minimum tre rekrutteringsdomarar kvart år! Frå hausten 2010 skal alle første års gute- og jentespelarar gjennomføre klubb- /rekrutterings- domarkurs. Det kan vere ei god utdanning av eiga fotballforståing å verte ein fast domar for eit lag i barnegruppa. Klubben ønskjer også å tilby gruppa av domarar eigne fora kor fokus vil vere på domargjerninga innan fotballen. 19